අථ ශිවකචම්
අස්ය ශ්රී ශිවකවච ස්තෝත්ර මහාමංත්රස්ය ।
ඍෂභ-යෝගීශ්වර ඍෂිඃ ।
අනුෂ්ටුප් ඡංදඃ ।
ශ්රී-සාංබසදාශිවෝ දේවතා ।
ඕං බීජම් ।
නමඃ ශක්තිඃ ।
ශිවායේති කීලකම් ।
සාංබසදාශිවප්රීත්යර්ථේ ජපේ විනියෝගඃ ॥

කරන්යාසඃ
ඕං සදාශිවාය අංගුෂ්ඨාභ්යාං නමඃ ।
නං ගංගාධරාය තර්ජනීභ්යාං නමඃ ।
මං මෘත්යුංජයාය මධ්යමාභ්යාං නමඃ ।
ශිං ශූලපාණයේ අනාමිකාභ්යාං නමඃ ।
වාං පිනාකපාණයේ කනිෂ්ඨිකාභ්යාං නමඃ ।
යං උමාපතයේ කරතලකරපෘෂ්ඨාභ්යාං නමඃ ।

හෘදයාදි අංගන්යාසඃ
ඕං සදාශිවාය හෘදයාය නමඃ ।
නං ගංගාධරාය ශිරසේ ස්වාහා ।
මං මෘත්යුංජයාය ශිඛායෛ වෂට් ।
ශිං ශූලපාණයේ කවචාය හුම් ।
වාං පිනාකපාණයේ නේත්රත්රයාය වෞෂට් ।
යං උමාපතයේ අස්ත්රාය ඵට් ।
භූර්භුවස්සුවරෝමිති දිග්බංධඃ ॥

ධ්යානම්
වජ්රදංෂ්ට්රං ත්රිනයනං කාලකංඨ මරිංදමම් ।
සහස්රකර-මත්යුග්රං වංදේ ශංභුං උමාපතිම් ॥
රුද්රාක්ෂ-කංකණ-ලසත්කර-දංඩයුග්මඃ පාලාංතරා-ලසිත-භස්මධෘත-ත්රිපුංඩ්රඃ ।
පංචාක්ෂරං පරිපඨන් වරමංත්රරාජං ධ්යායන් සදා පශුපතිං ශරණං ව්රජේථාඃ ॥

අතඃ පරං සර්වපුරාණ-ගුහ්යං නිඃශේෂ-පාපෞඝහරං පවිත්රම් ।
ජයප්රදං සර්ව-විපත්ප්රමෝචනං වක්ෂ්යාමි ශෛවං කවචං හිතාය තේ ॥

පංචපූජා
ලං පෘථිව්යාත්මනේ ගංධං සමර්පයාමි ।
හං ආකාශාත්මනේ පුෂ්පෛඃ පූජයාමි ।
යං වාය්වාත්මනේ ධූපං ආඝ්රාපයාමි ।
රං අග්න්යාත්මනේ දීපං දර්ශයාමි ।
වං අමෘතාත්මනේ අමෘතං මහා-නෛවේද්යං නිවේදයාමි ।
සං සර්වාත්මනේ සර්වෝපචාර-පූජාං සමර්පයාමි ॥

මංත්රඃ

ඍෂභ උවාච ।
නමස්කෘත්ය මහාදේවං විශ්ව-ව්යාපින-මීශ්වරම් ।
වක්ෂ්යේ ශිවමයං වර්ම සර්වරක්ෂාකරං නෘණාම් ॥ 1 ॥

ශුචෞ දේශේ සමාසීනෝ යථාවත්කල්පිතාසනඃ ।
ජිතේංද්රියෝ ජිතප්රාණ-ශ්චිංතයේච්ඡිවමව්යයම් ॥ 2 ॥

හෘත්පුංඩරීකාංතරසන්නිවිෂ්ටං
ස්වතේජසා ව්යාප්ත-නභෝऽවකාශම් ।
අතීංද්රියං සූක්ෂ්මමනංතමාද්යං
ධ්යායේත්පරානංදමයං මහේශම් ॥ 3 ॥

ධ්යානාවධූතාඛිලකර්මබංධ-
-ශ්චිරං චිදානංදනිමග්නචේතාඃ ।
ෂඩක්ෂරන්යාසසමාහිතාත්මා
ශෛවේන කුර්යාත්කවචේන රක්ෂාම් ॥ 4 ॥

මාං පාතු දේවෝऽඛිලදේවතාත්මා
සංසාරකූපේ පතිතං ගභීරේ ।
තන්නාම දිව්යං වරමංත්රමූලං
ධුනෝතු මේ සර්වමඝං හෘදිස්ථම් ॥ 5 ॥

සර්වත්ර මාං රක්ෂතු විශ්වමූර්ති-
-ර්ජ්යෝති-ර්මයානංදඝනශ්චිදාත්මා ।
අණෝරණීයානුරුශක්තිරේකඃ
ස ඊශ්වරඃ පාතු භයාදශේෂාත් ॥ 6 ॥

යෝ භූස්වරූපේණ බිභර්ති විශ්වං
පායාත්ස භූමේර්ගිරිශෝऽෂ්ටමූර්තිඃ ।
යෝऽපාං ස්වරූපේණ නෘණාං කරෝති
සංජීවනං සෝऽවතු මාං ජලේභ්යඃ ॥ 7 ॥

කල්පාවසානේ භුවනානි දග්ධ්වා
සර්වාණි යෝ නෘත්යති භූරිලීලඃ ।
ස කාලරුද්රෝऽවතු මාං දවාග්නේ-
-ර්වාත්යාදිභීතේ-රඛිලාච්ච තාපාත් ॥ 8 ॥

ප්රදීප්ත-විද්යුත්කනකාවභාසෝ
විද්යාවරාභීති-කුඨාරපාණිඃ ।
චතුර්මුඛස්තත්පුරුෂස්ත්රිනේත්රඃ
ප්රාච්යාං ස්ථිතෝ රක්ෂතු මාමජස්රම් ॥ 9 ॥

කුඨාර ඛේටාංකුශපාශශූල
කපාලපාශාක්ෂ ගුණාංදධානඃ ।
චතුර්මුඛෝ නීල-රුචිස්ත්රිනේත්රඃ
පායාදඝෝරෝ දිශි දක්ෂිණස්යාම් ॥ 10 ॥

කුංදේංදු-ශංඛ-ස්ඵටිකාවභාසෝ
වේදාක්ෂමාලා-වරදාභයාංකඃ ।
ත්ර්යක්ෂශ්චතුර්වක්ත්ර උරුප්රභාවඃ
සද්යෝऽධිජාතෝऽවතු මාං ප්රතීච්යාම් ॥ 11 ॥

වරාක්ෂ-මාලාභයටංක-හස්තඃ
සරෝජ-කිංජල්කසමානවර්ණඃ ।
ත්රිලෝචන-ශ්චාරුචතුර්මුඛෝ මාං
පායාදුදීච්යාං දිශි වාමදේවඃ ॥ 12 ॥

වේදාභයේෂ්ටාංකුශටංකපාශ-
-කපාලඪක්කාක්ෂර-ශූලපාණිඃ ।
සිතද්යුතිඃ පංචමුඛෝऽවතාන්මා-
-මීශාන ඌර්ධ්වං පරමප්රකාශඃ ॥ 13 ॥

මූර්ධානමව්යාන්මම චංද්රමෞළිඃ
ඵාලං මමාව්යාදථ ඵාලනේත්රඃ ।
නේත්රේ මමාව්යාද්භගනේත්රහාරී
නාසාං සදා රක්ෂතු විශ්වනාථඃ ॥ 14 ॥

පායාච්ඡ්රුතී මේ ශ්රුතිගීතකීර්තිඃ
කපෝලමව්යාත්සතතං කපාලී ।
වක්ත්රං සදා රක්ෂතු පංචවක්ත්රෝ
ජිහ්වාං සදා රක්ෂතු වේදජිහ්වඃ ॥ 15 ॥

කංඨං ගිරීශෝऽවතු නීලකංඨඃ
පාණිද්වයං පාතු පිනාකපාණිඃ ।
දෝර්මූලමව්යාන්මම ධර්මබාහුඃ
වක්ෂඃස්ථලං දක්ෂමඛාංතකෝऽව්යාත් ॥ 16 ॥

මමෝදරං පාතු ගිරීංද්රධන්වා
මධ්යං මමාව්යාන්මදනාංතකාරී ।
හේරංබතාතෝ මම පාතු නාභිං
පායාත්කටිං ධූර්ජටිරීශ්වරෝ මේ ॥ 17 ॥
[ස්මරාරි-රව්යාන්මම ගුහ්යදේශම්
පෘෂ්ටං සදා රක්ෂතු පාර්වතීශඃ ।]

ඌරුද්වයං පාතු කුබේරමිත්රෝ
ජානුද්වයං මේ ජගදීශ්වරෝऽව්යාත් ।
ජංඝායුගං පුංගවකේතුරව්යා-
-ත්පාදෞ මමාව්යාත්සුරවංද්යපාදඃ ॥ 18 ॥

මහේශ්වරඃ පාතු දිනාදියාමේ
මාං මධ්යයාමේऽවතු වාමදේවඃ ।
ත්රිලෝචනඃ පාතු තෘතීයයාමේ
වෘෂධ්වජඃ පාතු දිනාංත්යයාමේ ॥ 19 ॥

පායාන්නිශාදෞ ශශිශේඛරෝ මාං
ගංගාධරෝ රක්ෂතු මාං නිශීථේ ।
ගෞරීපතිඃ පාතු නිශාවසානේ
මෘත්යුංජයෝ රක්ෂතු සර්වකාලම් ॥ 20 ॥

අංතඃස්ථිතං රක්ෂතු ශංකරෝ මාං
ස්ථාණුඃ සදා පාතු බහිඃස්ථිතං මාම් ।
තදංතරේ පාතු පතිඃ පශූනාං
සදාශිවෝ රක්ෂතු මාං සමංතාත් ॥ 21 ॥

තිෂ්ඨංත-මව්යාද්භුවනෛකනාථඃ
පායාද්ව්රජංතං ප්රමථාධිනාථඃ ।
වේදාංතවේද්යෝऽවතු මාං නිෂණ්ණං
මාමව්යයඃ පාතු ශිවඃ ශයානම් ॥ 22 ॥

මාර්ගේෂු මාං රක්ෂතු නීලකංඨඃ
ශෛලාදි-දුර්ගේෂු පුරත්රයාරිඃ ।
අරණ්යවාසාදි-මහාප්රවාසේ
පායාන්මෘගව්යාධ උදාරශක්තිඃ ॥ 23 ॥

කල්පාංත-කාලෝග්ර-පටුප්රකෝපඃ [කටෝප]
ස්ඵුටාට්ට-හාසෝච්චලිතාංඩ-කෝශඃ ।
ඝෝරාරි-සේනාර්ණවදුර්නිවාර-
-මහාභයාද්රක්ෂතු වීරභද්රඃ ॥ 24 ॥

පත්ත්යශ්වමාතංග-රථාවරූධිනී- [ඝටාවරූථ]
-සහස්ර-ලක්ෂායුත-කෝටිභීෂණම් ।
අක්ෂෞහිණීනාං ශතමාතතායිනාං
ඡිංද්යාන්මෘඩෝ ඝෝරකුඨාරධාරයා ॥ 25 ॥

නිහංතු දස්යූන්ප්රළයානලාර්චි-
-ර්ජ්වලත්ත්රිශූලං ත්රිපුරාංතකස්ය ।
ශාර්දූල-සිංහර්ක්ෂවෘකාදි-හිංස්රාන්
සංත්රාසයත්වීශ-ධනුඃ පිනාකඃ ॥ 26 ॥

දුස්ස්වප්න දුශ්ශකුන දුර්ගති දෞර්මනස්ය
දුර්භික්ෂ දුර්ව්යසන දුස්සහ දුර්යශාංසි ।
උත්පාත-තාප-විෂභීති-මසද්ග්රහාර්තිං
ව්යාධීංශ්ච නාශයතු මේ ජගතාමධීශඃ ॥ 27 ॥

ඕං නමෝ භගවතේ සදාශිවාය
සකල-තත්ත්වාත්මකාය
සර්ව-මංත්ර-ස්වරූපාය
සර්ව-යංත්රාධිෂ්ඨිතාය
සර්ව-තංත්ර-ස්වරූපාය
සර්ව-තත්ත්ව-විදූරාය
බ්රහ්ම-රුද්රාවතාරිණේ-නීලකංඨාය
පාර්වතී-මනෝහරප්රියාය
සෝම-සූර්යාග්නි-ලෝචනාය
භස්මෝද්ධූළිත-විග්රහාය
මහාමණි-මුකුට-ධාරණාය
මාණික්ය-භූෂණාය
සෘෂ්ටිස්ථිති-ප්රළයකාල-රෞද්රාවතාරාය
දක්ෂාධ්වර-ධ්වංසකාය
මහාකාල-භේදනාය
මූලධාරෛක-නිලයාය
තත්වාතීතාය
ගංගාධරාය
සර්ව-දේවාදි-දේවාය
ෂඩාශ්රයාය
වේදාංත-සාරාය
ත්රිවර්ග-සාධනාය
අනංතකෝටි-බ්රහ්මාංඩ-නායකාය
අනංත-වාසුකි-තක්ෂක-කර්කෝටක-ශංඛ-කුලික-පද්ම-මහාපද්මේති-අෂ්ට-මහා-නාග-කුලභූෂණාය
ප්රණවස්වරූපාය
චිදාකාශාය
ආකාශ-දික්-ස්වරූපාය
ග්රහ-නක්ෂත්ර-මාලිනේ
සකලාය
කළංක-රහිතාය
සකල-ලෝකෛක-කර්ත්රේ
සකල-ලෝකෛක-භර්ත්රේ
සකල-ලෝකෛක-සංහර්ත්රේ
සකල-ලෝකෛක-ගුරවේ
සකල-ලෝකෛක-සාක්ෂිණේ
සකල-නිගමගුහ්යාය
සකල-වේදාංත-පාරගාය
සකල-ලෝකෛක-වරප්රදාය
සකල-ලෝකෛක-ශංකරාය
සකල-දුරිතාර්ති-භංජනාය
සකල-ජගදභයංකරාය
ශශාංක-ශේඛරාය
ශාශ්වත-නිජාවාසාය
නිරාකාරාය
නිරාභාසාය
නිරාමයාය
නිර්මලාය
නිර්ලෝභාය
නිර්මදාය
නිශ්චිංතාය
නිරහංකාරාය
නිරංකුශාය
නිෂ්කළංකාය
නිර්ගුණාය
නිෂ්කාමාය
නිරූපප්ලවාය
නිරවධ්යාය
නිරංතරාය
නිරුපද්රවාය
නිරවද්යාය
නිරංතරාය
නිෂ්කාරණාය
නිරාතංකාය
නිෂ්ප්රපංචාය
නිස්සංගාය
නිර්ද්වංද්වාය
නිරාධාරාය
නීරාගාය
නිශ්ක්රෝධය
නිර්ලෝභය
නිෂ්පාපාය
නිර්විකල්පාය
නිර්භේදාය
නිෂ්ක්රියාය
නිස්තුලාය
නිශ්ශංශයාය
නිරංජනාය
නිරුපම-විභවාය
නිත්ය-ශුද්ධ-බුද්ධ-මුක්ත-පරිපූර්ණ-සච්චිදානංදාද්වයාය
පරම-ශාංත-ස්වරූපාය
පරම-ශාංත-ප්රකාශාය
තේජෝරූපාය
තේජෝමයාය
තේජෝऽධිපතයේ
ජය ජය රුද්ර මහාරුද්ර
මහා-රෞද්ර
භද්රාවතාර
මහා-භෛරව
කාල-භෛරව
කල්පාංත-භෛරව
කපාල-මාලාධර
ඛට්වාංග-චර්ම-ඛඩ්ග-ධර
පාශාංකුශ-ඩමරූශූල-චාප-බාණ-ගදා-ශක්ති-භිංදි-
පාල-තෝමර-මුසල-භුශුංඩී-මුද්ගර-පාශ-පරිඝ-ශතඝ්නී-චක්රාද්යායුධ-භීෂණාකාර
සහස්ර-මුඛ
දංෂ්ට්රාකරාල-වදන
විකටාට්ටහාස
විස්ඵාතිත-බ්රහ්මාංඩ-මංඩල-නාගේංද්රකුංඩල
නාගේංද්රහාර
නාගේංද්රවලය
නාගේංද්රචර්මධර
නාගේංද්රනිකේතන
මෘත්යුංජය
ත්ර්යංබක
ත්රිපුරාංතක
විශ්වරූප
විරූපාක්ෂ
විශ්වේශ්වර
වෘෂභවාහන
විෂවිභූෂණ
විශ්වතෝමුඛ
සර්වතෝමුඛ
මාං රක්ෂ රක්ෂ
ජ්වල ජ්වල
ප්රජ්වල ප්රජ්වල
මහාමෘත්යුභයං ශමය ශමය
අපමෘත්යුභයං නාශය නාශය
රෝගභයං උත්සාදය උත්සාදය
විෂසර්පභයං ශමය ශමය
චෝරාන් මාරය මාරය
මම ශත්රූන් උච්චාටය උච්චාටය
ත්රිශූලේන විදාරය විදාරය
කුඨාරේණ භිංධි භිංධි
ඛඩ්ගේන ඡිංද්දි ඡිංද්දි
ඛට්වාංගේන විපෝධය විපෝධය
මම පාපං ශෝධය ශෝධය
මුසලේන නිෂ්පේෂය නිෂ්පේෂය
බාණෛඃ සංතාඩය සංතාඩය
යක්ෂ රක්ෂාංසි භීෂය භීෂය
අශේෂ භූතාන් විද්රාවය විද්රාවය
කූෂ්මාංඩ-භූත-බේතාළ-මාරීගණ-බ්රහ්මරාක්ෂස-ගණාන් සංත්රාසය සංත්රාසය
මම අභයං කුරු කුරු
[මම පාපං ශෝධය ශෝධය]
නරක-මහාභයාන් මාං උද්ධර උද්ධර
විත්රස්තං මාං ආශ්වාසය ආශ්වාසය
අමෘත-කටාක්ෂ-වීක්ෂණේන මාං ආලෝකය ආලෝකය
සංජීවය සංජීවය
ක්ෂුත්තෘෂ්ණාර්තං මාං ආප්යායය ආප්යායය
දුඃඛාතුරං මාං ආනංදය ආනංදය
ශිවකවචේන මාං ආච්ඡාදය ආච්ඡාදය
හර හර
හර හර
මෘත්යුංජය
ත්ර්යංබක
සදාශිව
පරමශිව
නමස්තේ නමස්තේ නමස්තේ නමඃ ॥

