॥ 𑌶𑍍𑌰𑍀 𑌗𑌣𑍇𑌶𑌾𑌯 𑌨𑌮𑌃 ॥
॥ 𑌶𑍍𑌰𑍀𑌪𑌰𑌮𑌾𑌤𑍍𑌮𑌨𑍇 𑌨𑌮𑌃 ॥
𑌅𑌥 𑌕𑌥𑌾 𑌪𑍍𑌰𑌾𑌰𑌂𑌭𑌃 ।

𑌅𑌥 𑌪𑍍𑌰𑌥𑌮𑍋𑌽𑌧𑍍𑌯𑌾𑌯𑌃

𑌶𑍍𑌰𑍀𑌵𑍍𑌯𑌾𑌸 𑌉𑌵𑌾𑌚 ।
𑌏𑌕𑌦𑌾 𑌨𑍈𑌮𑌿𑌷𑌾𑌰𑌣𑍍𑌯𑍇 𑌋𑌷𑌯𑌃 𑌶𑍌𑌨𑌕𑌾𑌦𑌯𑌃 ।
𑌪𑌪𑍍𑌰𑌚𑍍𑌛𑍁𑌰𑍍𑌮𑍁𑌨𑌯𑌃 𑌸𑌰𑍍𑌵𑍇 𑌸𑍂𑌤𑌂 𑌪𑍌𑌰𑌾𑌣𑌿𑌕𑌂 𑌖𑌲𑍁 ॥ 1॥

𑌋𑌷𑌯 𑌊𑌚𑍁𑌃 ।
𑌵𑍍𑌰𑌤𑍇𑌨 𑌤𑌪𑌸𑌾 𑌕𑌿𑌂-𑌵𑌾𑌁 𑌪𑍍𑌰𑌾𑌪𑍍𑌯𑌤𑍇 𑌵𑌾𑌂𑌛𑌿𑌤𑌂 𑌫𑌲𑌮𑍍 ।
𑌤𑌤𑍍𑌸𑌰𑍍𑌵𑌂 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌃 𑌕𑌥𑌯𑌸𑍍𑌵 𑌮𑌹𑌾𑌮𑍁𑌨𑍇 ॥ 2॥

𑌸𑍂𑌤 𑌉𑌵𑌾𑌚 ।
𑌨𑌾𑌰𑌦𑍇𑌨𑍈𑌵 𑌸𑌂𑌪𑍃𑌷𑍍𑌟𑍋 𑌭𑌗𑌵𑌾𑌨𑍍 𑌕𑌮𑌲𑌾𑌪𑌤𑌿𑌃 ।
𑌸𑍁𑌰𑌰𑍍​𑌷𑌯𑍇 𑌯𑌥𑍈𑌵𑌾𑌹 𑌤𑌚𑍍𑌛𑍃𑌣𑍁𑌧𑍍𑌵𑌂 𑌸𑌮𑌾𑌹𑌿𑌤𑌾𑌃 ॥ 3॥

𑌏𑌕𑌦𑌾 𑌨𑌾𑌰𑌦𑍋 𑌯𑍋𑌗𑍀 𑌪𑌰𑌾𑌨𑍁𑌗𑍍𑌰𑌹𑌕𑌾𑌂𑌕𑍍𑌷𑌯𑌾 ।
𑌪𑌰𑍍𑌯𑌟𑌨𑍍 𑌵𑌿𑌵𑌿𑌧𑌾𑌨𑍍 𑌲𑍋𑌕𑌾𑌨𑍍 𑌮𑌰𑍍𑌤𑍍𑌯𑌲𑍋𑌕𑌮𑍁𑌪𑌾𑌗𑌤𑌃 ॥ 4॥

𑌤𑌤𑍋𑌦𑍃𑌷𑍍𑌟𑍍𑌵𑌾 𑌜𑌨𑌾𑌨𑍍𑌸𑌰𑍍𑌵𑌾𑌨𑍍 𑌨𑌾𑌨𑌾𑌕𑍍𑌲𑍇𑌶𑌸𑌮𑌨𑍍𑌵𑌿𑌤𑌾𑌨𑍍 ।
𑌨𑌾𑌨𑌾𑌯𑍋𑌨𑌿𑌸𑌮𑍁𑌤𑍍𑌪𑌨𑍍𑌨𑌾𑌨𑍍 𑌕𑍍𑌲𑌿𑌶𑍍𑌯𑌮𑌾𑌨𑌾𑌨𑍍 𑌸𑍍𑌵𑌕𑌰𑍍𑌮𑌭𑌿𑌃 ॥ 5॥

𑌕𑍇𑌨𑍋𑌪𑌾𑌯𑍇𑌨 𑌚𑍈𑌤𑍇𑌷𑌾𑌂 𑌦𑍁𑌃𑌖𑌨𑌾𑌶𑍋 𑌭𑌵𑍇𑌦𑍍 𑌧𑍍𑌰𑍁𑌵𑌮𑍍 ।
𑌇𑌤𑌿 𑌸𑌂𑌚𑌿𑌂𑌤𑍍𑌯 𑌮𑌨𑌸𑌾 𑌵𑌿𑌷𑍍𑌣𑍁𑌲𑍋𑌕𑌂 𑌗𑌤𑌸𑍍𑌤𑌦𑌾 ॥ 6॥

𑌤𑌤𑍍𑌰 𑌨𑌾𑌰𑌾𑌯𑌣𑌂 𑌦𑍇𑌵𑌂 𑌶𑍁𑌕𑍍𑌲𑌵𑌰𑍍𑌣𑌂 𑌚𑌤𑍁𑌰𑍍𑌭𑍁𑌜𑌮𑍍 ।
𑌶𑌂𑌖-𑌚𑌕𑍍𑌰-𑌗𑌦𑌾-𑌪𑌦𑍍𑌮-𑌵𑌨𑌮𑌾𑌲𑌾-𑌵𑌿𑌭𑍂𑌷𑌿𑌤𑌮𑍍 ॥ 𑍭॥

𑌦𑍃𑌷𑍍𑌟𑍍𑌵𑌾 𑌤𑌂 𑌦𑍇𑌵𑌦𑍇𑌵𑍇𑌶𑌂 𑌸𑍍𑌤𑍋𑌤𑍁𑌂 𑌸𑌮𑍁𑌪𑌚𑌕𑍍𑌰𑌮𑍇 ।
𑌨𑌾𑌰𑌦 𑌉𑌵𑌾𑌚 ।
𑌨𑌮𑍋 𑌵𑌾𑌂𑌗𑌮𑌨𑌸𑌾𑌤𑍀𑌤𑌰𑍂𑌪𑌾𑌯𑌾𑌨𑌂𑌤𑌶𑌕𑍍𑌤𑌯𑍇 ।
𑌆𑌦𑌿𑌮𑌧𑍍𑌯𑌾𑌂𑌤𑌹𑍀𑌨𑌾𑌯 𑌨𑌿𑌰𑍍𑌗𑍁𑌣𑌾𑌯 𑌗𑍁𑌣𑌾𑌤𑍍𑌮𑌨𑍇 ॥ 𑍮॥

𑌸𑌰𑍍𑌵𑍇𑌷𑌾𑌮𑌾𑌦𑌿𑌭𑍂𑌤𑌾𑌯 𑌭𑌕𑍍𑌤𑌾𑌨𑌾𑌮𑌾𑌰𑍍𑌤𑌿𑌨𑌾𑌶𑌿𑌨𑍇 ।
𑌶𑍍𑌰𑍁𑌤𑍍𑌵𑌾 𑌸𑍍𑌤𑍋𑌤𑍍𑌰𑌂 𑌤𑌤𑍋 𑌵𑌿𑌷𑍍𑌣𑍁𑌰𑍍𑌨𑌾𑌰𑌦𑌂 𑌪𑍍𑌰𑌤𑍍𑌯𑌭𑌾𑌷𑌤 ॥ 𑍯॥

𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌕𑌿𑌮𑌰𑍍𑌥𑌮𑌾𑌗𑌤𑍋𑌽𑌸𑌿 𑌤𑍍𑌵𑌂 𑌕𑌿𑌂 𑌤𑍇 𑌮𑌨𑌸𑌿 𑌵𑌰𑍍𑌤𑌤𑍇 ।
𑌕𑌥𑌯𑌸𑍍𑌵 𑌮𑌹𑌾𑌭𑌾𑌗 𑌤𑌤𑍍𑌸𑌰𑍍𑌵𑌂 𑌕𑌥𑌾𑌯𑌾𑌮𑌿 𑌤𑍇 ॥ 10॥

𑌨𑌾𑌰𑌦 𑌉𑌵𑌾𑌚 ।
𑌮𑌰𑍍𑌤𑍍𑌯𑌲𑍋𑌕𑍇 𑌜𑌨𑌾𑌃 𑌸𑌰𑍍𑌵𑍇 𑌨𑌾𑌨𑌾𑌕𑍍𑌲𑍇𑌶𑌸𑌮𑌨𑍍𑌵𑌿𑌤𑌾𑌃 ।
𑌨𑌨𑌾𑌯𑍋𑌨𑌿𑌸𑌮𑍁𑌤𑍍𑌪𑌨𑍍𑌨𑌾𑌃 𑌪𑌚𑍍𑌯𑌂𑌤𑍇 𑌪𑌾𑌪𑌕𑌰𑍍𑌮𑌭𑌿𑌃 ॥ 11॥

𑌤𑌤𑍍𑌕𑌥𑌂 𑌶𑌮𑌯𑍇𑌨𑍍𑌨𑌾𑌥 𑌲𑌘𑍂𑌪𑌾𑌯𑍇𑌨 𑌤𑌦𑍍𑌵𑌦 ।
𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌤𑌤𑍍𑌸𑌰𑍍𑌵𑌂 𑌕𑍃𑌪𑌾𑌸𑍍𑌤𑌿 𑌯𑌦𑌿 𑌤𑍇 𑌮𑌯𑌿 ॥ 12॥

𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌸𑌾𑌧𑍁 𑌪𑍃𑌷𑍍𑌟𑌂 𑌤𑍍𑌵𑌯𑌾 𑌵𑌤𑍍𑌸 𑌲𑍋𑌕𑌾𑌨𑍁𑌗𑍍𑌰𑌹𑌕𑌾𑌂𑌕𑍍𑌷𑌯𑌾 ।
𑌯𑌤𑍍𑌕𑍃𑌤𑍍𑌵𑌾 𑌮𑍁𑌚𑍍𑌯𑌤𑍇 𑌮𑍋𑌹𑌤𑍍 𑌤𑌚𑍍𑌛𑍃𑌣𑍁𑌷𑍍𑌵 𑌵𑌦𑌾𑌮𑌿 𑌤𑍇 ॥ 13॥

𑌵𑍍𑌰𑌤𑌮𑌸𑍍𑌤𑌿 𑌮𑌹𑌤𑍍𑌪𑍁𑌣𑍍𑌯𑌂 𑌸𑍍𑌵𑌰𑍍𑌗𑍇 𑌮𑌰𑍍𑌤𑍍𑌯𑍇 𑌚 𑌦𑍁𑌰𑍍𑌲𑌭𑌮𑍍 ।
𑌤𑌵 𑌸𑍍𑌨𑍇𑌹𑌾𑌨𑍍𑌮𑌯𑌾 𑌵𑌤𑍍𑌸 𑌪𑍍𑌰𑌕𑌾𑌶𑌃 𑌕𑍍𑌰𑌿𑌯𑌤𑍇𑌽𑌧𑍁𑌨𑌾 ॥ 14॥

𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯𑍈𑌵 𑌵𑍍𑌰𑌤𑌂 𑌸𑌮𑍍𑌯𑌗𑍍𑌵𑌿𑌧𑌾𑌨𑌤𑌃 । (𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯𑍈𑌵𑌂)
𑌕𑍃𑌤𑍍𑌵𑌾 𑌸𑌦𑍍𑌯𑌃 𑌸𑍁𑌖𑌂 𑌭𑍁𑌕𑍍𑌤𑍍𑌵𑌾 𑌪𑌰𑌤𑍍𑌰 𑌮𑍋𑌕𑍍𑌷𑌮𑌾𑌪𑍍𑌨𑍁𑌯𑌾𑌤𑍍 ।
𑌤𑌚𑍍𑌛𑍍𑌰𑍁𑌤𑍍𑌵𑌾 𑌭𑌗𑌵𑌦𑍍𑌵𑌾𑌕𑍍𑌯𑌂 𑌨𑌾𑌰𑌦𑍋 𑌮𑍁𑌨𑌿𑌰𑌬𑍍𑌰𑌵𑍀𑌤𑍍 ॥ 15॥

𑌨𑌾𑌰𑌦 𑌉𑌵𑌾𑌚 ।
𑌕𑌿𑌂 𑌫𑌲𑌂 𑌕𑌿𑌂-𑌵𑌿𑌁𑌧𑌾𑌨𑌂 𑌚 𑌕𑍃𑌤𑌂 𑌕𑍇𑌨𑍈𑌵 𑌤𑌦𑍍 𑌵𑍍𑌰𑌤𑌮𑍍 ।
𑌤𑌤𑍍𑌸𑌰𑍍𑌵𑌂-𑌵𑌿𑌁𑌸𑍍𑌤𑌰𑌾𑌦𑍍 𑌬𑍍𑌰𑍂𑌹𑌿 𑌕𑌦𑌾 𑌕𑌾𑌰𑍍𑌯𑌂-𑌵𑍍𑌰𑌁𑌤𑌂 𑌪𑍍𑌰𑌭𑍋 ॥ 16॥ (𑌕𑌾𑌰𑍍𑌯𑌂𑌹𑌿𑌤𑌦𑍍𑌵𑍍𑌰𑌤𑌮𑍍)

𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌦𑍁𑌃𑌖𑌶𑍋𑌕𑌾𑌦𑌿𑌶𑌮𑌨𑌂 𑌧𑌨𑌧𑌾𑌨𑍍𑌯𑌪𑍍𑌰𑌵𑌰𑍍𑌧𑌨𑌮𑍍 ॥ 1𑍭॥

𑌸𑍌𑌭𑌾𑌗𑍍𑌯𑌸𑌂𑌤𑌤𑌿𑌕𑌰𑌂 𑌸𑌰𑍍𑌵𑌤𑍍𑌰 𑌵𑌿𑌜𑌯𑌪𑍍𑌰𑌦𑌮𑍍 ।
𑌯𑌸𑍍𑌮𑌿𑌨𑍍 𑌕𑌸𑍍𑌮𑌿𑌨𑍍 𑌦𑌿𑌨𑍇 𑌮𑌰𑍍𑌤𑍍𑌯𑍋 𑌭𑌕𑍍𑌤𑌿𑌶𑍍𑌰𑌦𑍍𑌧𑌾𑌸𑌮𑌨𑍍𑌵𑌿𑌤𑌃 ॥ 1𑍮॥

𑌸𑌤𑍍𑌯𑌨𑌾𑌰𑌾𑌯𑌣𑌂 𑌦𑍇𑌵𑌂-𑌯𑌁𑌜𑍇𑌚𑍍𑌚𑍈𑌵 𑌨𑌿𑌶𑌾𑌮𑍁𑌖𑍇 ।
𑌬𑍍𑌰𑌾𑌹𑍍𑌮𑌣𑍈𑌰𑍍𑌬𑌾𑌂𑌧𑌵𑍈𑌶𑍍𑌚𑍈𑌵 𑌸𑌹𑌿𑌤𑍋 𑌧𑌰𑍍𑌮𑌤𑌤𑍍𑌪𑌰𑌃 ॥ 1𑍯॥

𑌨𑍈𑌵𑍇𑌦𑍍𑌯𑌂 𑌭𑌕𑍍𑌤𑌿𑌤𑍋 𑌦𑌦𑍍𑌯𑌾𑌤𑍍 𑌸𑌪𑌾𑌦𑌂 𑌭𑌕𑍍𑌷𑍍𑌯𑌮𑍁𑌤𑍍𑌤𑌮𑌮𑍍 ।
𑌰𑌂𑌭𑌾𑌫𑌲𑌂 𑌘𑍃𑌤𑌂 𑌕𑍍𑌷𑍀𑌰𑌂 𑌗𑍋𑌧𑍂𑌮𑌸𑍍𑌯 𑌚 𑌚𑍂𑌰𑍍𑌣𑌕𑌮𑍍 ॥ 20॥

𑌅𑌭𑌾𑌵𑍇 𑌶𑌾𑌲𑌿𑌚𑍂𑌰𑍍𑌣𑌂-𑌵𑌾𑌁 𑌶𑌰𑍍𑌕𑌰𑌾 𑌵𑌾 𑌗𑍁𑌡𑌸𑍍𑌤𑌥𑌾 ।
𑌸𑌪𑌾𑌦𑌂 𑌸𑌰𑍍𑌵𑌭𑌕𑍍𑌷𑍍𑌯𑌾𑌣𑌿 𑌚𑍈𑌕𑍀𑌕𑍃𑌤𑍍𑌯 𑌨𑌿𑌵𑍇𑌦𑌯𑍇𑌤𑍍 ॥ 21॥

𑌵𑌿𑌪𑍍𑌰𑌾𑌯 𑌦𑌕𑍍𑌷𑌿𑌣𑌾𑌂 𑌦𑌦𑍍𑌯𑌾𑌤𑍍 𑌕𑌥𑌾𑌂 𑌶𑍍𑌰𑍁𑌤𑍍𑌵𑌾 𑌜𑌨𑍈𑌃 𑌸𑌹 ।
𑌤𑌤𑌶𑍍𑌚 𑌬𑌂𑌧𑍁𑌭𑌿𑌃 𑌸𑌾𑌰𑍍𑌧𑌂-𑌵𑌿𑌁𑌪𑍍𑌰𑌾𑌂𑌶𑍍𑌚 𑌪𑍍𑌰𑌤𑌿𑌭𑍋𑌜𑌯𑍇𑌤𑍍 ॥ 22॥

𑌪𑍍𑌰𑌸𑌾𑌦𑌂 𑌭𑌕𑍍𑌷𑌯𑍇𑌦𑍍 𑌭𑌕𑍍𑌤𑍍𑌯𑌾 𑌨𑍃𑌤𑍍𑌯𑌗𑍀𑌤𑌾𑌦𑌿𑌕𑌂 𑌚𑌰𑍇𑌤𑍍 ।
𑌤𑌤𑌶𑍍𑌚 𑌸𑍍𑌵𑌗𑍃𑌹𑌂 𑌗𑌚𑍍𑌛𑍇𑌤𑍍 𑌸𑌤𑍍𑌯𑌨𑌾𑌰𑌾𑌯𑌣𑌂 𑌸𑍍𑌮𑌰𑌨𑍍𑌨𑍍 ॥ 23॥

𑌏𑌵𑌂 𑌕𑍃𑌤𑍇 𑌮𑌨𑍁𑌷𑍍𑌯𑌾𑌣𑌾𑌂-𑌵𑌾𑌂𑌁𑌛𑌾𑌸𑌿𑌦𑍍𑌧𑌿𑌰𑍍𑌭𑌵𑍇𑌦𑍍 𑌧𑍍𑌰𑍁𑌵𑌮𑍍 ।
𑌵𑌿𑌶𑍇𑌷𑌤𑌃 𑌕𑌲𑌿𑌯𑍁𑌗𑍇 𑌲𑌘𑍂𑌪𑌾𑌯𑍋𑌽𑌸𑍍𑌤𑌿 𑌭𑍂𑌤𑌲𑍇 ॥ 24॥ (𑌲𑌘𑍂𑌪𑌾𑌯𑍋𑌸𑍍𑌤𑌿)

॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌂𑌦𑌪𑍁𑌰𑌾𑌣𑍇 𑌰𑍇𑌵𑌾𑌖𑌂𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾𑌂 𑌪𑍍𑌰𑌥𑌮𑍋𑌽𑌧𑍍𑌯𑌾𑌯𑌃 ॥ 1 ॥

𑌅𑌥 𑌦𑍍𑌵𑌿𑌤𑍀𑌯𑍋𑌽𑌧𑍍𑌯𑌾𑌯𑌃

𑌸𑍂𑌤 𑌉𑌵𑌾𑌚 ।
𑌅𑌥𑌾𑌨𑍍𑌯𑌤𑍍 𑌸𑌂𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌕𑍃𑌤𑌂-𑌯𑍇𑌁𑌨 𑌪𑍁𑌰𑌾 𑌦𑍍𑌵𑌿𑌜𑌾𑌃 ।
𑌕𑌶𑍍𑌚𑌿𑌤𑍍 𑌕𑌾𑌶𑍀𑌪𑍁𑌰𑍇 𑌰𑌮𑍍𑌯𑍇 𑌹𑍍𑌯𑌾𑌸𑍀𑌦𑍍𑌵𑌿𑌪𑍍𑌰𑍋𑌽𑌤𑌿𑌨𑌿𑌰𑍍𑌧𑌨𑌃 ॥ 1॥ (𑌹𑍍𑌯𑌾𑌸𑍀𑌦𑍍𑌵𑌿𑌪𑍍𑌰𑍋𑌤𑌿𑌨𑌿𑌰𑍍𑌧𑌨𑌃)

𑌕𑍍𑌷𑍁𑌤𑍍𑌤𑍃𑌡𑍍𑌭𑍍𑌯𑌾𑌂-𑌵𑍍𑌯𑌾𑌁𑌕𑍁𑌲𑍋𑌭𑍂𑌤𑍍𑌵𑌾 𑌨𑌿𑌤𑍍𑌯𑌂 𑌬𑌭𑍍𑌰𑌾𑌮 𑌭𑍂𑌤𑌲𑍇 ।
𑌦𑍁𑌃𑌖𑌿𑌤𑌂 𑌬𑍍𑌰𑌾𑌹𑍍𑌮𑌣𑌂 𑌦𑍃𑌷𑍍𑌟𑍍𑌵𑌾 𑌭𑌗𑌵𑌾𑌨𑍍 𑌬𑍍𑌰𑌾𑌹𑍍𑌮𑌣𑌪𑍍𑌰𑌿𑌯𑌃 ॥ 2॥

𑌵𑍃𑌦𑍍𑌧𑌬𑍍𑌰𑌾𑌹𑍍𑌮𑌣 𑌰𑍂𑌪𑌸𑍍𑌤𑌂 𑌪𑌪𑍍𑌰𑌚𑍍𑌛 𑌦𑍍𑌵𑌿𑌜𑌮𑌾𑌦𑌰𑌾𑌤𑍍 ।
𑌕𑌿𑌮𑌰𑍍𑌥𑌂 𑌭𑍍𑌰𑌮𑌸𑍇 𑌵𑌿𑌪𑍍𑌰 𑌮𑌹𑍀𑌂 𑌨𑌿𑌤𑍍𑌯𑌂 𑌸𑍁𑌦𑍁𑌃𑌖𑌿𑌤𑌃 ।
𑌤𑌤𑍍𑌸𑌰𑍍𑌵𑌂 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌕𑌥𑍍𑌯𑌤𑌾𑌂 𑌦𑍍𑌵𑌿𑌜 𑌸𑌤𑍍𑌤𑌮 ॥ 3॥

𑌬𑍍𑌰𑌾𑌹𑍍𑌮𑌣 𑌉𑌵𑌾𑌚 ।
𑌬𑍍𑌰𑌾𑌹𑍍𑌮𑌣𑍋𑌽𑌤𑌿 𑌦𑌰𑌿𑌦𑍍𑌰𑍋𑌽𑌹𑌂 𑌭𑌿𑌕𑍍𑌷𑌾𑌰𑍍𑌥𑌂-𑌵𑍈𑌁 𑌭𑍍𑌰𑌮𑍇 𑌮𑌹𑍀𑌮𑍍 ॥ 4॥ (𑌬𑍍𑌰𑌾𑌹𑍍𑌮𑌣𑍋𑌤𑌿)

𑌉𑌪𑌾𑌯𑌂-𑌯𑌁𑌦𑌿 𑌜𑌾𑌨𑌾𑌸𑌿 𑌕𑍃𑌪𑌯𑌾 𑌕𑌥𑌯 𑌪𑍍𑌰𑌭𑍋 ।
𑌵𑍃𑌦𑍍𑌧𑌬𑍍𑌰𑌾𑌹𑍍𑌮𑌣 𑌉𑌵𑌾𑌚 ।
𑌸𑌤𑍍𑌯𑌨𑌾𑌰𑌾𑌯𑌣𑍋 𑌵𑌿𑌷𑍍𑌣𑍁𑌰𑍍𑌵𑌾𑌂𑌛𑌿𑌤𑌾𑌰𑍍𑌥𑌫𑌲𑌪𑍍𑌰𑌦𑌃 ॥ 5॥

𑌤𑌸𑍍𑌯 𑌤𑍍𑌵𑌂 𑌪𑍂𑌜𑌨𑌂-𑌵𑌿𑌁𑌪𑍍𑌰 𑌕𑍁𑌰𑍁𑌷𑍍𑌵 𑌵𑍍𑌰𑌤𑌮𑍁𑌤𑍍𑌤𑌮𑌮 । (𑌵𑍍𑌰𑌤𑌮𑍁𑌤𑍍𑌤𑌮𑌮𑍍)
𑌯𑌤𑍍𑌕𑍃𑌤𑍍𑌵𑌾 𑌸𑌰𑍍𑌵𑌦𑍁𑌃𑌖𑍇𑌭𑍍𑌯𑍋 𑌮𑍁𑌕𑍍𑌤𑍋 𑌭𑌵𑌤𑌿 𑌮𑌾𑌨𑌵𑌃 ॥ 6॥

𑌵𑌿𑌧𑌾𑌨𑌂 𑌚 𑌵𑍍𑌰𑌤𑌸𑍍𑌯𑌾𑌪𑌿 𑌵𑌿𑌪𑍍𑌰𑌾𑌯𑌾𑌭𑌾𑌷𑍍𑌯 𑌯𑌤𑍍𑌨𑌤𑌃 ।
𑌸𑌤𑍍𑌯𑌨𑌾𑌰𑌾𑌯𑌣𑍋 𑌵𑍃𑌦𑍍𑌧𑌸𑍍𑌤𑌤𑍍𑌰𑍈𑌵𑌾𑌂𑌤𑌰𑌧𑍀𑌯𑌤 ॥ 𑍭॥

𑌤𑌦𑍍 𑌵𑍍𑌰𑌤𑌂 𑌸𑌂𑌕𑌰𑌿𑌷𑍍𑌯𑌾𑌮𑌿 𑌯𑌦𑍁𑌕𑍍𑌤𑌂 𑌬𑍍𑌰𑌾𑌹𑍍𑌮𑌣𑍇𑌨 𑌵𑍈 ।
𑌇𑌤𑌿 𑌸𑌂𑌚𑌿𑌂𑌤𑍍𑌯 𑌵𑌿𑌪𑍍𑌰𑍋𑌽𑌸𑍌 𑌰𑌾𑌤𑍍𑌰𑍌 𑌨𑌿𑌦𑍍𑌰𑌾 𑌨 𑌲𑌬𑍍𑌧𑌵𑌾𑌨𑍍 ॥ 𑍮॥ (𑌨𑌿𑌦𑍍𑌰𑌾𑌂)

𑌤𑌤𑌃 𑌪𑍍𑌰𑌾𑌤𑌃 𑌸𑌮𑍁𑌤𑍍𑌥𑌾𑌯 𑌸𑌤𑍍𑌯𑌨𑌾𑌰𑌾𑌯𑌣𑌵𑍍𑌰𑌤𑌮𑍍 ।
𑌕𑌰𑌿𑌷𑍍𑌯 𑌇𑌤𑌿 𑌸𑌂𑌕𑌲𑍍𑌪𑍍𑌯 𑌭𑌿𑌕𑍍𑌷𑌾𑌰𑍍𑌥𑌮𑌗𑌮𑌦𑍍𑌵𑌿𑌜𑌃 ॥ 𑍯॥ (𑌭𑌿𑌕𑍍𑌷𑌾𑌰𑍍𑌥𑌮𑌗𑌮𑌦𑍍𑌦𑍍𑌵𑌿𑌜𑌃)

𑌤𑌸𑍍𑌮𑌿𑌨𑍍𑌨𑍇𑌵 𑌦𑌿𑌨𑍇 𑌵𑌿𑌪𑍍𑌰𑌃 𑌪𑍍𑌰𑌚𑍁𑌰𑌂 𑌦𑍍𑌰𑌵𑍍𑌯𑌮𑌾𑌪𑍍𑌤𑌵𑌾𑌨𑍍 ।
𑌤𑍇𑌨𑍈𑌵 𑌬𑌂𑌧𑍁𑌭𑌿𑌃 𑌸𑌾𑌰𑍍𑌧𑌂 𑌸𑌤𑍍𑌯𑌸𑍍𑌯𑌵𑍍𑌰𑌤𑌮𑌾𑌚𑌰𑌤𑍍 ॥ 10॥

𑌸𑌰𑍍𑌵𑌦𑍁𑌃𑌖𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌸𑌰𑍍𑌵𑌸𑌂𑌪𑌤𑍍𑌸𑌮𑌨𑍍𑌵𑌿𑌤𑌃 ।
𑌬𑌭𑍂𑌵 𑌸 𑌦𑍍𑌵𑌿𑌜𑌶𑍍𑌰𑍇𑌷𑍍𑌠𑍋 𑌵𑍍𑌰𑌤𑌸𑍍𑌯𑌾𑌸𑍍𑌯 𑌪𑍍𑌰𑌭𑌾𑌵𑌤𑌃 ॥ 11॥

𑌤𑌤𑌃 𑌪𑍍𑌰𑌭𑍃𑌤𑌿 𑌕𑌾𑌲𑌂 𑌚 𑌮𑌾𑌸𑌿 𑌮𑌾𑌸𑌿 𑌵𑍍𑌰𑌤𑌂 𑌕𑍃𑌤𑌮𑍍 ।
𑌏𑌵𑌂 𑌨𑌾𑌰𑌾𑌯𑌣𑌸𑍍𑌯𑍇𑌦𑌂-𑌵𑍍𑌰𑌁𑌤𑌂 𑌕𑍃𑌤𑍍𑌵𑌾 𑌦𑍍𑌵𑌿𑌜𑍋𑌤𑍍𑌤𑌮𑌃 ॥ 12॥

𑌸𑌰𑍍𑌵𑌪𑌾𑌪𑌵𑌿𑌨𑌿𑌰𑍍𑌮𑍁𑌕𑍍𑌤𑍋 𑌦𑍁𑌰𑍍𑌲𑌭𑌂 𑌮𑍋𑌕𑍍𑌷𑌮𑌾𑌪𑍍𑌤𑌵𑌾𑌨𑍍 ।
𑌵𑍍𑌰𑌤𑌮𑌸𑍍𑌯 𑌯𑌦𑌾 𑌵𑌿𑌪𑍍𑌰 𑌪𑍃𑌥𑌿𑌵𑍍𑌯𑌾𑌂 𑌸𑌂𑌕𑌰𑌿𑌷𑍍𑌯𑌤𑌿 ॥ 13॥ (𑌵𑌿𑌪𑍍𑌰𑌾𑌃)

𑌤𑌦𑍈𑌵 𑌸𑌰𑍍𑌵𑌦𑍁𑌃𑌖𑌂 𑌤𑍁 𑌮𑌨𑍁𑌜𑌸𑍍𑌯 𑌵𑌿𑌨𑌶𑍍𑌯𑌤𑌿 । (𑌚 𑌮𑌨𑍁𑌜𑌸𑍍𑌯)
𑌏𑌵𑌂 𑌨𑌾𑌰𑌾𑌯𑌣𑍇𑌨𑍋𑌕𑍍𑌤𑌂 𑌨𑌾𑌰𑌦𑌾𑌯 𑌮𑌹𑌾𑌤𑍍𑌮𑌨𑍇 ॥ 14॥

𑌮𑌯𑌾 𑌤𑌤𑍍𑌕𑌥𑌿𑌤𑌂-𑌵𑌿𑌁𑌪𑍍𑌰𑌾𑌃 𑌕𑌿𑌮𑌨𑍍𑌯𑌤𑍍 𑌕𑌥𑌯𑌾𑌮𑌿 𑌵𑌃 ।
𑌋𑌷𑌯 𑌊𑌚𑍁𑌃 ।
𑌤𑌸𑍍𑌮𑌾𑌦𑍍 𑌵𑌿𑌪𑍍𑌰𑌾𑌚𑍍𑌛𑍍𑌰𑍁𑌤𑌂 𑌕𑍇𑌨 𑌪𑍃𑌥𑌿𑌵𑍍𑌯𑌾𑌂 𑌚𑌰𑌿𑌤𑌂 𑌮𑍁𑌨𑍇 ।
𑌤𑌤𑍍𑌸𑌰𑍍𑌵𑌂 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌃 𑌶𑍍𑌰𑌦𑍍𑌧𑌾𑌽𑌸𑍍𑌮𑌾𑌕𑌂 𑌪𑍍𑌰𑌜𑌾𑌯𑌤𑍇 ॥ 15॥ (𑌶𑍍𑌰𑌦𑍍𑌧𑌾𑌸𑍍𑌮𑌾𑌕𑌂)

𑌸𑍂𑌤 𑌉𑌵𑌾𑌚 ।
𑌶‍𑌋𑌣𑍁𑌧𑍍𑌵𑌂 𑌮𑍁𑌨𑌯𑌃 𑌸𑌰𑍍𑌵𑍇 𑌵𑍍𑌰𑌤𑌂-𑌯𑍇𑌁𑌨 𑌕𑍃𑌤𑌂 𑌭𑍁𑌵𑌿 ।
𑌏𑌕𑌦𑌾 𑌸 𑌦𑍍𑌵𑌿𑌜𑌵𑌰𑍋 𑌯𑌥𑌾𑌵𑌿𑌭𑌵 𑌵𑌿𑌸𑍍𑌤𑌰𑍈𑌃 ॥ 16॥

𑌬𑌂𑌧𑍁𑌭𑌿𑌃 𑌸𑍍𑌵𑌜𑌨𑍈𑌃 𑌸𑌾𑌰𑍍𑌧𑌂-𑌵𑍍𑌰𑌁𑌤𑌂 𑌕𑌰𑍍𑌤𑍁𑌂 𑌸𑌮𑍁𑌦𑍍𑌯𑌤𑌃 ।
𑌏𑌤𑌸𑍍𑌮𑌿𑌨𑍍𑌨𑌂𑌤𑌰𑍇 𑌕𑌾𑌲𑍇 𑌕𑌾𑌷𑍍𑌠𑌕𑍍𑌰𑍇𑌤𑌾 𑌸𑌮𑌾𑌗𑌮𑌤𑍍 ॥ 1𑍭॥

𑌬𑌹𑌿𑌃 𑌕𑌾𑌷𑍍𑌠𑌂 𑌚 𑌸𑌂𑌸𑍍𑌥𑌾𑌪𑍍𑌯 𑌵𑌿𑌪𑍍𑌰𑌸𑍍𑌯 𑌗𑍃𑌹𑌮𑌾𑌯𑌯𑍌 ।
𑌤𑍃𑌷𑍍𑌣𑌾𑌯𑌾 𑌪𑍀𑌡𑌿𑌤𑌾𑌤𑍍𑌮𑌾 𑌚 𑌦𑍃𑌷𑍍𑌟𑍍𑌵𑌾 𑌵𑌿𑌪𑍍𑌰𑌂 𑌕𑍃𑌤𑌂-𑌵𑍍𑌰𑌁𑌤𑌮𑍍 ॥ 1𑍮॥ (𑌕𑍃𑌤)

𑌪𑍍𑌰𑌣𑌿𑌪𑌤𑍍𑌯 𑌦𑍍𑌵𑌿𑌜𑌂 𑌪𑍍𑌰𑌾𑌹 𑌕𑌿𑌮𑌿𑌦𑌂 𑌕𑍍𑌰𑌿𑌯𑌤𑍇 𑌤𑍍𑌵𑌯𑌾 ।
𑌕𑍃𑌤𑍇 𑌕𑌿𑌂 𑌫𑌲𑌮𑌾𑌪𑍍𑌨𑍋𑌤𑌿 𑌵𑌿𑌸𑍍𑌤𑌰𑌾𑌦𑍍 𑌵𑌦 𑌮𑍇 𑌪𑍍𑌰𑌭𑍋 ॥ 1𑍯॥ (𑌵𑌿𑌸𑍍𑌤𑌾𑌰𑌾𑌦𑍍)

𑌵𑌿𑌪𑍍𑌰 𑌉𑌵𑌾𑌚 ।
𑌸𑌤𑍍𑌯𑌨𑌾𑌰𑌾𑌯𑌣𑍇𑌸𑍍𑌯𑍇𑌦𑌂-𑌵𑍍𑌰𑌁𑌤𑌂 𑌸𑌰𑍍𑌵𑍇𑌪𑍍𑌸𑌿𑌤𑌪𑍍𑌰𑌦𑌮𑍍 ।
𑌤𑌸𑍍𑌯 𑌪𑍍𑌰𑌸𑌾𑌦𑌾𑌨𑍍𑌮𑍇 𑌸𑌰𑍍𑌵𑌂 𑌧𑌨𑌧𑌾𑌨𑍍𑌯𑌾𑌦𑌿𑌕𑌂 𑌮𑌹𑌤𑍍 ॥ 20॥

𑌤𑌸𑍍𑌮𑌾𑌦𑍇𑌤𑌦𑍍 𑌵𑍍𑌰𑌤𑌂 𑌜𑍍𑌞𑌾𑌤𑍍𑌵𑌾 𑌕𑌾𑌷𑍍𑌠𑌕𑍍𑌰𑍇𑌤𑌾𑌽𑌤𑌿𑌹𑌰𑍍​𑌷𑌿𑌤𑌃 ।
𑌪𑌪𑍌 𑌜𑌲𑌂 𑌪𑍍𑌰𑌸𑌾𑌦𑌂 𑌚 𑌭𑍁𑌕𑍍𑌤𑍍𑌵𑌾 𑌸 𑌨𑌗𑌰𑌂-𑌯𑌁𑌯𑍌 ॥ 21॥

𑌸𑌤𑍍𑌯𑌨𑌾𑌰𑌾𑌯𑌣𑌂 𑌦𑍇𑌵𑌂 𑌮𑌨𑌸𑌾 𑌇𑌤𑍍𑌯𑌚𑌿𑌂𑌤𑌯𑌤𑍍 ।
𑌕𑌾𑌷𑍍𑌠𑌂-𑌵𑌿𑌁𑌕𑍍𑌰𑌯𑌤𑍋 𑌗𑍍𑌰𑌾𑌮𑍇 𑌪𑍍𑌰𑌾𑌪𑍍𑌯𑌤𑍇 𑌚𑌾𑌦𑍍𑌯 𑌯𑌦𑍍 𑌧𑌨𑌮𑍍 ॥ 22॥ (𑌪𑍍𑌰𑌾𑌪𑍍𑌯𑌤𑍇𑌮𑍇𑌽𑌦𑍍𑌯)

𑌤𑍇𑌨𑍈𑌵 𑌸𑌤𑍍𑌯𑌦𑍇𑌵𑌸𑍍𑌯 𑌕𑌰𑌿𑌷𑍍𑌯𑍇 𑌵𑍍𑌰𑌤𑌮𑍁𑌤𑍍𑌤𑌮𑌮𑍍 ।
𑌇𑌤𑌿 𑌸𑌂𑌚𑌿𑌂𑌤𑍍𑌯 𑌮𑌨𑌸𑌾 𑌕𑌾𑌷𑍍𑌠𑌂 𑌧𑍃𑌤𑍍𑌵𑌾 𑌤𑍁 𑌮𑌸𑍍𑌤𑌕𑍇 ॥ 23॥

𑌜𑌗𑌾𑌮 𑌨𑌗𑌰𑍇 𑌰𑌮𑍍𑌯𑍇 𑌧𑌨𑌿𑌨𑌾𑌂-𑌯𑌁𑌤𑍍𑌰 𑌸𑌂𑌸𑍍𑌥𑌿𑌤𑌿𑌃 ।
𑌤𑌦𑍍𑌦𑌿𑌨𑍇 𑌕𑌾𑌷𑍍𑌠𑌮𑍂𑌲𑍍𑌯𑌂 𑌚 𑌦𑍍𑌵𑌿𑌗𑍁𑌣𑌂 𑌪𑍍𑌰𑌾𑌪𑍍𑌤𑌵𑌾𑌨𑌸𑍌 ॥ 24॥

𑌤𑌤𑌃 𑌪𑍍𑌰𑌸𑌨𑍍𑌨𑌹𑍃𑌦𑌯𑌃 𑌸𑍁𑌪𑌕𑍍𑌵𑌂 𑌕𑌦𑌲𑍀 𑌫𑌲𑌮𑍍 ।
𑌶𑌰𑍍𑌕𑌰𑌾𑌘𑍃𑌤𑌦𑍁𑌗𑍍𑌧𑌂 𑌚 𑌗𑍋𑌧𑍂𑌮𑌸𑍍𑌯 𑌚 𑌚𑍂𑌰𑍍𑌣𑌕𑌮𑍍 ॥ 25॥

𑌕𑍃𑌤𑍍𑌵𑍈𑌕𑌤𑍍𑌰 𑌸𑌪𑌾𑌦𑌂 𑌚 𑌗𑍃𑌹𑍀𑌤𑍍𑌵𑌾 𑌸𑍍𑌵𑌗𑍃𑌹𑌂-𑌯𑌁𑌯𑍌 ।
𑌤𑌤𑍋 𑌬𑌂𑌧𑍂𑌨𑍍 𑌸𑌮𑌾𑌹𑍂𑌯 𑌚𑌕𑌾𑌰 𑌵𑌿𑌧𑌿𑌨𑌾 𑌵𑍍𑌰𑌤𑌮𑍍 ॥ 26॥

𑌤𑌦𑍍 𑌵𑍍𑌰𑌤𑌸𑍍𑌯 𑌪𑍍𑌰𑌭𑌾𑌵𑍇𑌣 𑌧𑌨𑌪𑍁𑌤𑍍𑌰𑌾𑌨𑍍𑌵𑌿𑌤𑍋𑌽𑌭𑌵𑌤𑍍 । (𑌧𑌨𑌪𑍁𑌤𑍍𑌰𑌾𑌨𑍍𑌵𑌿𑌤𑍋𑌭𑌵𑌤𑍍)
𑌇𑌹𑌲𑍋𑌕𑍇 𑌸𑍁𑌖𑌂 𑌭𑍁𑌕𑍍𑌤𑍍𑌵𑌾 𑌚𑌾𑌂𑌤𑍇 𑌸𑌤𑍍𑌯𑌪𑍁𑌰𑌂-𑌯𑌁𑌯𑍌 ॥ 2𑍭॥

॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌂𑌦𑌪𑍁𑌰𑌾𑌣𑍇 𑌰𑍇𑌵𑌾𑌖𑌂𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾𑌂 𑌦𑍍𑌵𑌿𑌤𑍀𑌯𑍋𑌽𑌧𑍍𑌯𑌾𑌯𑌃 ॥ 2 ॥

𑌅𑌥 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌃

𑌸𑍂𑌤 𑌉𑌵𑌾𑌚 ।
𑌪𑍁𑌨𑌰𑌗𑍍𑌰𑍇 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌶‍𑌋𑌣𑍁𑌧𑍍𑌵𑌂 𑌮𑍁𑌨𑌿 𑌸𑌤𑍍𑌤𑌮𑌾𑌃 ।
𑌪𑍁𑌰𑌾 𑌚𑍋𑌲𑍍𑌕𑌾𑌮𑍁𑌖𑍋 𑌨𑌾𑌮 𑌨𑍃𑌪𑌶𑍍𑌚𑌾𑌸𑍀𑌨𑍍𑌮𑌹𑌾𑌮𑌤𑌿𑌃 ॥ 1॥

𑌜𑌿𑌤𑍇𑌂𑌦𑍍𑌰𑌿𑌯𑌃 𑌸𑌤𑍍𑌯𑌵𑌾𑌦𑍀 𑌯𑌯𑍌 𑌦𑍇𑌵𑌾𑌲𑌯𑌂 𑌪𑍍𑌰𑌤𑌿 ।
𑌦𑌿𑌨𑍇 𑌦𑌿𑌨𑍇 𑌧𑌨𑌂 𑌦𑌤𑍍𑌤𑍍𑌵𑌾 𑌦𑍍𑌵𑌿𑌜𑌾𑌨𑍍 𑌸𑌂𑌤𑍋𑌷𑌯𑌤𑍍 𑌸𑍁𑌧𑍀𑌃 ॥ 2॥

𑌭𑌾𑌰𑍍𑌯𑌾 𑌤𑌸𑍍𑌯 𑌪𑍍𑌰𑌮𑍁𑌗𑍍𑌧𑌾 𑌚 𑌸𑌰𑍋𑌜𑌵𑌦𑌨𑌾 𑌸𑌤𑍀 ।
𑌭𑌦𑍍𑌰𑌶𑍀𑌲𑌾𑌨𑌦𑍀 𑌤𑍀𑌰𑍇 𑌸𑌤𑍍𑌯𑌸𑍍𑌯𑌵𑍍𑌰𑌤𑌮𑌾𑌚𑌰𑌤𑍍 ॥ 3॥

𑌏𑌤𑌸𑍍𑌮𑌿𑌨𑍍𑌨𑌂𑌤𑌰𑍇 𑌤𑌤𑍍𑌰 𑌸𑌾𑌧𑍁𑌰𑍇𑌕𑌃 𑌸𑌮𑌾𑌗𑌤𑌃 ।
𑌵𑌾𑌣𑌿𑌜𑍍𑌯𑌾𑌰𑍍𑌥𑌂 𑌬𑌹𑍁𑌧𑌨𑍈𑌰𑌨𑍇𑌕𑍈𑌃 𑌪𑌰𑌿𑌪𑍂𑌰𑌿𑌤𑌃 ॥ 4॥

𑌨𑌾𑌵𑌂 𑌸𑌂𑌸𑍍𑌥𑌾𑌪𑍍𑌯 𑌤𑌤𑍍𑌤𑍀𑌰𑍇 𑌜𑌗𑌾𑌮 𑌨𑍃𑌪𑌤𑌿𑌂 𑌪𑍍𑌰𑌤𑌿 ।
𑌦𑍃𑌷𑍍𑌟𑍍𑌵𑌾 𑌸 𑌵𑍍𑌰𑌤𑌿𑌨𑌂 𑌭𑍂𑌪𑌂 𑌪𑍍𑌰𑌪𑌚𑍍𑌛 𑌵𑌿𑌨𑌯𑌾𑌨𑍍𑌵𑌿𑌤𑌃 ॥ 5॥

𑌸𑌾𑌧𑍁𑌰𑍁𑌵𑌾𑌚 ।
𑌕𑌿𑌮𑌿𑌦𑌂 𑌕𑍁𑌰𑍁𑌷𑍇 𑌰𑌾𑌜𑌨𑍍 𑌭𑌕𑍍𑌤𑌿𑌯𑍁𑌕𑍍𑌤𑍇𑌨 𑌚𑍇𑌤𑌸𑌾 ।
𑌪𑍍𑌰𑌕𑌾𑌶𑌂 𑌕𑍁𑌰𑍁 𑌤𑌤𑍍𑌸𑌰𑍍𑌵𑌂 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌸𑌾𑌂𑌪𑍍𑌰𑌤𑌮𑍍 ॥ 6॥

𑌰𑌾𑌜𑍋𑌵𑌾𑌚 ।
𑌪𑍂𑌜𑌨𑌂 𑌕𑍍𑌰𑌿𑌯𑌤𑍇 𑌸𑌾𑌧𑍋 𑌵𑌿𑌷𑍍𑌣𑍋𑌰𑌤𑍁𑌲𑌤𑍇𑌜𑌸𑌃 ।
𑌵𑍍𑌰𑌤𑌂 𑌚 𑌸𑍍𑌵𑌜𑌨𑍈𑌃 𑌸𑌾𑌰𑍍𑌧𑌂 𑌪𑍁𑌤𑍍𑌰𑌾𑌦𑍍𑌯𑌾𑌵𑌾𑌪𑍍𑌤𑌿 𑌕𑌾𑌮𑍍𑌯𑌯𑌾 ॥ 𑍭॥

𑌭𑍂𑌪𑌸𑍍𑌯 𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌸𑌾𑌧𑍁𑌃 𑌪𑍍𑌰𑍋𑌵𑌾𑌚 𑌸𑌾𑌦𑌰𑌮𑍍 ।
𑌸𑌰𑍍𑌵𑌂 𑌕𑌥𑌯 𑌮𑍇 𑌰𑌾𑌜𑌨𑍍 𑌕𑌰𑌿𑌷𑍍𑌯𑍇𑌽𑌹𑌂 𑌤𑌵𑍋𑌦𑌿𑌤𑌮𑍍 ॥ 𑍮॥

𑌮𑌮𑌾𑌪𑌿 𑌸𑌂𑌤𑌤𑌿𑌰𑍍𑌨𑌾𑌸𑍍𑌤𑌿 𑌹𑍍𑌯𑍇𑌤𑌸𑍍𑌮𑌾𑌜𑍍𑌜𑌾𑌯𑌤𑍇 𑌧𑍍𑌰𑍁𑌵𑌮𑍍 ।
𑌤𑌤𑍋 𑌨𑌿𑌵𑍃𑌤𑍍𑌤𑍍𑌯 𑌵𑌾𑌣𑌿𑌜𑍍𑌯𑌾𑌤𑍍 𑌸𑌾𑌨𑌂𑌦𑍋 𑌗𑍃𑌹𑌮𑌾𑌗𑌤𑌃 ॥ 𑍯॥

𑌭𑌾𑌰𑍍𑌯𑌾𑌯𑍈 𑌕𑌥𑌿𑌤𑌂 𑌸𑌰𑍍𑌵𑌂-𑌵𑍍𑌰𑌁𑌤𑌂 𑌸𑌂𑌤𑌤𑌿 𑌦𑌾𑌯𑌕𑌮𑍍 ।
𑌤𑌦𑌾 𑌵𑍍𑌰𑌤𑌂 𑌕𑌰𑌿𑌷𑍍𑌯𑌾𑌮𑌿 𑌯𑌦𑌾 𑌮𑍇 𑌸𑌂𑌤𑌤𑌿𑌰𑍍𑌭𑌵𑍇𑌤𑍍 ॥ 10॥

𑌇𑌤𑌿 𑌲𑍀𑌲𑌾𑌵𑌤𑍀𑌂 𑌪𑍍𑌰𑌾𑌹 𑌪𑌤𑍍𑌨𑍀𑌂 𑌸𑌾𑌧𑍁𑌃 𑌸 𑌸𑌤𑍍𑌤𑌮𑌃 ।
𑌏𑌕𑌸𑍍𑌮𑌿𑌨𑍍 𑌦𑌿𑌵𑌸𑍇 𑌤𑌸𑍍𑌯 𑌭𑌾𑌰𑍍𑌯𑌾 𑌲𑍀𑌲𑌾𑌵𑌤𑍀 𑌸𑌤𑍀 ॥ 11॥ (𑌭𑌾𑌰𑍍𑌯𑌾𑌂)

𑌭𑌰𑍍𑌤𑍃𑌯𑍁𑌕𑍍𑌤𑌾𑌨𑌂𑌦𑌚𑌿𑌤𑍍𑌤𑌾𑌽𑌭𑌵𑌦𑍍 𑌧𑌰𑍍𑌮𑌪𑌰𑌾𑌯𑌣𑌾 ।
𑌰𑍍𑌗𑌭𑌿𑌣𑍀 𑌸𑌾𑌽𑌭𑌵𑌤𑍍 𑌤𑌸𑍍𑌯 𑌭𑌾𑌰𑍍𑌯𑌾 𑌸𑌤𑍍𑌯𑌪𑍍𑌰𑌸𑌾𑌦𑌤𑌃 ॥ 12॥ (𑌸𑌾𑌭𑌵𑌤𑍍)

𑌦𑌶𑌮𑍇 𑌮𑌾𑌸𑌿 𑌵𑍈 𑌤𑌸𑍍𑌯𑌾𑌃 𑌕𑌨𑍍𑌯𑌾𑌰𑌤𑍍𑌨𑌮𑌜𑌾𑌯𑌤 ।
𑌦𑌿𑌨𑍇 𑌦𑌿𑌨𑍇 𑌸𑌾 𑌵𑌵𑍃𑌧𑍇 𑌶𑍁𑌕𑍍𑌲𑌪𑌕𑍍𑌷𑍇 𑌯𑌥𑌾 𑌶𑌶𑍀 ॥ 13॥

𑌨𑌾𑌮𑍍𑌨𑌾 𑌕𑌲𑌾𑌵𑌤𑍀 𑌚𑍇𑌤𑌿 𑌤𑌨𑍍𑌨𑌾𑌮𑌕𑌰𑌣𑌂 𑌕𑍃𑌤𑌮𑍍 ।
𑌤𑌤𑍋 𑌲𑍀𑌲𑌾𑌵𑌤𑍀 𑌪𑍍𑌰𑌾𑌹 𑌸𑍍𑌵𑌾𑌮𑌿𑌨𑌂 𑌮𑌧𑍁𑌰𑌂-𑌵𑌁𑌚𑌃 ॥ 14॥

𑌨 𑌕𑌰𑍋𑌷𑌿 𑌕𑌿𑌮𑌰𑍍𑌥𑌂-𑌵𑍈𑌁 𑌪𑍁𑌰𑌾 𑌸𑌂𑌕𑌲𑍍𑌪𑌿𑌤𑌂-𑌵𑍍𑌰𑌁𑌤𑌮𑍍 ।
𑌸𑌾𑌧𑍁𑌰𑍁𑌵𑌾𑌚 ।
𑌵𑌿𑌵𑌾𑌹 𑌸𑌮𑌯𑍇 𑌤𑍍𑌵𑌸𑍍𑌯𑌾𑌃 𑌕𑌰𑌿𑌷𑍍𑌯𑌾𑌮𑌿 𑌵𑍍𑌰𑌤𑌂 𑌪𑍍𑌰𑌿𑌯𑍇 ॥ 15॥

𑌇𑌤𑌿 𑌭𑌾𑌰𑍍𑌯𑌾𑌂 𑌸𑌮𑌾𑌶𑍍𑌵𑌾𑌸𑍍𑌯 𑌜𑌗𑌾𑌮 𑌨𑌗𑌰𑌂 𑌪𑍍𑌰𑌤𑌿 ।
𑌤𑌤𑌃 𑌕𑌲𑌾𑌵𑌤𑍀 𑌕𑌨𑍍𑌯𑌾 𑌵𑌵𑍃𑌧𑍇 𑌪𑌿𑌤𑍃𑌵𑍇𑌶𑍍𑌮𑌨𑌿 ॥ 16॥

𑌦𑍃𑌷𑍍𑌟𑍍𑌵𑌾 𑌕𑌨𑍍𑌯𑌾𑌂 𑌤𑌤𑌃 𑌸𑌾𑌧𑍁𑌰𑍍𑌨𑌗𑌰𑍇 𑌸𑌖𑌿𑌭𑌿𑌃 𑌸𑌹 ।
𑌮𑌂𑌤𑍍𑌰𑌯𑌿𑌤𑍍𑌵𑌾 𑌦𑍍𑌰𑍁𑌤𑌂 𑌦𑍂𑌤𑌂 𑌪𑍍𑌰𑍇𑌷𑌯𑌾𑌮𑌾𑌸 𑌧𑌰𑍍𑌮𑌵𑌿𑌤𑍍 ॥ 1𑍭॥

𑌵𑌿𑌵𑌾𑌹𑌾𑌰𑍍𑌥𑌂 𑌚 𑌕𑌨𑍍𑌯𑌾𑌯𑌾 𑌵𑌰𑌂 𑌶𑍍𑌰𑍇𑌷𑍍𑌠𑌂-𑌵𑌿𑌁𑌚𑌾𑌰𑌯 ।
𑌤𑍇𑌨𑌾𑌜𑍍𑌞𑌪𑍍𑌤𑌶𑍍𑌚 𑌦𑍂𑌤𑍋𑌽𑌸𑍌 𑌕𑌾𑌂𑌚𑌨𑌂 𑌨𑌗𑌰𑌂-𑌯𑌁𑌯𑍌 ॥ 1𑍮॥

𑌤𑌸𑍍𑌮𑌾𑌦𑍇𑌕𑌂-𑌵𑌁𑌣𑌿𑌕𑍍𑌪𑍁𑌤𑍍𑌰𑌂 𑌸𑌮𑌾𑌦𑌾𑌯𑌾𑌗𑌤𑍋 𑌹𑌿 𑌸𑌃 ।
𑌦𑍃𑌷𑍍𑌟𑍍𑌵𑌾 𑌤𑍁 𑌸𑍁𑌂𑌦𑌰𑌂 𑌬𑌾𑌲𑌂-𑌵𑌁𑌣𑌿𑌕𑍍𑌪𑍁𑌤𑍍𑌰𑌂 𑌗𑍁𑌣𑌾𑌨𑍍𑌵𑌿𑌤𑌮𑍍 ॥ 1𑍯॥

𑌜𑍍𑌞𑌾𑌤𑌿𑌭𑌿𑌰𑍍𑌬𑌂𑌧𑍁𑌭𑌿𑌃 𑌸𑌾𑌰𑍍𑌧𑌂 𑌪𑌰𑌿𑌤𑍁𑌷𑍍𑌟𑍇𑌨 𑌚𑍇𑌤𑌸𑌾 ।
𑌦𑌤𑍍𑌤𑌾𑌵𑌾𑌨𑍍 𑌸𑌾𑌧𑍁𑌪𑍁𑌤𑍍𑌰𑌾𑌯 𑌕𑌨𑍍𑌯𑌾𑌂-𑌵𑌿𑌁𑌧𑌿𑌵𑌿𑌧𑌾𑌨𑌤𑌃 ॥ 20॥ (𑌸𑌾𑌧𑍁𑌃𑌪𑍁𑌤𑍍𑌰𑌾𑌯)

𑌤𑌤𑍋𑌽𑌭𑌾𑌗𑍍𑌯𑌵𑌶𑌾𑌤𑍍 𑌤𑍇𑌨 𑌵𑌿𑌸𑍍𑌮𑍃𑌤𑌂-𑌵𑍍𑌰𑌁𑌤𑌮𑍁𑌤𑍍𑌤𑌮𑌮𑍍 । (𑌤𑌤𑍋𑌭𑌾𑌗𑍍𑌯𑌵𑌶𑌾𑌤𑍍)
𑌵𑌿𑌵𑌾𑌹𑌸𑌮𑌯𑍇 𑌤𑌸𑍍𑌯𑌾𑌸𑍍𑌤𑍇𑌨 𑌰𑍁𑌷𑍍𑌟𑍋 𑌭𑌵𑌤𑍍 𑌪𑍍𑌰𑌭𑍁𑌃 ॥ 21॥ (𑌰𑍁𑌷𑍍𑌟𑍋𑌽𑌭𑌵𑌤𑍍)

𑌤𑌤𑌃 𑌕𑌾𑌲𑍇𑌨 𑌨𑌿𑌯𑌤𑍋 𑌨𑌿𑌜𑌕𑌰𑍍𑌮 𑌵𑌿𑌶𑌾𑌰𑌦𑌃 ।
𑌵𑌾𑌣𑌿𑌜𑍍𑌯𑌾𑌰𑍍𑌥𑌂 𑌤𑌤𑌃 𑌶𑍀𑌘𑍍𑌰𑌂 𑌜𑌾𑌮𑌾𑌤𑍃 𑌸𑌹𑌿𑌤𑍋 𑌵𑌣𑌿𑌕𑍍 ॥ 22॥

𑌰𑌤𑍍𑌨𑌸𑌾𑌰𑌪𑍁𑌰𑍇 𑌰𑌮𑍍𑌯𑍇 𑌗𑌤𑍍𑌵𑌾 𑌸𑌿𑌂𑌧𑍁 𑌸𑌮𑍀𑌪𑌤𑌃 ।
𑌵𑌾𑌣𑌿𑌜𑍍𑌯𑌮𑌕𑌰𑍋𑌤𑍍 𑌸𑌾𑌧𑍁𑌰𑍍𑌜𑌾𑌮𑌾𑌤𑍍𑌰𑌾 𑌶𑍍𑌰𑍀𑌮𑌤𑌾 𑌸𑌹 ॥ 23॥

𑌤𑍌 𑌗𑌤𑍌 𑌨𑌗𑌰𑍇 𑌰𑌮𑍍𑌯𑍇 𑌚𑌂𑌦𑍍𑌰𑌕𑍇𑌤𑍋𑌰𑍍𑌨𑍃𑌪𑌸𑍍𑌯 𑌚 । (𑌨𑌗𑌰𑍇𑌤𑌸𑍍𑌯)
𑌏𑌤𑌸𑍍𑌮𑌿𑌨𑍍𑌨𑍇𑌵 𑌕𑌾𑌲𑍇 𑌤𑍁 𑌸𑌤𑍍𑌯𑌨𑌾𑌰𑌾𑌯𑌣𑌃 𑌪𑍍𑌰𑌭𑍁𑌃 ॥ 24॥

𑌭𑍍𑌰𑌷𑍍𑌟𑌪𑍍𑌰𑌤𑌿𑌜𑍍𑌞𑌮𑌾𑌲𑍋𑌕𑍍𑌯 𑌶𑌾𑌪𑌂 𑌤𑌸𑍍𑌮𑍈 𑌪𑍍𑌰𑌦𑌤𑍍𑌤𑌵𑌾𑌨𑍍 ।
𑌦𑌾𑌰𑍁𑌣𑌂 𑌕𑌠𑌿𑌨𑌂 𑌚𑌾𑌸𑍍𑌯 𑌮𑌹𑌦𑍍 𑌦𑍁𑌃𑌖𑌂 𑌭𑌵𑌿𑌷𑍍𑌯𑌤𑌿 ॥ 25॥

𑌏𑌕𑌸𑍍𑌮𑌿𑌂𑌦𑌿𑌵𑌸𑍇 𑌰𑌾𑌜𑍍𑌞𑍋 𑌧𑌨𑌮𑌾𑌦𑌾𑌯 𑌤𑌸𑍍𑌕𑌰𑌃 ।
𑌤𑌤𑍍𑌰𑍈𑌵 𑌚𑌾𑌗𑌤 𑌶𑍍𑌚𑍌𑌰𑍋 𑌵𑌣𑌿𑌜𑍌 𑌯𑌤𑍍𑌰 𑌸𑌂𑌸𑍍𑌥𑌿𑌤𑍌 ॥ 26॥

𑌤𑌤𑍍𑌪𑌶𑍍𑌚𑌾𑌦𑍍 𑌧𑌾𑌵𑌕𑌾𑌨𑍍 𑌦𑍂𑌤𑌾𑌨𑍍 𑌦𑍃𑌷𑍍𑌟𑌵𑌾 𑌭𑍀𑌤𑍇𑌨 𑌚𑍇𑌤𑌸𑌾 ।
𑌧𑌨𑌂 𑌸𑌂𑌸𑍍𑌥𑌾𑌪𑍍𑌯 𑌤𑌤𑍍𑌰𑍈𑌵 𑌸 𑌤𑍁 𑌶𑍀𑌘𑍍𑌰𑌮𑌲𑌕𑍍𑌷𑌿𑌤𑌃 ॥ 2𑍭॥

𑌤𑌤𑍋 𑌦𑍂𑌤𑌾𑌃𑌸𑌮𑌾𑌯𑌾𑌤𑌾 𑌯𑌤𑍍𑌰𑌾𑌸𑍍𑌤𑍇 𑌸𑌜𑍍𑌜𑌨𑍋 𑌵𑌣𑌿𑌕𑍍 ।
𑌦𑍃𑌷𑍍𑌟𑍍𑌵𑌾 𑌨𑍃𑌪𑌧𑌨𑌂 𑌤𑌤𑍍𑌰 𑌬𑌦𑍍𑌧𑍍𑌵𑌾𑌽𑌽𑌨𑍀𑌤𑍌 𑌵𑌣𑌿𑌕𑍍𑌸𑍁𑌤𑍌 ॥ 2𑍮॥ (𑌬𑌦𑍍𑌧𑍍𑌵𑌾𑌨𑍀𑌤𑍌)

𑌹𑌰𑍍​𑌷𑍇𑌣 𑌧𑌾𑌵𑌮𑌾𑌨𑌾𑌶𑍍𑌚 𑌪𑍍𑌰𑍋𑌚𑍁𑌰𑍍𑌨𑍃𑌪𑌸𑌮𑍀𑌪𑌤𑌃 ।
𑌤𑌸𑍍𑌕𑌰𑍌 𑌦𑍍𑌵𑍌 𑌸𑌮𑌾𑌨𑍀𑌤𑍌 𑌵𑌿𑌲𑍋𑌕𑍍𑌯𑌾𑌜𑍍𑌞𑌾𑌪𑌯 𑌪𑍍𑌰𑌭𑍋 ॥ 2𑍯॥

𑌰𑌾𑌜𑍍𑌞𑌾𑌽𑌽𑌜𑍍𑌞𑌪𑍍𑌤𑌾𑌸𑍍𑌤𑌤𑌃 𑌶𑍀𑌘𑍍𑌰𑌂 𑌦𑍃𑌢𑌂 𑌬𑌦𑍍𑌧𑍍𑌵𑌾 𑌤𑍁 𑌤𑌾 𑌵𑍁𑌭𑍌 ।
𑌸𑍍𑌥𑌾𑌪𑌿𑌤𑍌 𑌦𑍍𑌵𑍌 𑌮𑌹𑌾𑌦𑍁𑌰𑍍𑌗𑍇 𑌕𑌾𑌰𑌾𑌗𑌾𑌰𑍇𑌽𑌵𑌿𑌚𑌾𑌰𑌤𑌃 ॥ 30॥

𑌮𑌾𑌯𑌯𑌾 𑌸𑌤𑍍𑌯𑌦𑍇𑌵𑌸𑍍𑌯 𑌨 𑌶𑍍𑌰𑍁𑌤𑌂 𑌕𑍈𑌸𑍍𑌤𑌯𑍋𑌰𑍍𑌵𑌚𑌃 ।
𑌅𑌤𑌸𑍍𑌤𑌯𑍋𑌰𑍍𑌧𑌨𑌂 𑌰𑌾𑌜𑍍𑌞𑌾 𑌗𑍃𑌹𑍀𑌤𑌂 𑌚𑌂𑌦𑍍𑌰𑌕𑍇𑌤𑍁𑌨𑌾 ॥ 31॥

𑌤𑌚𑍍𑌛𑌾𑌪𑌾𑌚𑍍𑌚 𑌤𑌯𑍋𑌰𑍍𑌗𑍇𑌹𑍇 𑌭𑌾𑌰𑍍𑌯𑌾 𑌚𑍈𑌵𑌾𑌤𑌿 𑌦𑍁𑌃𑌖𑌿𑌤𑌾 ।
𑌚𑍌𑌰𑍇𑌣𑌾𑌪𑌹𑍃𑌤𑌂 𑌸𑌰𑍍𑌵𑌂 𑌗𑍃𑌹𑍇 𑌯𑌚𑍍𑌚 𑌸𑍍𑌥𑌿𑌤𑌂 𑌧𑌨𑌮𑍍 ॥ 32॥

