Mundaka Upanishad - Mundaka 1, Section 2 - Assamese

Collection of Spiritual and Devotional Literature in Various Indian Languages

View this in:

মুংডক উপনিষদ্ - প্রথম মুংডক, দ্বিতীয কাংডঃ

॥ প্রথমমুংডকে দ্বিতীযঃ খংডঃ ॥

তদেতত্ সত্যং মংত্রেষু কর্মাণি কবযো
যান্যপশ্যংস্তানি ত্রেতাযাং বহুধা সংততানি ।
তান্যাচরথ নিযতং সত্যকামা এষ বঃ
পংথাঃ সুকৃতস্য লোকে ॥ 1॥

যদা লেলাযতে হ্যর্চিঃ সমিদ্ধে হব্যবাহনে ।
তদাঽঽজ্যভাগাবংতরেণাঽঽহুতীঃ প্রতিপাদযেত্ ॥ 2॥

যস্যাগ্নিহোত্রমদর্শমপৌর্ণমাস-
মচাতুর্মাস্যমনাগ্রযণমতিথিবর্জিতং চ ।
অহুতমবৈশ্বদেবমবিধিনা হুত-
মাসপ্তমাংস্তস্য লোকান্ হিনস্তি ॥ 3॥

কালী করালী চ মনোজবা চ
সুলোহিতা যা চ সুধূম্রবর্ণা ।
স্ফুলিংগিনী বিশ্বরুচী চ দেবী
লেলাযমানা ইতি সপ্ত জিহ্বাঃ ॥ 4॥

এতেষু যশ্চরতে ভ্রাজমানেষু যথাকালং
চাহুতযো হ্যাদদাযন্ ।
তং নযংত্যেতাঃ সূর্যস্য রশ্মযো যত্র
দেবানাং পতিরেকোঽধিবাসঃ ॥ 5॥

এহ্যেহীতি তমাহুতযঃ সুবর্চসঃ
সূর্যস্য রশ্মিভির্যজমানং বহংতি ।
প্রিযাং বাচমভিবদংত্যোঽর্চযংত্য
এষ বঃ পুণ্যঃ সুকৃতো ব্রহ্মলোকঃ ॥ 6॥

প্লবা হ্যেতে অদৃঢা যজ্ঞরূপা
অষ্টাদশোক্তমবরং যেষু কর্ম ।
এতচ্ছ্রেযো যেঽভিনংদংতি মূঢা
জরামৃত্যুং তে পুনরেবাপি যংতি ॥ 7॥

অবিদ্যাযামংতরে বর্তমানাঃ
স্বযং ধীরাঃ পংডিতং মন্যমানাঃ ।
জংঘন্যমানাঃ পরিযংতি মূঢা
অংধেনৈব নীযমানা যথাংধাঃ ॥ 8॥

অবিদ্যাযং বহুধা বর্তমানা বযং
কৃতার্থা ইত্যভিমন্যংতি বালাঃ ।
যত্ কর্মিণো ন প্রবেদযংতি রাগাত্
তেনাতুরাঃ ক্ষীণলোকাশ্চ্যবংতে ॥ 9॥

ইষ্টাপূর্তং মন্যমানা বরিষ্ঠং
নান্যচ্ছ্রেযো বেদযংতে প্রমূঢাঃ ।
নাকস্য পৃষ্ঠে তে সুকৃতেঽনুভূত্বেমং
লোকং হীনতরং বা বিশংতি ॥ 10॥

তপঃশ্রদ্ধে যে হ্যুপবসংত্যরণ্যে
শাংতা বিদ্বাংসো ভৈক্ষ্যচর্যাং চরংতঃ ।
সূর্যদ্বারেণ তে বিরজাঃ প্রযাংতি
যত্রামৃতঃ স পুরুষো হ্যব্যযাত্মা ॥ 11॥

পরীক্ষ্য লোকান্ কর্মচিতান্ ব্রাহ্মণো
নির্বেদমাযান্নাস্ত্যকৃতঃ কৃতেন ।
তদ্বিজ্ঞানার্থং স গুরুমেবাভিগচ্ছেত্
সমিত্পাণিঃ শ্রোত্রিযং ব্রহ্মনিষ্ঠম্ ॥ 12॥

তস্মৈ স বিদ্বানুপসন্নায সম্যক্
প্রশাংতচিত্তায শমান্বিতায ।
যেনাক্ষরং পুরুষং বেদ সত্যং প্রোবাচ
তাং তত্ত্বতো ব্রহ্মবিদ্যাম্ ॥ 13॥

॥ ইতি মুংডকোপনিষদি প্রথমমুংডকে দ্বিতীযঃ খংডঃ ॥

Browse Related Categories: