1. (দেবতা - আদিত্যঃ, অধিদেবতা- অগ্নিঃ, প্রত্যধিদেবতা - পশুপতিঃ)
ওং আস॒ত্যেন॒ রজ॑সা॒ বর্ত॑মানো নিবে॒শয॑ন্ন॒মৃতং॒ মর্ত্যং॑চ ।
হি॒র॒ণ্যযে॑ন সবি॒তা রথে॒না ঽদে॒বো যা॑তি॒ ভুব॑না বি॒পশ্যন্ন্॑ ॥
(তৈ. সং. 3.4.11.2)

অ॒গ্নিং দূ॒তং-বৃঁ॑ণীমহে॒ হোতা॑রং-বিঁ॒শ্ববে॑দসম্ । অ॒স্য য॒জ্ঞস্য॑ সু॒ক্রতু᳚ম্ ॥ (তৈ. ব্রা. 3.5.2.3)

যেষা॒মীশে॑ পশু॒পতিঃ॑ পশূ॒নাং-চতু॑ষ্পদামু॒ত চ॑ দ্বি॒পদা᳚ম্ ।
নিষ্ক্রী॑তো॒ঽযং-যঁ॒জ্ঞিযং॑ ভা॒গমে॑তু রা॒যস্পোষা॒ যজ॑মানস্য সংতু ॥ (তৈ. সং. 3.1.4.1)
(ওং অধিদেবতা প্রত্যধিদেবতা সহিতায ভগবতে আদি॑ত্যায॒ নমঃ॑) 1

2. (দেবতা - অংগারকঃ, অধিদেবতা - পৃথিবী, প্রত্যধিদেবতা - ক্ষেত্রপতিঃ)
ওং অ॒গ্নির্মূ॒র্দ্ধা দি॒বঃ ক॒কুত্পতিঃ॑ পৃথি॒ব্যা অ॒যম্ ।
অ॒পাগ্​ম্ রেতাগ্​ম্॑সি জিন্বতি ॥ (তৈ. সং. 1.5.5.1)

স্যো॒না পৃ॑থিবি॒ ভবা॑ঽনৃক্ষ॒রা নি॒বেশ॑নী ।
যচ্ছা॑ন॒-শ্শর্ম॑ স॒প্রথাঃ᳚॥ (তৈ. অর. 6.1.10)

ক্ষেত্র॑স্য॒ পতি॑না ব॒যগ্​ম্ হি॒তেনে॑ব জযামসি ।
গামশ্বং॑ পোষযি॒ত্ন্বা স নো॑ মৃডাতী॒-দৃশে᳚ ॥ (তৈ. সং. 1.1.14.2)
(ওং অধিদেবতা প্রত্যধিদেবতা সহিতায ভগবতে অংক্রকা॑য॒ নমঃ॑) 2

3. (দেবতা - শুক্রঃ, অধিদেবতা - ইংদ্রাণী, প্রত্যধিদেবতা - ইংদ্রঃ)
ওং প্রব॑শ্শু॒ক্রায॑ ভা॒নবে॑ ভরধ্বগ্​ম্ হ॒ব্যং ম॒তিং চা॒গ্নযে॒ সুপূ॑তম্ ।
যো দৈব্যা॑নি॒ মানু॑ষা জ॒নূগ্গ্​-ষ্যং॒তর্ বিশ্বা॑নি বি॒দ্মনা॒ জিগা॑তি ॥ (তৈ. ব্রা. 2.8.2.3)

ইং॒দ্রা॒ণী মা॒সু নারি॑ষু সু॒পত্নী॑-ম॒হম॑শ্রবম্ ।
ন হ্য॑স্যা অপ॒রংচ॒ন জ॒রসা॒ মর॑তে॒ পতিঃ॑ ॥ (তৈ. সং. 1.7.13.1)

ইংদ্রং॑-বোঁ বি॒শ্বত॒স্পরি॒ হবা॑মহে॒ জনে᳚ভ্যঃ ।
অ॒স্মাক॑মস্তু॒ কেব॑লঃ ॥ (তৈ. সং. 1.6.12.1)
(ওং অধিদেবতা প্রত্যধিদেবতা সহিতায ভগবতে শুক্রা॑য॒ নমঃ॑) 3

4. (দেবতা - সোমঃ/চংদ্রমা, অধিদেবতা- অপঃ, প্রত্যধিদেবতা - গৌরী)
ওং আপ্যা॑যস্ব॒ সমে॑তু তে বি॒শ্বত॑-স্সোম॒ বৃষ্ণি॑যম্ ।
ভবা॒ বাজ॑স্য সংগ॒থে ॥ (তৈ. সং. 4.2.7.4)

