কৈলাসাচলমধ্যগং পুরবহং শাংতং ত্রিনেত্রং শিবং
বামস্থা কবচং প্রণম্য় গিরিজা ভূতিপ্রদং পৃচ্ছতি ।
দেবী শ্রীবগলামুখী রিপুকুলারণ্য়াগ্নিরূপা চ যা
তস্য়াশ্চাপবিমুক্ত মংত্রসহিতং প্রীত্য়াঽধুনা ব্রূহি মাম্ ॥ 1 ॥
শ্রীশংকর উবাচ ।
দেবী শ্রীভববল্লভে শৃণু মহামংত্রং বিভূতিপ্রদং
দেব্য়া বর্ময়ুতং সমস্তসুখদং সাম্রাজ্যদং মুক্তিদম্ ।
তারং রুদ্রবধূং বিরিংচিমহিলা বিষ্ণুপ্রিয়া কাময়ু-
-ক্কাংতে শ্রীবগলাননে মম রিপূন্নাশায় যুগ্মংত্বিতি ॥ 2 ॥
ঐশ্বর্য়াণি পদং চ দেহি যুগলং শীঘ্রং মনোবাংছিতং
কার্য়ং সাধয় যুগ্ময়ুক্ছিববধূ বহ্নিপ্রিয়াংতো মনুঃ ।
কংসারেস্তনয়ং চ বীজমপরাশক্তিশ্চ বাণী তথা
কীলং শ্রীমিতি ভৈরবর্ষিসহিতং ছংদো বিরাট্ সংয়ুতম্ ॥ 3 ॥
স্বেষ্টার্থস্য় পরস্য় বেত্তি নিতরাং কার্যস্য় সংপ্রাপ্তয়ে
নানাসাধ্যমহাগদস্য় নিযতন্নাশায় বীর্য়াপ্তয়ে ।
ধ্য়াত্বা শ্রীবগলাননামনুবরং জপ্ত্বা সহস্রাখ্যকং
দীর্ঘৈঃ ষট্কয়ুতৈশ্চ রুদ্রমহিলাবীজৈর্বিন্য়াস্য়াংগকে ॥ 4 ॥
ধ্য়ানম্ ।
সৌবর্ণাসনসংস্থিতাং ত্রিনযনাং পীতাংশুকোলাসিনীং
হেমাভাংগরুচিং শশাংকমুকুটাং স্রক্চংপকস্রগ্য়ুতাম্ ।
হস্তৈর্মদ্গরপাশবদ্ধরসনাং সংবিভ্রতীং ভূষণ-
-ব্য়াপ্তাংগীং বগলামুখীং ত্রিজগতাং সংস্তংভিনীং চিংতয়ে ॥ 5 ॥
বিনিয়োগঃ ।
ওং অস্য় শ্রীবগলামুখী ব্রহ্মাস্ত্রমংত্র কবচস্য় ভৈরব ঋষিঃ বিরাট্ ছংদঃ শ্রীবগলামুখী দেবতা ক্লীং বীজং ঐং শক্তিঃ শ্রীং কীলকং মম পরস্য় চ মনোভিলষিতেষ্টকার্যসিদ্ধয়ে বিনিয়োগঃ ।
ঋষ্য়াদিন্য়াসঃ ।
ভৈরব ঋষয়ে নমঃ শিরসি ।
বিরাট্ ছংদসে নমঃ মুখে ।
শ্রী বগলামুখী দেবতায়ৈ নমঃ হৃদি ।
ক্লীং বীজায় নমঃ গুহ্য়ে ।
ঐং শক্তয়ে নমঃ পাদয়োঃ ।
শ্রীং কীলকায় নমঃ সর্বাংগে ।
করন্য়াসঃ ।
ওং হ্রাং অংগুষ্ঠাভ্য়াং নমঃ ।
ওং হ্রীং তর্জনীভ্য়াং নমঃ ।
ওং হ্রূং মধ্যমাভ্য়াং নমঃ ।
ওং হ্রৈং অনামিকাভ্য়াং নমঃ ।
ওং হ্রৌং কনিষ্ঠিকাভ্য়াং নমঃ ।
ওং হ্রঃ করতলকরপৃষ্ঠাভ্য়াং নমঃ ।
অংগন্য়াসঃ ।
ওং হ্রাং হৃদয়ায় নমঃ ।
ওং হ্রীং শিরসে স্বাহা ।
ওং হ্রূং শিখায়ৈ বষট্ ।
ওং হ্রৈং কবচায় হুম্ ।
ওং হ্রৌং নেত্রত্রয়ায় বৌষট্ ।
ওং হ্রঃ অস্ত্রায় ফট্ ।
ভূর্ভুবস্সুবরোমিতি দিগ্বংধঃ ।
মংত্রোদ্ধারঃ ।
ওং হ্রীং ঐং শ্রীং ক্লীং শ্রীবগলাননে মম রিপূন্নাশয় নাশয় মমৈশ্বর্য়াণি দেহি দেহি শীঘ্রং মনোবাংছিতকার্য়ং সাধয়ঃ সাধয়ঃ হ্রীং স্বাহা ।
কবচম্ ।
শিরো মে পাতু ওং হ্রীং ঐং শ্রীং ক্লীং পাতু ললাটকম্ ।
সংবোধনপদং পাতু নেত্রে শ্রীবগলাননে ॥ 1 ॥
শ্রুতৌ মম রিপুং পাতু নাসিকান্নাশয় দ্বযম্ ।
পাতু গংডৌ সদা মামৈশ্বর্য়াণ্য়ং তং তু মস্তকম্ ॥ 2 ॥
দেহি দ্বংদ্বং সদা জিহ্বাং পাতু শীঘ্রং বচো মম ।
কংঠদেশং মনঃ পাতু বাংছিতং বাহুমূলকম্ ॥ 3 ॥
কার্য়ং সাধয় দ্বংদ্বংতু করৌ পাতু সদা মম ।
মায়ায়ুক্তা তথা স্বাহা হৃদয়ং পাতু সর্বদা ॥ 4 ॥
অষ্টাধিকচত্বারিংশদ্দংডাঢ্য়া বগলামুখী ।
রক্ষাং করোতু সর্বত্র গৃহেঽরণ্য়ে সদা মম ॥ 5 ॥
ব্রহ্মাস্ত্রাখ্য়ো মনুঃ পাতু সর্বাংগে সর্বসংধিষু ।
মংত্ররাজঃ সদা রক্ষাং করোতু মম সর্বদা ॥ 6 ॥
ওং হ্রীং পাতু নাভিদেশং কটিং মে বগলাঽবতু ।
মুখী বর্ণদ্বয়ং পাতু লিংগং মে মুষ্কয়ুগ্মকম্ ॥ 7 ॥
জানুনী সর্বদুষ্টানাং পাতু মে বর্ণপংচকম্ ।
বাচং মুখং তথা পদং ষড্বর্ণা পরমেশ্বরী ॥ 8 ॥
জংঘায়ুগ্মে সদা পাতু বগলা রিপুমোহিনী ।
স্তংভয়েতি পদং পৃষ্ঠং পাতু বর্ণত্রয়ং মম ॥ 9 ॥
জিহ্বাং বর্ণদ্বয়ং পাতু গুল্ফৌ মে কীলয়েতি চ ।
পাদোর্ধ্বং সর্বদা পাতু বুদ্ধিং পাদতলে মম ॥ 10 ॥
বিনাশয় পদং পাতু পাদাংগুল্য়োর্নখানি মে ।
হ্রীং বীজং সর্বদা পাতু বুদ্ধীংদ্রিযবচাংসি মে ॥ 11 ॥
সর্বাংগং প্রণবঃ পাতু স্বাহা রোমাণি মেঽবতু ।
ব্রাহ্মী পূর্বদলে পাতু চাগ্নেয়াং বিষ্ণুবল্লভা ॥ 12 ॥
মাহেশী দক্ষিণে পাতু চামুংডা রাক্ষসেঽবতু ।
কৌমারী পশ্চিমে পাতু বাযব্য়ে চাপরাজিতা ॥ 13 ॥
বারাহী চোত্তরে পাতু নারসিংহী শিবেঽবতু ।
ঊর্ধ্বং পাতু মহালক্ষ্মীঃ পাতালে শারদাঽবতু ॥ 14 ॥
ইত্যষ্টৌ শক্তয়ঃ পাংতু সায়ুধাশ্চ সবাহনাঃ ।
রাজদ্বারে মহাদুর্গে পাতু মাং গণনাযকঃ ॥ 15 ॥
শ্মশানে জলমধ্য়ে চ ভৈরবশ্চ সদাঽবতু ।
দ্বিভুজা রক্তবসনাঃ সর্বাভরণভূষিতাঃ ॥ 16 ॥
যোগিন্য়ঃ সর্বদা পাতু মহারণ্য়ে সদা মম ।
ইতি তে কথিতং দেবি কবচং পরমাদ্ভুতম্ ॥ 17 ॥
শ্রীবিশ্ববিজযন্নাম কীর্তিশ্রীবিজযপ্রদম্ ।
অপুত্রো লভতে পুত্রং ধীরং শূরং শতায়ুষম্ ॥ 18 ॥
নির্ধনো ধনমাপ্নোতি কবচস্য়াস্য় পাঠতঃ ।
জপিত্বা মংত্ররাজং তু ধ্য়াত্বা শ্রীবগলামুখীম্ ॥ 19 ॥
পঠেদিদং হি কবচং নিশায়াং নিযমাত্তু যঃ ।
যদ্যত্কামযতে কামং সাধ্য়াসাধ্য়ে মহীতলে ॥ 20 ॥
তত্তত্কামমবাপ্নোতি সপ্তরাত্রেণ শংকরী ।
গুরুং ধ্য়াত্বা সুরাং পীত্বা রাত্রৌ শক্তিসমন্বিতঃ ॥ 21 ॥
কবচং যঃ পঠেদ্দেবি তস্য়াঽসাধ্য়ং ন কিংচন ।
যং ধ্য়াত্বা প্রজপেন্মংত্রং সহস্রং কবচং পঠেত্ ॥ 22 ॥
ত্রিরাত্রেণ বশং যাতি মৃত্য়ুং তং নাত্র সংশয়ঃ ।
লিখিত্বা প্রতিমাং শত্রোঃ সতালেন হরিদ্রয়া ॥ 23 ॥
লিখিত্বা হ্যদি তং নাম তং ধ্য়াত্বা প্রজপেন্মনুম্ ।
একবিংশদ্দিনং যাবত্প্রত্যহং চ সহস্রকম্ ॥ 24 ॥
জপ্ত্বা পঠেত্তু কবচং চতুর্বিংশতিবারকম্ ।
সংস্তংভং জাযতে শত্রোর্নাত্র কার্য়া বিচারণা ॥ 25 ॥
বিবাদে বিজয়ং তস্য় সংগ্রামে জযমাপ্নুয়াত্ ।
শ্মশানে চ ভয়ং নাস্তি কবচস্য় প্রভাবতঃ ॥ 26 ॥
নবনীতং চাভিমংত্র্য় স্ত্রীণাং দদ্য়ান্মহেশ্বরি ।
বংধ্য়ায়াং জাযতে পুত্রো বিদ্য়াবলসমন্বিতঃ ॥ 27 ॥
শ্মশানাংগারমাদায় ভৌমে রাত্রৌ শনাবথ ।
পাদোদকেন স্পৃষ্ট্বা চ লিখেল্লোহশলাকয়া ॥ 28 ॥
ভূমৌ শত্রোঃ স্বরূপং চ হৃদি নাম সমালিখেত্ ।
হস্তং তদ্ধৃদয়ে দত্বা কবচং তিথিবারকম্ ॥ 29 ॥
ধ্য়াত্বা জপেন্মংত্ররাজং নবরাত্রং প্রযত্নতঃ ।
ম্রিযতে জ্বরদাহেন দশমেঽহ্নি ন সংশয়ঃ ॥ 30 ॥
ভূর্জপত্রেষ্বিদং স্তোত্রমষ্টগংধেন সংলিখেত্ ।
ধারয়েদ্দক্ষিণে বাহৌ নারী বামভুজে তথা ॥ 31 ॥
সংগ্রামে জযমাপ্নোতি নারী পুত্রবতী ভবেত্ ।
ব্রহ্মাস্ত্রাদীনি শস্ত্রাণি নৈব কৃংতংতি তং জনম্ ॥ 32 ॥
সংপূজ্য় কবচং নিত্য়ং পূজায়াঃ ফলমালভেত্ ।
বৃহস্পতিসমো বাপি বিভবে ধনদোপমঃ ॥ 33 ॥
কামতুল্যশ্চ নারীণাং শত্রূণাং চ যমোপমঃ ।
কবিতালহরী তস্য় ভবেদ্গংগাপ্রবাহবত্ ॥ 34 ॥
গদ্যপদ্যময়ী বাণী ভবেদ্দেবীপ্রসাদতঃ ।
একাদশশতং যাবত্পুরশ্চরণমুচ্যতে ॥ 35 ॥
পুরশ্চর্য়াবিহীনং তু ন চেদং ফলদাযকম্ ।
ন দেয়ং পরশিষ্য়েভ্য়ো দুষ্টেভ্যশ্চ বিশেষতঃ ॥ 36 ॥
দেয়ং শিষ্য়ায় ভক্তায় পংচত্বং চাঽন্যথাপ্নুয়াত্ ।
ইদং কবচমজ্ঞাত্বা ভজেদ্য়ো বগলামুখীম্ ।
শতকোটি জপিত্বা তু তস্য় সিদ্ধির্ন জাযতে ॥ 37 ॥
দারাঢ্য়ো মনুজোস্য় লক্ষজপতঃ প্রাপ্নোতি সিদ্ধিং পরাং
বিদ্য়াং শ্রীবিজয়ং তথা সুনিযতং ধীরং চ বীরং বরম্ ।
ব্রহ্মাস্ত্রাখ্যমনুং বিলিখ্য় নিতরাং ভূর্জেষ্টগংধেন বৈ
ধৃত্বা রাজপুরং ব্রজংতি খলু যে দাসোঽস্তি তেষাং নৃপঃ ॥ 38 ॥
ইতি বিশ্বসারোদ্ধারতংত্রে পার্বতীশ্বরসংবাদে বগলামুখীকবচং সংপূর্ণম্ ।
