করারবিংদেন পদারবিংদং মুখারবিংদে বিনিবেশয়ংতম্ ।
বটস্য় পত্রস্য় পুটে শয়ানং বালং মুকুংদং মনসা স্মরামি ॥ 1 ॥
সংহৃত্য় লোকান্বটপত্রমধ্য়ে শয়ানমাদ্য়ংতবিহীনরূপম্ ।
সর্বেশ্বরং সর্বহিতাবতারং বালং মুকুংদং মনসা স্মরামি ॥ 2 ॥
ইংদীবরশ্য়ামলকোমলাংগং ইংদ্রাদিদেবার্চিতপাদপদ্মম্ ।
সংতানকল্পদ্রুমমাশ্রিতানাং বালং মুকুংদং মনসা স্মরামি ॥ 3 ॥
লংবালকং লংবিতহারযষ্টিং শৃংগারলীলাংকিতদংতপংক্তিম্ ।
বিংবাধরং চারুবিশালনেত্রং বালং মুকুংদং মনসা স্মরামি ॥ 4 ॥
শিক্য়ে নিধায়াদ্যপয়োদধীনি বহির্গতায়াং ব্রজনায়িকায়াম্ ।
ভুক্ত্বা যথেষ্টং কপটেন সুপ্তং বালং মুকুংদং মনসা স্মরামি ॥ 5 ॥
কলিংদজাংতস্থিতকালিযস্য় ফণাগ্ররংগেনটনপ্রিয়ংতম্ ।
তত্পুচ্ছহস্তং শরদিংদুবক্ত্রং বালং মুকুংদং মনসা স্মরামি ॥ 6 ॥
উলূখলে বদ্ধমুদারশৌর্য়ং উত্তুংগয়ুগ্মার্জুন ভংগলীলম্ ।
উত্ফুল্লপদ্মাযত চারুনেত্রং বালং মুকুংদং মনসা স্মরামি ॥ 7 ॥
আলোক্য় মাতুর্মুখমাদরেণ স্তন্য়ং পিবংতং সরসীরুহাক্ষম্ ।
সচ্চিন্ময়ং দেবমনংতরূপং বালং মুকুংদং মনসা স্মরামি ॥ 8 ॥
