ଅସ୍ୟ ଶ୍ରୀଶୀତଲାସ୍ତୋତ୍ରସ୍ୟ ମହାଦେଵ ଋଷିଃ ଅନୁଷ୍ଟୁପ୍ ଛଂଦଃ ଶୀତଲା ଦେଵତା ଲକ୍ଷ୍ମୀର୍ବୀଜଂ ଭଵାନୀ ଶକ୍ତିଃ ସର୍ଵଵିସ୍ଫୋଟକନିଵୃତ୍ୟର୍ଥେ ଜପେ ଵିନିୟୋଗଃ ॥
ଈଶ୍ଵର ଉଵାଚ ।
ଵଂଦେଽହଂ ଶୀତଲାଂ ଦେଵୀଂ ରାସଭସ୍ଥାଂ ଦିଗଂବରାମ୍ ।
ମାର୍ଜନୀକଲଶୋପେତାଂ ଶୂର୍ପାଲଂକୃତମସ୍ତକାମ୍ ॥ 1 ॥
ଵଂଦେଽହଂ ଶୀତଲାଂ ଦେଵୀଂ ସର୍ଵରୋଗଭୟାପହାମ୍ ।
ୟାମାସାଦ୍ୟ ନିଵର୍ତେତ ଵିସ୍ଫୋଟକଭୟଂ ମହତ୍ ॥ 2 ॥
ଶୀତଲେ ଶୀତଲେ ଚେତି ୟୋ ବ୍ରୂୟାଦ୍ଦାହପୀଡିତଃ ।
ଵିସ୍ଫୋଟକଭୟଂ ଘୋରଂ କ୍ଷିପ୍ରଂ ତସ୍ୟ ପ୍ରଣଶ୍ୟତି ॥ 3 ॥
ୟସ୍ତ୍ଵାମୁଦକମଧ୍ୟେ ତୁ ଧ୍ୟାତ୍ଵା ସଂପୂଜୟେନ୍ନରଃ ।
ଵିସ୍ଫୋଟକଭୟଂ ଘୋରଂ ଗୃହେ ତସ୍ୟ ନ ଜାୟତେ ॥ 4 ॥
ଶୀତଲେ ଜ୍ଵରଦଗ୍ଧସ୍ୟ ପୂତିଗଂଧୟୁତସ୍ୟ ଚ ।
ପ୍ରଣଷ୍ଟଚକ୍ଷୁଷଃ ପୁଂସସ୍ତ୍ଵାମାହୁର୍ଜୀଵନୌଷଧମ୍ ॥ 5 ॥
ଶୀତଲେ ତନୁଜାନ୍ ରୋଗାନ୍ ନୃଣାଂ ହରସି ଦୁସ୍ତ୍ୟଜାନ୍ ।
ଵିସ୍ଫୋଟକଵିଦୀର୍ଣାନାଂ ତ୍ଵମେକାଽମୃତଵର୍ଷିଣୀ ॥ 6 ॥
ଗଲଗଂଡଗ୍ରହା ରୋଗା ୟେ ଚାନ୍ୟେ ଦାରୁଣା ନୃଣାମ୍ ।
ତ୍ଵଦନୁଧ୍ୟାନମାତ୍ରେଣ ଶୀତଲେ ୟାଂତି ସଂକ୍ଷୟମ୍ ॥ 7 ॥
ନ ମଂତ୍ରୋ ନୌଷଧଂ ତସ୍ୟ ପାପରୋଗସ୍ୟ ଵିଦ୍ୟତେ ।
ତ୍ଵାମେକାଂ ଶୀତଲେ ଧାତ୍ରୀଂ ନାନ୍ୟାଂ ପଶ୍ୟାମି ଦେଵତାମ୍ ॥ 8 ॥
ମୃଣାଲତଂତୁସଦୃଶୀଂ ନାଭିହୃନ୍ମଧ୍ୟସଂସ୍ଥିତାମ୍ ।
ୟସ୍ତ୍ଵାଂ ସଂଚିଂତୟେଦ୍ଦେଵି ତସ୍ୟ ମୃତ୍ୟୁର୍ନ ଜାୟତେ ॥ 9 ॥
ଅଷ୍ଟକଂ ଶୀତଲାଦେଵ୍ୟା ୟୋ ନରଃ ପ୍ରପଠେତ୍ସଦା ।
ଵିସ୍ଫୋଟକଭୟଂ ଘୋରଂ ଗୃହେ ତସ୍ୟ ନ ଜାୟତେ ॥ 10 ॥
ଶ୍ରୋତଵ୍ୟଂ ପଠିତଵ୍ୟଂ ଚ ଶ୍ରଦ୍ଧାଭକ୍ତିସମନ୍ଵିତୈଃ ।
ଉପସର୍ଗଵିନାଶାୟ ପରଂ ସ୍ଵସ୍ତ୍ୟୟନଂ ମହତ୍ ॥ 11 ॥
ଶୀତଲେ ତ୍ଵଂ ଜଗନ୍ମାତା ଶୀତଲେ ତ୍ଵଂ ଜଗତ୍ପିତା ।
ଶୀତଲେ ତ୍ଵଂ ଜଗଦ୍ଧାତ୍ରୀ ଶୀତଲାୟୈ ନମୋ ନମଃ ॥ 12 ॥
ରାସଭୋ ଗର୍ଦଭଶ୍ଚୈଵ ଖରୋ ଵୈଶାଖନଂଦନଃ ।
ଶୀତଲାଵାହନଶ୍ଚୈଵ ଦୂର୍ଵାକଂଦନିକୃଂତନଃ ॥ 13 ॥
ଏତାନି ଖରନାମାନି ଶୀତଲାଗ୍ରେ ତୁ ୟଃ ପଠେତ୍ ।
ତସ୍ୟ ଗେହେ ଶିଶୂନାଂ ଚ ଶୀତଲାରୁଙ୍ ନ ଜାୟତେ ॥ 14 ॥
ଶୀତଲାଷ୍ଟକମେଵେଦଂ ନ ଦେୟଂ ୟସ୍ୟକସ୍ୟଚିତ୍ ।
ଦାତଵ୍ୟଂ ଚ ସଦା ତସ୍ମୈ ଶ୍ରଦ୍ଧାଭକ୍ତିୟୁତାୟ ଵୈ ॥ 15 ॥
ଇତି ଶ୍ରୀସ୍କାଂଦପୁରାଣେ ଶୀତଲାଷ୍ଟକମ୍ ॥
