ন্য়াসঃ
অংগন্য়াসঃ
ওং ওং পাদয়োঃ নমঃ ।
ওং নং জানুনোঃ নমঃ ।
ওং মোং ঊর্বোঃ নমঃ ।
ওং নাং উদরে নমঃ ।
ওং রাং হৃদি নমঃ ।
ওং যং উরসি নমঃ ।
ওং ণাং মুখে নমঃ ।
ওং যং শিরসি নমঃ ।
করন্য়াসঃ
ওং ওং দক্ষিণতর্জন্য়াং নমঃ ।
ওং নং দক্ষিণমধ্যমায়াং নমঃ ।
ওং মোং দক্ষিণানামিকায়াং নমঃ ।
ওং ভং দক্ষিণকনিষ্ঠিকায়াং নমঃ ।
ওং গং বামকনিষ্ঠিকায়াং নমঃ ।
ওং বং বামানিকায়াং নমঃ ।
ওং তেং বামমধ্যমায়াং নমঃ ।
ওং বাং বামতর্জন্য়াং নমঃ ।
ওং সুং দক্ষিণাংগুষ্ঠোর্ধ্বপর্বণি নমঃ ।
ওং দেং দক্ষিণাংগুষ্ঠাধঃ পর্বণি নমঃ ।
ওং বাং বামাংগুষ্ঠোর্ধ্বপর্বণি নমঃ ।
ওং যং বামাংগুষ্ঠাধঃ পর্বণি নমঃ ।
বিষ্ণুষডক্ষরন্য়াসঃ
ওং ওং হৃদয়ে নমঃ ।
ওং বিং মূর্ধ্নৈ নমঃ ।
ওং ষং ভ্রুর্বোর্মধ্য়ে নমঃ ।
ওং ণং শিখায়াং নমঃ ।
ওং বেং নেত্রয়োঃ নমঃ ।
ওং নং সর্বসংধিষু নমঃ ।
ওং মঃ প্রাচ্য়াং অস্ত্রায় ফট্ ।
ওং মঃ আগ্নেয়্য়াং অস্ত্রায় ফট্ ।
ওং মঃ দক্ষিণস্য়াং অস্ত্রায় ফট্ ।
ওং মঃ নৈঋত্য়ে অস্ত্রায় ফট্ ।
ওং মঃ প্রতীচ্য়াং অস্ত্রায় ফট্ ।
ওং মঃ বাযব্য়ে অস্ত্রায় ফট্ ।
ওং মঃ উদীচ্য়াং অস্ত্রায় ফট্ ।
ওং মঃ ঐশান্য়াং অস্ত্রায় ফট্ ।
ওং মঃ ঊর্ধ্বায়াং অস্ত্রায় ফট্ ।
ওং মঃ অধরায়াং অস্ত্রায় ফট্ ।
শ্রী হরিঃ
অথ শ্রীনারাযণকবচ
রাজোবাচ
যয়া গুপ্তঃ সহস্রাক্ষঃ সবাহান্ রিপুসৈনিকান্ ।
ক্রীডন্নিব বিনির্জিত্য় ত্রিলোক্য়া বুভুজে শ্রিযম্ ॥ 1 ॥
ভগবংস্তন্মমাখ্য়াহি বর্ম নারাযণাত্মকম্ ।
যথাঽঽততায়িনঃ শত্রূন্ যেন গুপ্তোঽজযন্মৃধে ॥ 2 ॥
শ্রী শুক উবাচ
বৃতঃ পুরোহিতস্ত্বাষ্ট্রো মহেংদ্রায়ানুপৃচ্ছতে ।
নারাযণাখ্য়ং বর্মাহ তদিহৈকমনাঃ শৃণু ॥ 3 ॥
শ্রীবিশ্বরূপ উবাচ
ধৌতাংঘ্রিপাণিরাচম্য় সপবিত্র উদঙ্মুখঃ ।
