ಅಭಿರಾಮಿ ಸ್ತೋತ್ರಮ್

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಅಭಿರಾಮಿ ಸ್ತೋತ್ರಮ್

ನಮಸ್ತೇ ಲಲಿತೇ ದೇವಿ ಶ್ರೀಮತ್ಸಿಂಹಾಸನೇಶ್ವರಿ ।
ಭಕ್ತಾನಾಮಿಷ್ಟದೇ ಮಾತಃ ಅಭಿರಾಮಿ ನಮೋಽಸ್ತು ತೇ ॥ 1 ॥

ಚನ್ದ್ರೋದಯಂ ಕೃತವತೀ ತಾಟಙ್ಕೇನ ಮಹೇಶ್ವರಿ ।
ಆಯುರ್ದೇಹಿ ಜಗನ್ಮಾತಃ ಅಭಿರಾಮಿ ನಮೋಽಸ್ತು ತೇ ॥ 2 ॥

ಸುಧಾಘಟೇಶಶ್ರೀಕಾನ್ತೇ ಶರಣಾಗತವತ್ಸಲೇ ।
ಆರೋಗ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ ॥ 3 ॥

ಕಳ್ಯಾಣಿ ಮಙ್ಗಳಂ ದೇಹಿ ಜಗನ್ಮಙ್ಗಳಕಾರಿಣಿ ।
ಐಶ್ವರ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ ॥ 4 ॥

ಚನ್ದ್ರಮಣ್ಡಲಮಧ್ಯಸ್ಥೇ ಮಹಾತ್ರಿಪುರಸುನ್ದರಿ ।
ಶ್ರೀಚಕ್ರರಾಜನಿಲಯೇ ಅಭಿರಾಮಿ ನಮೋಽಸ್ತು ತೇ ॥ 5 ॥

ರಾಜೀವಲೋಚನೇ ಪೂರ್ಣೇ ಪೂರ್ಣಚನ್ದ್ರವಿಧಾಯಿನಿ ।
ಸೌಭಾಗ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ ॥ 6 ॥

ಗಣೇಶಸ್ಕನ್ದಜನನಿ ವೇದರೂಪೇ ಧನೇಶ್ವರಿ ।
ವಿದ್ಯಾಂ ಚ ದೇಹಿ ಮೇ ಕೀರ್ತಿಂ ಅಭಿರಾಮಿ ನಮೋಽಸ್ತು ತೇ ॥ 7 ॥

ಸುವಾಸಿನೀಪ್ರಿಯೇ ಮಾತಃ ಸೌಮಾಙ್ಗಳ್ಯವಿವರ್ಧಿನೀ ।
ಮಾಙ್ಗಳ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ ॥ 8 ॥

ಮಾರ್ಕಣ್ಡೇಯ ಮಹಾಭಕ್ತ ಸುಬ್ರಹ್ಮಣ್ಯ ಸುಪೂಜಿತೇ ।
ಶ್ರೀರಾಜರಾಜೇಶ್ವರೀ ತ್ವಂ ಹ್ಯಭಿರಾಮಿ ನಮೋಽಸ್ತು ತೇ ॥ 9 ॥

ಸಾನ್ನಿಧ್ಯಂ ಕುರು ಕಳ್ಯಾಣೀ ಮಮ ಪೂಜಾಗೃಹೇ ಶುಭೇ ।
ಬಿಮ್ಬೇ ದೀಪೇ ತಥಾ ಪುಷ್ಪೇ ಹರಿದ್ರಾ ಕುಙ್ಕುಮೇ ಮಮ ॥ 10 ॥

ಅಭಿರಾಮ್ಯಾ ಇದಂ ಸ್ತೋತ್ರಂ ಯಃ ಪಠೇಚ್ಛಕ್ತಿಸನ್ನಿಧೌ ।
ಆಯುರ್ಬಲಂ ಯಶೋ ವರ್ಚೋ ಮಙ್ಗಳಂ ಚ ಭವೇತ್ಸುಖಮ್ ॥ 11 ॥

ಇತಿ ಶ್ರೀಅಭಿರಾಮಿಭಟ್ಟಾರ್ ಕೃತ ಶ್ರೀ ಅಭಿರಾಮಿ ಸ್ತೋತ್ರಮ್ ।

Browse Related Categories: