Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌶𑍍𑌰𑍀 𑌦𑍁𑌰𑍍𑌗𑌾 𑌚𑌂𑌦𑍍𑌰𑌕𑌳𑌾 𑌸𑍍𑌤𑍁𑌤𑌿

𑌧𑍍𑌯𑌾𑌨𑌮𑍍
𑌉𑌮𑌾𑌕𑌾𑌂𑌤𑍇 𑌰𑌮𑌾𑌕𑌾𑌂𑌤𑍇 𑌏𑌷𑌾𑌮𑌾𑌸𑍀-𑌨𑍍𑌮𑌤𑌿𑌸𑍍𑌸𑌮𑌾 ।
𑌨𑌮𑌾𑌮𑌿 𑌦𑍀𑌕𑍍𑌷𑌿𑌤𑍇𑌂𑌦𑍍𑌰𑌾𑌂 𑌸𑍍𑌤𑌾𑌨𑍍 𑌨𑌯𑌷𑌟𑍍𑌕-𑌵𑌿𑌶𑌾𑌰𑌦𑌾𑌮𑍍 ॥

𑌵𑍇𑌧𑍋𑌹𑌰𑍀𑌶𑍍𑌵𑌰𑌸𑍍𑌤𑍁𑌤𑍍𑌯𑌾𑌂 𑌵𑌿𑌹𑌰𑍍𑌤𑍍𑌰𑍀𑌂 𑌵𑌿𑌂𑌧𑍍𑌯𑌭𑍂𑌧𑌰𑍇 ।
𑌹𑌰𑌪𑍍𑌰𑌾𑌣𑍇𑌶𑍍𑌵𑌰𑍀𑌂 𑌵𑌂𑌦𑍇 𑌹𑌂𑌤𑍍𑌰𑍀𑌂 𑌵𑌿𑌬𑍁𑌧𑌵𑌿𑌦𑍍𑌵𑌿𑌷𑌾𑌮𑍍 ॥ 1 ॥

𑌅𑌭𑍍𑌯𑌰𑍍𑌥𑌨𑍇𑌨 𑌸𑌰𑌸𑍀𑌰𑍁𑌹𑌸𑌂𑌭𑌵𑌸𑍍𑌯
𑌤𑍍𑌯𑌕𑍍𑌤𑍍𑌵𑍋𑌦𑌿𑌤𑌾 𑌭𑌗𑌵𑌦𑌕𑍍𑌷𑌿𑌪𑌿𑌧𑌾𑌨𑌲𑍀𑌲𑌾𑌮𑍍 ।
𑌵𑌿𑌶𑍍𑌵𑍇𑌶𑍍𑌵𑌰𑍀 𑌵𑌿𑌪𑌦𑌪𑌾𑌕𑌮𑌨𑍇 𑌪𑍁𑌰𑌸𑍍𑌤𑌾𑌤𑍍
𑌮𑌾𑌤𑌾 𑌮𑌮𑌾𑌸𑍍𑌤𑍁 𑌮𑌧𑍁𑌕𑍈𑌟𑌭𑌯𑍋𑌰𑍍𑌨𑌿𑌹𑌂𑌤𑍍𑌰𑍀 ॥ 2 ॥

𑌪𑍍𑌰𑌾𑌙𑍍𑌨𑌿𑌰𑍍𑌜𑌰𑍇𑌷𑍁 𑌨𑌿𑌹𑌤𑍈𑌰𑍍𑌨𑌿𑌜𑌶𑌕𑍍𑌤𑌿𑌲𑍇𑌶𑍈𑌃
𑌏𑌕𑍀𑌭𑌵𑌦𑍍𑌭𑌿𑌰𑍁𑌦𑌿𑌤𑌾𑌽𑌖𑌿𑌲𑌲𑍋𑌕𑌗𑍁𑌪𑍍𑌤𑍍𑌯𑍈 ।
𑌸𑌂𑌪𑌨𑍍𑌨𑌶𑌸𑍍𑌤𑍍𑌰𑌨𑌿𑌕𑌰𑌾 𑌚 𑌤𑌦𑌾𑌯𑍁𑌧𑌸𑍍𑌥𑍈𑌃
𑌮𑌾𑌤𑌾 𑌮𑌮𑌾𑌸𑍍𑌤𑍁 𑌮𑌹𑌿𑌷𑌾𑌂𑌤𑌕𑌰𑍀 𑌪𑍁𑌰𑌸𑍍𑌤𑌾𑌤𑍍 ॥ 3 ॥

𑌪𑍍𑌰𑌾𑌲𑍇𑌯𑌶𑍈𑌲𑌤𑌨𑌯𑌾 𑌤𑌨𑍁𑌕𑌾𑌂𑌤𑌿𑌸𑌂𑌪𑌤𑍍
𑌕𑍋𑌶𑍋𑌦𑌿𑌤𑌾 𑌕𑍁𑌵𑌲𑌯𑌚𑍍𑌛𑌵𑌿𑌚𑌾𑌰𑍁𑌦𑍇𑌹𑌾 ।
𑌨𑌾𑌰𑌾𑌯𑌣𑍀 𑌨𑌮𑌦𑌭𑍀𑌪𑍍𑌸𑌿𑌤𑌕𑌲𑍍𑌪𑌵𑌲𑍍𑌲𑍀
𑌸𑍁𑌪𑍍𑌰𑍀𑌤𑌿𑌮𑌾𑌵𑌹𑌤𑍁 𑌶𑍁𑌂𑌭𑌨𑌿𑌶𑍁𑌂𑌭𑌹𑌂𑌤𑍍𑌰𑍀 ॥ 4 ॥

𑌵𑌿𑌶𑍍𑌵𑍇𑌶𑍍𑌵𑌰𑍀𑌤𑌿 𑌮𑌹𑌿𑌷𑌾𑌂𑌤𑌕𑌰𑍀𑌤𑌿 𑌯𑌸𑍍𑌯𑌾𑌃
𑌨𑌾𑌰𑌾𑌯𑌣𑍀𑌤𑍍𑌯𑌪𑌿 𑌚 𑌨𑌾𑌮𑌭𑌿𑌰𑌂𑌕𑌿𑌤𑌾𑌨𑌿 ।
𑌸𑍂𑌕𑍍𑌤𑌾𑌨𑌿 𑌪𑌂𑌕𑌜𑌭𑍁𑌵𑌾 𑌚 𑌸𑍁𑌰𑌰𑍍𑌷𑌿𑌭𑌿𑌶𑍍𑌚
𑌦𑍃𑌷𑍍𑌟𑌾𑌨𑌿 𑌪𑌾𑌵𑌕𑌮𑍁𑌖𑍈𑌶𑍍𑌚 𑌶𑌿𑌵𑌾𑌂 𑌭𑌜𑍇 𑌤𑌾𑌮𑍍 ॥ 5 ॥

𑌉𑌤𑍍𑌪𑌤𑍍𑌤𑌿𑌦𑍈𑌤𑍍𑌯𑌹𑌨𑌨𑌸𑍍𑌤𑌵𑌨𑌾𑌤𑍍𑌮𑌕𑌾𑌨𑌿
𑌸𑌂𑌰𑌕𑍍𑌷𑌕𑌾𑌣𑍍𑌯𑌖𑌿𑌲𑌭𑍂𑌤𑌹𑌿𑌤𑌾𑌯 𑌯𑌸𑍍𑌯𑌾𑌃 ।
𑌸𑍂𑌕𑍍𑌤𑌾𑌨𑍍𑌯𑌶𑍇𑌷𑌨𑌿𑌗𑌮𑌾𑌂𑌤𑌵𑌿𑌦𑌃 𑌪𑌠𑌂𑌤𑌿
𑌤𑌾𑌂 𑌵𑌿𑌶𑍍𑌵𑌮𑌾𑌤𑌰𑌮𑌜𑌸𑍍𑌰𑌮𑌭𑌿𑌷𑍍𑌟𑌵𑍀𑌮𑌿 ॥ 6 ॥

𑌯𑍇 𑌵𑍈𑌪𑍍𑌰𑌚𑌿𑌤𑍍𑌤𑌪𑍁𑌨𑌰𑍁𑌤𑍍𑌥𑌿𑌤𑌶𑍁𑌂𑌭𑌮𑍁𑌖𑍍𑌯𑍈𑌃
𑌦𑍁𑌰𑍍𑌭𑌿𑌕𑍍𑌷𑌘𑍋𑌰𑌸𑌮𑌯𑍇𑌨 𑌚 𑌕𑌾𑌰𑌿𑌤𑌾𑌸𑍁 ।
𑌆𑌵𑌿𑌷𑍍𑌕𑍃𑌤𑌾𑌸𑍍𑌤𑍍𑌰𑌿𑌜𑌗𑌦𑌾𑌰𑍍𑌤𑌿𑌷𑍁 𑌰𑍂𑌪𑌭𑍇𑌦𑌾𑌃
𑌤𑍈𑌰𑌂𑌬𑌿𑌕𑌾 𑌸𑌮𑌭𑌿𑌰𑌕𑍍𑌷𑌤𑍁 𑌮𑌾𑌂 𑌵𑌿𑌪𑌦𑍍𑌭𑍍𑌯𑌃 ॥ 𑍭 ॥

𑌸𑍂𑌕𑍍𑌤𑌂 𑌯𑌦𑍀𑌯𑌮𑌰𑌵𑌿𑌂𑌦𑌭𑌵𑌾𑌦𑌿 𑌦𑍃𑌷𑍍𑌟𑌂
𑌆𑌵𑌰𑍍𑌤𑍍𑌯 𑌦𑍇𑌵𑍍𑌯𑌨𑍁𑌪𑌦𑌂 𑌸𑍁𑌰𑌥𑌃 𑌸𑌮𑌾𑌧𑌿𑌃 ।
𑌦𑍍𑌵𑌾𑌵𑌪𑍍𑌯𑌵𑌾𑌪𑌤𑍁𑌰𑌭𑍀𑌷𑍍𑌟𑌮𑌨𑌨𑍍𑌯𑌲𑌭𑍍𑌯𑌂
𑌤𑌾𑌮𑌾𑌦𑌿𑌦𑍇𑌵𑌤𑌰𑍁𑌣𑍀𑌂 𑌪𑍍𑌰𑌣𑌮𑌾𑌮𑌿 𑌮𑍂𑌰𑍍𑌧𑍍𑌨𑌾 ॥ 𑍮 ॥

𑌮𑌾𑌹𑌿𑌷𑍍𑌮𑌤𑍀𑌤𑌨𑍁𑌭𑌵𑌂 𑌚 𑌰𑍁𑌰𑍁𑌂 𑌚 𑌹𑌂𑌤𑍁𑌂
𑌆𑌵𑌿𑌷𑍍𑌕𑍃𑌤𑍈𑌰𑍍𑌨𑌿𑌜𑌰𑌸𑌾𑌦𑌵𑌤𑌾𑌰𑌭𑍇𑌦𑍈𑌃 ।
𑌅𑌷𑍍𑌟𑌾𑌦𑌶𑌾𑌹𑌤𑌨𑌵𑌾𑌹𑌤𑌕𑍋𑌟𑌿𑌸𑌂𑌖𑍍𑌯𑍈𑌃
𑌅𑌂𑌬𑌾 𑌸𑌦𑌾 𑌸𑌮𑌭𑌿𑌰𑌕𑍍𑌷𑌤𑍁 𑌮𑌾𑌂 𑌵𑌿𑌪𑌦𑍍𑌭𑍍𑌯𑌃 ॥ 𑍯 ॥

𑌏𑌤𑌚𑍍𑌚𑌰𑌿𑌤𑍍𑌰𑌮𑌖𑌿𑌲𑌂 𑌲𑌿𑌖𑌿𑌤𑌂 𑌹𑌿 𑌯𑌸𑍍𑌯𑌾𑌃
𑌸𑌂𑌪𑍂𑌜𑌿𑌤𑌂 𑌸𑌦𑌨 𑌏𑌵 𑌨𑌿𑌵𑍇𑌶𑌿𑌤𑌂 𑌵𑌾 ।
𑌦𑍁𑌰𑍍𑌗𑌂 𑌚 𑌤𑌾𑌰𑌯𑌤𑌿 𑌦𑍁𑌸𑍍𑌤𑌰𑌮𑌪𑍍𑌯𑌶𑍇𑌷𑌂
𑌶𑍍𑌰𑍇𑌯𑌃 𑌪𑍍𑌰𑌯𑌚𑍍𑌛𑌤𑌿 𑌚 𑌸𑌰𑍍𑌵𑌮𑍁𑌮𑌾𑌂 𑌭𑌜𑍇 𑌤𑌾𑌮𑍍 ॥ 10 ॥

𑌯𑌤𑍍𑌪𑍂𑌜𑌨𑌸𑍍𑌤𑍁𑌤𑌿𑌨𑌮𑌸𑍍𑌕𑍃𑌤𑌿𑌭𑌿𑌰𑍍𑌭𑌵𑌂𑌤𑌿
𑌪𑍍𑌰𑍀𑌤𑌾𑌃 𑌪𑌿𑌤𑌾𑌮𑌹𑌰𑌮𑍇𑌶𑌹𑌰𑌾𑌸𑍍𑌤𑍍𑌰𑌯𑍋𑌽𑌪𑌿 ।
𑌤𑍇𑌷𑌾𑌮𑌪𑌿 𑌸𑍍𑌵𑌕𑌗𑍁𑌣𑍈𑌰𑍍𑌦𑌦𑌤𑍀 𑌵𑌪𑍂𑌂𑌷𑌿
𑌤𑌾𑌮𑍀𑌶𑍍𑌵𑌰𑌸𑍍𑌯 𑌤𑌰𑍁𑌣𑍀𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 11 ॥

𑌕𑌾𑌂𑌤𑌾𑌰𑌮𑌧𑍍𑌯𑌦𑍃𑌢𑌲𑌗𑍍𑌨𑌤𑌯𑌾𑌽𑌵𑌸𑌨𑍍𑌨𑌾𑌃
𑌮𑌗𑍍𑌨𑌾𑌶𑍍𑌚 𑌵𑌾𑌰𑌿𑌧𑌿𑌜𑌲𑍇 𑌰𑌿𑌪𑍁𑌭𑌿𑌶𑍍𑌚 𑌰𑍁𑌦𑍍𑌧𑌾𑌃 ।
𑌯𑌸𑍍𑌯𑌾𑌃 𑌪𑍍𑌰𑌪𑌦𑍍𑌯 𑌚𑌰𑌣𑍌 𑌵𑌿𑌪𑌦𑌸𑍍𑌤𑌰𑌂𑌤𑌿
𑌸𑌾 𑌮𑍇 𑌸𑌦𑌾𑌽𑌸𑍍𑌤𑍁 𑌹𑍃𑌦𑌿 𑌸𑌰𑍍𑌵𑌜𑌗𑌤𑍍𑌸𑌵𑌿𑌤𑍍𑌰𑍀 ॥ 12 ॥

𑌬𑌂𑌧𑍇 𑌵𑌧𑍇 𑌮𑌹𑌤𑌿 𑌮𑍃𑌤𑍍𑌯𑍁𑌭𑌯𑍇 𑌪𑍍𑌰𑌸𑌕𑍍𑌤𑍇
𑌵𑌿𑌤𑍍𑌤𑌕𑍍𑌷𑌯𑍇 𑌚 𑌵𑌿𑌵𑌿𑌧𑍇 𑌯 𑌮𑌹𑍋𑌪𑌤𑌾𑌪𑍇 ।
𑌯𑌤𑍍𑌪𑌾𑌦𑌪𑍂𑌜𑌨𑌮𑌿𑌹 𑌪𑍍𑌰𑌤𑌿𑌕𑌾𑌰𑌮𑌾𑌹𑍁𑌃
𑌸𑌾 𑌮𑍇 𑌸𑌮𑌸𑍍𑌤𑌜𑌨𑌨𑍀 𑌶𑌰𑌣𑌂 𑌭𑌵𑌾𑌨𑍀 ॥ 13 ॥

𑌬𑌾𑌣𑌾𑌸𑍁𑌰𑌪𑍍𑌰𑌹𑌿𑌤𑌪𑌨𑍍𑌨𑌗𑌬𑌂𑌧𑌮𑍋𑌕𑍍𑌷𑌃
𑌤𑌦𑍍𑌬𑌾𑌹𑍁𑌦𑌰𑍍𑌪𑌦𑌲𑌨𑌾𑌦𑍁𑌷𑌯𑌾 𑌚 𑌯𑍋𑌗𑌃 ।
𑌪𑍍𑌰𑌾𑌦𑍍𑌯𑍁𑌮𑍍𑌨𑌿𑌨𑌾 𑌦𑍍𑌰𑍁𑌤𑌮𑌲𑌭𑍍𑌯𑌤 𑌯𑌤𑍍𑌪𑍍𑌰𑌸𑌾𑌦𑌾𑌤𑍍
𑌸𑌾 𑌮𑍇 𑌶𑌿𑌵𑌾 𑌸𑌕𑌲𑌮𑌪𑍍𑌯𑌶𑍁𑌭𑌂 𑌕𑍍𑌷𑌿𑌣𑍋𑌤𑍁 ॥ 14 ॥

𑌪𑌾𑌪𑌃 𑌪𑍁𑌲𑌸𑍍𑌤𑍍𑌯𑌤𑌨𑌯𑌃 𑌪𑍁𑌨𑌰𑍁𑌤𑍍𑌥𑌿𑌤𑍋 𑌮𑌾𑌂
𑌅𑌦𑍍𑌯𑌾𑌪𑌿 𑌹𑌰𑍍𑌤𑍁𑌮𑌯𑌮𑌾𑌗𑌤 𑌇𑌤𑍍𑌯𑍁𑌦𑍀𑌤𑌮𑍍 ।
𑌯𑌤𑍍𑌸𑍇𑌵𑌨𑍇𑌨 𑌭𑌯𑌮𑌿𑌂𑌦𑌿𑌰𑌯𑌾𑌽𑌵𑌧𑍂𑌤𑌂
𑌤𑌾𑌮𑌾𑌦𑌿𑌦𑍇𑌵𑌤𑌰𑍁𑌣𑍀𑌂 𑌶𑌰𑌣𑌂 𑌗𑌤𑍋𑌽𑌸𑍍𑌮𑌿 ॥ 15 ॥

𑌯𑌦𑍍𑌧𑍍𑌯𑌾𑌨𑌜𑌂 𑌸𑍁𑌖𑌮𑌵𑌾𑌪𑍍𑌯𑌮𑌨𑌂𑌤𑌪𑍁𑌣𑍍𑌯𑍈𑌃
𑌸𑌾𑌕𑍍𑌷𑌾𑌤𑍍𑌤𑌮𑌚𑍍𑌯𑍁𑌤 𑌪𑌰𑌿𑌗𑍍𑌰𑌹𑌮𑌾𑌶𑍍𑌵𑌵𑌾𑌪𑍁𑌃 ।
𑌗𑍋𑌪𑌾𑌂𑌗𑌨𑌾𑌃 𑌕𑌿𑌲 𑌯𑌦𑌰𑍍𑌚𑌨𑌪𑍁𑌣𑍍𑌯𑌮𑌾𑌤𑍍𑌰𑌾𑌃
𑌸𑌾 𑌮𑍇 𑌸𑌦𑌾 𑌭𑌗𑌵𑌤𑍀 𑌭𑌵𑌤𑍁 𑌪𑍍𑌰𑌸𑌨𑍍𑌨𑌾 ॥ 16 ॥

𑌰𑌾𑌤𑍍𑌰𑌿𑌂 𑌪𑍍𑌰𑌪𑌦𑍍𑌯 𑌇𑌤𑌿 𑌮𑌂𑌤𑍍𑌰𑌵𑌿𑌦𑌃 𑌪𑍍𑌰𑌪𑌨𑍍𑌨𑌾𑌨𑍍
𑌉𑌦𑍍𑌬𑍋𑌧𑍍𑌯 𑌮𑍃𑌤𑍍𑌯𑍁𑌵𑌧𑌿𑌮𑌨𑍍𑌯𑌫𑌲𑍈𑌃 𑌪𑍍𑌰𑌲𑍋𑌭𑍍𑌯 ।
𑌬𑍁𑌦𑍍𑌧𑍍𑌵𑌾 𑌚 𑌤𑌦𑍍𑌵𑌿𑌮𑍁𑌖𑌤𑌾𑌂 𑌪𑍍𑌰𑌤𑌨𑌂 𑌨𑌯𑌂𑌤𑍀𑌂
𑌆𑌕𑌾𑌶𑌮𑌾𑌦𑌿𑌜𑌨𑌨𑍀𑌂 𑌜𑌗𑌤𑌾𑌂 𑌭𑌜𑍇 𑌤𑌾𑌮𑍍 ॥ 1𑍭 ॥

𑌦𑍇𑌶𑌕𑌾𑌲𑍇𑌷𑍁 𑌦𑍁𑌷𑍍𑌟𑍇𑌷𑍁 𑌦𑍁𑌰𑍍𑌗𑌾𑌚𑌂𑌦𑍍𑌰𑌕𑌲𑌾𑌸𑍍𑌤𑍁𑌤𑌿𑌃 ।
𑌸𑌂𑌧𑍍𑌯𑌯𑍋𑌰𑌨𑍁𑌸𑌂𑌧𑍇𑌯𑌾 𑌸𑌰𑍍𑌵𑌾𑌪𑌦𑍍𑌵𑌿𑌨𑌿𑌵𑍃𑌤𑍍𑌤𑌯𑍇 ॥ 1𑍮 ॥

𑌇𑌤𑌿 𑌶𑍍𑌰𑍀𑌮𑌦𑌪𑌯𑍍𑌯𑌦𑍀𑌕𑍍𑌷𑌿𑌤𑌵𑌿𑌰𑌚𑌿𑌤𑌾 𑌦𑍁𑌰𑍍𑌗𑌾𑌚𑌂𑌦𑍍𑌰𑌕𑌳𑌾𑌸𑍍𑌤𑍁𑌤𑌿𑌃 ॥


Browse Related Categories: