(𑌶𑍍𑌰𑍀𑌦𑍇𑌵𑍀𑌭𑌾𑌗𑌵𑌤𑌂, 𑌦𑍍𑌵𑌾𑌦𑌶 𑌸𑍍𑌕𑌂𑌧𑌂, 𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯𑌃, 𑌮𑌣𑌿𑌦𑍍𑌵𑍀𑌪 𑌵𑌰𑍍𑌣𑌨 - 3)
𑌵𑍍𑌯𑌾𑌸 𑌉𑌵𑌾𑌚 ।
𑌤𑌦𑍇𑌵 𑌦𑍇𑌵𑍀𑌸𑌦𑌨𑌂 𑌮𑌧𑍍𑌯𑌭𑌾𑌗𑍇 𑌵𑌿𑌰𑌾𑌜𑌤𑍇 ।
𑌸𑌹𑌸𑍍𑌰 𑌸𑍍𑌤𑌂𑌭𑌸𑌂𑌯𑍁𑌕𑍍𑌤𑌾𑌶𑍍𑌚𑌤𑍍𑌵𑌾𑌰𑌸𑍍𑌤𑍇𑌷𑍁 𑌮𑌂𑌡𑌪𑌾𑌃 ॥ 1 ॥
𑌶𑍃𑌂𑌗𑌾𑌰𑌮𑌂𑌡𑌪𑌶𑍍𑌚𑍈𑌕𑍋 𑌮𑍁𑌕𑍍𑌤𑌿𑌮𑌂𑌡𑌪 𑌏𑌵 𑌚 ।
𑌜𑍍𑌞𑌾𑌨𑌮𑌂𑌡𑌪 𑌸𑌂𑌜𑍍𑌞𑌸𑍍𑌤𑍁 𑌤𑍃𑌤𑍀𑌯𑌃 𑌪𑌰𑌿𑌕𑍀𑌰𑍍𑌤𑌿𑌤𑌃 ॥ 2 ॥
𑌏𑌕𑌾𑌂𑌤𑌮𑌂𑌡𑌪𑌶𑍍𑌚𑍈𑌵 𑌚𑌤𑍁𑌰𑍍𑌥𑌃 𑌪𑌰𑌿𑌕𑍀𑌰𑍍𑌤𑌿𑌤𑌃 ।
𑌨𑌾𑌨𑌾 𑌵𑌿𑌤𑌾𑌨𑌸𑌂𑌯𑍁𑌕𑍍𑌤𑌾 𑌨𑌾𑌨𑌾 𑌧𑍂𑌪𑍈𑌸𑍍𑌤𑍁 𑌧𑍂𑌪𑌿𑌤𑌾𑌃 ॥ 3 ॥
𑌕𑍋𑌟𑌿𑌸𑍂𑌰𑍍𑌯𑌸𑌮𑌾𑌃 𑌕𑌾𑌂𑌤𑍍𑌯𑌾 𑌭𑍍𑌰𑌾𑌂𑌜𑌂𑌤𑍇 𑌮𑌂𑌡𑌪𑌾𑌃 𑌶𑍁𑌭𑌾𑌃 ।
𑌤𑌨𑍍𑌮𑌂𑌡𑌪𑌾𑌨𑌾𑌂 𑌪𑌰𑌿𑌤𑌃 𑌕𑌾𑌶𑍍𑌮𑍀𑌰𑌵𑌨𑌿𑌕𑌾 𑌸𑍍𑌮𑍃𑌤𑌾 ॥ 4 ॥
𑌮𑌲𑍍𑌲𑌿𑌕𑌾𑌕𑍁𑌂𑌦𑌵𑌨𑌿𑌕𑌾 𑌯𑌤𑍍𑌰 𑌪𑍁𑌷𑍍𑌕𑌲𑌕𑌾𑌃 𑌸𑍍𑌥𑌿𑌤𑌾𑌃 ।
𑌅𑌸𑌂𑌖𑍍𑌯𑌾𑌤𑌾 𑌮𑍃𑌗𑌮𑌦𑍈𑌃 𑌪𑍂𑌰𑌿𑌤𑌾𑌸𑍍𑌤𑌤𑍍𑌸𑍍𑌰𑌵𑌾 𑌨𑍃𑌪 ॥ 5 ॥
𑌮𑌹𑌾𑌪𑌦𑍍𑌮𑌾𑌟𑌵𑍀 𑌤𑌦𑍍𑌵𑌦𑍍𑌰𑌤𑍍𑌨𑌸𑍋𑌪𑌾𑌨𑌨𑌿𑌰𑍍𑌮𑌿𑌤𑌾 ।
𑌸𑍁𑌧𑌾𑌰𑌸𑍇𑌨𑌸𑌂𑌪𑍂𑌰𑍍𑌣𑌾 𑌗𑍁𑌂𑌜𑌨𑍍𑌮𑌤𑍍𑌤𑌮𑌧𑍁𑌵𑍍𑌰𑌤𑌾 ॥ 6 ॥
𑌹𑌂𑌸𑌕𑌾𑌰𑌂𑌡𑌵𑌾𑌕𑍀𑌰𑍍𑌣𑌾 𑌗𑌂𑌧𑌪𑍂𑌰𑌿𑌤 𑌦𑌿𑌕𑍍𑌤𑌟𑌾 ।
𑌵𑌨𑌿𑌕𑌾𑌨𑌾𑌂 𑌸𑍁𑌗𑌂𑌧𑍈𑌸𑍍𑌤𑍁 𑌮𑌣𑌿𑌦𑍍𑌵𑍀𑌪𑌂 𑌸𑍁𑌵𑌾𑌸𑌿𑌤𑌮𑍍 ॥ ॥
𑌶𑍃𑌂𑌗𑌾𑌰𑌮𑌂𑌡𑌪𑍇 𑌦𑍇𑌵𑍍𑌯𑍋 𑌗𑌾𑌯𑌂𑌤𑌿 𑌵𑌿𑌵𑌿𑌧𑍈𑌃 𑌸𑍍𑌵𑌰𑍈𑌃 ।
𑌸𑌭𑌾𑌸𑌦𑍋 𑌦𑍇𑌵𑌵𑌶𑌾 𑌮𑌧𑍍𑌯𑍇 𑌶𑍍𑌰𑍀𑌜𑌗𑌦𑌂𑌬𑌿𑌕𑌾 ॥ ॥
𑌮𑍁𑌕𑍍𑌤𑌿𑌮𑌂𑌡𑌪𑌮𑌧𑍍𑌯𑍇 𑌤𑍁 𑌮𑍋𑌚𑌯𑌤𑍍𑌯𑌨𑌿𑌶𑌂 𑌶𑌿𑌵𑌾 ।
𑌜𑍍𑌞𑌾𑌨𑍋𑌪𑌦𑍇𑌶𑌂 𑌕𑍁𑌰𑍁𑌤𑍇 𑌤𑍃𑌤𑍀𑌯𑍇 𑌨𑍃𑌪 𑌮𑌂𑌡𑌪𑍇 ॥ ॥
𑌚𑌤𑍁𑌰𑍍𑌥𑌮𑌂𑌡𑌪𑍇 𑌚𑍈𑌵 𑌜𑌗𑌦𑍍𑌰𑌕𑍍𑌷𑌾 𑌵𑌿𑌚𑌿𑌂𑌤𑌨𑌮𑍍 ।
𑌮𑌂𑌤𑍍𑌰𑌿𑌣𑍀 𑌸𑌹𑌿𑌤𑌾 𑌨𑌿𑌤𑍍𑌯𑌂 𑌕𑌰𑍋𑌤𑌿 𑌜𑌗𑌦𑌂𑌬𑌿𑌕𑌾 ॥ 10 ॥
𑌚𑌿𑌂𑌤𑌾𑌮𑌣𑌿𑌗𑍃𑌹𑍇 𑌰𑌾𑌜𑌂𑌛𑌕𑍍𑌤𑌿 𑌤𑌤𑍍𑌤𑍍𑌵𑌾𑌤𑍍𑌮𑌕𑍈𑌃 𑌪𑌰𑍈𑌃 ।
𑌸𑍋𑌪𑌾𑌨𑍈𑌰𑍍𑌦𑌶𑌭𑌿𑌰𑍍𑌯𑍁𑌕𑍍𑌤𑍋 𑌮𑌂𑌚𑌕𑍋𑌪𑍍𑌯𑌧𑌿𑌰𑌾𑌜𑌤𑍇 ॥ 11 ॥
𑌬𑍍𑌰𑌹𑍍𑌮𑌾 𑌵𑌿𑌷𑍍𑌣𑍁𑌶𑍍𑌚 𑌰𑍁𑌦𑍍𑌰𑌶𑍍𑌚 𑌈𑌶𑍍𑌵𑌰𑌶𑍍𑌚 𑌸𑌦𑌾𑌶𑌿𑌵𑌃 ।
𑌏𑌤𑍇 𑌮𑌂𑌚𑌖𑍁𑌰𑌾𑌃 𑌪𑍍𑌰𑍋𑌕𑍍𑌤𑌾𑌃 𑌫𑌲𑌕𑌸𑍍𑌤𑍁 𑌸𑌦𑌾𑌶𑌿𑌵𑌃 ॥ 12 ॥
𑌤𑌸𑍍𑌯𑍋𑌪𑌰𑌿 𑌮𑌹𑌾𑌦𑍇𑌵𑍋 𑌭𑍁𑌵𑌨𑍇𑌶𑍋 𑌵𑌿𑌰𑌾𑌜𑌤𑍇 ।
𑌯𑌾 𑌦𑍇𑌵𑍀 𑌨𑌿𑌜𑌲𑍀𑌲𑌾𑌰𑍍𑌥𑌂 𑌦𑍍𑌵𑌿𑌧𑌾𑌭𑍂𑌤𑌾 𑌬𑌭𑍂𑌵𑌹 ॥ 13 ॥
𑌸𑍃𑌷𑍍𑌟𑍍𑌯𑌾𑌦𑍌 𑌤𑍁 𑌸 𑌏𑌵𑌾𑌯𑌂 𑌤𑌦𑌰𑍍𑌧𑌾𑌂𑌗𑍋 𑌮𑌹𑍇𑌶𑍍𑌵𑌰𑌃 ।
𑌕𑌂𑌦𑌰𑍍𑌪 𑌦𑌰𑍍𑌪𑌨𑌾𑌶𑍋𑌦𑍍𑌯𑌤𑍍𑌕𑍋𑌟𑌿 𑌕𑌂𑌦𑌰𑍍𑌪𑌸𑍁𑌂𑌦𑌰𑌃 ॥ 14 ॥
𑌪𑌂𑌚𑌵𑌕𑍍𑌤𑍍𑌰𑌸𑍍𑌤𑍍𑌰𑌿𑌨𑍇𑌤𑍍𑌰𑌶𑍍𑌚 𑌮𑌣𑌿𑌭𑍂𑌷𑌣 𑌭𑍂𑌷𑌿𑌤𑌃 ।
𑌹𑌰𑌿𑌣𑌾𑌭𑍀𑌤𑌿𑌪𑌰𑌶𑍂𑌨𑍍𑌵𑌰𑌂 𑌚 𑌨𑌿𑌜𑌬𑌾𑌹𑍁𑌭𑌿𑌃 ॥ 15 ॥
𑌦𑌧𑌾𑌨𑌃 𑌷𑍋𑌡𑌶𑌾𑌬𑍍𑌦𑍋𑌽𑌸𑍌 𑌦𑍇𑌵𑌃 𑌸𑌰𑍍𑌵𑍇𑌶𑍍𑌵𑌰𑍋 𑌮𑌹𑌾𑌨𑍍 ।
𑌕𑍋𑌟𑌿𑌸𑍂𑌰𑍍𑌯 𑌪𑍍𑌰𑌤𑍀𑌕𑌾𑌶𑌶𑍍𑌚𑌂𑌦𑍍𑌰𑌕𑍋𑌟𑌿 𑌸𑍁𑌶𑍀𑌤𑌲𑌃 ॥ 16 ॥
𑌶𑍁𑌦𑍍𑌧𑌸𑍍𑌫𑌟𑌿𑌕 𑌸𑌂𑌕𑌾𑌶𑌸𑍍𑌤𑍍𑌰𑌿𑌨𑍇𑌤𑍍𑌰𑌃 𑌶𑍀𑌤𑌲 𑌦𑍍𑌯𑍁𑌤𑌿𑌃 ।
𑌵𑌾𑌮𑌾𑌂𑌕𑍇 𑌸𑌨𑍍𑌨𑌿𑌷𑌣𑍍𑌣𑌾𑌽𑌸𑍍𑌯 𑌦𑍇𑌵𑍀 𑌶𑍍𑌰𑍀𑌭𑍁𑌵𑌨𑍇𑌶𑍍𑌵𑌰𑍀 ॥ 1 ॥
𑌨𑌵𑌰𑌤𑍍𑌨𑌗𑌣𑌾𑌕𑍀𑌰𑍍𑌣 𑌕𑌾𑌂𑌚𑍀𑌦𑌾𑌮 𑌵𑌿𑌰𑌾𑌜𑌿𑌤𑌾 ।
𑌤𑌪𑍍𑌤𑌕𑌾𑌂𑌚𑌨𑌸𑌨𑍍𑌨𑌦𑍍𑌧 𑌵𑍈𑌦𑍂𑌰𑍍𑌯𑌾𑌂𑌗𑌦𑌭𑍂𑌷𑌣𑌾 ॥ 1 ॥
𑌕𑌨𑌚𑍍𑌛𑍍𑌰𑍀𑌚𑌕𑍍𑌰𑌤𑌾𑌟𑌂𑌕 𑌵𑌿𑌟𑌂𑌕 𑌵𑌦𑌨𑌾𑌂𑌬𑍁𑌜𑌾 ।
𑌲𑌲𑌾𑌟𑌕𑌾𑌂𑌤𑌿 𑌵𑌿𑌭𑌵 𑌵𑌿𑌜𑌿𑌤𑌾𑌰𑍍𑌧𑌸𑍁𑌧𑌾𑌕𑌰𑌾 ॥ 1 ॥
𑌬𑌿𑌂𑌬𑌕𑌾𑌂𑌤𑌿 𑌤𑌿𑌰𑌸𑍍𑌕𑌾𑌰𑌿𑌰𑌦𑌚𑍍𑌛𑌦 𑌵𑌿𑌰𑌾𑌜𑌿𑌤𑌾 ।
𑌲𑌸𑌤𑍍𑌕𑍁𑌂𑌕𑍁𑌮𑌕𑌸𑍍𑌤𑍂𑌰𑍀𑌤𑌿𑌲𑌕𑍋𑌦𑍍𑌭𑌾𑌸𑌿𑌤𑌾𑌨𑌨𑌾 ॥ 20 ॥
𑌦𑌿𑌵𑍍𑌯 𑌚𑍂𑌡𑌾𑌮𑌣𑌿 𑌸𑍍𑌫𑌾𑌰 𑌚𑌂𑌚𑌚𑍍𑌚𑌂𑌦𑍍𑌰𑌕𑌸𑍂𑌰𑍍𑌯𑌕𑌾 ।
𑌉𑌦𑍍𑌯𑌤𑍍𑌕𑌵𑌿𑌸𑌮𑌸𑍍𑌵𑌚𑍍𑌛 𑌨𑌾𑌸𑌾𑌭𑌰𑌣 𑌭𑌾𑌸𑍁𑌰𑌾 ॥ 21 ॥
𑌚𑌿𑌂𑌤𑌾𑌕𑌲𑌂𑌬𑌿𑌤𑌸𑍍𑌵𑌚𑍍𑌛 𑌮𑍁𑌕𑍍𑌤𑌾𑌗𑍁𑌚𑍍𑌛 𑌵𑌿𑌰𑌾𑌜𑌿𑌤𑌾 ।
𑌪𑌾𑌟𑍀𑌰 𑌪𑌂𑌕 𑌕𑌰𑍍𑌪𑍂𑌰 𑌕𑍁𑌂𑌕𑍁𑌮𑌾𑌲𑌂𑌕𑍃𑌤 𑌸𑍍𑌤𑌨𑍀 ॥ 22 ॥
𑌵𑌿𑌚𑌿𑌤𑍍𑌰 𑌵𑌿𑌵𑌿𑌧𑌾 𑌕𑌲𑍍𑌪𑌾 𑌕𑌂𑌬𑍁𑌸𑌂𑌕𑌾𑌶 𑌕𑌂𑌧𑌰𑌾 ।
𑌦𑌾𑌡𑌿𑌮𑍀𑌫𑌲𑌬𑍀𑌜𑌾𑌭 𑌦𑌂𑌤𑌪𑌂𑌕𑍍𑌤𑌿 𑌵𑌿𑌰𑌾𑌜𑌿𑌤𑌾 ॥ 23 ॥
𑌅𑌨𑌰𑍍𑌘𑍍𑌯 𑌰𑌤𑍍𑌨𑌘𑌟𑌿𑌤 𑌮𑍁𑌕𑍁𑌟𑌾𑌂𑌚𑌿𑌤 𑌮𑌸𑍍𑌤𑌕𑌾 ।
𑌮𑌤𑍍𑌤𑌾𑌲𑌿𑌮𑌾𑌲𑌾𑌵𑌿𑌲𑌸𑌦𑌲𑌕𑌾𑌢𑍍𑌯 𑌮𑍁𑌖𑌾𑌂𑌬𑍁𑌜𑌾 ॥ 24 ॥
𑌕𑌳𑌂𑌕𑌕𑌾𑌰𑍍𑌶𑍍𑌯𑌨𑌿𑌰𑍍𑌮𑍁𑌕𑍍𑌤 𑌶𑌰𑌚𑍍𑌚𑌂𑌦𑍍𑌰𑌨𑌿𑌭𑌾𑌨𑌨𑌾 ।
𑌜𑌾𑌹𑍍𑌨𑌵𑍀𑌸𑌲𑌿𑌲𑌾𑌵𑌰𑍍𑌤 𑌶𑍋𑌭𑌿𑌨𑌾𑌭𑌿𑌵𑌿𑌭𑍂𑌷𑌿𑌤𑌾 ॥ 25 ॥
𑌮𑌾𑌣𑌿𑌕𑍍𑌯 𑌶𑌕𑌲𑌾𑌬𑌦𑍍𑌧 𑌮𑍁𑌦𑍍𑌰𑌿𑌕𑌾𑌂𑌗𑍁𑌳𑌿𑌭𑍂𑌷𑌿𑌤𑌾 ।
𑌪𑍁𑌂𑌡𑌰𑍀𑌕𑌦𑌲𑌾𑌕𑌾𑌰 𑌨𑌯𑌨𑌤𑍍𑌰𑌯𑌸𑍁𑌂𑌦𑌰𑍀 ॥ 26 ॥
𑌕𑌲𑍍𑌪𑌿𑌤𑌾𑌚𑍍𑌛 𑌮𑌹𑌾𑌰𑌾𑌗 𑌪𑌦𑍍𑌮𑌰𑌾𑌗𑍋𑌜𑍍𑌜𑍍𑌵𑌲𑌪𑍍𑌰𑌭𑌾 ।
𑌰𑌤𑍍𑌨𑌕𑌿𑌂𑌕𑌿𑌣𑌿𑌕𑌾𑌯𑍁𑌕𑍍𑌤 𑌰𑌤𑍍𑌨𑌕𑌂𑌕𑌣𑌶𑍋𑌭𑌿𑌤𑌾 ॥ 2 ॥
𑌮𑌣𑌿𑌮𑍁𑌕𑍍𑌤𑌾𑌸𑌰𑌾𑌪𑌾𑌰 𑌲𑌸𑌤𑍍𑌪𑌦𑌕𑌸𑌂𑌤𑌤𑌿𑌃 ।
𑌰𑌤𑍍𑌨𑌾𑌂𑌗𑍁𑌳𑌿𑌪𑍍𑌰𑌵𑌿𑌤𑌤 𑌪𑍍𑌰𑌭𑌾𑌜𑌾𑌲𑌲𑌸𑌤𑍍𑌕𑌰𑌾 ॥ 2 ॥
𑌕𑌂𑌚𑍁𑌕𑍀𑌗𑍁𑌂𑌫𑌿𑌤𑌾𑌪𑌾𑌰 𑌨𑌾𑌨𑌾 𑌰𑌤𑍍𑌨𑌤𑌤𑌿𑌦𑍍𑌯𑍁𑌤𑌿𑌃 ।
𑌮𑌲𑍍𑌲𑌿𑌕𑌾𑌮𑍋𑌦𑌿 𑌧𑌮𑍍𑌮𑌿𑌲𑍍𑌲 𑌮𑌲𑍍𑌲𑌿𑌕𑌾𑌲𑌿𑌸𑌰𑌾𑌵𑍃𑌤𑌾 ॥ 2 ॥
𑌸𑍁𑌵𑍃𑌤𑍍𑌤𑌨𑌿𑌬𑌿𑌡𑍋𑌤𑍍𑌤𑍁𑌂𑌗 𑌕𑍁𑌚𑌭𑌾𑌰𑌾𑌲𑌸𑌾 𑌶𑌿𑌵𑌾 ।
𑌵𑌰𑌪𑌾𑌶𑌾𑌂𑌕𑍁𑌶𑌾𑌭𑍀𑌤𑌿 𑌲𑌸𑌦𑍍𑌬𑌾𑌹𑍁 𑌚𑌤𑍁𑌷𑍍𑌟𑌯𑌾 ॥ 30 ॥
𑌸𑌰𑍍𑌵𑌶𑍃𑌂𑌗𑌾𑌰𑌵𑍇𑌷𑌾𑌢𑍍𑌯𑌾 𑌸𑍁𑌕𑍁𑌮𑌾𑌰𑌾𑌂𑌗𑌵𑌲𑍍𑌲𑌰𑍀 ।
𑌸𑍌𑌂𑌦𑌰𑍍𑌯𑌧𑌾𑌰𑌾𑌸𑌰𑍍𑌵𑌸𑍍𑌵𑌾 𑌨𑌿𑌰𑍍𑌵𑍍𑌯𑌾𑌜𑌕𑌰𑍁𑌣𑌾𑌮𑌯𑍀 ॥ 31 ॥
𑌨𑌿𑌜𑌸𑌂𑌲𑌾𑌪𑌮𑌾𑌧𑍁𑌰𑍍𑌯 𑌵𑌿𑌨𑌿𑌰𑍍𑌭𑌰𑍍𑌤𑍍𑌸𑌿𑌤𑌕𑌚𑍍𑌛𑌪𑍀 ।
𑌕𑍋𑌟𑌿𑌕𑍋𑌟𑌿𑌰𑌵𑍀𑌂𑌦𑍂𑌨𑌾𑌂 𑌕𑌾𑌂𑌤𑌿𑌂 𑌯𑌾 𑌬𑌿𑌭𑍍𑌰𑌤𑍀 𑌪𑌰𑌾 ॥ 32 ॥
𑌨𑌾𑌨𑌾 𑌸𑌖𑍀𑌭𑌿𑌰𑍍𑌦𑌾𑌸𑍀𑌭𑌿𑌸𑍍𑌤𑌥𑌾 𑌦𑍇𑌵𑌾𑌂𑌗𑌨𑌾𑌦𑌿𑌭𑌿𑌃 ।
𑌸𑌰𑍍𑌵𑌾𑌭𑌿𑌰𑍍𑌦𑍇𑌵𑌤𑌾𑌭𑌿𑌸𑍍𑌤𑍁 𑌸𑌮𑌂𑌤𑌾𑌤𑍍𑌪𑌰𑌿𑌵𑍇𑌷𑍍𑌟𑌿𑌤𑌾 ॥ 33 ॥
𑌇𑌚𑍍𑌛𑌾𑌶𑌕𑍍𑌤𑍍𑌯𑌾 𑌜𑍍𑌞𑌾𑌨𑌶𑌕𑍍𑌤𑍍𑌯𑌾 𑌕𑍍𑌰𑌿𑌯𑌾𑌶𑌕𑍍𑌤𑍍𑌯𑌾 𑌸𑌮𑌨𑍍𑌵𑌿𑌤𑌾 ।
𑌲𑌜𑍍𑌜𑌾 𑌤𑍁𑌷𑍍𑌟𑌿𑌸𑍍𑌤𑌥𑌾 𑌪𑍁𑌷𑍍𑌟𑌿𑌃 𑌕𑍀𑌰𑍍𑌤𑌿𑌃 𑌕𑌾𑌂𑌤𑌿𑌃 𑌕𑍍𑌷𑌮𑌾 𑌦𑌯𑌾 ॥ 34 ॥
𑌬𑍁𑌦𑍍𑌧𑌿𑌰𑍍𑌮𑍇𑌧𑌾𑌸𑍍𑌮𑍃𑌤𑌿𑌰𑍍𑌲𑌕𑍍𑌷𑍍𑌮𑍀𑌰𑍍𑌮𑍂𑌰𑍍𑌤𑌿𑌮𑌤𑍍𑌯𑍋𑌂𑌗𑌨𑌾𑌃 𑌸𑍍𑌮𑍃𑌤𑌾𑌃 ।
𑌜𑌯𑌾 𑌚 𑌵𑌿𑌜𑌯𑌾 𑌚𑍈𑌵𑌾𑌪𑍍𑌯𑌜𑌿𑌤𑌾 𑌚𑌾𑌪𑌰𑌾𑌜𑌿𑌤𑌾 ॥ 35 ॥
𑌨𑌿𑌤𑍍𑌯𑌾 𑌵𑌿𑌲𑌾𑌸𑌿𑌨𑍀 𑌦𑍋𑌗𑍍𑌧𑍍𑌰𑍀 𑌤𑍍𑌵𑌘𑍋𑌰𑌾 𑌮𑌂𑌗𑌳𑌾 𑌨𑌵𑌾 ।
𑌪𑍀𑌠𑌶𑌕𑍍𑌤𑌯 𑌏𑌤𑌾𑌸𑍍𑌤𑍁 𑌸𑍇𑌵𑌂𑌤𑍇 𑌯𑌾𑌂 𑌪𑌰𑌾𑌂𑌬𑌿𑌕𑌾𑌮𑍍 ॥ 36 ॥
𑌯𑌸𑍍𑌯𑌾𑌸𑍍𑌤𑍁 𑌪𑌾𑌰𑍍𑌶𑍍𑌵𑌭𑌾𑌗𑍇𑌸𑍍𑌤𑍋𑌨𑌿𑌧𑍀𑌤𑍌 𑌶𑌂𑌖𑌪𑌦𑍍𑌮𑌕𑍌 ।
𑌨𑌵𑌰𑌤𑍍𑌨 𑌵𑌹𑌾𑌨𑌦𑍍𑌯𑌸𑍍𑌤𑌥𑌾 𑌵𑍈 𑌕𑌾𑌂𑌚𑌨𑌸𑍍𑌰𑌵𑌾𑌃 ॥ 3 ॥
𑌸𑌪𑍍𑌤𑌧𑌾𑌤𑍁𑌵𑌹𑌾𑌨𑌦𑍍𑌯𑍋 𑌨𑌿𑌧𑌿𑌭𑍍𑌯𑌾𑌂 𑌤𑍁 𑌵𑌿𑌨𑌿𑌰𑍍𑌗𑌤𑌾𑌃 ।
𑌸𑍁𑌧𑌾𑌸𑌿𑌂𑌧𑍍𑌵𑌂𑌤𑌗𑌾𑌮𑌿𑌨𑍍𑌯𑌸𑍍𑌤𑌾𑌃 𑌸𑌰𑍍𑌵𑌾 𑌨𑍃𑌪𑌸𑌤𑍍𑌤𑌮 ॥ 3 ॥
𑌸𑌾 𑌦𑍇𑌵𑍀 𑌭𑍁𑌵𑌨𑍇𑌶𑌾𑌨𑍀 𑌤𑌦𑍍𑌵𑌾𑌮𑌾𑌂𑌕𑍇 𑌵𑌿𑌰𑌾𑌜𑌤𑍇 ।
𑌸𑌰𑍍𑌵𑍇𑌶 𑌤𑍍𑌵𑌂 𑌮𑌹𑍇𑌶𑌸𑍍𑌯 𑌯𑌤𑍍𑌸𑌂𑌗𑌾 𑌦𑍇𑌵 𑌨𑌾𑌨𑍍𑌯𑌥𑌾 ॥ 3 ॥
𑌚𑌿𑌂𑌤𑌾𑌮𑌣𑌿 𑌗𑍃𑌹𑌸𑍍𑌯𑌾𑌽𑌸𑍍𑌯 𑌪𑍍𑌰𑌮𑌾𑌣𑌂 𑌶𑍃𑌣𑍁 𑌭𑍂𑌮𑌿𑌪 ।
𑌸𑌹𑌸𑍍𑌰𑌯𑍋𑌜𑌨𑌾𑌯𑌾𑌮𑌂 𑌮𑌹𑌾𑌂𑌤𑌸𑍍𑌤𑌤𑍍𑌪𑍍𑌰𑌚𑌕𑍍𑌷𑌤𑍇 ॥ 40 ॥
𑌤𑌦𑍁𑌤𑍍𑌤𑌰𑍇 𑌮𑌹𑌾𑌶𑌾𑌲𑌾𑌃 𑌪𑍂𑌰𑍍𑌵𑌸𑍍𑌮𑌾𑌦𑍍 𑌦𑍍𑌵𑌿𑌗𑍁𑌣𑌾𑌃 𑌸𑍍𑌮𑍃𑌤𑌾𑌃 ।
𑌅𑌂𑌤𑌰𑌿𑌕𑍍𑌷𑌗𑌤𑌂 𑌤𑍍𑌵𑍇𑌤𑌨𑍍𑌨𑌿𑌰𑌾𑌧𑌾𑌰𑌂 𑌵𑌿𑌰𑌾𑌜𑌤𑍇 ॥ 41 ॥
𑌸𑌂𑌕𑍋𑌚𑌶𑍍𑌚 𑌵𑌿𑌕𑌾𑌶𑌶𑍍𑌚 𑌜𑌾𑌯𑌤𑍇𑌽𑌸𑍍𑌯 𑌨𑌿𑌰𑌂𑌤𑌰𑌮𑍍 ।
𑌪𑌟𑌵𑌤𑍍𑌕𑌾𑌰𑍍𑌯𑌵𑌶𑌤𑌃 𑌪𑍍𑌰𑌳𑌯𑍇 𑌸𑌰𑍍𑌜𑌨𑍇 𑌤𑌥𑌾 ॥ 42 ॥
𑌶𑌾𑌲𑌾𑌨𑌾𑌂 𑌚𑍈𑌵 𑌸𑌰𑍍𑌵𑍇𑌷𑌾𑌂 𑌸𑌰𑍍𑌵𑌕𑌾𑌂𑌤𑌿𑌪𑌰𑌾𑌵𑌧𑌿 ।
𑌚𑌿𑌂𑌤𑌾𑌮𑌣𑌿𑌗𑍃𑌹𑌂 𑌪𑍍𑌰𑍋𑌕𑍍𑌤𑌂 𑌯𑌤𑍍𑌰 𑌦𑍇𑌵𑍀 𑌮𑌹𑍋𑌮𑌯𑍀 ॥ 43 ॥
𑌯𑍇𑌯𑍇 𑌉𑌪𑌾𑌸𑌕𑌾𑌃 𑌸𑌂𑌤𑌿 𑌪𑍍𑌰𑌤𑌿𑌬𑍍𑌰𑌹𑍍𑌮𑌾𑌂𑌡𑌵𑌰𑍍𑌤𑌿𑌨𑌃 ।
𑌦𑍇𑌵𑍇𑌷𑍁 𑌨𑌾𑌗𑌲𑍋𑌕𑍇𑌷𑍁 𑌮𑌨𑍁𑌷𑍍𑌯𑍇𑌷𑍍𑌵𑌿𑌤𑌰𑍇𑌷𑍁 𑌚 ॥ 44 ॥
𑌶𑍍𑌰𑍀𑌦𑍇𑌵𑍍𑌯𑌾𑌸𑍍𑌤𑍇 𑌚 𑌸𑌰𑍍𑌵𑍇𑌪𑌿 𑌵𑍍𑌰𑌜𑌂𑌤𑍍𑌯𑌤𑍍𑌰𑍈𑌵 𑌭𑍂𑌮𑌿𑌪 ।
𑌦𑍇𑌵𑍀𑌕𑍍𑌷𑍇𑌤𑍍𑌰𑍇 𑌯𑍇 𑌤𑍍𑌯𑌜𑌂𑌤𑌿 𑌪𑍍𑌰𑌾𑌣𑌾𑌂𑌦𑍇𑌵𑍍𑌯𑌰𑍍𑌚𑌨𑍇 𑌰𑌤𑌾𑌃 ॥ 45 ॥
𑌤𑍇 𑌸𑌰𑍍𑌵𑍇 𑌯𑌾𑌂𑌤𑌿 𑌤𑌤𑍍𑌰𑍈𑌵 𑌯𑌤𑍍𑌰 𑌦𑍇𑌵𑍀 𑌮𑌹𑍋𑌤𑍍𑌸𑌵𑌾 ।
𑌘𑍃𑌤𑌕𑍁𑌲𑍍𑌯𑌾 𑌦𑍁𑌗𑍍𑌧𑌕𑍁𑌲𑍍𑌯𑌾 𑌦𑌧𑌿𑌕𑍁𑌲𑍍𑌯𑌾 𑌮𑌧𑍁𑌸𑍍𑌰𑌵𑌾𑌃 ॥ 46 ॥
𑌸𑍍𑌯𑌂𑌦𑌂𑌤𑌿 𑌸𑌰𑌿𑌤𑌃 𑌸𑌰𑍍𑌵𑌾𑌸𑍍𑌤𑌥𑌾𑌮𑍃𑌤𑌵𑌹𑌾𑌃 𑌪𑌰𑌾𑌃 ।
𑌦𑍍𑌰𑌾𑌕𑍍𑌷𑌾𑌰𑌸𑌵𑌹𑌾𑌃 𑌕𑌾𑌶𑍍𑌚𑌿𑌜𑍍𑌜𑌂𑌬𑍂𑌰𑌸𑌵𑌹𑌾𑌃 𑌪𑌰𑌾𑌃 ॥ 4 ॥
𑌆𑌮𑍍𑌰𑍇𑌕𑍍𑌷𑍁𑌰𑌸𑌵𑌾𑌹𑌿𑌨𑍍𑌯𑍋 𑌨𑌦𑍍𑌯𑌸𑍍𑌤𑌾𑌸𑍍𑌤𑍁 𑌸𑌹𑌸𑍍𑌰𑌶𑌃 ।
𑌮𑌨𑍋𑌰𑌥𑌫𑌲𑌾𑌵𑍃𑌕𑍍𑌷𑌾𑌵𑌾𑌪𑍍𑌯𑌃 𑌕𑍂𑌪𑌾𑌸𑍍𑌤𑌥𑍈𑌵 𑌚 ॥ 4 ॥
𑌯𑌥𑍇𑌷𑍍𑌟𑌪𑌾𑌨𑌫𑌲𑌦𑌾𑌨 𑌨𑍍𑌯𑍂𑌨𑌂 𑌕𑌿𑌂𑌚𑌿𑌦𑌸𑍍𑌤𑌿 𑌹𑌿 ।
𑌨 𑌰𑍋𑌗𑌪𑌲𑌿𑌤𑌂 𑌵𑌾𑌪𑌿 𑌜𑌰𑌾 𑌵𑌾𑌪𑌿 𑌕𑌦𑌾𑌚𑌨 ॥ 4 ॥
𑌨 𑌚𑌿𑌂𑌤𑌾 𑌨 𑌚 𑌮𑌾𑌤𑍍𑌸𑌰𑍍𑌯𑌂 𑌕𑌾𑌮𑌕𑍍𑌰𑍋𑌧𑌾𑌦𑌿𑌕𑌂 𑌤𑌥𑌾 ।
𑌸𑌰𑍍𑌵𑍇 𑌯𑍁𑌵𑌾𑌨𑌃 𑌸𑌸𑍍𑌤𑍍𑌰𑍀𑌕𑌾𑌃 𑌸𑌹𑌸𑍍𑌰𑌾𑌦𑌿𑌤𑍍𑌯𑌵𑌰𑍍𑌚𑌸𑌃 ॥ 50 ॥
𑌭𑌜𑌂𑌤𑌿 𑌸𑌤𑌤𑌂 𑌦𑍇𑌵𑍀𑌂 𑌤𑌤𑍍𑌰 𑌶𑍍𑌰𑍀𑌭𑍁𑌵𑌨𑍇𑌶𑍍𑌵𑌰𑍀𑌮𑍍 ।
𑌕𑍇𑌚𑌿𑌤𑍍𑌸𑌲𑍋𑌕𑌤𑌾𑌪𑌨𑍍𑌨𑌾𑌃 𑌕𑍇𑌚𑌿𑌤𑍍𑌸𑌾𑌮𑍀𑌪𑍍𑌯𑌤𑌾𑌂 𑌗𑌤𑌾𑌃 ॥ 51 ॥
𑌸𑌰𑍂𑌪𑌤𑌾𑌂 𑌗𑌤𑌾𑌃 𑌕𑍇𑌚𑌿𑌤𑍍𑌸𑌾𑌰𑍍𑌷𑍍𑌟𑌿𑌤𑌾𑌂 𑌚 𑌪𑌰𑍇𑌗𑌤𑌾𑌃 ।
𑌯𑌾𑌯𑌾𑌸𑍍𑌤𑍁 𑌦𑍇𑌵𑌤𑌾𑌸𑍍𑌤𑌤𑍍𑌰 𑌪𑍍𑌰𑌤𑌿𑌬𑍍𑌰𑌹𑍍𑌮𑌾𑌂𑌡𑌵𑌰𑍍𑌤𑌿𑌨𑌾𑌮𑍍 ॥ 52 ॥
𑌸𑌮𑌷𑍍𑌟𑌯𑌃 𑌸𑍍𑌥𑌿𑌤𑌾𑌸𑍍𑌤𑌾𑌸𑍍𑌤𑍁 𑌸𑍇𑌵𑌂𑌤𑍇 𑌜𑌗𑌦𑍀𑌶𑍍𑌵𑌰𑍀𑌮𑍍 ।
𑌸𑌪𑍍𑌤𑌕𑍋𑌟𑌿𑌮𑌹𑌾𑌮𑌂𑌤𑍍𑌰𑌾 𑌮𑍂𑌰𑍍𑌤𑌿𑌮𑌂𑌤 𑌉𑌪𑌾𑌸𑌤𑍇 ॥ 53 ॥
𑌮𑌹𑌾𑌵𑌿𑌦𑍍𑌯𑌾𑌶𑍍𑌚 𑌸𑌕𑌲𑌾𑌃 𑌸𑌾𑌮𑍍𑌯𑌾𑌵𑌸𑍍𑌥𑌾𑌤𑍍𑌮𑌿𑌕𑌾𑌂 𑌶𑌿𑌵𑌾𑌮𑍍 ।
𑌕𑌾𑌰𑌣𑌬𑍍𑌰𑌹𑍍𑌮𑌰𑍂𑌪𑌾𑌂 𑌤𑌾𑌂 𑌮𑌾𑌯𑌾 𑌶𑌬𑌲𑌵𑌿𑌗𑍍𑌰𑌹𑌾𑌮𑍍 ॥ 54 ॥
𑌇𑌤𑍍𑌥𑌂 𑌰𑌾𑌜𑌨𑍍𑌮𑌯𑌾 𑌪𑍍𑌰𑍋𑌕𑍍𑌤𑌂 𑌮𑌣𑌿𑌦𑍍𑌵𑍀𑌪𑌂 𑌮𑌹𑌤𑍍𑌤𑌰𑌮𑍍 ।
𑌨 𑌸𑍂𑌰𑍍𑌯𑌚𑌂𑌦𑍍𑌰𑍌 𑌨𑍋 𑌵𑌿𑌦𑍍𑌯𑍁𑌤𑍍𑌕𑍋𑌟𑌯𑍋𑌗𑍍𑌨𑌿𑌸𑍍𑌤𑌥𑍈𑌵 𑌚 ॥ 55 ॥
𑌏𑌤𑌸𑍍𑌯 𑌭𑌾𑌸𑌾 𑌕𑍋𑌟𑍍𑌯𑌂𑌶 𑌕𑍋𑌟𑍍𑌯𑌂𑌶𑍋 𑌨𑌾𑌪𑌿 𑌤𑍇 𑌸𑌮𑌾𑌃 ।
𑌕𑍍𑌵𑌚𑌿𑌦𑍍𑌵𑌿𑌦𑍍𑌰𑍁𑌮𑌸𑌂𑌕𑌾𑌶𑌂 𑌕𑍍𑌵𑌚𑌿𑌨𑍍𑌮𑌰𑌕𑌤𑌚𑍍𑌛𑌵𑌿 ॥ 56 ॥
𑌵𑌿𑌦𑍍𑌯𑍁𑌦𑍍𑌭𑌾𑌨𑍁𑌸𑌮𑌚𑍍𑌛𑌾𑌯𑌂 𑌮𑌧𑍍𑌯𑌸𑍂𑌰𑍍𑌯𑌸𑌮𑌂 𑌕𑍍𑌵𑌚𑌿𑌤𑍍 ।
𑌵𑌿𑌦𑍍𑌯𑍁𑌤𑍍𑌕𑍋𑌟𑌿𑌮𑌹𑌾𑌧𑌾𑌰𑌾 𑌸𑌾𑌰𑌕𑌾𑌂𑌤𑌿𑌤𑌤𑌂 𑌕𑍍𑌵𑌚𑌿𑌤𑍍 ॥ 5 ॥
𑌕𑍍𑌵𑌚𑌿𑌤𑍍𑌸𑌿𑌂𑌦𑍂𑌰 𑌨𑍀𑌲𑍇𑌂𑌦𑍍𑌰𑌂 𑌮𑌾𑌣𑌿𑌕𑍍𑌯 𑌸𑌦𑍃𑌶𑌚𑍍𑌛𑌵𑌿 ।
𑌹𑍀𑌰𑌸𑌾𑌰 𑌮𑌹𑌾𑌗𑌰𑍍𑌭 𑌧𑌗𑌦𑍍𑌧𑌗𑌿𑌤 𑌦𑌿𑌕𑍍𑌤𑌟𑌮𑍍 ॥ 5 ॥
𑌕𑌾𑌂𑌤𑍍𑌯𑌾 𑌦𑌾𑌵𑌾𑌨𑌲𑌸𑌮𑌂 𑌤𑌪𑍍𑌤𑌕𑌾𑌂𑌚𑌨 𑌸𑌨𑍍𑌨𑌿𑌭𑌮𑍍 ।
𑌕𑍍𑌵𑌚𑌿𑌚𑍍𑌚𑌂𑌦𑍍𑌰𑍋𑌪𑌲𑍋𑌦𑍍𑌗𑌾𑌰𑌂 𑌸𑍂𑌰𑍍𑌯𑍋𑌦𑍍𑌗𑌾𑌰𑌂 𑌚 𑌕𑍁𑌤𑍍𑌰 𑌚𑌿𑌤𑍍 ॥ 5 ॥
𑌰𑌤𑍍𑌨𑌶𑍃𑌂𑌗𑌿 𑌸𑌮𑌾𑌯𑍁𑌕𑍍𑌤𑌂 𑌰𑌤𑍍𑌨𑌪𑍍𑌰𑌾𑌕𑌾𑌰 𑌗𑍋𑌪𑍁𑌰𑌮𑍍 ।
𑌰𑌤𑍍𑌨𑌪𑌤𑍍𑌰𑍈 𑌰𑌤𑍍𑌨𑌫𑌲𑍈𑌰𑍍𑌵𑍃𑌕𑍍𑌷𑍈𑌶𑍍𑌚 𑌪𑌰𑌿𑌮𑌂𑌡𑌿𑌤𑌮𑍍 ॥ 60 ॥
𑌨𑍃𑌤𑍍𑌯𑌨𑍍𑌮𑌯𑍂𑌰𑌸𑌂𑌘𑍈𑌶𑍍𑌚 𑌕𑌪𑍋𑌤𑌰𑌣𑌿𑌤𑍋𑌜𑍍𑌜𑍍𑌵𑌲𑌮𑍍 ।
𑌕𑍋𑌕𑌿𑌲𑌾𑌕𑌾𑌕𑌲𑍀𑌲𑌾𑌪𑍈𑌃 𑌶𑍁𑌕𑌲𑌾𑌪𑍈𑌶𑍍𑌚 𑌶𑍋𑌭𑌿𑌤𑌮𑍍 ॥ 61 ॥
𑌸𑍁𑌰𑌮𑍍𑌯 𑌰𑌮𑌣𑍀𑌯𑌾𑌂𑌬𑍁 𑌲𑌕𑍍𑌷𑌾𑌵𑌧𑌿 𑌸𑌰𑍋𑌵𑍃𑌤𑌮𑍍 ।
𑌤𑌨𑍍𑌮𑌧𑍍𑌯𑌭𑌾𑌗 𑌵𑌿𑌲𑌸𑌦𑍍𑌵𑌿𑌕𑌚𑌦𑍍𑌰𑌤𑍍𑌨 𑌪𑌂𑌕𑌜𑍈𑌃 ॥ 62 ॥
𑌸𑍁𑌗𑌂𑌧𑌿𑌭𑌿𑌃 𑌸𑌮𑌂𑌤𑌾𑌤𑍍𑌤𑍁 𑌵𑌾𑌸𑌿𑌤𑌂 𑌶𑌤𑌯𑍋𑌜𑌨𑌮𑍍 ।
𑌮𑌂𑌦𑌮𑌾𑌰𑍁𑌤 𑌸𑌂𑌭𑌿𑌨𑍍𑌨 𑌚𑌲𑌦𑍍𑌦𑍍𑌰𑍁𑌮 𑌸𑌮𑌾𑌕𑍁𑌲𑌮𑍍 ॥ 63 ॥
𑌚𑌿𑌂𑌤𑌾𑌮𑌣𑌿 𑌸𑌮𑍂𑌹𑌾𑌨𑌾𑌂 𑌜𑍍𑌯𑍋𑌤𑌿𑌷𑌾 𑌵𑌿𑌤𑌤𑌾𑌂𑌬𑌰𑌮𑍍 ।
𑌰𑌤𑍍𑌨𑌪𑍍𑌰𑌭𑌾𑌭𑌿𑌰𑌭𑌿𑌤𑍋 𑌧𑌗𑌦𑍍𑌧𑌗𑌿𑌤 𑌦𑌿𑌕𑍍𑌤𑌟𑌮𑍍 ॥ 64 ॥
𑌵𑍃𑌕𑍍𑌷𑌵𑍍𑌰𑌾𑌤 𑌮𑌹𑌾𑌗𑌂𑌧𑌵𑌾𑌤𑌵𑍍𑌰𑌾𑌤 𑌸𑍁𑌪𑍂𑌰𑌿𑌤𑌮𑍍 ।
𑌧𑍂𑌪𑌧𑍂𑌪𑌾𑌯𑌿𑌤𑌂 𑌰𑌾𑌜𑌨𑍍𑌮𑌣𑌿𑌦𑍀𑌪𑌾𑌯𑍁𑌤𑍋𑌜𑍍𑌜𑍍𑌵𑌲𑌮𑍍 ॥ 65 ॥
𑌮𑌣𑌿𑌜𑌾𑌲𑌕 𑌸𑌚𑍍𑌛𑌿𑌦𑍍𑌰 𑌤𑌰𑌲𑍋𑌦𑌰𑌕𑌾𑌂𑌤𑌿𑌭𑌿𑌃 ।
