ઓં શં નો॑ મિ॒ત્રશ્શં-વઁરુ॑ણઃ । શં નો॑ ભવત્વર્ય॒મા । શં ન॒ ઇંદ્રો॒ બૃહ॒સ્પતિઃ॑ । શં નો॒ વિષ્ણુ॑રુરુક્ર॒મઃ । નમો॒ બ્રહ્મ॑ણે । નમ॑સ્તે વાયો । ત્વમે॒વ પ્ર॒ત્યક્ષં॒ બ્રહ્મા॑સિ । ત્વમે॒વ પ્ર॒ત્યક્ષં॒ બ્રહ્મ॑ વદિષ્યામિ । ઋ॒તં-વઁ॑દિષ્યામિ । સ॒ત્યં-વઁ॑દિષ્યામિ । તન્મામ॑વતુ । તદ્વ॒ક્તાર॑મવતુ । અવ॑તુ॒ મામ્ । અવ॑તુ વ॒ક્તારમ્᳚ ।
ઓં શાંતિઃ॒ શાંતિઃ॒ શાંતિઃ॑ ॥ 1 ॥
શં નો॑ મિ॒ત્રશ્શં-વઁરુ॑ણઃ । શં નો॑ ભવત્વર્ય॒મા । શં ન॒ ઇંદ્રો॒ બૃહ॒સ્પતિઃ॑ । શં નો॒ વિષ્ણુ॑રુરુક્ર॒મઃ । નમો॒ બ્રહ્મ॑ણે । નમ॑સ્તે વાયો । ત્વમે॒વ પ્ર॒ત્યક્ષં॒ બ્રહ્મા॑સિ । ત્વામે॒વ પ્ર॒ત્યક્ષં॒ બ્રહ્માવા॑દિષમ્ । ઋ॒તમ॑વાદિષમ્ । સ॒ત્યમ॑વાદિષમ્ । તન્મામા॑વીત્ । તદ્વ॒ક્તાર॑માવીત્ । આવી॒ન્મામ્ । આવી᳚દ્વ॒ક્તારમ્᳚ ।
ઓં શાંતિઃ॒ શાંતિઃ॒ શાંતિઃ॑ ॥ 2 ॥
ઓં સ॒હ ના॑વવતુ । સ॒હ નૌ॑ ભુનક્તુ । સ॒હ વી॒ર્યં॑ કરવાવહૈ । તે॒જ॒સ્વિના॒વધી॑તમસ્તુ॒ મા વિ॑દ્વિષા॒વહૈ᳚ ।
ઓં શાંતિઃ॒ શાંતિઃ॒ શાંતિઃ॑ ॥ 3 ॥
નમો॑ વા॒ચે યા ચો॑દિ॒તા યા ચાનુ॑દિતા॒ તસ્યૈ॑ વા॒ચે નમો॒
નમો॑ વા॒ચે નમો॑ વા॒ચસ્પત॑યે॒ નમ॒ ઋષિ॑ભ્યો મંત્ર॒કૃદ્ભ્યો॒ મંત્ર॑પતિભ્યો॒
મા મામૃષ॑યો મંત્ર॒કૃતો॑ મંત્ર॒પત॑યઃ॒ પરા॑દુ॒ર્મા-ઽહમૃષી᳚ન્ મંત્ર॒કૃતો॑
મંત્ર॒પતી॒ન્ પરા॑દાં-વૈઁશ્વદે॒વીં-વાઁચ॑મુદ્યાસગ્મ્ શિ॒વા મદ॑સ્તાં॒જુષ્ટાં᳚
દે॒વેભ્યઃ॒ શર્મ॑ મે॒ દ્યૌઃ શર્મ॑ પૃથિ॒વી શર્મ॒ વિશ્વ॑મિ॒દં જગ॑ત્ ।
શર્મ॑ ચં॒દ્રશ્ચ॒ સૂર્ય॑શ્ચ॒ શર્મ॑ બ્રહ્મ પ્રજાપ॒તી ।
ભૂ॒તં-વઁ॑દિષ્યે॒ ભુવ॑નં-વઁદિષ્યે॒ તેજો॑ વદિષ્યે॒ યશો॑ વદિષ્યે॒ તપો॑ વદિષ્યે॒
બ્રહ્મ॑ વદિષ્યે સ॒ત્યં-વઁ॑દિષ્યે॒ તસ્મા॑ અ॒હમિ॒દ-મુ॑પ॒સ્તર॑ણ॒-મુપ॑સ્તૃણ
ઉપ॒સ્તર॑ણં મે પ્ર॒જાયૈ॑ પશૂ॒નાં ભૂ॑યાદુપ॒સ્તર॑ણમ॒હં પ્ર॒જાયૈ॑ પશૂ॒નાં
ભૂ॑યાસં॒ પ્રાણા॑પાનૌ મૃ॒ત્યોર્મા॑પાતં॒ પ્રાણા॑પાનૌ॒ મા મા॑ હાસિષ્ટં॒ મધુ॑
મનિષ્યે॒ મધુ॑ જનિષ્યે॒ મધુ॑ વક્ષ્યામિ॒ મધુ॑ વદિષ્યામિ॒ મધુ॑મતીં દે॒વેભ્યો॒
વાચ॑મુદ્યાસગ્મ્ શુશ્રૂ॒ષેણ્યાં᳚ મનુ॒ષ્યે᳚ભ્ય॒સ્તં મા॑ દે॒વા અ॑વંતુ
શો॒ભાયૈ॑ પિ॒તરોઽનુ॑મદંતુ ॥
ઓં શાંતિઃ॒ શાંતિઃ॒ શાંતિઃ॑ ॥ 4 ॥
શન્નો॒ વાતઃ॑ પવતાં માત॒રિશ્વા॒ શન્ન॑ સ્તપતુ॒ સૂર્યઃ॑ ।
અહા॑નિ॒ શં ભ॑વંતુ ન॒ શ્શગ્મ્ રાત્રિઃ॒ પ્રતિ॑ધીયતામ્ ॥
શમુ॒ષા નો॒ વ્યુ॑ચ્છતુ॒ શમા॑દિ॒ત્ય ઉદે॑તુ નઃ ।
શિ॒વા ન॒ શ્શંત॑માભવ સુમૃડી॒કા સર॑સ્વતિ । માતે॒ વ્યો॑મ સં॒દૃશિ॑ ॥ 1
ઇડા॑યૈ॒ વાસ્ત્વ॑સિ વાસ્તુ॒મદ્વા᳚સ્તુ॒મંતો॑ ભૂયાસ્મ॒ મા વાસ્તો᳚શ્છિથ્સ્
મહ્યવા॒સ્તુ સ્સ ભૂ॑યા॒દ્ યો᳚ઽસ્માન્ દ્વેષ્ટિ॒ યં ચ॑ વ॒યં દ્વિ॒ષ્મઃ ॥
પ્ર॒તિ॒ષ્ઠાઽસિ॑ પ્રતિ॒ષ્ઠાવં॑તો ભૂયાસ્મ॒ મા પ્ર॑તિ॒ષ્ઠાયા᳚છિથ્સ્ મહ્ય
પ્રતિ॒ષ્ઠસ્સ ભૂ॑યા॒દ્ યો᳚ઽસ્માન્ દ્વેષ્ટિ॒ યં ચ॑ વ॒યં દ્વિ॒ષ્મઃ ॥ 2
આવા॑ત વાહિ ભેષ॒જં-વિઁવા॑ત-વાહિ॒ યદ્રપઃ॑ ।
ત્વગ્મ્હિ વિ॒શ્વભે॑ષજો દે॒વાનાં᳚ દૂ॒ત ઈય॑સે ॥
દ્વાવિ॒મૌ વાતૌ॑ વાત॒ આસિંધો॒રા પ॑રા॒વતઃ॑ ।
દક્ષં॑ મે અ॒ન્ય આ॒વાતુ॒ પરા॒ઽન્યો વા॑તુ॒ યદ્રપઃ॑ ॥
યદ॒દો વા॑ત તે ગૃ॒હે॑ઽમૃત॑સ્ય નિ॒ધિર્હિ॒તઃ ।
તતો॑ નો દેહિ જી॒વસે॒ તતો॑ નો ધેહિ ભેષ॒જમ્ ।
તતો॑ નો॒ મહ॒ આવ॑હ॒ વાત॒ આવા॑તુ ભેષ॒જમ્ ॥
શં॒ભૂર્-મ॑યો॒ભૂર્-નો॑ હૃ॒દે પ્રણ॒ આયુગ્મ્॑ષિ તારિષત્ । ઇંદ્ર॑સ્ય ગૃ॒હો॑ઽસિ॒ તં ત્વા॒ પ્ર॑પદ્યે॒ સગુ॒સ્સાશ્વઃ॑ । સ॒હ યન્મે॒ અસ્તિ॒ તેન॑ ॥ 3
ભૂઃ પ્રપ॑દ્યે॒ ભુવઃ॒ પ્રપ॑દ્યે॒ સુવઃ॒ પ્રપ॑દ્યે॒ ભૂર્ભુવ॒સ્સુવઃ॒ પ્રપ॑દ્યે વા॒યું
પ્રપ॒દ્યેઽના᳚ર્તાં દે॒વતાં॒ પ્રપ॒દ્યે-ઽશ્મા॑નમાખ॒ણં પ્રપ॑દ્યે પ્ર॒જાપ॑તેર્
બ્રહ્મકો॒શં બ્રહ્મ॒ પ્રપ॑દ્ય॒ ઓં પ્રપ॑દ્યે ॥
અં॒તરિ॑ક્ષં મ ઉ॒ર્વં॑તરં॑ બૃ॒હદ॒ગ્નયઃ॒ પર્વ॑તાશ્ચ॒ યયા॒ વાતઃ॑ સ્વ॒સ્ત્યા
સ્વ॑સ્તિ॒માંતયા᳚ સ્વ॒સ્ત્યા સ્વ॑સ્તિ॒ માન॑સાનિ ॥
પ્રાણા॑પાનૌ મૃ॒ત્યોર્ મા॑ પાતં॒ પ્રાણા॑પાનૌ॒ મા મા॑ હાસિષ્ટં॒ મયિ॑ મે॒ધાં મયિ॑ પ્ર॒જાં મય્ય॒ગ્નિ સ્તેજો॑ દધાતુ॒
મયિ॑ મે॒ધાં મયિ॑ પ્ર॒જાં મયીંદ્ર॑ ઇંદ્રિ॒યં દ॑ધાતુ॒
મયિ॑ મે॒ધાં મયિ॑ પ્ર॒જાં મયિ॒ સૂર્યો॒ ભ્રાજો॑ દધાતુ ॥ 4
દ્યુ॒ભિર॒ક્તુભિઃ॒ પરિ॑પાત-મ॒સ્મા-નરિ॑ષ્ટેભિરશ્વિના॒ સૌભ॑ગેભિઃ ।
તન્નો॑ મિ॒ત્રો વરુ॑ણો મામહંતા॒-મદિ॑તિઃ॒-સિંધુઃ॑ પૃથિ॒વી ઉ॒તદ્યૌઃ ॥
કયા॑નશ્ચિ॒ત્ર આભુ॑વ દૂ॒તી સ॒દાવૃ॑ધ॒ સ્સખા᳚ । કયા॒શચિ॑ષ્ઠયા વૃ॒તા ॥
કસ્ત્વા॑ સ॒ત્યો મદા॑નાં॒ મગ્મ્હિ॑ષ્ઠો મથ્સ॒દંધ॑સઃ ।
દૃ॒ઢા-ચિ॑દા॒-રુજે॒-વસુ॑ ॥
અ॒ભીષુણ॒ સ્સખી॑ના-મવિ॒તા-જ॑રિત્-ૠ॒ણામ્ । શ॒તં ભ॑વાસ્યૂ॒તિભિઃ॑ ॥
વય॑સ્સુપ॒ર્ણા ઉપ॑સેદુ॒રિંદ્રં॑ પ્રિ॒યમે॑ધા॒ ઋષ॑યો॒ નાધ॑માનાઃ ।
અપ॑દ્ધ્વાં॒તમૂ᳚ર્ણુ॒હિ પૂ॒ર્ધિચક્ષુ॑ર્ મુમુ॒ગ્ધ્ય॑સ્મા-ન્નિ॒ધયે॑વ બ॒દ્ધાન્ ॥
શન્નો॑ દે॒વીર॒ભિષ્ટ॑ય॒ આપો॑ ભવંતુ પી॒તયે᳚ । શંયોઁ-ર॒ભિસ્ર॑વંતુનઃ ॥
ઈશા॑ના॒ વાર્યા॑ણાં॒ ક્ષયં॑તી શ્ચર્ષણી॒નામ્ । અ॒પો યા॑ચામિ ભેષ॒જમ્ ॥
સુ॒મિ॒ત્રાન॒ આપ॒ ઓષ॑ધય સ્સંતુ દુર્મિ॒ત્રાસ્તસ્મૈ॑ ભૂયા-સુ॒ર્યો᳚ઽસ્માન્
દ્વેષ્ટિ॒ યં ચ॑ વ॒યં દ્વિ॒ષ્મઃ ॥ 5
આપો॒હિષ્ઠા મ॑યો॒ભુવ॒-સ્તાન॑ ઊ॒ર્જે દ॑ધાતન । મ॒હે રણા॑ય॒ ચક્ષ॑સે ।
યો વઃ॑ શિ॒વત॑મો॒ રસ॒સ્તસ્ય॑ ભાજયતે॒હ નઃ॑ । ઉ॒શ॒તીરિ॑વ મા॒તરઃ॑ ।
તસ્મા॒ અરં॑ ગમામવો॒ યસ્ય॒ ક્ષયા॑ય॒ જિન્વ॑થ । આપો॑ જ॒નય॑થા ચનઃ ॥
પૃ॒થિ॒વી શાં॒તા સાઽગ્નિના॑ શાં॒તા સા મે॑ શાં॒તા શુચગ્મ્॑ શમયતુ ।
અં॒તરિ॑ક્ષગ્મ્ શાં॒તં તદ્ વા॒યુના॑ શાં॒તં તન્મે॑ શાં॒તગ્મ્ શુચગ્મ્॑ શમયતુ ।
દ્યૌઃ શાં॒તા સાઽઽદિ॒ત્યેન॑ શાં॒તા સા મે॑ શાં॒તા શુચગ્મ્॑ શમયતુ ॥ 6
પૃ॒થિ॒વી શાંતિ॑રં॒તરિ॑ક્ષ॒ગ્મ્॒ શાંતિ॒ર્ દ્યૌ શ્શાંતિ॒ર્ દિશઃ॒ શાંતિ॑-રવાંતરદિ॒શાઃ-શાંતિ॑-ર॒ગ્નિશ્શાંતિ॑ર્-વા॒યુશ્શાંતિ॑-રાદિ॒ત્ય શ્શાંતિ॑-
શ્ચં॒દ્રમા॒ શ્શાંતિ॒ર્-નક્ષ॑ત્રાણિ॒ શાંતિ॒-રાપ॒શ્શાંતિ॒-રોષ॑ધય॒ શ્શાંતિ॒ર્-
વન॒સ્પત॑ય॒ શ્શાંતિ॒ર્-ગૌ શ્શાંતિ॑-ર॒જા શાંતિ॒-રશ્વ॒ શ્શાંતિઃ॒ પુરુ॑ષ॒ શ્શાંતિ॒ર્ બ્રહ્મ॒ શાંતિ॑ર્ બ્રાહ્મ॒ણ શ્શાંતિ॒-શ્શાંતિ॑-રે॒વ શાંતિ॒ શ્શાંતિ॑ર્ મે અસ્તુ શાંતિઃ॑ ॥
તયા॒ઽહગ્મ્ શાં॒ત્યા સ॑ર્વ શાં॒ત્યા મહ્યં॑ દ્વિ॒પદે॒ ચતુ॑ષ્પદે ચ॒
શાંતિં॑ કરોમિ॒ શાંતિ॑ર્ મે અસ્તુ॒ શાંતિઃ॑ ॥ 7
