(තෛ.ආ.9.1.1)

ඕං ස॒හ නා॑වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ । තේ॒ජ॒ස්විනා॒වධී॑තමස්තු॒ මා වි॑ද්විෂා॒වහෛ᳚ । ඕං ශාන්ති॒-ශ්ශාන්ති॒-ශ්ශාන්තිඃ॑ ॥

භෘගු॒ර්වෛ වා॑රු॒ණිඃ । වරු॑ණ॒-ම්පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තස්මා॑ ඒ॒තත්ප්රෝ॑වාච । අන්න॑-ම්ප්රා॒ණ-ඤ්චක්ෂු॒ශ්ශ්රෝත්ර॒-ම්මනෝ॒ වාච॒මිති॑ । තග්​ම් හෝ॑වාච । යතෝ॒ වා ඉ॒මානි॒ භූතා॑නි॒ ජාය॑න්තේ । යේන॒ ජාතා॑නි॒ ජීව॑න්ති । යත්ප්රය॑න්ත්ය॒භිසං​විඁ ॑ශන්ති । තද්විජි॑ජ්ඤාසස්ව । තද්බ්රහ්මේති॑ । ස තපෝ॑-ऽතප්යත । ස තප॑ස්ත॒ප්ත්වා ॥ 1 ॥
ඉති ප්රථමෝ-ऽනුවාකඃ ॥

අන්න॒-ම්බ්රහ්මේති॒ ව්ය॑ජානාත් । අ॒න්නාද්ධ්යේ॑ව ඛල්වි॒මානි॒ භුතා॑නි॒ ජාය॑න්තේ । අන්නේ॑න॒ ජාතා॑නි॒ ජීව॑න්ති । අන්න॒-ම්ප්රය॑න්ත්ය॒භිසං​විඁ ॑ශ॒න්තීති॑ । තද්වි॒ජ්ඤාය॑ । පුන॑රේ॒ව වරු॑ණ॒-ම්පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තග්​ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑-ऽතප්යත । ස තප॑ස්ත॒ප්ත්වා ॥ 1 ॥
ඉති ද්විතීයෝ-ऽනුවාකඃ ॥

ප්රා॒ණෝ බ්ර॒හ්මේති॒ ව්ය॑ජානාත් । ප්රා॒ණාද්ධ්යේ॑ව ඛල්වි॒මානි॒ භූතා॑නි॒ ජාය॑න්තේ । ප්රා॒ණේන॒ ජාතා॑නි॒ ජීව॑න්ති । ප්රා॒ණ-ම්ප්රය॑න්ත්ය॒භිසං​විඁ ॑ශ॒න්තීති॑ । තද්වි॒ජ්ඤාය॑ । පුන॑රේ॒ව වරු॑ණ॒-ම්පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තග්​ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑-ऽතප්යත । ස තප॑ස්ත॒ප්ත්වා ॥ 1 ॥
ඉති තෘතීයෝ-ऽනුවාකඃ ॥

මනෝ॒ බ්රහ්මේති॒ ව්ය॑ජානාත් । මන॑සෝ॒ හ්යේ॑ව ඛල්වි॒මානි॒ භූතා॑නි॒ ජාය॑න්තේ । මන॑සා॒ ජාතා॑නි॒ ජීව॑න්ති । මනඃ॒ ප්රය॑න්ත්ය॒භිසං​විඁ ॑ශ॒න්තීති॑ । තද්වි॒ජ්ඤාය॑ । පුන॑රේ॒ව වරු॑ණ॒-ම්පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තග්​ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑-ऽතප්යත । ස තප॑ස්ත॒ප්ත්වා ॥ 1 ॥
ඉති චතුර්ථෝ-ऽනුවාකඃ ॥

වි॒ජ්ඤාන॒-ම්බ්රහ්මේති॒ ව්ය॑ජානාත් । වි॒ජ්ඤානා॒ද්ධ්යේ॑ව ඛල්වි॒මානි॒ භූතා॑නි॒ ජාය॑න්තේ । වි॒ජ්ඤානේ॑න॒ ජාතා॑නි॒ ජීව॑න්ති । වි॒ජ්ඤාන॒-ම්ප්රය॑න්ත්ය॒භිසං​විඁ ॑ශ॒න්තීති॑ । තද්වි॒ජ්ඤාය॑ । පුන॑රේ॒ව වරු॑ණ॒-ම්පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තග්​ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑-ऽතප්යත । ස තප॑ස්ත॒ප්ත්වා ॥ 1 ॥
ඉති පඤ්චමෝ-ऽනුවාකඃ ॥

ආ॒න॒න්දෝ බ්ර॒හ්මේති॒ ව්ය॑ජානාත් । ආ॒නන්දා॒ද්ධ්යේ॑ව ඛල්වි॒මානි॒ භූතා॑නි॒ ජාය॑න්තේ । ආ॒න॒න්දේන॒ ජාතා॑නි॒ ජීව॑න්ති । ආ॒න॒න්ද-ම්ප්රය॑න්ත්ය॒භිසං​විඁ ॑ශ॒න්තීති॑ । සෛෂා භා᳚ර්ග॒වී වා॑රු॒ණී වි॒ද්යා । ප॒ර॒මේ ව්යෝ॑ම॒න්ප්රති॑ෂ්ඨිතා । ස ය ඒ॒වං-වේඁද॒ ප්රති॑තිෂ්ඨති । අන්න॑වානන්නා॒දෝ භ॑වති । ම॒හාන්භ॑වති ප්ර॒ජයා॑ ප॒ශුභි॑ර්බ්රහ්මවර්ච॒සේන॑ । ම॒හාන්කී॒ර්ත්යා ॥ 1 ॥
ඉති ෂෂ්ඨෝ-ऽනුවාකඃ ॥

අන්න॒-න්න නි॑න්ද්යාත් । තද්ව්ර॒තම් । ප්රා॒ණෝ වා අන්නම්᳚ । ශරී॑රමන්නා॒දම් । ප්රා॒ණේ ශරී॑ර॒-ම්ප්රති॑ෂ්ඨිතම් । ශරී॑රේ ප්රා॒ණඃ ප්රති॑ෂ්ඨිතඃ । තදේ॒තදන්න॒මන්නේ॒ ප්රති॑ෂ්ඨිතම් । ස ය ඒ॒තදන්න॒මන්නේ॒ ප්රති॑ෂ්ඨිතං॒-වේඁද॒ ප්රති॑තිෂ්ඨති । අන්න॑වානන්නා॒දෝ භ॑වති । ම॒හාන්භ॑වති ප්ර॒ජයා॑ ප॒ශුභි॑ර්බ්රහ්මවර්ච॒සේන॑ । ම॒හාන්කී॒ර්ත්යා ॥ 1 ॥
ඉති සප්තමෝ-ऽනුවාකඃ ॥

අන්න॒-න්න පරි॑චක්ෂීත । තද්ව්ර॒තම් । ආපෝ॒ වා අන්නම්᳚ । ජ්යෝති॑රන්නා॒දම් । අ॒ප්සු ජ්යෝතිඃ॒ ප්රති॑ෂ්ඨිතම් । ජ්යෝති॒ෂ්යාපඃ॒ ප්රති॑ෂ්ඨිතාඃ । තදේ॒තදන්න॒මන්නේ॒ ප්රති॑ෂ්ඨිතම් । ස ය ඒ॒තදන්න॒මන්නේ॒ ප්රති॑ෂ්ඨිතං॒-වේඁද॒ ප්රති॑තිෂ්ඨති । අන්න॑වානන්නා॒දෝ භ॑වති । මහා॒න්භ॑වති ප්ර॒ජයා॑ ප॒ශුභි॑ර්බ්රහ්මවර්ච॒සේන॑ । ම॒හාන්කී॒ර්ත්යා ॥ 1 ॥
ඉත්යෂ්ටමෝ-ऽනුවාකඃ ॥

අන්න॑-ම්බ॒හු කු॑ර්වීත । තද්ව්ර॒තම් । පෘ॒ථි॒වී වා අන්නම්᳚ । ආ॒කා॒ශෝ᳚-ऽන්නා॒දඃ । පෘ॒ථි॒ව්යාමා॑කා॒ශඃ ප්රති॑ෂ්ඨිතඃ । ආ॒කා॒ශේ පෘ॑ථි॒වී ප්රති॑ෂ්ඨිතා । තදේ॒තදන්න॒මන්නේ॒ ප්රති॑ෂ්ඨිතම් । ස ය ඒ॒තදන්න॒මන්නේ॒ ප්රති॑ෂ්ඨිතං॒-වේඁද॒ ප්රති॑තිෂ්ඨති । අන්න॑වානන්නා॒දෝ භ॑වති । ම॒හාන්භ॑වති ප්ර॒ජයා॑ ප॒ශුභි॑ර්බ්රහ්මවර්ච॒සේන॑ । ම॒හාන්කී॒ර්ත්යා ॥ 1 ॥
ඉති නවමෝ-ऽනුවාකඃ ॥

න කඤ්චන වසතෞ ප්රත්යා॑චක්ෂී॒ත । තද්ව්ර॒තම් । තස්මාද්යයා කයා ච විධයා බහ්ව॑න්න-ම්ප්රා॒ප්නුයාත් । අරාධ්යස්මා අන්නමි॑ත්යාච॒ක්ෂතේ । ඒතද්වෛ මුඛතෝ᳚-ऽන්නග්​ම් රා॒ද්ධම් । මුඛතෝ-ऽස්මා අ॑න්නග්​ම් රා॒ධ්යතේ । ඒතද්වෛ මධ්යතෝ᳚-ऽන්නග්​ම් රා॒ද්ධම් । මධ්යතෝ-ऽස්මා අ॑න්නග්​ම් රා॒ධ්යතේ । ඒතද්වා අන්තතෝ᳚-ऽන්නග්​ම් රා॒ද්ධම් । අන්තතෝ-ऽස්මා අ॑න්නග්​ම් රා॒ධ්යතේ ॥ 1 ॥
ය ඒ॑වං-වේඁ॒ද । ක්ෂේම ඉ॑ති වා॒චි । යෝගක්ෂේම ඉති ප්රා॑ණාපා॒නයෝඃ । කර්මේ॑ති හ॒ස්තයෝඃ । ගතිරි॑ති පා॒දයෝඃ । විමුක්තිරි॑ති පා॒යෞ । ඉති මානුෂී᳚ස්සමා॒ජ්ඤාඃ । අථ දෛ॒වීඃ । තෘප්තිරි॑ති වෘ॒ෂ්ටෞ । බලමි॑ති වි॒ද්යුති ॥ 2 ॥
යශ ඉ॑ති ප॒ශුෂු । ජ්යෝතිරිති න॑ක්ෂත්රේ॒ෂු । ප්රජාතිරමෘතමානන්ද ඉ॑ත්යුප॒ස්ථේ । සර්වමි॑ත්යාකා॒ශේ । තත්ප්රතිෂ්ඨේත්යු॑පාසී॒ත । ප්රතිෂ්ඨා॑වාන්භ॒වති । තන්මහ ඉත්යු॑පාසී॒ත । ම॑හාන්භ॒වති । තන්මන ඉත්යු॑පාසී॒ත । මාන॑වාන්භ॒වති ॥ 3 ॥
තන්නම ඉත්යු॑පාසී॒ත । නම්යන්තේ᳚-ऽස්මෛ කා॒මාඃ । තද්බ්රහ්මේත්යු॑පාසී॒ත । බ්රහ්ම॑වාන්භ॒වති । තද්බ්රහ්මණඃ පරිමර ඉත්යු॑පාසී॒ත । පර්යේණ-ම්ම්රියන්තේ ද්විෂන්ත॑ස්සප॒ත්නාඃ । පරි යේ᳚-ऽප්රියා᳚ භ්රාතෘ॒ව්යාඃ । ස යශ්චා॑ය-ම්පු॒රුෂේ । යශ්චාසා॑වාදි॒ත්යේ । ස ඒකඃ॑ ॥ 4 ॥
ස ය॑ ඒවං॒-විඁත් । අස්මාං​ල්ලෝඁ ॑කාත්ප්රේ॒ත්ය । ඒතමන්නමය-මාත්මානමුප॑සඞ්ක්ර॒ම්ය । ඒත-ම්ප්රාණමය-මාත්මානමුප॑සඞ්ක්ර॒ම්ය । ඒත-ම්මනෝමය-මාත්මානමුප॑සඞ්ක්ර॒ම්ය । ඒතං-විඁජ්ඤානමය-මාත්මානමුප॑සඞ්ක්ර॒ම්ය । ඒතමානන්දමය-මාත්මානමුප॑සඞ්ක්ර॒ම්ය । ඉමාං​ල්ලෝඁකාන්කාමාන්නී -කාමරූප්ය॑නු-ස॒ඤ්චරන්න් । ඒතථ්සාම ගා॑යන්නා॒ස්තේ । හා(3) වු॒ හා(3) වු॒ හා(3) වු॑ ॥ 5 ॥
අ॒හමන්න-ම॒හමන්න-ම॒හමන්නම් । අ॒හමන්නා॒දෝ(3)-ऽ॒හමන්නා॒දෝ(3)-ऽ॒හමන්නා॒දඃ । අ॒හග්ග් ශ්ලෝක॒කෘද॒හග්ග් ශ්ලෝක॒කෘද॒හග්ග් ශ්ලෝක॒කෘත් । අ॒හමස්මි ප්රථමජා ඍතා(3) ස්ය॒ । පූර්ව-න්දේවේභ්යෝ අමෘතස්ය නා(3) භා॒යි॒ । යෝ මා දදාති ස ඉදේව මා(3) වාඃ॒ । අ॒හමන්න॒-මන්න॑-ම॒දන්ත॒මා(3) ද්මි॒ । අහං॒-විඁශ්ව॒-ම්භුව॑න॒-මභ්ය॑භ॒වාම් । සුව॒ර්න ජ්යෝතීඃ᳚ । ය ඒ॒වං-වේඁද॑ । ඉත්යු॑ප॒නිෂ॑ත් ॥ 6 ॥
ඉති දශමෝ-ऽනුවාකඃ ॥

ඕං ස॒හ නා॑වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ । තේ॒ජ॒ස්විනා॒වධී॑තමස්තු॒ මා වි॑ද්විෂා॒වහෛ᳚ । ඕං ශාන්ති॒-ශ්ශාන්ති॒-ශ්ශාන්තිඃ॑ ॥

॥ හරිඃ॑ ඕම් ॥
॥ ශ්රී කෘෂ්ණාර්පණමස්තු ॥