ଶାଂବ ଉଵାଚ
ଆଦିଦେଵ ନମସ୍ତୁଭ୍ୟଂ ପ୍ରସୀଦ ମମ ଭାସ୍କର ।
ଦିଵାକର ନମସ୍ତୁଭ୍ୟଂ ପ୍ରଭାକର ନମୋଽସ୍ତୁତେ ॥ 1 ॥
ସପ୍ତାଶ୍ଵ ରଥ ମାରୂଢଂ ପ୍ରଚଂଡଂ କଶ୍ୟପାତ୍ମଜମ୍ ।
ଶ୍ଵେତ ପଦ୍ମଧରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ ॥ 2॥
ଲୋହିତଂ ରଥମାରୂଢଂ ସର୍ଵ ଲୋକ ପିତାମହମ୍ ।
ମହା ପାପ ହରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ ॥ 3॥
ତ୍ରୈଗୁଣ୍ୟଂ ଚ ମହାଶୂରଂ ବ୍ରହ୍ମ ଵିଷ୍ଣୁ ମହେଶ୍ଵରମ୍ ।
ମହା ପାପ ହରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ ॥ 4 ॥
ବୃଂହିତଂ ତେଜସାଂ ପୁଂଜଂ [ତେଜପୂଜ୍ୟଂ ଚ] ଵାୟୁ ମାକାଶ ମେଵ ଚ ।
ପ୍ରଭୁଂ ଚ ସର୍ଵଲୋକାନାଂ ତଂ ସୂର୍ୟଂ ପ୍ରଣମାମ୍ୟହମ୍ ॥ 5 ॥
ବଂଧୂକ ପୁଷ୍ପସଂକାଶଂ ହାର କୁଂଡଲ ଭୂଷିତମ୍ ।
ଏକ ଚକ୍ରଧରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ ॥ 6 ॥
ଵିଶ୍ଵେଶଂ ଵିଶ୍ଵ କର୍ତାରଂ ମହାତେଜଃ ପ୍ରଦୀପନମ୍ ।
ମହା ପାପ ହରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ ॥ 7 ॥
ତଂ ସୂର୍ୟଂ ଜଗତାଂ ନାଥଂ ଜ୍ଞାନ ଵିଜ୍ଞାନ ମୋକ୍ଷଦମ୍ ।
ମହା ପାପ ହରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ ॥ 8 ॥
ଫଲଶୃତି
ସୂର୍ୟାଷ୍ଟକଂ ପଠେନ୍ନିତ୍ୟଂ ଗ୍ରହପୀଡା ପ୍ରଣାଶନମ୍ ।
ଅପୁତ୍ରୋ ଲଭତେ ପୁତ୍ରଂ ଦରିଦ୍ରୋ ଧନଵାନ୍ ଭଵେତ୍ ॥
ଆମିଷଂ ମଧୁପାନଂ ଚ ୟଃ କରୋତି ରଵେର୍ଧିନେ ।
ସପ୍ତ ଜନ୍ମ ଭଵେଦ୍ରୋଗୀ ଜନ୍ମ କର୍ମ ଦରିଦ୍ରତା ॥
ସ୍ତ୍ରୀ ତୈଲ ମଧୁ ମାଂସାନି ୟେ ତ୍ୟଜଂତି ରଵେର୍ଦିନେ ।
ନ ଵ୍ୟାଧି ଶୋକ ଦାରିଦ୍ର୍ୟଂ ସୂର୍ୟଲୋକଂ ସ ଗଚ୍ଛତି ॥
ଇତି ଶ୍ରୀ ଶିଵପ୍ରୋକ୍ତଂ ଶ୍ରୀ ସୂର୍ୟାଷ୍ଟକଂ ସଂପୂର୍ଣମ୍ ॥
