Narayaniyam Dashaka 28 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 2𑍮 - 𑌲𑌕𑍍𑌷𑍍𑌮𑍀𑌸𑍍𑌵𑌯𑌂𑌵𑌰𑌂 𑌤𑌥𑌾 𑌅𑌮𑍃𑌤𑍋𑌤𑍍𑌪𑌤𑍍𑌤𑌿𑌃

𑌗𑌰𑌲𑌂 𑌤𑌰𑌲𑌾𑌨𑌲𑌂 𑌪𑍁𑌰𑌸𑍍𑌤𑌾-
𑌜𑍍𑌜𑌲𑌧𑍇𑌰𑍁𑌦𑍍𑌵𑌿𑌜𑌗𑌾𑌲 𑌕𑌾𑌲𑌕𑍂𑌟𑌮𑍍 ।
𑌅𑌮𑌰𑌸𑍍𑌤𑍁𑌤𑌿𑌵𑌾𑌦𑌮𑍋𑌦𑌨𑌿𑌘𑍍𑌨𑍋
𑌗𑌿𑌰𑌿𑌶𑌸𑍍𑌤𑌨𑍍𑌨𑌿𑌪𑌪𑍌 𑌭𑌵𑌤𑍍𑌪𑍍𑌰𑌿𑌯𑌾𑌰𑍍𑌥𑌮𑍍 ॥1॥

𑌵𑌿𑌮𑌥𑌤𑍍𑌸𑍁 𑌸𑍁𑌰𑌾𑌸𑍁𑌰𑍇𑌷𑍁 𑌜𑌾𑌤𑌾
𑌸𑍁𑌰𑌭𑌿𑌸𑍍𑌤𑌾𑌮𑍃𑌷𑌿𑌷𑍁 𑌨𑍍𑌯𑌧𑌾𑌸𑍍𑌤𑍍𑌰𑌿𑌧𑌾𑌮𑌨𑍍 ।
𑌹𑌯𑌰𑌤𑍍𑌨𑌮𑌭𑍂𑌦𑌥𑍇𑌭𑌰𑌤𑍍𑌨𑌂
𑌦𑍍𑌯𑍁𑌤𑌰𑍁𑌶𑍍𑌚𑌾𑌪𑍍𑌸𑌰𑌸𑌃 𑌸𑍁𑌰𑍇𑌷𑍁 𑌤𑌾𑌨𑌿 ॥2॥

𑌜𑌗𑌦𑍀𑌶 𑌭𑌵𑌤𑍍𑌪𑌰𑌾 𑌤𑌦𑌾𑌨𑍀𑌂
𑌕𑌮𑌨𑍀𑌯𑌾 𑌕𑌮𑌲𑌾 𑌬𑌭𑍂𑌵 𑌦𑍇𑌵𑍀 ।
𑌅𑌮𑌲𑌾𑌮𑌵𑌲𑍋𑌕𑍍𑌯 𑌯𑌾𑌂 𑌵𑌿𑌲𑍋𑌲𑌃
𑌸𑌕𑌲𑍋𑌽𑌪𑌿 𑌸𑍍𑌪𑍃𑌹𑌯𑌾𑌂𑌬𑌭𑍂𑌵 𑌲𑍋𑌕𑌃 ॥3॥

𑌤𑍍𑌵𑌯𑌿 𑌦𑌤𑍍𑌤𑌹𑍃𑌦𑍇 𑌤𑌦𑍈𑌵 𑌦𑍇𑌵𑍍𑌯𑍈
𑌤𑍍𑌰𑌿𑌦𑌶𑍇𑌂𑌦𑍍𑌰𑍋 𑌮𑌣𑌿𑌪𑍀𑌠𑌿𑌕𑌾𑌂 𑌵𑍍𑌯𑌤𑌾𑌰𑍀𑌤𑍍 ।
𑌸𑌕𑌲𑍋𑌪𑌹𑍃𑌤𑌾𑌭𑌿𑌷𑍇𑌚𑌨𑍀𑌯𑍈𑌃
𑌋𑌷𑌯𑌸𑍍𑌤𑌾𑌂 𑌶𑍍𑌰𑍁𑌤𑌿𑌗𑍀𑌰𑍍𑌭𑌿𑌰𑌭𑍍𑌯𑌷𑌿𑌂𑌚𑌨𑍍 ॥4॥

𑌅𑌭𑌿𑌷𑍇𑌕𑌜𑌲𑌾𑌨𑍁𑌪𑌾𑌤𑌿𑌮𑍁𑌗𑍍𑌧-
𑌤𑍍𑌵𑌦𑌪𑌾𑌂𑌗𑍈𑌰𑌵𑌭𑍂𑌷𑌿𑌤𑌾𑌂𑌗𑌵𑌲𑍍𑌲𑍀𑌮𑍍 ।
𑌮𑌣𑌿𑌕𑍁𑌂𑌡𑌲𑌪𑍀𑌤𑌚𑍇𑌲𑌹𑌾𑌰-
𑌪𑍍𑌰𑌮𑍁𑌖𑍈𑌸𑍍𑌤𑌾𑌮𑌮𑌰𑌾𑌦𑌯𑍋𑌽𑌨𑍍𑌵𑌭𑍂𑌷𑌨𑍍 ॥5॥

