കൈലാസാചലമധ്യഗം പുരവഹം ശാംതം ത്രിനേത്രം ശിവം
വാമസ്ഥാ കവചം പ്രണമ്യ ഗിരിജാ ഭൂതിപ്രദം പൃച്ഛതി ।
ദേവീ ശ്രീബഗലാമുഖീ രിപുകുലാരണ്യാഗ്നിരൂപാ ച യാ
തസ്യാശ്ചാപവിമുക്ത മംത്രസഹിതം പ്രീത്യാഽധുനാ ബ്രൂഹി മാമ് ॥ 1 ॥
ശ്രീശംകര ഉവാച ।
ദേവീ ശ്രീഭവവല്ലഭേ ശൃണു മഹാമംത്രം വിഭൂതിപ്രദം
ദേവ്യാ വര്മയുതം സമസ്തസുഖദം സാമ്രാജ്യദം മുക്തിദമ് ।
താരം രുദ്രവധൂം വിരിംചിമഹിലാ വിഷ്ണുപ്രിയാ കാമയു-
-ക്കാംതേ ശ്രീബഗലാനനേ മമ രിപൂന്നാശായ യുഗ്മംത്വിതി ॥ 2 ॥
ഐശ്വര്യാണി പദം ച ദേഹി യുഗലം ശീഘ്രം മനോവാംഛിതം
കാര്യം സാധയ യുഗ്മയുക്ഛിവവധൂ വഹ്നിപ്രിയാംതോ മനുഃ ।
കംസാരേസ്തനയം ച ബീജമപരാശക്തിശ്ച വാണീ തഥാ
കീലം ശ്രീമിതി ഭൈരവര്ഷിസഹിതം ഛംദോ വിരാട് സംയുതമ് ॥ 3 ॥
സ്വേഷ്ടാര്ഥസ്യ പരസ്യ വേത്തി നിതരാം കാര്യസ്യ സംപ്രാപ്തയേ
നാനാസാധ്യമഹാഗദസ്യ നിയതന്നാശായ വീര്യാപ്തയേ ।
ധ്യാത്വാ ശ്രീബഗലാനനാമനുവരം ജപ്ത്വാ സഹസ്രാഖ്യകം
ദീര്ഘൈഃ ഷട്കയുതൈശ്ച രുദ്രമഹിലാബീജൈർവിന്യാസ്യാംഗകേ ॥ 4 ॥
ധ്യാനമ് ।
സൌവര്ണാസനസംസ്ഥിതാം ത്രിനയനാം പീതാംശുകോലാസിനീം
ഹേമാഭാംഗരുചിം ശശാംകമുകുടാം സ്രക്ചംപകസ്രഗ്യുതാമ് ।
ഹസ്തൈര്മദ്ഗരപാശബദ്ധരസനാം സംബിഭ്രതീം ഭൂഷണ-
-വ്യാപ്താംഗീം ബഗലാമുഖീം ത്രിജഗതാം സംസ്തംഭിനീം ചിംതയേ ॥ 5 ॥
വിനിയോഗഃ ।
ഓം അസ്യ ശ്രീബഗലാമുഖീ ബ്രഹ്മാസ്ത്രമംത്ര കവചസ്യ ഭൈരവ ഋഷിഃ വിരാട് ഛംദഃ ശ്രീബഗളാമുഖീ ദേവതാ ക്ലീം ബീജം ഐം ശക്തിഃ ശ്രീം കീലകം മമ പരസ്യ ച മനോഭിലഷിതേഷ്ടകാര്യസിദ്ധയേ വിനിയോഗഃ ।
ഋഷ്യാദിന്യാസഃ ।
ഭൈരവ ഋഷയേ നമഃ ശിരസി ।
വിരാട് ഛംദസേ നമഃ മുഖേ ।
ശ്രീ ബഗലാമുഖീ ദേവതായൈ നമഃ ഹൃദി ।
ക്ലീം ബീജായ നമഃ ഗുഹ്യേ ।
ഐം ശക്തയേ നമഃ പാദയോഃ ।
ശ്രീം കീലകായ നമഃ സർവാംഗേ ।
കരന്യാസഃ ।
ഓം ഹ്രാം അംഗുഷ്ഠാഭ്യാം നമഃ ।
ഓം ഹ്രീം തര്ജനീഭ്യാം നമഃ ।
ഓം ഹ്രൂം മധ്യമാഭ്യാം നമഃ ।
ഓം ഹ്രൈം അനാമികാഭ്യാം നമഃ ।
ഓം ഹ്രൌം കനിഷ്ഠികാഭ്യാം നമഃ ।
ഓം ഹ്രഃ കരതലകരപൃഷ്ഠാഭ്യാം നമഃ ।
അംഗന്യാസഃ ।
ഓം ഹ്രാം ഹൃദയായ നമഃ ।
ഓം ഹ്രീം ശിരസേ സ്വാഹാ ।
ഓം ഹ്രൂം ശിഖായൈ വഷട് ।
ഓം ഹ്രൈം കവചായ ഹുമ് ।
ഓം ഹ്രൌം നേത്രത്രയായ വൌഷട് ।
ഓം ഹ്രഃ അസ്ത്രായ ഫട് ।
ഭൂര്ഭുവസ്സുവരോമിതി ദിഗ്ബംധഃ ।
മംത്രോദ്ധാരഃ ।
ഓം ഹ്രീം ഐം ശ്രീം ക്ലീം ശ്രീബഗലാനനേ മമ രിപൂന്നാശയ നാശയ മമൈശ്വര്യാണി ദേഹി ദേഹി ശീഘ്രം മനോവാംഛിതകാര്യം സാധയഃ സാധയഃ ഹ്രീം സ്വാഹാ ।
കവചമ് ।
ശിരോ മേ പാതു ഓം ഹ്രീം ഐം ശ്രീം ക്ലീം പാതു ലലാടകമ് ।
സംബോധനപദം പാതു നേത്രേ ശ്രീബഗലാനനേ ॥ 1 ॥
ശ്രുതൌ മമ രിപും പാതു നാസികാന്നാശയ ദ്വയമ് ।
പാതു ഗംഡൌ സദാ മാമൈശ്വര്യാണ്യം തം തു മസ്തകമ് ॥ 2 ॥
ദേഹി ദ്വംദ്വം സദാ ജിഹ്വാം പാതു ശീഘ്രം വചോ മമ ।
കംഠദേശം മനഃ പാതു വാംഛിതം ബാഹുമൂലകമ് ॥ 3 ॥
കാര്യം സാധയ ദ്വംദ്വംതു കരൌ പാതു സദാ മമ ।
മായായുക്താ തഥാ സ്വാഹാ ഹൃദയം പാതു സർവദാ ॥ 4 ॥
അഷ്ടാധികചത്വാരിംശദ്ദംഡാഢ്യാ ബഗലാമുഖീ ।
രക്ഷാം കരോതു സർവത്ര ഗൃഹേഽരണ്യേ സദാ മമ ॥ 5 ॥
ബ്രഹ്മാസ്ത്രാഖ്യോ മനുഃ പാതു സർവാംഗേ സർവസംധിഷു ।
മംത്രരാജഃ സദാ രക്ഷാം കരോതു മമ സർവദാ ॥ 6 ॥
ഓം ഹ്രീം പാതു നാഭിദേശം കടിം മേ ബഗലാഽവതു ।
മുഖീ വര്ണദ്വയം പാതു ലിംഗം മേ മുഷ്കയുഗ്മകമ് ॥ 7 ॥
ജാനുനീ സർവദുഷ്ടാനാം പാതു മേ വര്ണപംചകമ് ।
വാചം മുഖം തഥാ പദം ഷഡ്വര്ണാ പരമേശ്വരീ ॥ 8 ॥
ജംഘായുഗ്മേ സദാ പാതു ബഗലാ രിപുമോഹിനീ ।
സ്തംഭയേതി പദം പൃഷ്ഠം പാതു വര്ണത്രയം മമ ॥ 9 ॥
ജിഹ്വാം വര്ണദ്വയം പാതു ഗുല്ഫൌ മേ കീലയേതി ച ।
പാദോര്ധ്വം സർവദാ പാതു ബുദ്ധിം പാദതലേ മമ ॥ 10 ॥
വിനാശയ പദം പാതു പാദാംഗുല്യോര്നഖാനി മേ ।
ഹ്രീം ബീജം സർവദാ പാതു ബുദ്ധീംദ്രിയവചാംസി മേ ॥ 11 ॥
സർവാംഗം പ്രണവഃ പാതു സ്വാഹാ രോമാണി മേഽവതു ।
ബ്രാഹ്മീ പൂർവദലേ പാതു ചാഗ്നേയാം വിഷ്ണുവല്ലഭാ ॥ 12 ॥
മാഹേശീ ദക്ഷിണേ പാതു ചാമുംഡാ രാക്ഷസേഽവതു ।
കൌമാരീ പശ്ചിമേ പാതു വായവ്യേ ചാപരാജിതാ ॥ 13 ॥
വാരാഹീ ചോത്തരേ പാതു നാരസിംഹീ ശിവേഽവതു ।
ഊര്ധ്വം പാതു മഹാലക്ഷ്മീഃ പാതാലേ ശാരദാഽവതു ॥ 14 ॥
ഇത്യഷ്ടൌ ശക്തയഃ പാംതു സായുധാശ്ച സവാഹനാഃ ।
രാജദ്വാരേ മഹാദുര്ഗേ പാതു മാം ഗണനായകഃ ॥ 15 ॥
ശ്മശാനേ ജലമധ്യേ ച ഭൈരവശ്ച സദാഽവതു ।
ദ്വിഭുജാ രക്തവസനാഃ സർവാഭരണഭൂഷിതാഃ ॥ 16 ॥
യോഗിന്യഃ സർവദാ പാതു മഹാരണ്യേ സദാ മമ ।
ഇതി തേ കഥിതം ദേവി കവചം പരമാദ്ഭുതമ് ॥ 17 ॥
ശ്രീവിശ്വവിജയന്നാമ കീര്തിശ്രീവിജയപ്രദമ് ।
അപുത്രോ ലഭതേ പുത്രം ധീരം ശൂരം ശതായുഷമ് ॥ 18 ॥
നിര്ധനോ ധനമാപ്നോതി കവചസ്യാസ്യ പാഠതഃ ।
ജപിത്വാ മംത്രരാജം തു ധ്യാത്വാ ശ്രീബഗലാമുഖീമ് ॥ 19 ॥
പഠേദിദം ഹി കവചം നിശായാം നിയമാത്തു യഃ ।
യദ്യത്കാമയതേ കാമം സാധ്യാസാധ്യേ മഹീതലേ ॥ 20 ॥
തത്തത്കാമമവാപ്നോതി സപ്തരാത്രേണ ശംകരീ ।
ഗുരും ധ്യാത്വാ സുരാം പീത്വാ രാത്രൌ ശക്തിസമന്വിതഃ ॥ 21 ॥
കവചം യഃ പഠേദ്ദേവി തസ്യാഽസാധ്യം ന കിംചന ।
യം ധ്യാത്വാ പ്രജപേന്മംത്രം സഹസ്രം കവചം പഠേത് ॥ 22 ॥
ത്രിരാത്രേണ വശം യാതി മൃത്യും തം നാത്ര സംശയഃ ।
ലിഖിത്വാ പ്രതിമാം ശത്രോഃ സതാലേന ഹരിദ്രയാ ॥ 23 ॥
ലിഖിത്വാ ഹ്യദി തം നാമ തം ധ്യാത്വാ പ്രജപേന്മനുമ് ।
ഏകവിംശദ്ദിനം യാവത്പ്രത്യഹം ച സഹസ്രകമ് ॥ 24 ॥
ജപ്ത്വാ പഠേത്തു കവചം ചതുർവിംശതിവാരകമ് ।
സംസ്തംഭം ജായതേ ശത്രോര്നാത്ര കാര്യാ വിചാരണാ ॥ 25 ॥
വിവാദേ വിജയം തസ്യ സംഗ്രാമേ ജയമാപ്നുയാത് ।
ശ്മശാനേ ച ഭയം നാസ്തി കവചസ്യ പ്രഭാവതഃ ॥ 26 ॥
നവനീതം ചാഭിമംത്ര്യ സ്ത്രീണാം ദദ്യാന്മഹേശ്വരി ।
വംധ്യായാം ജായതേ പുത്രോ വിദ്യാബലസമന്വിതഃ ॥ 27 ॥
ശ്മശാനാംഗാരമാദായ ഭൌമേ രാത്രൌ ശനാവഥ ।
പാദോദകേന സ്പൃഷ്ട്വാ ച ലിഖേല്ലോഹശലാകയാ ॥ 28 ॥
ഭൂമൌ ശത്രോഃ സ്വരൂപം ച ഹൃദി നാമ സമാലിഖേത് ।
ഹസ്തം തദ്ധൃദയേ ദത്വാ കവചം തിഥിവാരകമ് ॥ 29 ॥
ധ്യാത്വാ ജപേന്മംത്രരാജം നവരാത്രം പ്രയത്നതഃ ।
മ്രിയതേ ജ്വരദാഹേന ദശമേഽഹ്നി ന സംശയഃ ॥ 30 ॥
ഭൂര്ജപത്രേഷ്വിദം സ്തോത്രമഷ്ടഗംധേന സംലിഖേത് ।
ധാരയേദ്ദക്ഷിണേ ബാഹൌ നാരീ വാമഭുജേ തഥാ ॥ 31 ॥
സംഗ്രാമേ ജയമാപ്നോതി നാരീ പുത്രവതീ ഭവേത് ।
ബ്രഹ്മാസ്ത്രാദീനി ശസ്ത്രാണി നൈവ കൃംതംതി തം ജനമ് ॥ 32 ॥
സംപൂജ്യ കവചം നിത്യം പൂജായാഃ ഫലമാലഭേത് ।
ബൃഹസ്പതിസമോ വാപി വിഭവേ ധനദോപമഃ ॥ 33 ॥
കാമതുല്യശ്ച നാരീണാം ശത്രൂണാം ച യമോപമഃ ।
കവിതാലഹരീ തസ്യ ഭവേദ്ഗംഗാപ്രവാഹവത് ॥ 34 ॥
ഗദ്യപദ്യമയീ വാണീ ഭവേദ്ദേവീപ്രസാദതഃ ।
ഏകാദശശതം യാവത്പുരശ്ചരണമുച്യതേ ॥ 35 ॥
പുരശ്ചര്യാവിഹീനം തു ന ചേദം ഫലദായകമ് ।
ന ദേയം പരശിഷ്യേഭ്യോ ദുഷ്ടേഭ്യശ്ച വിശേഷതഃ ॥ 36 ॥
ദേയം ശിഷ്യായ ഭക്തായ പംചത്വം ചാഽന്യഥാപ്നുയാത് ।
ഇദം കവചമജ്ഞാത്വാ ഭജേദ്യോ ബഗലാമുഖീമ് ।
ശതകോടി ജപിത്വാ തു തസ്യ സിദ്ധിര്ന ജായതേ ॥ 37 ॥
ദാരാഢ്യോ മനുജോസ്യ ലക്ഷജപതഃ പ്രാപ്നോതി സിദ്ധിം പരാം
വിദ്യാം ശ്രീവിജയം തഥാ സുനിയതം ധീരം ച വീരം വരമ് ।
ബ്രഹ്മാസ്ത്രാഖ്യമനും വിലിഖ്യ നിതരാം ഭൂര്ജേഷ്ടഗംധേന വൈ
ധൃത്വാ രാജപുരം വ്രജംതി ഖലു യേ ദാസോഽസ്തി തേഷാം നൃപഃ ॥ 38 ॥
ഇതി വിശ്വസാരോദ്ധാരതംത്രേ പാർവതീശ്വരസംവാദേ ബഗളാമുഖീകവചം സംപൂര്ണമ് ।
