Narayaniyam Dashaka 26 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 26 - 𑌗𑌜𑍇𑌂𑌦𑍍𑌰𑌮𑍋𑌕𑍍𑌷𑌮𑍍

𑌇𑌂𑌦𑍍𑌰𑌦𑍍𑌯𑍁𑌮𑍍𑌨𑌃 𑌪𑌾𑌂𑌡𑍍𑌯𑌖𑌂𑌡𑌾𑌧𑌿𑌰𑌾𑌜-
𑌸𑍍𑌤𑍍𑌵𑌦𑍍𑌭𑌕𑍍𑌤𑌾𑌤𑍍𑌮𑌾 𑌚𑌂𑌦𑌨𑌾𑌦𑍍𑌰𑍌 𑌕𑌦𑌾𑌚𑌿𑌤𑍍 ।
𑌤𑍍𑌵𑌤𑍍 𑌸𑍇𑌵𑌾𑌯𑌾𑌂 𑌮𑌗𑍍𑌨𑌧𑍀𑌰𑌾𑌲𑍁𑌲𑍋𑌕𑍇
𑌨𑍈𑌵𑌾𑌗𑌸𑍍𑌤𑍍𑌯𑌂 𑌪𑍍𑌰𑌾𑌪𑍍𑌤𑌮𑌾𑌤𑌿𑌥𑍍𑌯𑌕𑌾𑌮𑌮𑍍 ॥1॥

𑌕𑍁𑌂𑌭𑍋𑌦𑍍𑌭𑍂𑌤𑌿𑌃 𑌸𑌂𑌭𑍃𑌤𑌕𑍍𑌰𑍋𑌧𑌭𑌾𑌰𑌃
𑌸𑍍𑌤𑌬𑍍𑌧𑌾𑌤𑍍𑌮𑌾 𑌤𑍍𑌵𑌂 𑌹𑌸𑍍𑌤𑌿𑌭𑍂𑌯𑌂 𑌭𑌜𑍇𑌤𑌿 ।
𑌶𑌪𑍍𑌤𑍍𑌵𑌾𑌽𑌥𑍈𑌨𑌂 𑌪𑍍𑌰𑌤𑍍𑌯𑌗𑌾𑌤𑍍 𑌸𑍋𑌽𑌪𑌿 𑌲𑍇𑌭𑍇
𑌹𑌸𑍍𑌤𑍀𑌂𑌦𑍍𑌰𑌤𑍍𑌵𑌂 𑌤𑍍𑌵𑌤𑍍𑌸𑍍𑌮𑍃𑌤𑌿𑌵𑍍𑌯𑌕𑍍𑌤𑌿𑌧𑌨𑍍𑌯𑌮𑍍 ॥2॥

𑌦𑌗𑍍𑌧𑌾𑌂𑌭𑍋𑌧𑍇𑌰𑍍𑌮𑌧𑍍𑌯𑌭𑌾𑌜𑌿 𑌤𑍍𑌰𑌿𑌕𑍂𑌟𑍇
𑌕𑍍𑌰𑍀𑌡𑌂𑌛𑍈𑌲𑍇 𑌯𑍂𑌥𑌪𑍋𑌽𑌯𑌂 𑌵𑌶𑌾𑌭𑌿𑌃 ।
𑌸𑌰𑍍𑌵𑌾𑌨𑍍 𑌜𑌂𑌤𑍂𑌨𑌤𑍍𑌯𑌵𑌰𑍍𑌤𑌿𑌷𑍍𑌟 𑌶𑌕𑍍𑌤𑍍𑌯𑌾
𑌤𑍍𑌵𑌦𑍍𑌭𑌕𑍍𑌤𑌾𑌨𑌾𑌂 𑌕𑍁𑌤𑍍𑌰 𑌨𑍋𑌤𑍍𑌕𑌰𑍍𑌷𑌲𑌾𑌭𑌃 ॥3॥

𑌸𑍍𑌵𑍇𑌨 𑌸𑍍𑌥𑍇𑌮𑍍𑌨𑌾 𑌦𑌿𑌵𑍍𑌯𑌦𑍇𑌶𑌤𑍍𑌵𑌶𑌕𑍍𑌤𑍍𑌯𑌾
𑌸𑍋𑌽𑌯𑌂 𑌖𑍇𑌦𑌾𑌨𑌪𑍍𑌰𑌜𑌾𑌨𑌨𑍍 𑌕𑌦𑌾𑌚𑌿𑌤𑍍 ।
𑌶𑍈𑌲𑌪𑍍𑌰𑌾𑌂𑌤𑍇 𑌘𑌰𑍍𑌮𑌤𑌾𑌂𑌤𑌃 𑌸𑌰𑌸𑍍𑌯𑌾𑌂
𑌯𑍂𑌥𑍈𑌸𑍍𑌸𑌾𑌰𑍍𑌧𑌂 𑌤𑍍𑌵𑌤𑍍𑌪𑍍𑌰𑌣𑍁𑌨𑍍𑌨𑍋𑌽𑌭𑌿𑌰𑍇𑌮𑍇 ॥4॥

𑌹𑍂𑌹𑍂𑌸𑍍𑌤𑌾𑌵𑌦𑍍𑌦𑍇𑌵𑌲𑌸𑍍𑌯𑌾𑌪𑌿 𑌶𑌾𑌪𑌾𑌤𑍍
𑌗𑍍𑌰𑌾𑌹𑍀𑌭𑍂𑌤𑌸𑍍𑌤𑌜𑍍𑌜𑌲𑍇 𑌬𑌰𑍍𑌤𑌮𑌾𑌨𑌃 ।
𑌜𑌗𑍍𑌰𑌾𑌹𑍈𑌨𑌂 𑌹𑌸𑍍𑌤𑌿𑌨𑌂 𑌪𑌾𑌦𑌦𑍇𑌶𑍇
𑌶𑌾𑌂𑌤𑍍𑌯𑌰𑍍𑌥𑌂 𑌹𑌿 𑌶𑍍𑌰𑌾𑌂𑌤𑌿𑌦𑍋𑌽𑌸𑌿 𑌸𑍍𑌵𑌕𑌾𑌨𑌾𑌮𑍍 ॥5॥

𑌤𑍍𑌵𑌤𑍍𑌸𑍇𑌵𑌾𑌯𑌾 𑌵𑍈𑌭𑌵𑌾𑌤𑍍 𑌦𑍁𑌰𑍍𑌨𑌿𑌰𑍋𑌧𑌂
𑌯𑍁𑌧𑍍𑌯𑌂𑌤𑌂 𑌤𑌂 𑌵𑌤𑍍𑌸𑌰𑌾𑌣𑌾𑌂 𑌸𑌹𑌸𑍍𑌰𑌮𑍍 ।
𑌪𑍍𑌰𑌾𑌪𑍍𑌤𑍇 𑌕𑌾𑌲𑍇 𑌤𑍍𑌵𑌤𑍍𑌪𑌦𑍈𑌕𑌾𑌗𑍍𑌰𑍍𑌯𑌸𑌿𑌧𑍍𑌯𑍈
𑌨𑌕𑍍𑌰𑌾𑌕𑍍𑌰𑌾𑌂𑌤𑌂 𑌹𑌸𑍍𑌤𑌿𑌵𑌰𑍍𑌯𑌂 𑌵𑍍𑌯𑌧𑌾𑌸𑍍𑌤𑍍𑌵𑌮𑍍 ॥6॥

𑌆𑌰𑍍𑌤𑌿𑌵𑍍𑌯𑌕𑍍𑌤𑌪𑍍𑌰𑌾𑌕𑍍𑌤𑌨𑌜𑍍𑌞𑌾𑌨𑌭𑌕𑍍𑌤𑌿𑌃
𑌶𑍁𑌂𑌡𑍋𑌤𑍍𑌕𑍍𑌷𑌿𑌪𑍍𑌤𑍈𑌃 𑌪𑍁𑌂𑌡𑌰𑍀𑌕𑍈𑌃 𑌸𑌮𑌰𑍍𑌚𑌨𑍍 ।
𑌪𑍂𑌰𑍍𑌵𑌾𑌭𑍍𑌯𑌸𑍍𑌤𑌂 𑌨𑌿𑌰𑍍𑌵𑌿𑌶𑍇𑌷𑌾𑌤𑍍𑌮𑌨𑌿𑌷𑍍𑌠𑌂
𑌸𑍍𑌤𑍋𑌤𑍍𑌰𑌂 𑌶𑍍𑌰𑍇𑌷𑍍𑌠𑌂 𑌸𑍋𑌽𑌨𑍍𑌵𑌗𑌾𑌦𑍀𑌤𑍍 𑌪𑌰𑌾𑌤𑍍𑌮𑌨𑍍 ॥𑍭॥

𑌶𑍍𑌰𑍁𑌤𑍍𑌵𑌾 𑌸𑍍𑌤𑍋𑌤𑍍𑌰𑌂 𑌨𑌿𑌰𑍍𑌗𑍁𑌣𑌸𑍍𑌥𑌂 𑌸𑌮𑌸𑍍𑌤𑌂
𑌬𑍍𑌰𑌹𑍍𑌮𑍇𑌶𑌾𑌦𑍍𑌯𑍈𑌰𑍍𑌨𑌾𑌹𑌮𑌿𑌤𑍍𑌯𑌪𑍍𑌰𑌯𑌾𑌤𑍇 ।
𑌸𑌰𑍍𑌵𑌾𑌤𑍍𑌮𑌾 𑌤𑍍𑌵𑌂 𑌭𑍂𑌰𑌿𑌕𑌾𑌰𑍁𑌣𑍍𑌯𑌵𑍇𑌗𑌾𑌤𑍍
𑌤𑌾𑌰𑍍𑌕𑍍𑌷𑍍𑌯𑌾𑌰𑍂𑌢𑌃 𑌪𑍍𑌰𑍇𑌕𑍍𑌷𑌿𑌤𑍋𑌽𑌭𑍂𑌃 𑌪𑍁𑌰𑌸𑍍𑌤𑌾𑌤𑍍 ॥𑍮॥

𑌹𑌸𑍍𑌤𑍀𑌂𑌦𑍍𑌰𑌂 𑌤𑌂 𑌹𑌸𑍍𑌤𑌪𑌦𑍍𑌮𑍇𑌨 𑌧𑍃𑌤𑍍𑌵𑌾
𑌚𑌕𑍍𑌰𑍇𑌣 𑌤𑍍𑌵𑌂 𑌨𑌕𑍍𑌰𑌵𑌰𑍍𑌯𑌂 𑌵𑍍𑌯𑌦𑌾𑌰𑍀𑌃 ।
𑌗𑌂𑌧𑌰𑍍𑌵𑍇𑌽𑌸𑍍𑌮𑌿𑌨𑍍 𑌮𑍁𑌕𑍍𑌤𑌶𑌾𑌪𑍇 𑌸 𑌹𑌸𑍍𑌤𑍀
𑌤𑍍𑌵𑌤𑍍𑌸𑌾𑌰𑍂𑌪𑍍𑌯𑌂 𑌪𑍍𑌰𑌾𑌪𑍍𑌯 𑌦𑍇𑌦𑍀𑌪𑍍𑌯𑌤𑍇 𑌸𑍍𑌮 ॥𑍯॥

𑌏𑌤𑌦𑍍𑌵𑍃𑌤𑍍𑌤𑌂 𑌤𑍍𑌵𑌾𑌂 𑌚 𑌮𑌾𑌂 𑌚 𑌪𑍍𑌰𑌗𑍇 𑌯𑍋
𑌗𑌾𑌯𑍇𑌤𑍍𑌸𑍋𑌽𑌯𑌂 𑌭𑍂𑌯𑌸𑍇 𑌶𑍍𑌰𑍇𑌯𑌸𑍇 𑌸𑍍𑌯𑌾𑌤𑍍 ।
𑌇𑌤𑍍𑌯𑍁𑌕𑍍𑌤𑍍𑌵𑍈𑌨𑌂 𑌤𑍇𑌨 𑌸𑌾𑌰𑍍𑌧𑌂 𑌗𑌤𑌸𑍍𑌤𑍍𑌵𑌂
𑌧𑌿𑌷𑍍𑌣𑍍𑌯𑌂 𑌵𑌿𑌷𑍍𑌣𑍋 𑌪𑌾𑌹𑌿 𑌵𑌾𑌤𑌾𑌲𑌯𑍇𑌶 ॥10॥

Browse Related Categories: