ଶ୍ରଦ୍ଧା ସୂକ୍ତମ୍

ଶ୍ର॒ଦ୍ଧାୟା॒ଽଗ୍ନିଃ ସମି॑ଧ୍ୟତେ ।
ଶ୍ର॒ଦ୍ଧୟା॑ ଵିଂଦତେ ହ॒ଵିଃ ।
ଶ୍ର॒ଦ୍ଧାଂ ଭଗ॑ସ୍ୟ ମୂ॒ର୍ଧନି॑ ।
ଵଚ॒ସାଽଽଵେ॑ଦୟାମସି ।
ପ୍ରି॒ୟଗ୍ଗ୍ ଶ୍ର॑ଦ୍ଧେ॒ ଦଦ॑ତଃ ।
ପ୍ରି॒ୟଗ୍ଗ୍ ଶ୍ର॑ଦ୍ଧେ॒ ଦିଦା॑ସତଃ ।
ପ୍ରି॒ୟଂ ଭୋ॒ଜେଷୁ॒ ୟଜ୍ଵ॑ସୁ ॥

ଇ॒ଦଂ ମ॑ ଉଦି॒ତଂ କୃ॑ଧି ।
ୟଥା॑ ଦେ॒ଵା ଅସୁ॑ରେଷୁ ।
ଶ୍ର॒ଦ୍ଧାମୁ॒ଗ୍ରେଷୁ॑ ଚକ୍ରି॒ରେ ।
ଏ॒ଵଂ ଭୋ॒ଜେଷୁ॒ ୟଜ୍ଵ॑ସୁ ।
ଅ॒ସ୍ମାକ॑ମୁଦି॒ତଂ କୃ॑ଧି ।
ଶ୍ର॒ଦ୍ଧାଂ ଦେ॑ଵା॒ ୟଜ॑ମାନାଃ ।
ଵା॒ୟୁଗୋ॑ପା॒ ଉପା॑ସତେ ।
ଶ୍ର॒ଦ୍ଧାଗ୍ମ୍ ହୃ॑ଦ॒ୟ୍ୟ॑ୟାଽଽକୂ᳚ତ୍ୟା ।
ଶ୍ର॒ଦ୍ଧୟା॑ ହୂୟତେ ହ॒ଵିଃ ।
ଶ୍ର॒ଦ୍ଧାଂ ପ୍ରା॒ତର୍ହ॑ଵାମହେ ॥

ଶ୍ର॒ଦ୍ଧାଂ ମ॒ଧ୍ୟଂଦି॑ନଂ॒ ପରି॑ ।
ଶ୍ର॒ଦ୍ଧାଗ୍ମ୍ ସୂର୍ୟ॑ସ୍ୟ ନି॒ମୃଚି॑ ।
ଶ୍ରଦ୍ଧେ॒ ଶ୍ରଦ୍ଧା॑ପୟେ॒ହ ମା᳚ ।
ଶ୍ର॒ଦ୍ଧା ଦେ॒ଵାନଧି॑ଵସ୍ତେ ।
ଶ୍ର॒ଦ୍ଧା ଵିଶ୍ଵ॑ମି॒ଦଂ ଜଗ॑ତ୍ ।
ଶ୍ର॒ଦ୍ଧାଂ କାମ॑ସ୍ୟ ମା॒ତରମ୍᳚ ।
ହ॒ଵିଷା॑ ଵର୍ଧୟାମସି ।

Browse Related Categories: