1. (ദേവതാ - ആദിത്യഃ, അധിദേവതാ- അഗ്നിഃ, പ്രത്യധിദേവതാ - പശുപതിഃ)
ഓം ആസ॒ത്യേന॒ രജ॑സാ॒ വര്ത॑മാനോ നിവേ॒ശയ॑ന്ന॒മൃതം॒ മര്ത്യം॑ച ।
ഹി॒ര॒ണ്യയേ॑ന സവി॒താ രഥേ॒നാ ഽദേ॒വോ യാ॑തി॒ ഭുവ॑നാ വി॒പശ്യന്ന്॑ ॥
(തൈ. സം. 3.4.11.2)

അ॒ഗ്നിം ദൂ॒തം-വൃഁ ॑ണീമഹേ॒ ഹോതാ॑രം-വിഁ॒ശ്വവേ॑ദസമ് । അ॒സ്യ യ॒ജ്ഞസ്യ॑ സു॒ക്രതു᳚മ് ॥ (തൈ. ബ്രാ. 3.5.2.3)

യേഷാ॒മീശേ॑ പശു॒പതിഃ॑ പശൂ॒നാം-ചതു॑ഷ്പദാമു॒ത ച॑ ദ്വി॒പദാ᳚മ് ।
നിഷ്ക്രീ॑തോ॒ഽയം-യഁ॒ജ്ഞിയം॑ ഭാ॒ഗമേ॑തു രാ॒യസ്പോഷാ॒ യജ॑മാനസ്യ സംതു ॥ (തൈ. സം. 3.1.4.1)
(ഓം അധിദേവതാ പ്രത്യധിദേവതാ സഹിതായ ഭഗവതേ ആദി॑ത്യായ॒ നമഃ॑) 1

2. (ദേവതാ - അംഗാരകഃ, അധിദേവതാ - പൃഥിവീ, പ്രത്യധിദേവതാ - ക്ഷേത്രപതിഃ)
ഓം അ॒ഗ്നിര്മൂ॒ര്ദ്ധാ ദി॒വഃ ക॒കുത്പതിഃ॑ പൃഥി॒വ്യാ അ॒യമ് ।
അ॒പാഗ്​മ് രേതാഗ്​മ്॑സി ജിന്വതി ॥ (തൈ. സം. 1.5.5.1)

സ്യോ॒നാ പൃ॑ഥിവി॒ ഭവാ॑ഽനൃക്ഷ॒രാ നി॒വേശ॑നീ ।
യച്ഛാ॑ന॒-ശ്ശര്മ॑ സ॒പ്രഥാഃ᳚॥ (തൈ. അര. 6.1.10)

ക്ഷേത്ര॑സ്യ॒ പതി॑നാ വ॒യഗ്​മ് ഹി॒തേനേ॑വ ജയാമസി ।
ഗാമശ്വം॑ പോഷയി॒ത്ന്വാ സ നോ॑ മൃഡാതീ॒-ദൃശേ᳚ ॥ (തൈ. സം. 1.1.14.2)
(ഓം അധിദേവതാ പ്രത്യധിദേവതാ സഹിതായ ഭഗവതേ അംക്രകാ॑യ॒ നമഃ॑) 2

3. (ദേവതാ - ശുക്രഃ, അധിദേവതാ - ഇംദ്രാണീ, പ്രത്യധിദേവതാ - ഇംദ്രഃ)
ഓം പ്രവ॑ശ്ശു॒ക്രായ॑ ഭാ॒നവേ॑ ഭരധ്വഗ്​മ് ഹ॒വ്യം മ॒തിം ചാ॒ഗ്നയേ॒ സുപൂ॑തമ് ।
യോ ദൈവ്യാ॑നി॒ മാനു॑ഷാ ജ॒നൂഗ്ഗ്​-ഷ്യം॒തര് വിശ്വാ॑നി വി॒ദ്മനാ॒ ജിഗാ॑തി ॥ (തൈ. ബ്രാ. 2.8.2.3)

ഇം॒ദ്രാ॒ണീ മാ॒സു നാരി॑ഷു സു॒പത്നീ॑-മ॒ഹമ॑ശ്രവമ് ।
ന ഹ്യ॑സ്യാ അപ॒രംച॒ന ജ॒രസാ॒ മര॑തേ॒ പതിഃ॑ ॥ (തൈ. സം. 1.7.13.1)

ഇംദ്രം॑-വോഁ വി॒ശ്വത॒സ്പരി॒ ഹവാ॑മഹേ॒ ജനേ᳚ഭ്യഃ ।
അ॒സ്മാക॑മസ്തു॒ കേവ॑ലഃ ॥ (തൈ. സം. 1.6.12.1)
(ഓം അധിദേവതാ പ്രത്യധിദേവതാ സഹിതായ ഭഗവതേ ശുക്രാ॑യ॒ നമഃ॑) 3

4. (ദേവതാ - സോമഃ/ചംദ്രമാ, അധിദേവതാ- അപഃ, പ്രത്യധിദേവതാ - ഗൌരീ)
ഓം ആപ്യാ॑യസ്വ॒ സമേ॑തു തേ വി॒ശ്വത॑-സ്സോമ॒ വൃഷ്ണി॑യമ് ।
ഭവാ॒ വാജ॑സ്യ സംഗ॒ഥേ ॥ (തൈ. സം. 4.2.7.4)

അ॒ഫ്സുമേ॒ സോമോ॑ അബ്രവീദം॒തര് വിശ്വാ॑നി ഭേഷ॒ജാ ।
അ॒ഗ്നിംച॑ വി॒ശ്വശ॑ഭും​വഁ॒-മാപ॑ശ്ച വി॒ശ്വഭേ॑ഷജീഃ ॥ (തൈ. ബ്രാ. 2.5.8.6)

ഗൌ॒രീ മി॑മായ സലി॒ലാനി॒ തക്ഷ॒ത്യേക॑പദീ ദ്വി॒പദീ॒ സാ ചതു॑ഷ്പദീ ।
അ॒ഷ്ടാപ॑ദീ॒ നവ॑പദീ ബഭൂ॒വുഷീ॑ സ॒ഹസ്രാ᳚ക്ഷരാ പര॒മേ വ്യോ॑മന്ന് ॥ (തൈ. ബ്രാ. .2.4.6.11)
(ഓം അധിദേവതാ പ്രത്യധിദേവതാ സഹിതായ ഭഗവതേ സോമാ॑യ॒ നമഃ॑) 4

5. (ദേവതാ - ബുധഃ, അധിദേവതാ - വിഷ്ണുഃ, പ്രത്യധിദേവതാ - പുരുഷ നാരായണഃ)
ഓം ഉദ്ബു॑ദ്ധ്യസ്വാഗ്നേ॒ പ്രതി॑ജാഗൃഹ്യേന മിഷ്ടാപൂ॒ര്തേ സഗ്​മ് സൃ॑ജേഥാ മ॒യംച॑ ।
പുനഃ॑ കൃ॒ണ്വഗ്ഗ്​സ്ത്വാ॑ പി॒തരം॒-യുഁവാ॑ന-മ॒ന്വാതാഗ്​മ്॑സീ॒ ത്വയി॒ തംതു॑മേ॒തമ് ॥ (തൈ. സം. 4.7.13.5)

ഇ॒ദം-വിഁഷ്ണു॒ര് വിച॑ക്രമേ ത്രേ॒ധാ നിദ॑ധേ പ॒ദമ് ।
സമൂ॑ഢമസ്യ പാഗ്​മ് സു॒രേ ॥ (തൈ. സം. 1.2.13.1)

വിഷ്ണോ॑ ര॒രാട॑മസി॒ വിഷ്ണോഃ᳚ പൃ॒ഷ്ഠമ॑സി॒ വിഷ്ണോ॒-ശ്നപ്ത്രേ᳚സ്ഥോ॒ വിഷ്ണോ॒ സ്സ്യൂര॑സി॒ വിഷ്ണോ᳚ര് ധ്രു॒വമ॑സി വൈഷ്ണ॒വമ॑സി॒ വിഷ്ണ॑വേ ത്വാ ॥ (തൈ. സം. 1.2.13.3)
(ഓം അധിദേവതാ പ്രത്യധിദേവതാ സഹിതായ ഭഗവതേ ബുധാ॑യ॒ നമഃ॑) 5

6. (ദേവതാ - ബുഹസ്പതിഃ, അധിദേവതാ - ഇംദ്ര-മരുത, പ്രത്യധിദേവതാ - ബ്രഹ്മ)
ഓം ബൃഹ॑സ്പതേ॒ അതി॒ യദ॒ര്യോ അര്​ഹ᳚ദ് ദ്യു॒മദ്-വി॒ഭാതി॒ ക്രതു॑ മ॒ജ്ജനേ॑ഷു ।
യദ്ദീ॒ദ യ॒ച്ഛ വ॑സര്ത പ്രജാത॒ തദ॒സ്മാസു॒ ദ്രവി॑ണം ധേഹി ചി॒ത്രമ് ॥ (തൈ. സം. 1.8.22.2)

ഇംദ്ര॑മരുത്വ ഇ॒ഹ പാ॑ഹി॒ സോമം॒-യഁഥാ॑ ശാര്യാ॒തേ അപി॑ബസ്സു॒തസ്യ॑ ।
തവ॒ പ്രണീ॑തീ॒ തവ॑ ശൂര॒ ശര്മ॒ന്നാ-വി॑വാസംതി ക॒വയഃ॑ സുയ॒ജ്ഞാഃ ॥ (തൈ. സം. 1.4.18.1)

ബ്രഹ്മ॑ജജ്ഞാ॒നം പ്ര॑ഥ॒മം പു॒രസ്താ॒ദ് വിസീ॑മ॒ത-സ്സു॒രുചോ॑ വേ॒ന ആ॑വഃ ।
സബു॒ദ്ധ്നിയാ॑ ഉപ॒മാ അ॑സ്യ വി॒ഷ്ഠാസ്സ॒തശ്ച॒ യോനി॒മ-സ॑തശ്ച॒ വിവഃ॑ ॥ (തൈ. സം. 4.2.8.2)
(ഓം അധിദേവതാ പ്രത്യധിദേവതാ സഹിതായ ഭഗവതേ ബൃഹ॒സ്പത॑യേ॒ നമഃ॑) 6

7. (ദേവതാ - ശനൈശ്ചരഃ, അധിദേവതാ - പ്രജാപതിഃ, പ്രത്യധിദേവതാ - യമഃ)
ഓം ശന്നോ॑ ദേ॒വീ-ര॒ഭിഷ്ട॑യ॒ ആപോ॑ ഭവംതു പീ॒തയേ᳚ ।
ശം-യോഁര॒ഭി-സ്ര॑വംതു നഃ ॥ (തൈ. അര. 7.42.4)

പ്രജാ॑പതേ॒ ന ത്വദേ॒താ-ന്യ॒ന്യോ വിശ്വാ॑ ജാ॒താനി॒ പരി॒താ ബ॑ഭൂവ ।
യത്കാ॑മാസ്തേ ജുഹു॒മസ്തന്നോ॑ അസ്തു വ॒യഗ്ഗ്​ സ്യാ॑മ॒ പത॑യോ രയീ॒ണാമ് ॥ (തൈ. സം. 1.8.14.2)

ഇ॒മം-യഁ ॑മ പ്രസ്ത॒രമാഹി സീദാംകി॑രോഭിഃ പി॒തൃഭിഃ॑ സം​വിഁദാ॒നഃ ।
ആത്വാ॒ മംത്രാഃ᳚ കവിശ॒സ്താ വ॑ഹംത്വേ॒നാ രാ॑ജന് ഹ॒വിഷാ॑ മാദയസ്വ ॥ (തൈ. സം. 2.6.12.6)
(ഓം അധിദേവതാ പ്രത്യധിദേവതാ സഹിതായ ഭഗവതേ ശനൈശ്ച॑രായ॒ നമഃ॑) 7

8. (ദേവതാ - രാഹു, അധിദേവതാ- സര്പഃ, പ്രത്യധിദേവതാ - നിര്​ഋത)
ഓം കയാ॑ നശ്ചി॒ത്ര ആഭു॑വദൂ॒തീ സ॒ദാവൃ॑ധ॒ സ്സഖാ᳚ ।
കയാ॒ ശചി॑ഷ്ഠയാ വൃ॒താ ॥ (തൈ. സം. 4.2.11.2)

ആഽയംകൌഃ പൃശ്നി॑രക്രമീ॒-ദസ॑നന് മാ॒തരം॒ പുനഃ॑ ।
പി॒തരം॑ച പ്ര॒യംഥ്​സുവഃ॑ ॥ (തൈ. സം. 1.5.3.1)
യത്തേ॑ ദേ॒വീ നിര്​ഋതി॑ രാബ॒ബംധ॒ ദാമ॑ ഗ്രീ॒വാസ്വ॑-വിച॒ര്ത്യമ് ।

ഇ॒ദംതേ॒ തദ്വിഷ്യാ॒-മ്യായു॑ഷോ॒ ന മദ്ധ്യാ॒-ദഥാ॑ ജീ॒വഃ
പി॒തുമ॑ദ്ധി॒ പ്രമു॑ക്തഃ ॥ (തൈ. സം. 4.2.5.3)
(ഓം അധിദേവതാ പ്രത്യധിദേവതാ സഹിതായ ഭഗവതേ രാഹ॑വേ॒ നമഃ॑) 8

9. (ദേവതാ - കേതുഃ , അധിദേവതാ - ബ്രഹ്മ, പ്രത്യധിദേവതാ - ചിത്രഗുപ്തഃ)
ഓം കേ॒തും കൃ॒ണ്വന്ന॑കേ॒തവേ॒ പേശോ॑ മര്യാ അപേ॒ശസേ᳚ ।
സമു॒ഷദ്ഭി॑രജായഥാഃ ॥ (തൈ. സം. 7.4.20.1)

ബ്ര॒ഹ്മാ ദേ॒വാനാം᳚ പദ॒വീഃ ക॑വീ॒നാ-മൃഷി॒ർവിപ്രാ॑ണാം മഹി॒ഷോ മൃ॒ഗാണാ᳚മ് ।
ശ്യേ॒നോ ഗൃദ്ധ്രാ॑ണാ॒ഗ്ഗ്॒​ സ്വധി॑തി॒ര് വനാ॑നാ॒ഗ്​മ്॒ സോമഃ॑ പ॒വിത്ര॒ മത്യേ॑തി॒ രേഭന്ന്॑ ॥ (തൈ. സം. 3.4.11.1)

സചി॑ത്ര ചി॒ത്രം ചി॒തയം॑ത-മ॒സ്മേ ചിത്ര॑ക്ഷത്ര ചി॒ത്രത॑മം-വഁയോ॒ധാമ് ।
ചം॒ദ്രം ര॒യിം പു॑രു॒വീരം॑ ബൃ॒ഹംതം॒ ചംദ്ര॑-ചം॒ദ്രാഭി॑ര്-ഗൃണ॒തേ യു॑വസ്വ ॥ (ഋഗ്. വേ. 6.6.7).
(ഓം അധിദേവതാ പ്രത്യധിദേവതാ സഹിതേഭ്യോ ഭഗവദ്ഭ്യഃ കേതു॑ഭ്യോ॒ നമഃ॑) 9

॥ ഓം ആദിത്യാദി നവഗ്രഹ ദേവ॑താഭ്യോ॒ നമോ॒ നമഃ॑॥

ഓം ശാംതിഃ॒ ശാംതിഃ॒ ശാംതിഃ॑ ॥