1. (દેવતા - આદિત્યઃ, અધિદેવતા- અગ્નિઃ, પ્રત્યધિદેવતા - પશુપતિઃ)
ઓં આસ॒ત્યેન॒ રજ॑સા॒ વર્ત॑માનો નિવે॒શય॑ન્ન॒મૃતં॒ મર્ત્યં॑ચ ।
હિ॒ર॒ણ્યયે॑ન સવિ॒તા રથે॒ના ઽદે॒વો યા॑તિ॒ ભુવ॑ના વિ॒પશ્યન્ન્॑ ॥
(તૈ. સં. 3.4.11.2)
અ॒ગ્નિં દૂ॒તં-વૃઁ॑ણીમહે॒ હોતા॑રં-વિઁ॒શ્વવે॑દસમ્ । અ॒સ્ય ય॒જ્ઞસ્ય॑ સુ॒ક્રતુ᳚મ્ ॥ (તૈ. બ્રા. 3.5.2.3)
યેષા॒મીશે॑ પશુ॒પતિઃ॑ પશૂ॒નાં-ચતુ॑ષ્પદામુ॒ત ચ॑ દ્વિ॒પદા᳚મ્ ।
નિષ્ક્રી॑તો॒ઽયં-યઁ॒જ્ઞિયં॑ ભા॒ગમે॑તુ રા॒યસ્પોષા॒ યજ॑માનસ્ય સંતુ ॥ (તૈ. સં. 3.1.4.1)
(ઓં અધિદેવતા પ્રત્યધિદેવતા સહિતાય ભગવતે આદિ॑ત્યાય॒ નમઃ॑) 1
2. (દેવતા - અંગારકઃ, અધિદેવતા - પૃથિવી, પ્રત્યધિદેવતા - ક્ષેત્રપતિઃ)
ઓં અ॒ગ્નિર્મૂ॒ર્દ્ધા દિ॒વઃ ક॒કુત્પતિઃ॑ પૃથિ॒વ્યા અ॒યમ્ ।
અ॒પાગ્મ્ રેતાગ્મ્॑સિ જિન્વતિ ॥ (તૈ. સં. 1.5.5.1)
સ્યો॒ના પૃ॑થિવિ॒ ભવા॑ઽનૃક્ષ॒રા નિ॒વેશ॑ની ।
યચ્છા॑ન॒-શ્શર્મ॑ સ॒પ્રથાઃ᳚॥ (તૈ. અર. 6.1.10)
ક્ષેત્ર॑સ્ય॒ પતિ॑ના વ॒યગ્મ્ હિ॒તેને॑વ જયામસિ ।
ગામશ્વં॑ પોષયિ॒ત્ન્વા સ નો॑ મૃડાતી॒-દૃશે᳚ ॥ (તૈ. સં. 1.1.14.2)
(ઓં અધિદેવતા પ્રત્યધિદેવતા સહિતાય ભગવતે અંક્રકા॑ય॒ નમઃ॑) 2
3. (દેવતા - શુક્રઃ, અધિદેવતા - ઇંદ્રાણી, પ્રત્યધિદેવતા - ઇંદ્રઃ)
ઓં પ્રવ॑શ્શુ॒ક્રાય॑ ભા॒નવે॑ ભરધ્વગ્મ્ હ॒વ્યં મ॒તિં ચા॒ગ્નયે॒ સુપૂ॑તમ્ ।
યો દૈવ્યા॑નિ॒ માનુ॑ષા જ॒નૂગ્ગ્-ષ્યં॒તર્ વિશ્વા॑નિ વિ॒દ્મના॒ જિગા॑તિ ॥ (તૈ. બ્રા. 2.8.2.3)
ઇં॒દ્રા॒ણી મા॒સુ નારિ॑ષુ સુ॒પત્ની॑-મ॒હમ॑શ્રવમ્ ।
ન હ્ય॑સ્યા અપ॒રંચ॒ન જ॒રસા॒ મર॑તે॒ પતિઃ॑ ॥ (તૈ. સં. 1.7.13.1)
ઇંદ્રં॑-વોઁ વિ॒શ્વત॒સ્પરિ॒ હવા॑મહે॒ જને᳚ભ્યઃ ।
અ॒સ્માક॑મસ્તુ॒ કેવ॑લઃ ॥ (તૈ. સં. 1.6.12.1)
(ઓં અધિદેવતા પ્રત્યધિદેવતા સહિતાય ભગવતે શુક્રા॑ય॒ નમઃ॑) 3
4. (દેવતા - સોમઃ/ચંદ્રમા, અધિદેવતા- અપઃ, પ્રત્યધિદેવતા - ગૌરી)
ઓં આપ્યા॑યસ્વ॒ સમે॑તુ તે વિ॒શ્વત॑-સ્સોમ॒ વૃષ્ણિ॑યમ્ ।