පූර්වවත් - හෘදයාදි න්යාසඃ ।
පංචපූජා ॥
භූර්භුවස්සුවරෝමිති දිග්විමෝකඃ ॥

ඵලශ්රුතිඃ

ඍෂභ උවාච ।
ඉත්යේතත්කවචං ශෛවං වරදං ව්යාහෘතං මයා ।
සර්ව-බාධා-ප්රශමනං රහස්යං සර්වදේහිනාම් ॥ 1 ॥

යඃ සදා ධාරයේන්මර්ත්යඃ ශෛවං කවචමුත්තමම් ।
න තස්ය ජායතේ ක්වාපි භයං ශංභෝරනුග්රහාත් ॥ 2 ॥

ක්ෂීණායු-ර්මෘත්යුමාපන්නෝ මහාරෝගහතෝऽපි වා ।
සද්යඃ සුඛමවාප්නෝති දීර්ඝමායුශ්ච විංදති ॥ 3 ॥

සර්වදාරිද්ර්යශමනං සෞමාංගල්ය-විවර්ධනම් ।
යෝ ධත්තේ කවචං ශෛවං ස දේවෛරපි පූජ්යතේ ॥ 4 ॥

මහාපාතක-සංඝාතෛර්මුච්යතේ චෝපපාතකෛඃ ।
දේහාංතේ ශිවමාප්නෝති ශිව-වර්මානුභාවතඃ ॥ 5 ॥

ත්වමපි ශ්රද්ධයා වත්ස ශෛවං කවචමුත්තමම් ।
ධාරයස්ව මයා දත්තං සද්යඃ ශ්රේයෝ හ්යවාප්ස්යසි ॥ 6 ॥

සූත උවාච ।
ඉත්යුක්ත්වා ඍෂභෝ යෝගී තස්මෛ පාර්ථිව-සූනවේ ।
දදෞ ශංඛං මහාරාවං ඛඩ්ගං චාරිනිෂූදනම් ॥ 7 ॥

පුනශ්ච භස්ම සංමංත්ර්ය තදංගං සර්වතෝऽස්පෘශත් ।
ගජානාං ෂට්සහස්රස්ය ද්විගුණං ච බලං දදෞ ॥ 8 ॥

භස්මප්රභාවාත්සංප්රාප්ය බලෛශ්වර්යධෘතිස්මෘතිඃ ।
ස රාජපුත්රඃ ශුශුභේ ශරදර්ක ඉව ශ්රියා ॥ 9 ॥

තමාහ ප්රාංජලිං භූයඃ ස යෝගී රාජනංදනම් ।
ඒෂ ඛඩ්ගෝ මයා දත්තස්තපෝමංත්රානුභාවතඃ ॥ 10 ॥

ශිතධාරමිමං ඛඩ්ගං යස්මෛ දර්ශයසි ස්ඵුටම් ।
ස සද්යෝ ම්රියතේ ශත්රුඃ සාක්ෂාන්මෘත්යුරපි ස්වයම් ॥ 11 ॥

අස්ය ශංඛස්ය නිහ්රාදං යේ ශෘණ්වංති තවාහිතාඃ ।
තේ මූර්ඡිතාඃ පතිෂ්යංති න්යස්තශස්ත්රා විචේතනාඃ ॥ 12 ॥

ඛඩ්ගශංඛාවිමෞ දිව්යෞ පරසෛන්යවිනාශිනෞ ।
ආත්මසෛන්යස්වපක්ෂාණාං ශෞර්යතේජෝවිවර්ධනෞ ॥ 13 ॥

ඒතයෝශ්ච ප්රභාවේන ශෛවේන කවචේන ච ।
ද්විෂට්සහස්රනාගානාං බලේන මහතාපි ච ॥ 14 ॥

භස්මධාරණසාමර්ථ්යාච්ඡත්රුසෛන්යං විජේෂ්යසි ।
ප්රාප්ය සිංහාසනං පෛත්ර්යං ගෝප්තාසි පෘථිවීමිමාම් ॥ 15 ॥

ඉති භද්රායුෂං සම්යගනුශාස්ය සමාතෘකම් ।
තාභ්යාං සංපූජිතඃ සෝऽථ යෝගී ස්වෛරගතිර්යයෞ ॥ 16 ॥

ඉති ශ්රීස්කාංදමහාපුරාණේ බ්රහ්මෝත්තරඛංඩේ ශිවකවච ප්රභාව වර්ණනං නාම ද්වාදශෝऽධ්යායඃ සංපූර්ණඃ ॥