ওম্ ॥
(তৈ.সং.1.8.22)
প্র ণো॑ দে॒বী সর॑স্বতী॒ বাজে॑ভির্বা॒জিনী॑বতী ।
ধী॒নাম॑বি॒ত্র্য়॑বতু ॥
আ নো॑ দি॒বো বৃ॑হ॒তঃ পর্ব॑তা॒দা সর॑স্বতী যজ॒তা গ॑ন্তু য॒জ্ঞম্ ।
হব॑-ন্দে॒বী জু॑জুষা॒ণা ঘৃ॒তাচী॑ শ॒গ্মা-ন্নো॒ বাচ॑মুশ॒তী শৃ॑ণোতু ॥
(তৈ.সং.4.1.11)
পাবী॑রবী ক॒ন্য়া॑ চি॒ত্রায়ু॒-স্সর॑স্বতী বী॒রপ॑ত্নী॒ ধিয়॑-ন্ধাত্ ।
গ্নাভি॒রচ্ছি॑দ্রগ্ম্ শর॒ণগ্ম্ স॒জোষা॑ দুরা॒ধর্ষ॑-ঙ্গৃণ॒তে শর্ম॑ যগ্ম্সত্ ॥
(ঋ.বে.7.95.5)
ই॒মা জুহ্বা᳚না যু॒ষ্মদা নমো᳚ভিঃ॒ প্রতি॒ স্তোমং᳚ সরস্বতি জুষস্ব ।
তব॒ শর্ম᳚ন্প্রি॒যত॑মে॒ দধা᳚না॒ উপ॑ স্থেয়াম শর॒ণ-ন্ন বৃ॒ক্ষম্ ॥
(ঋ.বে.1.164.49)
যস্তে॒ স্তন॑-শ্শশ॒য়ো যো ম॑য়ো॒ভূর্য়েন॒ বিশ্বা॒ পুষ্য়॑সি॒ বার্য়া॑ণি ।
যো র॑ত্ন॒ধা ব॑সু॒বিদ্য়-স্সু॒দত্র॒-স্সর॑স্বতি॒ তমি॒হ ধাত॑বে কঃ ॥
(ঋ.বে.6.61.14)
সর॑স্বত্য়॒ভি নো᳚ নেষি॒ বস্য়ো॒ মাপ॑ স্ফরীঃ॒ পয়॑সা॒ মা ন॒ আ ধ॑ক্ ।
জু॒ষস্ব॑ ন-স্স॒খ্য়া বে॒শ্য়া᳚ চ॒ মা ত্ব-ত্ক্ষেত্রা॒ণ্যর॑ণানি গন্ম ॥
(ঋ.বে.6.61.2)
ই॒য়ং শুষ্মে᳚ভির্বিস॒খা ই॑বারুজ॒ত্সানু॑ গিরী॒ণা-ন্ত॑বি॒ষেভি॑রূ॒র্মিভিঃ॑ ।
পা॒রা॒ব॒ত॒ঘ্নীমব॑সে সুবৃ॒ক্তিভি॑স্সর॑স্বতী॒ মা বি॑বাসেম ধী॒তিভিঃ॑ ॥
ওং শান্তি॒-শ্শান্তি॒-শ্শান্তিঃ॑ ॥