ભવા॒ વાજ॑સ્ય સંગ॒થે ॥ (તૈ. સં. 4.2.7.4)
અ॒ફ્સુમે॒ સોમો॑ અબ્રવીદં॒તર્ વિશ્વા॑નિ ભેષ॒જા ।
અ॒ગ્નિંચ॑ વિ॒શ્વશ॑ભુંવઁ॒-માપ॑શ્ચ વિ॒શ્વભે॑ષજીઃ ॥ (તૈ. બ્રા. 2.5.8.6)
ગૌ॒રી મિ॑માય સલિ॒લાનિ॒ તક્ષ॒ત્યેક॑પદી દ્વિ॒પદી॒ સા ચતુ॑ષ્પદી ।
અ॒ષ્ટાપ॑દી॒ નવ॑પદી બભૂ॒વુષી॑ સ॒હસ્રા᳚ક્ષરા પર॒મે વ્યો॑મન્ન્ ॥ (તૈ. બ્રા. .2.4.6.11)
(ઓં અધિદેવતા પ્રત્યધિદેવતા સહિતાય ભગવતે સોમા॑ય॒ નમઃ॑) 4
5. (દેવતા - બુધઃ, અધિદેવતા - વિષ્ણુઃ, પ્રત્યધિદેવતા - પુરુષ નારાયણઃ)
ઓં ઉદ્બુ॑દ્ધ્યસ્વાગ્ને॒ પ્રતિ॑જાગૃહ્યેન મિષ્ટાપૂ॒ર્તે સગ્મ્ સૃ॑જેથા મ॒યંચ॑ ।
પુનઃ॑ કૃ॒ણ્વગ્ગ્સ્ત્વા॑ પિ॒તરં॒-યુઁવા॑ન-મ॒ન્વાતાગ્મ્॑સી॒ ત્વયિ॒ તંતુ॑મે॒તમ્ ॥ (તૈ. સં. 4.7.13.5)
ઇ॒દં-વિઁષ્ણુ॒ર્ વિચ॑ક્રમે ત્રે॒ધા નિદ॑ધે પ॒દમ્ ।
સમૂ॑ઢમસ્ય પાગ્મ્ સુ॒રે ॥ (તૈ. સં. 1.2.13.1)
વિષ્ણો॑ ર॒રાટ॑મસિ॒ વિષ્ણોઃ᳚ પૃ॒ષ્ઠમ॑સિ॒ વિષ્ણો॒-શ્નપ્ત્રે᳚સ્થો॒ વિષ્ણો॒ સ્સ્યૂર॑સિ॒ વિષ્ણો᳚ર્ ધ્રુ॒વમ॑સિ વૈષ્ણ॒વમ॑સિ॒ વિષ્ણ॑વે ત્વા ॥ (તૈ. સં. 1.2.13.3)
(ઓં અધિદેવતા પ્રત્યધિદેવતા સહિતાય ભગવતે બુધા॑ય॒ નમઃ॑) 5
6. (દેવતા - બુહસ્પતિઃ, અધિદેવતા - ઇંદ્ર-મરુત, પ્રત્યધિદેવતા - બ્રહ્મ)
ઓં બૃહ॑સ્પતે॒ અતિ॒ યદ॒ર્યો અર્હ᳚દ્ દ્યુ॒મદ્-વિ॒ભાતિ॒ ક્રતુ॑ મ॒જ્જને॑ષુ ।
યદ્દી॒દ ય॒ચ્છ વ॑સર્ત પ્રજાત॒ તદ॒સ્માસુ॒ દ્રવિ॑ણં ધેહિ ચિ॒ત્રમ્ ॥ (તૈ. સં. 1.8.22.2)
ઇંદ્ર॑મરુત્વ ઇ॒હ પા॑હિ॒ સોમં॒-યઁથા॑ શાર્યા॒તે અપિ॑બસ્સુ॒તસ્ય॑ ।
તવ॒ પ્રણી॑તી॒ તવ॑ શૂર॒ શર્મ॒ન્ના-વિ॑વાસંતિ ક॒વયઃ॑ સુય॒જ્ઞાઃ ॥ (તૈ. સં. 1.4.18.1)
બ્રહ્મ॑જજ્ઞા॒નં પ્ર॑થ॒મં પુ॒રસ્તા॒દ્ વિસી॑મ॒ત-સ્સુ॒રુચો॑ વે॒ન આ॑વઃ ।
સબુ॒દ્ધ્નિયા॑ ઉપ॒મા અ॑સ્ય વિ॒ષ્ઠાસ્સ॒તશ્ચ॒ યોનિ॒મ-સ॑તશ્ચ॒ વિવઃ॑ ॥ (તૈ. સં. 4.2.8.2)
(ઓં અધિદેવતા પ્રત્યધિદેવતા સહિતાય ભગવતે બૃહ॒સ્પત॑યે॒ નમઃ॑) 6
7. (દેવતા - શનૈશ્ચરઃ, અધિદેવતા - પ્રજાપતિઃ, પ્રત્યધિદેવતા - યમઃ)
ઓં શન્નો॑ દે॒વી-ર॒ભિષ્ટ॑ય॒ આપો॑ ભવંતુ પી॒તયે᳚ ।
શં-યોઁર॒ભિ-સ્ર॑વંતુ નઃ ॥ (તૈ. અર. 7.42.4)
પ્રજા॑પતે॒ ન ત્વદે॒તા-ન્ય॒ન્યો વિશ્વા॑ જા॒તાનિ॒ પરિ॒તા બ॑ભૂવ ।
યત્કા॑માસ્તે જુહુ॒મસ્તન્નો॑ અસ્તુ વ॒યગ્ગ્ સ્યા॑મ॒ પત॑યો રયી॒ણામ્ ॥ (તૈ. સં. 1.8.14.2)
ઇ॒મં-યઁ॑મ પ્રસ્ત॒રમાહિ સીદાંકિ॑રોભિઃ પિ॒તૃભિઃ॑ સંવિઁદા॒નઃ ।
આત્વા॒ મંત્રાઃ᳚ કવિશ॒સ્તા વ॑હંત્વે॒ના રા॑જન્ હ॒વિષા॑ માદયસ્વ ॥ (તૈ. સં. 2.6.12.6)
(ઓં અધિદેવતા પ્રત્યધિદેવતા સહિતાય ભગવતે શનૈશ્ચ॑રાય॒ નમઃ॑) 7
8. (દેવતા - રાહુ, અધિદેવતા- સર્પઃ, પ્રત્યધિદેવતા - નિર્ઋત)
ઓં કયા॑ નશ્ચિ॒ત્ર આભુ॑વદૂ॒તી સ॒દાવૃ॑ધ॒ સ્સખા᳚ ।
કયા॒ શચિ॑ષ્ઠયા વૃ॒તા ॥ (તૈ. સં. 4.2.11.2)
આઽયંકૌઃ પૃશ્નિ॑રક્રમી॒-દસ॑નન્ મા॒તરં॒ પુનઃ॑ ।
પિ॒તરં॑ચ પ્ર॒યંથ્સુવઃ॑ ॥ (તૈ. સં. 1.5.3.1)
યત્તે॑ દે॒વી નિર્ઋતિ॑ રાબ॒બંધ॒ દામ॑ ગ્રી॒વાસ્વ॑-વિચ॒ર્ત્યમ્ ।
ઇ॒દંતે॒ તદ્વિષ્યા॒-મ્યાયુ॑ષો॒ ન મદ્ધ્યા॒-દથા॑ જી॒વઃ
પિ॒તુમ॑દ્ધિ॒ પ્રમુ॑ક્તઃ ॥ (તૈ. સં. 4.2.5.3)
(ઓં અધિદેવતા પ્રત્યધિદેવતા સહિતાય ભગવતે રાહ॑વે॒ નમઃ॑) 8
9. (દેવતા - કેતુઃ , અધિદેવતા - બ્રહ્મ, પ્રત્યધિદેવતા - ચિત્રગુપ્તઃ)
ઓં કે॒તું કૃ॒ણ્વન્ન॑કે॒તવે॒ પેશો॑ મર્યા અપે॒શસે᳚ ।
સમુ॒ષદ્ભિ॑રજાયથાઃ ॥ (તૈ. સં. 7.4.20.1)
બ્ર॒હ્મા દે॒વાનાં᳚ પદ॒વીઃ ક॑વી॒ના-મૃષિ॒ર્વિપ્રા॑ણાં મહિ॒ષો મૃ॒ગાણા᳚મ્ ।
શ્યે॒નો ગૃદ્ધ્રા॑ણા॒ગ્ગ્॒ સ્વધિ॑તિ॒ર્ વના॑ના॒ગ્મ્॒ સોમઃ॑ પ॒વિત્ર॒ મત્યે॑તિ॒ રેભન્ન્॑ ॥ (તૈ. સં. 3.4.11.1)
સચિ॑ત્ર ચિ॒ત્રં ચિ॒તયં॑ત-મ॒સ્મે ચિત્ર॑ક્ષત્ર ચિ॒ત્રત॑મં-વઁયો॒ધામ્ ।
ચં॒દ્રં ર॒યિં પુ॑રુ॒વીરં॑ બૃ॒હંતં॒ ચંદ્ર॑-ચં॒દ્રાભિ॑ર્-ગૃણ॒તે યુ॑વસ્વ ॥ (ઋગ્. વે. 6.6.7).
(ઓં અધિદેવતા પ્રત્યધિદેવતા સહિતેભ્યો ભગવદ્ભ્યઃ કેતુ॑ભ્યો॒ નમઃ॑) 9
॥ ઓં આદિત્યાદિ નવગ્રહ દેવ॑તાભ્યો॒ નમો॒ નમઃ॑॥
ઓં શાંતિઃ॒ શાંતિઃ॒ શાંતિઃ॑ ॥
