ರಙ್ಗನಾಥ ಅಷ್ಟಕಂ

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ರಙ್ಗನಾಥ ಅಷ್ಟಕಂ

ಆನನ್ದರೂಪೇ ನಿಜಬೋಧರೂಪೇ
ಬ್ರಹ್ಮಸ್ವರೂಪೇ ಶ್ರುತಿಮೂರ್ತಿರೂಪೇ ।
ಶಶಾಙ್ಕರೂಪೇ ರಮಣೀಯರೂಪೇ
ಶ್ರೀರಙ್ಗರೂಪೇ ರಮತಾಂ ಮನೋ ಮೇ ॥ 1 ॥

ಕಾವೇರಿತೀರೇ ಕರುಣಾವಿಲೋಲೇ
ಮನ್ದಾರಮೂಲೇ ಧೃತಚಾರುಕೇಲೇ ।
ದೈತ್ಯಾನ್ತಕಾಲೇಽಖಿಲಲೋಕಲೀಲೇ
ಶ್ರೀರಙ್ಗಲೀಲೇ ರಮತಾಂ ಮನೋ ಮೇ ॥ 2 ॥

ಲಕ್ಷ್ಮೀನಿವಾಸೇ ಜಗತಾಂ ನಿವಾಸೇ
ಹೃತ್ಪದ್ಮವಾಸೇ ರವಿಬಿಮ್ಬವಾಸೇ ।
ಕೃಪಾನಿವಾಸೇ ಗುಣಬೃನ್ದವಾಸೇ
ಶ್ರೀರಙ್ಗವಾಸೇ ರಮತಾಂ ಮನೋ ಮೇ ॥ 3 ॥

ಬ್ರಹ್ಮಾದಿವನ್ದ್ಯೇ ಜಗದೇಕವನ್ದ್ಯೇ
ಮುಕುನ್ದವನ್ದ್ಯೇ ಸುರನಾಥವನ್ದ್ಯೇ ।
ವ್ಯಾಸಾದಿವನ್ದ್ಯೇ ಸನಕಾದಿವನ್ದ್ಯೇ
ಶ್ರೀರಙ್ಗವನ್ದ್ಯೇ ರಮತಾಂ ಮನೋ ಮೇ ॥ 4 ॥

ಬ್ರಹ್ಮಾಧಿರಾಜೇ ಗರುಡಾಧಿರಾಜೇ
ವೈಕುಣ್ಠರಾಜೇ ಸುರರಾಜರಾಜೇ ।
ತ್ರೈಲೋಕ್ಯರಾಜೇಽಖಿಲಲೋಕರಾಜೇ
ಶ್ರೀರಙ್ಗರಾಜೇ ರಮತಾಂ ಮನೋ ಮೇ ॥ 5 ॥

ಅಮೋಘಮುದ್ರೇ ಪರಿಪೂರ್ಣನಿದ್ರೇ
ಶ್ರೀಯೋಗನಿದ್ರೇ ಸಸಮುದ್ರನಿದ್ರೇ ।
ಶ್ರಿತೈಕಭದ್ರೇ ಜಗದೇಕನಿದ್ರೇ
ಶ್ರೀರಙ್ಗಭದ್ರೇ ರಮತಾಂ ಮನೋ ಮೇ ॥ 6 ॥

ಸಚಿತ್ರಶಾಯೀ ಭುಜಗೇನ್ದ್ರಶಾಯೀ
ನನ್ದಾಙ್ಕಶಾಯೀ ಕಮಲಾಙ್ಕಶಾಯೀ ।
ಕ್ಷೀರಾಬ್ಧಿಶಾಯೀ ವಟಪತ್ರಶಾಯೀ
ಶ್ರೀರಙ್ಗಶಾಯೀ ರಮತಾಂ ಮನೋ ಮೇ ॥ 7 ॥

ಇದಂ ಹಿ ರಙ್ಗಂ ತ್ಯಜತಾಮಿಹಾಙ್ಗಂ
ಪುನರ್ನ ಚಾಙ್ಗಂ ಯದಿ ಚಾಙ್ಗಮೇತಿ ।
ಪಾಣೌ ರಥಾಙ್ಗಂ ಚರಣೇಽಮ್ಬು ಗಾಙ್ಗಂ
ಯಾನೇ ವಿಹಙ್ಗಂ ಶಯನೇ ಭುಜಙ್ಗಮ್ ॥ 8 ॥

ರಙ್ಗನಾಥಾಷ್ಟಕಂ ಪುಣ್ಯಂ ಪ್ರಾತರುತ್ಥಾಯ ಯಃ ಪಠೇತ್ ।
ಸರ್ವಾನ್ಕಾಮಾನವಾಪ್ನೋತಿ ರಙ್ಗಿಸಾಯುಜ್ಯಮಾಪ್ನುಯಾತ್ ॥ 9 ॥

ಇತಿ ಶ್ರೀ ರಙ್ಗನಾಥಾಷ್ಟಕಮ್ ।

Browse Related Categories: