ಕ್ಷಮಸ್ವ ಭಗವತ್ಯಮ್ಬ ಕ್ಷಮಾ ಶೀಲೇ ಪರಾತ್ಪರೇ।
ಶುದ್ಧ ಸತ್ವ ಸ್ವರೂಪೇಚ ಕೋಪಾದಿ ಪರಿ ವರ್ಜಿತೇ॥
ಉಪಮೇ ಸರ್ವ ಸಾಧ್ವೀನಾಂ ದೇವೀನಾಂ ದೇವ ಪೂಜಿತೇ।
ತ್ವಯಾ ವಿನಾ ಜಗತ್ಸರ್ವಂ ಮೃತ ತುಲ್ಯಞ್ಚ ನಿಷ್ಫಲಮ್।
ಸರ್ವ ಸಮ್ಪತ್ಸ್ವರೂಪಾತ್ವಂ ಸರ್ವೇಷಾಂ ಸರ್ವ ರೂಪಿಣೀ।
ರಾಸೇಶ್ವರ್ಯಧಿ ದೇವೀತ್ವಂ ತ್ವತ್ಕಲಾಃ ಸರ್ವಯೋಷಿತಃ॥
ಕೈಲಾಸೇ ಪಾರ್ವತೀ ತ್ವಞ್ಚ ಕ್ಷೀರೋಧೇ ಸಿನ್ಧು ಕನ್ಯಕಾ।
ಸ್ವರ್ಗೇಚ ಸ್ವರ್ಗ ಲಕ್ಷ್ಮೀ ಸ್ತ್ವಂ ಮರ್ತ್ಯ ಲಕ್ಷ್ಮೀಶ್ಚ ಭೂತಲೇ॥
ವೈಕುಣ್ಠೇಚ ಮಹಾಲಕ್ಷ್ಮೀಃ ದೇವದೇವೀ ಸರಸ್ವತೀ।
ಗಙ್ಗಾಚ ತುಲಸೀತ್ವಞ್ಚ ಸಾವಿತ್ರೀ ಬ್ರಹ್ಮ ಲೋಕತಃ॥
ಕೃಷ್ಣ ಪ್ರಾಣಾಧಿ ದೇವೀತ್ವಂ ಗೋಲೋಕೇ ರಾಧಿಕಾ ಸ್ವಯಮ್।
ರಾಸೇ ರಾಸೇಶ್ವರೀ ತ್ವಞ್ಚ ಬೃನ್ದಾ ಬೃನ್ದಾವನೇ ವನೇ॥
ಕೃಷ್ಣ ಪ್ರಿಯಾ ತ್ವಂ ಭಾಣ್ಡೀರೇ ಚನ್ದ್ರಾ ಚನ್ದನ ಕಾನನೇ।
ವಿರಜಾ ಚಮ್ಪಕ ವನೇ ಶತ ಶೃಙ್ಗೇಚ ಸುನ್ದರೀ।
ಪದ್ಮಾವತೀ ಪದ್ಮ ವನೇ ಮಾಲತೀ ಮಾಲತೀ ವನೇ।
ಕುನ್ದ ದನ್ತೀ ಕುನ್ದವನೇ ಸುಶೀಲಾ ಕೇತಕೀ ವನೇ॥
ಕದಮ್ಬ ಮಾಲಾ ತ್ವಂ ದೇವೀ ಕದಮ್ಬ ಕಾನನೇ2ಪಿಚ।
ರಾಜಲಕ್ಷ್ಮೀಃ ರಾಜ ಗೇಹೇ ಗೃಹಲಕ್ಷ್ಮೀ ರ್ಗೃಹೇ ಗೃಹೇ॥
ಇತ್ಯುಕ್ತ್ವಾ ದೇವತಾಸ್ಸರ್ವಾಃ ಮುನಯೋ ಮನವಸ್ತಥಾ।
ರೂರೂದುರ್ನ ಮ್ರವದನಾಃ ಶುಷ್ಕ ಕಣ್ಠೋಷ್ಠ ತಾಲುಕಾಃ॥
ಇತಿ ಲಕ್ಷ್ಮೀ ಸ್ತವಂ ಪುಣ್ಯಂ ಸರ್ವದೇವೈಃ ಕೃತಂ ಶುಭಮ್।
ಯಃ ಪಠೇತ್ಪ್ರಾತರುತ್ಥಾಯ ಸವೈಸರ್ವಂ ಲಭೇದ್ಧ್ರುವಮ್॥
ಅಭಾರ್ಯೋ ಲಭತೇ ಭಾರ್ಯಾಂ ವಿನೀತಾಂ ಸುಸುತಾಂ ಸತೀಮ್।
ಸುಶೀಲಾಂ ಸುನ್ದರೀಂ ರಮ್ಯಾಮತಿ ಸುಪ್ರಿಯವಾದಿನೀಮ್॥
ಪುತ್ರ ಪೌತ್ರ ವತೀಂ ಶುದ್ಧಾಂ ಕುಲಜಾಂ ಕೋಮಲಾಂ ವರಾಮ್।
ಅಪುತ್ರೋ ಲಭತೇ ಪುತ್ರಂ ವೈಷ್ಣವಂ ಚಿರಜೀವಿನಮ್॥
ಪರಮೈಶ್ವರ್ಯ ಯುಕ್ತಞ್ಚ ವಿದ್ಯಾವನ್ತಂ ಯಶಸ್ವಿನಮ್।
ಭ್ರಷ್ಟರಾಜ್ಯೋ ಲಭೇದ್ರಾಜ್ಯಂ ಭ್ರಷ್ಟ ಶ್ರೀರ್ಲಭೇತೇ ಶ್ರಿಯಮ್॥
ಹತ ಬನ್ಧುರ್ಲಭೇದ್ಬನ್ಧುಂ ಧನ ಭ್ರಷ್ಟೋ ಧನಂ ಲಭೇತ್॥
ಕೀರ್ತಿ ಹೀನೋ ಲಭೇತ್ಕೀರ್ತಿಂ ಪ್ರತಿಷ್ಠಾಞ್ಚ ಲಭೇದ್ಧ್ರುವಮ್॥
ಸರ್ವ ಮಙ್ಗಳದಂ ಸ್ತೋತ್ರಂ ಶೋಕ ಸನ್ತಾಪ ನಾಶನಮ್।
ಹರ್ಷಾನನ್ದಕರಂ ಶಾಶ್ವದ್ಧರ್ಮ ಮೋಕ್ಷ ಸುಹೃತ್ಪದಮ್॥
॥ ಇತಿ ಸರ್ವ ದೇವ ಕೃತ ಲಕ್ಷ್ಮೀ ಸ್ತೋತ್ರಂ ಸಮ್ಪೂರ್ಣಮ್ ॥
