અરુણાય શરણ્યાય કરુણારસસિંધવે ।
અસમાનબલાયાઽઽર્તરક્ષકાય નમો નમઃ ॥ 1 ॥

આદિત્યાયાઽઽદિભૂતાય અખિલાગમવેદિને ।
અચ્યુતાયાઽખિલજ્ઞાય અનંતાય નમો નમઃ ॥ 2 ॥

ઇનાય વિશ્વરૂપાય ઇજ્યાયૈંદ્રાય ભાનવે ।
ઇંદિરામંદિરાપ્તાય વંદનીયાય તે નમઃ ॥ 3 ॥

ઈશાય સુપ્રસન્નાય સુશીલાય સુવર્ચસે ।
વસુપ્રદાય વસવે વાસુદેવાય તે નમઃ ॥ 4 ॥

ઉજ્જ્વલાયોગ્રરૂપાય ઊર્ધ્વગાય વિવસ્વતે ।
ઉદ્યત્કિરણજાલાય હૃષીકેશાય તે નમઃ ॥ 5 ॥

ઊર્જસ્વલાય વીરાય નિર્જરાય જયાય ચ ।
ઊરુદ્વયાભાવરૂપયુક્તસારથયે નમઃ ॥ 6 ॥

ઋષિવંદ્યાય રુગ્ઘંત્રે ઋક્ષચક્રચરાય ચ ।
ઋજુસ્વભાવચિત્તાય નિત્યસ્તુત્યાય તે નમઃ ॥ 7 ॥

ૠકારમાતૃકાવર્ણરૂપાયોજ્જ્વલતેજસે ।
ૠક્ષાધિનાથમિત્રાય પુષ્કરાક્ષાય તે નમઃ ॥ 8 ॥

લુપ્તદંતાય શાંતાય કાંતિદાય ઘનાય ચ ।
કનત્કનકભૂષાય ખદ્યોતાય નમો નમઃ ॥ 9 ॥

લૂનિતાખિલદૈત્યાય સત્યાનંદસ્વરૂપિણે ।
અપવર્ગપ્રદાયાઽઽર્તશરણ્યાય નમો નમઃ ॥ 10 ॥

એકાકિને ભગવતે સૃષ્ટિસ્થિત્યંતકારિણે ।
ગુણાત્મને ઘૃણિભૃતે બૃહતે બ્રહ્મણે નમઃ ॥ 11 ॥

ઐશ્વર્યદાય શર્વાય હરિદશ્વાય શૌરયે ।
દશદિક્સંપ્રકાશાય ભક્તવશ્યાય તે નમઃ ॥ 12 ॥

ઓજસ્કરાય જયિને જગદાનંદહેતવે ।
જન્મમૃત્યુજરાવ્યાધિવર્જિતાય નમો નમઃ ॥ 13 ॥

ઔન્નત્યપદસંચારરથસ્થાયાત્મરૂપિણે ।
કમનીયકરાયાઽબ્જવલ્લભાય નમો નમઃ ॥ 14 ॥

અંતર્બહિઃપ્રકાશાય અચિંત્યાયાઽઽત્મરૂપિણે ।
અચ્યુતાય સુરેશાય પરસ્મૈ જ્યોતિષે નમઃ ॥ 15 ॥

અહસ્કરાય રવયે હરયે પરમાત્મને ।
તરુણાય વરેણ્યાય ગ્રહાણાં પતયે નમઃ ॥ 16 ॥

ઓં નમો ભાસ્કરાયાઽઽદિમધ્યાંતરહિતાય ચ ।
સૌખ્યપ્રદાય સકલજગતાં પતયે નમઃ ॥ 17 ॥

નમઃ સૂર્યાય કવયે નમો નારાયણાય ચ ।
નમો નમઃ પરેશાય તેજોરૂપાય તે નમઃ ॥ 18 ॥

ઓં શ્રીં હિરણ્યગર્ભાય ઓં હ્રીં સંપત્કરાય ચ ।
ઓં ઐં ઇષ્ટાર્થદાયાઽનુપ્રસન્નાય નમો નમઃ ॥ 19 ॥

શ્રીમતે શ્રેયસે ભક્તકોટિસૌખ્યપ્રદાયિને ।
નિખિલાગમવેદ્યાય નિત્યાનંદાય તે નમઃ ॥ 20 ॥

ઇતિ શ્રી સૂર્ય અષ્ટોત્તરશતનામ સ્તોત્રમ્ ।