උදක ශාන්ති (පුණ්යාහ වාචනං)

1.0 කලශ ප්රතිෂ්ඨාපන ප්රයෝග මන්ත්රාඃ
බ්රහ්ම॑ජජ්ඤා॒න-ම්ප්ර॑ථ॒ම-ම්පු॒රස්තා॒-ද්විසී॑ම॒ත-ස්සු॒රුචෝ॑ වේ॒න ආ॑වඃ ।
ස බු॒ධ්නියා॑ උප॒මා අ॑ස්ය වි॒ෂ්ඨා-ස්ස॒තශ්ච॒ යෝනි॒-මස॑තශ්ච॒ විවඃ॑ ।

නාකේ॑ සුප॒ර්ණ මුප॒ය-ත්පත॑න්තග්​ම් හෘ॒දා වේන॑න්තෝ අ॒භ්යච॑ක්ෂ-තත්වා ।
හිර॑ණ්යපක්ෂං॒-වඁරු॑ණස්ය දූ॒තං-යඁ॒මස්ය॒ යෝනෞ॑ ශකු॒න-ම්භු॑ර॒ණ්යුම් ।

ආප්යා॑යස්ව॒ සමේ॑තු තේ වි॒ශ්වත॑-ස්සෝම॒ වෘෂ්ණි॑යම් । භවා॒ වාජ॑ස්ය සඞ්ග॒ථේ ।
යෝ රු॒ද්රෝ අ॒ග්නෞ යෝ අ॒ඵ්සු ය ඕෂ॑ධීෂු॒ යෝ රු॒ද්රෝ විශ්වා॒
භුව॑නා-ऽऽවි॒වේශ॒ තස්මෛ॑ රු॒ද්රාය॒ නමෝ॑ අස්තු । 1 (අප උපස්පෘශ්ය)

ඉ॒දං-විඁෂ්ණු॒ ර්විච॑ක්රමේ ත්රේ॒ධා නිද॑ධේ ප॒දම් । සමූ॑ඪමස්ය පාග්​ම් සු॒රේ ।
ඉන්ද්රං॒-විඁශ්වා॑ අවීවෘධන්-ථ්සමු॒ද්රව්ය॑චස॒-ඞ්ගිරඃ॑ ।
ර॒ථීත॑මග්​ම් රථී॒නාං-වාඁජා॑නා॒ග්​ම්॒ සත්ප॑ති॒-ම්පති᳚ම් ।
ආපෝ॒ වා ඉ॒දංග්​ම් සර්වං॒-විඁශ්වා॑ භූ॒තාන්යාපඃ॑ ප්රා॒ණා වා ආපඃ॑ ප॒ශව॒ ආපෝ-ऽන්න॒මාපෝ-ऽමෘ॑ත॒මාප॑-ස්ස॒ම්රාඩාපෝ॑ වි॒රාඩාප॑-ස්ස්ව॒රාඩාප॒-ශ්ඡන්දා॒ග්॒ශ්යාපෝ॒ ජ්යෝතී॒ග්॒ෂ්යාපෝ॒ යජූ॒ග්॒ෂ්යාප॑-ස්ස॒ත්යමාප॒-ස්සර්වා॑ දේ॒වතා॒ ආපෝ॒ භූර්භුව॒ස්සුව॒රාප॒ ඕම් । 2

අ॒පඃ ප්රණ॑යති । ශ්ර॒ද්ධා වා ආපඃ॑ । ශ්ර॒ද්ධාමේ॒වාරභ්ය॑ ප්ර॒ණීය॒ ප්රච॑රති ।
අ॒පඃ ප්රණ॑යති ।
ය॒ජ්ඤෝ වා ආපඃ॑ । ය॒ජ්ඤමේ॒වාරභ්ය॑ ප්ර॒ණීය॒ ප්රච॑රති । අ॒පඃ ප්රණ॑යති ।
වජ්රෝ॒ වා ආපඃ॑ । වජ්ර॑මේ॒ව භ්රාතෘ॑ව්යේභ්යඃ ප්ර॒හෘත්ය॑ ප්ර॒ණීය॒ ප්රච॑රති ।
අ॒පඃ ප්රණ॑යති ।
ආපෝ॒ වෛ ර॑ක්ෂෝ॒ඝ්නීඃ । රක්ෂ॑සා॒මප॑හත්යෛ । අ॒පඃ ප්රණ॑යති ।
ආපෝ॒ වෛ දේ॒වානා᳚-ම්ප්රි॒ය-න්ධාම॑ । දේ॒වානා॑මේ॒ව ප්රි॒ය-න්ධාම॑ ප්ර॒ණීය॒ ප්රච॑රති । අ॒පඃ ප්රණ॑යති ।
ආපෝ॒ වෛ සර්වා॑ දේ॒වතාඃ᳚ । දේ॒වතා॑ ඒ॒වාරභ්ය॑ ප්ර॒ණීය॒ ප්රච॑රති ।
අ॒පඃ ප්රණ॑යති ।
ආපෝ॒ වෛ ශා॒න්තාඃ । ශා॒න්තාභි॑රේ॒වාස්ය॒ ශුචග්​ම්॑ ශමයති । දේ॒වෝ වඃ॑
සවි॒තෝ-ත්පු॑නා॒ත්ව-ච්ඡි॑ද්රේණ ප॒විත්රේ॑ණ॒ වසෝ॒ස්සූර්ය॑ස්ය ර॒ශ්මිභිඃ॑ ॥ 3

1.1 වේදාරම්භේ සර්වසාධාරණ්යේන ජප්යාඃ මන්ත්රාඃ
ඕ-ම්භූඃ තථ්ස॑වි॒තු-ර්වරේ᳚ණ්යම් । ඕ-ම්භුවඃ॑ භර්ගෝ॑ දේ॒වස්ය॑ ධීමහි । ඕග්​ම් සුවඃ॑ ධියෝ॒ යෝනඃ॑ ප්රචෝ॒දයා᳚ත් ।
ඕ-ම්භූඃ තථ්ස॑වි॒තු-ර්වරේ᳚ණ්යම් । භර්ගෝ॑ දේ॒වස්ය॑ ධීමහි । ඕ-ම්භුවඃ ධියෝ॒ යෝනඃ॑ ප්රචෝ॒දයා᳚ත් ।

ඕග්​ම් සුවඃ॑ තථ්ස॑වි॒තු-ර්වරේ᳚ණ්යං॒ භර්ගෝ॑ දේ॒වස්ය॑ ධීමහි । ධියෝ॒ යෝනඃ॑ ප්රචෝ॒දයා᳚ත් । ඕං ශාන්ති॒-ශ්ශාන්ති॒-ශ්ශාන්තිඃ॑ ।

1.2 වේදාදයඃ
අ॒ග්නිමී᳚ළේ පු॒රෝහි॑තං-ය॒ජ්ඤස්ය॑
දේ॒වමෘ॒ත්විජ᳚ම් । හෝතා᳚රං රත්න॒ ධාත॑මම් ।
ඉ॒ෂේ ත්වෝ॒ර්ජේත්වා॑ වා॒යව॑ස්ස්ථෝ පා॒යව॑ස්ථ දේ॒වෝ ව॑ස්සවි॒තා ප්රාර්ප॑යතු॒ ශ්රේෂ්ඨ॑තමාය॒ කර්ම॑ණේ ।
අග්න॒ ආයා॑හි වී॒තයේ॑ ගෘණා॒නෝ හ॒ව්යදා॑තයේ । නිහෝතා॑ සථ්සි බ॒ර්॒හිෂි॑ ।

ශන්නෝ॑ දේ॒වීර॒භිෂ්ට॑ය॒ ආපෝ॑ භවන්තු පී॒තයේ᳚ । ශං-යෝඁර॒භිස්ර॑වන්තු නඃ ॥ 1 (1) ॥

1.3 රක්ෂෝඝ්නං
කෘ॒ණු॒ෂ්ව පාජඃ॒ ප්රසි॑ති॒න්න පෘ॒ථ්වීං-යාඁ॒හි රාජේ॒ වාම॑වා॒ග්​ම්॒ ඉභේ॑න । තෘ॒ෂ්වීමනු॒ ප්රසි॑තිං-ද්රූණා॒නෝ-ऽස්තා॑-ऽසි॒ විද්ධ්ය॑ ර॒ක්ෂස॒ ස්තපි॑ෂ්ඨෛඃ । තව॑ භ්ර॒මාස॑ ආශු॒යා ප॑තං॒ ත්යනු॑ස්පෘශ-ධෘෂ॒තා ශෝශු॑චානඃ । තපූග්॑ෂ්යග්නේ ජු॒හ්වා॑ පතං॒-ගානස॑න්දිතෝ॒ විසෘ॑ජ॒ විෂ්ව॑ ගු॒ල්කාඃ । ප්රති॒ස්පශෝ॒ විසෘ॑ජ॒-තූර්ණි॑තමෝ॒ භවා॑ පා॒යුර්වි॒ශෝ අ॒ස්යා අද॑බ්ධඃ ॥ 2 ॥

යෝනෝ॑ දූ॒රේ අ॒ඝශග්​ම්॑සෝ॒යෝ අන්ත්යග්නේ॒ මාකි॑ෂ්ටේ॒ ව්යථි॒රා ද॑ධර්​ෂීත් । උද॑ග්නේ තිෂ්ඨ॒ ප්රත්යා ත॑නුෂ්ව॒න්ය॑මිත්රාග්​ම්॑ ඕෂතා-ත්තිග්මහේතේ । යෝ නෝ॒ අරා॑තිග්​ම් සමිධාන ච॒ක්රේ නී॒චා තන්ධ॑ක්ෂ්යත॒ සන්න ශුෂ්ක᳚ම් । ඌ॒ර්ධ්වෝ භ॑ව॒ ප්රති॑ වි॒ධ්යා-ධ්ය॒ස්මදා॒ විෂ්කෘ॑ණුෂ්ව॒ දෛව්යා᳚න්යග්නේ । අව॑ස්ථි॒රා ත॑නුහි යාතු॒ ජූනා᳚-ඤ්ජා॒මිමජා॑මිං॒ ප්රමෘ॑ණීහි॒ ශත්රූන්॑ ॥ 3 ॥

සතේ॑ ජානාති සුම॒තිං-යඁ ॑ විෂ්ඨ॒ය ඊව॑තේ॒ බ්රහ්ම॑ණේ ගා॒තුමෛර॑ත් । විශ්වා᳚න්යස්මෛ සු॒දිනා॑නි රා॒යෝ ද්යු॒ම්නාන්ය॒ර්යෝ විදුරෝ॑ අ॒භිද්යෞ᳚ත් । සේද॑ග්නේ අස්තු සු॒භග॑ ස්සු॒දානු॒-ර්යස්ත්වා॒ නිත්යේ॑න හ॒විෂා॒ ය උ॒ක්ථෛඃ । පිප්රී॑ෂති॒ ස්ව ආයු॑ෂි දුරෝ॒ණේ විශ්වේද॑ස්මෛ සු॒දිනා॒-සා-ऽස॑දි॒ෂ්ටිඃ । අර්චා॑මිතේ සුම॒ති-ඞ්ඝෝෂ්ය॒ර්වාඛ්-සන්තේ॑ වා॒ වාතා॑ ජරතා මි॒යඞ්ගීඃ ॥ 4 ॥

ස්වශ්වා᳚ස්ත්වා සු॒රථා॑ මර්ජයේ-මා॒ස්මේ ක්ෂ॒ත්රාණි॑ ධාරයේ॒ර-නු॒ද්යූන් । ඉ॒හ ත්වා॒ භූර්යා ච॑රේ॒දුප॒ත්ම-න්දෝෂා॑වස්ත-ර්දීදි॒වාග්​ම් ස॒මනු॒ද්යූන් । ක්රීඩ॑න්තස්ත්වා සු॒මන॑ස ස්සපේමා॒භි ද්යු॒ම්නා ත॑ස්ථි॒වාග්​ම්සෝ॒ ජනා॑නාම් ।
යස්ත්වා॒ ස්වශ්ව॑ස්සුහිර॒ණ්යෝ අ॑ග්න උප॒යාති॒ වසු॑මතා॒ රථේ॑න । තස්ය॑ ත්රා॒තා භ॑වසි॒ තස්ය॒ සඛා॒ යස්ත॑ ආති॒ථ්ය මා॑නු॒ෂග් ජුජෝ॑ෂත් ॥ 5 ॥

ම॒හෝරු॑ජාමි බ॒න්ධුතා॒ වචෝ॑ භි॒ස්තන්මා॑ පි॒තුර්ගෝත॑මා॒ද න්වි॑යාය । ත්වන්නෝ॑ අ॒ස්ය වච॑ස-ශ්චිකිද්ධි॒ හෝත॑ර්යවිෂ්ඨ සුක්රතෝ॒ දමූ॑නාඃ । අස්ව॑ප්න ජස්ත॒රණ॑ය ස්සු॒ශේවා॒ අත॑න්ද්රාසෝ-ऽවෘ॒කා අශ්ර॑මිෂ්ඨාඃ । තේ පා॒යව॑-ස්ස॒ධ්රිය॑ඤ්චෝ නි॒ෂද්යාග්නේ॒ තව॑ නඃ පාන්ත්වමූර । යේ පා॒යවෝ॑ මාමතේ॒ය-න්තේ॑ අග්නේ॒ පශ්ය॑න්තෝ අ॒න්ධ-න්දු॑රි॒තාද ර॑ක්ෂන්න් ।
ර॒රක්ෂ॒ තාන්-ථ්සු॒කෘතෝ॑ වි॒ශ්වවේ॑දා॒ දිඵ්ස॑න්ත॒ ඉද්රි॒පවෝ॒ නාහ॑ දේභුඃ ॥ 6 ॥

ත්වයා॑ ව॒යග්​ම් ස॑ධ॒න්ය॑-ස්ත්වෝතා॒ ස්තව॒ ප්රණී᳚ත්ය ශ්යාම॒ වාජාන්॑ । උ॒භාශග්​ම් සා॑ සූදය සත්යතා තේ-ऽනුෂ්ඨු॒යා කෘ॑ණුහ්ය-හ්රයාණ ।
අ॒යා තේ॑ අග්නේ ස॒මිධා॑ විධේම॒ ප්රති॒ස්තෝමග්​ම්॑ ශ॒ස්යමා॑න-ඞ්ගෘභාය । දහා॒ශසෝ॑ ර॒ක්ෂසඃ॑ පා॒හ්ය॑ස්මා-න්ද්රු॒හෝ නි॒දෝ මි॑ත්රමහෝ අව॒ද්යාත් । ර॒ක්ෂෝ॒හණං॑ ඁවා॒ජින॒මාජි॑ ඝර්මි මි॒ත්ර-ම්ප්රථි॑ෂ්ඨ॒ මුප॑යාමි॒ ශර්ම॑ । ශිශා॑නෝ අ॒ග්නිඃ ක්රතු॑භි॒ ස්සමි॑ද්ධ॒-ස්සනෝ॒ දිවා॒ ස රි॒ෂඃ
පා॑තු॒ නක්ත᳚ම් ॥ 7 ॥
විජ්යෝති॑ෂා බෘහ॒තා භා᳚ත්ය॒ග්නි රා॒වි-ර්විශ්වා॑නි කෘණුතේ මහි॒ත්වා । ප්රාදේ॑වීර්මා॒යා ස්ස॑හතේ දු॒රේවා॒ ශ්ශිශී॑තේ॒ ශෘඞ්ගේ॒ රක්ෂ॑සේ වි॒නික්ෂේ᳚ ।
උ॒තස්වා॒නාසෝ॑ දි॒විෂ॑න්ත්ව॒ග්නේ ස්ති॒ග්මායු॑ධා॒ රක්ෂ॑සේ॒ හන්ත॒ වා උ॑ ।
මදේ॑ චිදස්ය॒ ප්රරු॑ජන්ති॒ භාමා॒ නව॑රන්තේ පරි॒බාධෝ॒ අදේ॑වීඃ ॥ 8 (2) ॥

1.4 ඉන්ද්ර සූක්තං
ඉන්ද්රං॑ ඁවෝ වි॒ශ්වත॒ස්පරි॒ හවා॑මහේ॒ ජනේ᳚භ්යඃ । අ॒ස්මාක॑මස්තු॒ කේව॑ලඃ । ඉන්ද්ර॒-න්නරෝ॑ නේ॒මධි॑තා හවන්තේ॒ යත්පාර්යා॑ යු॒නජ॑තේ॒ ධිය॒ස්තාඃ । ශූරෝ॒ නෘෂා॑තා॒ ශව॑සශ්චකා॒ න ආ ගෝම॑ති ව්ර॒ජේ භ॑ජා॒ ත්වන්නඃ॑ । ඉ॒න්ද්රි॒යාණි॑ ශතක්රතෝ॒ යා තේ॒ ජනේ॑ෂු ප॒ඤ්චසු॑ । ඉන්ද්ර॒ තානි॑ ත॒ ආ වෘ॑ණේ । අනු॑තේ දායි ම॒හ ඉ॑න්ද්රි॒යාය॑ ස॒ත්රාතේ॒ විශ්ව॒මනු॑ වෘත්ර॒හත්යේ᳚ ॥ 9 ॥

අනු॑ ක්ෂ॒ත්රමනු॒ සහෝ॑ යජ॒ත්රේන්ද්ර॑ දේ॒වේභි॒රනු॑ තේ නෘ॒ෂහ්යේ᳚ । ආයස්මි᳚න්-ථ්ස॒ප්තවා॑ස॒වා ස්තිෂ්ඨ॑න්ති ස්වා॒රුහෝ॑ යථා ।
ඍෂි॑ර්​හ දීර්ඝ॒ ශ්රුත්ත॑ම॒ ඉන්ද්ර॑ස්ය ඝ॒ර්මෝ අති॑ථිඃ । ආ॒මාසු॑ ප॒ක්වමෛර॑ය॒ ආ සූර්යග්​ම්॑ රෝහයෝ දි॒වි । ඝ॒ර්මන්න සාම॑න්තපතා සුවෘ॒ක්තිභි॒-ර්ජුෂ්ටං॒ ගිර්ව॑ණ සේ॒ගිරඃ॑ । ඉන්ද්ර॒මි-ද්ගා॒ථිනෝ॑ බෘ॒හදින්ද්ර॑ ම॒ර්කේභි॑ ර॒ර්කිණඃ॑ । ඉන්ද්රං॒ ඁවාණී॑රනූෂත ॥ 10 ॥

ගාය॑න්තිත්වා ගාය॒ත්රිණෝර්චං॑ ත්ය॒ර්ක ම॒ර්කිණඃ॑ । බ්ර॒හ්මාණ॑ස්ත්වා ශතක්රත॒-වුද්ව॒ග්​ම්॒ ශමි॑ව යේ මිරේ । අ॒ග්​ම්॒හෝ॒මුචේ॒ ප්රභ॑රේමා මනී॒ෂා මෝ॑ෂිෂ්ඨ॒-දාව්නේ॑ සුම॒ති-ඞ්ගෘ॑ණා॒නාඃ ।
ඉ॒දමි॑න්ද්ර॒ ප්රති॑ හ॒ව්ය-ඞ්ගෘ॑භාය ස॒ත්යාස්ස॑න්තු॒ යජ॑මානස්ය॒ කාමාඃ᳚ । වි॒වේෂ॒යන්මා॑ ධි॒ෂණා॑ ජ॒ජාන॒ ස්තවෛ॑ පු॒රා පාර්යා॒දින්ද්ර॒ මහ්නඃ॑ । අග්​ම්හ॑සෝ॒ යත්ර॑ පී॒පර॒ද්යථා॑ නෝ නා॒වේව॒ යාන්ත॑ මු॒භයේ॑ හවන්තේ ॥ 11 ॥

ප්රස॒ම්රාජ॑-ම්ප්රථ॒ම ම॑ධ්ව॒-රාණා॑මග්​ම් හෝ॒ මුචං॑ ඁවෘෂ॒භං-යඁ॒ජ්ඤියා॑නාම් ।
අ॒පාන්න-පා॑තමශ්විනා॒ හය॑න්ත ම॒ස්මින්න॑ර ඉන්ද්රි॒ය-න්ධ॑ත්ත॒මෝජඃ॑ । වින॑ ඉන්ද්ර॒ මෘධෝ॑ ජහි නී॒ චා ය॑ච්ඡ පෘතන්ය॒තඃ । අ॒ධ॒ස්ප॒ද-න්තමී᳚-ඞ්කෘධි॒ යෝ අ॒ස්මාග්​ම් අ॑භි॒දාස॑ති ।
ඉන්ද්ර॑ක්ෂ॒ත්රම॒භි වා॒මමෝජෝ ऽජා॑යථා වෘෂභ චර.ෂණී॒නාම් । අපා॑නුදෝ॒ ජන॑මමිත්ර॒ යන්ත॑ මු॒රු-න්දේ॒වේභ්යෝ॑ අකෘණෝරු ලෝ॒කම් ।
මෘ॒ගෝ න භී॒මඃ කු॑ච॒රෝ ගි॑රි॒ෂ්ඨාඃ ප॑රා॒වත॒ ආජ॑ගාමා॒-පර॑ස්යාඃ ॥ 12 ॥

සෘ॒කග්​ම් ස॒ග්​ම්॒ ශාය॑ ප॒විමි॑න්ද්ර ති॒ග්මං-විඁශත්රූ᳚-න්තාඩි॒ විමෘධෝ॑ නුදස්ව ।
විශත්රූ॒න්॒. විමෘධෝ॑නුද॒ විවෘ॒ත්රස්ය॒ හනූ॑ රුජ । විම॒න්යුමි॑න්ද්ර භාමි॒තෝ॑ ऽමිත්ර॑ස්යාභි॒ දාස॑තඃ ।
ත්රා॒තාර॒මින්ද්ර॑ මවි॒තාර॒ මින්ද්ර॒ග්​ම්॒ හවේ॑ හවේ සු॒හව॒ග්​ම්॒ ශූර॒මින්ද්ර᳚ම් ।
හු॒වේ නු ශ॒ක්ර-ම්පු॑රුහූ॒ත මින්ද්රග්ග්॑ ස්ව॒ස්ති නෝ॑ ම॒ඝවා॑ ධා॒ත්වින්ද්රඃ॑ ॥ 13 ॥

මා තේ॑ අ॒ස්යාග්​ම් ස॑හසාව॒-න්පරි॑ෂ්ටා ව॒ඝාය॑ භූම හරිවඃ පරා॒දෛ ।
ත්රාය॑ස්වනෝ ऽවෘ॒කේභි॒-ර්වරූ॑ථෛ॒ ස්තව॑ ප්රි॒යාස॑ ස්සූ॒රිෂු॑ ස්යාම । අන॑වස්තේ॒ රථ॒මශ්වා॑ය තක්ෂ॒න්-ත්වෂ්ටා॒ වජ්රං॑ පුරුහූත ද්යු॒මන්ත᳚ම් ।
බ්ර॒හ්මාණ॒ ඉන්ද්රං॑ ම॒හය॑න්තෝ අ॒ර්කෛරව॑ර්ධය॒-න්නහ॑යේ॒ හන්ත॒ වා උ॑ ।
වෘෂ්ණේ॒ යත්තේ॒ වෘෂ॑ණෝ අ॒ර්කමර්චා॒ නින්ද්ර॒ ග්රාවා॑ණෝ॒ අදි॑ති-ස්ස॒ජෝෂාඃ᳚ ।
අ॒න॒ශ්වාසෝ॒ යේ ප॒වයෝ॑-ऽර॒ථා ඉන්ද්රේ॑ෂිතා අ॒භ්යව॑ර්ත-න්ත॒දස්යූන්॑ ॥ 14 (3) ॥
(තෛ. අර. 6.1.9; තෛ. සං. 1.4.41.1; තෛ. සං. 1.4.42.1)

යත॑ ඉන්ද්ර॒ භයා॑මහේ॒ තතෝ॑ නෝ॒ අභ॑ය-ඞ්කෘධි ।
මඝ॑වන් ච්ඡ॒ග්ධි තව॒ තන්න॑ ඌ॒තයේ॒ විද්විෂෝ॒ විමෘධෝ॑ ජහි । ස්ව॒ස්ති॒දා වි॒ශස්පති॑-ර්වෘත්ර॒හා විමෘධෝ॑ ව॒ශී । වෘෂේන්ද්රඃ॑ පු॒ර ඒ॑තු න ස්ස්වස්ති॒දා අ॑භය-ඞ්ක॒රඃ ॥ 15අ ॥

ම॒හාග්​ම් ඉන්ද්රෝ॒ වජ්ර॑ බාහු ෂ්ෂෝඩ॒ශී ශර්ම॑ යච්ඡතු । ස්ව॒ස්ති නෝ॑ ම॒ඝවා॑ කරෝතු॒ හන්තු॑ පා॒ප්මානං॒ යෝ᳚-ऽස්මා-න්ද්වේෂ්ටි॑ । ස॒ජෝෂා॑ ඉන්ද්ර॒ සග॑ණෝ ම॒රුද්භි॒ ස්සෝමං॑ පිබ වෘත්රහන් ච්ඡූර වි॒ද්වාන් । ජ॒හි ශත්රූ॒ග්​ම්॒ රප॒මෘධෝ॑-නුද॒ස්වාථා භ॑ය-ඞ්කෘණුහි වි॒ශ්වතෝ॑ නඃ ॥ 15බ් (4) ॥

1.5 යේ දේවාඃ
යේ දේ॒වාඃ පු॑ර॒ස්සදෝ॒-ऽග්නි නේ᳚ත්රා,
දක්ෂිණ॒සදෝ॑ ය॒මනේ᳚ත්රා,
පශ්චා॒ථ්සද॑ ස්සවි॒තෘ නේ᳚ත්රා,
උත්තර॒සදෝ॒ වරු॑ණනේත්රා,
උපරි॒ෂදෝ॒ බෘහ॒ස්පති॑ නේත්රා,
රක්ෂෝ॒හණ॒ස්තේ නඃ॑ පාන්තු॒ තේ නෝ॑-ऽවන්තු॒ තේභ්යෝ॒ නම॒ස්තේභ්ය॒ ස්ස්වාහා॒
-ऽග්නයේ॑ රක්ෂෝ॒ඝ්නේ ස්වාහා॑,
ය॒මාය॑ සවි॒ත්රේ ,
වරු॑ණාය॒ බෘහ॒ස්පත॑යේ॒
දුව॑ස්වතේ රක්ෂෝ॒ඝ්නේ ස්වාහා᳚ ॥ 16 (5) ॥