𑌆𑌧𑌿𑌵𑍍𑌯𑌾𑌧𑌿𑌸𑌮𑌾𑌯𑍁𑌕𑍍𑌤𑌾 𑌕𑍍𑌷𑍁𑌤𑍍𑌪𑌿𑌪𑌾𑌶𑌾𑌤𑌿 𑌦𑍁𑌃𑌖𑌿𑌤𑌾 । (𑌕𑍍𑌷𑍁𑌤𑍍𑌪𑌿𑌪𑌾𑌸𑌾𑌤𑌿)
𑌅𑌨𑍍𑌨𑌚𑌿𑌂𑌤𑌾𑌪𑌰𑌾 𑌭𑍂𑌤𑍍𑌵𑌾 𑌬𑌭𑍍𑌰𑌾𑌮 𑌚 𑌗𑍃𑌹𑍇 𑌗𑍃𑌹𑍇 ।
𑌕𑌲𑌾𑌵𑌤𑍀 𑌤𑍁 𑌕𑌨𑍍𑌯𑌾𑌪𑌿 𑌬𑌭𑍍𑌰𑌾𑌮 𑌪𑍍𑌰𑌤𑌿𑌵𑌾𑌸𑌰𑌮𑍍 ॥ 33॥

𑌏𑌕𑌸𑍍𑌮𑌿𑌨𑍍 𑌦𑌿𑌵𑌸𑍇 𑌯𑌾𑌤𑌾 𑌕𑍍𑌷𑍁𑌧𑌾𑌰𑍍𑌤𑌾 𑌦𑍍𑌵𑌿𑌜𑌮𑌂𑌦𑌿𑌰𑌮𑍍 । (𑌦𑌿𑌵𑌸𑍇 𑌜𑌾𑌤𑌾)
𑌗𑌤𑍍𑌵𑌾𑌽𑌪𑌶𑍍𑌯𑌦𑍍 𑌵𑍍𑌰𑌤𑌂 𑌤𑌤𑍍𑌰 𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯 𑌚 ॥ 34॥ (𑌗𑌤𑍍𑌵𑌾𑌪𑌶𑍍𑌯𑌦𑍍)

𑌉𑌪𑌵𑌿𑌶𑍍𑌯 𑌕𑌥𑌾𑌂 𑌶𑍍𑌰𑍁𑌤𑍍𑌵𑌾 𑌵𑌰𑌂 𑌰𑍍𑌪𑍍𑌰𑌾𑌥𑌿𑌤𑌵𑌤𑍍𑌯𑌪𑌿 ।
𑌪𑍍𑌰𑌸𑌾𑌦 𑌭𑌕𑍍𑌷𑌣𑌂 𑌕𑍃𑌤𑍍𑌵𑌾 𑌯𑌯𑍌 𑌰𑌾𑌤𑍍𑌰𑍌 𑌗𑍃𑌹𑌂 𑌪𑍍𑌰𑌤𑌿 ॥ 35॥

𑌮𑌾𑌤𑌾 𑌕𑌲𑌾𑌵𑌤𑍀𑌂 𑌕𑌨𑍍𑌯𑌾𑌂 𑌕𑌥𑌯𑌾𑌮𑌾𑌸 𑌪𑍍𑌰𑍇𑌮𑌤𑌃 ।
𑌪𑍁𑌤𑍍𑌰𑌿 𑌰𑌾𑌤𑍍𑌰𑍌 𑌸𑍍𑌥𑌿𑌤𑌾 𑌕𑍁𑌤𑍍𑌰 𑌕𑌿𑌂 𑌤𑍇 𑌮𑌨𑌸𑌿 𑌵𑌰𑍍𑌤𑌤𑍇 ॥ 36॥

𑌕𑌨𑍍𑌯𑌾 𑌕𑌲𑌾𑌵𑌤𑍀 𑌪𑍍𑌰𑌾𑌹 𑌮𑌾𑌤𑌰𑌂 𑌪𑍍𑌰𑌤𑌿 𑌸𑌤𑍍𑌵𑌰𑌮𑍍 ।
𑌦𑍍𑌵𑌿𑌜𑌾𑌲𑌯𑍇 𑌵𑍍𑌰𑌤𑌂 𑌮𑌾𑌤𑌰𑍍𑌦𑍃𑌷𑍍𑌟𑌂-𑌵𑌾𑌂𑌁𑌛𑌿𑌤𑌸𑌿𑌦𑍍𑌧𑌿𑌦𑌮𑍍 ॥ 3𑍭॥

𑌤𑌚𑍍𑌛𑍍𑌰𑍁𑌤𑍍𑌵𑌾 𑌕𑌨𑍍𑌯𑌕𑌾 𑌵𑌾𑌕𑍍𑌯𑌂-𑌵𑍍𑌰𑌁𑌤𑌂 𑌕𑌰𑍍𑌤𑍁𑌂 𑌸𑌮𑍁𑌦𑍍𑌯𑌤𑌾 ।
𑌸𑌾 𑌮𑍁𑌦𑌾 𑌤𑍁 𑌵𑌣𑌿𑌗𑍍𑌭𑌾𑌰𑍍𑌯𑌾 𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯 𑌚 ॥ 3𑍮॥

𑌵𑍍𑌰𑌤𑌂 𑌚𑌕𑍍𑌰𑍇 𑌸𑍈𑌵 𑌸𑌾𑌧𑍍𑌵𑍀 𑌬𑌂𑌧𑍁𑌭𑌿𑌃 𑌸𑍍𑌵𑌜𑌨𑍈𑌃 𑌸𑌹 ।
𑌭𑌰𑍍𑌤𑍃𑌜𑌾𑌮𑌾𑌤𑌰𑍌 𑌕𑍍𑌷𑌿𑌪𑍍𑌰𑌮𑌾𑌗𑌚𑍍𑌛𑍇𑌤𑌾𑌂 𑌸𑍍𑌵𑌮𑌾𑌶𑍍𑌰𑌮𑌮𑍍 ॥ 3𑍯॥

𑌅𑌪𑌰𑌾𑌧𑌂 𑌚 𑌮𑍇 𑌭𑌰𑍍𑌤𑍁𑌰𑍍𑌜𑌾𑌮𑌾𑌤𑍁𑌃 𑌕𑍍𑌷𑌂𑌤𑍁𑌮𑌰𑍍​𑌹𑌸𑌿 ।
𑌵𑍍𑌰𑌤𑍇𑌨𑌾𑌨𑍇𑌨 𑌤𑍁𑌷𑍍𑌟𑍋𑌽𑌸𑍌 𑌸𑌤𑍍𑌯𑌨𑌾𑌰𑌾𑌯𑌣𑌃 𑌪𑍁𑌨𑌃 ॥ 40॥ (𑌤𑍁𑌷𑍍𑌟𑍋𑌸𑍌)

𑌦𑌰𑍍​𑌶𑌯𑌾𑌮𑌾𑌸 𑌸𑍍𑌵𑌪𑍍𑌨𑌂 𑌹𑍀 𑌚𑌂𑌦𑍍𑌰𑌕𑍇𑌤𑍁𑌂 𑌨𑍃𑌪𑍋𑌤𑍍𑌤𑌮𑌮𑍍 ।
𑌬𑌂𑌦𑌿𑌨𑍌 𑌮𑍋𑌚𑌯 𑌪𑍍𑌰𑌾𑌤𑌰𑍍𑌵𑌣𑌿𑌜𑍌 𑌨𑍃𑌪𑌸𑌤𑍍𑌤𑌮 ॥ 41॥

𑌦𑍇𑌯𑌂 𑌧𑌨𑌂 𑌚 𑌤𑌤𑍍𑌸𑌰𑍍𑌵𑌂 𑌗𑍃𑌹𑍀𑌤𑌂-𑌯𑌁𑌤𑍍 𑌤𑍍𑌵𑌯𑌾𑌽𑌧𑍁𑌨𑌾 । (𑌤𑍍𑌵𑌯𑌾𑌧𑍁𑌨𑌾)
𑌨𑍋 𑌚𑍇𑌤𑍍 𑌤𑍍𑌵𑌾𑌂 𑌨𑌾𑌶𑌯𑌿𑌷𑍍𑌯𑌾𑌮𑌿 𑌸𑌰𑌾𑌜𑍍𑌯𑌧𑌨𑌪𑍁𑌤𑍍𑌰𑌕𑌮𑍍 ॥ 42॥

𑌏𑌵𑌮𑌾𑌭𑌾𑌷𑍍𑌯 𑌰𑌾𑌜𑌾𑌨𑌂 𑌧𑍍𑌯𑌾𑌨𑌗𑌮𑍍𑌯𑍋𑌽𑌭𑌵𑌤𑍍 𑌪𑍍𑌰𑌭𑍁𑌃 । (𑌧𑍍𑌯𑌾𑌨𑌗𑌮𑍍𑌯𑍋𑌭𑌵𑌤𑍍)
𑌤𑌤𑌃 𑌪𑍍𑌰𑌭𑌾𑌤𑌸𑌮𑌯𑍇 𑌰𑌾𑌜𑌾 𑌚 𑌸𑍍𑌵𑌜𑌨𑍈𑌃 𑌸𑌹 ॥ 43॥

𑌉𑌪𑌵𑌿𑌶𑍍𑌯 𑌸𑌭𑌾𑌮𑌧𑍍𑌯𑍇 𑌪𑍍𑌰𑌾𑌹 𑌸𑍍𑌵𑌪𑍍𑌨𑌂 𑌜𑌨𑌂 𑌪𑍍𑌰𑌤𑌿 ।
𑌬𑌦𑍍𑌧𑍌 𑌮𑌹𑌾𑌜𑌨𑍌 𑌶𑍀𑌘𑍍𑌰𑌂 𑌮𑍋𑌚𑌯 𑌦𑍍𑌵𑍌 𑌵𑌣𑌿𑌕𑍍𑌸𑍁𑌤𑍌 ॥ 44॥

𑌇𑌤𑌿 𑌰𑌾𑌜𑍍𑌞𑍋 𑌵𑌚𑌃 𑌶𑍍𑌰𑍁𑌤𑍍𑌵𑌾 𑌮𑍋𑌚𑌯𑌿𑌤𑍍𑌵𑌾 𑌮𑌹𑌾𑌜𑌨𑍌 ।
𑌸𑌮𑌾𑌨𑍀𑌯 𑌨𑍃𑌪𑌸𑍍𑌯𑌾𑌗𑍍𑌰𑍇 𑌪𑍍𑌰𑌾𑌹𑍁𑌸𑍍𑌤𑍇 𑌵𑌿𑌨𑌯𑌾𑌨𑍍𑌵𑌿𑌤𑌾𑌃 ॥ 45॥

𑌆𑌨𑍀𑌤𑍌 𑌦𑍍𑌵𑍌 𑌵𑌣𑌿𑌕𑍍𑌪𑍁𑌤𑍍𑌰𑍌 𑌮𑍁𑌕𑍍𑌤𑍌 𑌨𑌿𑌗𑌡𑌬𑌂𑌧𑌨𑌾𑌤𑍍 ।
𑌤𑌤𑍋 𑌮𑌹𑌾𑌜𑌨𑍌 𑌨𑌤𑍍𑌵𑌾 𑌚𑌂𑌦𑍍𑌰𑌕𑍇𑌤𑍁𑌂 𑌨𑍃𑌪𑍋𑌤𑍍𑌤𑌮𑌮𑍍 ॥ 46॥

𑌸𑍍𑌮𑌰𑌂𑌤𑍌 𑌪𑍂𑌰𑍍𑌵 𑌵𑍃𑌤𑍍𑌤𑌾𑌂𑌤𑌂 𑌨𑍋𑌚𑌤𑍁𑌰𑍍𑌭𑌯𑌵𑌿𑌹𑍍𑌵𑌲𑍌 ।
𑌰𑌾𑌜𑌾 𑌵𑌣𑌿𑌕𑍍𑌸𑍁𑌤𑍌 𑌵𑍀𑌕𑍍𑌷𑍍𑌯 𑌵𑌚𑌃 𑌪𑍍𑌰𑍋𑌵𑌾𑌚 𑌸𑌾𑌦𑌰𑌮𑍍 ॥ 4𑍭॥

𑌦𑍇𑌵𑌾𑌤𑍍 𑌪𑍍𑌰𑌾𑌪𑍍𑌤𑌂 𑌮𑌹𑌦𑍍𑌦𑍁𑌃𑌖𑌮𑌿𑌦𑌾𑌨𑍀𑌂 𑌨𑌾𑌸𑍍𑌤𑌿 𑌵𑍈 𑌭𑌯𑌮𑍍 ।
𑌤𑌦𑌾 𑌨𑌿𑌗𑌡𑌸𑌂𑌤𑍍𑌯𑌾𑌗𑌂 𑌕𑍍𑌷𑍌𑌰𑌕𑌰𑍍𑌮𑌾𑌦𑍍𑌯𑌕𑌾𑌰𑌯𑌤𑍍 ॥ 4𑍮॥

𑌵𑌸𑍍𑌤𑍍𑌰𑌾𑌲𑌂𑌕𑌾𑌰𑌕𑌂 𑌦𑌤𑍍𑌤𑍍𑌵𑌾 𑌪𑌰𑌿𑌤𑍋𑌷𑍍𑌯 𑌨𑍃𑌪𑌶𑍍𑌚 𑌤𑍌 ।
𑌪𑍁𑌰𑌸𑍍𑌕𑍃𑌤𑍍𑌯 𑌵𑌣𑌿𑌕𑍍𑌪𑍁𑌤𑍍𑌰𑍌 𑌵𑌚𑌸𑌾𑌽𑌤𑍋𑌷𑌯𑌦𑍍 𑌭𑍃𑌶𑌮𑍍 ॥ 4𑍯॥ (𑌵𑌚𑌸𑌾𑌤𑍋𑌷𑌯𑌦𑍍𑌭𑍃𑌶𑌮𑍍)

𑌪𑍁𑌰𑌾𑌨𑍀𑌤𑌂 𑌤𑍁 𑌯𑌦𑍍 𑌦𑍍𑌰𑌵𑍍𑌯𑌂 𑌦𑍍𑌵𑌿𑌗𑍁𑌣𑍀𑌕𑍃𑌤𑍍𑌯 𑌦𑌤𑍍𑌤𑌵𑌾𑌨𑍍 ।
𑌪𑍍𑌰𑍋𑌵𑌾𑌚 𑌚 𑌤𑌤𑍋 𑌰𑌾𑌜𑌾 𑌗𑌚𑍍𑌛 𑌸𑌾𑌧𑍋 𑌨𑌿𑌜𑌾𑌶𑍍𑌰𑌮𑌮𑍍 ॥ 50॥ (𑌪𑍍𑌰𑍋𑌵𑌾𑌚𑌤𑍌)

𑌰𑌾𑌜𑌾𑌨𑌂 𑌪𑍍𑌰𑌣𑌿𑌪𑌤𑍍𑌯𑌾𑌹 𑌗𑌂𑌤𑌵𑍍𑌯𑌂 𑌤𑍍𑌵𑌤𑍍𑌪𑍍𑌰𑌸𑌾𑌦𑌤𑌃 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌤𑍌 𑌮𑌹𑌾𑌵𑍈𑌶𑍍𑌯𑍌 𑌜𑌗𑍍𑌮𑌤𑍁𑌃 𑌸𑍍𑌵𑌗𑍃𑌹𑌂 𑌪𑍍𑌰𑌤𑌿 ॥ 51॥ (𑌮𑌹𑌾𑌵𑍈𑌶𑍍𑌯𑍋)

॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌂𑌦 𑌪𑍁𑌰𑌾𑌣𑍇 𑌰𑍇𑌵𑌾𑌖𑌂𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾𑌂 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌃 ॥ 3 ॥

𑌅𑌥 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃

𑌸𑍂𑌤 𑌉𑌵𑌾𑌚 ।
𑌯𑌾𑌤𑍍𑌰𑌾𑌂 𑌤𑍁 𑌕𑍃𑌤𑌵𑌾𑌨𑍍 𑌸𑌾𑌧𑍁𑌰𑍍𑌮𑌂𑌗𑌲𑌾𑌯𑌨𑌪𑍂𑌰𑍍𑌵𑌿𑌕𑌾𑌮𑍍 ।
𑌬𑍍𑌰𑌾𑌹𑍍𑌮𑌣𑍇𑌭𑍍𑌯𑍋 𑌧𑌨𑌂 𑌦𑌤𑍍𑌤𑍍𑌵𑌾 𑌤𑌦𑌾 𑌤𑍁 𑌨𑌗𑌰𑌂-𑌯𑌁𑌯𑍌 ॥ 1॥

𑌕𑌿𑌯𑌦𑍍 𑌦𑍂𑌰𑍇 𑌗𑌤𑍇 𑌸𑌾𑌧𑍋 𑌸𑌤𑍍𑌯𑌨𑌾𑌰𑌾𑌯𑌣𑌃 𑌪𑍍𑌰𑌭𑍁𑌃 ।
𑌜𑌿𑌜𑍍𑌞𑌾𑌸𑌾𑌂 𑌕𑍃𑌤𑌵𑌾𑌨𑍍 𑌸𑌾𑌧𑍌 𑌕𑌿𑌮𑌸𑍍𑌤𑌿 𑌤𑌵 𑌨𑍌𑌸𑍍𑌥𑌿𑌤𑌮𑍍 ॥ 2॥

𑌤𑌤𑍋 𑌮𑌹𑌾𑌜𑌨𑍌 𑌮𑌤𑍍𑌤𑍌 𑌹𑍇𑌲𑌯𑌾 𑌚 𑌪𑍍𑌰𑌹𑌸𑍍𑌯 𑌵𑍈 । (𑌮𑌤𑍌)
𑌕𑌥𑌂 𑌪𑍃𑌚𑍍𑌛𑌸𑌿 𑌭𑍋 𑌦𑌂𑌡𑌿𑌨𑍍 𑌮𑍁𑌦𑍍𑌰𑌾𑌂 𑌨𑍇𑌤𑍁𑌂 𑌕𑌿𑌮𑌿𑌚𑍍𑌛𑌸𑌿 ॥ 3॥

𑌲𑌤𑌾𑌪𑌤𑍍𑌰𑌾𑌦𑌿𑌕𑌂 𑌚𑍈𑌵 𑌵𑌰𑍍𑌤𑌤𑍇 𑌤𑌰𑌣𑍌 𑌮𑌮 ।
𑌨𑌿𑌷𑍍𑌠𑍁𑌰𑌂 𑌚 𑌵𑌚𑌃 𑌶𑍍𑌰𑍁𑌤𑍍𑌵𑌾 𑌸𑌤𑍍𑌯𑌂 𑌭𑌵𑌤𑍁 𑌤𑍇 𑌵𑌚𑌃 ॥ 4॥

𑌏𑌵𑌮𑍁𑌕𑍍𑌤𑍍𑌵𑌾 𑌗𑌤𑌃 𑌶𑍀𑌘𑍍𑌰𑌂 𑌦𑌂𑌡𑍀 𑌤𑌸𑍍𑌯 𑌸𑌮𑍀𑌪𑌤𑌃 ।
𑌕𑌿𑌯𑌦𑍍 𑌦𑍂𑌰𑍇 𑌤𑌤𑍋 𑌗𑌤𑍍𑌵𑌾 𑌸𑍍𑌥𑌿𑌤𑌃 𑌸𑌿𑌂𑌧𑍁 𑌸𑌮𑍀𑌪𑌤𑌃 ॥ 5॥

𑌗𑌤𑍇 𑌦𑌂𑌡𑌿𑌨𑌿 𑌸𑌾𑌧𑍁𑌶𑍍𑌚 𑌕𑍃𑌤𑌨𑌿𑌤𑍍𑌯𑌕𑍍𑌰𑌿𑌯𑌸𑍍𑌤𑌦𑌾 ।
𑌉𑌤𑍍𑌥𑌿𑌤𑌾𑌂 𑌤𑌰𑌣𑍀𑌂 𑌦𑍃𑌷𑍍𑌟𑍍𑌵𑌾 𑌵𑌿𑌸𑍍𑌮𑌯𑌂 𑌪𑌰𑌮𑌂-𑌯𑌁𑌯𑍌 ॥ 6॥

𑌦𑍃𑌷𑍍𑌟𑍍𑌵𑌾 𑌲𑌤𑌾𑌦𑌿𑌕𑌂 𑌚𑍈𑌵 𑌮𑍂𑌰𑍍𑌚𑍍𑌛𑌿𑌤𑍋 𑌨𑍍𑌯𑌪𑌤𑌦𑍍 𑌭𑍁𑌵𑌿 ।
𑌲𑌬𑍍𑌧𑌸𑌂𑌜𑍍𑌞𑍋 𑌵𑌣𑌿𑌕𑍍𑌪𑍁𑌤𑍍𑌰𑌸𑍍𑌤𑌤𑌶𑍍𑌚𑌿𑌂𑌤𑌾𑌨𑍍𑌵𑌿𑌤𑍋𑌽𑌭𑌵𑌤𑍍 ॥ 𑍭॥ (𑌵𑌣𑌿𑌕𑍍𑌪𑍁𑌤𑍍𑌰𑌸𑍍𑌤𑌤𑌶𑍍𑌚𑌿𑌂𑌤𑌾𑌨𑍍𑌵𑌿𑌤𑍋𑌭𑌵𑌤𑍍)

𑌤𑌦𑌾 𑌤𑍁 𑌦𑍁𑌹𑌿𑌤𑍁𑌃 𑌕𑌾𑌂𑌤𑍋 𑌵𑌚𑌨𑌂 𑌚𑍇𑌦𑌮𑌬𑍍𑌰𑌵𑍀𑌤𑍍 ।
𑌕𑌿𑌮𑌰𑍍𑌥𑌂 𑌕𑍍𑌰𑌿𑌯𑌤𑍇 𑌶𑍋𑌕𑌃 𑌶𑌾𑌪𑍋 𑌦𑌤𑍍𑌤𑌶𑍍𑌚 𑌦𑌂𑌡𑌿𑌨𑌾 ॥ 𑍮॥

𑌶𑌕𑍍𑌯𑌤𑍇 𑌤𑍇𑌨 𑌸𑌰𑍍𑌵𑌂 𑌹𑌿 𑌕𑌰𑍍𑌤𑍁𑌂 𑌚𑌾𑌤𑍍𑌰 𑌨 𑌸𑌂𑌶𑌯𑌃 । (𑌶𑌕𑍍𑌯𑌤𑍇𑌨𑍇 𑌨)
𑌅𑌤𑌸𑍍𑌤𑌚𑍍𑌛𑌰𑌣𑌂-𑌯𑌾𑌁𑌮𑍋 𑌵𑌾𑌂𑌛𑌤𑌾𑌰𑍍𑌥𑍋 𑌭𑌵𑌿𑌷𑍍𑌯𑌤𑌿 ॥ 𑍯॥ (𑌵𑌾𑌂𑌛𑌿𑌤𑌾𑌰𑍍𑌥𑍋)

𑌜𑌾𑌮𑌾𑌤𑍁𑌰𑍍𑌵𑌚𑌨𑌂 𑌶𑍍𑌰𑍁𑌤𑍍𑌵𑌾 𑌤𑌤𑍍𑌸𑌕𑌾𑌶𑌂 𑌗𑌤𑌸𑍍𑌤𑌦𑌾 ।
𑌦𑍃𑌷𑍍𑌟𑍍𑌵𑌾 𑌚 𑌦𑌂𑌡𑌿𑌨𑌂 𑌭𑌕𑍍𑌤𑍍𑌯𑌾 𑌨𑌤𑍍𑌵𑌾 𑌪𑍍𑌰𑍋𑌵𑌾𑌚 𑌸𑌾𑌦𑌰𑌮𑍍 ॥ 10॥

𑌕𑍍𑌷𑌮𑌸𑍍𑌵 𑌚𑌾𑌪𑌰𑌾𑌧𑌂 𑌮𑍇 𑌯𑌦𑍁𑌕𑍍𑌤𑌂 𑌤𑌵 𑌸𑌨𑍍𑌨𑌿𑌧𑍌 ।
𑌏𑌵𑌂 𑌪𑍁𑌨𑌃 𑌪𑍁𑌨𑌰𑍍𑌨𑌤𑍍𑌵𑌾 𑌮𑌹𑌾𑌶𑍋𑌕𑌾𑌕𑍁𑌲𑍋𑌽𑌭𑌵𑌤𑍍 ॥ 11॥ (𑌮𑌹𑌾𑌶𑍋𑌕𑌾𑌕𑍁𑌲𑍋𑌭𑌵𑌤𑍍)

𑌪𑍍𑌰𑍋𑌵𑌾𑌚 𑌵𑌚𑌨𑌂 𑌦𑌂𑌡𑍀 𑌵𑌿𑌲𑌪𑌂𑌤𑌂-𑌵𑌿𑌁𑌲𑍋𑌕𑍍𑌯 𑌚 ।
𑌮𑌾 𑌰𑍋𑌦𑍀𑌃 𑌶‍𑌋𑌣𑍁𑌮𑌦𑍍𑌵𑌾𑌕𑍍𑌯𑌂 𑌮𑌮 𑌪𑍂𑌜𑌾𑌬𑌹𑌿𑌰𑍍𑌮𑍁𑌖𑌃 ॥ 12॥

𑌮𑌮𑌾𑌜𑍍𑌞𑌯𑌾 𑌚 𑌦𑍁𑌰𑍍𑌬𑍁𑌦𑍍𑌧𑍇 𑌲𑌬𑍍𑌧𑌂 𑌦𑍁𑌃𑌖𑌂 𑌮𑍁𑌹𑍁𑌰𑍍𑌮𑍁𑌹𑍁𑌃 ।
𑌤𑌚𑍍𑌛𑍍𑌰𑍁𑌤𑍍𑌵𑌾 𑌭𑌗𑌵𑌦𑍍𑌵𑌾𑌕𑍍𑌯𑌂 𑌸𑍍𑌤𑍁𑌤𑌿𑌂 𑌕𑌰𑍍𑌤𑍁𑌂 𑌸𑌮𑍁𑌦𑍍𑌯𑌤𑌃 ॥ 13॥

𑌸𑌾𑌧𑍁𑌰𑍁𑌵𑌾𑌚 ।
𑌤𑍍𑌵𑌨𑍍𑌮𑌾𑌯𑌾𑌮𑍋𑌹𑌿𑌤𑌾𑌃 𑌸𑌰𑍍𑌵𑍇 𑌬𑍍𑌰𑌹𑍍𑌮𑌾𑌦𑍍𑌯𑌾𑌸𑍍𑌤𑍍𑌰𑌿𑌦𑌿𑌵𑍌𑌕𑌸𑌃 ।
𑌨 𑌜𑌾𑌨𑌂𑌤𑌿 𑌗𑍁𑌣𑌾𑌨𑍍 𑌰𑍂𑌪𑌂 𑌤𑌵𑌾𑌶𑍍𑌚𑌰𑍍𑌯𑌮𑌿𑌦𑌂 𑌪𑍍𑌰𑌭𑍋 ॥ 14॥

𑌮𑍂𑌢𑍋𑌽𑌹𑌂 𑌤𑍍𑌵𑌾𑌂 𑌕𑌥𑌂 𑌜𑌾𑌨𑍇 𑌮𑍋𑌹𑌿𑌤𑌸𑍍𑌤𑌵𑌮𑌾𑌯𑌯𑌾 । (𑌮𑍂𑌢𑍋𑌹𑌂)
𑌪𑍍𑌰𑌸𑍀𑌦 𑌪𑍂𑌜𑌯𑌿𑌷𑍍𑌯𑌾𑌮𑌿 𑌯𑌥𑌾𑌵𑌿𑌭𑌵𑌵𑌿𑌸𑍍𑌤𑌰𑍈𑌃 ॥ 15॥

𑌪𑍁𑌰𑌾 𑌵𑌿𑌤𑍍𑌤𑌂 𑌚 𑌤𑌤𑍍 𑌸𑌰𑍍𑌵𑌂 𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ।
𑌶𑍍𑌰𑍁𑌤𑍍𑌵𑌾 𑌭𑌕𑍍𑌤𑌿𑌯𑍁𑌤𑌂-𑌵𑌾𑌁𑌕𑍍𑌯𑌂 𑌪𑌰𑌿𑌤𑍁𑌷𑍍𑌟𑍋 𑌜𑌨𑌾𑌰𑍍𑌦𑌨𑌃 ॥ 16॥

𑌵𑌰𑌂 𑌚 𑌵𑌾𑌂𑌛𑌿𑌤𑌂 𑌦𑌤𑍍𑌤𑍍𑌵𑌾 𑌤𑌤𑍍𑌰𑍈𑌵𑌾𑌂𑌤𑌰𑍍𑌦𑌧𑍇 𑌹𑌰𑌿𑌃 ।
𑌤𑌤𑍋 𑌨𑌾𑌵𑌂 𑌸𑌮𑌾𑌰𑍂𑌹𑍍𑌯 𑌦𑍃𑌷𑍍𑌟𑍍𑌵𑌾 𑌵𑌿𑌤𑍍𑌤𑌪𑍍𑌰𑌪𑍂𑌰𑌿𑌤𑌾𑌮𑍍 ॥ 1𑍭॥

𑌕𑍃𑌪𑌯𑌾 𑌸𑌤𑍍𑌯𑌦𑍇𑌵𑌸𑍍𑌯 𑌸𑌫𑌲𑌂-𑌵𑌾𑌂𑌁𑌛𑌿𑌤𑌂 𑌮𑌮 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌸𑍍𑌵𑌜𑌨𑍈𑌃 𑌸𑌾𑌰𑍍𑌧𑌂 𑌪𑍂𑌜𑌾𑌂 𑌕𑍃𑌤𑍍𑌵𑌾 𑌯𑌥𑌾𑌵𑌿𑌧𑌿 ॥ 1𑍮॥

𑌹𑌰𑍍​𑌷𑍇𑌣 𑌚𑌾𑌭𑌵𑌤𑍍 𑌪𑍂𑌰𑍍𑌣𑌃𑌸𑌤𑍍𑌯𑌦𑍇𑌵𑌪𑍍𑌰𑌸𑌾𑌦𑌤𑌃 ।
𑌨𑌾𑌵𑌂 𑌸𑌂​𑌯𑍋𑌁𑌜𑍍𑌯 𑌯𑌤𑍍𑌨𑍇𑌨 𑌸𑍍𑌵𑌦𑍇𑌶𑌗𑌮𑌨𑌂 𑌕𑍃𑌤𑌮𑍍 ॥ 1𑍯॥

𑌸𑌾𑌧𑍁𑌰𑍍𑌜𑌾𑌮𑌾𑌤𑌰𑌂 𑌪𑍍𑌰𑌾𑌹 𑌪𑌶𑍍𑌯 𑌰𑌤𑍍𑌨𑌪𑍁𑌰𑍀𑌂 𑌮𑌮 ।
𑌦𑍂𑌤𑌂 𑌚 𑌪𑍍𑌰𑍇𑌷𑌯𑌾𑌮𑌾𑌸 𑌨𑌿𑌜𑌵𑌿𑌤𑍍𑌤𑌸𑍍𑌯 𑌰𑌕𑍍𑌷𑌕𑌮𑍍 ॥ 20॥

𑌤𑌤𑍋𑌽𑌸𑍌 𑌨𑌗𑌰𑌂 𑌗𑌤𑍍𑌵𑌾 𑌸𑌾𑌧𑍁𑌭𑌾𑌰𑍍𑌯𑌾𑌂-𑌵𑌿𑌁𑌲𑍋𑌕𑍍𑌯 𑌚 । (𑌦𑍂𑌤𑍋𑌸𑍌)
𑌪𑍍𑌰𑍋𑌵𑌾𑌚 𑌵𑌾𑌂𑌛𑌿𑌤𑌂-𑌵𑌾𑌁𑌕𑍍𑌯𑌂 𑌨𑌤𑍍𑌵𑌾 𑌬𑌦𑍍𑌧𑌾𑌂𑌜𑌲𑌿𑌸𑍍𑌤𑌦𑌾 ॥ 21॥

𑌨𑌿𑌕𑌟𑍇 𑌨𑌗𑌰𑌸𑍍𑌯𑍈𑌵 𑌜𑌾𑌮𑌾𑌤𑍍𑌰𑌾 𑌸𑌹𑌿𑌤𑍋 𑌵𑌣𑌿𑌕𑍍 ।
𑌆𑌗𑌤𑍋 𑌬𑌂𑌧𑍁𑌵𑌰𑍍𑌗𑍈𑌶𑍍𑌚 𑌵𑌿𑌤𑍍𑌤𑍈𑌶𑍍𑌚 𑌬𑌹𑍁𑌭𑌿𑌰𑍍𑌯𑍁𑌤𑌃 ॥ 22॥

𑌶𑍍𑌰𑍁𑌤𑍍𑌵𑌾 𑌦𑍂𑌤𑌮𑍁𑌖𑌾𑌦𑍍𑌵𑌾𑌕𑍍𑌯𑌂 𑌮𑌹𑌾𑌹𑌰𑍍​𑌷𑌵𑌤𑍀 𑌸𑌤𑍀 ।
𑌸𑌤𑍍𑌯𑌪𑍂𑌜𑌾𑌂 𑌤𑌤𑌃 𑌕𑍃𑌤𑍍𑌵𑌾 𑌪𑍍𑌰𑍋𑌵𑌾𑌚 𑌤𑌨𑍁𑌜𑌾𑌂 𑌪𑍍𑌰𑌤𑌿 ॥ 23॥

𑌵𑍍𑌰𑌜𑌾𑌮𑌿 𑌶𑍀𑌘𑍍𑌰𑌮𑌾𑌗𑌚𑍍𑌛 𑌸𑌾𑌧𑍁𑌸𑌂𑌦𑌰𑍍​𑌶𑌨𑌾𑌯 𑌚 ।
𑌇𑌤𑌿 𑌮𑌾𑌤𑍃𑌵𑌚𑌃 𑌶𑍍𑌰𑍁𑌤𑍍𑌵𑌾 𑌵𑍍𑌰𑌤𑌂 𑌕𑍃𑌤𑍍𑌵𑌾 𑌸𑌮𑌾𑌪𑍍𑌯 𑌚 ॥ 24॥

𑌪𑍍𑌰𑌸𑌾𑌦𑌂 𑌚 𑌪𑌰𑌿𑌤𑍍𑌯𑌜𑍍𑌯 𑌗𑌤𑌾 𑌸𑌾𑌽𑌪𑌿 𑌪𑌤𑌿𑌂 𑌪𑍍𑌰𑌤𑌿 । (𑌸𑌾𑌪𑌿)
𑌤𑍇𑌨 𑌰𑍁𑌷𑍍𑌟𑌾𑌃 𑌸𑌤𑍍𑌯𑌦𑍇𑌵𑍋 𑌭𑌰𑍍𑌤𑌾𑌰𑌂 𑌤𑌰𑌣𑌿𑌂 𑌤𑌥𑌾 ॥ 25॥ (𑌰𑍁𑌷𑍍𑌟𑌃, 𑌤𑌰𑌣𑍀𑌂)

𑌸𑌂𑌹𑍃𑌤𑍍𑌯 𑌚 𑌧𑌨𑍈𑌃 𑌸𑌾𑌰𑍍𑌧𑌂 𑌜𑌲𑍇 𑌤𑌸𑍍𑌯𑌾𑌵𑌮𑌜𑍍𑌜𑌯𑌤𑍍 ।
𑌤𑌤𑌃 𑌕𑌲𑌾𑌵𑌤𑍀 𑌕𑌨𑍍𑌯𑌾 𑌨 𑌵𑌿𑌲𑍋𑌕𑍍𑌯 𑌨𑌿𑌜𑌂 𑌪𑌤𑌿𑌮𑍍 ॥ 26॥

𑌶𑍋𑌕𑍇𑌨 𑌮𑌹𑌤𑌾 𑌤𑌤𑍍𑌰 𑌰𑍁𑌦𑌂𑌤𑍀 𑌚𑌾𑌪𑌤𑌦𑍍 𑌭𑍁𑌵𑌿 । (𑌰𑍁𑌦𑌤𑍀)
𑌦𑍃𑌷𑍍𑌟𑍍𑌵𑌾 𑌤𑌥𑌾𑌵𑌿𑌧𑌾𑌂 𑌨𑌾𑌵𑌂 𑌕𑌨𑍍𑌯𑌾𑌂 𑌚 𑌬𑌹𑍁𑌦𑍁𑌃𑌖𑌿𑌤𑌾𑌮𑍍 ॥ 2𑍭॥

𑌭𑍀𑌤𑍇𑌨 𑌮𑌨𑌸𑌾 𑌸𑌾𑌧𑍁𑌃 𑌕𑌿𑌮𑌾𑌶𑍍𑌚𑌰𑍍𑌯𑌮𑌿𑌦𑌂 𑌭𑌵𑍇𑌤𑍍 ।
𑌚𑌿𑌂𑌤𑍍𑌯𑌮𑌾𑌨𑌾𑌶𑍍𑌚 𑌤𑍇 𑌸𑌰𑍍𑌵𑍇 𑌬𑌭𑍂𑌵𑍁𑌸𑍍𑌤𑌰𑌿𑌵𑌾𑌹𑌕𑌾𑌃 ॥ 2𑍮॥

𑌤𑌤𑍋 𑌲𑍀𑌲𑌾𑌵𑌤𑍀 𑌕𑌨𑍍𑌯𑌾𑌂 𑌦𑍃𑌷𑍍𑌟𑍍𑌵𑌾 𑌸𑌾 𑌵𑌿𑌹𑍍𑌵𑌲𑌾𑌽𑌭𑌵𑌤𑍍 ।
𑌵𑌿𑌲𑌲𑌾𑌪𑌾𑌤𑌿𑌦𑍁𑌃𑌖𑍇𑌨 𑌭𑌰𑍍𑌤𑌾𑌰𑌂 𑌚𑍇𑌦𑌮𑌬𑍍𑌰𑌵𑍀𑌤 ॥ 2𑍯॥

𑌇𑌦𑌾𑌨𑍀𑌂 𑌨𑍌𑌕𑌯𑌾 𑌸𑌾𑌰𑍍𑌧𑌂 𑌕𑌥𑌂 𑌸𑍋𑌽𑌭𑍂𑌦𑌲𑌕𑍍𑌷𑌿𑌤𑌃 ।
𑌨 𑌜𑌾𑌨𑍇 𑌕𑌸𑍍𑌯 𑌦𑍇𑌵𑌸𑍍𑌯 𑌹𑍇𑌲𑌯𑌾 𑌚𑍈𑌵 𑌸𑌾 𑌹𑍃𑌤𑌾 ॥ 30॥

𑌸𑌤𑍍𑌯𑌦𑍇𑌵𑌸𑍍𑌯 𑌮𑌾𑌹𑌾𑌤𑍍𑌮𑍍𑌯𑌂 𑌜𑍍𑌞𑌾𑌤𑍁𑌂-𑌵𑌾𑌁 𑌕𑍇𑌨 𑌶𑌕𑍍𑌯𑌤𑍇 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌵𑌿𑌲𑌲𑌾𑌪𑍈𑌵 𑌤𑌤𑌶𑍍𑌚 𑌸𑍍𑌵𑌜𑌨𑍈𑌃 𑌸𑌹 ॥ 31॥

𑌤𑌤𑍋 𑌲𑍀𑌲𑌾𑌵𑌤𑍀 𑌕𑌨𑍍𑌯𑌾𑌂 𑌕𑍍𑌰𑍌𑌡𑍇 𑌕𑍃𑌤𑍍𑌵𑌾 𑌰𑍁𑌰𑍋𑌦 𑌹 ।
𑌤𑌤𑌃𑌕𑌲𑌾𑌵𑌤𑍀 𑌕𑌨𑍍𑌯𑌾 𑌨𑌷𑍍𑌟𑍇 𑌸𑍍𑌵𑌾𑌮𑌿𑌨𑌿 𑌦𑍁𑌃𑌖𑌿𑌤𑌾 ॥ 32॥

𑌗𑍃𑌹𑍀𑌤𑍍𑌵𑌾 𑌪𑌾𑌦𑍁𑌕𑍇 𑌤𑌸𑍍𑌯𑌾𑌨𑍁𑌗𑌤𑍁𑌂 𑌚 𑌮𑌨𑍋𑌦𑌧𑍇 । (𑌪𑌾𑌦𑍁𑌕𑌾𑌂)
𑌕𑌨𑍍𑌯𑌾𑌯𑌾𑌶𑍍𑌚𑌰𑌿𑌤𑌂 𑌦𑍃𑌷𑍍𑌟𑍍𑌵𑌾 𑌸𑌭𑌾𑌰𑍍𑌯𑌃 𑌸𑌜𑍍𑌜𑌨𑍋 𑌵𑌣𑌿𑌕𑍍 ॥ 33॥

𑌅𑌤𑌿𑌶𑍋𑌕𑍇𑌨 𑌸𑌂𑌤𑌪𑍍𑌤𑌶𑍍𑌚𑌿𑌂𑌤𑌯𑌾𑌮𑌾𑌸 𑌧𑌰𑍍𑌮𑌵𑌿𑌤𑍍 ।
𑌹𑍃𑌤𑌂-𑌵𑌾𑌁 𑌸𑌤𑍍𑌯𑌦𑍇𑌵𑍇𑌨 𑌭𑍍𑌰𑌾𑌂𑌤𑍋𑌽𑌹𑌂 𑌸𑌤𑍍𑌯𑌮𑌾𑌯𑌯𑌾 ॥ 34॥

𑌸𑌤𑍍𑌯𑌪𑍂𑌜𑌾𑌂 𑌕𑌰𑌿𑌷𑍍𑌯𑌾𑌮𑌿 𑌯𑌥𑌾𑌵𑌿𑌭𑌵𑌵𑌿𑌸𑍍𑌤𑌰𑍈𑌃 ।
𑌇𑌤𑌿 𑌸𑌰𑍍𑌵𑌾𑌨𑍍 𑌸𑌮𑌾𑌹𑍂𑌯 𑌕𑌥𑌯𑌿𑌤𑍍𑌵𑌾 𑌮𑌨𑍋𑌰𑌥𑌮𑍍 ॥ 35॥

𑌨𑌤𑍍𑌵𑌾 𑌚 𑌦𑌂𑌡𑌵𑌦𑍍 𑌭𑍂𑌮𑍌 𑌸𑌤𑍍𑌯𑌦𑍇𑌵𑌂 𑌪𑍁𑌨𑌃 𑌪𑍁𑌨𑌃 ।
𑌤𑌤𑌸𑍍𑌤𑍁𑌷𑍍𑌟𑌃 𑌸𑌤𑍍𑌯𑌦𑍇𑌵𑍋 𑌦𑍀𑌨𑌾𑌨𑌾𑌂 𑌪𑌰𑌿𑌪𑌾𑌲𑌕𑌃 ॥ 36॥

𑌜𑌗𑌾𑌦 𑌵𑌚𑌨𑌂 𑌚𑍈𑌨𑌂 𑌕𑍃𑌪𑌯𑌾 𑌭𑌕𑍍𑌤𑌵𑌤𑍍𑌸𑌲𑌃 ।
𑌤𑍍𑌯𑌕𑍍𑌤𑍍𑌵𑌾 𑌪𑍍𑌰𑌸𑌾𑌦𑌂 𑌤𑍇 𑌕𑌨𑍍𑌯𑌾 𑌪𑌤𑌿𑌂 𑌦𑍍𑌰𑌷𑍍𑌟𑍁𑌂 𑌸𑌮𑌾𑌗𑌤𑌾 ॥ 3𑍭॥

𑌅𑌤𑍋𑌽𑌦𑍃𑌷𑍍𑌟𑍋𑌽𑌭𑌵𑌤𑍍𑌤𑌸𑍍𑌯𑌾𑌃 𑌕𑌨𑍍𑌯𑌕𑌾𑌯𑌾𑌃 𑌪𑌤𑌿𑌰𑍍𑌧𑍍𑌰𑍁𑌵𑌮𑍍 ।
𑌗𑍃𑌹𑌂 𑌗𑌤𑍍𑌵𑌾 𑌪𑍍𑌰𑌸𑌾𑌦𑌂 𑌚 𑌭𑍁𑌕𑍍𑌤𑍍𑌵𑌾 𑌸𑌾𑌽𑌽𑌯𑌾𑌤𑌿 𑌚𑍇𑌤𑍍𑌪𑍁𑌨𑌃 ॥ 3𑍮॥ (𑌸𑌾𑌯𑌾𑌤𑌿)

𑌲𑌬𑍍𑌧𑌭𑌰𑍍𑌤𑍍𑌰𑍀 𑌸𑍁𑌤𑌾 𑌸𑌾𑌧𑍋 𑌭𑌵𑌿𑌷𑍍𑌯𑌤𑌿 𑌨 𑌸𑌂𑌶𑌯𑌃 ।
𑌕𑌨𑍍𑌯𑌕𑌾 𑌤𑌾𑌦𑍃𑌶𑌂-𑌵𑌾𑌁𑌕𑍍𑌯𑌂 𑌶𑍍𑌰𑍁𑌤𑍍𑌵𑌾 𑌗𑌗𑌨𑌮𑌂𑌡𑌲𑌾𑌤𑍍 ॥ 3𑍯॥

𑌕𑍍𑌷𑌿𑌪𑍍𑌰𑌂 𑌤𑌦𑌾 𑌗𑍃𑌹𑌂 𑌗𑌤𑍍𑌵𑌾 𑌪𑍍𑌰𑌸𑌾𑌦𑌂 𑌚 𑌬𑍁𑌭𑍋𑌜 𑌸𑌾 ।
𑌪𑌶𑍍𑌚𑌾𑌤𑍍 𑌸𑌾 𑌪𑍁𑌨𑌰𑌾𑌗𑌤𑍍𑌯 𑌦𑌦𑌰𑍍​𑌶 𑌸𑍍𑌵𑌜𑌨𑌂 𑌪𑌤𑌿𑌮𑍍 ॥ 40॥ (𑌸𑌾𑌪𑌶𑍍𑌚𑌾𑌤𑍍𑌪𑍁𑌨𑌰𑌾𑌗𑌤𑍍𑌯, 𑌸𑌜𑌨𑌂)

𑌤𑌤𑌃 𑌕𑌲𑌾𑌵𑌤𑍀 𑌕𑌨𑍍𑌯𑌾 𑌜𑌗𑌾𑌦 𑌪𑌿𑌤𑌰𑌂 𑌪𑍍𑌰𑌤𑌿 ।
𑌇𑌦𑌾𑌨𑍀𑌂 𑌚 𑌗𑍃𑌹𑌂-𑌯𑌾𑌁𑌹𑌿 𑌵𑌿𑌲𑌂𑌬𑌂 𑌕𑍁𑌰𑍁𑌷𑍇 𑌕𑌥𑌮𑍍 ॥ 41॥

𑌤𑌚𑍍𑌛𑍍𑌰𑍁𑌤𑍍𑌵𑌾 𑌕𑌨𑍍𑌯𑌕𑌾𑌵𑌾𑌕𑍍𑌯𑌂 𑌸𑌂𑌤𑍁𑌷𑍍𑌟𑍋𑌽𑌭𑍂𑌦𑍍𑌵𑌣𑌿𑌕𑍍𑌸𑍁𑌤𑌃 ।
𑌪𑍂𑌜𑌨𑌂 𑌸𑌤𑍍𑌯𑌦𑍇𑌵𑌸𑍍𑌯 𑌕𑍃𑌤𑍍𑌵𑌾 𑌵𑌿𑌧𑌿𑌵𑌿𑌧𑌾𑌨𑌤𑌃 ॥ 42॥

𑌧𑌨𑍈𑌰𑍍𑌬𑌂𑌧𑍁𑌗𑌣𑍈𑌃 𑌸𑌾𑌰𑍍𑌧𑌂 𑌜𑌗𑌾𑌮 𑌨𑌿𑌜𑌮𑌂𑌦𑌿𑌰𑌮𑍍 ।
𑌪𑍌𑌰𑍍𑌣𑌮𑌾𑌸𑍍𑌯𑌾𑌂 𑌚 𑌸𑌂𑌕𑍍𑌰𑌾𑌂𑌤𑍌 𑌕𑍃𑌤𑌵𑌾𑌨𑍍 𑌸𑌤𑍍𑌯𑌸𑍍𑌯 𑌪𑍂𑌜𑌨𑌮𑍍 ॥ 43॥ (𑌸𑌤𑍍𑌯𑌪𑍂𑌜𑌨𑌮𑍍)

𑌇𑌹𑌲𑍋𑌕𑍇 𑌸𑍁𑌖𑌂 𑌭𑍁𑌕𑍍𑌤𑍍𑌵𑌾 𑌚𑌾𑌂𑌤𑍇 𑌸𑌤𑍍𑌯𑌪𑍁𑌰𑌂-𑌯𑌁𑌯𑍌 ॥ 44॥

॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌂𑌦 𑌪𑍁𑌰𑌾𑌣𑍇 𑌰𑍇𑌵𑌾𑌖𑌂𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾𑌂 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃 ॥ 4 ॥

𑌅𑌥 𑌪𑌂𑌚𑌮𑍋𑌽𑌧𑍍𑌯𑌾𑌯𑌃

𑌸𑍂𑌤 𑌉𑌵𑌾𑌚 ।
𑌅𑌥𑌾𑌨𑍍𑌯𑌚𑍍𑌚 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌶𑍍𑌰𑍁𑌣𑍁𑌧𑍍𑌵𑌂 𑌮𑍁𑌨𑌿𑌸𑌤𑍍𑌤𑌮𑌾𑌃 ।
𑌆𑌸𑍀𑌤𑍍 𑌤𑍁𑌂𑌗𑌧𑍍𑌵𑌜𑍋 𑌰𑌾𑌜𑌾 𑌪𑍍𑌰𑌜𑌾𑌪𑌾𑌲𑌨𑌤𑌤𑍍𑌪𑌰𑌃 ॥ 1॥

𑌪𑍍𑌰𑌸𑌾𑌦𑌂 𑌸𑌤𑍍𑌯𑌦𑍇𑌵𑌸𑍍𑌯 𑌤𑍍𑌯𑌕𑍍𑌤𑍍𑌵𑌾 𑌦𑍁𑌃𑌖𑌮𑌵𑌾𑌪 𑌸𑌃 ।
𑌏𑌕𑌦𑌾 𑌸 𑌵𑌨𑌂 𑌗𑌤𑍍𑌵𑌾 𑌹𑌤𑍍𑌵𑌾 𑌬𑌹𑍁𑌵𑌿𑌧𑌾𑌨𑍍 𑌪𑌶𑍂𑌨𑍍 ॥ 2॥

𑌆𑌗𑌤𑍍𑌯 𑌵𑌟𑌮𑍂𑌲𑌂 𑌚 𑌦𑍃𑌷𑍍𑌟𑍍𑌵𑌾 𑌸𑌤𑍍𑌯𑌸𑍍𑌯 𑌪𑍂𑌜𑌨𑌮𑍍 । (𑌚𑌾𑌪𑌶𑍍𑌯𑌤𑍍)
𑌗𑍋𑌪𑌾𑌃 𑌕𑍁𑌰𑍍𑌵𑌂𑌤𑌿 𑌸𑌂𑌤𑍁𑌷𑍍𑌟𑌾 𑌭𑌕𑍍𑌤𑌿𑌯𑍁𑌕𑍍𑌤𑌾𑌃 𑌸 𑌬𑌾𑌂𑌧𑌵𑌾𑌃 ॥ 3॥

𑌰𑌾𑌜𑌾 𑌦𑍃𑌷𑍍𑌟𑍍𑌵𑌾 𑌤𑍁 𑌦𑌰𑍍𑌪𑍇𑌣 𑌨 𑌗𑌤𑍋 𑌨 𑌨𑌨𑌾𑌮 𑌸𑌃 ।
𑌤𑌤𑍋 𑌗𑍋𑌪𑌗𑌣𑌾𑌃 𑌸𑌰𑍍𑌵𑍇 𑌪𑍍𑌰𑌸𑌾𑌦𑌂 𑌨𑍃𑌪𑌸𑌨𑍍𑌨𑌿𑌧𑍌 ॥ 4॥

𑌸𑌂𑌸𑍍𑌥𑌾𑌪𑍍𑌯 𑌪𑍁𑌨𑌰𑌾𑌗𑌤𑍍𑌯 𑌭𑍁𑌕𑍍𑌤𑌤𑍍𑌵𑌾 𑌸𑌰𑍍𑌵𑍇 𑌯𑌥𑍇𑌪𑍍𑌸𑌿𑌤𑌮𑍍 ।
𑌤𑌤𑌃 𑌪𑍍𑌰𑌸𑌾𑌦𑌂 𑌸𑌂𑌤𑍍𑌯𑌜𑍍𑌯 𑌰𑌾𑌜𑌾 𑌦𑍁𑌃𑌖𑌮𑌵𑌾𑌪 𑌸𑌃 ॥ 5॥

𑌤𑌸𑍍𑌯 𑌪𑍁𑌤𑍍𑌰𑌶𑌤𑌂 𑌨𑌷𑍍𑌟𑌂 𑌧𑌨𑌧𑌾𑌨𑍍𑌯𑌾𑌦𑌿𑌕𑌂 𑌚 𑌯𑌤𑍍 ।
𑌸𑌤𑍍𑌯𑌦𑍇𑌵𑍇𑌨 𑌤𑌤𑍍𑌸𑌰𑍍𑌵𑌂 𑌨𑌾𑌶𑌿𑌤𑌂 𑌮𑌮 𑌨𑌿𑌶𑍍𑌚𑌿𑌤𑌮𑍍 ॥ 6॥

𑌅𑌤𑌸𑍍𑌤𑌤𑍍𑌰𑍈𑌵 𑌗𑌚𑍍𑌛𑌾𑌮𑌿 𑌯𑌤𑍍𑌰 𑌦𑍇𑌵𑌸𑍍𑌯 𑌪𑍂𑌜𑌨𑌮𑍍 ।
𑌮𑌨𑌸𑌾 𑌤𑍁 𑌵𑌿𑌨𑌿𑌶𑍍𑌚𑌿𑌤𑍍𑌯 𑌯𑌯𑍌 𑌗𑍋𑌪𑌾𑌲𑌸𑌨𑍍𑌨𑌿𑌧𑍌 ॥ 𑍭॥

𑌤𑌤𑍋𑌽𑌸𑍌 𑌸𑌤𑍍𑌯𑌦𑍇𑌵𑌸𑍍𑌯 𑌪𑍂𑌜𑌾𑌂 𑌗𑍋𑌪𑌗𑌣𑍈𑌃𑌸𑌹 ।
𑌭𑌕𑍍𑌤𑌿𑌶𑍍𑌰𑌦𑍍𑌧𑌾𑌨𑍍𑌵𑌿𑌤𑍋 𑌭𑍂𑌤𑍍𑌵𑌾 𑌚𑌕𑌾𑌰 𑌵𑌿𑌧𑌿𑌨𑌾 𑌨𑍃𑌪𑌃 ॥ 𑍮॥

𑌸𑌤𑍍𑌯𑌦𑍇𑌵𑌪𑍍𑌰𑌸𑌾𑌦𑍇𑌨 𑌧𑌨𑌪𑍁𑌤𑍍𑌰𑌾𑌨𑍍𑌵𑌿𑌤𑍋𑌽𑌭𑌵𑌤𑍍 ।
𑌇𑌹𑌲𑍋𑌕𑍇 𑌸𑍁𑌖𑌂 𑌭𑍁𑌕𑍍𑌤𑌤𑍍𑌵𑌾 𑌚𑌾𑌂𑌤𑍇 𑌸𑌤𑍍𑌯𑌪𑍁𑌰𑌂-𑌯𑌁𑌯𑍌 ॥ 𑍯॥

𑌯 𑌇𑌦𑌂 𑌕𑍁𑌰𑍁𑌤𑍇 𑌸𑌤𑍍𑌯𑌵𑍍𑌰𑌤𑌂 𑌪𑌰𑌮𑌦𑍁𑌰𑍍𑌲𑌭𑌮𑍍 ।
𑌶‍𑌋𑌣𑍋𑌤𑌿 𑌚 𑌕𑌥𑌾𑌂 𑌪𑍁𑌣𑍍𑌯𑌾𑌂 𑌭𑌕𑍍𑌤𑌿𑌯𑍁𑌕𑍍𑌤𑌃 𑌫𑌲𑌪𑍍𑌰𑌦𑌾𑌮𑍍 ॥ 10॥

𑌧𑌨𑌧𑌾𑌨𑍍𑌯𑌾𑌦𑌿𑌕𑌂 𑌤𑌸𑍍𑌯 𑌭𑌵𑍇𑌤𑍍 𑌸𑌤𑍍𑌯𑌪𑍍𑌰𑌸𑌾𑌦𑌤𑌃 ।
𑌦𑌰𑌿𑌦𑍍𑌰𑍋 𑌲𑌭𑌤𑍇 𑌵𑌿𑌤𑍍𑌤𑌂 𑌬𑌦𑍍𑌧𑍋 𑌮𑍁𑌚𑍍𑌯𑍇𑌤 𑌬𑌂𑌧𑌨𑌾𑌤𑍍 ॥ 11॥

𑌭𑍀𑌤𑍋 𑌭𑌯𑌾𑌤𑍍 𑌪𑍍𑌰𑌮𑍁𑌚𑍍𑌯𑍇𑌤 𑌸𑌤𑍍𑌯𑌮𑍇𑌵 𑌨 𑌸𑌂𑌶𑌯𑌃 ।
𑌈𑌪𑍍𑌸𑌿𑌤𑌂 𑌚 𑌫𑌲𑌂 𑌭𑍁𑌕𑍍𑌤𑍍𑌵𑌾 𑌚𑌾𑌂𑌤𑍇 𑌸𑌤𑍍𑌯𑌪𑍁𑌰𑌂​𑌵𑍍𑌰𑌁𑌜𑍇𑌤𑍍 ॥ 12॥

𑌇𑌤𑌿 𑌵𑌃 𑌕𑌥𑌿𑌤𑌂-𑌵𑌿𑌁𑌪𑍍𑌰𑌾𑌃 𑌸𑌤𑍍𑌯𑌨𑌾𑌰𑌾𑌯𑌣𑌵𑍍𑌰𑌤𑌮𑍍 ।
𑌯𑌤𑍍 𑌕𑍃𑌤𑍍𑌵𑌾 𑌸𑌰𑍍𑌵𑌦𑍁𑌃𑌖𑍇𑌭𑍍𑌯𑍋 𑌮𑍁𑌕𑍍𑌤𑍋 𑌭𑌵𑌤𑌿 𑌮𑌾𑌨𑌵𑌃 ॥ 13॥

𑌵𑌿𑌶𑍇𑌷𑌤𑌃 𑌕𑌲𑌿𑌯𑍁𑌗𑍇 𑌸𑌤𑍍𑌯𑌪𑍂𑌜𑌾 𑌫𑌲𑌪𑍍𑌰𑌦𑌾 ।
𑌕𑍇𑌚𑌿𑌤𑍍 𑌕𑌾𑌲𑌂-𑌵𑌁𑌦𑌿𑌷𑍍𑌯𑌂𑌤𑌿 𑌸𑌤𑍍𑌯𑌮𑍀𑌶𑌂 𑌤𑌮𑍇𑌵 𑌚 ॥ 14॥

𑌸𑌤𑍍𑌯𑌨𑌾𑌰𑌾𑌯𑌣𑌂 𑌕𑍇𑌚𑌿𑌤𑍍 𑌸𑌤𑍍𑌯𑌦𑍇𑌵𑌂 𑌤𑌥𑌾𑌪𑌰𑍇 ।
𑌨𑌾𑌨𑌾𑌰𑍂𑌪𑌧𑌰𑍋 𑌭𑍂𑌤𑍍𑌵𑌾 𑌸𑌰𑍍𑌵𑍇𑌷𑌾𑌮𑍀𑌪𑍍𑌸𑌿𑌤𑌪𑍍𑌰𑌦𑌮𑍍 ॥ 15॥ (𑌸𑌰𑍍𑌵𑍇𑌷𑌾𑌮𑍀𑌪𑍍𑌸𑌿𑌤𑌪𑍍𑌰𑌦𑌃)

𑌭𑌵𑌿𑌷𑍍𑌯𑌤𑌿 𑌕𑌲𑍌 𑌸𑌤𑍍𑌯𑌵𑍍𑌰𑌤𑌰𑍂𑌪𑍀 𑌸𑌨𑌾𑌤𑌨𑌃 ।
𑌶𑍍𑌰𑍀𑌵𑌿𑌷𑍍𑌣𑍁𑌨𑌾 𑌧𑍃𑌤𑌂 𑌰𑍂𑌪𑌂 𑌸𑌰𑍍𑌵𑍇𑌷𑌾𑌮𑍀𑌪𑍍𑌸𑌿𑌤𑌪𑍍𑌰𑌦𑌮𑍍 ॥ 16॥

𑌯 𑌇𑌦𑌂 𑌪𑌠𑌤𑍇 𑌨𑌿𑌤𑍍𑌯𑌂 𑌶‍𑌋𑌣𑍋𑌤𑌿 𑌮𑍁𑌨𑌿𑌸𑌤𑍍𑌤𑌮𑌾𑌃 ।
𑌤𑌸𑍍𑌯 𑌨𑌶𑍍𑌯𑌂𑌤𑌿 𑌪𑌾𑌪𑌾𑌨𑌿 𑌸𑌤𑍍𑌯𑌦𑍇𑌵𑌪𑍍𑌰𑌸𑌾𑌦𑌤𑌃 ॥ 1𑍭॥

𑌵𑍍𑌰𑌤𑌂-𑌯𑍈𑌁𑌸𑍍𑌤𑍁 𑌕𑍃𑌤𑌂 𑌪𑍂𑌰𑍍𑌵𑌂 𑌸𑌤𑍍𑌯𑌨𑌾𑌰𑌾𑌯𑌣𑌸𑍍𑌯 𑌚 ।
𑌤𑍇𑌷𑌾𑌂 𑌤𑍍𑌵𑌪𑌰𑌜𑌨𑍍𑌮𑌾𑌨𑌿 𑌕𑌥𑌯𑌾𑌮𑌿 𑌮𑍁𑌨𑍀𑌶𑍍𑌵𑌰𑌾𑌃 ॥ 1𑍮॥

𑌶𑌤𑌾𑌨𑌂𑌦𑍋𑌮𑌹𑌾𑌪𑍍𑌰𑌾𑌜𑍍𑌞𑌃𑌸𑍁𑌦𑌾𑌮𑌾𑌬𑍍𑌰𑌾𑌹𑍍𑌮𑌣𑍋 𑌹𑍍𑌯𑌭𑍂𑌤𑍍 ।
𑌤𑌸𑍍𑌮𑌿𑌂𑌜𑌨𑍍𑌮𑌨𑌿 𑌶𑍍𑌰𑍀𑌕𑍃𑌷𑍍𑌣𑌂 𑌧𑍍𑌯𑌾𑌤𑍍𑌵𑌾 𑌮𑍋𑌕𑍍𑌷𑌮𑌵𑌾𑌪 𑌹 ॥ 1𑍯॥

𑌕𑌾𑌷𑍍𑌠𑌭𑌾𑌰𑌵𑌹𑍋 𑌭𑌿𑌲𑍍𑌲𑍋 𑌗𑍁𑌹𑌰𑌾𑌜𑍋 𑌬𑌭𑍂𑌵 𑌹 ।
𑌤𑌸𑍍𑌮𑌿𑌂𑌜𑌨𑍍𑌮𑌨𑌿 𑌶𑍍𑌰𑍀𑌰𑌾𑌮𑌂 𑌸𑍇𑌵𑍍𑌯 𑌮𑍋𑌕𑍍𑌷𑌂 𑌜𑌗𑌾𑌮 𑌵𑍈 ॥ 20॥

𑌉𑌲𑍍𑌕𑌾𑌮𑍁𑌖𑍋 𑌮𑌹𑌾𑌰𑌾𑌜𑍋 𑌨𑍃𑌪𑍋 𑌦𑌶𑌰𑌥𑍋𑌽𑌭𑌵𑌤𑍍 ।
𑌶𑍍𑌰𑍀𑌰𑌂𑌗𑌨𑌾𑌥𑌂 𑌸𑌂𑌪𑍂𑌜𑍍𑌯 𑌶𑍍𑌰𑍀𑌵𑍈𑌕𑍁𑌂𑌠𑌂 𑌤𑌦𑌾𑌗𑌮𑌤𑍍 ॥ 21॥ (𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑌸𑌂𑌪𑍍𑌰𑌾𑌪𑍍𑌯)

𑌰𑍍𑌧𑌾𑌮𑌿𑌕𑌃 𑌸𑌤𑍍𑌯𑌸𑌂𑌧𑌶𑍍𑌚 𑌸𑌾𑌧𑍁𑌰𑍍𑌮𑍋𑌰𑌧𑍍𑌵𑌜𑍋𑌽𑌭𑌵𑌤𑍍 । (𑌸𑌾𑌧𑍁𑌰𑍍𑌮𑍋𑌰𑌧𑍍𑌵𑌜𑍋𑌭𑌵𑌤𑍍)
𑌦𑍇𑌹𑌾𑌰𑍍𑌧𑌂 𑌕𑍍𑌰𑌕𑌚𑍈𑌶𑍍𑌛𑌿𑌤𑍍𑌤𑍍𑌵𑌾 𑌦𑌤𑍍𑌵𑌾 𑌮𑍋𑌕𑍍𑌷𑌮𑌵𑌾𑌪 𑌹 ॥ 22॥

𑌤𑍁𑌂𑌗𑌧𑍍𑌵𑌜𑍋 𑌮𑌹𑌾𑌰𑌾𑌜𑌃 𑌸𑍍𑌵𑌾𑌯𑌂𑌭𑍁𑌵𑍋𑌽𑌭𑌵𑌤𑍍 𑌕𑌿𑌲 । (𑌸𑍍𑌵𑌾𑌯𑌂𑌭𑍂𑌰𑌭𑌵𑌤𑍍)
𑌸𑌰𑍍𑌵𑌾𑌨𑍍 𑌭𑌾𑌗𑌵𑌤𑌾𑌨𑍍 𑌕𑍃𑌤𑍍𑌵𑌾 𑌶𑍍𑌰𑍀𑌵𑍈𑌕𑍁𑌂𑌠𑌂 𑌤𑌦𑌾𑌽𑌗𑌮𑌤𑍍 ॥ 23॥ (𑌕𑍃𑌤𑍍𑌤𑍍𑌵𑌾, 𑌤𑌦𑌾𑌗𑌮𑌤𑍍)

𑌭𑍂𑌤𑍍𑌵𑌾 𑌗𑍋𑌪𑌾𑌶𑍍𑌚 𑌤𑍇 𑌸𑌰𑍍𑌵𑍇 𑌵𑍍𑌰𑌜𑌮𑌂𑌡𑌲𑌵𑌾𑌸𑌿𑌨𑌃 ।
𑌨𑌿𑌹𑌤𑍍𑌯 𑌰𑌾𑌕𑍍𑌷𑌸𑌾𑌨𑍍 𑌸𑌰𑍍𑌵𑌾𑌨𑍍 𑌗𑍋𑌲𑍋𑌕𑌂 𑌤𑍁 𑌤𑌦𑌾 𑌯𑌯𑍁𑌃 ॥ 24॥

॥ 𑌇𑌤𑌿 𑌶𑍍𑌰𑍀𑌸𑍍𑌕𑌾𑌂𑌦𑌪𑍁𑌰𑌾𑌣𑍇 𑌰𑍇𑌵𑌾𑌖𑌂𑌡𑍇 𑌶𑍍𑌰𑍀𑌸𑌤𑍍𑌯𑌨𑌾𑌰𑌾𑌯𑌣 𑌵𑍍𑌰𑌤𑌕𑌥𑌾𑌯𑌾𑌂 𑌪𑌂𑌚𑌮𑍋𑌽𑌧𑍍𑌯𑌾𑌯𑌃 ॥ 5 ॥