Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌶𑍍𑌰𑍀 𑌰𑌾𑌮 𑌕𑌵𑌚𑌮𑍍

𑌅𑌗𑌸𑍍𑌤𑌿𑌰𑍁𑌵𑌾𑌚
𑌆𑌜𑌾𑌨𑍁𑌬𑌾𑌹𑍁𑌮𑌰𑌵𑌿𑌂𑌦𑌦𑌳𑌾𑌯𑌤𑌾𑌕𑍍𑌷-
-𑌮𑌾𑌜𑌨𑍍𑌮𑌶𑍁𑌦𑍍𑌧𑌰𑌸𑌹𑌾𑌸𑌮𑍁𑌖𑌪𑍍𑌰𑌸𑌾𑌦𑌮𑍍 ।
𑌶𑍍𑌯𑌾𑌮𑌂 𑌗𑍃𑌹𑍀𑌤 𑌶𑌰𑌚𑌾𑌪𑌮𑍁𑌦𑌾𑌰𑌰𑍂𑌪𑌂
𑌰𑌾𑌮𑌂 𑌸𑌰𑌾𑌮𑌮𑌭𑌿𑌰𑌾𑌮𑌮𑌨𑍁𑌸𑍍𑌮𑌰𑌾𑌮𑌿 ॥ 1 ॥

𑌅𑌸𑍍𑌯 𑌶𑍍𑌰𑍀𑌰𑌾𑌮𑌕𑌵𑌚𑌸𑍍𑌯 𑌅𑌗𑌸𑍍𑌤𑍍𑌯 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 𑌸𑍀𑌤𑌾𑌲𑌕𑍍𑌷𑍍𑌮𑌣𑍋𑌪𑍇𑌤𑌃 𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑍋 𑌦𑍇𑌵𑌤𑌾 𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌅𑌥 𑌧𑍍𑌯𑌾𑌨𑌂
𑌨𑍀𑌲𑌜𑍀𑌮𑍂𑌤𑌸𑌂𑌕𑌾𑌶𑌂 𑌵𑌿𑌦𑍍𑌯𑍁𑌦𑍍𑌵𑌰𑍍𑌣𑌾𑌂𑌬𑌰𑌾𑌵𑍃𑌤𑌮𑍍 ।
𑌕𑍋𑌮𑌲𑌾𑌂𑌗𑌂 𑌵𑌿𑌶𑌾𑌲𑌾𑌕𑍍𑌷𑌂 𑌯𑍁𑌵𑌾𑌨𑌮𑌤𑌿𑌸𑍁𑌂𑌦𑌰𑌮𑍍 ॥ 1 ॥

𑌸𑍀𑌤𑌾𑌸𑍌𑌮𑌿𑌤𑍍𑌰𑌿𑌸𑌹𑌿𑌤𑌂 𑌜𑌟𑌾𑌮𑍁𑌕𑍁𑌟𑌧𑌾𑌰𑌿𑌣𑌮𑍍 ।
𑌸𑌾𑌸𑌿𑌤𑍂𑌣𑌧𑌨𑍁𑌰𑍍𑌬𑌾𑌣𑌪𑌾𑌣𑌿𑌂 𑌦𑌾𑌨𑌵𑌮𑌰𑍍𑌦𑌨𑌮𑍍 ॥ 2 ॥

𑌯𑌦𑌾 𑌚𑍋𑌰𑌭𑌯𑍇 𑌰𑌾𑌜𑌭𑌯𑍇 𑌶𑌤𑍍𑌰𑍁𑌭𑌯𑍇 𑌤𑌥𑌾 ।
𑌧𑍍𑌯𑌾𑌤𑍍𑌵𑌾 𑌰𑌘𑍁𑌪𑌤𑌿𑌂 𑌕𑍍𑌰𑍁𑌦𑍍𑌧𑌂 𑌕𑌾𑌲𑌾𑌨𑌲𑌸𑌮𑌪𑍍𑌰𑌭𑌮𑍍 ॥ 3 ॥

𑌚𑍀𑌰𑌕𑍃𑌷𑍍𑌣𑌾𑌜𑌿𑌨𑌧𑌰𑌂 𑌭𑌸𑍍𑌮𑍋𑌦𑍍𑌧𑍂𑌳𑌿𑌤𑌵𑌿𑌗𑍍𑌰𑌹𑌮𑍍 ।
𑌆𑌕𑌰𑍍𑌣𑌾𑌕𑍃𑌷𑍍𑌟𑌵𑌿𑌶𑌿𑌖𑌕𑍋𑌦𑌂𑌡𑌭𑍁𑌜𑌮𑌂𑌡𑌿𑌤𑌮𑍍 ॥ 4 ॥

𑌰𑌣𑍇 𑌰𑌿𑌪𑍂𑌨𑍍 𑌰𑌾𑌵𑌣𑌾𑌦𑍀𑌂𑌸𑍍𑌤𑍀𑌕𑍍𑌷𑍍𑌣𑌮𑌾𑌰𑍍𑌗𑌣𑌵𑍃𑌷𑍍𑌟𑌿𑌭𑌿𑌃 ।
𑌸𑌂𑌹𑌰𑌂𑌤𑌂 𑌮𑌹𑌾𑌵𑍀𑌰𑌮𑍁𑌗𑍍𑌰𑌮𑍈𑌂𑌦𑍍𑌰𑌰𑌥𑌸𑍍𑌥𑌿𑌤𑌮𑍍 ॥ 5 ॥

𑌲𑌕𑍍𑌷𑍍𑌮𑌣𑌾𑌦𑍍𑌯𑍈𑌰𑍍𑌮𑌹𑌾𑌵𑍀𑌰𑍈𑌰𑍍𑌵𑍃𑌤𑌂 𑌹𑌨𑍁𑌮𑌦𑌾𑌦𑌿𑌭𑌿𑌃 ।
𑌸𑍁𑌗𑍍𑌰𑍀𑌵𑌾𑌦𑍍𑌯𑍈𑌰𑍍𑌮𑌾𑌹𑌾𑌵𑍀𑌰𑍈𑌃 𑌶𑍈𑌲𑌵𑍃𑌕𑍍𑌷𑌕𑌰𑍋𑌦𑍍𑌯𑌤𑍈𑌃 ॥ 6 ॥

𑌵𑍇𑌗𑌾𑌤𑍍𑌕𑌰𑌾𑌲𑌹𑍁𑌂𑌕𑌾𑌰𑍈𑌰𑍍𑌭𑍁𑌭𑍁𑌕𑍍𑌕𑌾𑌰𑌮𑌹𑌾𑌰𑌵𑍈𑌃 ।
𑌨𑌦𑌦𑍍𑌭𑌿𑌃 𑌪𑌰𑌿𑌵𑌾𑌦𑌦𑍍𑌭𑌿𑌃 𑌸𑌮𑌰𑍇 𑌰𑌾𑌵𑌣𑌂 𑌪𑍍𑌰𑌤𑌿 ॥ 𑍭 ॥

𑌶𑍍𑌰𑍀𑌰𑌾𑌮 𑌶𑌤𑍍𑌰𑍁𑌸𑌂𑌘𑌾𑌨𑍍𑌮𑍇 𑌹𑌨 𑌮𑌰𑍍𑌦𑌯 𑌖𑌾𑌦𑌯 ।
𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑌾𑌦𑍀𑌨𑍍 𑌶𑍍𑌰𑍀𑌰𑌾𑌮𑌾𑌶𑍁 𑌵𑌿𑌨𑌾𑌶𑌯 ॥ 𑍮 ॥

𑌏𑌵𑌂 𑌧𑍍𑌯𑌾𑌤𑍍𑌵𑌾 𑌜𑌪𑍇𑌦𑍍𑌰𑌾𑌮𑌕𑌵𑌚𑌂 𑌸𑌿𑌦𑍍𑌧𑌿𑌦𑌾𑌯𑌕𑌮𑍍 ।
𑌸𑍁𑌤𑍀𑌕𑍍𑌷𑍍𑌣 𑌵𑌜𑍍𑌰𑌕𑌵𑌚𑌂 𑌶𑍃𑌣𑍁 𑌵𑌕𑍍𑌷𑍍𑌯𑌾𑌮𑍍𑌯𑌨𑍁𑌤𑍍𑌤𑌮𑌮𑍍 ॥ 𑍯 ॥

𑌅𑌥 𑌕𑌵𑌚𑌮𑍍
𑌶𑍍𑌰𑍀𑌰𑌾𑌮𑌃 𑌪𑌾𑌤𑍁 𑌮𑍇 𑌮𑍂𑌰𑍍𑌧𑍍𑌨𑌿 𑌪𑍂𑌰𑍍𑌵𑍇 𑌚 𑌰𑌘𑍁𑌵𑌂𑌶𑌜𑌃 ।
𑌦𑌕𑍍𑌷𑌿𑌣𑍇 𑌮𑍇 𑌰𑌘𑍁𑌵𑌰𑌃 𑌪𑌶𑍍𑌚𑌿𑌮𑍇 𑌪𑌾𑌤𑍁 𑌪𑌾𑌵𑌨𑌃 ॥ 10 ॥

𑌉𑌤𑍍𑌤𑌰𑍇 𑌮𑍇 𑌰𑌘𑍁𑌪𑌤𑌿𑌰𑍍𑌭𑌾𑌲𑌂 𑌦𑌶𑌰𑌥𑌾𑌤𑍍𑌮𑌜𑌃 ।
𑌭𑍍𑌰𑍁𑌵𑍋𑌰𑍍𑌦𑍂𑌰𑍍𑌵𑌾𑌦𑌲𑌶𑍍𑌯𑌾𑌮𑌸𑍍𑌤𑌯𑍋𑌰𑍍𑌮𑌧𑍍𑌯𑍇 𑌜𑌨𑌾𑌰𑍍𑌦𑌨𑌃 ॥ 11 ॥

𑌶𑍍𑌰𑍋𑌤𑍍𑌰𑌂 𑌮𑍇 𑌪𑌾𑌤𑍁 𑌰𑌾𑌜𑍇𑌂𑌦𑍍𑌰𑍋 𑌦𑍃𑌶𑍌 𑌰𑌾𑌜𑍀𑌵𑌲𑍋𑌚𑌨𑌃 ।
𑌘𑍍𑌰𑌾𑌣𑌂 𑌮𑍇 𑌪𑌾𑌤𑍁 𑌰𑌾𑌜𑌰𑍍𑌷𑌿𑌰𑍍𑌗𑌂𑌡𑍌 𑌮𑍇 𑌜𑌾𑌨𑌕𑍀𑌪𑌤𑌿𑌃 ॥ 12 ॥

𑌕𑌰𑍍𑌣𑌮𑍂𑌲𑍇 𑌖𑌰𑌧𑍍𑌵𑌂𑌸𑍀 𑌭𑌾𑌲𑌂 𑌮𑍇 𑌰𑌘𑍁𑌵𑌲𑍍𑌲𑌭𑌃 ।
𑌜𑌿𑌹𑍍𑌵𑌾𑌂 𑌮𑍇 𑌵𑌾𑌕𑍍𑌪𑌤𑌿𑌃 𑌪𑌾𑌤𑍁 𑌦𑌂𑌤𑌪𑌂𑌕𑍍𑌤𑍀 𑌰𑌘𑍂𑌤𑍍𑌤𑌮𑌃 ॥ 13 ॥

𑌓𑌷𑍍𑌠𑍌 𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑍋 𑌮𑍇 𑌮𑍁𑌖𑌂 𑌪𑌾𑌤𑍁 𑌪𑌰𑌾𑌤𑍍𑌪𑌰𑌃 ।
𑌕𑌂𑌠𑌂 𑌪𑌾𑌤𑍁 𑌜𑌗𑌦𑍍𑌵𑌂𑌦𑍍𑌯𑌃 𑌸𑍍𑌕𑌂𑌧𑍌 𑌮𑍇 𑌰𑌾𑌵𑌣𑌾𑌂𑌤𑌕𑌃 ॥ 14 ॥

𑌧𑌨𑍁𑌰𑍍𑌬𑌾𑌣𑌧𑌰𑌃 𑌪𑌾𑌤𑍁 𑌭𑍁𑌜𑍌 𑌮𑍇 𑌵𑌾𑌲𑌿𑌮𑌰𑍍𑌦𑌨𑌃 ।
𑌸𑌰𑍍𑌵𑌾𑌣𑍍𑌯𑌂𑌗𑍁𑌲𑌿𑌪𑌰𑍍𑌵𑌾𑌣𑌿 𑌹𑌸𑍍𑌤𑍌 𑌮𑍇 𑌰𑌾𑌕𑍍𑌷𑌸𑌾𑌂𑌤𑌕𑌃 ॥ 15 ॥

𑌵𑌕𑍍𑌷𑍋 𑌮𑍇 𑌪𑌾𑌤𑍁 𑌕𑌾𑌕𑍁𑌤𑍍𑌸𑍍𑌥𑌃 𑌪𑌾𑌤𑍁 𑌮𑍇 𑌹𑍃𑌦𑌯𑌂 𑌹𑌰𑌿𑌃 ।
𑌸𑍍𑌤𑌨𑍌 𑌸𑍀𑌤𑌾𑌪𑌤𑌿𑌃 𑌪𑌾𑌤𑍁 𑌪𑌾𑌰𑍍𑌶𑍍𑌵𑌂 𑌮𑍇 𑌜𑌗𑌦𑍀𑌶𑍍𑌵𑌰𑌃 ॥ 16 ॥

𑌮𑌧𑍍𑌯𑌂 𑌮𑍇 𑌪𑌾𑌤𑍁 𑌲𑌕𑍍𑌷𑍍𑌮𑍀𑌶𑍋 𑌨𑌾𑌭𑌿𑌂 𑌮𑍇 𑌰𑌘𑍁𑌨𑌾𑌯𑌕𑌃 ।
𑌕𑍌𑌸𑌲𑍍𑌯𑍇𑌯𑌃 𑌕𑌟𑍀 𑌪𑌾𑌤𑍁 𑌪𑍃𑌷𑍍𑌠𑌂 𑌦𑍁𑌰𑍍𑌗𑌤𑌿𑌨𑌾𑌶𑌨𑌃 ॥ 1𑍭 ॥

𑌗𑍁𑌹𑍍𑌯𑌂 𑌪𑌾𑌤𑍁 𑌹𑍃𑌷𑍀𑌕𑍇𑌶𑌃 𑌸𑌕𑍍𑌥𑌿𑌨𑍀 𑌸𑌤𑍍𑌯𑌵𑌿𑌕𑍍𑌰𑌮𑌃 ।
𑌊𑌰𑍂 𑌶𑌾𑌰𑍍𑌙𑍍𑌗𑌧𑌰𑌃 𑌪𑌾𑌤𑍁 𑌜𑌾𑌨𑍁𑌨𑍀 𑌹𑌨𑍁𑌮𑌤𑍍𑌪𑍍𑌰𑌿𑌯𑌃 ॥ 1𑍮 ॥

𑌜𑌂𑌘𑍇 𑌪𑌾𑌤𑍁 𑌜𑌗𑌦𑍍𑌵𑍍𑌯𑌾𑌪𑍀 𑌪𑌾𑌦𑍌 𑌮𑍇 𑌤𑌾𑌟𑌕𑌾𑌂𑌤𑌕𑌃 ।
𑌸𑌰𑍍𑌵𑌾𑌂𑌗𑌂 𑌪𑌾𑌤𑍁 𑌮𑍇 𑌵𑌿𑌷𑍍𑌣𑍁𑌃 𑌸𑌰𑍍𑌵𑌸𑌂𑌧𑍀𑌨𑌨𑌾𑌮𑌯𑌃 ॥ 1𑍯 ॥

𑌜𑍍𑌞𑌾𑌨𑍇𑌂𑌦𑍍𑌰𑌿𑌯𑌾𑌣𑌿 𑌪𑍍𑌰𑌾𑌣𑌾𑌦𑍀𑌨𑍍 𑌪𑌾𑌤𑍁 𑌮𑍇 𑌮𑌧𑍁𑌸𑍂𑌦𑌨𑌃 ।
𑌪𑌾𑌤𑍁 𑌶𑍍𑌰𑍀𑌰𑌾𑌮𑌭𑌦𑍍𑌰𑍋 𑌮𑍇 𑌶𑌬𑍍𑌦𑌾𑌦𑍀𑌨𑍍𑌵𑌿𑌷𑌯𑌾𑌨𑌪𑌿 ॥ 20 ॥

𑌦𑍍𑌵𑌿𑌪𑌦𑌾𑌦𑍀𑌨𑌿 𑌭𑍂𑌤𑌾𑌨𑌿 𑌮𑌤𑍍𑌸𑌂𑌬𑌂𑌧𑍀𑌨𑌿 𑌯𑌾𑌨𑌿 𑌚 ।
𑌜𑌾𑌮𑌦𑌗𑍍𑌨𑍍𑌯𑌮𑌹𑌾𑌦𑌰𑍍𑌪𑌦𑌲𑌨𑌃 𑌪𑌾𑌤𑍁 𑌤𑌾𑌨𑌿 𑌮𑍇 ॥ 21 ॥

𑌸𑍌𑌮𑌿𑌤𑍍𑌰𑌿𑌪𑍂𑌰𑍍𑌵𑌜𑌃 𑌪𑌾𑌤𑍁 𑌵𑌾𑌗𑌾𑌦𑍀𑌨𑍀𑌂𑌦𑍍𑌰𑌿𑌯𑌾𑌣𑌿 𑌚 ।
𑌰𑍋𑌮𑌾𑌂𑌕𑍁𑌰𑌾𑌣𑍍𑌯𑌶𑍇𑌷𑌾𑌣𑌿 𑌪𑌾𑌤𑍁 𑌸𑍁𑌗𑍍𑌰𑍀𑌵𑌰𑌾𑌜𑍍𑌯𑌦𑌃 ॥ 22 ॥

𑌵𑌾𑌙𑍍𑌮𑌨𑍋𑌬𑍁𑌦𑍍𑌧𑍍𑌯𑌹𑌂𑌕𑌾𑌰𑍈𑌰𑍍𑌜𑍍𑌞𑌾𑌨𑌾𑌜𑍍𑌞𑌾𑌨𑌕𑍃𑌤𑌾𑌨𑌿 𑌚 ।
𑌜𑌨𑍍𑌮𑌾𑌂𑌤𑌰𑌕𑍃𑌤𑌾𑌨𑍀𑌹 𑌪𑌾𑌪𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ॥ 23 ॥

𑌤𑌾𑌨𑌿 𑌸𑌰𑍍𑌵𑌾𑌣𑌿 𑌦𑌗𑍍𑌧𑍍𑌵𑌾𑌶𑍁 𑌹𑌰𑌕𑍋𑌦𑌂𑌡𑌖𑌂𑌡𑌨𑌃 ।
𑌪𑌾𑌤𑍁 𑌮𑌾𑌂 𑌸𑌰𑍍𑌵𑌤𑍋 𑌰𑌾𑌮𑌃 𑌶𑌾𑌰𑍍𑌙𑍍𑌗𑌬𑌾𑌣𑌧𑌰𑌃 𑌸𑌦𑌾 ॥ 24 ॥

