অস্য শ্রীশীতলাস্তোত্রস্য মহাদেব ঋষিঃ অনুষ্টুপ্ ছংদঃ শীতলা দেবতা লক্ষ্মীর্বীজং ভবানী শক্তিঃ সর্ববিস্ফোটকনিবৃত্যর্থে জপে বিনিযোগঃ ॥
ঈশ্বর উবাচ ।
বংদেঽহং শীতলাং দেবীং রাসভস্থাং দিগংবরাম্ ।
মার্জনীকলশোপেতাং শূর্পালংকৃতমস্তকাম্ ॥ 1 ॥
বংদেঽহং শীতলাং দেবীং সর্বরোগভযাপহাম্ ।
যামাসাদ্য নিবর্তেত বিস্ফোটকভযং মহত্ ॥ 2 ॥
শীতলে শীতলে চেতি যো ব্রূযাদ্দাহপীডিতঃ ।
বিস্ফোটকভযং ঘোরং ক্ষিপ্রং তস্য প্রণশ্যতি ॥ 3 ॥
যস্ত্বামুদকমধ্যে তু ধ্যাত্বা সংপূজযেন্নরঃ ।
বিস্ফোটকভযং ঘোরং গৃহে তস্য ন জাযতে ॥ 4 ॥
শীতলে জ্বরদগ্ধস্য পূতিগংধযুতস্য চ ।
প্রণষ্টচক্ষুষঃ পুংসস্ত্বামাহুর্জীবনৌষধম্ ॥ 5 ॥
শীতলে তনুজান্ রোগান্ নৃণাং হরসি দুস্ত্যজান্ ।
বিস্ফোটকবিদীর্ণানাং ত্বমেকাঽমৃতবর্ষিণী ॥ 6 ॥
গলগংডগ্রহা রোগা যে চান্যে দারুণা নৃণাম্ ।
ত্বদনুধ্যানমাত্রেণ শীতলে যাংতি সংক্ষযম্ ॥ 7 ॥
ন মংত্রো নৌষধং তস্য পাপরোগস্য বিদ্যতে ।
ত্বামেকাং শীতলে ধাত্রীং নান্যাং পশ্যামি দেবতাম্ ॥ 8 ॥
মৃণালতংতুসদৃশীং নাভিহৃন্মধ্যসংস্থিতাম্ ।
যস্ত্বাং সংচিংতযেদ্দেবি তস্য মৃত্যুর্ন জাযতে ॥ 9 ॥
অষ্টকং শীতলাদেব্যা যো নরঃ প্রপঠেত্সদা ।
বিস্ফোটকভযং ঘোরং গৃহে তস্য ন জাযতে ॥ 10 ॥
শ্রোতব্যং পঠিতব্যং চ শ্রদ্ধাভক্তিসমন্বিতৈঃ ।
উপসর্গবিনাশায পরং স্বস্ত্যযনং মহত্ ॥ 11 ॥
শীতলে ত্বং জগন্মাতা শীতলে ত্বং জগত্পিতা ।
শীতলে ত্বং জগদ্ধাত্রী শীতলাযৈ নমো নমঃ ॥ 12 ॥
রাসভো গর্দভশ্চৈব খরো বৈশাখনংদনঃ ।
শীতলাবাহনশ্চৈব দূর্বাকংদনিকৃংতনঃ ॥ 13 ॥
এতানি খরনামানি শীতলাগ্রে তু যঃ পঠেত্ ।
তস্য গেহে শিশূনাং চ শীতলারুঙ্ ন জাযতে ॥ 14 ॥
শীতলাষ্টকমেবেদং ন দেযং যস্যকস্যচিত্ ।
দাতব্যং চ সদা তস্মৈ শ্রদ্ধাভক্তিযুতায বৈ ॥ 15 ॥
ইতি শ্রীস্কাংদপুরাণে শীতলাষ্টকম্ ॥