એહ॒ શ્રીશ્ચ॒ હ્રીશ્ચ॒ ધૃતિ॑શ્ચ॒ તપો॑ મે॒ધા પ્ર॑તિ॒ષ્ઠા શ્ર॒દ્ધા સ॒ત્યં ધર્મ॑શ્ચૈ॒તાનિ॒
મોત્તિ॑ષ્ઠંત॒-મનૂત્તિ॑ષ્ઠંતુ॒ મામા॒ગ્ગ્॒ શ્રીશ્ચ॒ હ્રીશ્ચ॒ ધૃતિ॑શ્ચ॒ તપો॑ મે॒ધા પ્ર॑તિ॒ષ્ઠા
શ્ર॒દ્ધા સ॒ત્યં ધર્મ॑શ્ચૈ॒તાનિ॑ મા॒ મા હા॑સિષુઃ ॥
ઉદાયુ॑ષા સ્વા॒યુષો-દોષ॑ધીના॒ગ્મ્॒ રસે॒નોત્ પ॒ર્જન્ય॑સ્ય॒ શુષ્મે॒ણોદ॑સ્થા-
મ॒મૃતા॒ગ્મ્॒ અનુ॑ ॥ તચ્ચક્ષુ॑ર્ દે॒વહિ॑તં પુ॒રસ્તા᳚-ચ્છુ॒ક્રમુ॒ચ્ચર॑ત્ ॥ 8
પશ્યે॑મ શ॒રદ॑શ્શ॒તં જીવે॑મ શ॒રદ॑શ્શ॒તં નંદા॑મ શ॒રદ॑શ્શ॒તં મોદા॑મ
શ॒રદ॑શ્શ॒તં ભવા॑મ શ॒રદ॑શ્શ॒તગ્મ્ શૃ॒ણવા॑મ શ॒રદ॑શ્શ॒તં પ્રબ્ર॑વામ
શ॒રદ॑શ્શ॒ત-મજી॑તાસ્યામ શ॒રદ॑શ્શ॒તં જોક્ચ॒ સૂર્યં॑ દૃ॒શે ॥
ય ઉદ॑ગાન્ મહ॒તોઽર્ણવા᳚ન્ વિ॒બ્રાજ॑માન-સ્સરિ॒રસ્ય॒ મદ્ધ્યા॒થ્સ મા॑
વૃષ॒ભો લો॑હિતા॒ક્ષ સ્સૂર્યો॑ વિપ॒શ્ચિન્ મન॑સા પુનાતુ ॥ 9
બ્રહ્મ॑ણ॒શ્ચોત॑ન્યસિ॒ બ્રહ્મ॑ણ આ॒ણીસ્થો॒ બ્રહ્મ॑ણ આ॒વપ॑નમસિ ધારિ॒તેયં
પૃ॑થિ॒વી બ્રહ્મ॑ણા મ॒હી ધા॑રિ॒ત-મે॑નેન મ॒હદં॒તરિ॑ક્ષં॒ દિવં॑ દાધાર
પૃથિ॒વીગ્મ્ સદે॑વાં॒યઁદ॒હંવેઁદ॒ તદ॒હં ધા॑રયાણિ॒ મામદ્વેદોઽધિ॒ વિસ્ર॑સત્ ।
મે॒ધા॒મ॒ની॒ષે માવિ॑શતાગ્મ્ સ॒મીચી॑ ભૂ॒તસ્ય॒ ભવ્ય॒સ્યાવ॑રુદ્ધ્યૈ॒
સર્વ॒માયુ॑રયાણિ॒ સર્વ॒માયુ॑રયાણિ ॥ 10
આ॒ભિર્ ગી॒ર્ભિર્ યદતો॑ન ઊ॒નમાપ્યા॑યય હરિવો॒ વર્ધ॑માનઃ ।
ય॒દા સ્તો॒તૃભ્યો॒ મહિ॑ ગો॒ત્રા રુ॒જાસિ॑ ભૂયિષ્ઠ॒ભાજો॒ અધ॑તે શ્યામ ।
બ્રહ્મ॒ પ્રાવા॑દિષ્મ॒ તન્નો॒ માહા॑સીત્ ॥
ઓં શાંતિઃ॒ શાંતિઃ॒ શાંતિઃ॑ ॥ 5 ॥