𑌦𑌿𑌙𑍍𑌮𑍋𑌹𑌜𑌨𑌕𑌂 𑌚𑍈𑌤𑌦𑍍𑌦𑌰𑍍𑌪𑌣𑍋𑌦𑌰 𑌸𑌂𑌯𑍁𑌤𑌮𑍍 ॥ 66 ॥
𑌐𑌶𑍍𑌵𑌰𑍍𑌯𑌸𑍍𑌯 𑌸𑌮𑌗𑍍𑌰𑌸𑍍𑌯 𑌶𑍃𑌂𑌗𑌾𑌰𑌸𑍍𑌯𑌾𑌖𑌿𑌲𑌸𑍍𑌯 𑌚 ।
𑌸𑌰𑍍𑌵𑌜𑍍𑌞𑌤𑌾𑌯𑌾𑌃 𑌸𑌰𑍍𑌵𑌾𑌯𑌾𑌸𑍍𑌤𑍇𑌜𑌸𑌶𑍍𑌚𑌾𑌖𑌿𑌲𑌸𑍍𑌯 𑌚 ॥ 6 ॥
𑌪𑌰𑌾𑌕𑍍𑌰𑌮𑌸𑍍𑌯 𑌸𑌰𑍍𑌵𑌸𑍍𑌯 𑌸𑌰𑍍𑌵𑍋𑌤𑍍𑌤𑌮𑌗𑍁𑌣𑌸𑍍𑌯 𑌚 ।
𑌸𑌕𑌲𑌾 𑌯𑌾 𑌦𑌯𑌾𑌯𑌾𑌶𑍍𑌚 𑌸𑌮𑌾𑌪𑍍𑌤𑌿𑌰𑌿𑌹 𑌭𑍂𑌪𑌤𑍇 ॥ 6 ॥
𑌰𑌾𑌜𑍍𑌞 𑌆𑌨𑌂𑌦𑌮𑌾𑌰𑌭𑍍𑌯 𑌬𑍍𑌰𑌹𑍍𑌮𑌲𑍋𑌕𑌾𑌂𑌤 𑌭𑍂𑌮𑌿𑌷𑍁 ।
𑌆𑌨𑌂𑌦𑌾 𑌯𑍇 𑌸𑍍𑌥𑌿𑌤𑌾𑌃 𑌸𑌰𑍍𑌵𑍇 𑌤𑍇𑌽𑌤𑍍𑌰𑍈𑌵𑌾𑌂𑌤𑌰𑍍𑌭𑌵𑌂𑌤𑌿 𑌹𑌿 ॥ 6 ॥
𑌇𑌤𑌿 𑌤𑍇 𑌵𑌰𑍍𑌣𑌿𑌤𑌂 𑌰𑌾𑌜𑌨𑍍𑌮𑌣𑌿𑌦𑍍𑌵𑍀𑌪𑌂 𑌮𑌹𑌤𑍍𑌤𑌰𑌮𑍍 ।
𑌮𑌹𑌾𑌦𑍇𑌵𑍍𑌯𑌾𑌃 𑌪𑌰𑌂𑌸𑍍𑌥𑌾𑌨𑌂 𑌸𑌰𑍍𑌵𑌲𑍋𑌕𑍋𑌤𑍍𑌤𑌮𑍋𑌤𑍍𑌤𑌮𑌮𑍍 ॥ 0 ॥
𑌏𑌤𑌸𑍍𑌯 𑌸𑍍𑌮𑌰𑌣𑌾𑌤𑍍𑌸𑌦𑍍𑌯𑌃 𑌸𑌰𑍍𑌵𑌪𑌾𑌪𑌂 𑌵𑌿𑌨𑌶𑍍𑌯𑌤𑌿 ।
𑌪𑍍𑌰𑌾𑌣𑍋𑌤𑍍𑌕𑍍𑌰𑌮𑌣𑌸𑌂𑌧𑍌 𑌤𑍁 𑌸𑍍𑌮𑍃𑌤𑍍𑌵𑌾 𑌤𑌤𑍍𑌰𑍈𑌵 𑌗𑌚𑍍𑌛𑌤𑌿 ॥ 1 ॥
𑌅𑌧𑍍𑌯𑌾𑌯 𑌪𑌂𑌚𑌕𑌂 𑌤𑍍𑌵𑍇𑌤𑌤𑍍𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌮𑌾𑌹𑌿𑌤𑌃 ।
𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑌾𑌦𑌿 𑌬𑌾𑌧𑌾 𑌤𑌤𑍍𑌰 𑌭𑌵𑍇𑌨𑍍𑌨 𑌹𑌿 ॥ 2 ॥
𑌨𑌵𑍀𑌨 𑌗𑍃𑌹 𑌨𑌿𑌰𑍍𑌮𑌾𑌣𑍇 𑌵𑌾𑌸𑍍𑌤𑍁𑌯𑌾𑌗𑍇 𑌤𑌥𑍈𑌵 𑌚 ।
𑌪𑌠𑌿𑌤𑌵𑍍𑌯𑌂 𑌪𑍍𑌰𑌯𑌤𑍍𑌨𑍇𑌨 𑌕𑌲𑍍𑌯𑌾𑌣𑌂 𑌤𑍇𑌨 𑌜𑌾𑌯𑌤𑍇 ॥ 3 ॥
𑌇𑌤𑌿 𑌶𑍍𑌰𑍀𑌦𑍇𑌵𑍀𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌦𑍍𑌵𑌾𑌦𑌶𑌸𑍍𑌕𑌂𑌧𑍇 𑌦𑍍𑌵𑌾𑌦𑌶𑍋𑌧𑍍𑌯𑌾𑌯𑌃 ॥
