ପାର୍ଵତ୍ୟୁଵାଚ
ନମସ୍ତେଽସ୍ତୁ ତ୍ରୟୀନାଥ ପରମାନଂଦକାରକ ।
କଵଚଂ ଦକ୍ଷିଣାମୂର୍ତେଃ କୃପୟା ଵଦ ମେ ପ୍ରଭୋ ॥ 1 ॥
ଈଶ୍ଵର ଉଵାଚ
ଵକ୍ଷ୍ୟେଽହଂ ଦେଵଦେଵେଶି ଦକ୍ଷିଣାମୂର୍ତିରଵ୍ୟୟମ୍ ।
କଵଚଂ ସର୍ଵପାପଘ୍ନଂ ଵେଦାଂତଜ୍ଞାନଗୋଚରମ୍ ॥ 2 ॥
ଅଣିମାଦି ମହାସିଦ୍ଧିଵିଧାନଚତୁରଂ ଶୁଭମ୍ ।
ଵେଦଶାସ୍ତ୍ରପୁରାଣାନି କଵିତା ତର୍କ ଏଵ ଚ ॥ 3 ॥
ବହୁଧା ଦେଵି ଜାୟଂତେ କଵଚସ୍ୟ ପ୍ରଭାଵତଃ ।
ଋଷିର୍ବ୍ରହ୍ମା ସମୁଦ୍ଦିଷ୍ଟଶ୍ଛଂଦୋଽନୁଷ୍ଟୁବୁଦାହୃତମ୍ ॥ 4 ॥
ଦେଵତା ଦକ୍ଷିଣାମୂର୍ତିଃ ପରମାତ୍ମା ସଦାଶିଵଃ ।
ବୀଜଂ ଵେଦାଦିକଂ ଚୈଵ ସ୍ଵାହା ଶକ୍ତିରୁଦାହୃତା ।
ସର୍ଵଜ୍ଞତ୍ଵେଽପି ଦେଵେଶି ଵିନିୟୋଗଂ ପ୍ରଚକ୍ଷତେ ॥ 5 ॥
ଧ୍ୟାନମ୍
ଅଦ୍ଵଂଦ୍ଵନେତ୍ରମମଲେଂଦୁକଳାଵତଂସଂ
ହଂସାଵଲଂବିତ ସମାନ ଜଟାକଲାପମ୍ ।
ଆନୀଲକଂଠମୁପକଂଠମୁନିପ୍ରଵୀରାନ୍
ଅଧ୍ୟାପୟଂତମଵଲୋକୟ ଲୋକନାଥମ୍ ॥
କଵଚମ୍
ଓମ୍ । ଶିରୋ ମେ ଦକ୍ଷିଣାମୂର୍ତିରଵ୍ୟାତ୍ ଫାଲଂ ମହେଶ୍ଵରଃ ।
ଦୃଶୌ ପାତୁ ମହାଦେଵଃ ଶ୍ରଵଣେ ଚଂଦ୍ରଶେଖରଃ ॥ 1 ॥
କପୋଲୌ ପାତୁ ମେ ରୁଦ୍ରୋ ନାସାଂ ପାତୁ ଜଗଦ୍ଗୁରୁଃ ।
ମୁଖଂ ଗୌରୀପତିଃ ପାତୁ ରସନାଂ ଵେଦରୂପଧୃତ୍ ॥ 2 ॥
ଦଶନାଂ ତ୍ରିପୁରଧ୍ଵଂସୀ ଚୋଷ୍ଠଂ ପନ୍ନଗଭୂଷଣଃ ।
ଅଧରଂ ପାତୁ ଵିଶ୍ଵାତ୍ମା ହନୂ ପାତୁ ଜଗନ୍ମୟଃ ॥ 3 ॥
ଚୁବୁକଂ ଦେଵଦେଵସ୍ତୁ ପାତୁ କଂଠଂ ଜଟାଧରଃ ।
ସ୍କଂଧୌ ମେ ପାତୁ ଶୁଦ୍ଧାତ୍ମା କରୌ ପାତୁ ୟମାଂତକଃ ॥ 4 ॥
କୁଚାଗ୍ରଂ କରମଧ୍ୟଂ ଚ ନଖରାନ୍ ଶଂକରଃ ସ୍ଵୟମ୍ ।
ହୃନ୍ମେ ପଶୁପତିଃ ପାତୁ ପାର୍ଶ୍ଵେ ପରମପୂରୁଷଃ ॥ 5 ॥
ମଧ୍ୟମଂ ପାତୁ ଶର୍ଵୋ ମେ ନାଭିଂ ନାରାୟଣପ୍ରିୟଃ ।
କଟିଂ ପାତୁ ଜଗଦ୍ଭର୍ତା ସକ୍ଥିନୀ ଚ ମୃଡଃ ସ୍ଵୟମ୍ ॥ 6 ॥
କୃତ୍ତିଵାସାଃ ସ୍ଵୟଂ ଗୁହ୍ୟାମୂରୂ ପାତୁ ପିନାକଧୃତ୍ ।
ଜାନୁନୀ ତ୍ର୍ୟଂବକଃ ପାତୁ ଜଂଘେ ପାତୁ ସଦାଶିଵଃ ॥ 7 ॥
ସ୍ମରାରିଃ ପାତୁ ମେ ପାଦୌ ପାତୁ ସର୍ଵାଂଗମୀଶ୍ଵରଃ ।
ଇତୀଦଂ କଵଚଂ ଦେଵି ପରମାନଂଦଦାୟକମ୍ ॥ 8 ॥
ଜ୍ଞାନଵାଗର୍ଥଦଂ ଵୀର୍ୟମଣିମାଦିଵିଭୂତିଦମ୍ ।
ଆୟୁରାରୋଗ୍ୟମୈଶ୍ଵର୍ୟମପମୃତ୍ୟୁଭୟାପହମ୍ ॥ 9 ॥
ପ୍ରାତଃ କାଲେ ଶୁଚିର୍ଭୂତ୍ଵା ତ୍ରିଵାରଂ ସର୍ଵଦା ଜପେତ୍ ।
ନିତ୍ୟଂ ପୂଜାସମାୟୁକ୍ତଃ ସଂଵତ୍ସରମତଂଦ୍ରିତଃ ॥ 10 ॥
ଜପେତ୍ ତ୍ରିସଂଧ୍ୟଂ ୟୋ ଵିଦ୍ଵାନ୍ ଵେଦଶାସ୍ତ୍ରାର୍ଥପାରଗଃ ।
ଗଦ୍ୟପଦ୍ୟୈସ୍ତଥା ଚାପି ନାଟକାଃ ସ୍ଵୟମେଵ ହି ।
ନିର୍ଗଚ୍ଛଂତି ମୁଖାଂଭୋଜାତ୍ସତ୍ୟମେତନ୍ନ ସଂଶୟଃ ॥ 11 ॥
ଇତି ରୁଦ୍ରୟାମଲେ ଉମାମହେଶ୍ଵରସଂଵାଦେ ଶ୍ରୀ ଦକ୍ଷିଣାମୂର୍ତି କଵଚମ୍ ॥
