পার্বত্য়ুবাচ
নমস্তেঽস্তু ত্রয়ীনাথ পরমানংদকারক ।
কবচং দক্ষিণামূর্তেঃ কৃপয়া বদ মে প্রভো ॥ 1 ॥
ঈশ্বর উবাচ
বক্ষ্য়েঽহং দেবদেবেশি দক্ষিণামূর্তিরব্যযম্ ।
কবচং সর্বপাপঘ্নং বেদাংতজ্ঞানগোচরম্ ॥ 2 ॥
অণিমাদি মহাসিদ্ধিবিধানচতুরং শুভম্ ।
বেদশাস্ত্রপুরাণানি কবিতা তর্ক এব চ ॥ 3 ॥
বহুধা দেবি জায়ংতে কবচস্য় প্রভাবতঃ ।
ঋষির্ব্রহ্মা সমুদ্দিষ্টশ্ছংদোঽনুষ্টুবুদাহৃতম্ ॥ 4 ॥
দেবতা দক্ষিণামূর্তিঃ পরমাত্মা সদাশিবঃ ।
বীজং বেদাদিকং চৈব স্বাহা শক্তিরুদাহৃতা ।
সর্বজ্ঞত্বেঽপি দেবেশি বিনিয়োগং প্রচক্ষতে ॥ 5 ॥
ধ্য়ানম্
অদ্বংদ্বনেত্রমমলেংদুকলাবতংসং
হংসাবলংবিত সমান জটাকলাপম্ ।
আনীলকংঠমুপকংঠমুনিপ্রবীরান্
অধ্য়াপয়ংতমবলোকয় লোকনাথম্ ॥
কবচম্
ওম্ । শিরো মে দক্ষিণামূর্তিরব্য়াত্ ফালং মহেশ্বরঃ ।
দৃশৌ পাতু মহাদেবঃ শ্রবণে চংদ্রশেখরঃ ॥ 1 ॥
কপোলৌ পাতু মে রুদ্রো নাসাং পাতু জগদ্গুরুঃ ।
মুখং গৌরীপতিঃ পাতু রসনাং বেদরূপধৃত্ ॥ 2 ॥
দশনাং ত্রিপুরধ্বংসী চোষ্ঠং পন্নগভূষণঃ ।
অধরং পাতু বিশ্বাত্মা হনূ পাতু জগন্ময়ঃ ॥ 3 ॥
চুবুকং দেবদেবস্তু পাতু কংঠং জটাধরঃ ।
স্কংধৌ মে পাতু শুদ্ধাত্মা করৌ পাতু যমাংতকঃ ॥ 4 ॥
কুচাগ্রং করমধ্য়ং চ নখরান্ শংকরঃ স্বযম্ ।
হৃন্মে পশুপতিঃ পাতু পার্শ্বে পরমপূরুষঃ ॥ 5 ॥
মধ্যমং পাতু শর্বো মে নাভিং নারাযণপ্রিয়ঃ ।
কটিং পাতু জগদ্ভর্তা সক্থিনী চ মৃডঃ স্বযম্ ॥ 6 ॥
কৃত্তিবাসাঃ স্বয়ং গুহ্য়ামূরূ পাতু পিনাকধৃত্ ।
জানুনী ত্র্য়ংবকঃ পাতু জংঘে পাতু সদাশিবঃ ॥ 7 ॥
স্মরারিঃ পাতু মে পাদৌ পাতু সর্বাংগমীশ্বরঃ ।
ইতীদং কবচং দেবি পরমানংদদাযকম্ ॥ 8 ॥
জ্ঞানবাগর্থদং বীর্যমণিমাদিবিভূতিদম্ ।
আয়ুরারোগ্যমৈশ্বর্যমপমৃত্য়ুভয়াপহম্ ॥ 9 ॥
প্রাতঃ কালে শুচির্ভূত্বা ত্রিবারং সর্বদা জপেত্ ।
নিত্য়ং পূজাসমায়ুক্তঃ সংবত্সরমতংদ্রিতঃ ॥ 10 ॥
জপেত্ ত্রিসংধ্য়ং যো বিদ্বান্ বেদশাস্ত্রার্থপারগঃ ।
গদ্যপদ্য়ৈস্তথা চাপি নাটকাঃ স্বযমেব হি ।
নির্গচ্ছংতি মুখাংভোজাত্সত্যমেতন্ন সংশয়ঃ ॥ 11 ॥
ইতি রুদ্রয়ামলে উমামহেশ্বরসংবাদে শ্রী দক্ষিণামূর্তি কবচম্ ॥