কৃতস্বাংগকরন্য়াসো মংত্রাভ্য়াং বাগ্যতঃ শুচিঃ ॥ 4 ॥
নারাযণময়ং বর্ম সন্নহ্য়েদ্ভয় আগতে ।
দৈবভূতাত্মকর্মভ্য়ো নারাযণময়ঃ পুমান্ ॥ 5 ॥
পাদয়োর্জানুনোরূর্বোরুদরে হৃদ্যথোরসি ।
মুখে শিরস্য়ানুপূর্ব্য়াদোংকারাদীনি বিন্যসেত্ ॥ 6 ॥
ওং নমো নারাযণায়েতি বিপর্যযমথাপি বা ।
করন্য়াসং ততঃ কুর্য়াদ্দ্বাদশাক্ষরবিদ্যয়া ॥ 7 ॥
প্রণবাদিযকারাংতমংগুল্য়ংগুষ্ঠপর্বসু ।
ন্যসেদ্ধৃদয় ওংকারং বিকারমনু মূর্ধনি ॥ 8 ॥
ষকারং তু ভ্রুবোর্মধ্য়ে ণকারং শিখয়া ন্যসেত্ ।
বেকারং নেত্রয়োর্য়ুংজ্য়ান্নকারং সর্বসংধিষু ॥ 9 ॥
মকারমস্ত্রমুদ্দিশ্য় মংত্রমূর্তির্ভবেদ্বুধঃ ।
সবিসর্গং ফডংতং তত্সর্বদিক্ষু বিনির্দিশেত্ ॥ 10 ॥
ওং বিষ্ণবে নমঃ ॥
ইত্য়াত্মানং পরং ধ্য়ায়েদ্ধ্য়েয়ং ষট্ছক্তিভির্য়ুতম্ ।
বিদ্য়াতেজস্তপোমূর্তিমিমং মংত্রমুদাহরেত্ ॥ 11 ॥
ওং হরির্বিদধ্য়ান্মম সর্বরক্ষাং
ন্যস্তাংঘ্রিপদ্মঃ পতগেংদ্র পৃষ্ঠে ।
দরারিচর্মাসিগদেষুচাপ-
-পাশাংদধানোঽষ্টগুণোঽষ্টবাহুঃ ॥ 12 ॥
জলেষু মাং রক্ষতু মত্স্যমূর্তি-
-র্য়াদোগণেভ্য়ো বরুণস্য় পাশাত্ ।
স্থলেষু মায়াবটুবামনোঽব্য়া-
-ত্ত্রিবিক্রমঃ খেঽবতু বিশ্বরূপঃ ॥ 13 ॥
দুর্গেষ্বটব্য়াজিমুখাদিষু প্রভুঃ
পায়ান্নৃসিংহোঽসুরয়ূথপারিঃ ।
বিমুংচতো যস্য় মহাট্টহাসং
দিশো বিনেদুর্ন্যপতংশ্চ গর্ভাঃ ॥ 14 ॥
রক্ষত্বসৌ মাধ্বনি যজ্ঞকল্পঃ
স্বদংষ্ট্রয়োন্নীতধরো বরাহঃ ।
রামোঽদ্রিকূটেষ্বথ বিপ্রবাসে
সলক্ষ্মণোঽব্য়াদ্ভরতাগ্রজোঽস্মান্ ॥ 15 ॥
মামুগ্রধর্মাদখিলাত্প্রমাদা-
-ন্নারাযণঃ পাতু নরশ্চ হাসাত্ ।
দত্তস্ত্বয়োগাদথ যোগনাথঃ
পায়াদ্গুণেশঃ কপিলঃ কর্মবংধাত্ ॥ 16 ॥
সনত্কুমারোঽবতু কামদেবা-
-দ্ধয়াননো মাং পথি দেবহেলনাত্ ।
দেবর্ষিবর্য়ঃ পুরুষার্চনাংতরা-
-ত্কূর্মো হরির্মাং নিরয়াদশেষাত্ ॥ 17 ॥
ধন্বংতরির্ভগবান্পাত্বপথ্য়া-
-দ্দ্বংদ্বাদ্ভয়াদৃষভো নির্জিতাত্মা ।
যজ্ঞশ্চ লোকাদবতাজ্জনাংতা-
-দ্বলো গণাত্ক্রোধবশাদহীংদ্রঃ ॥ 18 ॥
দ্বৈপাযনো ভগবানপ্রবোধা-
-দ্বুদ্ধস্তু পাষংডগণাত্প্রমাদাত্ ।
কল্কিঃ কলেঃ কালমলাত্প্রপাতু
ধর্মাবনায়োরুকৃতাবতারঃ ॥ 19 ॥
মাং কেশবো গদয়া প্রাতরব্য়া-
-দ্গোবিংদ আসংগবমাত্তবেণুঃ ।
নারাযণঃ প্রাহ্ণ উদাত্তশক্তি-
-র্মধ্য়ংদিনে বিষ্ণুররীংদ্রপাণিঃ ॥ 20 ॥
দেবোঽপরাহ্ণে মধুহোগ্রধন্বা
সায়ং ত্রিধামাবতু মাধবো মাম্ ।
দোষে হৃষীকেশ উতার্ধরাত্রে
নিশীথ একোঽবতু পদ্মনাভঃ ॥ 21 ॥
শ্রীবত্সধামাঽপররাত্র ঈশঃ
প্রত্য়ুষ ঈশোঽসিধরো জনার্দনঃ ।
দামোদরোঽব্য়াদনুসংধ্য়ং প্রভাতে
বিশ্বেশ্বরো ভগবান্কালমূর্তিঃ ॥ 22 ॥
চক্রং যুগাংতানলতিগ্মনেমি
ভ্রমত্সমংতাদ্ভগবত্প্রয়ুক্তম্ ।
দংদগ্ধি দংদগ্ধ্যরিসৈন্যমাশু
কক্ষং যথা বাতসখো হুতাশঃ ॥ 23 ॥
গদেঽশনিস্পর্শনবিস্ফুলিংগে
নিষ্পিংঢি নিষ্পিংঢ্যজিতপ্রিয়াসি ।
কূষ্মাংডবৈনাযকযক্ষরক্ষো
ভূতগ্রহাংশ্চূর্ণয় চূর্ণয়ারীন্ ॥ 24 ॥
ত্বং যাতুধানপ্রমথপ্রেতমাতৃ-
-পিশাচবিপ্রগ্রহঘোরদৃষ্টীন্ ।
দরেংদ্র বিদ্রাবয় কৃষ্ণপূরিতো
ভীমস্বনোঽরের্হৃদয়ানি কংপযন্ ॥ 25 ॥
ত্বং তিগ্মধারাসিবরারিসৈন্য়-
-মীশপ্রয়ুক্তো মম ছিংধি ছিংধি ।
চক্ষূংষি চর্মন্ শতচংদ্র ছাদয়
দ্বিষামঘোনাং হর পাপচক্ষুষাম্ ॥ 26 ॥
যন্নো ভয়ং গ্রহেভ্য়োঽভূত্কেতুভ্য়ো নৃভ্য় এব চ ।
সরীসৃপেভ্য়ো দংষ্ট্রিভ্য়ো ভূতেভ্য়োঽঘেভ্য় এব চ ॥ 27 ॥
সর্বাণ্য়েতানি ভগবন্নামরূপাস্ত্রকীর্তনাত্ ।
প্রয়াংতু সংক্ষয়ং সদ্য়ো যে নঃ শ্রেয়ঃপ্রতীপকাঃ ॥ 28 ॥
গরুডো ভগবান্ স্তোত্রস্তোমশ্ছংদোময়ঃ প্রভুঃ ।
রক্ষত্বশেষকৃচ্ছ্রেভ্য়ো বিষ্বক্সেনঃ স্বনামভিঃ ॥ 29 ॥
সর্বাপদ্ভ্য়ো হরের্নামরূপয়ানায়ুধানি নঃ ।
বুদ্ধীংদ্রিযমনঃপ্রাণান্পাংতু পার্ষদভূষণাঃ ॥ 30 ॥
যথা হি ভগবানেব বস্তুতঃ সদসচ্চ যত্ ।
সত্য়েনানেন নঃ সর্বে যাংতু নাশমুপদ্রবাঃ ॥ 31 ॥
যথৈকাত্ম্য়ানুভাবানাং বিকল্পরহিতঃ স্বযম্ ।
ভূষণায়ুধলিংগাখ্য়া ধত্তে শক্তীঃ স্বমাযয়া ॥ 32 ॥
তেনৈব সত্যমানেন সর্বজ্ঞো ভগবান্ হরিঃ ।
পাতু সর্বৈঃ স্বরূপৈর্নঃ সদা সর্বত্র সর্বগঃ ॥ 33 ॥
বিদিক্ষু দিক্ষূর্ধ্বমধঃ সমংতা-
-দংতর্বহির্ভগবান্নারসিংহঃ ।
প্রহাপয়ঁল্লোকভয়ং স্বনেন
স্বতেজসা গ্রস্তসমস্ততেজাঃ ॥ 34 ॥
মঘবন্নিদমাখ্য়াতং বর্ম নারাযণাত্মকম্ ।
বিজেষ্যস্য়ংজসা যেন দংশিতোঽসুরয়ূথপান্ ॥ 35 ॥
এতদ্ধারযমাণস্তু যং যং পশ্যতি চক্ষুষা ।
পদা বা সংস্পৃশেত্সদ্য়ঃ সাধ্বসাত্স বিমুচ্যতে ॥ 36 ॥
ন কুতশ্চিদ্ভয়ং তস্য় বিদ্য়াং ধারযতো ভবেত্ ।
রাজদস্য়ুগ্রহাদিভ্য়ো ব্য়াধ্য়াদিভ্যশ্চ কর্হিচিত্ ॥ 37 ॥
ইমাং বিদ্য়াং পুরা কশ্চিত্কৌশিকো ধারযন্ দ্বিজঃ ।
যোগধারণয়া স্বাংগং জহৌ স মরুধন্বনি ॥ 38 ॥
তস্য়োপরি বিমানেন গংধর্বপতিরেকদা ।
যয়ৌ চিত্ররথঃ স্ত্রীভির্বৃতো যত্র দ্বিজক্ষয়ঃ ॥ 39 ॥
গগনান্ন্যপতত্সদ্য়ঃ সবিমানো হ্যবাক্ছিরাঃ ।
স বালখিল্যবচনাদস্থীন্য়াদায় বিস্মিতঃ ।
প্রাপ্য় প্রাচ্য়াং সরস্বত্য়াং স্নাত্বা ধাম স্বমন্বগাত্ ॥ 40 ॥
শ্রী শুক উবাচ
য ইদং শৃণুয়াত্কালে যো ধারযতি চাদৃতঃ ।
তং নমস্য়ংতি ভূতানি মুচ্যতে সর্বতো ভয়াত্ ॥ 41 ॥
এতাং বিদ্য়ামধিগতো বিশ্বরূপাচ্ছতক্রতুঃ ।
ত্রৈলোক্যলক্ষ্মীং বুভুজে বিনির্জিত্য় মৃধেঽসুরান্ ॥ 42 ॥
ইতি শ্রীমদ্ভাগবতে মহাপুরাণে ষষ্ঠস্কংধে নারাযণবর্মোপদেশো নামাষ্টমোঽধ্য়ায়ঃ ।