𑌇𑌤𑌿 𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑌸𑍍𑌯 𑌕𑌵𑌚𑌂 𑌵𑌜𑍍𑌰𑌸𑌮𑍍𑌮𑌿𑌤𑌮𑍍 ।
𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌮𑌂 𑌦𑌿𑌵𑍍𑌯𑌂 𑌸𑍁𑌤𑍀𑌕𑍍𑌷𑍍𑌣 𑌮𑍁𑌨𑌿𑌸𑌤𑍍𑌤𑌮 ॥ 25 ॥

𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌦𑍍𑌵𑌾𑌪𑌿 𑌶𑍍𑌰𑌾𑌵𑌯𑍇𑌦𑍍𑌵𑌾 𑌸𑌮𑌾𑌹𑌿𑌤𑌃 ।
𑌸 𑌯𑌾𑌤𑌿 𑌪𑌰𑌮𑌂 𑌸𑍍𑌥𑌾𑌨𑌂 𑌰𑌾𑌮𑌚𑌂𑌦𑍍𑌰𑌪𑍍𑌰𑌸𑌾𑌦𑌤𑌃 ॥ 26 ॥

𑌮𑌹𑌾𑌪𑌾𑌤𑌕𑌯𑍁𑌕𑍍𑌤𑍋 𑌵𑌾 𑌗𑍋𑌘𑍍𑌨𑍋 𑌵𑌾 𑌭𑍍𑌰𑍂𑌣𑌹𑌾 𑌤𑌥𑌾 ।
𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑌕𑌵𑌚𑌪𑌠𑌨𑌾𑌚𑍍𑌛𑍁𑌦𑍍𑌧𑌿𑌮𑌾𑌪𑍍𑌨𑍁𑌯𑌾𑌤𑍍 ॥ 2𑍭 ॥

𑌬𑍍𑌰𑌹𑍍𑌮𑌹𑌤𑍍𑌯𑌾𑌦𑌿𑌭𑌿𑌃 𑌪𑌾𑌪𑍈𑌰𑍍𑌮𑍁𑌚𑍍𑌯𑌤𑍇 𑌨𑌾𑌤𑍍𑌰 𑌸𑌂𑌶𑌯𑌃 ।
𑌭𑍋 𑌸𑍁𑌤𑍀𑌕𑍍𑌷𑍍𑌣 𑌯𑌥𑌾 𑌪𑍃𑌷𑍍𑌟𑌂 𑌤𑍍𑌵𑌯𑌾 𑌮𑌮 𑌪𑍁𑌰𑌾𑌃 𑌶𑍁𑌭𑌮𑍍 ।
𑌤𑌥𑌾 𑌶𑍍𑌰𑍀𑌰𑌾𑌮𑌕𑌵𑌚𑌂 𑌮𑌯𑌾 𑌤𑍇 𑌵𑌿𑌨𑌿𑌵𑍇𑌦𑌿𑌤𑌮𑍍 ॥ 2𑍮 ॥

𑌇𑌤𑌿 𑌶𑍍𑌰𑍀𑌮𑌦𑌾𑌨𑌂𑌦𑌰𑌾𑌮𑌾𑌯𑌣𑍇 𑌮𑌨𑍋𑌹𑌰𑌕𑌾𑌂𑌡𑍇 𑌸𑍁𑌤𑍀𑌕𑍍𑌷𑍍𑌣𑌾𑌗𑌸𑍍𑌤𑍍𑌯𑌸𑌂𑌵𑌾𑌦𑍇 𑌶𑍍𑌰𑍀𑌰𑌾𑌮𑌕𑌵𑌚𑌮𑍍 ॥


Browse Related Categories: