ଓଂ ଶଂ ନୋ॑ ମି॒ତ୍ରଶ୍ଶଂ-ଵଁରୁ॑ଣଃ । ଶଂ ନୋ॑ ଭଵତ୍ଵର୍ୟ॒ମା । ଶଂ ନ॒ ଇଂଦ୍ରୋ॒ ବୃହ॒ସ୍ପତିଃ॑ । ଶଂ ନୋ॒ ଵିଷ୍ଣୁ॑ରୁରୁକ୍ର॒ମଃ । ନମୋ॒ ବ୍ରହ୍ମ॑ଣେ । ନମ॑ସ୍ତେ ଵାୟୋ । ତ୍ଵମେ॒ଵ ପ୍ର॒ତ୍ୟକ୍ଷଂ॒ ବ୍ରହ୍ମା॑ସି । ତ୍ଵମେ॒ଵ ପ୍ର॒ତ୍ୟକ୍ଷଂ॒ ବ୍ରହ୍ମ॑ ଵଦିଷ୍ୟାମି । ଋ॒ତଂ-ଵଁ॑ଦିଷ୍ୟାମି । ସ॒ତ୍ୟଂ-ଵଁ॑ଦିଷ୍ୟାମି । ତନ୍ମାମ॑ଵତୁ । ତଦ୍ଵ॒କ୍ତାର॑ମଵତୁ । ଅଵ॑ତୁ॒ ମାମ୍ । ଅଵ॑ତୁ ଵ॒କ୍ତାରମ୍᳚ ।
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥ 1 ॥
ଶଂ ନୋ॑ ମି॒ତ୍ରଶ୍ଶଂ-ଵଁରୁ॑ଣଃ । ଶଂ ନୋ॑ ଭଵତ୍ଵର୍ୟ॒ମା । ଶଂ ନ॒ ଇଂଦ୍ରୋ॒ ବୃହ॒ସ୍ପତିଃ॑ । ଶଂ ନୋ॒ ଵିଷ୍ଣୁ॑ରୁରୁକ୍ର॒ମଃ । ନମୋ॒ ବ୍ରହ୍ମ॑ଣେ । ନମ॑ସ୍ତେ ଵାୟୋ । ତ୍ଵମେ॒ଵ ପ୍ର॒ତ୍ୟକ୍ଷଂ॒ ବ୍ରହ୍ମା॑ସି । ତ୍ଵାମେ॒ଵ ପ୍ର॒ତ୍ୟକ୍ଷଂ॒ ବ୍ରହ୍ମାଵା॑ଦିଷମ୍ । ଋ॒ତମ॑ଵାଦିଷମ୍ । ସ॒ତ୍ୟମ॑ଵାଦିଷମ୍ । ତନ୍ମାମା॑ଵୀତ୍ । ତଦ୍ଵ॒କ୍ତାର॑ମାଵୀତ୍ । ଆଵୀ॒ନ୍ମାମ୍ । ଆଵୀ᳚ଦ୍ଵ॒କ୍ତାରମ୍᳚ ।
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥ 2 ॥
ଓଂ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟଂ॑ କରଵାଵହୈ । ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ।
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥ 3 ॥
ନମୋ॑ ଵା॒ଚେ ୟା ଚୋ॑ଦି॒ତା ୟା ଚାନୁ॑ଦିତା॒ ତସ୍ୟୈ॑ ଵା॒ଚେ ନମୋ॒
ନମୋ॑ ଵା॒ଚେ ନମୋ॑ ଵା॒ଚସ୍ପତ॑ୟେ॒ ନମ॒ ଋଷି॑ଭ୍ୟୋ ମଂତ୍ର॒କୃଦ୍ଭ୍ୟୋ॒ ମଂତ୍ର॑ପତିଭ୍ୟୋ॒
ମା ମାମୃଷ॑ୟୋ ମଂତ୍ର॒କୃତୋ॑ ମଂତ୍ର॒ପତ॑ୟଃ॒ ପରା॑ଦୁ॒ର୍ମା-ଽହମୃଷୀ᳚ନ୍ ମଂତ୍ର॒କୃତୋ॑
ମଂତ୍ର॒ପତୀ॒ନ୍ ପରା॑ଦାଂ-ଵୈଁଶ୍ଵଦେ॒ଵୀଂ-ଵାଁଚ॑ମୁଦ୍ୟାସଗ୍ମ୍ ଶି॒ଵା ମଦ॑ସ୍ତାଂ॒ଜୁଷ୍ଟାଂ᳚
ଦେ॒ଵେଭ୍ୟଃ॒ ଶର୍ମ॑ ମେ॒ ଦ୍ୟୌଃ ଶର୍ମ॑ ପୃଥି॒ଵୀ ଶର୍ମ॒ ଵିଶ୍ଵ॑ମି॒ଦଂ ଜଗ॑ତ୍ ।
ଶର୍ମ॑ ଚଂ॒ଦ୍ରଶ୍ଚ॒ ସୂର୍ୟ॑ଶ୍ଚ॒ ଶର୍ମ॑ ବ୍ରହ୍ମ ପ୍ରଜାପ॒ତୀ ।
ଭୂ॒ତଂ-ଵଁ॑ଦିଷ୍ୟେ॒ ଭୁଵ॑ନଂ-ଵଁଦିଷ୍ୟେ॒ ତେଜୋ॑ ଵଦିଷ୍ୟେ॒ ୟଶୋ॑ ଵଦିଷ୍ୟେ॒ ତପୋ॑ ଵଦିଷ୍ୟେ॒
ବ୍ରହ୍ମ॑ ଵଦିଷ୍ୟେ ସ॒ତ୍ୟଂ-ଵଁ॑ଦିଷ୍ୟେ॒ ତସ୍ମା॑ ଅ॒ହମି॒ଦ-ମୁ॑ପ॒ସ୍ତର॑ଣ॒-ମୁପ॑ସ୍ତୃଣ
ଉପ॒ସ୍ତର॑ଣଂ ମେ ପ୍ର॒ଜାୟୈ॑ ପଶୂ॒ନାଂ ଭୂ॑ୟାଦୁପ॒ସ୍ତର॑ଣମ॒ହଂ ପ୍ର॒ଜାୟୈ॑ ପଶୂ॒ନାଂ
ଭୂ॑ୟାସଂ॒ ପ୍ରାଣା॑ପାନୌ ମୃ॒ତ୍ୟୋର୍ମା॑ପାତଂ॒ ପ୍ରାଣା॑ପାନୌ॒ ମା ମା॑ ହାସିଷ୍ଟଂ॒ ମଧୁ॑
ମନିଷ୍ୟେ॒ ମଧୁ॑ ଜନିଷ୍ୟେ॒ ମଧୁ॑ ଵକ୍ଷ୍ୟାମି॒ ମଧୁ॑ ଵଦିଷ୍ୟାମି॒ ମଧୁ॑ମତୀଂ ଦେ॒ଵେଭ୍ୟୋ॒
ଵାଚ॑ମୁଦ୍ୟାସଗ୍ମ୍ ଶୁଶ୍ରୂ॒ଷେଣ୍ୟାଂ᳚ ମନୁ॒ଷ୍ୟେ᳚ଭ୍ୟ॒ସ୍ତଂ ମା॑ ଦେ॒ଵା ଅ॑ଵଂତୁ
ଶୋ॒ଭାୟୈ॑ ପି॒ତରୋଽନୁ॑ମଦଂତୁ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥ 4 ॥
ଶନ୍ନୋ॒ ଵାତଃ॑ ପଵତାଂ ମାତ॒ରିଶ୍ଵା॒ ଶନ୍ନ॑ ସ୍ତପତୁ॒ ସୂର୍ୟଃ॑ ।
ଅହା॑ନି॒ ଶଂ ଭ॑ଵଂତୁ ନ॒ ଶ୍ଶଗ୍ମ୍ ରାତ୍ରିଃ॒ ପ୍ରତି॑ଧୀୟତାମ୍ ॥
ଶମୁ॒ଷା ନୋ॒ ଵ୍ୟୁ॑ଚ୍ଛତୁ॒ ଶମା॑ଦି॒ତ୍ୟ ଉଦେ॑ତୁ ନଃ ।
ଶି॒ଵା ନ॒ ଶ୍ଶଂତ॑ମାଭଵ ସୁମୃଡୀ॒କା ସର॑ସ୍ଵତି । ମାତେ॒ ଵ୍ୟୋ॑ମ ସଂ॒ଦୃଶି॑ ॥ 1
ଇଡା॑ୟୈ॒ ଵାସ୍ତ୍ଵ॑ସି ଵାସ୍ତୁ॒ମଦ୍ଵା᳚ସ୍ତୁ॒ମଂତୋ॑ ଭୂୟାସ୍ମ॒ ମା ଵାସ୍ତୋ᳚ଶ୍ଛିଥ୍ସ୍
ମହ୍ୟଵା॒ସ୍ତୁ ସ୍ସ ଭୂ॑ୟା॒ଦ୍ ୟୋ᳚ଽସ୍ମାନ୍ ଦ୍ଵେଷ୍ଟି॒ ୟଂ ଚ॑ ଵ॒ୟଂ ଦ୍ଵି॒ଷ୍ମଃ ॥
ପ୍ର॒ତି॒ଷ୍ଠାଽସି॑ ପ୍ରତି॒ଷ୍ଠାଵଂ॑ତୋ ଭୂୟାସ୍ମ॒ ମା ପ୍ର॑ତି॒ଷ୍ଠାୟା᳚ଛିଥ୍ସ୍ ମହ୍ୟ
ପ୍ରତି॒ଷ୍ଠସ୍ସ ଭୂ॑ୟା॒ଦ୍ ୟୋ᳚ଽସ୍ମାନ୍ ଦ୍ଵେଷ୍ଟି॒ ୟଂ ଚ॑ ଵ॒ୟଂ ଦ୍ଵି॒ଷ୍ମଃ ॥ 2
ଆଵା॑ତ ଵାହି ଭେଷ॒ଜଂ-ଵିଁଵା॑ତ-ଵାହି॒ ୟଦ୍ରପଃ॑ ।
ତ୍ଵଗ୍ମ୍ହି ଵି॒ଶ୍ଵଭେ॑ଷଜୋ ଦେ॒ଵାନାଂ᳚ ଦୂ॒ତ ଈୟ॑ସେ ॥
ଦ୍ଵାଵି॒ମୌ ଵାତୌ॑ ଵାତ॒ ଆସିଂଧୋ॒ରା ପ॑ରା॒ଵତଃ॑ ।
ଦକ୍ଷଂ॑ ମେ ଅ॒ନ୍ୟ ଆ॒ଵାତୁ॒ ପରା॒ଽନ୍ୟୋ ଵା॑ତୁ॒ ୟଦ୍ରପଃ॑ ॥
ୟଦ॒ଦୋ ଵା॑ତ ତେ ଗୃ॒ହେ॑ଽମୃତ॑ସ୍ୟ ନି॒ଧିର୍ହି॒ତଃ ।
ତତୋ॑ ନୋ ଦେହି ଜୀ॒ଵସେ॒ ତତୋ॑ ନୋ ଧେହି ଭେଷ॒ଜମ୍ ।
ତତୋ॑ ନୋ॒ ମହ॒ ଆଵ॑ହ॒ ଵାତ॒ ଆଵା॑ତୁ ଭେଷ॒ଜମ୍ ॥
ଶଂ॒ଭୂର୍-ମ॑ୟୋ॒ଭୂର୍-ନୋ॑ ହୃ॒ଦେ ପ୍ରଣ॒ ଆୟୁଗ୍ମ୍॑ଷି ତାରିଷତ୍ । ଇଂଦ୍ର॑ସ୍ୟ ଗୃ॒ହୋ॑ଽସି॒ ତଂ ତ୍ଵା॒ ପ୍ର॑ପଦ୍ୟେ॒ ସଗୁ॒ସ୍ସାଶ୍ଵଃ॑ । ସ॒ହ ୟନ୍ମେ॒ ଅସ୍ତି॒ ତେନ॑ ॥ 3
ଭୂଃ ପ୍ରପ॑ଦ୍ୟେ॒ ଭୁଵଃ॒ ପ୍ରପ॑ଦ୍ୟେ॒ ସୁଵଃ॒ ପ୍ରପ॑ଦ୍ୟେ॒ ଭୂର୍ଭୁଵ॒ସ୍ସୁଵଃ॒ ପ୍ରପ॑ଦ୍ୟେ ଵା॒ୟୁଂ
ପ୍ରପ॒ଦ୍ୟେଽନା᳚ର୍ତାଂ ଦେ॒ଵତାଂ॒ ପ୍ରପ॒ଦ୍ୟେ-ଽଶ୍ମା॑ନମାଖ॒ଣଂ ପ୍ରପ॑ଦ୍ୟେ ପ୍ର॒ଜାପ॑ତେର୍
ବ୍ରହ୍ମକୋ॒ଶଂ ବ୍ରହ୍ମ॒ ପ୍ରପ॑ଦ୍ୟ॒ ଓଂ ପ୍ରପ॑ଦ୍ୟେ ॥
ଅଂ॒ତରି॑କ୍ଷଂ ମ ଉ॒ର୍ଵଂ॑ତରଂ॑ ବୃ॒ହଦ॒ଗ୍ନୟଃ॒ ପର୍ଵ॑ତାଶ୍ଚ॒ ୟୟା॒ ଵାତଃ॑ ସ୍ଵ॒ସ୍ତ୍ୟା
ସ୍ଵ॑ସ୍ତି॒ମାଂତୟା᳚ ସ୍ଵ॒ସ୍ତ୍ୟା ସ୍ଵ॑ସ୍ତି॒ ମାନ॑ସାନି ॥
ପ୍ରାଣା॑ପାନୌ ମୃ॒ତ୍ୟୋର୍ ମା॑ ପାତଂ॒ ପ୍ରାଣା॑ପାନୌ॒ ମା ମା॑ ହାସିଷ୍ଟଂ॒ ମୟି॑ ମେ॒ଧାଂ ମୟି॑ ପ୍ର॒ଜାଂ ମୟ୍ୟ॒ଗ୍ନି ସ୍ତେଜୋ॑ ଦଧାତୁ॒
ମୟି॑ ମେ॒ଧାଂ ମୟି॑ ପ୍ର॒ଜାଂ ମୟୀଂଦ୍ର॑ ଇଂଦ୍ରି॒ୟଂ ଦ॑ଧାତୁ॒
ମୟି॑ ମେ॒ଧାଂ ମୟି॑ ପ୍ର॒ଜାଂ ମୟି॒ ସୂର୍ୟୋ॒ ଭ୍ରାଜୋ॑ ଦଧାତୁ ॥ 4
ଦ୍ୟୁ॒ଭିର॒କ୍ତୁଭିଃ॒ ପରି॑ପାତ-ମ॒ସ୍ମା-ନରି॑ଷ୍ଟେଭିରଶ୍ଵିନା॒ ସୌଭ॑ଗେଭିଃ ।
ତନ୍ନୋ॑ ମି॒ତ୍ରୋ ଵରୁ॑ଣୋ ମାମହଂତା॒-ମଦି॑ତିଃ॒-ସିଂଧୁଃ॑ ପୃଥି॒ଵୀ ଉ॒ତଦ୍ୟୌଃ ॥
କୟା॑ନଶ୍ଚି॒ତ୍ର ଆଭୁ॑ଵ ଦୂ॒ତୀ ସ॒ଦାଵୃ॑ଧ॒ ସ୍ସଖା᳚ । କୟା॒ଶଚି॑ଷ୍ଠୟା ଵୃ॒ତା ॥
କସ୍ତ୍ଵା॑ ସ॒ତ୍ୟୋ ମଦା॑ନାଂ॒ ମଗ୍ମ୍ହି॑ଷ୍ଠୋ ମଥ୍ସ॒ଦଂଧ॑ସଃ ।
ଦୃ॒ଢା-ଚି॑ଦା॒-ରୁଜେ॒-ଵସୁ॑ ॥
ଅ॒ଭୀଷୁଣ॒ ସ୍ସଖୀ॑ନା-ମଵି॒ତା-ଜ॑ରିତ୍-ୠ॒ଣାମ୍ । ଶ॒ତଂ ଭ॑ଵାସ୍ୟୂ॒ତିଭିଃ॑ ॥
ଵୟ॑ସ୍ସୁପ॒ର୍ଣା ଉପ॑ସେଦୁ॒ରିଂଦ୍ରଂ॑ ପ୍ରି॒ୟମେ॑ଧା॒ ଋଷ॑ୟୋ॒ ନାଧ॑ମାନାଃ ।
ଅପ॑ଦ୍ଧ୍ଵାଂ॒ତମୂ᳚ର୍ଣୁ॒ହି ପୂ॒ର୍ଧିଚକ୍ଷୁ॑ର୍ ମୁମୁ॒ଗ୍ଧ୍ୟ॑ସ୍ମା-ନ୍ନି॒ଧୟେ॑ଵ ବ॒ଦ୍ଧାନ୍ ॥
ଶନ୍ନୋ॑ ଦେ॒ଵୀର॒ଭିଷ୍ଟ॑ୟ॒ ଆପୋ॑ ଭଵଂତୁ ପୀ॒ତୟେ᳚ । ଶଂୟୋଁ-ର॒ଭିସ୍ର॑ଵଂତୁନଃ ॥
ଈଶା॑ନା॒ ଵାର୍ୟା॑ଣାଂ॒ କ୍ଷୟଂ॑ତୀ ଶ୍ଚର୍ଷଣୀ॒ନାମ୍ । ଅ॒ପୋ ୟା॑ଚାମି ଭେଷ॒ଜମ୍ ॥
ସୁ॒ମି॒ତ୍ରାନ॒ ଆପ॒ ଓଷ॑ଧୟ ସ୍ସଂତୁ ଦୁର୍ମି॒ତ୍ରାସ୍ତସ୍ମୈ॑ ଭୂୟା-ସୁ॒ର୍ୟୋ᳚ଽସ୍ମାନ୍
ଦ୍ଵେଷ୍ଟି॒ ୟଂ ଚ॑ ଵ॒ୟଂ ଦ୍ଵି॒ଷ୍ମଃ ॥ 5
ଆପୋ॒ହିଷ୍ଠା ମ॑ୟୋ॒ଭୁଵ॒-ସ୍ତାନ॑ ଊ॒ର୍ଜେ ଦ॑ଧାତନ । ମ॒ହେ ରଣା॑ୟ॒ ଚକ୍ଷ॑ସେ ।
ୟୋ ଵଃ॑ ଶି॒ଵତ॑ମୋ॒ ରସ॒ସ୍ତସ୍ୟ॑ ଭାଜୟତେ॒ହ ନଃ॑ । ଉ॒ଶ॒ତୀରି॑ଵ ମା॒ତରଃ॑ ।
ତସ୍ମା॒ ଅରଂ॑ ଗମାମଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ । ଆପୋ॑ ଜ॒ନୟ॑ଥା ଚନଃ ॥
ପୃ॒ଥି॒ଵୀ ଶାଂ॒ତା ସାଽଗ୍ନିନା॑ ଶାଂ॒ତା ସା ମେ॑ ଶାଂ॒ତା ଶୁଚଗ୍ମ୍॑ ଶମୟତୁ ।
ଅଂ॒ତରି॑କ୍ଷଗ୍ମ୍ ଶାଂ॒ତଂ ତଦ୍ ଵା॒ୟୁନା॑ ଶାଂ॒ତଂ ତନ୍ମେ॑ ଶାଂ॒ତଗ୍ମ୍ ଶୁଚଗ୍ମ୍॑ ଶମୟତୁ ।
ଦ୍ୟୌଃ ଶାଂ॒ତା ସାଽଽଦି॒ତ୍ୟେନ॑ ଶାଂ॒ତା ସା ମେ॑ ଶାଂ॒ତା ଶୁଚଗ୍ମ୍॑ ଶମୟତୁ ॥ 6
ପୃ॒ଥି॒ଵୀ ଶାଂତି॑ରଂ॒ତରି॑କ୍ଷ॒ଗ୍ମ୍॒ ଶାଂତି॒ର୍ ଦ୍ୟୌ ଶ୍ଶାଂତି॒ର୍ ଦିଶଃ॒ ଶାଂତି॑-ରଵାଂତରଦି॒ଶାଃ-ଶାଂତି॑-ର॒ଗ୍ନିଶ୍ଶାଂତି॑ର୍-ଵା॒ୟୁଶ୍ଶାଂତି॑-ରାଦି॒ତ୍ୟ ଶ୍ଶାଂତି॑-
ଶ୍ଚଂ॒ଦ୍ରମା॒ ଶ୍ଶାଂତି॒ର୍-ନକ୍ଷ॑ତ୍ରାଣି॒ ଶାଂତି॒-ରାପ॒ଶ୍ଶାଂତି॒-ରୋଷ॑ଧୟ॒ ଶ୍ଶାଂତି॒ର୍-
ଵନ॒ସ୍ପତ॑ୟ॒ ଶ୍ଶାଂତି॒ର୍-ଗୌ ଶ୍ଶାଂତି॑-ର॒ଜା ଶାଂତି॒-ରଶ୍ଵ॒ ଶ୍ଶାଂତିଃ॒ ପୁରୁ॑ଷ॒ ଶ୍ଶାଂତି॒ର୍ ବ୍ରହ୍ମ॒ ଶାଂତି॑ର୍ ବ୍ରାହ୍ମ॒ଣ ଶ୍ଶାଂତି॒-ଶ୍ଶାଂତି॑-ରେ॒ଵ ଶାଂତି॒ ଶ୍ଶାଂତି॑ର୍ ମେ ଅସ୍ତୁ ଶାଂତିଃ॑ ॥
ତୟା॒ଽହଗ୍ମ୍ ଶାଂ॒ତ୍ୟା ସ॑ର୍ଵ ଶାଂ॒ତ୍ୟା ମହ୍ୟଂ॑ ଦ୍ଵି॒ପଦେ॒ ଚତୁ॑ଷ୍ପଦେ ଚ॒
ଶାଂତିଂ॑ କରୋମି॒ ଶାଂତି॑ର୍ ମେ ଅସ୍ତୁ॒ ଶାଂତିଃ॑ ॥ 7
ଏହ॒ ଶ୍ରୀଶ୍ଚ॒ ହ୍ରୀଶ୍ଚ॒ ଧୃତି॑ଶ୍ଚ॒ ତପୋ॑ ମେ॒ଧା ପ୍ର॑ତି॒ଷ୍ଠା ଶ୍ର॒ଦ୍ଧା ସ॒ତ୍ୟଂ ଧର୍ମ॑ଶ୍ଚୈ॒ତାନି॒
ମୋତ୍ତି॑ଷ୍ଠଂତ॒-ମନୂତ୍ତି॑ଷ୍ଠଂତୁ॒ ମାମା॒ଗ୍ଗ୍॒ ଶ୍ରୀଶ୍ଚ॒ ହ୍ରୀଶ୍ଚ॒ ଧୃତି॑ଶ୍ଚ॒ ତପୋ॑ ମେ॒ଧା ପ୍ର॑ତି॒ଷ୍ଠା
ଶ୍ର॒ଦ୍ଧା ସ॒ତ୍ୟଂ ଧର୍ମ॑ଶ୍ଚୈ॒ତାନି॑ ମା॒ ମା ହା॑ସିଷୁଃ ॥
ଉଦାୟୁ॑ଷା ସ୍ଵା॒ୟୁଷୋ-ଦୋଷ॑ଧୀନା॒ଗ୍ମ୍॒ ରସେ॒ନୋତ୍ ପ॒ର୍ଜନ୍ୟ॑ସ୍ୟ॒ ଶୁଷ୍ମେ॒ଣୋଦ॑ସ୍ଥା-
ମ॒ମୃତା॒ଗ୍ମ୍॒ ଅନୁ॑ ॥ ତଚ୍ଚକ୍ଷୁ॑ର୍ ଦେ॒ଵହି॑ତଂ ପୁ॒ରସ୍ତା᳚-ଚ୍ଛୁ॒କ୍ରମୁ॒ଚ୍ଚର॑ତ୍ ॥ 8
ପଶ୍ୟେ॑ମ ଶ॒ରଦ॑ଶ୍ଶ॒ତଂ ଜୀଵେ॑ମ ଶ॒ରଦ॑ଶ୍ଶ॒ତଂ ନଂଦା॑ମ ଶ॒ରଦ॑ଶ୍ଶ॒ତଂ ମୋଦା॑ମ
ଶ॒ରଦ॑ଶ୍ଶ॒ତଂ ଭଵା॑ମ ଶ॒ରଦ॑ଶ୍ଶ॒ତଗ୍ମ୍ ଶୃ॒ଣଵା॑ମ ଶ॒ରଦ॑ଶ୍ଶ॒ତଂ ପ୍ରବ୍ର॑ଵାମ
ଶ॒ରଦ॑ଶ୍ଶ॒ତ-ମଜୀ॑ତାସ୍ୟାମ ଶ॒ରଦ॑ଶ୍ଶ॒ତଂ ଜୋକ୍ଚ॒ ସୂର୍ୟଂ॑ ଦୃ॒ଶେ ॥
ୟ ଉଦ॑ଗାନ୍ ମହ॒ତୋଽର୍ଣଵା᳚ନ୍ ଵି॒ବ୍ରାଜ॑ମାନ-ସ୍ସରି॒ରସ୍ୟ॒ ମଦ୍ଧ୍ୟା॒ଥ୍ସ ମା॑
ଵୃଷ॒ଭୋ ଲୋ॑ହିତା॒କ୍ଷ ସ୍ସୂର୍ୟୋ॑ ଵିପ॒ଶ୍ଚିନ୍ ମନ॑ସା ପୁନାତୁ ॥ 9
ବ୍ରହ୍ମ॑ଣ॒ଶ୍ଚୋତ॑ନ୍ୟସି॒ ବ୍ରହ୍ମ॑ଣ ଆ॒ଣୀସ୍ଥୋ॒ ବ୍ରହ୍ମ॑ଣ ଆ॒ଵପ॑ନମସି ଧାରି॒ତେୟଂ
ପୃ॑ଥି॒ଵୀ ବ୍ରହ୍ମ॑ଣା ମ॒ହୀ ଧା॑ରି॒ତ-ମେ॑ନେନ ମ॒ହଦଂ॒ତରି॑କ୍ଷଂ॒ ଦିଵଂ॑ ଦାଧାର
ପୃଥି॒ଵୀଗ୍ମ୍ ସଦେ॑ଵାଂ॒ୟଁଦ॒ହଂଵେଁଦ॒ ତଦ॒ହଂ ଧା॑ରୟାଣି॒ ମାମଦ୍ଵେଦୋଽଧି॒ ଵିସ୍ର॑ସତ୍ ।
ମେ॒ଧା॒ମ॒ନୀ॒ଷେ ମାଵି॑ଶତାଗ୍ମ୍ ସ॒ମୀଚୀ॑ ଭୂ॒ତସ୍ୟ॒ ଭଵ୍ୟ॒ସ୍ୟାଵ॑ରୁଦ୍ଧ୍ୟୈ॒
ସର୍ଵ॒ମାୟୁ॑ରୟାଣି॒ ସର୍ଵ॒ମାୟୁ॑ରୟାଣି ॥ 10
ଆ॒ଭିର୍ ଗୀ॒ର୍ଭିର୍ ୟଦତୋ॑ନ ଊ॒ନମାପ୍ୟା॑ୟୟ ହରିଵୋ॒ ଵର୍ଧ॑ମାନଃ ।
ୟ॒ଦା ସ୍ତୋ॒ତୃଭ୍ୟୋ॒ ମହି॑ ଗୋ॒ତ୍ରା ରୁ॒ଜାସି॑ ଭୂୟିଷ୍ଠ॒ଭାଜୋ॒ ଅଧ॑ତେ ଶ୍ୟାମ ।
ବ୍ରହ୍ମ॒ ପ୍ରାଵା॑ଦିଷ୍ମ॒ ତନ୍ନୋ॒ ମାହା॑ସୀତ୍ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥ 5 ॥