1.6 යේ දේවාඃ (අනුෂඞ්ගං)
යේ දේ॒වාඃ පු॑ර॒ස්සදෝ॒-ऽග්නි නේ᳚ත්රා රක්ෂෝ॒හණ॒ස්තේනඃ॑ පාන්තු॒ තේ නෝ॑-ऽවන්තු॒
තේභ්යෝ॒ නම॒ස්තේභ්ය॒ ස්ස්වාහා᳚ । යේ දේ॒වා ද॑ක්ෂිණ॒සදෝ॑ ය॒ම නේ᳚ත්රා රක්ෂෝ॒හණ॒ස්තේනඃ॑ පාන්තු॒ තේ නෝ॑-ऽවන්තු॒
තේභ්යෝ॒ නම॒ස්තේභ්ය॒ ස්ස්වාහා᳚ । යේ දේ॒වාඃ ප॑ශ්චා॒ථ්සද॑ ස්සවි॒තෘ නේ᳚ත්රා රක්ෂෝ॒හණ॒ස්තේනඃ॑ පාන්තු॒ තේ නෝ॑-ऽවන්තු॒ තේභ්යෝ॒ නම॒ස්තේභ්ය॒ ස්ස්වාහා᳚ । යේ දේ॒වා උ॑ත්තර॒සදෝ॒ වරු॑ණනේත්රා රක්ෂෝ॒හණ॒ස්තේනඃ॑ පාන්තු॒ තේ නෝ॑-ऽවන්තු॒
තේභ්යෝ॒ නම॒ස්තේභ්ය॒ ස්ස්වාහා᳚ । යේ දේ॒වා උ॑පරි॒ෂදෝ॒ බෘහ॒ස්පති॑ නේත්රා රක්ෂෝ॒හණ॒ස්තේනඃ॑ පාන්තු॒ තේ නෝ॑-ऽවන්තු॒ තේභ්යෝ॒ නම॒ස්තේභ්ය॒ ස්ස්වාහා᳚ । අග්නයේ॑ රක්ෂෝ॒ඝ්නේ ස්වාහා᳚ । ය॒මාය॑ රක්ෂෝ॒ඝ්නේ ස්වාහා᳚ । සවි॒ත්රේ ර॑ක්ෂෝ॒ඝ්නේ ස්වාහා᳚ । වරු॑ණාය රක්ෂෝ॒ඝ්නේ ස්වාහා᳚ । බෘහ॒ස්පත॑යේ॒ දුව॑ස්වතේ රක්ෂෝ॒ඝ්නේ ස්වාහා᳚ ॥ 16ආ (5ආ) ॥

1.7 ආයුෂ්කාමේෂ්ටි මන්ත්රාඃ
අ॒ග්නිරායු॑ෂ්මා॒න්​ථ්ස වන॒ස්පති॑භි॒-රායු॑ෂ්මා॒-න්තේන॒ත්වා-ऽऽයු॒ෂා-ऽऽයු॑ෂ්මන්ත-ඞ්කරෝමි॒,
සෝම॒ ආයු॑ෂ්මා॒න්​ථ්ස ඕෂ॑ධීභිර්,
ය॒ජ්ඤ ආයු॑ෂ්මා॒න්​ථ්ස දක්ෂි॑ණාභි॒ර්,
බ්රහ්මායු॑ෂ්ම॒ත්ත-ද්බ්රා᳚හ්ම॒ණෛ-රායු॑ෂ්මද්,
දේ॒වා ආයු॑ෂ්මන්ත॒ස්තේ॑ ऽමෘතේ॒නා යු॑ෂ්මන්ත॒ස්තේන॒ත්වා
-ऽऽයු॒ෂා-ऽऽයු॑ෂ්මන්ත-ඞ්කරෝමි ॥ 17 (6) ॥

1.8 ආයුෂ්කාමේෂ්ටි මන්ත්රාඃ (අනුෂඞ්ගං)
අ॒ග්නිරායු॑ෂ්මා॒න්​ථ්ස වන॒ස්පති॑භි॒ රායු॑ෂ්මා॒-න්තේන॒ත්වා ऽऽයු॒ෂා-ऽऽයු॑ෂ්මන්ත-ඞ්කරෝමි । සෝම॒ ආයු॑ෂ්මා॒න්​ථ්ස ඕෂ॑ධීභි॒රායු॑ෂ්මා॒-න්තේන॒ත්වා
-ऽऽයු॒ෂා-ऽऽයු॑ෂ්මන්ත-ඞ්කරෝමි । ය॒ජ්ඤ ආයු॑ෂ්මා॒න්​ථ්ස දක්ෂි॑ණාභි॒රායු॑ෂ්මා॒-න්තේන॒ත්වා
-ऽऽයු॒ෂා-ऽऽයු॑ෂ්මන්ත-ඞ්කරෝමි ।
බ්රහ්මායු॑ෂ්ම॒ත්ත-ද්බ්රා᳚හ්ම॒ණෛ-රායු॑ෂ්ම॒-ත්තේන॒ත්වා ऽऽයු॒ෂා-ऽऽයු॑ෂ්මන්තං
කරෝමි । දේ॒වා ආයු॑ෂ්මන්ත॒ස්තේ॑ ऽමෘතේ॒-නායු॑ෂ්මන්ත॒ස්තේන॒ත්වා
-ऽऽයු॒ෂා-ऽऽයු॑ෂ්මන්ත-ඞ්කරෝමි ॥ 17ආ(6ආ) ॥

1.9 අග්​ම්හෝමුච මන්ත්රාඃ
යා වා॑මින්ද්රා වරුණා යත॒ව්යා॑ ත॒නූස්තයේ॒ මමග්​ම්හ॑සෝ මුඤ්චතං॒ ,
ඁයා වා॑මින්ද්රා වරුණා සහ॒ස්යා॑, රක්ෂ॒ස්යා॑, තේජ॒ස්යා॑,
ත॒නූස්තයේ॒ මමග්​ම්හ॑සෝ මුඤ්චතං॒,
ඁයෝ වා॑මින්ද්රා වරුණා ව॒ග්නෞ ස්රාම॒ස්තං-වාඁ ॑ මේ॒තේනා ව॑යජේ॒,
යෝ වා॑මින්ද්රා වරුණා ද්වි॒පාථ්සු॑ ප॒ශුෂු॒, චතු॑ෂ්පාථ්සු,
ගෝ॒ෂ්ඨේ, ගෘ॒හේ-, ෂ්ව॒ඵ්සෝෂ॑ධීෂු॒, වන॒ස්පති॑ෂු॒,
ස්රාම॒ස්තං-වාඁ ॑ මේ॒තේනා ව॑යජේ ॥ 18 (7) ॥

1.10 අග්​ම්හෝමුච මන්ත්රාඃ (අනුෂඞ්ගං)
යා වා॑මින්ද්රා වරුණා යත॒ව්යා॑ ත॒නූස්තයේ॒ මමග්​ම්හ॑සෝ මුඤ්චතම් ।
යා වා॑මින්ද්රා වරුණා සහ॒ස්යා॑ ත॒නූස්තයේ॒ මමග්​ම්හ॑සෝ මුඤ්චතම් ।
යා වා॑මින්ද්රා වරුණා රක්ෂ॒ස්යා॑ ත॒නූස්තයේ॒ මමග්​ම්හ॑සෝ මුඤ්චතම් । යා වා॑මින්ද්රා වරුණා තේජ॒ස්යා॑ ත॒නූස්තයේ॒ මමග්​ම්හ॑සෝ මුඤ්චතම් ।
යෝ වා॑මින්ද්රා වරුණා ව॒ග්නෞ ස්රාම॒ස්තං-වාඁ ॑මේ॒ තේනා ව॑යජේ ।
යෝ වා॑මින්ද්රා වරුණා ද්වි॒පාථ්සු॑ ප॒ශුෂු॒ ස්රාම॒ස්තං-වාඁ ॑මේ॒ තේනා ව॑යජේ ।
යෝ වා॑මින්ද්රා වරුණා॒ චතු॑ෂ්පාථ්සු ප॒ශුෂු॒ (චතු॑ෂ්පාථ්සු॒)ස්රාම॒ස්තං-වාඁ ॑මේ॒ තේනා ව॑යජේ । යෝ වා॑මින්ද්රා වරුණා ගෝ॒ෂ්ඨේ ස්රාම॒ස්තං-වාඁ ॑මේ॒ තේනා ව॑යජේ ।
යෝ වා॑මින්ද්රා වරුණා ගෘ॒හේෂු॒ ස්රාම॒ස්තං-වාඁ ॑මේ॒ තේනා ව॑යජේ ।
යෝ වා॑මින්ද්රා වරුණා॒-ऽඵ්සු ස්රාම॒ස්තං-වාඁ ॑මේ॒ තේනා ව॑යජේ ।
යෝ වා॑මින්ද්රා වරු॒ණෞෂ॑ධීෂු॒ ස්රාම॒ස්තං-වාඁ ॑මේ॒ තේනා ව॑යජේ ।
යෝ වා॑මින්ද්රා වරුණා॒ වන॒ස්පති॑ෂු॒ ස්රාම॒ස්තං-වාඁ ॑මේ॒ තේනා ව॑යජේ ॥ (18ආ) (7ආ)

1.11 ශාස්තෘ සූක්තං (ආප්යං)
අග්නේ॑ යශස්වි॒න්॒. යශ॑සේ॒ මම॑ර්ප॒යේන්ද්රා॑වතී॒ මප॑චිතී මි॒හාව॑හ । අ॒ය-ම්මූ॒ර්ධා ප॑රමේ॒ෂ්ඨී සු॒වර්චා᳚-ස්සමා॒නානා॑ මුත්ත॒ම ශ්ලෝ॑කෝ අස්තු । භ॒ද්ර-ම්පශ්ය॑න්ත॒ උප॑සේදු॒රග්රේ॒ තපෝ॑ දී॒ක්ෂා මෘෂ॑ය ස්සුව॒ර්විදඃ॑ । තතඃ॑, ක්ෂ॒ත්ර-ම්බල॒මෝජ॑ශ්ච ජා॒ත-න්තද॒ස්මෛ දේ॒වා අ॒භිසන්න॑-මන්තු । ධා॒තා වි॑ධා॒තා ප॑ර॒මෝත ස॒න්දෘ-ක්ප්ර॒ජාප॑තිඃ පරමේ॒ෂ්ඨී වි॒රාජා᳚ । ස්තෝමා॒-ශ්චන්දාග්​ම්॑සි නි॒විදෝ॑ම ආහුරේ॒තස්මෛ॑ රා॒ෂ්ට්රම॒භි-සන්න॑මාම । අ॒භ්යාව॑ර්තද්ධ්ව॒-මුප॒මේත॑ සා॒කම॒යග්​ම් ශා॒ස්තා-ऽධි॑පතිර්වෝ අස්තු । අ॒ස්ය වි॒ජ්ඤාන॒මනු॒සග්​ම්-ර॑භද්ධ්වමි॒ම-ම්ප॒ශ්චාදනු॑ ජීවාථ॒ සර්වේ᳚ ॥ 19 (8) ॥

1.12 රාෂ්ට්රභෘතං
ඍ॒තා॒ෂා-ඩෘ॒තධා॑මා॒-ऽග්නි-ර්ග॑න්ධ॒ර්වස්ත-ස්යෞෂ॑ධයෝ-ऽඵ්ස॒රස॒
ඌර්ජෝ॒ නාම॒ ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒
තස්මෛ॒ ස්වාහා॒ තාභ්ය॒ ස්ස්වාහා॑ ,
සග්​ම්හි॒තෝ වි॒ශ්වසා॑මා॒ සූර්යෝ॑ ගන්ධ॒ර්ව-ස්තස්ය॒ මරී॑චයෝ-ऽඵ්ස॒රස॑ ආ॒යුව॑ ,
ස්සුෂු॒ම්න ස්සූර්ය॑ රශ්මි-ශ්ච॒න්ද්රමා॑ ගන්ධ॒ර්ව-ස්තස්ය॒ නක්ෂ॑ත්රාණ්ය-
ඵ්ස॒රසෝ॑ බේ॒කුර॑යෝ,
භු॒ජ්යුස්සු॑ප॒ර්ණෝ ය॒ජ්ඤෝ ග॑න්ධ॒ර්ව-ස්තස්ය॒ දක්ෂි॑ණා අඵ්ස॒රස॑ ස්ත॒වාඃ,
ප්ර॒ජාප॑ති-ර්වි॒ශ්වක॑ර්මා॒ මනෝ॑ ගන්ධ॒ර්වස්තස්ය॑-ර්ඛ්සා॒මාන්ය॑-ඵ්ස॒රසෝ॒ වහ්න॑ය,
ඉෂි॒රෝ වි॒ශ්ව ව්ය॑චා॒ වාතෝ॑ ගන්ධ॒ර්ව-ස්තස්යාපෝ᳚ ऽඵ්ස॒රසෝ॑ මු॒දා,
භුව॑නස්ය පතේ॒ යස්ය॑ත උ॒පරි॑ ගෘ॒හා ඉ॒හ ච॑ ।

ස නෝ॑ රා॒ස්වාජ්යා॑නිග්​ම් රා॒යස්පෝෂග්​ම්॑ සු॒වීර්යග්​ම්॑ සං​වඁථ්ස॒රීණාග්॑ ස්ව॒ස්තිම් ।
ප॒ර॒මේ॒ෂ්ඨ්යධි॑පති-ර්මෘ॒ත්යු-ර්ග॑න්ධ॒ර්ව-ස්තස්ය॒ විශ්ව॑මඵ්ස॒රසෝ॒ භුව॑,
ස්සුක්ෂි॒ථි- ස්සුභූ॑ති-ර්භද්ර॒කෘ-ථ්සුව॑ර්වා-න්ප॒ර්ජන්යෝ॑ ගන්ධ॒ර්ව-ස්තස්ය॑
වි॒ද්යුතෝ᳚ ऽඵ්ස॒රසෝ॒ රුචෝ॑,
දූ॒රේ හේ॑තිර-මෘඩ॒යෝ මෘ॒ත්යු-ර්ග॑න්ධ॒ර්ව-ස්තස්ය॑ ප්ර॒ජා අ॑ඵ්ස॒රසෝ॑ භී॒රුවඃ॒,

චාරුඃ॑ කෘපණ කා॒ශී කාමෝ॑ ගන්ධ॒ර්ව-ස්තස්යා॒ධයෝ᳚ ऽඵ්ස॒රස॑ ශ්ශා॒චය॑න්තී॒ර්,
නාම॒ ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තස්මෛ॒ ස්වාහා॒
තාභ්ය॒ ස්ස්වාහා॒,
ස නෝ॑ භුවනස්ය පතේ॒ යස්ය॑ත උ॒පරි॑ ගෘ॒හා ඉ॒හ ච॑ । උ॒රු බ්රහ්ම॑ණේ॒-ऽස්මෛ ක්ෂ॒ත්රාය॒ මහි॒ ශර්ම॑ යච්ඡ ॥ 20 (9) ॥

1.13 රාෂ්ට්රභෘතං (අනුෂඞ්ගං)
ඍ॒තා॒ෂා-ඩෘ॒තධා॑මා॒-ऽග්නි-ර්ග॑න්ධ॒ර්වස්ස-ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒
තස්මෛ॒ ස්වාහා᳚ । තස්යෞෂ॑ධයෝ-ऽඵ්ස॒රස॒ ඌර්ජෝ॒ නාම॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥
සග්​ම්හි॒තෝ වි॒ශ්වසා॑මා॒ සූර්යෝ॑ ගන්ධ॒ර්වස්ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒
තස්මෛ॒ ස්වාහා᳚ । තස්ය॒ මරී॑චයෝ-ऽඵ්ස॒රස॑ ආ॒යුවෝ॒ නාම॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥
සුෂු॒ම්නස්සූර්ය॑-රශ්මිශ්ච॒න්ද්රමා॑ ගන්ධ॒ර්වස්ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒
තස්මෛ॒ ස්වාහා᳚ । තස්ය॒ නක්ෂ॑ත්රාණ්ය ऽඵ්ස॒රසෝ॑ බේ॒කුර॑යෝ॒ නාම॒ තා
ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥
භු॒ජ්යුස්සු॑ප॒ර්ණෝ ය॒ජ්ඤෝ ග॑න්ධ॒ර්වස්ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒ තස්මෛ॒ ස්වාහා᳚ । තස්ය॒ දක්ෂි॑ණා අඵ්ස॒රස॑ ස්ත॒වා නාම॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥
ප්ර॒ජාප॑ති-ර්වි॒ශ්වක॑ර්මා॒ මනෝ॑ ගන්ධ॒ර්වස්ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒
තස්මෛ॒ ස්වාහා᳚ । තස්ය॑ර්​-ඛ්සා॒මාන්ය॑-ऽඵ්ස॒රසෝ॒ වහ්න॑යෝ॒ නාම॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥

ඉෂි॒රෝ වි॒ශ්වව්ය॑චා॒ වාතෝ॑ ගන්ධ॒ර්වස්ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒
තස්මෛ॒ ස්වාහා᳚ । තස්යාපෝ᳚-ऽඵ්ස॒රසෝ॑ මු॒දා නාම॒ තා ඉ॒ද-ම්බ්රහ්ම॑
ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥ භුව॑නස්ය පතේ॒ යස්ය॑ත උ॒පරි॑ ගෘ॒හා ඉ॒හ ච॑ ।
ස නෝ॑ රා॒ස්වාජ්යා॑නිග්​ම් රා॒යස්පෝෂග්​ම්॑ සු॒වීර්යග්​ම්॑ සං​වඁථ්ස॒රීණාග්॑
ස්ව॒ස්තිග්ග්​ ස්වාහා᳚ ॥
ප॒ර॒මේ॒ෂ්ඨ්යධි॑පති-ර්මෘ॒ත්යු-ර්ග॑න්ධ॒ර්වස්ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒
තස්මෛ॒ ස්වාහා᳚ । තස්ය॒ විශ්ව॑මඵ්ස॒රසෝ॒ භුවෝ॒ නාම॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥
සුක්ෂි॒ථි-ස්සුභූ॑ති-ර්භද්ර॒කෘ-ථ්සුව॑ර්වා-න්ප॒ර්ජන්යෝ॑ ගන්ධ॒ර්වස්ස
ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒ තස්මෛ॒ ස්වාහා᳚ । තස්ය ॑වි॒ධ්යුතෝ᳚-ऽඵ්ස॒රසෝ॒ රුචෝ॒ නාම॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥
දූ॒රේ හේ॑තිර මෘඩ॒යෝ මෘ॒ත්යු-ර්ග॑න්ධ॒ර්වස්ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒
තස්මෛ॒ ස්වාහා᳚ । තස්ය॑ ප්ර॒ජා අ॑ඵ්ස॒රසෝ॑ භී॒රුවෝ॒ නාම॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥ චාරුඃ॑ කෘපණ කා॒ශී කාමෝ॑ ගන්ධ॒ර්වස්ස ඉ॒ද-ම්බ්රහ්ම॑ ක්ෂ॒ත්ර-ම්පා॑තු॒
තස්මෛ॒ ස්වාහා᳚ । තස්යා॒ධයෝ᳚ ऽඵ්ස॒රස॑ ශ්ශෝ॒චය॑න්ති॒-ර්නාම॒ තා ඉ॒ද-ම්බ්රහ්ම॑ ක්ෂ॒ත්ර-ම්පා᳚න්තු॒ තාභ්ය॒ ස්ස්වාහා᳚ ॥

ස නෝ॑ භුවනස්යපතේ॒ යස්ය॑ත උ॒පරි॑ ගෘ॒හා ඉ॒හ ච॑ ।උ॒රු බ්රහ්ම॑ණේ॒-ऽස්මෛ ක්ෂ॒ත්රාය॒ මහි॒ ශර්ම॑ යච්ඡ॒ ස්වාහා᳚ ॥ (20ආ) (9ආ)

1.14 සර්ප සූක්තං
නමෝ॑ අස්තු ස॒ර්පේභ්යෝ॒ යේ කේ ච॑ පෘථි॒වී මනු॑ । යේ අ॒න්තරි॑ක්ෂේ॒ යේ දි॒වි තේභ්ය॑ ස්ස॒ර්පේභ්යෝ॒ නමඃ॑ । යේ॑-ऽදෝ රෝ॑ච॒නේ දි॒වෝ යේ වා॒ සූර්ය॑ස්ය ර॒ශ්මිෂු॑ । යේෂා॑ම॒ඵ්සු සදඃ॑ කෘ॒ත-න්තේභ්ය॑ ස්ස॒ර්පේභ්යෝ॒ නමඃ॑ । යා ඉෂ॑වෝ යාතු॒ ධානා॑නාං॒ ඁයේ වා॒ වන॒ස්පතී॒ග්​ම්॒ රනු॑ । යේ වා॑-ऽව॒ටේෂු॒ ශේර॑තේ॒ තේභ්ය॑ ස්ස॒ර්පේභ්යෝ॒ නමඃ॑ ॥ 21 (10) ॥

1.15 පඤ්චචෝඩාඃ
අ॒ය-ම්පු॒රෝ හරි॑කේශ॒ ස්සූර්ය॑රශ්මි॒-ස්තස්ය॑ රථගෘ॒ථ්සශ්ච॒ රථෞ॑ජාශ්ච සේනානි
ග්රාම॒ණ්යෞ॑ පුඤ්ජිකස්ථ॒ලා ච॑ කෘතස්ථ॒ලා චා᳚ඵ්ස॒රසෞ॑ යාතු॒ ධානා॑ හේ॒තී රක්ෂාග්​ම්॑සි॒ ප්රහේ॑ති ,
ර॒ය-න්ද॑ක්ෂි॒ණා වි॒ශ්ව ක॑ර්මා॒ තස්ය॑ රථ ස්ව॒නශ්ච॒ රථේ॑-චිත්රශ්ච සේනානි
ග්රාම॒ණ්යෞ॑ මේන॒කා ච॑ සහජ॒න්යා චා᳚-ऽඵ්ස॒රසෞ॑ දං॒ෂ්ණවඃ॑ ප॒ශවෝ॑ හේ॒තිඃ පෞරු॑ෂේයෝ ව॒ධඃ ප්රහේ॑ති,
ර॒ය-ම්ප॒ශ්චා-ද්වි॒ශ්ව-ව්ය॑චා॒ ස්තස්ය॒ රථ॑ ප්රෝත॒ශ්චා-ස॑මරථශ්ච සේනානි
ග්රාම॒ණ්යෞ᳚ ප්ර॒ම්ලෝච॑න්තී චා නු॒ම්ලෝච॑න්තී-චා-ऽඵ්ස॒රසෞ॑ ස॒ර්පා හේ॒ති-ර්
ව්යා॒ඝ්රාඃ ප්රහේ॑ති,
ර॒ය මු॑ත්ත॒රා-ථ්සං॒​යඁද්ව॑සු॒ස්තස්ය॑ සේන॒ජිච්ච॑ සු॒ෂේණ॑ශ්ච සේනානි ග්රාම॒ණ්යෞ॑
වි॒ශ්වාචී॑ච ඝෘ॒තාචී॑ චා-ඵ්ස॒රසා॒ වාපෝ॑ හේ॒ති-ර්වාතඃ॒ ප්රහේ॑ති ,
ර॒ය-මු॒පර්ය॒-ර්වාග්ව॑-සු॒ස්තස්ය॒ තාර්ක්ෂ්ය॒-ශ්චාරි॑ෂ්ට-නේමිශ්ච සේනානි ග්රාම॒ණ්යා॑
වු॒ර්වශී॑ ච පූ॒ර්වචි॑ත්තිශ්චා-ඵ්ස॒රසෞ॑ වි॒ද්යුද්ධේ॒ති-ර॑ව॒ස්පූර්ජ॒-න්ප්රහේ॑ති॒ ,
ස්තේභ්යෝ॒ නම॒ස්තේ නෝ॑ මෘඩයන්තු॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒
ජම්භේ॑ දධාමි ॥ 22 (11) ॥

1.16 පඤ්චචෝඩාඃ (අනුෂඞ්ගං)
අ॒ය-ම්පු॒රෝ හරි॑කේශ॒ ස්සූර්ය॑රශ්මි॒-ස්තස්ය॑ රථගෘ॒ථ්සශ්ච॒ රථෞ॑ජාශ්ච සේනානි ග්රාම॒ණ්යෞ॑ පුඤ්ජිකස්ථ॒ලා ච॑ කෘතස්ථ॒ලා චා᳚ඵ්ස॒රසෞ॑ යාතු॒ධානා॑ හේ॒තී රක්ෂාග්​ම්॑සි॒ ප්රහේ॑ති॒ස්තේභ්යෝ॒ නම॒ස්තේ නෝ॑ මෘඩයන්තු॒තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ॥

අ॒ය-න්ද॑ක්ෂි॒ණා වි॒ශ්වක॑ර්මා॒ තස්ය॑ රථස්ව॒නශ්ච॒ රථේ॑ චිත්රශ්ච සේනානි
ග්රාම॒ණ්යෞ॑ මේන॒කා ච॑ සහජ॒න්යා චා᳚ඵ්ස॒රසෞ॑ දං॒ෂ්ණවඃ॑ ප॒ශවෝ॑
හේ॒තිඃ පෞරු॑ෂේයෝ ව॒ධඃ ප්රහේ॑ති॒ස්තේභ්යෝ॒ නම॒ස්තේ නෝ॑ මෘඩයන්තු॒ තේ
ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ॥

අ॒ය-ම්ප॒ශ්චා-ද්වි॒ශ්ව ව්ය॑චා॒-ස්තස්ය॒ රථ॑ප්රෝත॒ශ්චා-ස॑මරථශ්ච සේනානි ග්රාම॒ණ්යෞ᳚ ප්ර॒ම්ලෝච॑න්තීචා නු॒ම්ලෝච॑න්තී-චාඵ්ස॒රසෞ॑ ස॒ර්පා හේ॒ති-ර්ව්යා॒ඝ්රාඃ ප්රහේ॑ති॒ස්තේභ්යෝ॒ නම॒ස්තේ නෝ॑ මෘඩයන්තු॒ තේය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ॥