অ॒ফ্সুমে॒ সোমো॑ অব্রবীদং॒তর্ বিশ্বা॑নি ভেষ॒জা ।
অ॒গ্নিংচ॑ বি॒শ্বশ॑ভুং​বঁ॒-মাপ॑শ্চ বি॒শ্বভে॑ষজীঃ ॥ (তৈ. ব্রা. 2.5.8.6)

গৌ॒রী মি॑মায সলি॒লানি॒ তক্ষ॒ত্যেক॑পদী দ্বি॒পদী॒ সা চতু॑ষ্পদী ।
অ॒ষ্টাপ॑দী॒ নব॑পদী বভূ॒বুষী॑ স॒হস্রা᳚ক্ষরা পর॒মে ব্যো॑মন্ন্ ॥ (তৈ. ব্রা. .2.4.6.11)
(ওং অধিদেবতা প্রত্যধিদেবতা সহিতায ভগবতে সোমা॑য॒ নমঃ॑) 4

5. (দেবতা - বুধঃ, অধিদেবতা - বিষ্ণুঃ, প্রত্যধিদেবতা - পুরুষ নারাযণঃ)
ওং উদ্বু॑দ্ধ্যস্বাগ্নে॒ প্রতি॑জাগৃহ্যেন মিষ্টাপূ॒র্তে সগ্​ম্ সৃ॑জেথা ম॒যংচ॑ ।
পুনঃ॑ কৃ॒ণ্বগ্গ্​স্ত্বা॑ পি॒তরং॒-যুঁবা॑ন-ম॒ন্বাতাগ্​ম্॑সী॒ ত্বযি॒ তংতু॑মে॒তম্ ॥ (তৈ. সং. 4.7.13.5)

ই॒দং-বিঁষ্ণু॒র্ বিচ॑ক্রমে ত্রে॒ধা নিদ॑ধে প॒দম্ ।
সমূ॑ঢমস্য পাগ্​ম্ সু॒রে ॥ (তৈ. সং. 1.2.13.1)

বিষ্ণো॑ র॒রাট॑মসি॒ বিষ্ণোঃ᳚ পৃ॒ষ্ঠম॑সি॒ বিষ্ণো॒-শ্নপ্ত্রে᳚স্থো॒ বিষ্ণো॒ স্স্যূর॑সি॒ বিষ্ণো᳚র্ ধ্রু॒বম॑সি বৈষ্ণ॒বম॑সি॒ বিষ্ণ॑বে ত্বা ॥ (তৈ. সং. 1.2.13.3)
(ওং অধিদেবতা প্রত্যধিদেবতা সহিতায ভগবতে বুধা॑য॒ নমঃ॑) 5

6. (দেবতা - বুহস্পতিঃ, অধিদেবতা - ইংদ্র-মরুত, প্রত্যধিদেবতা - ব্রহ্ম)
ওং বৃহ॑স্পতে॒ অতি॒ যদ॒র্যো অর্​হ᳚দ্ দ্যু॒মদ্-বি॒ভাতি॒ ক্রতু॑ ম॒জ্জনে॑ষু ।
যদ্দী॒দ য॒চ্ছ ব॑সর্ত প্রজাত॒ তদ॒স্মাসু॒ দ্রবি॑ণং ধেহি চি॒ত্রম্ ॥ (তৈ. সং. 1.8.22.2)

ইংদ্র॑মরুত্ব ই॒হ পা॑হি॒ সোমং॒-যঁথা॑ শার্যা॒তে অপি॑বস্সু॒তস্য॑ ।
তব॒ প্রণী॑তী॒ তব॑ শূর॒ শর্ম॒ন্না-বি॑বাসংতি ক॒বযঃ॑ সুয॒জ্ঞাঃ ॥ (তৈ. সং. 1.4.18.1)

ব্রহ্ম॑জজ্ঞা॒নং প্র॑থ॒মং পু॒রস্তা॒দ্ বিসী॑ম॒ত-স্সু॒রুচো॑ বে॒ন আ॑বঃ ।
সবু॒দ্ধ্নিযা॑ উপ॒মা অ॑স্য বি॒ষ্ঠাস্স॒তশ্চ॒ যোনি॒ম-স॑তশ্চ॒ বিবঃ॑ ॥ (তৈ. সং. 4.2.8.2)
(ওং অধিদেবতা প্রত্যধিদেবতা সহিতায ভগবতে বৃহ॒স্পত॑যে॒ নমঃ॑) 6

7. (দেবতা - শনৈশ্চরঃ, অধিদেবতা - প্রজাপতিঃ, প্রত্যধিদেবতা - যমঃ)
ওং শন্নো॑ দে॒বী-র॒ভিষ্ট॑য॒ আপো॑ ভবংতু পী॒তযে᳚ ।
শং-যোঁর॒ভি-স্র॑বংতু নঃ ॥ (তৈ. অর. 7.42.4)

প্রজা॑পতে॒ ন ত্বদে॒তা-ন্য॒ন্যো বিশ্বা॑ জা॒তানি॒ পরি॒তা ব॑ভূব ।
যত্কা॑মাস্তে জুহু॒মস্তন্নো॑ অস্তু ব॒যগ্গ্​ স্যা॑ম॒ পত॑যো রযী॒ণাম্ ॥ (তৈ. সং. 1.8.14.2)

ই॒মং-যঁ॑ম প্রস্ত॒রমাহি সীদাংকি॑রোভিঃ পি॒তৃভিঃ॑ সং​বিঁদা॒নঃ ।
আত্বা॒ মংত্রাঃ᳚ কবিশ॒স্তা ব॑হংত্বে॒না রা॑জন্ হ॒বিষা॑ মাদযস্ব ॥ (তৈ. সং. 2.6.12.6)
(ওং অধিদেবতা প্রত্যধিদেবতা সহিতায ভগবতে শনৈশ্চ॑রায॒ নমঃ॑) 7

8. (দেবতা - রাহু, অধিদেবতা- সর্পঃ, প্রত্যধিদেবতা - নির্​ঋত)
ওং কযা॑ নশ্চি॒ত্র আভু॑বদূ॒তী স॒দাবৃ॑ধ॒ স্সখা᳚ ।
কযা॒ শচি॑ষ্ঠযা বৃ॒তা ॥ (তৈ. সং. 4.2.11.2)

আঽযংকৌঃ পৃশ্নি॑রক্রমী॒-দস॑নন্ মা॒তরং॒ পুনঃ॑ ।
পি॒তরং॑চ প্র॒যংথ্​সুবঃ॑ ॥ (তৈ. সং. 1.5.3.1)
যত্তে॑ দে॒বী নির্​ঋতি॑ রাব॒বংধ॒ দাম॑ গ্রী॒বাস্ব॑-বিচ॒র্ত্যম্ ।

ই॒দংতে॒ তদ্বিষ্যা॒-ম্যাযু॑ষো॒ ন মদ্ধ্যা॒-দথা॑ জী॒বঃ
পি॒তুম॑দ্ধি॒ প্রমু॑ক্তঃ ॥ (তৈ. সং. 4.2.5.3)
(ওং অধিদেবতা প্রত্যধিদেবতা সহিতায ভগবতে রাহ॑বে॒ নমঃ॑) 8

9. (দেবতা - কেতুঃ , অধিদেবতা - ব্রহ্ম, প্রত্যধিদেবতা - চিত্রগুপ্তঃ)
ওং কে॒তুং কৃ॒ণ্বন্ন॑কে॒তবে॒ পেশো॑ মর্যা অপে॒শসে᳚ ।
সমু॒ষদ্ভি॑রজাযথাঃ ॥ (তৈ. সং. 7.4.20.1)

ব্র॒হ্মা দে॒বানাং᳚ পদ॒বীঃ ক॑বী॒না-মৃষি॒র্বিপ্রা॑ণাং মহি॒ষো মৃ॒গাণা᳚ম্ ।
শ্যে॒নো গৃদ্ধ্রা॑ণা॒গ্গ্॒​ স্বধি॑তি॒র্ বনা॑না॒গ্​ম্॒ সোমঃ॑ প॒বিত্র॒ মত্যে॑তি॒ রেভন্ন্॑ ॥ (তৈ. সং. 3.4.11.1)

সচি॑ত্র চি॒ত্রং চি॒তযং॑ত-ম॒স্মে চিত্র॑ক্ষত্র চি॒ত্রত॑মং-বঁযো॒ধাম্ ।
চং॒দ্রং র॒যিং পু॑রু॒বীরং॑ বৃ॒হংতং॒ চংদ্র॑-চং॒দ্রাভি॑র্-গৃণ॒তে যু॑বস্ব ॥ (ঋগ্. বে. 6.6.7).
(ওং অধিদেবতা প্রত্যধিদেবতা সহিতেভ্যো ভগবদ্ভ্যঃ কেতু॑ভ্যো॒ নমঃ॑) 9

॥ ওং আদিত্যাদি নবগ্রহ দেব॑তাভ্যো॒ নমো॒ নমঃ॑॥

ওং শাংতিঃ॒ শাংতিঃ॒ শাংতিঃ॑ ॥