Narayaniyam Dashaka 56 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 56 - 𑌕𑌾𑌲𑌿𑌯𑌗𑌰𑍍𑌵𑌶𑌮𑌨𑌂 𑌤𑌥𑌾 𑌭𑌗𑌵𑌦𑌨𑍁𑌗𑍍𑌰𑌹𑌮𑍍

𑌰𑍁𑌚𑌿𑌰𑌕𑌂𑌪𑌿𑌤𑌕𑍁𑌂𑌡𑌲𑌮𑌂𑌡𑌲𑌃 𑌸𑍁𑌚𑌿𑌰𑌮𑍀𑌶 𑌨𑌨𑌰𑍍𑌤𑌿𑌥 𑌪𑌨𑍍𑌨𑌗𑍇 ।
𑌅𑌮𑌰𑌤𑌾𑌡𑌿𑌤𑌦𑍁𑌂𑌦𑍁𑌭𑌿𑌸𑍁𑌂𑌦𑌰𑌂 𑌵𑌿𑌯𑌤𑌿 𑌗𑌾𑌯𑌤𑌿 𑌦𑍈𑌵𑌤𑌯𑍌𑌵𑌤𑍇 ॥1॥

𑌨𑌮𑌤𑌿 𑌯𑌦𑍍𑌯𑌦𑌮𑍁𑌷𑍍𑌯 𑌶𑌿𑌰𑍋 𑌹𑌰𑍇 𑌪𑌰𑌿𑌵𑌿𑌹𑌾𑌯 𑌤𑌦𑍁𑌨𑍍𑌨𑌤𑌮𑍁𑌨𑍍𑌨𑌤𑌮𑍍 ।
𑌪𑌰𑌿𑌮𑌥𑌨𑍍 𑌪𑌦𑌪𑌂𑌕𑌰𑍁𑌹𑌾 𑌚𑌿𑌰𑌂 𑌵𑍍𑌯𑌹𑌰𑌥𑌾𑌃 𑌕𑌰𑌤𑌾𑌲𑌮𑌨𑍋𑌹𑌰𑌮𑍍 ॥2॥

𑌤𑍍𑌵𑌦𑌵𑌭𑌗𑍍𑌨𑌵𑌿𑌭𑍁𑌗𑍍𑌨𑌫𑌣𑌾𑌗𑌣𑍇 𑌗𑌲𑌿𑌤𑌶𑍋𑌣𑌿𑌤𑌶𑍋𑌣𑌿𑌤𑌪𑌾𑌥𑌸𑌿 ।
𑌫𑌣𑌿𑌪𑌤𑌾𑌵𑌵𑌸𑍀𑌦𑌤𑌿 𑌸𑌨𑍍𑌨𑌤𑌾𑌸𑍍𑌤𑌦𑌬𑌲𑌾𑌸𑍍𑌤𑌵 𑌮𑌾𑌧𑌵 𑌪𑌾𑌦𑌯𑍋𑌃 ॥3॥

𑌅𑌯𑌿 𑌪𑍁𑌰𑍈𑌵 𑌚𑌿𑌰𑌾𑌯 𑌪𑌰𑌿𑌶𑍍𑌰𑍁𑌤𑌤𑍍𑌵𑌦𑌨𑍁𑌭𑌾𑌵𑌵𑌿𑌲𑍀𑌨𑌹𑍃𑌦𑍋 𑌹𑌿 𑌤𑌾𑌃 ।
𑌮𑍁𑌨𑌿𑌭𑌿𑌰𑌪𑍍𑌯𑌨𑌵𑌾𑌪𑍍𑌯𑌪𑌥𑍈𑌃 𑌸𑍍𑌤𑌵𑍈𑌰𑍍𑌨𑍁𑌨𑍁𑌵𑍁𑌰𑍀𑌶 𑌭𑌵𑌂𑌤𑌮𑌯𑌂𑌤𑍍𑌰𑌿𑌤𑌮𑍍 ॥4॥

𑌫𑌣𑌿𑌵𑌧𑍂𑌗𑌣𑌭𑌕𑍍𑌤𑌿𑌵𑌿𑌲𑍋𑌕𑌨𑌪𑍍𑌰𑌵𑌿𑌕𑌸𑌤𑍍𑌕𑌰𑍁𑌣𑌾𑌕𑍁𑌲𑌚𑍇𑌤𑌸𑌾 ।
𑌫𑌣𑌿𑌪𑌤𑌿𑌰𑍍𑌭𑌵𑌤𑌾𑌽𑌚𑍍𑌯𑍁𑌤 𑌜𑍀𑌵𑌿𑌤𑌸𑍍𑌤𑍍𑌵𑌯𑌿 𑌸𑌮𑌰𑍍𑌪𑌿𑌤𑌮𑍂𑌰𑍍𑌤𑌿𑌰𑌵𑌾𑌨𑌮𑌤𑍍 ॥5॥

𑌰𑌮𑌣𑌕𑌂 𑌵𑍍𑌰𑌜 𑌵𑌾𑌰𑌿𑌧𑌿𑌮𑌧𑍍𑌯𑌗𑌂 𑌫𑌣𑌿𑌰𑌿𑌪𑍁𑌰𑍍𑌨 𑌕𑌰𑍋𑌤𑌿 𑌵𑌿𑌰𑍋𑌧𑌿𑌤𑌾𑌮𑍍 ।
𑌇𑌤𑌿 𑌭𑌵𑌦𑍍𑌵𑌚𑌨𑌾𑌨𑍍𑌯𑌤𑌿𑌮𑌾𑌨𑌯𑌨𑍍 𑌫𑌣𑌿𑌪𑌤𑌿𑌰𑍍𑌨𑌿𑌰𑌗𑌾𑌦𑍁𑌰𑌗𑍈𑌃 𑌸𑌮𑌮𑍍 ॥6॥

𑌫𑌣𑌿𑌵𑌧𑍂𑌜𑌨𑌦𑌤𑍍𑌤𑌮𑌣𑌿𑌵𑍍𑌰𑌜𑌜𑍍𑌵𑌲𑌿𑌤𑌹𑌾𑌰𑌦𑍁𑌕𑍂𑌲𑌵𑌿𑌭𑍂𑌷𑌿𑌤𑌃 ।
𑌤𑌟𑌗𑌤𑍈𑌃 𑌪𑍍𑌰𑌮𑌦𑌾𑌶𑍍𑌰𑍁𑌵𑌿𑌮𑌿𑌶𑍍𑌰𑌿𑌤𑍈𑌃 𑌸𑌮𑌗𑌥𑌾𑌃 𑌸𑍍𑌵𑌜𑌨𑍈𑌰𑍍𑌦𑌿𑌵𑌸𑌾𑌵𑌧𑍌 ॥𑍭॥

𑌨𑌿𑌶𑌿 𑌪𑍁𑌨𑌸𑍍𑌤𑌮𑌸𑌾 𑌵𑍍𑌰𑌜𑌮𑌂𑌦𑌿𑌰𑌂 𑌵𑍍𑌰𑌜𑌿𑌤𑍁𑌮𑌕𑍍𑌷𑌮 𑌏𑌵 𑌜𑌨𑍋𑌤𑍍𑌕𑌰𑍇 ।
𑌸𑍍𑌵𑌪𑌤𑌿 𑌤𑌤𑍍𑌰 𑌭𑌵𑌚𑍍𑌚𑌰𑌣𑌾𑌶𑍍𑌰𑌯𑍇 𑌦𑌵𑌕𑍃𑌶𑌾𑌨𑍁𑌰𑌰𑍁𑌂𑌧 𑌸𑌮𑌂𑌤𑌤𑌃 ॥𑍮॥

𑌪𑍍𑌰𑌬𑍁𑌧𑌿𑌤𑌾𑌨𑌥 𑌪𑌾𑌲𑌯 𑌪𑌾𑌲𑌯𑍇𑌤𑍍𑌯𑍁𑌦𑌯𑌦𑌾𑌰𑍍𑌤𑌰𑌵𑌾𑌨𑍍 𑌪𑌶𑍁𑌪𑌾𑌲𑌕𑌾𑌨𑍍 ।
𑌅𑌵𑌿𑌤𑍁𑌮𑌾𑌶𑍁 𑌪𑌪𑌾𑌥 𑌮𑌹𑌾𑌨𑌲𑌂 𑌕𑌿𑌮𑌿𑌹 𑌚𑌿𑌤𑍍𑌰𑌮𑌯𑌂 𑌖𑌲𑍁 𑌤𑍇 𑌮𑍁𑌖𑌮𑍍 ॥𑍯॥

𑌶𑌿𑌖𑌿𑌨𑌿 𑌵𑌰𑍍𑌣𑌤 𑌏𑌵 𑌹𑌿 𑌪𑍀𑌤𑌤𑌾 𑌪𑌰𑌿𑌲𑌸𑌤𑍍𑌯𑌧𑍁𑌨𑌾 𑌕𑍍𑌰𑌿𑌯𑌯𑌾𑌽𑌪𑍍𑌯𑌸𑍌 ।
𑌇𑌤𑌿 𑌨𑍁𑌤𑌃 𑌪𑌶𑍁𑌪𑍈𑌰𑍍𑌮𑍁𑌦𑌿𑌤𑍈𑌰𑍍𑌵𑌿𑌭𑍋 𑌹𑌰 𑌹𑌰𑍇 𑌦𑍁𑌰𑌿𑌤𑍈𑌃𑌸𑌹 𑌮𑍇 𑌗𑌦𑌾𑌨𑍍 ॥10॥

Browse Related Categories: