1. (ದೇವತಾ - ಆದಿತ್ಯಃ, ಅಧಿದೇವತಾ- ಅಗ್ನಿಃ, ಪ್ರತ್ಯಧಿದೇವತಾ - ಪಶುಪತಿಃ)
ಓಂ ಆಸ॒ತ್ಯೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ॑ನ್ನ॒ಮೃತಂ॒ ಮರ್ತ್ಯಂ॑ಚ ।
ಹಿ॒ರ॒ಣ್ಯಯೇ॑ನ ಸವಿ॒ತಾ ರಥೇ॒ನಾ ಽದೇ॒ವೋ ಯಾ॑ತಿ॒ ಭುವ॑ನಾ ವಿ॒ಪಶ್ಯನ್ನ್॑ ॥
(ತೈ. ಸಂ. 3.4.11.2)

ಅ॒ಗ್ನಿಂ ದೂ॒ತಂ-ವೃಁ॑ಣೀಮಹೇ॒ ಹೋತಾ॑ರಂ-ವಿಁ॒ಶ್ವವೇ॑ದಸಮ್ । ಅ॒ಸ್ಯ ಯ॒ಜ್ಞಸ್ಯ॑ ಸು॒ಕ್ರತು᳚ಮ್ ॥ (ತೈ. ಬ್ರಾ. 3.5.2.3)

ಯೇಷಾ॒ಮೀಶೇ॑ ಪಶು॒ಪತಿಃ॑ ಪಶೂ॒ನಾಂ-ಚತು॑ಷ್ಪದಾಮು॒ತ ಚ॑ ದ್ವಿ॒ಪದಾ᳚ಮ್ ।
ನಿಷ್ಕ್ರೀ॑ತೋ॒ಽಯಂ-ಯಁ॒ಜ್ಞಿಯಂ॑ ಭಾ॒ಗಮೇ॑ತು ರಾ॒ಯಸ್ಪೋಷಾ॒ ಯಜ॑ಮಾನಸ್ಯ ಸಂತು ॥ (ತೈ. ಸಂ. 3.1.4.1)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಆದಿ॑ತ್ಯಾಯ॒ ನಮಃ॑) 1

2. (ದೇವತಾ - ಅಂಗಾರಕಃ, ಅಧಿದೇವತಾ - ಪೃಥಿವೀ, ಪ್ರತ್ಯಧಿದೇವತಾ - ಕ್ಷೇತ್ರಪತಿಃ)
ಓಂ ಅ॒ಗ್ನಿರ್ಮೂ॒ರ್ದ್ಧಾ ದಿ॒ವಃ ಕ॒ಕುತ್ಪತಿಃ॑ ಪೃಥಿ॒ವ್ಯಾ ಅ॒ಯಮ್ ।
ಅ॒ಪಾಗ್ಂ ರೇತಾಗ್ಂ॑ಸಿ ಜಿನ್ವತಿ ॥ (ತೈ. ಸಂ. 1.5.5.1)

ಸ್ಯೋ॒ನಾ ಪೃ॑ಥಿವಿ॒ ಭವಾ॑ಽನೃಕ್ಷ॒ರಾ ನಿ॒ವೇಶ॑ನೀ ।
ಯಚ್ಛಾ॑ನ॒-ಶ್ಶರ್ಮ॑ ಸ॒ಪ್ರಥಾಃ᳚॥ (ತೈ. ಅರ. 6.1.10)

ಕ್ಷೇತ್ರ॑ಸ್ಯ॒ ಪತಿ॑ನಾ ವ॒ಯಗ್ಂ ಹಿ॒ತೇನೇ॑ವ ಜಯಾಮಸಿ ।
ಗಾಮಶ್ವಂ॑ ಪೋಷಯಿ॒ತ್ನ್ವಾ ಸ ನೋ॑ ಮೃಡಾತೀ॒-ದೃಶೇ᳚ ॥ (ತೈ. ಸಂ. 1.1.14.2)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಅಂಕ್ರಕಾ॑ಯ॒ ನಮಃ॑) 2

3. (ದೇವತಾ - ಶುಕ್ರಃ, ಅಧಿದೇವತಾ - ಇಂದ್ರಾಣೀ, ಪ್ರತ್ಯಧಿದೇವತಾ - ಇಂದ್ರಃ)
ಓಂ ಪ್ರವ॑ಶ್ಶು॒ಕ್ರಾಯ॑ ಭಾ॒ನವೇ॑ ಭರಧ್ವಗ್ಂ ಹ॒ವ್ಯಂ ಮ॒ತಿಂ ಚಾ॒ಗ್ನಯೇ॒ ಸುಪೂ॑ತಮ್ ।
ಯೋ ದೈವ್ಯಾ॑ನಿ॒ ಮಾನು॑ಷಾ ಜ॒ನೂಗ್ಗ್​-ಷ್ಯಂ॒ತರ್ ವಿಶ್ವಾ॑ನಿ ವಿ॒ದ್ಮನಾ॒ ಜಿಗಾ॑ತಿ ॥ (ತೈ. ಬ್ರಾ. 2.8.2.3)

ಇಂ॒ದ್ರಾ॒ಣೀ ಮಾ॒ಸು ನಾರಿ॑ಷು ಸು॒ಪತ್ನೀ॑-ಮ॒ಹಮ॑ಶ್ರವಮ್ ।
ನ ಹ್ಯ॑ಸ್ಯಾ ಅಪ॒ರಂಚ॒ನ ಜ॒ರಸಾ॒ ಮರ॑ತೇ॒ ಪತಿಃ॑ ॥ (ತೈ. ಸಂ. 1.7.13.1)

ಇಂದ್ರಂ॑-ವೋಁ ವಿ॒ಶ್ವತ॒ಸ್ಪರಿ॒ ಹವಾ॑ಮಹೇ॒ ಜನೇ᳚ಭ್ಯಃ ।
ಅ॒ಸ್ಮಾಕ॑ಮಸ್ತು॒ ಕೇವ॑ಲಃ ॥ (ತೈ. ಸಂ. 1.6.12.1)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಶುಕ್ರಾ॑ಯ॒ ನಮಃ॑) 3

4. (ದೇವತಾ - ಸೋಮಃ/ಚಂದ್ರಮಾ, ಅಧಿದೇವತಾ- ಅಪಃ, ಪ್ರತ್ಯಧಿದೇವತಾ - ಗೌರೀ)
ಓಂ ಆಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑-ಸ್ಸೋಮ॒ ವೃಷ್ಣಿ॑ಯಮ್ ।
ಭವಾ॒ ವಾಜ॑ಸ್ಯ ಸಂಗ॒ಥೇ ॥ (ತೈ. ಸಂ. 4.2.7.4)

ಅ॒ಫ್ಸುಮೇ॒ ಸೋಮೋ॑ ಅಬ್ರವೀದಂ॒ತರ್ ವಿಶ್ವಾ॑ನಿ ಭೇಷ॒ಜಾ ।
ಅ॒ಗ್ನಿಂಚ॑ ವಿ॒ಶ್ವಶ॑ಭುಂ​ವಁ॒-ಮಾಪ॑ಶ್ಚ ವಿ॒ಶ್ವಭೇ॑ಷಜೀಃ ॥ (ತೈ. ಬ್ರಾ. 2.5.8.6)

ಗೌ॒ರೀ ಮಿ॑ಮಾಯ ಸಲಿ॒ಲಾನಿ॒ ತಕ್ಷ॒ತ್ಯೇಕ॑ಪದೀ ದ್ವಿ॒ಪದೀ॒ ಸಾ ಚತು॑ಷ್ಪದೀ ।
ಅ॒ಷ್ಟಾಪ॑ದೀ॒ ನವ॑ಪದೀ ಬಭೂ॒ವುಷೀ॑ ಸ॒ಹಸ್ರಾ᳚ಕ್ಷರಾ ಪರ॒ಮೇ ವ್ಯೋ॑ಮನ್ನ್ ॥ (ತೈ. ಬ್ರಾ. .2.4.6.11)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಸೋಮಾ॑ಯ॒ ನಮಃ॑) 4

5. (ದೇವತಾ - ಬುಧಃ, ಅಧಿದೇವತಾ - ವಿಷ್ಣುಃ, ಪ್ರತ್ಯಧಿದೇವತಾ - ಪುರುಷ ನಾರಾಯಣಃ)
ಓಂ ಉದ್ಬು॑ದ್ಧ್ಯಸ್ವಾಗ್ನೇ॒ ಪ್ರತಿ॑ಜಾಗೃಹ್ಯೇನ ಮಿಷ್ಟಾಪೂ॒ರ್ತೇ ಸಗ್ಂ ಸೃ॑ಜೇಥಾ ಮ॒ಯಂಚ॑ ।
ಪುನಃ॑ ಕೃ॒ಣ್ವಗ್ಗ್​ಸ್ತ್ವಾ॑ ಪಿ॒ತರಂ॒-ಯುಁವಾ॑ನ-ಮ॒ನ್ವಾತಾಗ್ಂ॑ಸೀ॒ ತ್ವಯಿ॒ ತಂತು॑ಮೇ॒ತಮ್ ॥ (ತೈ. ಸಂ. 4.7.13.5)

ಇ॒ದಂ-ವಿಁಷ್ಣು॒ರ್ ವಿಚ॑ಕ್ರಮೇ ತ್ರೇ॒ಧಾ ನಿದ॑ಧೇ ಪ॒ದಮ್ ।
ಸಮೂ॑ಢಮಸ್ಯ ಪಾಗ್ಂ ಸು॒ರೇ ॥ (ತೈ. ಸಂ. 1.2.13.1)

ವಿಷ್ಣೋ॑ ರ॒ರಾಟ॑ಮಸಿ॒ ವಿಷ್ಣೋಃ᳚ ಪೃ॒ಷ್ಠಮ॑ಸಿ॒ ವಿಷ್ಣೋ॒-ಶ್ನಪ್ತ್ರೇ᳚ಸ್ಥೋ॒ ವಿಷ್ಣೋ॒ ಸ್ಸ್ಯೂರ॑ಸಿ॒ ವಿಷ್ಣೋ᳚ರ್ ಧ್ರು॒ವಮ॑ಸಿ ವೈಷ್ಣ॒ವಮ॑ಸಿ॒ ವಿಷ್ಣ॑ವೇ ತ್ವಾ ॥ (ತೈ. ಸಂ. 1.2.13.3)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಬುಧಾ॑ಯ॒ ನಮಃ॑) 5

6. (ದೇವತಾ - ಬುಹಸ್ಪತಿಃ, ಅಧಿದೇವತಾ - ಇಂದ್ರ-ಮರುತ, ಪ್ರತ್ಯಧಿದೇವತಾ - ಬ್ರಹ್ಮ)
ಓಂ ಬೃಹ॑ಸ್ಪತೇ॒ ಅತಿ॒ ಯದ॒ರ್ಯೋ ಅರ್​ಹ᳚ದ್ ದ್ಯು॒ಮದ್-ವಿ॒ಭಾತಿ॒ ಕ್ರತು॑ ಮ॒ಜ್ಜನೇ॑ಷು ।
ಯದ್ದೀ॒ದ ಯ॒ಚ್ಛ ವ॑ಸರ್ತ ಪ್ರಜಾತ॒ ತದ॒ಸ್ಮಾಸು॒ ದ್ರವಿ॑ಣಂ ಧೇಹಿ ಚಿ॒ತ್ರಮ್ ॥ (ತೈ. ಸಂ. 1.8.22.2)

ಇಂದ್ರ॑ಮರುತ್ವ ಇ॒ಹ ಪಾ॑ಹಿ॒ ಸೋಮಂ॒-ಯಁಥಾ॑ ಶಾರ್ಯಾ॒ತೇ ಅಪಿ॑ಬಸ್ಸು॒ತಸ್ಯ॑ ।
ತವ॒ ಪ್ರಣೀ॑ತೀ॒ ತವ॑ ಶೂರ॒ ಶರ್ಮ॒ನ್ನಾ-ವಿ॑ವಾಸಂತಿ ಕ॒ವಯಃ॑ ಸುಯ॒ಜ್ಞಾಃ ॥ (ತೈ. ಸಂ. 1.4.18.1)

ಬ್ರಹ್ಮ॑ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ॒ದ್ ವಿಸೀ॑ಮ॒ತ-ಸ್ಸು॒ರುಚೋ॑ ವೇ॒ನ ಆ॑ವಃ ।
ಸಬು॒ದ್ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾಸ್ಸ॒ತಶ್ಚ॒ ಯೋನಿ॒ಮ-ಸ॑ತಶ್ಚ॒ ವಿವಃ॑ ॥ (ತೈ. ಸಂ. 4.2.8.2)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಬೃಹ॒ಸ್ಪತ॑ಯೇ॒ ನಮಃ॑) 6

7. (ದೇವತಾ - ಶನೈಶ್ಚರಃ, ಅಧಿದೇವತಾ - ಪ್ರಜಾಪತಿಃ, ಪ್ರತ್ಯಧಿದೇವತಾ - ಯಮಃ)
ಓಂ ಶನ್ನೋ॑ ದೇ॒ವೀ-ರ॒ಭಿಷ್ಟ॑ಯ॒ ಆಪೋ॑ ಭವಂತು ಪೀ॒ತಯೇ᳚ ।
ಶಂ-ಯೋಁರ॒ಭಿ-ಸ್ರ॑ವಂತು ನಃ ॥ (ತೈ. ಅರ. 7.42.4)

ಪ್ರಜಾ॑ಪತೇ॒ ನ ತ್ವದೇ॒ತಾ-ನ್ಯ॒ನ್ಯೋ ವಿಶ್ವಾ॑ ಜಾ॒ತಾನಿ॒ ಪರಿ॒ತಾ ಬ॑ಭೂವ ।
ಯತ್ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತು ವ॒ಯಗ್ಗ್​ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ (ತೈ. ಸಂ. 1.8.14.2)

ಇ॒ಮಂ-ಯಁ॑ಮ ಪ್ರಸ್ತ॒ರಮಾಹಿ ಸೀದಾಂಕಿ॑ರೋಭಿಃ ಪಿ॒ತೃಭಿಃ॑ ಸಂ​ವಿಁದಾ॒ನಃ ।
ಆತ್ವಾ॒ ಮಂತ್ರಾಃ᳚ ಕವಿಶ॒ಸ್ತಾ ವ॑ಹಂತ್ವೇ॒ನಾ ರಾ॑ಜನ್ ಹ॒ವಿಷಾ॑ ಮಾದಯಸ್ವ ॥ (ತೈ. ಸಂ. 2.6.12.6)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಶನೈಶ್ಚ॑ರಾಯ॒ ನಮಃ॑) 7

8. (ದೇವತಾ - ರಾಹು, ಅಧಿದೇವತಾ- ಸರ್ಪಃ, ಪ್ರತ್ಯಧಿದೇವತಾ - ನಿರ್​ಋತ)
ಓಂ ಕಯಾ॑ ನಶ್ಚಿ॒ತ್ರ ಆಭು॑ವದೂ॒ತೀ ಸ॒ದಾವೃ॑ಧ॒ ಸ್ಸಖಾ᳚ ।
ಕಯಾ॒ ಶಚಿ॑ಷ್ಠಯಾ ವೃ॒ತಾ ॥ (ತೈ. ಸಂ. 4.2.11.2)

ಆಽಯಂಕೌಃ ಪೃಶ್ನಿ॑ರಕ್ರಮೀ॒-ದಸ॑ನನ್ ಮಾ॒ತರಂ॒ ಪುನಃ॑ ।
ಪಿ॒ತರಂ॑ಚ ಪ್ರ॒ಯಂಥ್​ಸುವಃ॑ ॥ (ತೈ. ಸಂ. 1.5.3.1)
ಯತ್ತೇ॑ ದೇ॒ವೀ ನಿರ್​ಋತಿ॑ ರಾಬ॒ಬಂಧ॒ ದಾಮ॑ ಗ್ರೀ॒ವಾಸ್ವ॑-ವಿಚ॒ರ್ತ್ಯಮ್ ।

ಇ॒ದಂತೇ॒ ತದ್ವಿಷ್ಯಾ॒-ಮ್ಯಾಯು॑ಷೋ॒ ನ ಮದ್ಧ್ಯಾ॒-ದಥಾ॑ ಜೀ॒ವಃ
ಪಿ॒ತುಮ॑ದ್ಧಿ॒ ಪ್ರಮು॑ಕ್ತಃ ॥ (ತೈ. ಸಂ. 4.2.5.3)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ರಾಹ॑ವೇ॒ ನಮಃ॑) 8

9. (ದೇವತಾ - ಕೇತುಃ , ಅಧಿದೇವತಾ - ಬ್ರಹ್ಮ, ಪ್ರತ್ಯಧಿದೇವತಾ - ಚಿತ್ರಗುಪ್ತಃ)
ಓಂ ಕೇ॒ತುಂ ಕೃ॒ಣ್ವನ್ನ॑ಕೇ॒ತವೇ॒ ಪೇಶೋ॑ ಮರ್ಯಾ ಅಪೇ॒ಶಸೇ᳚ ।
ಸಮು॒ಷದ್ಭಿ॑ರಜಾಯಥಾಃ ॥ (ತೈ. ಸಂ. 7.4.20.1)

ಬ್ರ॒ಹ್ಮಾ ದೇ॒ವಾನಾಂ᳚ ಪದ॒ವೀಃ ಕ॑ವೀ॒ನಾ-ಮೃಷಿ॒ರ್ವಿಪ್ರಾ॑ಣಾಂ ಮಹಿ॒ಷೋ ಮೃ॒ಗಾಣಾ᳚ಮ್ ।
ಶ್ಯೇ॒ನೋ ಗೃದ್ಧ್ರಾ॑ಣಾ॒ಗ್ಗ್॒​ ಸ್ವಧಿ॑ತಿ॒ರ್ ವನಾ॑ನಾ॒ಗ್ಂ॒ ಸೋಮಃ॑ ಪ॒ವಿತ್ರ॒ ಮತ್ಯೇ॑ತಿ॒ ರೇಭನ್ನ್॑ ॥ (ತೈ. ಸಂ. 3.4.11.1)

ಸಚಿ॑ತ್ರ ಚಿ॒ತ್ರಂ ಚಿ॒ತಯಂ॑ತ-ಮ॒ಸ್ಮೇ ಚಿತ್ರ॑ಕ್ಷತ್ರ ಚಿ॒ತ್ರತ॑ಮಂ-ವಁಯೋ॒ಧಾಮ್ ।
ಚಂ॒ದ್ರಂ ರ॒ಯಿಂ ಪು॑ರು॒ವೀರಂ॑ ಬೃ॒ಹಂತಂ॒ ಚಂದ್ರ॑-ಚಂ॒ದ್ರಾಭಿ॑ರ್-ಗೃಣ॒ತೇ ಯು॑ವಸ್ವ ॥ (ಋಗ್. ವೇ. 6.6.7).
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತೇಭ್ಯೋ ಭಗವದ್ಭ್ಯಃ ಕೇತು॑ಭ್ಯೋ॒ ನಮಃ॑) 9

॥ ಓಂ ಆದಿತ್ಯಾದಿ ನವಗ್ರಹ ದೇವ॑ತಾಭ್ಯೋ॒ ನಮೋ॒ ನಮಃ॑॥

ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