අ॒ය-මු॑ත්ත॒රා-ථ්සං॒​යඁද්ව॑සු॒ස්තස්ය॑ සේන॒ජිච්ච॑ සු॒ෂේණ॑ශ්ච සේනානි
ග්රාම॒ණ්යෞ॑ වි॒ශ්වාචී॑ච ඝෘ॒තාචී॑චා-ඵ්ස॒රසා॒ වාපෝ॑ හේ॒ති-ර්වාතඃ॒
ප්රහ॑ති॒ස්තේභ්යෝ॒ නම॒ස්තේ නෝ॑ මෘඩයන්තු॒ තේ ය-න්ද්වි॒ෂ්මෝ යශ්ච॑ නෝ॒
ද්වේෂ්ටි॒ තං-වෝඁ॒ ජම්භේ॑ දධාමි ॥
අ॒යමු॒පර්ය॒-ර්වාග්ව॑සු॒ස්තස්ය॒ තාර්ක්ෂ්ය॒-ශ්චාරි॑ෂ්ට-නේමිශ්ච සේනානි
ග්රාම॒ණ්යා॑ වු॒ර්වශී॑ ච පූ॒ර්වචි॑ත්ති-ශ්චාඵ්ස॒රසෞ॑ වි॒ද්යුද්ධේ॒තිර॑-
ව॒ස්පූර්ජ॒-න්ප්රහේ॑ති॒ස්තේභ්යෝ॒ නම॒ස්තේ නෝ॑ මෘඩයන්තු॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒
තං-වෝඁ॒ ජම්භේ॑ දධාමි ॥ 22ආ(11ආ) ॥

1.17 අප්රතිරථඃ
ආ॒ශු-ශ්ශිශා॑නෝ වෘෂ॒භෝ න යු॒ධ්මෝ ඝ॑නාඝ॒නඃ, ක්ෂෝභ॑ණ-ශ්චර්​ෂණී॒නාම් । ස॒ඞ්ක්රන්ද॑නෝ-ऽනිමි॒ෂ ඒ॑ක වී॒රශ්ශ॒තග්​ම්
සේනා॑ අජයථ්සා॒කමින්ද්රඃ॑ । ස॒ඞ්ක්රන්ද॑නේනා නිමි॒ෂේණ॑ ජි॒ෂ්ණුනා॑ යුත්කා॒රේණ॑ දුශ්ච්යව॒නේන॑ ධෘ॒ෂ්ණුනා᳚ । තදින්ද්රේ॑ණ ජයත॒ ත-ථ්ස॑හධ්වං॒ ඁයුධෝ॑ නර॒ ඉෂු॑ හස්තේන॒ වෘෂ්ණා᳚ । ස ඉෂු॑හස්තෛ॒-ස්ස නි॑ෂ॒ඞ්ගිභි॑ර්ව॒ශී සග්ග්​ ස්ර॑ෂ්ටා॒ ස යුධ॒ ඉන්ද්රෝ॑ ග॒ණේන॑ । ස॒ග්​ම්॒සෘ॒ෂ්ට॒ජි-ථ්සෝ॑ම॒පා බා॑හු ශ॒ර්ධ්යූ᳚ර්ධ්ව ධ॑න්වා॒ ප්රති॑හිතාභි॒රස්තා᳚ । බෘහ॑ස්පතේ॒ පරි॑දීයා॒ රථේ॑න රක්ෂෝ॒හා ऽමිත්රාග්​ම්॑ අප॒ බාධ॑මානඃ ॥ 23 ॥

ප්ර॒භ॒ඤ්ජන්-ථ්සේනාඃ᳚ ප්රමෘ॒ණෝ යු॒ධා ජය॑න්න॒ස්මාක॑-මේධ්යවි॒තා රථා॑නාම් । ගෝ॒ත්ර॒භිදං॑ ගෝ॒විදං॒ ඁවජ්ර॑බාහුං॒ ජය॑න්ත॒මජ්ම॑ ප්රමෘ॒ණන්ත॒-මෝජ॑සා । ඉ॒මග්​ම් ස॑ජාතා॒ අනු॑වීර-යධ්ව॒ මින්ද්රග්​ම්॑ සඛා॒යෝ-ऽනු॒ සග්​ම් ර॑භධ්වම් । බ॒ල॒වි॒ජ්ඤා॒ය-ස්ස්ථවි॑රඃ॒ ප්රවී॑ර॒-ස්සහ॑ස්වාන්. වා॒ජී සහ॑මාන උ॒ග්රඃ । අ॒භිවී॑රෝ අ॒භිස॑ත්වා සහෝ॒ජා ජෛත්ර॑මින්ද්ර॒ රථ॒මාති॑ෂ්ඨ ගෝ॒විත් ॥ 24 ॥

අ॒භිගෝ॒ත්රාණි॒ සහ॑සා॒ ගාහ॑මානෝ-ऽදා॒යෝ වී॒රශ්ශ॒තම॑න්යු॒රින්ද්රඃ॑ । දු॒ශ්ච්ය॒ව॒නඃ පෘ॑තනා॒ෂාඩ॑ යු॒ධ්යෝ᳚-ස්මාක॒ග්​ම්॒ සේනා॑ අවතු॒ ප්රයු॒ථ්සු । ඉන්ද්ර॑ ආසාං-නේ॒තා බෘහ॒ස්පති॒-ර්දක්ෂි॑ණා ය॒ජ්ඤඃ පු॒ර ඒ॑තු॒ සෝමඃ॑ । දේ॒ව॒සේ॒නානා॑-මභිභඤ්ජතී॒නා-ඤ්ජය॑න්තීනා-ම්ම॒රුතෝ॑ ය॒න්ත්වග්රේ᳚ । ඉන්ද්ර॑ස්ය॒ වෘෂ්ණෝ॒ වරු॑ණස්ය॒ රාජ්ඤ॑ ආදි॒ත්යානා᳚-ම්ම॒රුතා॒ග්​ම්॒ ශර්ධ॑ උ॒ග්රම් । ම॒හාම॑නසා-ම්භුවනච්ය॒වානාං॒ ඝෝෂෝ॑ දේ॒වානාං॒ ජය॑තා॒ මුද॑ස්ථාත් । අ॒ස්මාක॒-මින්ද්ර॒-ස්සමෘ॑තේෂු ධ්ව॒ජේෂ්ව॒ස්මාකං॒ ඁයා ඉෂ॑ව॒ස්තා ජ॑යන්තු ॥ 25 ॥

අ॒ස්මාකං॑ ඁවී॒රා උත්ත॑රේ භවන්ත්ව॒ස්මානු॑ දේවා අවතා॒ හවේ॑ෂු । උද්ධ॑ර්​ෂය මඝව॒-න්නායු॑ධා॒-න්න්යුථ්​සත්ව॑නා-ම්මාම॒කානාං॒ මහාග්​ම්॑සි । උද්වෘ॑ත්රහන්-වා॒ජිනාං॒ ඁවාජි॑නා॒න්යුද්රථා॑නාං॒ ජය॑තාමේතු॒ ඝෝෂඃ॑ । උප॒ප්රේත॒ ජය॑තා නරස්ස්ථි॒රා ව॑ස්සන්තු බා॒හවඃ॑ ।
ඉන්ද්රෝ॑ ව॒-ශ්ශර්ම॑ යච්ඡ ත්වනා-ධෘ॒ෂ්යා යථාස॑ථ । අව॑සෘෂ්ටා॒ පරා॑පත॒ ශර॑ව්යේ॒ බ්රහ්ම॑ සග්​ම්ශිතා ॥ 26 ॥

ගච්ඡා॒මිත්රා॒-න්ප්රවි॑ශ॒ මෛෂාං॒ කඤ්ච॒නෝච්ඡි॑ෂඃ । මර්මා॑ණි තේ॒ වර්ම॑භිශ්ඡාදයාමි॒ සෝම॑ස්ත්වා॒ රාජා॒ ऽමෘතේ॑නා॒භි-ව॑ස්තාම් । උ॒රෝර්වරී॑යෝ॒ වරි॑වස්තේ අස්තු॒ ජය॑න්තං॒ ත්වාමනු॑ මදන්තු දේ॒වාඃ । යත්ර॑ බා॒ණා-ස්ස॒ම්පත॑න්ති කුමා॒රා වි॑ශි॒ඛා ඉ॑ව । ඉන්ද්රෝ॑ න॒ස්තත්ර॑ වෘත්ර॒හා වි॑ශ්වා॒හා ශර්ම॑ යච්ඡතු ॥ 27 (12) ॥

1.18 චමක-න්තෘතීය අනුවාකඃ
ශ-ඤ්ච॑ මේ॒ මය॑ශ්ච මේ ප්රි॒ය-ඤ්ච॑ මේ-ऽනුකා॒මශ්ච॑ මේ॒
කාම॑ශ්ච මේ සෞමන॒සශ්ච॑ මේ භ॒ද්ර-ඤ්ච॑ මේ॒ ශ්රේය॑ශ්ච මේ॒
වස්ය॑ශ්ච මේ॒ යශ॑ශ්ච මේ॒ භග॑ශ්ච මේ॒ ද්රවි॑ණ-ඤ්ච මේ
ය॒න්තා ච॑ මේ ධ॒ර්තා ච॑ මේ॒ ක්ෂේම॑ශ්ච මේ॒ ධෘති॑ශ්ච මේ॒
විශ්වං॑ ච මේ॒ මහ॑ශ්ච මේ (28)
සං॒​විඁච්ච॑ මේ॒ ජ්ඤාත්ර॑-ඤ්ච මේ॒
සූශ්ච॑ මේ ප්ර॒සූශ්ච॑ මේ॒ සීර॑-ඤ්ච මේ ල॒යශ්ච॑ ම
ඍ॒ත-ඤ්ච॑ මේ॒-ऽමෘතං॑ ච මේ ऽය॒ක්ෂ්ම-ඤ්ච॒ මේ-ऽනා॑මයච්ච මේ
ජී॒වාතු॑ශ්ච මේ දීර්ඝායු॒ත්ව-ඤ්ච॑ මේ-ऽනමි॒ත්ර-ඤ්ච॒ මේ-ऽභ॑ය-ඤ්ච මේ
සු॒ග-ඤ්ච॑ මේ॒ ශය॑න-ඤ්ච මේ සූ॒ෂා ච॑ මේ සු॒දින॑-ඤ්ච මේ ॥ 29 (13) ॥

1.19 විහව්යම්
මමා᳚ග්නේ॒ වර්චෝ॑ විහ॒වේෂ්ව॑ස්තු ව॒ය-න්ත්වේන්ධා॑නා ස්ත॒නුව॑-ම්පුෂේම ।
මහ්ය॑-න්නමන්තා-ම්ප්ර॒දිශ॒ශ්චත॑ස්ර॒ ස්ත්වයා-ऽද්ධ්ය॑ක්ෂේණ॒ පෘත॑නා ජයේම ।
මම॑ දේ॒වා වි॑හ॒වේ ස॑න්තු॒ සර්ව॒ ඉන්ද්රා॑වන්තෝ ම॒රුතෝ॒ විෂ්ණු॑ර॒ග්නිඃ ।
මමා॒න්තරි॑ක්ෂ මු॒රු ගෝ॒පම॑ස්තු॒ මහ්යං॒ ඁවාතඃ॑ පවතා॒-ඞ්කාමේ॑ අ॒ස්මින්න් ।
මයි॑ දේ॒වා ද්රවි॑ණ॒ මාය॑ජන්තා॒-ම්මය්යා॒ ශීර॑ස්තු॒ මයි॑ දේ॒වහූ॑තිඃ ॥ 30 ॥

දෛව්යා॒ හෝතා॑රා වනිෂන්ත॒ පූර්වේ ऽරි॑ෂ්ටා-ස්ස්යාම ත॒නුවා॑ සු॒වීරාඃ᳚ । මහ්යං॑ ඁයජන්තු॒ මම॒ යානි॑ හ॒ව්යා-ऽऽකූ॑ති ස්ස॒ත්යා මන॑සෝ මේ අස්තු ।
ඒනෝ॒ මානිගා᳚-ඞ්කත॒මච්ච॒ නාහං-විඁශ්වේ॑ දේවාසෝ॒ අධි॑වෝච තා මේ ।
දේවී᳚ෂ්ෂඩු-ර්වීරු॒රුණඃ॑ කෘණෝත॒ විශ්වේ॑ දේවාස ඉ॒හ වී॑රයද්ධ්වම් ।
මාහා᳚ස්මහි ප්ර॒ජයා॒ මා ත॒නූභි॒-ර්මාර॑ධාම ද්විෂ॒තේ සෝ॑මරාජන්න් ।
අ॒ග්නිර්ම॒න්යු-ම්ප්ර॑තිනු॒ද-න්පු॒රස්තා॒-දද॑බ්ධෝ ගෝ॒පාඃ පරි॑පාහි න॒ස්ත්වම් ॥ 31 ॥

ප්ර॒ත්යඤ්චෝ॑ යන්තු නි॒ගුතඃ॒ පුන॒ස්තේ॑ ऽමෛෂා᳚-ඤ්චි॒ත්ත-ම්ප්ර॒බුධා॒ විනේ॑ශත් ।
ධා॒තා ධා॑තෘ॒ණා-ම්භුව॑නස්ය॒ යස්පති॑-ර්දේ॒වග්​ම් ස॑වි॒තාර॑මභි මාති॒ෂාහ᳚ම් ।
ඉ॒මං-යඁ॒ජ්ඤ ම॒ශ්විනෝ॒භා බෘහ॒ස්පති॑-ර්දේ॒වාඃ පා᳚න්තු॒ යජ॑මාන-න්න්ය॒ර්ථාත් ।
උ॒රු॒ව්යචා॑ නෝ මහි॒ෂ ශ්ශර්ම॑යග්​ම් සද॒ස්මින්. හවේ॑ පුරුහූ॒තඃ පු॑රු॒ක්ෂු ।
ස නඃ॑ ප්ර॒ජායෛ॑ හර්යශ්ව මෘඩ॒යේන්ද්ර॒ මා නෝ॑ රීරිෂෝ॒ මා පරා॑දාඃ ॥ 32 ॥

යේ න॑ ස්ස॒පත්නා॒ අප॒තේ භ॑වන්ත්වින්ද්රා॒-ග්නිභ්යා॒ මව॑ බාධාමහේ॒ තාන් ।
වස॑වෝ රු॒ද්රා ආ॑දි॒ත්යා උ॑පරි॒ ස්පෘශං॑ මෝ॒ග්රං-චේත්තා॑රමධි රා॒ජම॑ක්රන්න් ।
අ॒ර්වාඤ්ච॒ මින්ද්ර॑ ම॒මුතෝ॑ හවාමහේ॒ යෝ ගෝ॒ජි-ද්ධ॑න॒-ජිද॑ශ්ව॒-ජිද්යඃ ।
ඉ॒මන්නෝ॑ ය॒ජ්ඤං-විඁ ॑හ॒වේ ජු॑ෂස්වා॒ස්ය කු॑ර්මෝ හරිවෝ මේ॒දිනං॑ ත්වා ॥ 33 (14) ॥

1.20 මෘගාරඃ
අ॒ග්නේ-ර්ම॑න්වේ ප්රථ॒මස්ය॒ ප්රචේ॑තසෝ॒ය-ම්පාඤ්ච॑ජන්ය-ම්බ॒හව॑ ස්සමි॒න්ධතේ᳚ ।
විශ්ව॑ස්යාං-විඁ॒ශි ප්ර॑විවිශි॒වාග්​ම් ස॑මීමහේ॒ ස නෝ॑ මුඤ්ච॒ත්වග්​ම් හ॑සඃ ।
යස්යේ॒ද-ම්ප්රා॒ණ-න්නි॑මි॒ෂ-ද්යදේජ॑ති॒ යස්ය॑ ජා॒ත-ඤ්ජන॑මාන-ඤ්ච॒ කේව॑ලම් ।
ස්තෞම්ය॒ග්නි-න්නා॑ථි॒තෝ ජෝ॑හවීමි॒ ස නෝ॑ මුඤ්ච॒ත්වග්​ම් හ॑සඃ ।
ඉන්ද්ර॑ස්ය මන්යේ ප්රථ॒මස්ය॒ ප්රචේ॑තසෝ වෘත්ර॒ඝ්න-ස්ස්තෝමා॒ උප॒මා මු॒පාගුඃ॑ ।
යෝ දා॒ශුෂ॑-ස්සු॒කෘතෝ॒ හව॒මුප॒ ගන්තා॒ ස නෝ॑ මුඤ්ච॒ත්වග්​ම් හ॑සඃ ॥ 34 ॥

ය ස්සං॑ග්රා॒ම-න්නය॑ති॒ සං​වඁ॒ශී යු॒ධේ යඃ පු॒ෂ්ටානි॑ සග්​ම්සෘ॒ජති॑ ත්ර॒යාණි॑ । ස්තෞමීන්ද්ර॑-න්නාථි॒තෝ ජෝ॑හවීමි॒ ස නෝ॑ මුඤ්ච॒ත්වග්​ම් හ॑සඃ । ම॒න්වේවාං᳚ මිත්රාවරුණා॒ තස්ය॑ විත්ත॒ග්​ම්॒ සත්යෞ॑ජසා දෘග්​ම්හණා॒ ය-න්නු॒දේථේ᳚ । යා රාජා॑නග්​ම් ස॒රථං॑ ඁයා॒ථ උ॑ග්රා॒ තා නෝ॑ මුඤ්චත॒ මාග॑සඃ ।
යෝ වා॒ග්​ම්॒ රථ॑ ඍ॒ජුර॑ශ්මි-ස්ස॒ත්යධ॑ර්මා॒ මිථු॒-ශ්චර॑න්ත-මුප॒යාති॑ දූ॒ෂයන්න්॑ ॥ 35 ॥

ස්තෞමි॑ මි॒ත්රාවරු॑ණා නාථි॒තෝ ජෝ॑හවීමි॒ තෞ නෝ॑ මුඤ්චත॒ මාග॑සඃ । වා॒යෝ-ස්ස॑වි॒තු-ර්වි॒දථා॑නි මන්මහේ॒ යාවා᳚ත්ම॒න්-වද්බි॑භෘ॒තෝ යෞ
ච॒ රක්ෂ॑තඃ । යෞ විශ්ව॑ස්ය පරි॒භූ බ॑භූ॒වතු॒ස්තෞ නෝ॑ මුඤ්චත॒ මාග॑සඃ ।
උප॒ශ්රේෂ්ඨා॑න ආ॒ශිෂෝ॑ දේ॒වයෝ॒ර්ධර්මේ॑ අස්ථිරන්න් । ස්තෞමි॑ වා॒යුග්​ම් ස॑වි॒තාර॑-න්නාථි॒තෝ ජෝ॑හවීමි॒ තෞ නෝ॑ මුඤ්චත॒ මාග॑සඃ ।
ර॒ථීත॑මෞ රථී॒නා ම॑හ්ව ඌ॒තයේ॒ ශුභ॒ඞ්ගමි॑ෂ්ඨෞ සු॒යමේ॑-භි॒රශ්වෛඃ᳚ ॥ 36 ॥

යයෝ᳚ර්වා-න්දේවෞ දේ॒වේෂ්ව-නි॑ශිත॒ මෝජ॒ස්තෞ නෝ॑ මුඤ්චත॒ මාග॑සඃ । යදයා॑තං-වඁහ॒තුග්​ම් සූ॒ර්යායා᳚-ස්ත්රිච॒ක්රේණ॑ ස॒ග්​ම්॒ සද॑මි॒ච්ඡමා॑නෞ । ස්තෞමි॑ දේ॒වා ව॒ශ්විනෞ॑ නාථි॒තෝ ජෝ॑හවීමි॒ තෞ නෝ॑ මුඤ්චත॒ මාග॑සඃ ।
ම॒රුතාං᳚ මන්වේ॒ අධි॑නෝ බ්රුවන්තු॒ ප්රේමාං-වාඁචං॒ ඁවිශ්වා॑මවන්තු॒ විශ්වේ᳚ ।
ආ॒ශූන්. හු॑වේ සු॒යමා॑නූ॒තයේ॒ තේ නෝ॑ මුඤ්ච॒න්ත්වේන॑සඃ । ති॒ග්මමායු॑ධං-වීඁඩි॒තග්​ම් සහ॑ස්වද දි॒ව්යග්​ම් ශර්ධඃ॒ පෘත॑නාසු ජි॒ෂ්ණු ॥ 37 ॥

ස්තෞමි॑ දේ॒වා-න්ම॒රුතෝ॑ නාථි॒තෝ ජෝ॑හවීමි॒ තේ නෝ॑ මුඤ්ච॒න්ත්වේන॑සඃ । දේ॒වානා᳚-ම්මන්වේ॒ අධි॑ නෝ බ්රුවන්තු॒ ප්රේමාං-වාඁචං॒ ඁවිශ්වා॑මවන්තු॒ විශ්වේ᳚ । ආ॒ශූන්. හු॑වේ සු॒යමා॑නූ॒තයේ॒ තේ නෝ॑ මුඤ්ච॒න්ත්වේන॑සඃ । යදි॒ද-ම්මා॑-ऽභි॒ශෝච॑ති॒ පෞරු॑ෂේයේණ॒ දෛව්යේ॑න । ස්තෞමි॒ විශ්වා᳚-න්දේ॒වා-න්නා॑ථි॒තෝ ජෝ॑හවීමි॒ තේ නෝ॑ මුඤ්ච॒න්ත්වේන॑සඃ ।
අනු॑නෝ॒-ऽද්යානු॑මති॒රන්විද॑නු මතේ॒ ත්වං-වෛඁ᳚ශ්වාන॒රෝ න॑ ඌ॒ත්යා පෘ॒ෂ්ටෝ දි॒වි ॥ 38 ॥

අනු॑නෝ॒-ऽධ්යානු॑මති-ර්ය॒ජ්ඤ-න්දේ॒වේෂු॑ මන්යතාම් । අ॒ග්නිශ්ච॑ හව්ය॒ වාහ॑නෝ॒ භව॑තා-න්දා॒ශුෂේ॒ මයඃ॑ । අන්විද॑නුමතේ॒ ත්ව-ම්මන්යා॑සෛ॒ ශඤ්ච॑ නඃ කෘධි । ක්රත්වේ॒ දක්ෂා॑ය නෝ හිනු॒ ප්රණ॒ ආයූග්​ම්॑ෂි තාරිෂඃ ॥ 38අ ॥

වෛ॒ශ්වා॒න॒රෝ න॑ ඌ॒ත්යා ऽऽප්රයා॑තු පරා॒වතඃ॑ । අ॒ග්නිරු॒ක්ථේන॒ වාහ॑සා ।

පෘ॒ෂ්ටෝ දි॒වි පෘ॒ෂ්ටෝ අ॒ග්නිඃ පෘ॑ථි॒ව්යා-ම්පෘ॒ෂ්ටෝ විශ්වා॒ ඕෂ॑ධී॒රා-වි॑වේශ ।
වෛ॒ශ්වා॒න॒ර ස්සහ॑සා පෘ॒ෂ්ටෝ අ॒ග්නිස්සනෝ॒ දිවා॒ සරි॒ෂඃ පා॑තු॒ නක්ත᳚ම් ॥ 38බ් ॥
යේ අප්ර॑ථේතා॒ මමි॑තේභි॒ රෝජෝ॑භි॒ ර්යේ ප්ර॑ති॒ෂ්ඨේ අභ॑වතාං॒-වඁසූ॑නාම් । ස්තෞමි॒ ද්යාවා॑පෘථි॒වී නා॑ථි॒තෝ ජෝ॑හවීමි॒ තේ නෝ॑ මුඤ්චත॒මග්​ම් හ॑සඃ ।
උර්වී॑ රෝදසී॒ වරි॑වඃ කෘණෝත॒-ඞ්ක්ෂේත්ර॑ස්ය පත්නී॒ අධි॑නෝ බ්රූයාතම් । ස්තෞමි॒ ද්යාවා॑පෘථි॒වී නා॑ථි॒තෝ ජෝ॑හවීමි॒ තේ නෝ॑ මුඤ්චත॒මග්​ම් හ॑සඃ ।
යත්තේ॑ ව॒ය-ම්පු॑රුෂ॒ත්රාය॑ වි॒ෂ්ඨා වි॑ද්වාග්​ම් සශ්ච කෘ॒මා කච්ච॒ නාගඃ॑ ॥ 39 ॥
කෘ॒ධී ස්ව॑ස්මාග්​ම් අදි॑තේ॒රනා॑ගා॒ ව්යේනාග්​ම්॑සි ශිශ්රථෝ॒ විෂ්ව॑ගග්නේ । යථා॑ හ॒ ත-ද්ව॑සවෝ ගෞ॒ර්යං॑ චි-ත්ප॒දිෂි॒තා මමු॑ඤ්චතා යජත්රාඃ ।
ඒ॒වා ත්වම॒ස්ම-ත්ප්රමු॑ඤ්චා॒ ව්යග්​ම්හඃ॒ ප්රාතා᳚ර්යග්නේ ප්රත॒රාන්න॒ ආයුඃ॑ ॥ 40 (15) ॥

1.21 සර්පාහුතී මන්ත්රාඃ
ස॒මීචී॒ නාමා॑සි॒ ප්රාචී॒ දික්තස්යා᳚ස්තේ॒ ऽග්නිරධි॑පති රසි॒තෝ ර॑ක්ෂි॒තා යශ්චාධි॑පති॒-ර්යශ්ච॑ ගෝ॒ප්තා තාභ්යාං॒ නම॒ස්තෞනෝ॑ මෘඩයතාං॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වාඁ॒-ඤ්ජම්භේ॑ දධාම්යෝ-,
-ජ॒ස්විනී॒ නාමා॑සි දක්ෂි॒ණා දික්තස්යා᳚ස්ත॒ ඉන්ද්රෝ-ऽධි॑පතිඃ॒ පෘදා॑කුඃ॒ ,
ප්රාචී॒ නාමා॑සි ප්ර॒තීචී॒ දික්තස්යා᳚ස්තේ॒ සෝමෝ-ऽධි॑පති ස්ස්ව॒ජෝ॑ ,
-ऽව॒ස්ථාවා॒ නාමා॒-ස්යුදී॑චී॒ දික්තස්යා᳚ස්තේ॒ වරු॒ණෝ-ऽධි॑පති-ස්ති॒රශ්ච॑ රාජි॒,
-රධි॑පත්නී॒ නාමා॑සි බෘහ॒තී දික්තස්යා᳚ස්තේ॒ බෘහ॒ස්පති॒-රධි॑පති ශ්ශ්වි॒ත්රෝ,
ව॒ශිනී॒ නාමා॑සී॒ ය-න්දික්තස්යා᳚ස්තේ ය॒මෝ-ऽධි॑පතිඃ ක॒ල්මාෂ॑ ග්රීවෝ,
රක්ෂි॒තා යශ්චාධි॑පති॒-ර්යශ්ච॑ ගෝ॒ප්තා තාභ්යාං॒ නම॒ස්තෞ නෝ॑ මෘඩයතාං॒
තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වාඁ॒-ඤ්ජම්භේ॑ දධාමි ॥ 41 (16) ॥

1.22 සර්පාහුතී මන්ත්රාඃ (අනුෂඞ්ගං)
ස॒මීචී॒ නාමා॑සි॒ ප්රාචී॒ දික්තස්යා᳚ස්තේ॒ ऽග්නිරධි॑පති රසි॒තෝ ර॑ක්ෂි॒තා-යශ්චාධි॑පති॒-ර්යශ්ච॑ ගෝ॒ප්තා
තාභ්යාං॒ නම॒ස්තෞ නෝ॑ මෘඩයතාං॒
තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වාංඁ॒ ජම්භේ॑ දධාමි ।

ඕ॒ජ॒ස්විනී॒ නාමා॑සි දක්ෂි॒ණා දික්තස්යා᳚ස්ත॒ ඉන්ද්රෝ-ऽධි॑පතිඃ॒ පෘදා॑කූ රක්ෂි॒තා යශ්චාධි॑පති॒-ර්යශ්ච॑ ගෝ॒ප්තා තාභ්යාං॒ නම॒ස්තෞ නෝ॑ මෘඩයතාං॒ තේ ය-න්ද්වි॒ෂ්මෝ යශ්ච॑නෝ॒ ද්වේෂ්ටි॒ තං-වාංඁ॒ ජම්භේ॑ දධාමි ।

ප්රාචී॒ නාමා॑සි ප්ර॒තීචී॒ දික්තස්යා᳚ස්තේ॒ සෝමෝ-ऽධි॑පති ස්ස්ව॒ජෝ ර॑ක්ෂි॒තා යශ්චාධි॑පති॒-ර්යශ්ච॑ ගෝ॒ප්තා තාභ්යාං॒ නම॒ස්තෞ නෝ॑ මෘඩයතාං॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වාඁ॒-ඤ්ජම්භේ॑ දධාමි ।

අ॒ව॒ස්ථාවා॒ නාමා॒-ස්යුදී॑චී॒ දික්තස්යා᳚ස්තේ॒ වරු॒ණෝ-ऽධි॑පති-ස්ති॒රශ්ච॑ රාජී රක්ෂි॒තා යශ්චාධි॑පති॒-ර්යශ්ච॑ ගෝ॒ප්තා තාභ්යාං॒ නම॒ස්තෞ නෝ॑ මෘඩයතාං॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වාඁ॒-ඤ්ජම්භේ॑ දධාමි ।

අධි॑පත්නී॒ නාමා॑සි බෘහ॒තී දික්තස්යා᳚ස්තේ॒ බෘහ॒ස්පති॒-රධි॑පති-ශ්ශ්වි॒ත්රෝ ර॑ක්ෂි॒තා යශ්චාධි॑පති॒-ර්යශ්ච॑ ගෝ॒ප්තා තාභ්යාං॒ නම॒ස්තෞ නෝ॑ මෘඩයතාං॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වාඁ॒-ඤ්ජම්භේ॑ දධාමි ।

ව॒ශිනී॒ නාමා॑සී॒ය-න්දික්තස්යා᳚ස්තේ ය॒මෝ-ऽධි॑පතිඃ ක॒ල්මාෂ॑ ග්රීවෝ රක්ෂි॒තා යශ්චාධි॑පති॒-ර්යශ්ච॑ ගෝ॒ප්තා තාභ්යාං॒ නම॒ස්තෞ නෝ॑ මෘඩයතාං॒
තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වාංඁ॒ ජම්භේ॑ දධාමි ॥ 41ආ (16ආ) ॥

1.23 ගන්ධර්වාහුතීඃ
හේ॒තයෝ॒ නාම॑ස්ථ॒ තේෂාං᳚-වඃ ඁපු॒රෝ ගෘ॒හා අ॒ග්නිර්ව॒ ඉෂ॑ව ස්සලි॒ලෝ,
නි॑ලි॒පා-න්නාම॑ස්ථ॒ තේෂාං᳚-වෝඁ දක්ෂි॒ණා ගෘ॒හාඃ පි॒තරෝ॑ ව॒ ඉෂ॑ව॒ ස්සග॑රෝ,
ව॒ජ්රිණෝ॒ නාම॑ස්ථ॒ තේෂාං᳚-වඃ ඁප॒ශ්චා-ද්ගෘ॒හා ස්ස්වප්නෝ॑ ව॒ ඉෂ॑වෝ॒ ගහ්ව॑රෝ,
-ऽව॒ස්ථාවා॑නෝ॒ නාම॑ස්ථ॒ තේෂාං᳚-වඁ උත්ත॒රා-ද්ගෘ॒හා ආපෝ॑ ව॒ ඉෂ॑ව ස්සමු॒ද්රෝ-,
-ऽධි॑පතයෝ॒ නාම॑ස්ථ॒ තේෂාං᳚-වඁ උ॒පරි॑ ගෘ॒හා ව॒ර්॒ෂං-වඁ॒ ඉෂ॒වෝ-ऽව॑ස්වාන්,
ක්ර॒ව්යා නාම॑ස්ථ॒ පාර්ථි॑වා॒-ස්තේෂාං᳚-වඁ ඉ॒හ ගෘ॒හා අන්නං॑ ඁව॒ ඉෂ॑වෝ නිමි॒ෂෝ,
වා॑ත නා॒ම-න්තේභ්යෝ॑ වෝ॒ නම॒ස්තේ නෝ॑ මෘඩයත॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒
තං-වෝඁ॒ ජම්භේ॑ දධාමි ॥ 42 (17) ॥

1.24 ගන්ධර්වාහුතීඃ (අනුෂඞ්ගං)
හේ॒තයෝ॒ නාම॑ස්ථ॒ තේෂාං᳚-වඃ ඁපු॒රෝ ගෘ॒හා අ॒ග්නිර්ව॒ ඉෂ॑ව-ස්සලි॒ලෝ වා॑ත නා॒ම-න්තේභ්යෝ॑ වෝ॒ නම॒ස්තේ නෝ॑ මෘඩයත॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ।

නි॒ලි॒පා-න්නාම॑ස්ථ॒ තේෂාං᳚-වෝඁ දක්ෂි॒ණා ගෘ॒හාඃ පි॒තරෝ॑ ව॒ ඉෂ॑ව॒-ස්සග॑රෝ වාත නා॒ම-න්තේභ්යෝ॑ වෝ॒ නම॒ස්තේ නෝ॑ මෘඩයත॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ।

ව॒ජ්රිණෝ॒ නාම॑ස්ථ॒ තේෂාං᳚-වඃ ඁප॒ශ්චා-ද්ගෘ॒හා ස්ස්වප්නෝ॑ ව॒ ඉෂ॑වෝ॒ ගහ්ව॑රෝ වාත නා॒ම-න්තේභ්යෝ॑ වෝ॒ නම॒ස්තේ නෝ॑ මෘඩයත॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ।

අ॒ව॒ස්ථා වා॑ නෝ॒ නාම॑ස්ථ॒ තේෂාං᳚-වඁ උත්ත॒රා-ද්ගෘ॒හා ආපෝ॑ ව॒ ඉෂ॑වස්සමු॒ද්රෝ වා॑ත නා॒ම-න්තේභ්යෝ॑ වෝ॒ නම॒ස්තේ නෝ॑ මෘඩයත॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධා॒මි ।

අධි॑පතයෝ॒ නාම॑ස්ථ॒ තේෂාං᳚-වඁ උ॒පරි॑ ගෘ॒හා ව॒ර්॒ෂං-වඁ॒ ඉෂ॒වෝ-ऽව॑ස්වාන් වාත නා॒ම-න්තේභ්යෝ॑ වෝ॒ නම॒ස්තේ නෝ॑ මෘඩයත॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ।

ක්ර॒ව්යා නාම॑ස්ථ॒ පාර්ථි॑වා॒-ස්තේෂාං᳚-වඁ ඉ॒හ ගෘ॒හා අන්නං॑ ඁව॒ ඉෂ॑වෝ නිමි॒ෂෝ වා॑ත නා॒ම-න්තේභ්යෝ॑ වෝ॒ නම॒ස්තේ නෝ॑ මෘඩයත॒ තේ ය-න්ද්වි॒ෂ්මෝ යශ්ච॑ නෝ॒ ද්වේෂ්ටි॒ තං-වෝඁ॒ ජම්භේ॑ දධාමි ॥ 42ආ (17ආ) ॥

1.25 අජ්යානි මන්ත්රාඃ
ශ॒තායු॑ධාය ශ॒තවී᳚ර්යාය ශ॒තෝත॑යේ ऽභිමාති॒ෂාහේ᳚ । ශ॒තං-යෝඁ න॑ ශ්ශ॒රදෝ॒ අජී॑තා॒-නින්ද්රෝ॑ නේෂ॒දති॑ දුරි॒තානි॒ විශ්වා᳚ ।
යේ ච॒ත්වාරඃ॑ ප॒ථයෝ॑ දේව॒යානා॑ අන්ත॒රා ද්යාවා॑පෘථි॒වී වි॒යන්ති॑ । තේෂාං॒-යෝඁ අජ්යා॑නි॒- මජී॑ති-මා॒වහා॒ත්තස්මෛ॑ නෝ දේවාඃ॒ පරි॑දත්තේ॒හ සර්වේ᳚ । ග්රී॒ෂ්මෝ හේ॑ම॒න්ත උ॒ත නෝ॑ වස॒න්ත ශ්ශ॒ර-ද්ව॒ර්॒ෂා ස්සු॑වි॒තන්නෝ॑ අස්තු ।
තේෂා॑-මෘතූ॒නාග්​ම් ශ॒තශා॑රදානා-න්නිවා॒ත ඒ॑ෂා॒මභ॑යේ ස්යාම । ඉ॒දු॒ව॒ථ්ස॒රාය॑ පරිවථ්ස॒රාය॑ සං​වඁථ්ස॒රාය॑ කෘණුතා බෘ॒හන්නමඃ॑ । තේෂාං᳚ ඁව॒යග්​ම් සු॑ම॒තෞ ය॒ජ්ඤියා॑නා॒-ඤ්ජ්යෝගජී॑තා॒ අහ॑තා ස්ස්යාම ।
භ॒ද්රාන්න॒-ශ්ශ්රේය॒ ස්සම॑නෛෂ්ට දේවා॒ ස්ත්වයා॑-ऽව॒සේන॒ සම॑ශී මහිත්වා ।
සනෝ॑මයෝ॒ භූඃ පි॑තෝ॒ ආවි॑ශස්ව॒ ශන්තෝ॒කාය॑ ත॒නුවේ᳚ ස්යෝ॒නඃ ॥ 43 (18) ॥

භූ॒ත-ම්භව්යං॑ භවි॒ෂ්ය-ද්වෂ॒-ට්ථ්ස්වාහා॒ ,
නම॒ ඍ-ඛ්සාම॒-යජු॒-ර්වෂ॒-ට්ථ්ස්වාහා॒ ,
නමෝ॑ ගාය॒ත්රී ත්රි॒ෂ්ටුප් ජග॑තී॒ වෂ॒-ට්ථ්ස්වාහා॒ ,
නමඃ॑ පෘථි॒ව්ය॑න්තරි॑ක්ෂං॒ ද්යෞ-ර්වෂ॒-ට්ථ්ස්වාහා॒ ,
නමෝ॒ ऽග්නිර්වා॒යු-ස්සූර්යෝ॒ වෂ॒-ට්ථ්ස්වාහා॒ ,
නමඃ॑ ප්රා॒ණෝ-ව්යා॒නෝ॑-ऽපා॒නෝ වෂ॒-ට්ථ්ස්වාහා॒ ,
නමෝ-ऽන්නං॑ කෘ॒ෂි-ර්වෘෂ්ටි॒-ර්වෂ॒-ට්ථ්ස්වාහා॒ ,
නමඃ॑ පි॒තා පු॒ත්රඃ පෞත්රෝ॒ වෂ॒-ට්ථ්ස්වාහා॒ ,
නමෝ॒ භූර්භුව॒ස්සුව॒ ර්වෂ॒-ට්ථ්ස්වාහා॒ නමඃ॑ ॥ 44 (19) ॥

1.26 අථර්වශීර්​ෂං
(තෛ. බ්රා. 1.5.8.1-1.5.8.3)
ඉන්ද්රෝ॑ දධී॒චෝ අ॒ස්තභිඃ॑ । වෘ॒ත්රාණ්ය ප්ර॑තිෂ්කුතඃ । ජ॒ඝාන॑ නව॒තීර්නව॑ । ඉ॒ච්ඡන්න-ශ්ව॑ස්ය॒ යච්ඡිරඃ॑ । පර්ව॑තේ॒ෂ්වප॑ශ්රිතම් । තද්වි॑දච්ඡර්​ය॒ණාව॑ති ।
අද්රාහ॒ ගෝරම॑න්වත । නාම॒ ත්වෂ්ටු॑ර-පී॒ච්ය᳚ම් । ඉ॒ත්ථා ච॒න්ද්රම॑සෝ ගෘ॒හේ ।
ඉන්ද්ර॒මි-ද්ගා॒ථිනෝ॑ බෘ॒හත් ॥ 45 ॥

ඉන්ද්ර॑ ම॒ර්කේභි॑ ර॒ර්කිණඃ॑ । ඉන්ද්රං॒ ඁවාණී॑රනූෂත । ඉන්ද්ර॒ ඉද්ධර්යෝ॒ ස්සචා᳚ ।
ස-ම්මි॑ශ්ල॒ ආව॑චෝ॒ යුජා᳚ । ඉන්ද්රෝ॑ ව॒ජ්රී හි॑ර॒ණ්යයඃ॑ । ඉන්ද්රෝ॑ දී॒ර්ඝාය॒ චක්ෂ॑සේ । ආසූර්යග්​ම්॑ රෝහය-ද්දි॒වි । වි ගෝභි॒රද්රි॑මෛරයත් । ඉන්ද්ර॒ වාජේ॑ෂු නෝ අව । ස॒හස්ර॑ ප්රධනේෂු ච ॥ 46 ॥

උ॒ග්ර උ॒ග්රාභි॑-රූ॒තිභිඃ॑ । තමින්ද්රං॑ ඁවා ජයාමසි । ම॒හේ වෘ॒ත්රාය॒ හන්ත॑වේ । ස වෘෂා॑ වෘෂ॒භෝ-භු॑වත් । ඉන්ද්ර॒ ස්සදා ම॑නේ කෘ॒තඃ । ඕජි॑ෂ්ඨ॒ ස්සබලේ॑ හි॒තඃ । ද්යු॒ම්නී ශ්ලෝ॒කී ස සෞ॒ම්යඃ॑ । ගි॒රා වජ්රෝ॒ න සම්භෘ॑තඃ । සබ॑ලෝ॒ අන॑පච්යුතඃ । ව॒ව॒ක්ෂු රු॒ග්රෝ අස්තෘ॑තඃ ॥ 47 (20) ॥

1.27 ප්රත්යඞ්ගිරසඃ
(තෛ. බ්රා. 2.4.2.1-2.4.2.4)
චක්ෂු॑ෂෝ හේතේ॒ මන॑සෝ හේතේ । වාචෝ॑ හේතේ॒ බ්රහ්ම॑ණෝ හේතේ । යෝමා॑-ऽඝා॒යු-ර॑භි॒දාස॑ති । තම॑ග්නේ මේ॒න්යා-ऽමේ॒නි-ඞ්කෘ॑ණු । යෝමා॒ චක්ෂු॑ෂා॒ යෝ මන॑සා । යෝ වා॒චා බ්රහ්ම॑ණා-ऽඝා॒යු-ර॑භි॒දාස॑ති । තයා᳚-ऽග්නේ॒ ත්ව-ම්මේ॒න්යා । අ॒මුම॑ මේ॒නි-ඞ්කෘ॑ණු । ය-ත්කිඤ්චා॒සෞ මන॑සා॒ යච්ච॑ වා॒චා । ය॒ජ්ඤෛ-ර්ජු॒හෝති॒ යජු॑ෂා හ॒විර්භිඃ॑ ॥ 48 ॥

ත-න්මෘ॒ත්යු-ර්නිර්-ඍ॑ත්යා සං​විඁදා॒නඃ । පු॒රා දි॒ෂ්ටා දාහු॑තී රස්යහන්තු ।
යා॒තු॒ ධානා॒ නිර්-ඍ॑ති॒ රාදු॒රක්ෂඃ॑ । තේ අ॑ස්යඝ්නං॒ ත්වනෘ॑තේන ස॒ත්යම් ।
ඉන්ද්ර॑ෂිතා॒ ආජ්ය॑මස්ය මථ්නන්තු । මාත-ථ්සමෘ॑ද්ධි॒ යද॒සෞ ක॒රෝති॑ ।
හන්මි॑තේ॒-ऽහ-ඞ්කෘ॒තග්​ම් හ॒විඃ । යෝ මේ॑ ඝෝ॒රමචී॑ කෘතඃ ।
අපා᳚ඤ්චෞ ත උ॒භෞ බා॒හූ । අප॑නහ්යාම්යා॒ස්ය᳚ම් ॥ 49 ॥

අප॑නහ්යාමිතේ බා॒හූ । අප॑ නහ්යාම්යා॒ස්ය᳚ම් । අ॒ග්නේ-ර්දේ॒වස්ය॒ බ්රහ්ම॑ණා । සර්වං॑ තේ ऽවධිෂ්-ඞ්කෘ॒තම් । පු॒රා-ऽමුෂ්ය॑ වෂ-ට්කා॒රාත් । ය॒ජ්ඤ-න්දේ॒වේෂු॑ නස්කෘධි । ස්වි॑ෂ්ට-ම॒ස්මාකං॑ භූයාත් । මා-ऽස්මා-න්ප්රාප॒න්නරා॑තයඃ । අන්ති॑දූ॒රේ ස॒තෝ අ॑ග්නේ । භ්රාතෘ॑ව්යස්යා භි॒දාස॑තඃ । ව॒ෂ॒-ට්කා॒රේණ॒ වජ්රේ॑ණ । කෘ॒ත්යාග්​ම් හ॑න්මි කෘ॒තාම॒හම් । යෝ මා॒ නක්තං॒ දිවා॑ සා॒යම් । ප්රා॒ත-ශ්චාහ්නෝ॑ නි॒පීය॑ති । අ॒ද්යා-තමි॑න්ද්ර॒ වජ්රේ॑ණ । භ්රාතෘ॑ව්ය-ම්පාදයාමසි ॥ 50 (21) ॥

(තෛ. බ්රා. 2.5.1.1-2.5.1.3)
ප්රා॒ණෝ ර॑ක්ෂති॒ විශ්ව॒මේජ॑ත් । ඉර්යෝ॑ භූ॒ත්වා බ॑හු॒ධා බ॒හූනි॑ । ස ඉ-ථ්සර්වං॒ ඁව්යා॑නශේ । යෝ දේ॒වෝ දේ॒වේෂු॑ වි॒භූර॒න්තඃ ।
ආවෘ॑දූ॒දා-ත්ක්ෂේත්රිය॑ද්ධ්ව॒ග-ද්වෘෂා᳚ । තමි-ත්ප්රා॒ණ-ම්මන॒සෝප॑ ශික්ෂත ।
අග්රං॑ දේ॒වානා॑-මි॒දම॑ත්තු නෝ හ॒විඃ । මන॑ස॒ශ්චි-ත්තේ॒දම් । භූ॒ත-ම්භව්යං॑ ච ගුප්යතේ । තද්ධි දේ॒වේෂ්ව॑-ග්රි॒යම් ॥ 51 ॥

ආන॑ ඒතු පුරශ්ච॒රම් । ස॒හ දේ॒වෛ-රි॒මග්​ම් හව᳚ම් । මන॒-ශ්ශ්රේය॑සි ශ්රේයසි । කර්ම॑න්. ය॒ජ්ඤප॑තිං॒ දධ॑ත් । ජු॒ෂතාං᳚ මේ॒ වාගි॒දග්​ම් හ॒විඃ । වි॒රා-ඩ්දේ॒වී පු॒රෝහි॑තා । හ॒ව්ය॒වාඩන॑-පායිනී । යයා॑ රූ॒පාණි॑ බහු॒ධා වද॑න්ති । පේශාග්​ම්॑සි දේ॒වාඃ ප॑ර॒මේ ජ॒නිත්රේ᳚ । සා නෝ॑ වි॒රාඩන॑ප ස්ඵුරන්තී ॥ 52 ॥

වාග්දේ॒වී ජු॑ෂතා මි॒දග්​ම් හ॒විඃ । චක්ෂු॑-ර්දේ॒වානාං॒ ජ්යෝති॑ර॒මෘතේ॒ න්ය॑ක්තම් ।
අ॒ස්ය වි॒ජ්ඤානා॑ය බහු॒ධා නිධී॑යතේ । තස්ය॑ සු॒ම්න-ම॑ශීමහි । මා නෝ॑ හාසී-ද්විචක්ෂ॒ණම් । ආයු॒රින්නඃ॒ ප්රතී᳚ර්යතාම් । අන॑න්ධා॒-ශ්චක්ෂු॑ෂා ව॒යම් । ජී॒වා ජ්යෝති॑-රශීමහි । සුව॒-ර්ජ්යෝති॑-රු॒තාමෘතං᳚ । ශ්රෝත්රේ॑ණ භ॒ද්ර මු॒ත-ශෘ॑ණ්වන්ති ස॒ත්යම් । ශ්රෝත්රේ॑ණ॒ වාචං॑ බහු॒ධෝද්යමා॑නාම් । ශ්රෝත්රේ॑ණ॒ මෝද॑ශ්ච॒ මහ॑ශ්ච ශ්රූයතේ ।
ශ්රෝත්රේ॑ණ॒ සර්වා॒ දිශ॒ ආශෘ॑ණෝමි । යේන॒ ප්රාච්යා॑ උ॒ත ද॑ක්ෂි॒ණා । ප॒තීච්යෛ॑ දි॒ශ-ශ්ශෘ॒ණ්වන්ත්යු॑ත්ත॒රාත් । තදිච්ඡ්රෝත්රං॑ බහු॒ධෝද්යමා॑නම් ।
අ॒රාන්න නේ॒මිඃ පරි॒සර්වං॑ බභූව ॥ 53 (22) ॥

(තෛ. බ්රා. 2.7.7.1-2.7.7.7)
සි॒ග්​ම්॒හේ ව්යා॒ඝ්ර උ॒ත යා පෘදා॑කෞ । ත්විෂි॑-ර॒ග්නෞ බ්රා᳚හ්ම॒ණේ සූර්යේ॒යා ।
ඉන්ද්රං॒ ඁයා දේ॒වී සු॒භගා॑ ජ॒ජාන॑ । සා න॒ ආග॒න් වර්ච॑සා සං​විඁදා॒නා । යා රා॑ජ॒න්යේ॑ දුන්දු॒-භාවාය॑තායාම් । අශ්ව॑ස්ය॒ ක්රන්ද්යේ॒ පුරු॑ෂස්ය මා॒යෞ । ඉන්ද්රං॒ ඁයා දේ॒වී සු॒භගා॑ ජ॒ජාන॑ । සා න॒ ආග॒න් වර්ච॑සා සං​විඁදා॒නා । යා හ॒ස්තිනි॑ ද්වී॒පිනි॒ යා හිර॑ණ්යේ । ත්විෂි॒-රශ්වේ॑ෂු॒ පුරු॑ෂේෂු॒ ගෝෂු॑ ॥ 54 ॥

ඉන්ද්රං॒ ඁයා දේ॒වී සු॒භගා॑ ජ॒ජාන॑ । සා න॒ ආග॒න් වර්ච॑සා සං​විඁදා॒නා । රථේ॑ අ॒ක්ෂේෂු॑ වෘෂ॒භස්ය॒ වාජේ᳚ । වාතේ॑ ප॒ර්ජන්යේ॒ වරු॑ණස්ය॒ ශුෂ්මේ᳚ । ඉන්ද්රං॒ ඁයා දේ॒වී සු॒භගා॑ ජ॒ජාන॑ । සා න॒ ආග॒න් වර්ච॑සා සං​විඁදා॒නා । රාඩ॑සි වි॒රාඩ॑සි । ස॒ම්රාඩ॑සි ස්ව॒රාඩ॑සි । ඉන්ද්රා॑ය ත්වා॒ තේජ॑ස්වතේ॒ තේජ॑ස්වන්තග්ග්​ ශ්රීණාමි । ඉන්ද්රා॑ය॒ ත්වෞජ॑ස්වත॒ ඕජ॑ස්වන්තග්ග්​ ශ්රීණාමි ॥ 55 ॥

ඉන්ද්රා॑ය ත්වා॒ පය॑ස්වතේ॒ පය॑ස්වන්තග්ග්​ ශ්රීණාමි । ඉන්ද්රා॑ය॒ ත්වා-ऽऽයු॑ෂ්මත॒ ආයු॑ෂ්මන්තග්ග්​ ශ්රීණාමි । තේජෝ॑-ऽසි । තත්තේ॒ ප්රය॑ච්ඡාමි । තේජ॑ස්වදස්තු මේ॒ මුඛ᳚ම් । තේජ॑ස්ව॒ච්ඡිරෝ॑ අස්තු මේ । තේජ॑ස්වාන්. වි॒ශ්වතඃ॑ ප්ර॒ත්යම් । තේජ॑සා॒ ස-ම්පි॑පෘග්ධිමා । ඕජෝ॑-ऽසි । තත්තේ॒ ප්රය॑ච්ඡාමි ॥ 56 ॥

ඕජ॑ස්වදස්තු මේ॒ මුඛ᳚ම් । ඕජ॑ස්ව॒ච්ඡිරෝ॑ අස්තු මේ । ඕජ॑ස්වාන්. වි॒ශ්වතඃ॑ ප්ර॒ත්යම් । ඕජ॑සා॒ සම්පි॑පෘග්ධි මා । පයෝ॑-ऽසි । තත්තේ॒ ප්රය॑ච්ඡාමි । පය॑ස්වදස්තු මේ॒ මුඛ᳚ම් । පය॑ස්ව॒ච්ඡිරෝ॑ අස්තු මේ । පය॑ස්වාන්. වි॒ශ්වතඃ॑ ප්ර॒ත්යම් । පය॑සා॒ සම්පි॑පෘග්ධි මා ॥ 57 ॥

ආයු॑රසි । තත්තේ॒ ප්රය॑ච්ඡාමි । ආයු॑ෂ්මදස්තු මේ॒ මුඛ᳚ම් । ආයු॑ෂ්ම॒ච්ඡිරෝ॑ අස්තු මේ । ආයු॑ෂ්මාන්. වි॒ශ්වතඃ॑ ප්ර॒ත්යම් । ආයු॑ෂා॒ සම්පි॑පෘග්ධි මා । ඉ॒ම ම॑ග්න॒ ආයු॑ෂේ॒ වර්ච॑සේ කෘධි । ප්රි॒යග්​ම් රේතෝ॑ වරුණ සෝම රාජන්න් । මා॒ තේ වා᳚ස්මා අදිතේ॒ ශර්ම॑ යච්ඡ । විශ්වේ॑ දේවා॒ ජර॑දෂ්ටි॒-ර්යථා-ऽස॑ත් ॥ 58 ॥

ආයු॑රසි වි॒ශ්වායු॑රසි । ස॒ර්වායු॑රසි॒ සර්ව॒මායු॑රසි । යතෝ॒ වාතෝ॒ මනෝ॑ජවාඃ । යතඃ॒, ක්ෂර॑න්ති॒ සින්ධ॑වඃ । තාසාං᳚ ත්වා॒ සර්වා॑සාග්​ම් රු॒චා । අ॒භිෂි॑ඤ්චාමි॒ වර්ච॑සා । ස॒මු॒ද්ර ඉ॑වාසි ග॒හ්මනා᳚ । සෝම॑ ඉවා॒ස්යදා᳚භ්යඃ । අ॒ග්නිරි॑ව වි॒ශ්වතඃ॑ ප්ර॒ත්යම් । සූර්ය॑ ඉව॒ ජ්යෝති॑ෂා වි॒භූඃ ॥ 59 ॥

අ॒පාං-යෝඁ ද්රව॑ණේ॒ රසඃ॑ । තම॒හම॒ස්මා ආ॑මුෂ්යාය॒ණාය॑ । තේජ॑සේ බ්රහ්මවර්ච॒සාය॑ ගෘහ්ණාමි । අ॒පාං-යඁ ඌ॒ර්මෞ රසඃ॑ । තම॒හම॒ස්මා ආ॑මුෂ්යාය॒ණාය॑ । ඕජ॑සේ වී॒ර්යා॑ය ගෘහ්ණාමි । අ॒පාං-යෝඁ ම॑ද්ධ්ය॒තෝ රසඃ॑ । තම॒හම॒ස්මා ආ॑මුෂ්යාය॒ණාය॑ । පුෂ්ටෛ᳚ ප්ර॒ජන॑නාය ගෘහ්ණාමි । අ॒පාං-යෝඁ ය॒ජ්ඤියෝ॒ රසඃ॑ । තම॒හම॒ස්මා ආ॑මුෂ්යාය॒ණාය॑ । ආයු॑ෂේ දීර්ඝායු॒ත්වාය॑ ගෘහ්ණාමි ॥ 60 (23) ॥

1.28 අන්න සූක්තං
(තෛ. බ්රා. 2.8.8.1-2.8.8.4)
අ॒හම॑ස්මි ප්රථම॒ජා ඍ॒තස්ය॑ । පූර්වං॑ දේ॒වේභ්යෝ॑ අ॒මෘත॑ස්ය॒ නාභිඃ॑ ।
යෝ මා॒ දදා॑ති॒ ස ඉ දේ॒ව මා වාඃ᳚ । අ॒හමන්න॒ මන්න॑ ම॒දන්ත॑මද්මි । පූර්ව॑-ම॒ග්නේරපි॑ දහ॒ත්යන්නං᳚ । ය॒ත්තෞ හා॑සාතේ අහමුත්ත॒රේෂු॑ । ව්යාත්ත॑මස්ය ප॒ශව॑-ස්සු॒ජම්භ᳚ම් । පශ්ය॑න්ති॒ ධීරාඃ॒ ප්රච॑රන්ති॒ පාකාඃ᳚ ।
ජහා᳚ම්ය॒න්ය-න්න ජ॑හාම්ය॒න්යම් । අ॒හමන්නං॒ ඁවශ॒මිච්ච॑රාමි ॥ 61 ॥

ස॒මා॒නමර්ථං॒ පර්යේ॑මි භු॒ඤ්ජත් । කෝ මා මන්නං॑ මනු॒ෂ්යෝ॑ දයේත ।
පරා॑කේ॒ අන්නං॒ නිහි॑තං-ලෝඁ॒ක ඒ॒තත් । විශ්වෛ᳚-ර්දේ॒වෛඃ පි॒තෘභි॑-ර්ගු॒ප්තමන්න᳚ම් ।
යද॒ද්යතේ॑ ලු॒ප්යතේ॒ ය-ත්ප॑රෝ॒ප්යතේ᳚ । ශ॒ත॒-ත॒මීසා ත॒නූර්මේ॑ බභූව ।
ම॒හාන්තෞ॑ ච॒රූ ස॑කෘ-ද්දු॒ග්ධේන॑ පප්රෞ । දිව॑ඤ්ච॒ පෘශ්ඤි॑ පෘථි॒වී-ඤ්ච॑ සා॒කම් ।
තථ්සං॒-පිබ॑න්තෝ॒ නමි॑නන්ති වේ॒ධසඃ॑ । නෛතද්භූයෝ॒ භව॑ති॒ නෝ කනී॑යඃ ॥ 62 ॥

අන්නං॑ ප්රා॒ණමන්න॑ මපා॒න-මා॑හුඃ । අන්නං॑ මෘ॒ත්යු-න්තමු॑ ජී॒වාතු॑ මාහුඃ ।
අන්නං॑ බ්ර॒හ්මාණෝ॑ ජ॒රසං॑ ඁවදන්ති । අන්න॑මාහුඃ ප්ර॒ජන॑න-ම්ප්ර॒ජානා᳚ම් ।
මෝඝ॒-මන්නං॑ ඁවින්දතේ॒ අප්ර॑චේතාඃ । ස॒ත්ය-ම්බ්ර॑වීමි ව॒ධ ඉථ්ස තස්ය॑ ।
නාර්ය॒මණං॒ පුෂ්ය॑ති॒ නෝ සඛා॑යම් । කේව॑ලාඝෝ භවති කේවලා॒දී ।
අ॒හ-ම්මේ॒ඝ ස්ස්ත॒නය॒න් වර්​ෂ॑න්නස්මි । මාම॑දන්ත්ය॒-හම॑ද්ම්ය॒න්යාන් ॥ අ॒හග්​ම් සද॒මෘතෝ॑ භවාමි । මදා॑දි॒ත්යා අධි॒ සර්වේ॑ තපන්ති ॥ 63 ॥

1.29 වා-ඛ්සූක්තං
(තෛ. බ්රා. 2.8.8.4)
දේ॒වීං-වාඁච॑ම ජනයන්ත॒ ය-ද්වාග්වද॑න්ති ॥ 64 ॥

දේ॒වීං-වාඁච॑මජනයන්ත දේ॒වාඃ । තාං-විඁ॒ශ්වරූ॑පාඃ ප॒ශවෝ॑ වදන්ති । සා නෝ॑ ම॒න්ද්රේෂ॒ මූර්ජං॒ දුහා॑නා । ධේ॒නුර්වාග॒ස්මා-නුප॒සුෂ්ටු॒තෛතු॑ ॥ 64අ ॥

ය-ද්වාග්වද॑න්ත්ය විචේත॒නානි॑ । රාෂ්ට්රී॑ දේ॒වානා᳚-න්නිෂ॒සාද॑ ම॒න්ද්රා । චත॑ස්ර॒ ඌර්ජං॑ දුදුහේ॒ පයාග්​ම්॑සි । ක්ව॑ස්වි දස්යාඃ පර॒ම-ඤ්ජ॑ගාම ॥ 64බ් ॥

(තෛ. බ්රා. 2.8.8.4-2.8.8.5)
අ॒න॒න්තා-මන්තා॒දධි॒ නිර්මි॑තා-ම්ම॒හීම් । යස්යාං᳚ දේ॒වා අ॑දධු॒-ර්භෝජ॑නානි । ඒකා᳚ක්ෂරා-න්ද්වි॒පදා॒ග්​ම්॒ ෂට්ප॑දාඤ්ච । වාච॑-න්දේ॒වා උප॑ජීවන්ති॒ විශ්වේ᳚ । වාච॑-න්දේ॒වා උප॑ජීවන්ති॒ විශ්වේ᳚ । වාච॑-ඞ්ගන්ධ॒ර්වාඃ ප॒ශවෝ॑ මනු॒ෂ්යාඃ᳚ । වා॒චීමා විශ්වා॒ භුව॑නා॒-න්යර්පි॑තා । සා නෝ॒ හවං॑ ජුෂතා॒-මින්ද්ර॑ පත්නී ।
වාග॒ක්ෂරං॑ ප්රථම॒ජා ඍ॒තස්ය॑ । වේදා॑නා-ම්මා॒තා-ऽමෘත॑ස්ය॒ නාභිඃ॑ ॥ 65 ॥

සා නෝ॑ ජුෂා॒ණෝප॑ ය॒ජ්ඤ මාගා᳚ත් । අව॑න්තී දේ॒වී සු॒හවා॑ මේ අස්තු । යා මෘෂ॑යෝ මන්ත්ර॒ කෘතෝ॑ මනී॒ෂිණඃ॑ । අ॒න්වෛච්ඡ॑-න්දේ॒වා-ස්තප॑සා॒ ශ්රමේ॑ණ । තා-න්දේ॒වීං-වාඁචග්​ම්॑ හ॒විෂා॑ යජාමහේ । සා නෝ॑ දධාතු සුකෘ॒තස්ය॑ ලෝ॒කේ ।
ච॒ත්වාරි॒ වා-ක්පරි॑මිතා ප॒දානි॑ । තානි॑ විදු-ර්බ්රාහ්ම॒ණා යේ ම॑නී॒ෂිණඃ॑ । ගුහා॒ ත්රීණි॒ නිහි॑තා॒ නේඞ්ග॑යන්ති । තු॒රීයං॑ ඁවා॒චෝ ම॑නු॒ෂ්යා॑ වදන්ති ॥ 66 ॥

1.30 ශ්රද්ධා සූක්තං
(තෛ. බ්රා. 2.8.8.5-2.8.8.8)
ශ්ර॒ද්ධයා॒-ऽග්නි ස්සමි॑ධ්යතේ । ශ්ර॒ද්ධයා॑ වින්දතේ හ॒විඃ । ශ්ර॒ද්ධා-ම්භග॑ස්ය මූ॒ර්ධනි॑ । වච॒සා වේ॑දයාමසි । ප්රි॒යග්ග්​ ශ්ර॑ද්ධේ॒ දද॑තඃ । ප්රි॒යග්ග්​ ශ්ර॑ද්ධේ॒ දිදා॑සතඃ । ප්රි॒ය-ම්භෝ॒ජේෂු॒ යජ්ව॑සු । ඉ॒ද-ම්ම॑ උදි॒ත-ඞ්කෘ॑ධි । යථා॑ දේ॒වා අසු॑රේෂු । ශ්ර॒ද්ධා මු॒ග්රේෂු॑ චක්රි॒රේ ॥ 67 ॥

ඒ॒ව-ම්භෝ॒ජේෂු॒ යජ්ව॑සු । අ॒ස්මාක॑-මුදි॒ත-ඞ්කෘ॑ධි । ශ්ර॒ද්ධා-න්දේ॑වා॒ යජ॑මානාඃ । වා॒යු-ගෝ॑පා॒ උපා॑සතේ । ශ්ර॒ද්ධාග්​ම් හෘ॑ද॒ය්ය॑යා-ऽऽකූ᳚ත්යා । ශ්ර॒ද්ධයා॑ හූයතේ හ॒විඃ ।
ශ්ර॒ද්ධා-ම්ප්රා॒තර්-හ॑වාමහේ । ශ්ර॒ද්ධා-ම්ම॒ද්ධ්යන්දි॑නං॒ පරි॑ । ශ්ර॒ද්ධාග්​ම් සූර්ය॑ස්ය නි॒ම්රුචි॑ । ශ්රද්ධේ॒ ශ්රද්ධා॑පයේ॒ හමා᳚ ॥ 68 ॥

ශ්ර॒ද්ධා දේ॒වාන-ධි॑වස්තේ । ශ්ර॒ද්ධා විශ්ව॑ මි॒ද-ඤ්ජග॑ත් । ශ්ර॒ද්ධා-ඞ්කාම॑ස්ය මා॒තර᳚ම් । හ॒විෂා॑ වර්ධයාමසි ॥ 69අ ॥

1.31 බ්රහ්ම සූක්තං
(තෛ. බ්රා. 2.8.8.10-2.8.8.11)
බ්රහ්ම॑ජජ්ඤා॒න-ම්ප්ර॑ථ॒ම-ම්පු॒රස්තා᳚ත් । විසී॑ම॒ත-ස්සු॒රුචෝ॑ වේ॒න ආ॑වඃ ।
ස බු॒ද්ධ්නියා॑ උප॒මා අ॑ස්ය වි॒ෂ්ඨාඃ । ස॒තශ්ච॒ යෝනි॒-මස॑තශ්ච॒ විවඃ॑ ॥ පි॒තා-වි॒රාජා॑ මෘෂ॒භෝ-ර॑යී॒ණාම් । අ॒න්තරි॑ක්ෂං-විඁ॒ශ්වරූ॑ප॒ ආවි॑වේශ ॥ 69බ් ॥

තම॒ර්කෛර॒භ්ය॑ර්ච්චන්ති ව॒ථ්සම් । බ්රහ්ම॒ සන්ත॒-ම්බ්රහ්ම॑ණා ව॒ර්ධය॑න්තඃ ॥ බ්රහ්ම॑ දේ॒වාන॑ජනයත් । බ්රහ්ම॒ විශ්ව॑මි॒ද-ඤ්ජග॑ත් ॥
බ්රහ්ම॑ණඃ, ක්ෂ॒ත්ර-න්නිර්මි॑තම් । බ්රහ්ම॑ බ්රාහ්ම॒ණ ආ॒ත්මනා᳚ ॥ අ॒න්තර॑ස්මි-න්නි॒මේ ලෝ॒කාඃ । අ॒න්ත ර්විශ්ව॑මි॒ද-ඤ්ජග॑ත් । බ්රහ්මෛ॒ව භූ॒තානා॒-ඤ්ජ්යේෂ්ඨ᳚ම් । තේන॒ කෝ॑-ऽර්​හති॒ ස්පර්ධි॑තුම් ॥ 70 ॥

බ්රහ්මං॑ දේ॒වා-ස්ත්රය॑ස්ත්රිග්​ම්ශත් । බ්රහ්ම॑-න්නින්ද්ර ප්රජාප॒තී । බ්රහ්ම॑නඃඅ॒ විශ්වා॑ භූ॒තානි॑ । නා॒වී වා॒න්ත-ස්ස॒මාහි॑තා ॥ චත॑ස්ර॒ ආශාඃ॒ ප්රච॑රන්ත්ව॒-ග්නයඃ॑ । ඉ॒මන්නෝ॑ ය॒ජ්ඤන්න॑යතු ප්රජා॒නන්න් ।
ඝෘ॒ත-ම්පින්ව॑න්න॒ ජරග්​ම්॑ සු॒වීර᳚ම් । බ්රහ්ම॑ ස॒මි-ද්භ॑ව॒ත්යාහු॑තීනාම් ॥ 71 ॥

1.32 ගෝ සූක්තං
(තෛ. බ්රා. 2.8.8.11)
ආගාවෝ॑ අග්මන්නු॒ත භ॒ද්ර-ම॑ක්රන්න් । සීද॑න්තු ගෝ॒ෂ්ඨේ-ර॒ණය॑න්ත්ව॒ස්මේ ॥ ප්ර॒ජාව॑තීඃ පුරු॒ රූපා॑ ඉ॒හ ස්යුඃ । ඉන්ද්රා॑ය පූ॒ර්වී රු॒ෂසෝ॒ දුහා॑නාඃ । ඉන්ද්රෝ॒ යජ්ව॑නේ පෘණ॒තේ ච॑ ශික්ෂති । උපේද්ද॑දාති॒ න ස්ව-ම්මු॑ෂායති । භූයෝ॑ භූයෝ ර॒යිමිද॑ස්ය ව॒ර්ධයන්න්॑ । අභි॑න්නේ ඛි॒ල්ලේ නිද॑ධාති දේව॒යුම් ।
න තා න॑ශන්ති॒ න තා අර්වා᳚ ॥ 72 ॥

න තා න॑ශන්ති॒ නද॑භාති॒ තස්ක॑රඃ । නෛනා॑ අමි॒ත්රෝ ව්යථි॒රා ද॑ධර්​ෂති ।
දේ॒වාග්​ශ්ච॒ යාභි॒-ර්යජ॑තේ॒ දදා॑ති ච । ජ්යෝගිත්තාභි॑ ස්සචතේ॒ ගෝප॑ති ස්ස॒හ ॥ 72අ ॥

න තා අර්වා॑ රේ॒ණු ක॑කාටෝ අශ්නුතේ । න සග්ග්॑ ස්කෘත॒ත්ර-මුප॑යන්ති॒ තා අ॒භි ।
උ॒රු॒ගා॒යම॑භය॒-න්තස්ය॒ තා අනු॑ । ගාවෝ॒ මර්ත්ය॑ස්ය॒ විච॑රන්ති॒ යජ්ව॑නඃ ॥ 72බ් ॥

(තෛ. බ්රා. 2.8.8.12)
ගාවෝ॒ භගෝ॒ ගාව॒ ඉන්ද්රෝ॑ මේ අච්ඡාත් । ගාව॒ ස්සෝම॑ස්ය ප්රථ॒මස්ය॑ භ॒ක්ෂඃ ।
ඉ॒මා යා ගාව॒-ස්සජ॑නාස॒ ඉන්ද්රඃ॑ । ඉ॒ච්ඡාමී-ද්ධෘ॒දා මන॑සා-චි॒දින්ද්ර᳚ම් ।
යූ॒ය-ඞ්ගා॑වෝ මේදයථා කෘ॒ශඤ්චි॑ත් । අ॒ශ්ලී॒ල-ඤ්චි॑-ත්කෘණුථා සු॒ප්රතී॑කම් ॥ 73 ॥

භ॒ද්ර-ඞ්ගෘ॒හ-ඞ්කෘ॑ණුථ භද්ර වාචඃ । බෘ॒හද්වෝ॒ වය॑ උච්යතේ ස॒භාසු॑ । ප්ර॒ජාව॑තී ස්සූ॒යව॑සග්​ම්-රි॒ශන්තීඃ᳚ । ශු॒ද්ධා අ॒ප ස්සු॑ප්රපා॒ණේ පිබ॑න්තීඃ ।
මාව॑ ස්තේ॒න ඊ॑ශත॒ මාඝශග්​ම්॑සඃ । පරි॑වෝ හේ॒තී රු॒ද්රස්ය॑ වෘඤ්ජ්යාත් । උපේ॒ද-මු॑ප॒-පර්ච॑නම් । ආ॒සු ගෝෂූප॑ පෘච්යතාම් । උප॑ර්​ෂ॒භස්ය॒ රේත॑සි । උපේ᳚න්ද්ර॒ තව॑ වී॒ර්යේ᳚ ॥ 74 (24) ॥

1.33 සූර්යා චන්ද්රමසා සූක්තං
(තෛ. බ්රා. 2.8.9.1)
තා සූ᳚ර්යා චන්ද්ර॒මසා॑ විශ්ව॒-භෘත්ත॑මා ම॒හත් । තේජෝ॒ වසු॑මද්රාජතෝ දි॒වි । සාමා᳚ත්මානා චරත ස්සාම-චා॒රිණා᳚ । යයෝ᳚ර්ව්ර॒ත-න්නම॒මේ ජාතු॑ දේ॒වයෝඃ᳚ । උ॒භාවන්තෞ॒ පරි॑යාත॒ අර්ම්යා᳚ । දි॒වෝ න ර॒ශ්මීග්​ ස්ත॑නු॒තෝ-ව්ය॑ර්ණ॒වේ । උ॒භා භු॑ව॒න්තී භුව॑නා ක॒වික්ර॑තූ । සූර්යා॒ න ච॒න්ද්රා ච॑රතෝ හ॒තාම॑තී । පතී᳚ද්යු॒ම-ද්වි॑ශ්ව॒-විදා॑ උ॒භා දි॒වඃ । සූර්යා॑ උ॒භා ච॒න්ද්රම॑සා විචක්ෂ॒ණා ॥ 75 ॥

වි॒ශ්වවා॑රා වරිවෝ॒ භා වරේ᳚ණ්යා । තා නෝ॑-ऽවත-ම්මති॒මන්තා॒ මහි॑ව්රතා । වි॒ශ්ව॒වප॑රී ප්ර॒තර॑ණා තර॒න්තා । සු॒ව॒ර්විදා॑ දෘ॒ශයේ॒ භූරි॑ රශ්මී । සූර්යා॒ හි ච॒න්ද්රා වසු॑ත්වේ॒ෂ-ද॑ර්​ශතා । ම॒න॒ස්විනෝ॒ ऽභානු॑චර॒තෝනු॒-සන්දිව᳚ම් । අ॒ස්ය ශ්රවෝ॑ න॒ද්ය॑ ස්ස॒ප්ත බි॑භ්රති । ද්යාවා॒ ක්ෂාමා॑ පෘථි॒වී ද॑ර්​ශ॒තං-වඁපුඃ॑ । අ॒ස්මේ සූ᳚ර්යා චන්ද්ර॒මසා॑-ऽභි॒චක්ෂේ᳚ । ශ්ර॒ද්ධේක-මි॑න්ද්ර චරතෝ විචර්තු॒රම් ॥ 76 ॥
පූ॒ර්වා॒ප॒ර-ඤ්ච॑රතෝ මා॒ය යෛ॒තෞ । ශිශූ॒ ක්රීඩ॑න්තෞ॒ පරි॑යාතෝ අධ්ව॒රම් । විශ්වා᳚න්ය॒න්යෝ භුව॑නා ऽභි॒චෂ්ටේ᳚ । ඍ॒තූන॒න්යෝ වි॒දධ॑ජ්ජායතේ॒ පුනඃ॑ । හිර॑ණ්යවර්ණා॒-ශ්ශුච॑යඃ පාව॒කා යාසා॒ග්​ම්॒ රාජා᳚ । යාසාං᳚ දේ॒වා ශ්ශි॒වේන॑ මා॒ චක්ෂු॑ෂා පශ්යත । ආපෝ॑ භ॒ද්රා ආදිත්ප॑ශ්යාමි ॥ 77 ॥

හිර॑ණ්යවර්ණා॒-ශ්ශුච॑යඃ පාව॒කා යාසු॑ ජා॒තඃ ක॒ශ්යපෝ॒ යාස්වින්ද්රඃ॑ । අ॒ග්නිං-යාඁ ගර්භං॑ දධි॒රේ විරූ॑පා॒ස්තා න॒ ආප॒ශ්ශග්ග්​ ස්යෝ॒නා භ॑වන්තු ॥
යාසා॒ග්​ම්॒ රාජා॒ වරු॑ණෝ॒ යාති॒ මධ්යේ॑ සත්යානෘ॒තේ අ॑ව॒පශ්යං॒ ජනා॑නාම් ।
ම॒ධු॒ශ්චුත॒-ශ්ශුච॑යෝ॒ යාඃ පා॑ව॒කාස්තා න॒ ආප॒ශ්ශග්ග්​ ස්යෝ॒නා භ॑වන්තු ॥ 77අ ॥

යාසාං᳚ දේ॒වා දි॒වි කෘ॒ණ්වන්ති॑ භ॒ක්ෂය්යා අ॒න්තරි॑ක්ෂේ බහු॒ධා භව॑න්ති ।
යාඃ පෘ॑ථි॒වී-ම්පය॑සෝ॒න්දන්ති॑ ශු॒ක්රාස්තා න॒ ආප॒ශ්ශග්ග්​ ස්යෝ॒නා භ॑වන්තු ॥
ශි॒වේන॑ මා॒ චක්ෂු॑ෂා පශ්යතාප ශ්ශි॒වයා॑ ත॒නුවෝප॑ ස්පෘශත॒ ත්වච॑-ම්මේ ।
සර්වාග්​ම්॑ අ॒ග්නීග්​ම් ර॑ඵ්සු॒ෂදෝ॑ හුවේ වෝ॒ මයි॒ වර්චෝ॒ බල॒මෝජෝ॒ නිධ॑ත්ත ॥ 77බ් ॥

ආපෝ॑ භ॒ද්රා ඝෘ॒තමිදාප॑ ආසුර॒ග්නී-ෂෝමෞ॑ බිභ්ර॒ත්යාප॒ ඉත්තාඃ । තී॒ව්රෝ රසෝ॑ මධු॒පෘචා॑-මරඞ්ග॒ම ආ මා᳚ ප්රා॒ණේන॑ ස॒හ වර්ච॑සා ගන්න් ।
ආදිත්ප॑ශ්යා ම්යු॒තවා॑ ශෘණෝ॒ම්යාමා॒ ඝෝෂෝ॑ ගච්ඡති॒ වාන්න॑ ආසාම් । මන්යේ॑ භේජා॒නෝ අ॒මෘත॑ස්ය॒ තර්​හි॒ හිර॑ණ්යවර්ණා॒ අතෘ॑පං-යඁ॒දා වඃ॑ ॥ 77ච් ॥

1.34 නාසදාසීය සූක්තං
(තෛ. බ්රා. 2.8.9.3-2.8.9.7)
නාස॑දාසී॒න්නෝ සදා॑සීත්ත॒දානී᳚ම් । නාසී॒ද්රජෝ॒ නෝ ව්යෝ॑මා-ප॒රෝයත් । කිමා ව॑රීවඃ॒ කුහ॒කස්ය॒ ශර්මන්න්॑ । අභංඃ॒ කිමා॑සී॒-ද්ගහ॑න-ඞ්ගභී॒රම් ॥ 78 ॥
න මෘ॒ත්යු-ර॒මෘත॒-න්තර්​හි॒ න । රාත්රි॑යා॒ අහ්න॑ ආසී-ත්ප්රකේ॒තඃ । ආනී॑ද වා॒තග්ග්​ ස්ව॒ධයා॒ තදේක᳚ම් । තස්මා᳚ද්ධා॒න්ය-න්න ප॒රඃ කිඤ්ච॒නාස॑ ।
තම॑ ආසී॒-ත්තම॑සා ගූ॒ඪමග්රේ᳚ ප්රකේ॒තම් । ස॒ලි॒ලග්​ම් සර්ව॑ මා ඉ॒දම් । තු॒ච්ඡේ නා॒භ්වපි॑හිතං॒ ඁයදාසී᳚ත් । තම॑ස॒ස් තන්ම॑හි॒නා ජා॑ය॒තෛක᳚ම් ।
කාම॒ස්තදග්රේ॒ සම॑වර්ත॒තාධි॑ । මන॑සෝ॒ රේතඃ॑ ප්රථ॒මං-යඁදාසී᳚ත් ॥ 79 ॥

ස॒ තෝ බන්ධු॒මස॑ති॒ නිර॑වින්දන්න් । හෘ॒දි-ප්ර॒තීෂ්යා॑ ක॒වයෝ॑ මනී॒ෂා ।
ති॒ර॒ශ්චීනෝ॒ විත॑තෝ ර॒ශ්මි-රේ॑ෂාම් । අ॒ධස්වි॑දා॒සී(3) දු॒පරි॑ස්විදාසී(3)ත් ।
රේ॒තෝ॒ධා ආ॑ස-න්මහි॒මාන॑ ආසන්න් । ස්ව॒ධා අ॒වස්තා॒-ත්ප්රය॑තිඃ ප॒රස්තා᳚ත් ।
කෝ අ॒ද්ධා වේ॑ද॒ක ඉ॒හ ප්රවෝ॑චත් । කුත॒ ආජා॑තා॒ කුත॑ ඉ॒යං-විඁසෘ॑ෂ්ටිඃ ।
අ॒ර්වාග් දේ॒වා අ॒ස්ය වි॒සර්ජ॑නාය । අථා॒ කෝ වේ॑ද॒ යත॑ ආ බ॒භූව॑ ॥ 80 ॥

ඉ॒යං-විඁසෘ॑ෂ්ටි॒-ර්යත॑ ආබ॒භූව॑ । යදි॑ වා ද॒ධේ යදි॑ වා॒ න ।
යෝ අ॒ස්යාද්ධ්ය॑ක්ෂඃ පර॒මේ ව්යෝ॑මන්න් । සෝ අ॒ඞ්ගවේ॑ද॒ යදි॑ වා॒ න වේද॑ ।
කිග්ග්​ස්වි॒ද්වනං॒ ක උ॒ස වෘ॒ක්ෂ ආ॑සීත් । යතෝ॒ ද්යාවා॑පෘථි॒වී නි॑ෂ්ටත॒ක්ෂුඃ ।
මනී॑ෂිණෝ॒ මන॑සා පෘ॒ච්ඡතේදු॒තත් । යද॒ද්ධ්යති॑ෂ්ඨ॒-ද්භුව॑නානි ධා॒රයන්න්॑ । බ්රහ්ම॒වනං॒ බ්රහ්ම॒ ස වෘ॒ක්ෂ ආ॑සීත් । යතෝ॒ ද්යාවා॑පෘථි॒වී නි॑ෂ්ටත॒ක්ෂුඃ ॥ මනී॑ෂිණෝ॒ මන॑සා॒ විබ්ර॑වීමි වඃ । බ්රහ්මා॒ද්ධ්යති॑ෂ්ඨ॒-ද්භුව॑නානි ධා॒රයන්න්॑ ॥ 81 ॥

1.35 භාග්ය සූක්තං
(තෛ. බ්රා. 2.8.9.7-2.8.9.9)
ප්රා॒තර॒ග්නි-ම්ප්රා॒තරින්ද්රග්​ම්॑ හවාමහේ । ප්රා॒ත-ර්මි॒ත්රා වරු॑ණා ප්රා॒තර॒ශ්විනා᳚ ।
ප්රා॒ත-ර්භගං॑ පූ॒ෂණං॒ බ්රහ්ම॑ණ॒ස්පති᳚ම් । ප්රා॒තස්සෝම॑ මු॒ත රු॒ද්රග්​ම් හු॑වේම ॥ ප්ර॒ත॒ර්ජිතං॒ භග॑මු॒ග්රග්​ම් හු॑වේම । ව॒ය-ම්පු॒ත්රමදි॑තේ॒ර්යෝ වි॑ධ॒ර්තා । ආ॒ධ්රශ්චි॒ද්ය-ම්මන්ය॑මාන-ස්තු॒රශ්චි॑ත් । රාජා॑ චි॒ද්ය-ම්භගං॑ භ॒ක්ෂීත්යාහ॑ ॥ 82 ॥

භග॒ප්රණේ॑ත॒-ර්භග॒සත්ය॑රාධඃ । භගේ॒මා-න්ධිය॒මුද॑ව॒ දද॑න්නඃ । භග॒ප්රණෝ॑ ජනය॒ ගෝභි॒රශ්වෛඃ᳚ । භග॒ ප්රනෘභි॑-ර්නෘ॒වන්ත॑ස්ස්යාම ॥ උ॒තේදානීං॒ භග॑වන්තස්ස්යාම । උ॒ත ප්රපි॒ත්ව උ॒ත මද්ධ්යේ॒ අහ්නා᳚ම් । උ॒තෝදි॑තා මඝව॒න්-ථ්සූර්ය॑ස්ය । ව॒ය-න්දේ॒වානාග්​ම්॑ සුම॒තෞ ස්යා॑ම ॥ භග॑ ඒ॒ව භග॑වාග්​ම් අස්තු දේවාඃ । තේන॑ ව॒ය-ම්භග॑වන්ත ස්ස්යාම ॥ 83 ॥

තන්ත්වා॑ භග॒ සර්ව॒ ඉජ්ජෝ॑හවීමි । සනෝ॑ භග පුර ඒ॒තා භ॑වේ॒හ ॥ සම॑ධ්ව॒රා-යෝ॒ෂසෝ॑-ऽනමන්ත । ද॒ධි॒ක්රාවේ॑ව॒ ශුච॑යේ ප॒දාය॑ । අ॒ර්වා॒චී॒නං-වඁ ॑සු॒විදං॒ භග॑න්නඃ । රථ॑මි॒වාශ්වා॑ වා॒ජින॒ ආව॑හන්තු ॥ අශ්වා॑වතී॒-ර්ගෝම॑තී-ර්න උ॒ෂාසඃ॑ । වී॒රව॑තී॒-ස්සද॑මුච්ඡන්තු භ॒ද්රාඃ । ඝෘ॒ත-න්දුහා॑නා වි॒ශ්වතඃ॒ ප්රපී॑නාඃ । යූ॒ය-ම්පා॑ත ස්ව॒ස්තිභි॒-ස්සදා॑නඃ ॥ 84 (25) ॥

1.36 නක්ෂත්ර සූක්තං
(තෛ. බ්රා. 3.1.1.1-3.1.3.3)
1ංඅක්ෂත්රං - කෘත්තිකා දේවතා - අග්නිඃ
අ॒ග්නිර්නඃ॑ පාතු॒ කෘත්ති॑කාඃ । නක්ෂ॑ත්ර-න්දේ॒වමි॑න්ද්රි॒යම් । ඉ॒දමා॑සාං​විඁචක්ෂ॒ණම් । හ॒විරා॒සන් ජු॑හෝතන । යස්ය॒ භාන්ති॑ ර॒ශ්මයෝ॒ යස්ය॑ කේ॒තවඃ॑ । යස්යේ॒මා විශ්වා॒ භුව॑නානි॒ සර්වා᳚ । ස කෘත්ති॑කා භිර॒භි-සං॒​වඁසා॑නඃ । අ॒ග්නිර්නෝ॑ දේ॒වස්සු॑වි॒තේ ද॑ධාතු ॥ 1 ॥

2. නක්ෂත්රං - රෝහිණී දේවතා - ප්රජාපතිඃ
ප්ර॒ජාප॑තේ රෝහි॒ණී වේ॑තු॒ පත්නී᳚ । වි॒ශ්වරූ॑පා බෘහ॒තී චි॒ත්රභා॑නුඃ ॥ 85 ॥
සා නෝ॑ ය॒ජ්ඤස්ය॑ සුවි॒තේ ද॑ධාතු । යථා॒ ජීවේ॑ම ශ॒රද॒ස්සවී॑රාඃ । රෝ॒හි॒ණී දේ॒ව්යුද॑ගා-ත්පු॒රස්තා᳚ත් । විශ්වා॑ රූ॒පාණි॑ ප්රති॒මෝද॑මානා । ප්ර॒ජාප॑තිග්​ම් හ॒විෂා॑ ව॒ර්ධය॑න්තී । ප්රි॒යා දේ॒වානා॒-මුප॑යාතු ය॒ජ්ඤම් ॥ 2 ॥

3ංඅක්ෂත්රං - මෘගශීර්​ෂඃ දේවතා - සෝමඃ
සෝමෝ॒ රාජා॑ මෘගශී॒ර॒.ෂේණ॒ ආගන්න්॑ । ශි॒ව-න්නක්ෂ॑ත්ර-ම්ප්රි॒යම॑ස්ය॒ ධාම॑ । ආ॒ප්යාය॑මානෝ බහු॒ධා ජනේ॑ෂු । රේතඃ॑ ප්ර॒ජාං-යඁජ॑මානේ දධාතු ॥ 86 ॥
යත්තේ॒ නක්ෂ॑ත්ර-ම්මෘගශී॒ර්॒ෂමස්ති॑ । ප්රි॒යග්​ම් රා॑ජ-න්ප්රි॒යත॑ම-ම්ප්රි॒යාණා᳚ම් । තස්මෛ॑ තේ සෝම හ॒විෂා॑ විධේම । ශන්න॑ ඒධි ද්වි॒පදේ॒ ශඤ්චතු॑ෂ්පදේ ॥ 3 ॥
4. නක්ෂත්රං - ආර්ද්රා දේවතා - රුද්රඃ
ආ॒ර්ද්රයා॑ රු॒ද්රඃ ප්රථ॑මා න ඒති । ශ්රේෂ්ඨෝ॑ දේ॒වානාං॒ පති॑රඝ්නි॒යානා᳚ම් । නක්ෂ॑ත්රමස්ය හ॒විෂා॑ විධේම । මා නඃ॑ ප්ර॒ජාග්​ම් රී॑රිෂ॒-න්මෝත වී॒රාන් । හේ॒තී රු॒ද්රස්ය॒ පරි॑ණෝ වෘණක්තු । ආ॒ර්ද්රා නක්ෂ॑ත්ර-ඤ්ජුෂතාග්​ම් හ॒විර්නඃ॑ ॥ 87 ॥
ප්ර॒මු॒ඤ්චමා॑නෞ දුරි॒තානි॒ විශ්වා᳚ । අපා॒ඝශග්​ම්॑ සන්නු-දතා॒මරා॑තිම් ॥ 4 ॥

5ංඅක්ෂත්රං - පුනර්වසු දේවතා - අදිතිඃ
පුන॑ර්නෝ දේ॒ව්යදි॑ති-ස්ස්පෘණෝතු । පුන॑ර්වසූ නඃ॒ පුන॒රේතාං᳚-යඁ॒ජ්ඤම් । පුන॑ර්නෝ දේ॒වා අ॒භිය॑න්තු॒ සර්වේ᳚ । පුනඃ॑ පුනර්වෝ හ॒විෂා॑ යජාමඃ । ඒ॒වා න දේ॒ව්යදි॑තිරන॒ර්වා । විශ්ව॑ස්ය භ॒ර්ත්රී ජග॑තඃ ප්රති॒ෂ්ඨා । පුන॑ර්වසූ හ॒විෂා॑ ව॒ර්ධය॑න්තී । ප්රි॒ය-න්දේ॒වානා॒-මප්යේ॑තු॒ පාථඃ॑ ॥ 5 (88) ॥

6ංඅක්ෂත්රං - පුෂ්යඃ දේවතා - බෘහස්පතිඃ
බෘහ॒ස්පතිඃ॑ ප්රථ॒මඤ්ජාය॑මානඃ । ති॒ෂ්ය॑-න්නක්ෂ॑ත්රම॒භි සම්බ॑භූව । ශ්රේෂ්ඨෝ॑ දේ॒වානාං॒ පෘත॑නාසු ජි॒ෂ්ණුඃ । දි॒ශෝ නු॒ සර්වා॒ අභ॑යන්නෝ අස්තු । ති॒ෂ්යඃ॑ පු॒රස්තා॑දු॒ත ම॑ධ්ය॒තෝ නඃ॑ । බෘහ॒ස්පති॑-ර්නඃ॒ පරි॑පාතු ප॒ශ්චාත් । බාධේ॑ තා॒-න්ද්වේෂෝ॒ අභ॑ය-ඞ්කෘණුතාම් । සු॒වීර්ය॑ස්ය॒ පත॑යස්යාම ॥ 6 ॥

7. නක්ෂත්රං -ආශ්රේෂං දේවතා - සර්පාඃ
ඉ॒දග්​ම් ස॒ර්පේභ්යෝ॑ හ॒විර॑ස්තු॒ ජුෂ්ට᳚ම් । ආ॒ශ්රේ॒ෂා යේෂා॑ මනු॒යන්ති॒ චේතඃ॑ ॥ 89 ॥
යේ අ॒න්තරි॑ක්ෂ-ම්පෘථි॒වීං-ක්ෂි॒යන්ති॑ । තේන॑ ස්ස॒ර්පාසෝ॒ හව॒මාග॑මිෂ්ඨාඃ । යේ රෝ॑ච॒නේ සූර්ය॒ස්යාපි॑ ස॒ර්පාඃ । යේ දිවං॑ දේ॒වී-මනු॑ස॒ඤ්චර॑න්ති । යේෂා॑මාශ්රේ॒ෂා අ॑නු॒යන්ති॒ කාම᳚ම් । තේභ්ය॑-ස්ස॒ර්පේභ්යෝ॒ මධු॑-මජ්ජුහෝමි ॥ 7 ॥

8ංඅක්ෂත්රං - මඝා දේවතා - පිතරඃ
උප॑හූතාඃ පි॒තරෝ॒ යේ ම॒ඝාසු॑ । මනෝ॑ජවස-ස්සු॒කෘත॑-ස්සුකෘ॒ත්යාඃ । තේ නෝ॒ නක්ෂ॑ත්රේ॒ හව॒මාග॑මිෂ්ඨාඃ । ස්ව॒ධාභි॑-ර්ය॒ජ්ඤ-ම්ප්රය॑ත-ඤ්ජුෂන්තාම් ॥ 90 ॥
යේ අ॑ග්නිද॒ග්ධා යේ-ऽන॑ග්නි-දග්ධාඃ । යේ॑-ऽමුඁලෝ॒ක-ම්පි॒තරඃ॑ ක්ෂි॒යන්ති॑ । යාග්​ශ්ච॑ වි॒ද්මයාග්​ම් උ॑ ච॒ න ප්ර॑වි॒ද්ම । ම॒ඝාසු॑ ය॒ජ්ඤග්​ම් සුකෘ॑ත-ඤ්ජුෂන්තාම් ॥ 8 ॥

9ංඅක්ෂත්රං - පූර්වඵල්ගු॑නී දේවතා - අර්යමා
ගවාං॒ පතිඃ॒ ඵල්ගු॑නී-නාමසි॒ ත්වම් । තද॑ර්​යමන් වරුණ මිත්ර॒ චාරු॑ । තන්ත්වා॑ ව॒යග්​ම් ස॑නි॒තාරග්​ම්॑ සනී॒නාම් । ජී॒වා ජීව॑න්ත॒මුප॒ සං​විඁ ॑ශේම । යේනේ॒මා විශ්වා॒ භුව॑නානි॒ සඤ්ජි॑තා । යස්ය॑ දේ॒වා අ॑නුසං॒​යඁන්ති॒ චේතඃ॑ ॥ 91 ॥
අ॒ර්ය॒මා රාජා॒-ऽජර॒ස්තු වි॑ෂ්මාන් । ඵල්ගු॑නීනා-මෘෂ॒භෝ රෝ॑රවීති ॥ 9 ॥

10ංඅක්ෂත්රං - උත්තර ඵ॑ල්ගුනී දේවතා - භගඃ
ශ්රේෂ්ඨෝ॑ දේ॒වානාං᳚ භගවෝ භගාසි । තත්ත්වා॑ විදුඃ॒ ඵල්ගු॑නී॒-ස්තස්ය॑ විත්තාත් । අ॒ස්මභ්යං॑-ක්ෂ॒ත්රම॒ජරග්​ම්॑ සු॒වීර්ය᳚ම් । ගෝම॒දශ්ව॑-ව॒දුප॒සන්නු॑-දේ॒හ । භගෝ॑හ දා॒තා භග॒ ඉත්ප්ර॑දා॒තා । භගෝ॑ දේ॒වීඃ ඵල්ගු॑නී॒-රාවි॑වේශ । භග॒ස්යේත්ත-ම්ප්ර॑ස॒ව-ඞ්ග॑මේම । යත්ර॑ දේ॒වෛ-ස්ස॑ධ॒මාදං॑ මදේම । ॥ 10/ 92 ॥

11ංඅක්ෂත්රං - හස්තඃ දේවතා - සවිත
ආයා॑තු දේ॒ව-ස්ස॑වි॒තෝ ප॑යාතු । හි॒ර॒ණ්යයේ॑න සු॒වෘතා॒ රථේ॑න । වහ॒න්॒. හස්තග්​ම්॑ සු॒භගං॑ ඁවිද්ම॒නාප॑සම් । ප්ර॒යච්ඡ॑න්තං॒ පපු॑රිං॒ පුණ්ය॒මච්ඡ॑ । හස්තඃ॒ ප්රය॑ච්ඡ ත්ව॒මෘතං॒ ඁවසී॑යඃ । දක්ෂි॑ණේන॒ ප්රති॑ගෘභ්ණීම ඒනත් ।
දා॒තාර॑-ම॒ද්ය ස॑වි॒තා වි॑දේය । යෝ නෝ॒ හස්තා॑ය ප්රසු॒වාති॑ ය॒ජ්ඤම් ॥ 11 ॥

12. නක්ෂත්රං - චිත්රා දේවතා - ත්වෂ්ටා
ත්වෂ්ටා॒ නක්ෂ॑ත්ර-ම॒භ්යේ॑ති චි॒ත්රාම් । සු॒භග්​ම් ස॑සං​යුඁව॒තිග්​ම් රෝච॑මානාම් ॥ 93 ॥
නි॒වේ॒ශය॑න්න॒-මෘතා॒-න්මර්ත්යාග්॑ශ්ච । රූ॒පාණි॑ පි॒ග්​ම්॒ශ-න්භුව॑නානි॒ විශ්වා᳚ । තන්න॒ස්ත්වෂ්ටා॒ තදු॑ චි॒ත්රා විච॑ෂ්ටාම් । තන්නක්ෂ॑ත්ර-ම්භූරි॒දා අ॑ස්තු॒ මහ්ය᳚ම් । තන්නඃ॑ ප්ර॒ජාං-වීඁ॒රව॑තීග්​ම් සනෝතු । ගෝභි॑ර්නෝ॒ අශ්වෛ॒-ස්සම॑නක්තු ය॒ජ්ඤම් ॥ 12 ॥

13ංඅක්ෂත්රං - ස්වාතී දේවතා - වායුඃ
වා॒යු-ර්නක්ෂ॑ත්ර-ම॒භ්යේ॑ති॒ නිෂ්ට්යා᳚ම් । ති॒ග්මශෘං॑ගෝ වෘෂ॒භෝ රෝරු॑වාණඃ । ස॒මී॒රය॒-න්භුව॑නා මාත॒රිශ්වා᳚ । අප॒ ද්වේෂාග්​ම්॑සි නුදතා॒මරා॑තීඃ ॥ 94 ॥
තන්නෝ॑ වා॒යස්තදු॒ නිෂ්ට්යා॑ ශෘණෝතු । තන්නක්ෂ॑ත්ර-ම්භූරි॒දා අ॑ස්තු॒ මහ්ය᳚ම් । තන්නෝ॑ දේ॒වාසෝ॒ අනු॑ ජානන්තු॒ කාම᳚ම් । යථා॒ තරේ॑ම දුරි॒තානි॒ විශ්වා᳚ ॥ 13 ॥

14ංඅක්ෂත්රං - විශාඛා දේවතා - ඉන්ද්රාග්නීඃ
දූ॒ර-ම॒ස්මච්ඡත්ර॑වෝ යන්තු භී॒තාඃ । තදි॑න්ද්රා॒ග්නී කෘ॑ණුතාං॒ ත-ද්විශා॑ඛේ । තන්නෝ॑ දේ॒වා අනු॑මදන්තු ය॒ජ්ඤම් । ප॒ශ්චා-ත්පු॒රස්තා॒-දභ॑යන්නෝ අස්තු । නක්ෂ॑ත්රාණා॒-මධි॑පත්නී॒ විශා॑ඛේ । ශ්රේෂ්ඨා॑-වින්ද්රා॒ග්නී භුව॑නස්ය ගෝ॒පෞ ॥ 95 ॥
විෂූ॑ච॒-ශ්ශත්රූ॑නප॒බාධ॑මානෞ । අප॒ක්ෂුධ॑-න්නුදතා॒මරා॑තිම් । ॥ 14 ॥

15. පෞර්ණමාසි
පූ॒ර්ණා ප॒ශ්චාදු॒ත පූ॒ර්ණා පු॒රස්තා᳚ත් । උන්ම॑ධ්ය॒තඃ පෞ᳚ර්ණමා॒සී ජි॑ගාය । තස්යාං᳚ දේ॒වා අධි॑ සං॒​වඁස॑න්තඃ । උ॒ත්ත॒මේ නාක॑ ඉ॒හ මා॑දයන්තාම් । පෘ॒ථ්වී සු॒වර්චා॑ යුව॒ති-ස්ස॒ජෝෂාඃ᳚ । පෞ॒ර්ණ॒මා॒ස්යුද॑ගා॒-ච්ඡෝභ॑මානා । ආ॒ප්යා॒ය-ය॑න්තී දුරි॒තානි॒ විශ්වා᳚ । උ॒රු-න්දුහාං॒ යඁජ॑මානාය ය॒ජ්ඤම් ॥ 15/96 (26) ॥

16ංඅක්ෂත්රං - අනූරාධා දේවතා - මිත්රඃ
ඍ॒ද්ධ්යාස්ම॑ හ॒ව්යෛ-ර්නම॑සෝප॒සද්ය॑ । මි॒ත්ර-න්දේ॒ව-ම්මි॑ත්ර॒ධේය॑න්නෝ අස්තු । අ॒නූ॒රා॒ධාන්. හ॒විෂා॑ ව॒ර්ධය॑න්තඃ । ශ॒ත-ඤ්ජී॑වේම ශ॒රද॒ස්සවී॑රාඃ । චි॒ත්රං-නක්ෂ॑ත්ර॒-මුද॑ගා-ත්පු॒රස්තා᳚ත් । අ॒නූ॒රා॒ධාස॒ ඉති॒ ය-ද්වද॑න්ති । තන්මි॒ත්ර ඒ॑ති ප॒ථිභි॑-ර්දේව॒යානෛඃ᳚ । හි॒ර॒ණ්යයෛ॒-ර්විත॑තෛ-ර॒න්තරි॑ක්ෂේ ॥ 16 ॥

17ංඅක්ෂත්රං - ජ්යේෂ්ඨා දේවතා - ඉන්ද්රඃ
ඉන්ද්රෝ᳚ ජ්යේ॒ෂ්ඨා මනු॒ නක්ෂ॑ත්රමේති । යස්මි॑න් වෘ॒ත්රං-වෘඁ ॑ත්ර॒ තූර්යේ॑ ත॒තාර॑ ॥ 97 ॥
තස්මි॑න් ව॒ය-ම॒මෘතං॒ දුහා॑නාඃ । ක්ෂුධ॑න්තරේම॒ දුරි॑තිං॒ දුරි॑ෂ්ටිම් । පු॒ර॒න්ද॒රාය॑ වෘෂ॒භාය॑ ධෘ॒ෂ්ණවේ᳚ । අෂා॑ඪාය॒ සහ॑මානාය මී॒ඪුෂේ᳚ । ඉන්ද්රා॑ය ජ්යේ॒ෂ්ඨා මධු॑ම॒ද්දුහා॑නා । උ॒රු-ඞ්කෘ॑ණෝතු॒ යජ॑මානාය ලෝ॒කම් ॥ 17 ॥

18ංඅක්ෂත්රං - මූලං දේවතා - ප්රජාපතිඃ
මූලං॑ ප්ර॒ජාං-වීඁ॒රව॑තීං-විඁදේය । පරා᳚ච්යේතු॒ නිර්-ඍ॑තිඃ පරා॒චා । ගෝභි॒-ර්නක්ෂ॑ත්ර-ම්ප॒ශුභි॒-ස්සම॑ක්තම් । අහ॑-ර්භූයා॒-ද්යජ॑මානාය॒ මහ්ය᳚ම් ॥ 98 ॥
අහ॑ර්නෝ අ॒ද්ය සු॑වි॒තේ ද॑ධාතු । මූලං॒ නක්ෂ॑ත්ර॒මිති॒ ය-ද්වද॑න්ති । පරා॑චීං-වාඁ॒චා නිර්-ඍ॑ති-න්නුදාමි । ශි॒ව-ම්ප්ර॒ජායෛ॑ ශි॒වම॑ස්තු॒ මහ්ය᳚ම් ॥ 18 ॥

19ංඅක්ෂත්රං - පූර්වාෂාඪා දේවතා - ආපඃ
යා දි॒ව්යා ආපඃ॒ පය॑සා සම්බභූ॒වුඃ । යා අ॒න්තරි॑ක්ෂ උ॒ත පාර්ථි॑වී॒ර්යාඃ ।
යාසා॑මෂා॒ඪා අ॑නු॒යන්ති॒ කාම᳚ම් । තා න॒ ආප॒-ශ්ශග්ග්​ ස්යෝ॒නා භ॑වන්තු । යාශ්ච॒ කූප්යා॒ යාශ්ච॑ නා॒ද්යා᳚-ස්සමු॒ද්රියාඃ᳚ । යාශ්ච॑ වෛශ॒න්තීරු॒ත ප්රා॑ස॒චීර්යාඃ ॥ 99 ॥
යාසා॑මෂා॒ඪා මධු॑ භ॒ක්ෂය॑න්ති । තා න॒ ආප॒-ශ්ශග්ග්​ ස්යෝ॒නා භ॑වන්තු ॥ 19 ॥

20ංඅක්ෂත්රං - උත්තරාෂාඪා දේවතා - විශ්වේදේවඃ
තන්නෝ॒ විශ්වේ॒ උප॑ ශෘණ්වන්තු දේ॒වාඃ । තද॑ෂා॒ඪා අ॒භි සං​යඁ ॑න්තු ය॒ජ්ඤම් । තන්නක්ෂ॑ත්ර-ම්ප්රථතා-ම්ප॒ශුභ්යඃ॑ । කෘ॒ෂි-ර්වෘ॒ෂ්ටි-ර්යජ॑මානාය කල්පතාම් । ශු॒භ්රාඃ ක॒න්යා॑ යුව॒තය॑-ස්සු॒පේශ॑සඃ । ක॒ර්ම॒කෘත॑-ස්සු॒කෘතෝ॑ වී॒ර්යා॑වතීඃ । විශ්වා᳚-න්දේ॒වාන්. හ॒විෂා॑ ව॒ර්ධය॑න්තීඃ । අ॒ෂා॒ඪාඃ කාම॒ මුප॑යාන්තු ය॒ජ්ඤම් ॥ 20/100 ॥

21ංඅක්ෂත්රං - අභිජිද දේවතා - බ්රහ්මා
යස්මි॒-න්බ්රහ්මා॒-ऽභ්යජ॑ය॒-ථ්සර්ව॑මේ॒තත් । අ॒මුඤ්ච॑ ලෝ॒ක මි॒දමූ॑ච॒ සර්වං᳚। තන්නෝ॒ නක්ෂ॑ත්ර-මභි॒ජි-ද්වි॒ජිත්ය॑ । ශ්රිය॑-න්දධා॒ත්වහෘ॑ණීයමානම් । උ॒භෞ ලෝ॒කෞ බ්රහ්ම॑ණා॒ සඤ්ජි॑තේ॒මෞ । තන්නෝ॒ නක්ෂ॑ත්ර-මභි॒ජි-ද්
විච॑ෂ්ටාම් । තස්මි॑න් ව॒ය-ම්පෘත॑නා॒ ස්සඤ්ජ॑යේම । තන්නෝ॑ දේ॒වාසෝ॒ අනු॑ජානන්තු॒ කාම᳚ම් ॥ 21 ॥

22ංඅක්ෂත්රං - ශ්රවණං දේවතා - විෂ්ණුඃ
ශෘ॒ණ්වන්ති॑ ශ්රෝ॒ණා-ම॒මෘත॑ස්ය ගෝ॒පාම් । පුණ්යා॑මස්යා॒ උප॑ශෘණෝමි॒ වාච᳚ම් ॥ 101 ॥
ම॒හී-න්දේ॒වීං-විඁෂ්ණු॑පත්නී මජූ॒ර්යාම් । ප්ර॒තීචී॑ මේනාග්​ම් හ॒විෂා॑ යජාමඃ । ත්රේ॒ධා විෂ්ණු॑-රුරුගා॒යෝ විච॑ක්රමේ । ම॒හී-න්දිවං॑ පෘථි॒වී-ම॒න්තරි॑ක්ෂම් ।
තච්ඡ්රෝ॒ණෛති॒ ශ්රව॑-ඉ॒ච්ඡමා॑නා । පුණ්ය॒ග්ග්॒ ශ්ලෝකං॒ ඁයජ॑මානාය කෘණ්ව॒තී ॥ 22 ॥

23ංඅක්ෂත්රං - ශ්රවිෂ්ටා දේවතා - වසවඃ
අ॒ෂ්ටෞ දේ॒වා වස॑වස්සෝ॒ම්යාසඃ॑ । චත॑ස්රෝ දේ॒වී ර॒ජරා॒-ශ්ශ්රවි॑ෂ්ඨාඃ । තේ ය॒ජ්ඤ-ම්පා᳚න්තු॒ රජ॑සඃ ප॒රස්තා᳚ත් । සං॒​වඁ॒ථ්ස॒රීණ॑-ම॒මෘතග්ග්॑ ස්ව॒ස්ති ॥ 102 ॥
ය॒ජ්ඤ-න්නඃ॑ පාන්තු॒ වස॑වඃ පු॒රස්තා᳚ත් । ද॒ක්ෂි॒ණ॒තෝ॑-ऽභිය॑න්තු॒ ශ්රවි॑ෂ්ඨාඃ । පුණ්ය॒න්නක්ෂ॑ත්රම॒භි සං​විඁ ॑ශාම । මා නෝ॒ අරා॑ති-ර॒ඝශ॒ග්​ම්॒ සාගන්න්॑ ॥ 23 ॥

24ංඅක්ෂත්රං - ශතභිෂක් දේවතා - වරුණඃ
ක්ෂ॒ත්රස්ය॒ රාජා॒ වරු॑ණෝ-ऽධිරා॒ජඃ । නක්ෂ॑ත්රාණාග්​ම් ශ॒තභි॑ෂ॒ග් වසි॑ෂ්ඨඃ । තෞ දේ॒වේභ්යඃ॑ කෘණුතෝ දී॒ර්ඝමායුඃ॑ । ශ॒තග්​ම් ස॒හස්රා॑ භේෂ॒ජානි॑ ධත්තඃ । ය॒ජ්ඤන්නෝ॒ රාජා॒ වරු॑ණ॒ උප॑යාතු । තන්නෝ॒ විශ්වේ॑ අ॒භිසං​යඁ ॑න්තු දේ॒වාඃ ॥ 103 ॥
තන්නෝ॒ නක්ෂ॑ත්රග්​ම් ශ॒තභි॑ෂග් ජුෂා॒ණම් । දී॒ර්ඝමායුඃ॒ ප්රති॑ර-ද්භේෂ॒ජානි॑ ॥ 24 ॥

25ංඅක්ෂත්රං - පූර්වප්රෝෂ්ඨපදා දේවතා - අජයේකපාදඃ
අ॒ජ ඒක॑පා॒-දුද॑ගා-ත්පු॒රස්තා᳚ත් । විශ්වා॑ භූ॒තානි॑ ප්රති॒ මෝද॑මානඃ । තස්ය॑ දේ॒වාඃ ප්ර॑ස॒වං-යඁ ॑න්ති॒ සර්වේ᳚ । ප්රෝ॒ෂ්ඨ॒ප॒දාසෝ॑ අ॒මෘත॑ස්ය ගෝ॒පාඃ । වි॒භ්රාජ॑මාන-ස්සමිධා॒න උ॒ග්රඃ । ආ-ऽන්තරි॑ක්ෂ-මරුහ॒ද-ග॒න්ද්යාම් । තග්​ම් සූර්ය॑-න්දේ॒ව-ම॒ජමේක॑පාදම් । ප්රෝ॒ෂ්ඨ॒ප॒දාසෝ॒ අනු॑යන්ති॒ සර්වේ᳚ ॥ 25 / 104 ॥

26ංඅක්ෂත්රං - උත්තරප්රෝෂ්ඨපදා දේවතා - අහිර්බුද්ධ්නියඃ
අහි॑ ර්බු॒ද්ධ්නියඃ॒ ප්රථ॑මාන ඒති । ශ්රේෂ්ඨෝ॑ දේ॒වානා॑මු॒ත මානු॑ෂාණාම් । ත-ම්බ්රා᳚හ්ම॒ණා-ස්සෝ॑ම॒පා-ස්සෝ॒ම්යාසඃ॑ । ප්රෝ॒ෂ්ඨ॒ප॒දාසෝ॑ අ॒භිර॑ක්ෂන්ති॒ සර්වේ᳚ । ච॒ත්වාර॒ ඒක॑ම॒භි කර්ම॑ දේ॒වාඃ । ප්රෝ॒ෂ්ඨ॒ප॒දාස॒ ඉති॒ යාන්. වද॑න්ති । තේ බු॒ද්ධනියං॑ පරි॒ෂද්යග්ග්॑ ස්තු॒වන්තඃ॑ । අහිග්​ම්॑ රක්ෂන්ති॒ නම॑සෝප॒සද්ය॑ ॥ 26 ॥

27ංඅක්ෂත්රං - රේවතී දේවතා - පූෂා
පූ॒ෂා රේ॒වත්යන්වේ॑ති॒ පන්ථා᳚ම් । පු॒ෂ්ටි॒පතී॑ පශු॒පා වාජ॑බස්ත්යෞ ॥ 105 ॥
ඉ॒මානි॑ හ॒ව්යා ප්රය॑තා ජුෂා॒ණා । සු॒ගෛර්නෝ॒ යානෛ॒රුප॑යාතාං-යඁ॒ජ්ඤම් । ක්ෂු॒ද්රා-න්ප॒ශූ-න්ර॑ක්ෂතු රේ॒වතී॑ නඃ । ගාවෝ॑ නෝ॒ අශ්වා॒ග්​ම්॒ අන්වේ॑තු පූ॒ෂා । අන්න॒ග්​ම්॒ රක්ෂ॑න්තෞ බහු॒ධා විරූ॑පම් । වාජග්​ම්॑ සනුතාං॒ ඁයජ॑මානාය ය॒ජ්ඤම් ॥ 27 ॥

28 නක්ෂත්රං - අශ්විනී දේවතා - අශ්විනී දේව
තද॒ශ්විනා॑-වශ්ව॒යුජෝප॑යාතාම් । ශුභ॒ඞ්ගමි॑ෂ්ඨෞ සු॒යමේ॑භි॒රශ්වෛඃ᳚ । ස්වන්නක්ෂ॑ත්රග්​ම් හ॒විෂා॒ යජ॑න්තෞ । මධ්වා॒ සම්පෘ॑ක්තෞ॒ යජු॑ෂා॒ සම॑ක්තෞ ॥ 106 ॥
යෞ දේ॒වානා᳚-ම්භි॒ෂජෞ॑ හව්යවා॒හෞ । විශ්ව॑ස්ය දූ॒තා-ව॒මෘත॑ස්ය ගෝ॒පෞ । තෞ නක්ෂ॑ත්රං-ජුජුෂා॒ණෝ-ප॑යාතාම් । නමෝ॒-ऽශ්විභ්යාං᳚ කෘණුමෝ-ऽශ්ව॒යුග්භ්යා᳚ම් ॥ 28 ॥

29ංඅක්ෂත්රං - අපභරණී දේවතා - යමඃ
අප॑ පා॒ප්මානං॒ භර॑ණී-ර්භරන්තු । ත-ද්ය॒මෝ රාජා॒ භග॑වා॒න්॒. විච॑ෂ්ටාම් । ලෝ॒කස්ය॒ රාජා॑ මහ॒තෝ ම॒හාන්. හි । සු॒ගන්නඃ॒ පන්ථා॒මභ॑ය-ඞ්කෘණෝතු । යස්මි॒-න්නක්ෂ॑ත්රේ ය॒ම ඒති॒ රාජා᳚ । යස්මි॑න්නේන-ම॒භ්යෂිං॑චන්ත දේ॒වාඃ । තද॑ස්ය චි॒ත්රග්​ම් හ॒විෂා॑ යජාම । අප॑ පා॒ප්මානං॒ භර॑ණී-ර්භරන්තු ॥ 29 ॥

30-ऽමාවාසි
නි॒වේශ॑නී॒ යත්තේ॑ දේ॒වා අද॑ධුඃ ।

නි॒වේශ॑නී ස॒ඞ්ගම॑නී॒ වසූ॑නාං॒ ඁවිශ්වා॑ රූ॒පාණි॒ වසූ᳚න්යා-වේ॒ශය॑න්තී । ස॒හ॒ස්ර॒පෝ॒ෂග්​ම් සු॒භගා॒ රරා॑ණා॒ සා න॒ ආග॒න් වර්ච॑සා සං​විඁදා॒නා ।
යත්තේ॑ දේ॒වා අද॑ධු-ර්භාග॒ධේය॒-මමා॑වාස්යේ
සං॒​වඁස॑න්තෝ මහි॒ත්වා । සා නෝ॑ ය॒ජ්ඤ-ම්පි॑පෘහි විශ්වවාරේ ර॒යින්නෝ॑ ධේහි සුභගේ සු॒වීරං᳚ ॥ 30/107 (27) ॥

31.චන්ද්රමා
නවෝ॑ නවෝ භවති॒ ජාය॑මානෝ॒ යමා॑දි॒ත්යා අ॒ග්​ම්॒ශුමා᳚-ප්යා॒යය॑න්ති ।

නවෝ॑ නවෝ භවති॒ ජාය॑මා॒නෝ-ऽහ්නා᳚-ඞ්කේ॒තු-රු॒ෂසා॑ මේ॒ත්යග්රේ᳚ ।
භා॒ග-න්දේ॒වේභ්යෝ॒ විද॑ධාත්යා॒ය-න්ප්රච॒න්ද්රමා᳚ස්තිරති දී॒ර්ඝමායුඃ॑ ।
යමා॑දි॒ත්යා අ॒ග්​ම්॒ශුමා᳚ප්යා॒යය॑න්ති॒ යමක්ෂි॑ත॒-මක්ෂි॑තයඃ॒ පිබ॑න්ති ।
තේන॑ නෝ॒ රාජා॒ වරු॑ණෝ॒ බෘහ॒ස්පති॒ රාප්යා॑යයන්තු॒ භුව॑නස්ය ගෝ॒පාඃ ।

32. අහෝ රාත්රී
යේ විරූ॑පේ॒ සම॑නසා සං॒​ව්යඁය॑න්තී । ස॒මා॒න-න්තන්තුං॑ පරිතා-ත॒නාතේ᳚ ।
වි॒භූ ප්ර॒භූ අ॑නු॒භූ වි॒ශ්වතෝ॑ හුවේ । තේ නෝ॒ නක්ෂ॑ත්රේ॒ හව॒මාග॑මේතම් ।
ව॒ය-න්දේ॒වී බ්රහ්ම॑ණා සං​විඁදා॒නාඃ । සු॒රත්නා॑සෝ දේ॒වවී॑තිං॒ දධා॑නාඃ ॥ 108 ॥
අ॒හෝ॒රා॒ත්රේ හ॒විෂා॑ ව॒ර්ධය॑න්තඃ । අති॑ පා॒ප්මාන॒-මති॑මුක්ත්යා ගමේම ॥
33. උෂා
ප්රත්යු॑ව දෘශ්යාය॒තී । ව්යු॒ච්ඡන්තී॑ දුහි॒තා දි॒වඃ । අ॒පෝ ම॒හී වෘ॑ණුතේ॒ චක්ෂු॑ෂා । තමෝ॒ ජ්යෝති॑ෂ්-කෘණෝති සූ॒නරී᳚ ।
උදු॒ ස්ත්රියා᳚ස්සචතේ॒ සූර්යඃ॑ । ස චා॑ උ॒ද්යන්නක්ෂ॑ත්ර මර්චි॒මත් ।
තවේ දු॑ෂෝ॒ ව්යුෂි॒ සූර්ය॑ස්ය ච । සම්භ॒ක්තේන॑ ගමේමහි ॥ 109 ॥

34. නක්ෂත්රඃ
තන්නෝ॒ නක්ෂ॑ත්ර මර්චි॒මත් । භා॒නු॒මත්තේජ॑ උ॒ච්ඡර॑ත් । උප॑ ය॒ජ්ඤමි॒හාග॑මත් । ප්රනක්ෂ॑ත්රාය දේ॒වාය॑ । ඉන්ද්රා॒යේන්දුග්​ම්॑ හවාමහේ । ස න॑ ස්සවි॒තා සු॑ව-ථ්ස॒නිම් । පු॒ෂ්ටි॒දාං-වීඁ॒රව॑ත්තමම් ॥

35. සූර්යඃ
උදු॒ත්ය-ඤ්චි॒ත්රම් ॥
උදු॒ත්ය-ඤ්ජා॒තවේ॑දස-න්දේ॒වං-වඁ ॑හන්ති කේ॒තවඃ॑ । දෘ॒ශේ විශ්වා॑ය॒ සූර්ය᳚ම් ।
චි॒ත්ර-න්දේ॒වානා॒ මුද॑ගා॒දනී॑කං॒ චක්ෂු॑-ර්මි॒ත්රස්ය॒ වරු॑ණස්යා॒ග්නේඃ ॥ 110 ॥
ආ-ऽප්රා॒ ද්යාවා॑පෘ॒ථිවී අ॒න්තරි॑ක්ෂ॒ සූර්ය॑ ආ॒ත්මා ජග॑තස්ත॒ස්ථුෂ॑ශ්ච ॥

36. අදිතිඃ
අදි॑තිර්න උරුෂ්යතු ම॒හීමූ॒ෂු මා॒තර᳚ම් ॥

අදි॑තිර්න උරුෂ්ය॒-ත්වදි॑ති॒-ශ්ශර්ම॑ යච්ඡතු । අදි॑තිඃ පා॒ත්වග්​ම් හ॑සඃ ॥
ම॒හීමූ॒ෂු මා॒තරග්​ම්॑ සුව්ර॒තානා॑-මෘ॒තස්ය॒ පත්නී॒ මව॑සේ හුවේම ।
තු॒වි॒ක්ෂ॒ත්රා-ම॒ජර॑න්තී මුරූ॒චීග්​ම් සු॒ශර්මා॑ණ॒-මදි॑තිග්​ම් සු॒ප්රණී॑තිම් ।

37. විෂ්ණුඃ
ඉ॒දං-විඁෂ්ණු॒ ප්රතද්විෂ්ණුඃ॑ ॥

ඉ॒දං-විඁෂ්ණු॒-ර්විච॑ක්රමේ ත්රේ॒ධා නිද॑ධේ ප॒දම් । සමූ॑ඪමස්ය පාග්​ම් සු॒රේ ॥

ප්රතද්විෂ්ණු॑ ස්තවතේ වී॒ර්යා॑ය । මෘ॒ගෝ න භී॒මඃ කු॑ච॒රෝ ගි॑රි॒ෂ්ඨාඃ । යස්යෝ॒රුෂු॑ ත්රි॒ෂු වි॒ක්රම॑ණේෂු । අධි॑ක්ෂි॒යන්ති॒ භුව॑නානි॒ විශ්වා᳚ ॥ 111 ॥

38. අග්නිඃ
අ॒ග්නි-ර්මූ॒ර්ධා භුවඃ॑ ॥

අ॒ග්නි-ර්මූ॒ර්ධා දි॒වඃ ක॒කුත්පතිඃ॑ පෘථි॒ව්යා අ॒යම් । අ॒පාග්​ම් රේතාග්​ම්॑සි ජින්වති ॥ භුවෝ॑ ය॒ජ්ඤස්ය॒ රජ॑සශ්ච නේ॒තා යත්රා॑ නි॒යුද්භි॒-ස්සච॑සේ
ශි॒වාභිඃ॑ । දි॒වි මූ॒ර්ධානං॑ දධිෂේ සුව॒ර්॒ෂා-ඤ්ජි॒හ්වාම॑ග්නේ චකෘෂේ හව්ය॒වාහ᳚ම් ।

39. අනුමත
අනු॑නෝ॒-ऽද්යානු॑මති॒-රන්විද॑නුමතේ॒ ත්වම් ॥
අනු॑නෝ॒-ऽද්යානු॑මති ර්ය॒ජ්ඤ-න්දේ॒වේෂු॑ මන්යතාම් । අ॒ග්නිශ්ච॑ හව්ය॒වාහ॑නෝ॒ භව॑තා-න්දා॒ශුෂේ॒ මයඃ॑ ।
අන්විද॑නුමතේ॒ ත්ව-ම්මන්යා॑සෛ॒ ශඤ්ච॑ නඃ කෘධි । ක්රත්වේ॒ දක්ෂා॑ය නෝ හිනු॒ ප්රණ॒ ආයූග්​ම්॑ෂි තාරිෂඃ ।

40. හව්යවාහඃ (අග්නිඃ)
හ॒ව්ය॒වාහ॒ග්ග්॒ ස්වි॑ෂ්ටම් ॥

හ॒ව්ය॒වාහ॑මභි-මාති॒ෂාහ᳚ම් । ර॒ක්ෂෝ॒හණං॒ පෘත॑නාසු ජි॒ෂ්ණුම් ।
ජ්යෝති॑ෂ්මන්තං॒ දීද්ය॑තං॒ පුර॑න්ධිම් । අ॒ග්නිග්ග්​ ස්වි॑ෂ්ට॒ කෘත॒මා හු॑වේම ।
ස්වි॑ෂ්ට මග්නේ අ॒භිත-ත්පෘ॑ණාහි । විශ්වා॑ දේව॒ පෘත॑නා අ॒භිෂ්ය ।
උ॒රුන්නඃ॒ පන්ථා᳚-ම්ප්රදි॒ශන් විභා॑හි । ජ්යෝති॑ෂ්මද්ධේහ්ය॒ ජර॑න්න॒ ආයුඃ॑ ॥ 112/28 ॥

1.37 නක්ෂත්ර උපහෝම මන්ත්රාඃ
(තෛ. බ්රා. 3.1.4.1-3.1.5.15)
1. කෘත්තිකා
අ॒ග්නයේ॒ ස්වාහා॒ කෘත්ති॑කාභ්ය॒ ස්ස්වාහා᳚ । අ॒බාං​යෛඁ॒ ස්වාහා॑ දු॒ලායෛ॒ ස්වාහා᳚ । නි॒ත॒ත්න්යෛ ස්වාහා॒ ऽභ්රය॑න්ත්යෛ॒ ස්වාහා᳚ । මේ॒ඝය॑න්ත්යෛ॒ ස්වාහා॑ ව॒ර්॒ෂය॑න්ත්යෛ॒ ස්වාහා᳚ । චු॒පු॒ණීකා॑යෛ॒ ස්වාහා᳚ ॥

2. රෝහිණී
ප්ර॒ජාප॑තයේ॒ ස්වාහා॑ රෝහි॒ණ්යෛ ස්වාහා᳚ । රෝච॑මානායෛ॒ ස්වාහා᳚ ප්ර॒ජාභ්ය॒ ස්වාහා᳚ ॥ 3ංඍගශී.ර්​ෂඃ ॥
සෝමා॑ය॒ ස්වාහා॑ මෘගශී॒ර්॒ෂාය॒ ස්වාහා᳚ । ඉ॒න්ව॒කාභ්ය॒ ස්ස්වාහෞෂ॑ධීභ්ය॒ ස්ස්වාහා᳚ । රා॒ජ්යාය॒ ස්වාහා॒-ऽභිජි॑ත්යෛ॒ ස්වාහා᳚ ॥ 113 ॥

4. ආර්ද්රා
රු॒ද්රාය॒ ස්වාහා॒-ऽऽර්ද්රායෛ॒ ස්වාහා᳚ । පින්ව॑මානායෛ॒ ස්වාහා॑ ප॒ශුභ්ය॒ ස්ස්වාහා᳚ ॥

5. පුනර්වසු
අදි॑ත්යෛ॒ ස්වාහා॒ පුන॑ර්වසුභ්යාම් । ස්වාහා භූ᳚ත්යෛ॒ ස්වාහා॒ ප්රජා᳚ත්යෛ॒ ස්වාහා᳚ ॥

6.පුෂ්යඃ​
බෘහ॒ස්පත॑යේ॒ ස්වාහා॑ ති॒ෂ්යා॑ය॒ ස්වාහා᳚ । බ්ර॒හ්ම॒ව॒ර්ච॒සාය॒ ස්වාහා᳚ ॥

7. ආශ්රේෂ
ස॒ර්පේභ්ය॒ ස්ස්වාහා᳚ ऽऽශ්රේ॒ෂාභ්ය॒ ස්ස්වාහා᳚ । ද॒න්ද॒ශූකේ᳚භ්ය॒ ස්ස්වාහා᳚ ॥

8. මඝා
පි॒තෘභ්ය॒ ස්ස්වාහා॑ ම॒ඝාභ්යඃ॑ । ස්වාහා॑ ऽන॒ඝාභ්ය॒ ස්ස්වාහා॑ ऽග॒දාභ්යඃ॑ । ස්වාහා॑රුන්ධ॒තීභ්ය॒ ස්ස්වාහා᳚ ॥ 114 ॥

9.පූර්ව ඵ॑ල්ගුනී
අ॒ර්ය॒ම්ණේ ස්වාහා॒ ඵල්ගු॑නීභ්යා॒ග්॒ ස්වාහා᳚ । ප॒ශුභ්ය॒ ස්ස්වාහා᳚ ॥

10. උත්තර ඵ॑ල්ගුනී
භගා॑ය॒ ස්වාහා॒ ඵල්ගු॑නීභ්යා॒ග්॒ ස්වාහා᳚ । ශ්රෛෂ්ඨ්යා॑ය॒ ස්වාහා᳚ ॥

11. හස්තඃ
ස॒වි॒ත්රේ ස්වාහා॒ හස්තා॑ය । ස්වාහා॑ දද॒තේ ස්වාහා॑ පෘණ॒තේ । ස්වාහා᳚ ප්ර॒යච්ඡ॑තේ॒ ස්වාහා᳚ ප්රතිගෘභ්ණ॒තේ ස්වාහා᳚ ॥

12. චිත්රා
ත්වෂ්ට්රේ॒ ස්වාහා॑ චි॒ත්රායෛ॒ ස්වාහා᳚ । චෛත්රා॑ය॒ ස්වාහා᳚ ප්ර॒ජායෛ॒ ස්වාහා᳚ ॥

13. ස්වාති
වා॒යවේ॒ ස්වාහා॒ නිෂ්ට්යා॑යෛ॒ ස්වාහා᳚ । කා॒ම॒චාරා॑ය॒ ස්වාහා॒ ऽභිජි॑ත්යෛ॒ ස්වාහා᳚ ॥

14. විශාඛා
ඉ॒න්ද්රා॒ග්නිභ්යා॒ග්॒ ස්වාහා॒ විශා॑ඛාභ්යා॒ග්॒ ස්වාහා᳚ । ශ්රෛෂ්ඨ්යා॑ය॒ ස්වාහා॒ ऽභිජි॑ත්යෛ॒ ස්වාහා᳚ ॥

15. පෞර්ණමාසි
පෞ॒ර්ණ॒මා॒ස්යෛ ස්වාහා॒ කාමා॑ය॒ ස්වාහා ග॑ත්යෛ॒ ස්වාහා᳚ ॥ 115 (29) ॥

16. අනූරාධා
මි॒ත්රාය॒ ස්වාහා॑-ऽනූරා॒ධේභ්ය॒ ස්ස්වාහා᳚ । මි॒ත්ර॒ධේයා॑ය॒ ස්වාහා॒-ऽභිජි॑ත්යෛ॒ ස්වාහා᳚ ॥

17. ජ්යේෂ්ඨා
ඉන්ද්රා॑ය॒ ස්වාහා᳚ ජ්යේ॒ෂ්ඨායෛ॒ ස්වාහා᳚ । ජ්යෛෂ්ඨ්යා॑ය॒ ස්වාහා॒-ऽභිජි॑ත්යෛ॒ ස්වාහා᳚ ॥

18. මූලං
ප්ර॒ජාප॑තයේ॒ ස්වාහා॒ මූලා॑ය॒ ස්වාහා᳚ । ප්ර॒ජායෛ॒ ස්වාහා᳚ ॥

19. පූර්වාෂාඪා
අ॒ද්භ්ය ස්ස්වාහා॑ ऽෂා॒ඪාභ්ය॒ ස්ස්වාහා᳚ । ස॒මු॒ද්රාය॒ ස්වාහා॒ කාමා॑ය॒ ස්වාහා᳚ । අ॒භිජි॑ත්යෛ॒ ස්වාහා᳚ ॥

20. උත්තරාෂාඪා
විශ්වේ᳚භ්යෝ දේ॒වේභ්ය॒ ස්ස්වාහා॑ ऽෂා॒ඪාභ්ය॒ ස්ස්වාහා᳚ । අ॒න॒ප॒ජ॒ය්යාය॒ ස්වාහා॒ ජිත්යෛ॒ ස්වාහා᳚ ॥ 116 ॥

21. අභිජිත්
බ්රහ්ම॑ණේ॒ ස්වාහා॑ ऽභි॒ජිතේ॒ ස්වාහා᳚ । බ්ර॒හ්ම॒ලෝ॒කාය॒ ස්වාහා॒ ऽභිජි॑ත්යෛ॒ ස්වාහා᳚ ॥

22. ශ්රවණං
විෂ්ණ॑වේ॒ ස්වාහා᳚ ශ්රෝ॒ණායෛ॒ ස්වාහා᳚ । ශ්ලෝකා॑ය॒ ස්වාහා᳚ ශ්රු॒තාය॒ ස්වාහා᳚ ॥

23. ශ්රවිෂ්ඨා
වසු॑භ්ය॒ ස්ස්වාහා॒ ශ්රවි॑ෂ්ඨාභ්ය॒ ස්ස්වාහා᳚ । අග්රා॑ය॒ ස්වාහා॒ පරී᳚ත්යෛ॒ ස්වාහා᳚ ॥

24. ශතභිෂක්
වරු॑ණාය॒ ස්වාහා॑ ශ॒තභි॑ෂජේ॒ ස්වාහා᳚ । භේ॒ෂ॒ජේභ්ය॒ ස්ස්වාහා ᳚ ॥

25. පූර්ව ප්රෝෂ්ඨපදා
අ॒ජායෛක॑පදේ॒ ස්වාහා᳚ ප්රෝෂ්ඨප॒දේභ්ය॒ ස්ස්වාහා᳚ ॥ 117 ॥
තේජ॑සේ॒ ස්වාහා᳚ බ්රහ්මවර්ච॒සාය॒ ස්වාහා᳚ ॥

26. උත්තර ප්රෝෂ්ඨපදා
අහ॑යේ බු॒ධ්නියා॑ය॒ ස්වාහා᳚ ප්රෝෂ්ඨප॒දේභ්ය॒ ස්ස්වාහා᳚ । ප॒ති॒ෂ්ඨායෛ॒ ස්වාහා᳚ ॥

27. රේවති
පූ॒ෂ්ණේ ස්වාහා॑ රේ॒වත්යෛ॒ ස්වාහා᳚ । ප॒ශුභ්ය॒ ස්ස්වාහා᳚ ॥

28. අශ්විනී
අ॒ශ්විභ්යා॒ග්॒ ස්වාහා᳚ ऽශ්ව॒යුග්භ්යා॒ග්॒ ස්වාහා ᳚। ශ්රෝත්රා॑ය॒ ස්වාහා॒ ශ්රුත්යෛ॒ ස්වාහා᳚ ॥

29. අපභරණි
ය॒මාය॒ ස්වාහා॑ ऽප॒භර॑ණීභ්ය॒ ස්ස්වාහා᳚ । රා॒ජ්යාය॒ ස්වාහා॒ ऽභිජි॑ත්යෛ॒ ස්වාහා᳚ ॥

30. අමාවාසි
අ॒ම॒වා॒ස්යා॑යෛ॒ ස්වාහා॒ කාමා॑ය॒ ස්වාහා ऽऽග॑ත්යෛ॒ ස්වාහා᳚ ॥ 118 (30) ॥

31. චන්ද්රමා
ච॒න්ද්රම॑සේ॒ ස්වාහා᳚ ප්රතී॒දෘශ්යා॑යෛ॒ ස්වාහා᳚ । අ॒හෝ॒රා॒ත්රේභ්ය॒ ස්ස්වාහා᳚-ऽර්ධමා॒සේභ්ය॒ ස්ස්වාහා᳚ । මාසේ᳚භ්ය॒ ස්ස්වාහ॒ර්තුභ්ය॒ ස්ස්වාහා᳚ । ස॒ව॒න්​ථ්ස॒රාය॒ ස්වාහා᳚ ॥

32. අහෝ රාත්රී
අහ්නේ॒ ස්වාහා॒ රාත්රි॑යෛ॒ ස්වාහා᳚ । අති॑මුක්ත්යෛ॒ ස්වාහා᳚ ॥

33. උෂා
උ॒ෂසේ॒ ස්වාහා॒ ව්යු॑ෂ්ට්යෛ॒ ස්වාහා᳚ । ව්යූ॒ෂුෂ්යෛ॒ ස්වාහා᳚ ව්යු॒ච්ඡන්ත්යෛ॒ ස්වාහා᳚ । ව්යු॑ෂ්ටායෛ॒ ස්වාහා᳚ ॥

34. නක්ෂත්රඃ
නක්ෂ॑ත්රාය॒ ස්වාහෝ॑දේෂ්යතේ॒ ස්වාහා᳚ ॥ 119 ॥
උ॒ද්ය॒තේ ස්වාහෝ-දි॑තාය॒ ස්වාහා᳚ । හර॑සේ॒ ස්වාහා॒ භර॑සේ॒ ස්වාහා᳚ ।
භ්රාජ॑සේ॒ ස්වාහා॒ තේජ॑සේ॒ ස්වාහා᳚ । තප॑සේ॒ ස්වාහා᳚ බ්රහ්මවර්ච॒සාය॒ ස්වාහා᳚ ॥

35. සූර්යඃ
සූර්යා॑ය॒ ස්වාහා॒ නක්ෂ॑ත්රේභ්ය॒ ස්ස්වාහා᳚ । ප॒ති॒ෂ්ඨායෛ॒ ස්වාහා᳚ ॥

36. අදිතිඃ
අදි॑ත්යෛ॒ ස්වාහා᳚ ප්රති॒ෂ්ඨායෛ॒ ස්වාහා᳚ ॥

37. විෂ්ණුඃ
විෂ්ණ॑වේ॒ ස්වාහා॑ ය॒ජ්ඤාය॒ ස්වාහා᳚ । ප්ර॒ති॒ෂ්ඨායෛ॒ ස්වාහා᳚ ॥ 120 ॥

ද॒ධි॒ක්රාව්ණ්ණෝ॑ අකාරිෂං
ද॒ධි॒ක්රාව්ණ්ණෝ॑ අකාරිෂම් । ජි॒ෂ්ණෝ රශ්ව॑ස්ය වා॒ජිනඃ॑ । සු॒ර॒භි නෝ॒ මුඛා॑ කර॒ත් । ප්රණ॒ ආයූග්​ම්॑ෂි තාරිෂත් । ආපෝ॒හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන । ම॒හේ රණා॑ය॒ චක්ෂ॑සේ ।
යෝ ව॑ශ්ශි॒වත॑මෝ॒ රස॒ස්තස්ය॑ භාජයතේ॒ හ නඃ॑ । උ॒ශ॒තීරි॑ව මා॒තරඃ॑ । තස්මා॒ අර॑ඞ්ගමාම වෝ॒ යස්ය॒ ක්ෂයා॑ය॒ ජින්ව॑ථ । ආපෝ॑ ජ॒නය॑ථා ච නඃ ॥ 121 (32) ॥

1.38 වරුණ සූක්තං
(තෛ. සං. 1.5.11.3)
උදු॑ත්ත॒මං-වඁ ॑රුණ॒ පාශ॑ම॒ස්ම-දවා॑ධ॒මං-විඁම॑ධ්ය॒මග්ග්​ ශ්ර॑ථාය ।
අථා ॑ව॒යමා॑දිත්ය ව්ර॒තේ තවානා॑ගසෝ॒ අදි॑තයේ ස්යාම ॥ (තෛ. සං. 1.2.8.1 )
අස්ත॑භ්​නා॒ද්ධ්යා-මෘ॑ෂ॒භෝ අ॒න්තරි॑ක්ෂ॒-මමි॑මීත-වරි॒මාණ॑-ම්පෘථි॒ව්යා
ආ-ऽසී॑ද॒ද්විශ්වා॒ භුව॑නානි ස॒ම්රා-ඩ්විශ්වේත්තානි॒ වරු॑ණස්ය ව්ර॒තානි॑ ॥ (තෛ. සං. 3.4.11.6)
යත්කිඤ්චේ॒දං-වඁ ॑රුණ॒ දෛව්යේ॒ ජනේ॑-ऽභිද්රෝ॒හ-ම්ම॑නු॒ෂ්යා᳚-ශ්චරා॑මසි ।
අචි॑ත්තී॒-යත්තව॒-ධර්මා॑ යුයෝපි॒ම-මාන॒ස්තස්මා॒ දේන॑සෝ දේව රීරිෂඃ ॥ (තෛ. සං. 3.4.11.6)
කි॒ත॒වාසෝ॒ යද්රි॑රි॒පුර්න දී॒වි යද්වා॑ ඝා ස॒ත්ය-මු॒තයන්න වි॒ද්ම ।
සර්වා॒තාවිෂ්ය॑ ශිථි॒රේව॑ දේ॒වාථා॑තේ-ස්යාම වරුණ ප්රි॒යාසඃ॑ ॥ (තෛ. සං. 1.5.11.3)
අව॑තේ॒හේඩෝ॑ වරුණ॒ නමෝ॑භි॒රව॑ ය॒ජ්ඤේ-භි॑රීමහේ හ॒විර්භිඃ॑ ।
ක්ෂය॑න්න॒ ස්මභ්ය॑ මසුර-ප්රචේතෝ॒ රාජ॒න්නේනාග්​ම්॑සි ශිශ්රථඃ කෘ॒තානි॑ ॥ (තෛ. සං. 2.1.11.6)
තත්වා॑යාමි॒ බ්රහ්ම॑ණා॒ වන්ද॑මාන॒ ස්තදාශා᳚ස්තේ॒ යජ॑මානෝ හ॒විර්භිඃ॑ । අහේ॑ඩමානෝ වරුණේ॒හ බෝ॒ද්ධ්යුරු॑ශග්​ම් ස॒ මා න॒ ආයුඃ॒ ප්රමෝ॑ෂීඃ ॥ 122 (33) ॥

1.39 පවමාන සූක්තං
හිර॑ණ්යවර්ණා॒-ශ්ශුච॑යඃ පාව॒කා යාසු॑ජා॒තඃ ක॒ශ්යපෝ॒ යාස්වින්ද්රඃ॑ ।
අ॒ග්නිං​යාඁ ගර්භං॑දධි॒රේ විරූ॑පා॒ස්තා න॒ ආප॒ශ්ශග්ග්​ ස්යෝ॒නා භ॑වන්තු ॥ යාසා॒ග්​ම්॒ රාජා॒ වරු॑ණෝ॒ යාති॒ මධ්යේ॑ සත්යානෘ॒තේ අ॑ව॒පශ්ය॒න් ජනා॑නාම් ।
ම॒ධු॒ශ්චුත॒-ශ්ශුච॑යෝ॒යාඃ පා॑ව॒කාස්තා න॒ ආප॒ශ්ශග්ග්​ ස්යෝ॒නා භ॑වන්තු ॥ යාසාං᳚ දේ॒වාදි॒වි කෘ॒ණ්වන්ති॑ භ॒ක්ෂං​යාඁ අ॒න්තරි॑ක්ෂේ බහු॒ධා භව॑න්ති ।
යාඃ පෘ॑ථි॒වී-ම්පය॑සෝ॒න්දන්ති॑ ශු॒ක්රාස්තා න॒ ආප॒ශ්ශග්ග්​ ස්යෝ॒නා භ॑වන්තු ॥ ශි॒වේන॑ මා॒ චක්ෂු॑ෂා පශ්යතාප ශ්ශි॒වයා॑ ත॒නුවෝ-ප॑ස්පෘශත॒ ත්වච॑මේම් ।
සර්වාග්​ම්॑ අ॒ග්නීග්​ම් ර॑ඵ්සු॒ෂදෝ॑ හුවේ වෝ॒ මයි॒ වර්චෝ॒ බල॒මෝජෝ॒ නිධ॑ත්ත ॥ 123 (34) ॥

(තෛ. බ්රා. 1.4.8.1)
පව॑මාන॒-ස්සුව॒ර්ජනඃ॑ । ප॒විත්රේ॑ණ॒ විච॑ර්​ෂණිඃ । යඃ පෝතා॒ ස පු॑නාතු මා । පු॒නන්තු॑ මා දේවජ॒නාඃ । පු॒නන්තු॒ මන॑
වෝධි॒යා । පු॒නන්තු॒ විශ්ව॑ ආ॒යවඃ॑ । ජාත॑වේදඃ ප॒විත්ර॑වත් । ප॒විත්රේ॑ණ පුනාහි මා । ශු॒ක්රේණ॑ දේව॒ දීද්ය॑ත් । අග්නේ॒ ක්රත්වා॒-ක්රතූ॒ග්​ම්॒ රනු॑ ॥ 124 ॥

යත්තේ॑ ප॒විත්ර॑-ම॒ර්චිෂි॑ । අග්නේ॒ විත॑ත-මන්ත॒රා । බ්රහ්ම॒ තේන॑ පුනීමහේ । උ॒භාභ්යාං᳚ දේව සවිතඃ । ප॒විත්රේ॑ණ ස॒වේන॑ ච । ඉ॒ද-ම්බ්රහ්ම॑ පුනීමහේ ।
වෛ॒ශ්ව॒දේ॒වී පු॑න॒තී දේ॒ව්යාගා᳚ත් । යස්යෛ॑ බ॒හ්වී-ස්ත॒නුවෝ॑ වී॒තපෘ॑ෂ්ඨාඃ । තයා॒ මද॑න්ත-ස්සධ॒මාද්යේ॑ෂු । ව॒යග්ග්​ ස්යා॑ම॒ පත॑යෝරයී॒ණාම් ॥ 125 ॥

වෛ॒ශ්වා॒න॒රෝ ර॒ශ්මිභි॑ර්මා පුනාතු । වාතඃ॑ ප්රා॒ණේනේ॑ ෂි॒රෝ ම॑යෝ॒ භූඃ ।
ද්යාවා॑පෘථි॒වී පය॑සා॒ පයෝ॑භිඃ । ඍ॒තාව॑රී ය॒ජ්ඤියේ॑ මා පුනීතාම් । බෘ॒හද්භි॑-ස්සවි ත॒ස්තෘභිඃ॑ । වර්​ෂි॑ෂ්ඨෛ--ර්දේව॒මන්ම॑භිඃ । අග්නේ॒ දක්ෂෛඃ᳚ පුනාහිමා । යේන॑ දේ॒වා අපු॑නත । යේ නාපෝ॑ දි॒ව්යඞ්කශඃ॑ । තේන॑ දි॒ව්යේන॒ බ්රහ්ම॑ණා ॥ 126 ॥

ඉ॒ද-ම්බ්රහ්ම॑ පුනීමහේ । යඃ පා॑වමා॒නී-ර॒ද්ධයේති॑ । ඍෂි॑භි॒-ස්සම්භෘ॑ත॒ග්​ම්॒ රස᳚ම් । සර්ව॒ග්​ම්॒ ස පූ॒තම॑ශ්නාති । ස්ව॒දි॒ත-ම්මා॑ත॒රිශ්ව॑නා । පා॒ව॒මා॒නී॒ර්යෝ අ॒ද්ධයේති॑ ।
ඍෂි॑භි॒-ස්සම්භෘ॑ත॒ග්​ම්॒ රස᳚ම් । තස්මෛ॒ සර॑ස්වතී දුහේ । ක්ෂී॒රග්​ම් ස॒ර්පි ර්මධූ॑ද॒කම් । පා॒ව॒මා॒නී-ස්ස්ව॒ස්ත්යය॑නීඃ ॥ 127 ॥

සු॒දුඝා॒හි පය॑ස්වතීඃ । ඍෂි॑භි॒-ස්සම්භෘ॑තෝ॒ රසඃ॑ । බ්රා॒හ්ම॒ණේෂ්ව॒-මෘතග්​ම්॑ හි॒තම් । පා॒ව॒මා॒නී-ර්දි॑ශන්තු නඃ । ඉ॒මං ං​ලෝඁ॒කමථෝ॑ අ॒මුම් । කාමා॒න්-ථ්සම॑ර්ධ්යන්තු නඃ । දේ॒වීර්දේ॒වෛ-ස්ස॒මා භෘ॑තාඃ । පා॒ව॒මා॒නී-ස්ස්ව॒ස්ත්යය॑නීඃ । සු॒දුඝා॒හි ඝෘ॑ත॒ශ්චුතඃ॑ । ඍෂි॑භි॒-ස්සම්භෘ॑තෝ॒ රසඃ॑ ॥ 128 ॥

බ්රා॒හ්ම॒ණේෂ්ව॒-මෘතග්​ම්॑ හි॒තම් । යේන॑ දේ॒වාඃ ප॒විත්රේ॑ණ । ආ॒ත්මානං॑ පු॒නතේ॒ සදා᳚ । තේන॑ ස॒හස්ර॑ ධාරේණ । පා॒ව॒මා॒න්යඃ පු॑නන්තු මා । ප්රා॒ජා॒ප॒ත්ය-ම්ප॒විත්ර᳚ම් । ශ॒තෝද්යා॑මග්​ම් හිර॒ණ්මය᳚ම් । තේන॑ බ්රහ්ම॒ විදෝ॑ ව॒යම් । පූ॒ත-ම්බ්රහ්ම॑ පුනීමහේ । ඉන්ද්ර॑-ස්සුනී॒තී ස॒හ මා॑ පුනාතු । සෝම॑-ස්ස්ව॒ස්ත්යා වරු॑ණ-ස්ස॒මීච්යා᳚ । ය॒මෝ රාජා᳚ ප්රමෘ॒ණාභිඃ॑ පුනාතුමා । ජා॒තවේ॑දා මෝ॒ර්ජය॑න්ත්යා පුනාතු । ඕ-ම්භූර්භුව॒ස්සුවඃ॑ ॥ 129 ॥

(තෛ. බ්රා. 3.5.11.1)
තච්ඡං॒ඁයෝරා වෘ॑ණීමහේ । ගා॒තුං-යඁ॒ජ්ඤාය॑ । ගා॒තුං-යඁ॒ජ්ඤප॑තයේ । දෛවී᳚ස්ව॒ස්ති-ර॑ස්තුනඃ । ස්ව॒ස්ති-ර්මානු॑ෂේභ්යඃ । ඌ॒ර්ධ්ව-ඤ්ජි॑ගාතු භේෂ॒ජම් । ශන්නෝ॑ අස්තු ද්වි॒පදේ᳚ । ශඤ්චතු॑ෂ්පදේ ॥ 130 (36) ॥
ඕං ශාන්ති॒-ශ්ශාන්ති॒-ශ්ශාන්තිඃ॑ ॥

1.40 ආයුෂ්ය සූක්තං
යෝ බ්රහ්මාබ්රහ්මණ උජ්ජභාර ප්රාණෙශ්වරඃ (යෝ බ්රහ්මා බ්රහ්මණ උජ්ජහාර ප්රාණෛ-ශ්ශිරඃ) කෘත්තිවාසාඃ පිනාකී ।
ඊශානෝ දේවස්සන ආයුර්දධාතු තස්මෛ ජුහෝමි හවිෂා ඝෘතේන ॥ 1 ॥

විභ්රාජමාන-ස්සරිරස්ය මද්ධ්යාද් රෝචමානෝ ඝර්මරුචිර්ය ආගාත් ।
ස මෘත්යුපාශා-නපනුද්ය ඝෝරා-නිහායුෂේණෝ ඝෘතමත්තු දේවඃ ॥ 2 ॥

බ්රහ්මජ්යෝතිර් බ්රහ්මපත්නීෂු ගර්භං-යඁමාදධා-ත්පුරුරූප-ඤ්ජයන්තම් ।
සුවර්ණරම්භ-ග්රහ-මර්කමර්ච්ය-න්තමායුෂේ වර්ධයාමෝ ඝෘතේන ॥ 3 ॥

ශ්රියං-ලඁක්ෂ්මී-මෞපලාං අම්බිඞ්කා-ඞ්ගාං ෂෂ්ටීඤ්ච යාමින්ද්රසේනේත්යුදාහුඃ ।
තාං-විඁද්යා-ම්බ්රහ්මයෝනිග්​ම් සරූපා-මිහායුෂේ තර්පයාමෝ ඝෘතේන ॥ 4 ॥

දාක්ෂායණ්ය-ස්සර්වයෝන්ය ස්සුයෝන්ය-ස්සහස්රශෝ විශ්ව රූපා විරූපාඃ ।
සසූනව-ස්සපතය-ස්සයූථ්යා ආයුෂේණෝ ඝෘතමිද-ඤ්ජුෂන්තාම් ॥ 5 ॥

දිව්යා ගණා බහුරූපාඃ පුරාණා ආයුශ්ඡිදෝ නඃ ප්රමථ්නන්තු වීරාන් ।
තේභ්යෝ ජුහෝමි බහුධා ඝෘතේන මා නඃ ප්රජාග්​ම් රීරිෂෝ මෝත වීරාන් ॥ 6 ॥

ඒකඃ පුරස්තාත් ය ඉද-ම්බභූව යතෝ බභූව භුවනස්ය ගෝපාඃ ।
යමප්යේති භුවනග්​ම් සාම්පරායේ ස නෝ හවිර් ඝෘත-මිහායුෂේ'ත්තු දේවඃ ॥ 7 ॥

වසූ-න්රුද්රානා-දිත්යා-න්මරුතෝ'ථ සාද්ධ්යාන් ඍභූන් යක්ෂා-න්ගන්ධර්වාග්​ම්ශ්ච පිතෘග්​ම්ශ්ච විශ්වාන් ।
භෘගූන්-ථ්සර්පාග්​ම්ශ්චා-ඞ්ගිගරසෝ'ථ සර්වා-න්ඝෘතග්​ම් හුත්වා ස්වායුෂ්යා මහයාම ශශ්වත් ॥ 8 ॥

විෂ්ණෝ॒ ත්වන්නෝ॒ අන්ත॑ම॒-ශ්ශර්ම॑යච්ඡ සහන්ත්ය ।
ප්රතේ॒ ධාරා॑ මධු॒ශ්චුත॒ උථ්ස॑න්දුහ්රතේ॒ අක්ෂි॑තම් ॥ (තෛ. සං. 3.1.10) ॥

නමෝ බ්රහ්මණේ නමෝ අස්ත්වග්නයේ නමහ් පෘථිව්යෛ නමහ් ඔෂධීභ්යඃ ।
නමෝ වාචේ නමෝ වාචස්පත॑යේ නමෝ විෂ්ණවේ බෘහතේ කරෝමි ॥ (තෛ. අර. 2.1.2) ॥
(ඒව-න්ත්රිඃ)

යදක්ෂරපදභ්රෂ්ට-ම්මාත්රාහීන-න්තු යද්භවේත් ।
තත්සර්ව-ඞ්ක්ෂම්යතා-න්දේව නාරායණ නමෝ'ස්තුතේ ॥
විසර්ග බින්දු මාත්රාණි පදපාදාක්ෂරාණි ච ।

න්යූනාතිරික්තං-යඁත්කිඤ්චිදභිගීර්භිරුදීර්යතෙ ॥
ආ॒භිර් ගී॒ර්භිර් යදතෝ॑න ඌ॒නමාප්යා॑යය හරිවෝ॒ වර්ධ॑මානඃ ।
ය॒දා ස්තෝ॒තෘභ්යෝ॒ මහි॑ ගෝ॒ත්රා රු॒ජාසි॑ භූයිෂ්ඨ॒භාජෝ॒ අධ॑තේ ශ්යාම ।
බ්රහ්ම॒ ප්රාවා॑දිෂ්ම॒ තන්නෝ॒ මාහා॑සීත් ।
ඕං ශාන්ති॒-ශ්ශාන්ති॒-ශ්ශාන්තිඃ॑ ॥ (තෛ. අර. 4.4.2)

හරිඃ ඕම් । ශ්රීකෘෂ්ණාර්පණමස්තු ॥

ඕ-න්තත්සත් බ්රහ්මාර්පණමස්තු ॥

ඉත්යුදකශාන්තිමන්ත්රාඃ ॥