॥ శ్రీ రామ అష్టోత్తర శతనామస్తోత్రమ్ ॥
శ్రీరామో రామభద్రశ్చ రామచన్ద్రశ్చ శాశ్వతః ।
రాజీవలోచనః శ్రీమాన్ రాజేన్ద్రో రఘుపుఙ్గవః ॥ 1 ॥
జానకీవల్లభో జైత్రో జితామిత్రో జనార్దనః ।
విశ్వామిత్రప్రియో దాన్తః శరణత్రాణతత్పరః ॥ 2 ॥
వాలిప్రమథనో వాగ్మీ సత్యవాక్ సత్యవిక్రమః ।
సత్యవ్రతో వ్రతధరః సదా హనుమదాశ్రిత: ॥ 3 ॥
కఽఉసల్యేయః ఖరధ్వంసీ విరాధవధపణ్డితః ।
విభీషణపరిత్రాతా హరకోదణ్డఖణ్డనః ॥ 4 ॥
సప్తతాలప్రభేత్తా చ దశగ్రీవశిరోహరః ।
జామదగ్వ్యమహాదర్పదలనస్తాటకాన్తకః ॥ 5 ॥
వేదాన్తసారో వేదాత్మా భవరోగస్య భేషజమ్ ।
దూషణత్రిశిరోహన్తా త్రిమూర్తిస్త్రిగుణాత్మకః ॥ 6 ॥
త్రివిక్రమస్త్రిలోకాత్మా పుణ్యచారిత్రకీర్తనః ।
త్రిలోకరక్షకో ధన్వీ దణ్డకారణ్యకర్షణః ॥ 7 ॥
అహల్యాశాపశమనః పితృభక్తో వరప్రదః ।
జితేన్ద్రియో జితక్రోధో జితావద్యో జగద్గురుః ॥ 8 ॥
ఋక్షవానరసఙ్ఘాతీ చిత్రకూటసమాశ్రయః ।
జయన్తత్రాణవరదః సుమిత్రాపుత్రసేవితః ॥ 9 ॥
సర్వదేవాధిదేవశ్చమృతవానరజీవనః ।
మాయామారీచహన్తా చ మహాదేవో మహాభుజః ॥ 10 ॥
సర్వదేవస్తుతః సఽఉమ్యో బ్రహ్మణ్యో మునిసంస్తుతః ।
మహాయోగీ మహోదారః సుగ్రీవేప్సితరాజ్యదః ॥ 11 ॥
సర్వపుణ్యాధికఫలః స్మృతసర్వాఘనాశనః ।
ఆదిపురుషః పరమపురుషో మహాపురుష ఏవ చ ॥ 12 ॥
పుణ్యోదయో దయాసారః పురాణపురుషోత్తమః ।
స్మితవక్త్రో మితాభాషీ పూర్వభాషీ చ రాఘవః ॥ 13 ॥
అనన్తగుణగమ్భీరో ధీరోదాత్తగుణోత్తమః ।
మాయామానుషచారిత్రో మహాదేవాదిపూజితః ॥ 14 ॥
సేతుకృజ్జితవారాశిః సర్వతీర్థమయో హరిః ।
శ్యామాఙ్గః సున్దరః శూరః పీతవాసా ధనుర్ధరః ॥ 15 ॥
సర్వయజ్ఞాధిపో యజ్వా జరామరణవర్జితః ।
విభీషణప్రతిష్ఠాతా సర్వాపగుణవర్జితః ॥ 16 ॥
పరమాత్మా పరం బ్రహ్మ సచ్చిదానన్దవిగ్రహః ।
పరఞ్జ్యోతిః పరన్ధామ పరాకాశః పరాత్పరః ।
పరేశః పారగః పారః సర్వదేవాత్మకః పరః ॥ 17 ॥
శ్రీరామాష్టోత్తరశతం భవతాపనివారకమ్ ।
సమ్పత్కరం త్రిసన్ధ్యాసు పఠతాం భక్తిపూర్వకమ్ ॥ 18 ॥
రామాయ రామభద్రాయ రామచన్ద్రాయ వేధసే ।
రఘునాథాయ నాథాయ సీతాయాఃపతయే నమః ॥ 19 ॥
॥ ఇతి శ్రీస్కన్దపుఱాణే శ్రీరామ అష్టోత్తర శతనామస్తోత్రమ్ ॥
