ശാംബ ഉവാച
ആദിദേവ നമസ്തുഭ്യം പ്രസീദ മമ ഭാസ്കര ।
ദിവാകര നമസ്തുഭ്യം പ്രഭാകര നമോഽസ്തുതേ ॥ 1 ॥
സപ്താശ്വ രഥ മാരൂഢം പ്രചംഡം കശ്യപാത്മജമ് ।
ശ്വേത പദ്മധരം ദേവം തം സൂര്യം പ്രണമാമ്യഹമ് ॥ 2॥
ലോഹിതം രഥമാരൂഢം സർവ ലോക പിതാമഹമ് ।
മഹാ പാപ ഹരം ദേവം തം സൂര്യം പ്രണമാമ്യഹമ് ॥ 3॥
ത്രൈഗുണ്യം ച മഹാശൂരം ബ്രഹ്മ വിഷ്ണു മഹേശ്വരമ് ।
മഹാ പാപ ഹരം ദേവം തം സൂര്യം പ്രണമാമ്യഹമ് ॥ 4 ॥
ബൃംഹിതം തേജസാം പുംജം [തേജപൂജ്യം ച] വായു മാകാശ മേവ ച ।
പ്രഭും ച സർവലോകാനാം തം സൂര്യം പ്രണമാമ്യഹമ് ॥ 5 ॥
ബംധൂക പുഷ്പസംകാശം ഹാര കുംഡല ഭൂഷിതമ് ।
ഏക ചക്രധരം ദേവം തം സൂര്യം പ്രണമാമ്യഹമ് ॥ 6 ॥
വിശ്വേശം വിശ്വ കര്താരം മഹാതേജഃ പ്രദീപനമ് ।
മഹാ പാപ ഹരം ദേവം തം സൂര്യം പ്രണമാമ്യഹമ് ॥ 7 ॥
തം സൂര്യം ജഗതാം നാഥം ജ്ഞാന വിജ്ഞാന മോക്ഷദമ് ।
മഹാ പാപ ഹരം ദേവം തം സൂര്യം പ്രണമാമ്യഹമ് ॥ 8 ॥
ഫലശൃതി
സൂര്യാഷ്ടകം പഠേന്നിത്യം ഗ്രഹപീഡാ പ്രണാശനമ് ।
അപുത്രോ ലഭതേ പുത്രം ദരിദ്രോ ധനവാന് ഭവേത് ॥
ആമിഷം മധുപാനം ച യഃ കരോതി രവേര്ധിനേ ।
സപ്ത ജന്മ ഭവേദ്രോഗീ ജന്മ കര്മ ദരിദ്രതാ ॥
സ്ത്രീ തൈല മധു മാംസാനി യേ ത്യജംതി രവേര്ദിനേ ।
ന വ്യാധി ശോക ദാരിദ്ര്യം സൂര്യലോകം സ ഗച്ഛതി ॥
ഇതി ശ്രീ ശിവപ്രോക്തം ശ്രീ സൂര്യാഷ്ടകം സംപൂര്ണമ് ॥
