ఓం నిధ॑నపతయే॒ నమః । నిధనపతాంతికాయ॒ నమః ।
ఊర్ధ్వాయ॒ నమః । ఊర్ధ్వలింగాయ॒ నమః ।
హిరణ్యాయ॒ నమః । హిరణ్యలింగాయ॒ నమః ।
సువర్ణాయ॒ నమః । సువర్ణలింగాయ॒ నమః ।
దివ్యాయ॒ నమః । దివ్యలింగాయ॒ నమః ।
భవాయః॒ నమః । భవలింగాయ॒ నమః ।
శర్వాయ॒ నమః । శర్వలింగాయ॒ నమః ।
శివాయ॒ నమః । శివలింగాయ॒ నమః ।
జ్వలాయ॒ నమః । జ్వలలింగాయ॒ నమః ।
ఆత్మాయ॒ నమః । ఆత్మలింగాయ॒ నమః ।
పరమాయ॒ నమః । పరమలింగాయ॒ నమః ।
ఏతత్సోమస్య॑ సూర్య॒స్య సర్వలింగగ్గ్॑ స్థాప॒య॒తి॒ పాణిమంత్రం పవి॒త్రమ్ ॥
స॒ద్యో జా॒తం ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ ।
భ॒వే భ॑వే॒ నాతి॑భవే భవస్వ॒ మామ్ । భ॒వో-ద్భ॑వాయ॒ నమః॑ ॥
వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒
కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒
బల॑ప్రమథనాయ॒ నమ॒ స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ।
అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః ।
సర్వే᳚భ్యః సర్వ॒ శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥
తత్పురు॑షాయ వి॒ద్మహే॑ మహాదే॒వాయ॑ ధీమహి ।
తన్నో॑ రుద్రః ప్రచో॒దయా᳚త్ ॥
ఈశానః సర్వ॑విద్యా॒నా॒-మీశ్వరసర్వ॑ భూతా॒నాం॒
బ్రహ్మాధి॑పతి॒-ర్బ్రహ్మ॒ణోఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోమ్ ॥
నమో హిరణ్యబాహవే హిరణ్యవర్ణాయ హిరణ్యరూపాయ హిరణ్యపతయేఽంబికాపతయ ఉమాపతయే పశుపతయే॑ నమో॒ నమః ॥
ఋ॒తగ్ంఋ॒తగ్ం స॒త్యం ప॑రం బ్ర॒హ్మ॒ పు॒రుషం॑ కృష్ణ॒పింగ॑లమ్ ।
ఊ॒ర్ధ్వరే॑తం-విఀ ॑రూపా॒క్షం॒-విఀ॒శ్వరూ॑పాయ॒ వై నమో॒ నమః॑ ॥
సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ ।
పురు॑షో॒ వై రు॒ద్రస్సన్మ॒హో నమో॒ నమః॑ ।
విశ్వం॑ భూ॒తం భువ॑నం చి॒త్రం బ॑హు॒ధా జా॒తం జాయ॑మానం చ॒ యత్ ।
సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ ।
క-ద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే । వో॒చేమ॒ శంత॑మగ్ం హృ॒దే ।
సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ ।
మా నో॑ మ॒హాంత॑ము॒త మా నో॑ అర్భ॒కం మా న॒ ఉక్షం॑తము॒త మా న॑ ఉక్షి॒తమ్ ।
మా నో॑ వధీః పి॒తరం॒ మోత మా॒తరం॑ ప్రి॒యా మా న॑స్త॒నువో॑ రుద్ర రీరిషః ।
మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః ।
వీ॒రాన్మా నో॑ రుద్ర భామి॒తోఽవ॑ధీర్హ॒విష్మం॑తో॒ నమ॑సా విధేమ తే ।
త్ర్యం॑బకం-యఀజామహే సుగం॒ధిం పు॑ష్టి॒వర్ధ॑నమ్ ।
ఉ॒ర్వా॒రు॒కమి॑వ॒ బంధ॑నాన్మృ॒త్యోర్ము॑క్షీయ॒ మాఽమృతా᳚త్ ।
యే తే॑ స॒హస్ర॑మ॒యుతం॒ పాశా॒ మృత్యో॒ మర్త్యా॑య॒ హంత॑వే ।
తాన్ య॒జ్ఞస్య॑ మా॒యయా॒ సర్వా॒నవ॑ యజామహే ।
మృ॒త్యవే॒ స్వాహా॑ మృ॒త్యవే॒ స్వాహా᳚ ।
ప్రాణానాం గ్రంథిరసి రుద్రో మా॑ విశాం॒తకః ।
తేనాన్నేనా᳚ప్యాయ॒స్వ ॥
నమో రుద్రాయ విష్ణవే మృత్యు॑ర్మే పా॒హి ॥
త్వమ॑గ్నే ద్యుభి॒స్త్వ-మా॑శుశు॒క్షణి॒స్త్వ-మ॒ద్భ్యస్త్వ-మశ్మ॑న॒స్పరి॑ । త్వం-వఀనే᳚భ్య॒-స్త్వమోష॑ధీభ్య॒-స్త్వన్-నృ॒ణాన్ నృ॑పతే జాయసే॒ శుచిః॒ ॥
శి॒వేన॑ మే॒ సంతి॑ష్ఠస్వ-స్యో॒నేన॑ మే॒ సంతి॑ష్ఠస్వ సుభూ॒తేన॑ మే॒ సంతి॑ష్ఠస్వ య॒జ్ఞస్యద్భి॒ర్మను॒ సంతి॑ష్ఠస్వోప॑ తే యజ్ఞ॒ నమ॒ ఉప॑ తే॒ నమ॒ ఉప॑ తే॒ నమః॑ ॥
ఓం శాంతిః॒ శాంతిః॒ శాంతిః॑ ।
