యం యం యం యక్షరూపం దశదిశివిదితం భూమికమ్పాయమానం
సం సం సంహారమూర్తిం శిరముకుటజటా శేఖరం చన్ద్రబిమ్బమ్ ।
దం దం దం దీర్ఘకాయం వికృతనఖముఖం చోర్ధ్వరోమం కరాళం
పం పం పం పాపనాశం ప్రణమత సతతం భైరవం క్షేత్రపాలమ్ ॥ 1 ॥
రం రం రం రక్తవర్ణం కటికటితతనుం తీక్ష్ణదంష్ట్రాకరాళం
ఘం ఘం ఘం ఘోష ఘోషం ఘఘఘఘ ఘటితం ఘర్జరం ఘోరనాదమ్ ।
కం కం కం కాలపాశం ధృక ధృక ధృకితం జ్వాలితం కామదాహం
తం తం తం దివ్యదేహం ప్రణమత సతతం భైరవం క్షేత్రపాలమ్ ॥ 2 ॥
లం లం లం లం వదన్తం లలలల లలితం దీర్ఘజిహ్వా కరాళం
ధూం ధూం ధూం ధూమ్రవర్ణం స్ఫుటవికటముఖం భాస్కరం భీమరూపమ్ ।
రుం రుం రుం రుణ్డమాలం రవితమనియతం తామ్రనేత్రం కరాళం
నం నం నం నగ్నభూషం ప్రణమత సతతం భైరవం క్షేత్రపాలమ్ ॥ 3 ॥
వం వం వం వాయువేగం నతజనసదయం బ్రహ్మసారం పరన్తం
ఖం ఖం ఖం ఖడ్గహస్తం త్రిభువనవిలయం భాస్కరం భీమరూపమ్ ।
చం చం చం చలిత్వాఽచల చల చలితాచ్చాలితం భూమిచక్రం
మం మం మం మాయిరూపం ప్రణమత సతతం భైరవం క్షేత్రపాలమ్ ॥ 4 ॥
శం శం శం శఙ్ఖహస్తం శశికరధవళం మోక్ష సమ్పూర్ణ తేజం
మం మం మం మం మహాన్తం కులమకులకులం మన్త్రగుప్తం సునిత్యమ్ ।
యం యం యం భూతనాథం కిలికిలికిలితం బాలకేళిప్రధానం
అం అం అం అన్తరిక్షం ప్రణమత సతతం భైరవం క్షేత్రపాలమ్ ॥ 5 ॥
ఖం ఖం ఖం ఖడ్గభేదం విషమమృతమయం కాలకాలం కరాళం
క్షం క్షం క్షం క్షిప్రవేగం దహదహదహనం తప్తసన్దీప్యమానమ్ ।
హౌం హౌం హౌఙ్కారనాదం ప్రకటితగహనం గర్జితైర్భూమికమ్పం
వం వం వం వాలలీలం ప్రణమత సతతం భైరవం క్షేత్రపాలమ్ ॥ 6 ॥
సం సం సం సిద్ధియోగం సకలగుణమఖం దేవదేవం ప్రసన్నం
పం పం పం పద్మనాభం హరిహరమయనం చన్ద్రసూర్యాగ్నినేత్రమ్ ।
ఐం ఐం ఐం ఐశ్వర్యనాథం సతతభయహరం పూర్వదేవస్వరూపం
రౌం రౌం రౌం రౌద్రరూపం ప్రణమత సతతం భైరవం క్షేత్రపాలమ్ ॥ 7 ॥
హం హం హం హంసయానం హసితకలహకం ముక్తయోగాట్టహాసం
నం నం నం నేత్రరూపం శిరముకుటజటాబన్ధబన్ధాగ్రహస్తమ్ । [ధంధంధం]
టం టం టం టఙ్కారనాదం త్రిదశలటలటం కామగర్వాపహారం
భుం భుం భుం భూతనాథం ప్రణమత సతతం భైరవం క్షేత్రపాలమ్ ॥ 8 ॥
ఇత్యేవం కామయుక్తం ప్రపఠతి నియతం భైరవస్యాష్టకం యో
నిర్విఘ్నం దుఃఖనాశం సురభయహరణం డాకినీశాకినీనామ్ ।
నశ్యేద్ధి వ్యాఘ్రసర్పౌ హుతవహ సలిలే రాజ్యశంసస్య శూన్యం
సర్వా నశ్యన్తి దూరం విపద ఇతి భృశం చిన్తనాత్సర్వసిద్ధిమ్ ॥ 9 ॥
భైరవస్యాష్టకమిదం షాణ్మాసం యః పఠేన్నరః
స యాతి పరమం స్థానం యత్ర దేవో మహేశ్వరః ॥ 10 ॥
సిన్దూరారుణగాత్రం చ సర్వజన్మవినిర్మితమ్ ।
ముకుటాగ్ర్యధరం దేవం భైరవం ప్రణమామ్యహమ్ ॥ 11 ॥
నమో భూతనాథం నమో ప్రేతనాథం
నమః కాలకాలం నమః రుద్రమాలమ్ ।
నమః కాలికాప్రేమలోలం కరాళం
నమో భైరవం కాశికాక్షేత్రపాలమ్ ॥
ఇతి తీక్ష్ణదంష్ట్ర కాలభైరవాష్టకమ్ ॥
