𑌅𑌸𑍍𑌯 𑌶𑍍𑌰𑍀𑌶𑍀𑌤𑌲𑌾𑌸𑍍𑌤𑍋𑌤𑍍𑌰𑌸𑍍𑌯 𑌮𑌹𑌾𑌦𑍇𑌵 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 𑌶𑍀𑌤𑌲𑌾 𑌦𑍇𑌵𑌤𑌾 𑌲𑌕𑍍𑌷𑍍𑌮𑍀𑌰𑍍𑌬𑍀𑌜𑌂 𑌭𑌵𑌾𑌨𑍀 𑌶𑌕𑍍𑌤𑌿𑌃 𑌸𑌰𑍍𑌵𑌵𑌿𑌸𑍍𑌫𑍋𑌟𑌕𑌨𑌿𑌵𑍃𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥
𑌈𑌶𑍍𑌵𑌰 𑌉𑌵𑌾𑌚 ।
𑌵𑌂𑌦𑍇𑌽𑌹𑌂 𑌶𑍀𑌤𑌲𑌾𑌂 𑌦𑍇𑌵𑍀𑌂 𑌰𑌾𑌸𑌭𑌸𑍍𑌥𑌾𑌂 𑌦𑌿𑌗𑌂𑌬𑌰𑌾𑌮𑍍 ।
𑌮𑌾𑌰𑍍𑌜𑌨𑍀𑌕𑌲𑌶𑍋𑌪𑍇𑌤𑌾𑌂 𑌶𑍂𑌰𑍍𑌪𑌾𑌲𑌂𑌕𑍃𑌤𑌮𑌸𑍍𑌤𑌕𑌾𑌮𑍍 ॥ 1 ॥
𑌵𑌂𑌦𑍇𑌽𑌹𑌂 𑌶𑍀𑌤𑌲𑌾𑌂 𑌦𑍇𑌵𑍀𑌂 𑌸𑌰𑍍𑌵𑌰𑍋𑌗𑌭𑌯𑌾𑌪𑌹𑌾𑌮𑍍 ।
𑌯𑌾𑌮𑌾𑌸𑌾𑌦𑍍𑌯 𑌨𑌿𑌵𑌰𑍍𑌤𑍇𑌤 𑌵𑌿𑌸𑍍𑌫𑍋𑌟𑌕𑌭𑌯𑌂 𑌮𑌹𑌤𑍍 ॥ 2 ॥
𑌶𑍀𑌤𑌲𑍇 𑌶𑍀𑌤𑌲𑍇 𑌚𑍇𑌤𑌿 𑌯𑍋 𑌬𑍍𑌰𑍂𑌯𑌾𑌦𑍍𑌦𑌾𑌹𑌪𑍀𑌡𑌿𑌤𑌃 ।
𑌵𑌿𑌸𑍍𑌫𑍋𑌟𑌕𑌭𑌯𑌂 𑌘𑍋𑌰𑌂 𑌕𑍍𑌷𑌿𑌪𑍍𑌰𑌂 𑌤𑌸𑍍𑌯 𑌪𑍍𑌰𑌣𑌶𑍍𑌯𑌤𑌿 ॥ 3 ॥
𑌯𑌸𑍍𑌤𑍍𑌵𑌾𑌮𑍁𑌦𑌕𑌮𑌧𑍍𑌯𑍇 𑌤𑍁 𑌧𑍍𑌯𑌾𑌤𑍍𑌵𑌾 𑌸𑌂𑌪𑍂𑌜𑌯𑍇𑌨𑍍𑌨𑌰𑌃 ।
𑌵𑌿𑌸𑍍𑌫𑍋𑌟𑌕𑌭𑌯𑌂 𑌘𑍋𑌰𑌂 𑌗𑍃𑌹𑍇 𑌤𑌸𑍍𑌯 𑌨 𑌜𑌾𑌯𑌤𑍇 ॥ 4 ॥
𑌶𑍀𑌤𑌲𑍇 𑌜𑍍𑌵𑌰𑌦𑌗𑍍𑌧𑌸𑍍𑌯 𑌪𑍂𑌤𑌿𑌗𑌂𑌧𑌯𑍁𑌤𑌸𑍍𑌯 𑌚 ।
𑌪𑍍𑌰𑌣𑌷𑍍𑌟𑌚𑌕𑍍𑌷𑍁𑌷𑌃 𑌪𑍁𑌂𑌸𑌸𑍍𑌤𑍍𑌵𑌾𑌮𑌾𑌹𑍁𑌰𑍍𑌜𑍀𑌵𑌨𑍌𑌷𑌧𑌮𑍍 ॥ 5 ॥
𑌶𑍀𑌤𑌲𑍇 𑌤𑌨𑍁𑌜𑌾𑌨𑍍 𑌰𑍋𑌗𑌾𑌨𑍍 𑌨𑍃𑌣𑌾𑌂 𑌹𑌰𑌸𑌿 𑌦𑍁𑌸𑍍𑌤𑍍𑌯𑌜𑌾𑌨𑍍 ।
𑌵𑌿𑌸𑍍𑌫𑍋𑌟𑌕𑌵𑌿𑌦𑍀𑌰𑍍𑌣𑌾𑌨𑌾𑌂 𑌤𑍍𑌵𑌮𑍇𑌕𑌾𑌽𑌮𑍃𑌤𑌵𑌰𑍍𑌷𑌿𑌣𑍀 ॥ 6 ॥
𑌗𑌲𑌗𑌂𑌡𑌗𑍍𑌰𑌹𑌾 𑌰𑍋𑌗𑌾 𑌯𑍇 𑌚𑌾𑌨𑍍𑌯𑍇 𑌦𑌾𑌰𑍁𑌣𑌾 𑌨𑍃𑌣𑌾𑌮𑍍 ।
𑌤𑍍𑌵𑌦𑌨𑍁𑌧𑍍𑌯𑌾𑌨𑌮𑌾𑌤𑍍𑌰𑍇𑌣 𑌶𑍀𑌤𑌲𑍇 𑌯𑌾𑌂𑌤𑌿 𑌸𑌂𑌕𑍍𑌷𑌯𑌮𑍍 ॥ ॥
𑌨 𑌮𑌂𑌤𑍍𑌰𑍋 𑌨𑍌𑌷𑌧𑌂 𑌤𑌸𑍍𑌯 𑌪𑌾𑌪𑌰𑍋𑌗𑌸𑍍𑌯 𑌵𑌿𑌦𑍍𑌯𑌤𑍇 ।
𑌤𑍍𑌵𑌾𑌮𑍇𑌕𑌾𑌂 𑌶𑍀𑌤𑌲𑍇 𑌧𑌾𑌤𑍍𑌰𑍀𑌂 𑌨𑌾𑌨𑍍𑌯𑌾𑌂 𑌪𑌶𑍍𑌯𑌾𑌮𑌿 𑌦𑍇𑌵𑌤𑌾𑌮𑍍 ॥ ॥
𑌮𑍃𑌣𑌾𑌲𑌤𑌂𑌤𑍁𑌸𑌦𑍃𑌶𑍀𑌂 𑌨𑌾𑌭𑌿𑌹𑍃𑌨𑍍𑌮𑌧𑍍𑌯𑌸𑌂𑌸𑍍𑌥𑌿𑌤𑌾𑌮𑍍 ।
𑌯𑌸𑍍𑌤𑍍𑌵𑌾𑌂 𑌸𑌂𑌚𑌿𑌂𑌤𑌯𑍇𑌦𑍍𑌦𑍇𑌵𑌿 𑌤𑌸𑍍𑌯 𑌮𑍃𑌤𑍍𑌯𑍁𑌰𑍍𑌨 𑌜𑌾𑌯𑌤𑍇 ॥ ॥
𑌅𑌷𑍍𑌟𑌕𑌂 𑌶𑍀𑌤𑌲𑌾𑌦𑍇𑌵𑍍𑌯𑌾 𑌯𑍋 𑌨𑌰𑌃 𑌪𑍍𑌰𑌪𑌠𑍇𑌤𑍍𑌸𑌦𑌾 ।
𑌵𑌿𑌸𑍍𑌫𑍋𑌟𑌕𑌭𑌯𑌂 𑌘𑍋𑌰𑌂 𑌗𑍃𑌹𑍇 𑌤𑌸𑍍𑌯 𑌨 𑌜𑌾𑌯𑌤𑍇 ॥ 10 ॥
𑌶𑍍𑌰𑍋𑌤𑌵𑍍𑌯𑌂 𑌪𑌠𑌿𑌤𑌵𑍍𑌯𑌂 𑌚 𑌶𑍍𑌰𑌦𑍍𑌧𑌾𑌭𑌕𑍍𑌤𑌿𑌸𑌮𑌨𑍍𑌵𑌿𑌤𑍈𑌃 ।
𑌉𑌪𑌸𑌰𑍍𑌗𑌵𑌿𑌨𑌾𑌶𑌾𑌯 𑌪𑌰𑌂 𑌸𑍍𑌵𑌸𑍍𑌤𑍍𑌯𑌯𑌨𑌂 𑌮𑌹𑌤𑍍 ॥ 11 ॥
𑌶𑍀𑌤𑌲𑍇 𑌤𑍍𑌵𑌂 𑌜𑌗𑌨𑍍𑌮𑌾𑌤𑌾 𑌶𑍀𑌤𑌲𑍇 𑌤𑍍𑌵𑌂 𑌜𑌗𑌤𑍍𑌪𑌿𑌤𑌾 ।
𑌶𑍀𑌤𑌲𑍇 𑌤𑍍𑌵𑌂 𑌜𑌗𑌦𑍍𑌧𑌾𑌤𑍍𑌰𑍀 𑌶𑍀𑌤𑌲𑌾𑌯𑍈 𑌨𑌮𑍋 𑌨𑌮𑌃 ॥ 12 ॥
𑌰𑌾𑌸𑌭𑍋 𑌗𑌰𑍍𑌦𑌭𑌶𑍍𑌚𑍈𑌵 𑌖𑌰𑍋 𑌵𑍈𑌶𑌾𑌖𑌨𑌂𑌦𑌨𑌃 ।
𑌶𑍀𑌤𑌲𑌾𑌵𑌾𑌹𑌨𑌶𑍍𑌚𑍈𑌵 𑌦𑍂𑌰𑍍𑌵𑌾𑌕𑌂𑌦𑌨𑌿𑌕𑍃𑌂𑌤𑌨𑌃 ॥ 13 ॥
𑌏𑌤𑌾𑌨𑌿 𑌖𑌰𑌨𑌾𑌮𑌾𑌨𑌿 𑌶𑍀𑌤𑌲𑌾𑌗𑍍𑌰𑍇 𑌤𑍁 𑌯𑌃 𑌪𑌠𑍇𑌤𑍍 ।
𑌤𑌸𑍍𑌯 𑌗𑍇𑌹𑍇 𑌶𑌿𑌶𑍂𑌨𑌾𑌂 𑌚 𑌶𑍀𑌤𑌲𑌾𑌰𑍁𑌙𑍍 𑌨 𑌜𑌾𑌯𑌤𑍇 ॥ 14 ॥
𑌶𑍀𑌤𑌲𑌾𑌷𑍍𑌟𑌕𑌮𑍇𑌵𑍇𑌦𑌂 𑌨 𑌦𑍇𑌯𑌂 𑌯𑌸𑍍𑌯𑌕𑌸𑍍𑌯𑌚𑌿𑌤𑍍 ।
𑌦𑌾𑌤𑌵𑍍𑌯𑌂 𑌚 𑌸𑌦𑌾 𑌤𑌸𑍍𑌮𑍈 𑌶𑍍𑌰𑌦𑍍𑌧𑌾𑌭𑌕𑍍𑌤𑌿𑌯𑍁𑌤𑌾𑌯 𑌵𑍈 ॥ 15 ॥
𑌇𑌤𑌿 𑌶𑍍𑌰𑍀𑌸𑍍𑌕𑌾𑌂𑌦𑌪𑍁𑌰𑌾𑌣𑍇 𑌶𑍀𑌤𑌲𑌾𑌷𑍍𑌟𑌕𑌮𑍍 ॥