𑌵𑌰𑌣𑌸𑍍𑌰𑌜𑌮𑌾𑌤𑍍𑌤𑌭𑍃𑌂𑌗𑌨𑌾𑌦𑌾𑌂
𑌦𑌧𑌤𑍀 𑌸𑌾 𑌕𑍁𑌚𑌕𑍁𑌂𑌭𑌮𑌂𑌦𑌯𑌾𑌨𑌾 ।
𑌪𑌦𑌶𑌿𑌂𑌜𑌿𑌤𑌮𑌂𑌜𑍁𑌨𑍂𑌪𑍁𑌰𑌾 𑌤𑍍𑌵𑌾𑌂
𑌕𑌲𑌿𑌤𑌵𑍍𑌰𑍀𑌲𑌵𑌿𑌲𑌾𑌸𑌮𑌾𑌸𑌸𑌾𑌦 ॥6॥

𑌗𑌿𑌰𑌿𑌶𑌦𑍍𑌰𑍁𑌹𑌿𑌣𑌾𑌦𑌿𑌸𑌰𑍍𑌵𑌦𑍇𑌵𑌾𑌨𑍍
𑌗𑍁𑌣𑌭𑌾𑌜𑍋𑌽𑌪𑍍𑌯𑌵𑌿𑌮𑍁𑌕𑍍𑌤𑌦𑍋𑌷𑌲𑍇𑌶𑌾𑌨𑍍 ।
𑌅𑌵𑌮𑍃𑌶𑍍𑌯 𑌸𑌦𑍈𑌵 𑌸𑌰𑍍𑌵𑌰𑌮𑍍𑌯𑍇
𑌨𑌿𑌹𑌿𑌤𑌾 𑌤𑍍𑌵𑌯𑍍𑌯𑌨𑌯𑌾𑌽𑌪𑌿 𑌦𑌿𑌵𑍍𑌯𑌮𑌾𑌲𑌾 ॥𑍭॥

𑌉𑌰𑌸𑌾 𑌤𑌰𑌸𑌾 𑌮𑌮𑌾𑌨𑌿𑌥𑍈𑌨𑌾𑌂
𑌭𑍁𑌵𑌨𑌾𑌨𑌾𑌂 𑌜𑌨𑌨𑍀𑌮𑌨𑌨𑍍𑌯𑌭𑌾𑌵𑌾𑌮𑍍 ।
𑌤𑍍𑌵𑌦𑍁𑌰𑍋𑌵𑌿𑌲𑌸𑌤𑍍𑌤𑌦𑍀𑌕𑍍𑌷𑌣𑌶𑍍𑌰𑍀-
𑌪𑌰𑌿𑌵𑍃𑌷𑍍𑌟𑍍𑌯𑌾 𑌪𑌰𑌿𑌪𑍁𑌷𑍍𑌟𑌮𑌾𑌸 𑌵𑌿𑌶𑍍𑌵𑌮𑍍 ॥𑍮॥

𑌅𑌤𑌿𑌮𑍋𑌹𑌨𑌵𑌿𑌭𑍍𑌰𑌮𑌾 𑌤𑌦𑌾𑌨𑍀𑌂
𑌮𑌦𑌯𑌂𑌤𑍀 𑌖𑌲𑍁 𑌵𑌾𑌰𑍁𑌣𑍀 𑌨𑌿𑌰𑌾𑌗𑌾𑌤𑍍 ।
𑌤𑌮𑌸𑌃 𑌪𑌦𑌵𑍀𑌮𑌦𑌾𑌸𑍍𑌤𑍍𑌵𑌮𑍇𑌨𑌾-
𑌮𑌤𑌿𑌸𑌮𑍍𑌮𑌾𑌨𑌨𑌯𑌾 𑌮𑌹𑌾𑌸𑍁𑌰𑍇𑌭𑍍𑌯𑌃 ॥𑍯॥

𑌤𑌰𑍁𑌣𑌾𑌂𑌬𑍁𑌦𑌸𑍁𑌂𑌦𑌰𑌸𑍍𑌤𑌦𑌾 𑌤𑍍𑌵𑌂
𑌨𑌨𑍁 𑌧𑌨𑍍𑌵𑌂𑌤𑌰𑌿𑌰𑍁𑌤𑍍𑌥𑌿𑌤𑍋𑌽𑌂𑌬𑍁𑌰𑌾𑌶𑍇𑌃 ।
𑌅𑌮𑍃𑌤𑌂 𑌕𑌲𑌶𑍇 𑌵𑌹𑌨𑍍 𑌕𑌰𑌾𑌭𑍍𑌯𑌾-
𑌮𑌖𑌿𑌲𑌾𑌰𑍍𑌤𑌿𑌂 𑌹𑌰 𑌮𑌾𑌰𑍁𑌤𑌾𑌲𑌯𑍇𑌶 ॥10॥

Browse Related Categories: