ධ්යානම් ।
ශ්රීමච්චංදනචර්චිතෝජ්ජ්වලවපුඃ ශුක්ලාංබරා මල්ලිකා-
මාලාලාලිත කුංතලා ප්රවිලසන්මුක්තාවලීශෝභනා ।
සර්වජ්ඤානනිධානපුස්තකධරා රුද්රාක්ෂමාලාංකිතා
වාග්දේවී වදනාංබුජේ වසතු මේ ත්රෛලෝක්යමාතා ශුභා ॥

ශ්රී නාරද උවාච –
භගවන්පරමේශාන සර්වලෝකෛකනායක ।
කථං සරස්වතී සාක්ෂාත්ප්රසන්නා පරමේෂ්ඨිනඃ ॥ 2 ॥

කථං දේව්යා මහාවාණ්යාස්සතත්ප්රාප සුදුර්ලභම් ।
ඒතන්මේ වද තත්ත්වේන මහායෝගීශ්වර ප්රභෝ ॥ 3 ॥

ශ්රී සනත්කුමාර උවාච –
සාධු පෘෂ්ටං ත්වයා බ්රහ්මන් ගුහ්යාද්ගුහ්යමනුත්තමම් ।
මයානුගෝපිතං යත්නාදිදානීං සත්ප්රකාශ්යතේ ॥ 4 ॥

පුරා පිතාමහං දෘෂ්ට්වා ජගත්ස්ථාවරජංගමම් ।
නිර්විකාරං නිරාභාසං ස්තංභීභූතමචේතසම් ॥ 5 ॥

සෘෂ්ට්වා ත්රෛලෝක්යමඛිලං වාගභාවාත්තථාවිධම් ।
ආධික්යාභාවතඃ ස්වස්ය පරමේෂ්ඨී ජගද්ගුරුඃ ॥ 6 ॥

දිව්යවර්ෂායුතං තේන තපෝ දුෂ්කරමුත්තමම් ।
තතඃ කදාචිත්සංජාතා වාණී සර්වාර්ථශෝභිතා ॥ 7 ॥

අහමස්මි මහාවිද්යා සර්වවාචාමධීශ්වරී ।
මම නාම්නාං සහස්රං තු උපදේක්ෂ්යාම්යනුත්තමම් ॥ 8 ॥

අනේන සංස්තුතා නිත්යං පත්නී තව භවාම්යහම් ।
ත්වයා සෘෂ්ටං ජගත්සර්වං වාණීයුක්තං භවිෂ්යති ॥ 9 ॥

ඉදං රහස්යං පරමං මම නාමසහස්රකම් ।
සර්වපාපෞඝශමනං මහාසාරස්වතප්රදම් ॥ 10 ॥

මහාකවිත්වදං ලෝකේ වාගීශත්වප්රදායකම් ।
ත්වං වා පරඃ පුමාන්යස්තු ස්තවේනාऽනේන තෝෂයේත් ॥ 11 ॥

තස්යාහං කිංකරී සාක්ෂාද්භවිෂ්යාමි න සංශයඃ ।
ඉත්යුක්ත්වාංතර්දධේ වාණී තදාරභ්ය පිතාමහඃ ॥ 12 ॥

ස්තුත්වා ස්තෝත්රේණ දිව්යේන තත්පතිත්වමවාප්තවාන් ।
වාණීයුක්තං ජගත්සර්වං තදාරභ්යාऽභවන්මුනේ ॥ 13 ॥

තත්තේහං සංප්රවක්ෂ්යාමි ශෘණු යත්නේන නාරද ।
සාවධානමනා භූත්වා ක්ෂණං ශුද්ධෝ මුනීශ්වරඃ ॥ 14 ॥

[ ඓං වද වද වාග්වාදිනී ස්වාහා ]

වාග්වාණී වරදා වංද්යා වරාරෝහා වරප්රදා ।
වෘත්තිර්වාගීශ්වරී වාර්තා වරා වාගීශවල්ලභා ॥ 1 ॥

විශ්වේශ්වරී විශ්වවංද්යා විශ්වේශප්රියකාරිණී ।
වාග්වාදිනී ච වාග්දේවී වෘද්ධිදා වෘද්ධිකාරිණී ॥ 2 ॥

වෘද්ධිර්වෘද්ධා විෂඝ්නී ච වෘෂ්ටිර්වෘෂ්ටිප්රදායිනී ।
විශ්වාරාධ්යා විශ්වමාතා විශ්වධාත්රී විනායකා ॥ 3 ॥

විශ්වශක්තිර්විශ්වසාරා විශ්වා විශ්වවිභාවරී ।
වේදාංතවේදිනී වේද්යා විත්තා වේදත්රයාත්මිකා ॥ 4 ॥

වේදජ්ඤා වේදජනනී විශ්වා විශ්වවිභාවරී ।
වරේණ්යා වාඞ්මයී වෘද්ධා විශිෂ්ටප්රියකාරිණී ॥ 5 ॥

විශ්වතෝවදනා ව්යාප්තා ව්යාපිනී ව්යාපකාත්මිකා ।
ව්යාළඝ්නී ව්යාළභූෂාංගී විරජා වේදනායිකා ॥ 6 ॥

වේදවේදාංතසංවේද්යා වේදාංතජ්ඤානරූපිණී ।
විභාවරී ච වික්රාංතා විශ්වාමිත්රා විධිප්රියා ॥ 7 ॥

වරිෂ්ඨා විප්රකෘෂ්ටා ච විප්රවර්යප්රපූජිතා ।
වේදරූපා වේදමයී වේදමූර්තිශ්ච වල්ලභා ॥ 8 ॥

[ ඕං හ්රීං ගුරුරූපේ මාං ගෘහ්ණ ගෘහ්ණ ඓං වද වද වාග්වාදිනී ස්වාහා ]

ගෞරී ගුණවතී ගෝප්යා ගංධර්වනගරප්රියා ।
ගුණමාතා ගුණාංතස්ථා ගුරුරූපා ගුරුප්රියා ॥ 9 ॥ [ ගුහාංතස්ථා ]

ගුරුවිද්යා ගානතුෂ්ටා ගායකප්රියකාරිණී । [ ගිරිවිද්යා ]
ගායත්රී ගිරීශාරාධ්යා ගීර්ගිරීශප්රියංකරී ॥ 10 ॥

ගිරිජ්ඤා ජ්ඤානවිද්යා ච ගිරිරූපා ගිරීශ්වරී ।
ගීර්මාතා ගණසංස්තුත්යා ගණනීයගුණාන්විතා ॥ 11 ॥

ගූඪරූපා ගුහා ගෝප්යා ගෝරූපා ගෞර්ගුණාත්මිකා ।
ගුර්වී ගුර්වංබිකා ගුහ්යා ගේයජා ගෘහනාශිනී ॥ 12 ॥

ගෘහිණී ගෘහදෝෂඝ්නී ගවඝ්නී ගුරුවත්සලා ।
ගෘහාත්මිකා ගෘහාරාධ්යා ගෘහබාධාවිනාශිනී ॥ 13 ॥

ගංගා ගිරිසුතා ගම්යා ගජයානා ගුහස්තුතා ।
ගරුඩාසනසංසේව්යා ගෝමතී ගුණශාලිනී ॥ 14 ॥

[ ඕං ඓං නමඃ ශාරදේ ශ්රීං ශුද්ධේ නමඃ ශාරදේ වං ඓං වද වද වාග්වාදිනී ස්වාහා ]

ශාරදා ශාශ්වතී ශෛවී ශාංකරී ශංකරාත්මිකා ।
ශ්රීශ්ශර්වාණී ශතඝ්නී ච ශරච්චංද්රනිභානනා ॥ 15 ॥

ශර්මිෂ්ඨා ශමනඝ්නී ච ශතසාහස්රරූපිණී ।
ශිවා ශංභුප්රියා ශ්රද්ධා ශ්රුතිරූපා ශ්රුතිප්රියා ॥ 16 ॥

ශුචිෂ්මතී ශර්මකරී ශුද්ධිදා ශුද්ධිරූපිණී ।
ශිවා ශිවංකරී ශුද්ධා ශිවාරාධ්යා ශිවාත්මිකා ॥ 17 ॥

ශ්රීමතී ශ්රීමයී ශ්රාව්යා ශ්රුතිඃ ශ්රවණගෝචරා ।
ශාංතිශ්ශාංතිකරී ශාංතා ශාංතාචාරප්රියංකරී ॥ 18 ॥

ශීලලභ්යා ශීලවතී ශ්රීමාතා ශුභකාරිණී ।
ශුභවාණී ශුද්ධවිද්යා ශුද්ධචිත්තප්රපූජිතා ॥ 19 ॥

ශ්රීකරී ශ්රුතපාපඝ්නී ශුභාක්ෂී ශුචිවල්ලභා ।
ශිවේතරඝ්නී ශබරී ශ්රවණීයගුණාන්විතා ॥ 20 ॥ [ශර්වරී]

ශාරී ශිරීෂපුෂ්පාභා ශමනිෂ්ඨා ශමාත්මිකා ।
ශමාන්විතා ශමාරාධ්යා ශිතිකංඨප්රපූජිතා ॥ 21 ॥

ශුද්ධිඃ ශුද්ධිකරී ශ්රේෂ්ඨා ශ්රුතානංතා ශුභාවහා ।
සරස්වතී ච සර්වජ්ඤා සර්වසිද්ධිප්රදායිනී ॥ 22 ॥

[ ඕං ඓං වද වද වාග්වාදිනී ස්වාහා ]

සරස්වතී ච සාවිත්රී සංධ්යා සර්වේප්සිතප්රදා ।
සර්වාර්තිඝ්නී සර්වමයී සර්වවිද්යාප්රදායිනී ॥ 23 ॥

සර්වේශ්වරී සර්වපුණ්යා සර්ගස්ථිත්යංතකාරිණී ।
සර්වාරාධ්යා සර්වමාතා සර්වදේවනිෂේවිතා ॥ 24 ॥

සර්වෛශ්වර්යප්රදා සත්යා සතී සත්වගුණාශ්රයා ।
සර්වක්රමපදාකාරා සර්වදෝෂනිෂූදිනී ॥ 25 ॥ [ ස්වරක්රමපදාකාරා ]

සහස්රාක්ෂී සහස්රාස්යා සහස්රපදසංයුතා ।
සහස්රහස්තා සාහස්රගුණාලංකෘතවිග්රහා ॥ 26 ॥

සහස්රශීර්ෂා සද්රූපා ස්වධා ස්වාහා සුධාමයී ।
ෂඩ්ග්රංථිභේදිනී සේව්යා සර්වලෝකෛකපූජිතා ॥ 27 ॥

ස්තුත්යා ස්තුතිමයී සාධ්යා සවිතෘප්රියකාරිණී ।
සංශයච්ඡේදිනී සාංඛ්යවේද්යා සංඛ්යා සදීශ්වරී ॥ 28 ॥

සිද්ධිදා සිද්ධසංපූජ්යා සර්වසිද්ධිප්රදායිනී ।
සර්වජ්ඤා සර්වශක්තිශ්ච සර්වසංපත්ප්රදායිනී ॥ 29 ॥

සර්වාऽශුභඝ්නී සුඛදා සුඛසංවිත්ස්වරූපිණී ।
සර්වසංභාෂණී සර්වජගත්සම්මෝහිනී තථා ॥ 30 ॥ [ සර්වසංභීෂණී ]

සර්වප්රියංකරී සර්වශුභදා සර්වමංගළා ।
සර්වමංත්රමයී සර්වතීර්ථපුණ්යඵලප්රදා ॥ 31 ॥

සර්වපුණ්යමයී සර්වව්යාධිඝ්නී සර්වකාමදා ।
සර්වවිඝ්නහරී සර්වවංදිතා සර්වමංගළා ॥ 32 ॥

සර්වමංත්රකරී සර්වලක්ෂ්මීඃ සර්වගුණාන්විතා ।
සර්වානංදමයී සර්වජ්ඤානදා සත්යනායිකා ॥ 33 ॥

සර්වජ්ඤානමයී සර්වරාජ්යදා සර්වමුක්තිදා ।
සුප්රභා සර්වදා සර්වා සර්වලෝකවශංකරී ॥ 34 ॥

සුභගා සුංදරී සිද්ධා සිද්ධාංබා සිද්ධමාතෘකා ।
සිද්ධමාතා සිද්ධවිද්යා සිද්ධේශී සිද්ධරූපිණී ॥ 35 ॥

සුරූපිණී සුඛමයී සේවකප්රියකාරිණී ।
ස්වාමිනී සර්වදා සේව්යා ස්ථූලසූක්ෂ්මාපරාංබිකා ॥ 36 ॥

සාරරූපා සරෝරූපා සත්යභූතා සමාශ්රයා ।
සිතාऽසිතා සරෝජාක්ෂී සරෝජාසනවල්ලභා ॥ 37 ॥

සරෝරුහාභා සර්වාංගී සුරේංද්රාදිප්රපූජිතා ।

[ ඕං හ්රීං ඓං මහාසරස්වති සාරස්වතප්රදේ ඓං වද වද වාග්වාදිනී ස්වාහා ]

මහාදේවී මහේශානී මහාසාරස්වතප්රදා ॥ 38 ॥

මහාසරස්වතී මුක්තා මුක්තිදා මෝහනාශිනී । [ මලනාශිනී ]
මහේශ්වරී මහානංදා මහාමංත්රමයී මහී ॥ 39 ॥

මහාලක්ෂ්මීර්මහාවිද්යා මාතා මංදරවාසිනී ।
මංත්රගම්යා මංත්රමාතා මහාමංත්රඵලප්රදා ॥ 40 ॥

මහාමුක්තිර්මහානිත්යා මහාසිද්ධිප්රදායිනී ।
මහාසිද්ධා මහාමාතා මහදාකාරසංයුතා ॥ 41 ॥

මහී මහේශ්වරී මූර්තිර්මෝක්ෂදා මණිභූෂණා ।
මේනකා මානිනී මාන්යා මෘත්යුඝ්නී මේරුරූපිණී ॥ 42 ॥

මදිරාක්ෂී මදාවාසා මඛරූපා මඛේශ්වරී । [ මහේශ්වරී ]
මහාමෝහා මහාමායා මාතॄණාං මූර්ධ්නිසංස්ථිතා ॥ 43 ॥

මහාපුණ්යා මුදාවාසා මහාසංපත්ප්රදායිනී ।
මණිපූරෛකනිලයා මධුරූපා මදෝත්කටා ॥ 44 ॥ [ මහෝත්කටා ]

මහාසූක්ෂ්මා මහාශාංතා මහාශාංතිප්රදායිනී ।
මුනිස්තුතා මෝහහංත්රී මාධවී මාධවප්රියා ॥ 45 ॥

මා මහාදේවසංස්තුත්යා මහිෂීගණපූජිතා ।
මෘෂ්ටාන්නදා ච මාහේංද්රී මහේංද්රපදදායිනී ॥ 46 ॥

මතිර්මතිප්රදා මේධා මර්ත්යලෝකනිවාසිනී ।
මුඛ්යා මහානිවාසා ච මහාභාග්යජනාශ්රිතා ॥ 47 ॥

මහිළා මහිමා මෘත්යුහාරී මේධාප්රදායිනී ।
මේධ්යා මහාවේගවතී මහාමෝක්ෂඵලප්රදා ॥ 48 ॥

මහාප්රභාභා මහතී මහාදේවප්රියංකරී ।
මහාපෝෂා මහර්ථිශ්ච මුක්තාහාරවිභූෂණා ॥ 49 ॥ [ මහර්ද්ධිශ්ච ]

මාණික්යභූෂණා මංත්රා මුඛ්යචංද්රාර්ධශේඛරා ।
මනෝරූපා මනශ්ශුද්ධිඃ මනශ්ශුද්ධිප්රදායිනී ॥ 50 ॥

මහාකාරුණ්යසංපූර්ණා මනෝනමනවංදිතා ।
මහාපාතකජාලඝ්නී මුක්තිදා මුක්තභූෂණා ॥ 51 ॥

මනෝන්මනී මහාස්ථූලා මහාක්රතුඵලප්රදා ।
මහාපුණ්යඵලප්රාප්යා මායාත්රිපුරනාශිනී ॥ 52 ॥

මහානසා මහාමේධා මහාමෝදා මහේශ්වරී ।
මාලාධරී මහෝපායා මහාතීර්ථඵලප්රදා ॥ 53 ॥

මහාමංගළසංපූර්ණා මහාදාරිද්ර්යනාශිනී ।
මහාමඛා මහාමේඝා මහාකාළී මහාප්රියා ॥ 54 ॥

මහාභූෂා මහාදේහා මහාරාජ්ඤී මුදාලයා ।

[ ඕං හ්රීං ඓං නමෝ භගවති ඓං වද වද වාග්වාදිනී ස්වාහා ]

භූරිදා භාග්යදා භෝග්යා භෝග්යදා භෝගදායිනී ॥ 55 ॥

භවානී භූතිදා භූතිඃ භූමිර්භූමිසුනායිකා ।
භූතධාත්රී භයහරී භක්තසාරස්වතප්රදා ॥ 56 ॥

භුක්තිර්භුක්තිප්රදා භෝක්ත්රී භක්තිර්භක්තිප්රදායිනී । [භේකී]
භක්තසායුජ්යදා භක්තස්වර්ගදා භක්තරාජ්යදා ॥ 57 ॥

භාගීරථී භවාරාධ්යා භාග්යාසජ්ජනපූජිතා ।
භවස්තුත්යා භානුමතී භවසාගරතාරිණී ॥ 58 ॥

භූතිර්භූෂා ච භූතේශී භාලලෝචනපූජිතා । [ ඵාලලෝචනපූජිතා ]
භූතා භව්යා භවිෂ්යා ච භවවිද්යා භවාත්මිකා ॥ 59 ॥

බාධාපහාරිණී බංධුරූපා භුවනපූජිතා ।
භවඝ්නී භක්තිලභ්යා ච භක්තරක්ෂණතත්පරා ॥ 60 ॥

භක්තාර්තිශමනී භාග්යා භෝගදානකෘතෝද්යමා ।
භුජංගභූෂණා භීමා භීමාක්ෂී භීමරූපිණී ॥ 61 ॥

භාවිනී භ්රාතෘරූපා ච භාරතී භවනායිකා ।
භාෂා භාෂාවතී භීෂ්මා භෛරවී භෛරවප්රියා ॥ 62 ॥

භූතිර්භාසිතසර්වාංගී භූතිදා භූතිනායිකා ।
භාස්වතී භගමාලා ච භික්ෂාදානකෘතෝද්යමා ॥ 63 ॥

භික්ෂුරූපා භක්තිකරී භක්තලක්ෂ්මීප්රදායිනී ।
භ්රාංතිඝ්නා භ්රාංතිරූපා ච භූතිදා භූතිකාරිණී ॥ 64 ॥

භික්ෂණීයා භික්ෂුමාතා භාග්යවද්දෘෂ්ටිගෝචරා ।
භෝගවතී භෝගරූපා භෝගමෝක්ෂඵලප්රදා ॥ 65 ॥

භෝගශ්රාංතා භාග්යවතී භක්තාඝෞඝවිනාශිනී ।

[ ඕං ඓං ක්ලීං සෞඃ බාලේ බ්රාහ්මී බ්රහ්මපත්නී ඓං වද වද වාග්වාදිනී ස්වාහා ]

බ්රාහ්මී බ්රහ්මස්වරූපා ච බෘහතී බ්රහ්මවල්ලභා ॥ 66 ॥

බ්රහ්මදා බ්රහ්මමාතා ච බ්රහ්මාණී බ්රහ්මදායිනී ।
බ්රහ්මේශී බ්රහ්මසංස්තුත්යා බ්රහ්මවේද්යා බුධප්රියා ॥ 67 ॥

බාලේංදුශේඛරා බාලා බලිපූජාකරප්රියා ।
බලදා බිංදුරූපා ච බාලසූර්යසමප්රභා ॥ 68 ॥

බ්රහ්මරූපා බ්රහ්මමයී බ්රධ්නමංඩලමධ්යගා ।
බ්රහ්මාණී බුද්ධිදා බුද්ධිර්බුද්ධිරූපා බුධේශ්වරී ॥ 69 ॥

බංධක්ෂයකරී බාධානාශිනී බංධුරූපිණී ।
බිංද්වාලයා බිංදුභූෂා බිංදුනාදසමන්විතා ॥ 70 ॥

බීජරූපා බීජමාතා බ්රහ්මණ්යා බ්රහ්මකාරිණී ।
බහුරූපා බලවතී බ්රහ්මජ්ඤා බ්රහ්මචාරිණී ॥ 71 ॥ [බ්රහ්මජා]

බ්රහ්මස්තුත්යා බ්රහ්මවිද්යා බ්රහ්මාංඩාධිපවල්ලභා ।
බ්රහ්මේශවිෂ්ණුරූපා ච බ්රහ්මවිෂ්ණ්වීශසංස්ථිතා ॥ 72 ॥

බුද්ධිරූපා බුධේශානී බංධී බංධවිමෝචනී ।

[ ඕං හ්රීං ඓං අං ආං ඉං ඊං උං ඌං ඍං ॠං ~ලුං ~ලූං ඒං ඓං ඕං ඖං කං ඛං ගං ඝං ඞං චං ඡං ජං ඣං ඤං ටං ඨං ඩං ඪං ණං තං ථං දං ධං නං පං ඵං බං භං මං යං රං ලං වං ශං ෂං සං හං ළං ක්ෂං අක්ෂමාලේ අක්ෂරමාලිකා සමලංකෘතේ වද වද වාග්වාදිනී ස්වාහා ]

අක්ෂමාලාऽක්ෂරාකාරාऽක්ෂරාऽක්ෂරඵලප්රදා ॥ 73 ॥

අනංතාऽනංදසුඛදාऽනංතචංද්රනිභානනා ।
අනංතමහිමාऽඝෝරානංතගංභීරසම්මිතා ॥ 74 ॥

අදෘෂ්ටාऽදෘෂ්ටදාऽනංතාදෘෂ්ටභාග්යඵලප්රදා । [ දෘෂ්ටිදා ]
අරුංධත්යව්යයීනාථාऽනේකසද්ගුණසංයුතා ॥ 75 ॥

අනේකභූෂණාऽදෘශ්යාऽනේකලේඛනිෂේවිතා ।
අනංතාऽනංතසුඛදාऽඝෝරාऽඝෝරස්වරූපිණී ॥ 76 ॥

අශේෂදේවතාරූපාऽමෘතරූපාऽමෘතේශ්වරී ।
අනවද්යාऽනේකහස්තාऽනේකමාණික්යභූෂණා ॥ 77 ॥

අනේකවිඝ්නසංහර්ත්රී ත්වනේකාභරණාන්විතා ।
අවිද්යාජ්ඤානසංහර්ත්රී හ්යවිද්යාජාලනාශිනී ॥ 78 ॥

අභිරූපානවද්යාංගී හ්යප්රතර්ක්යගතිප්රදා ।
අකළංකරූපිණී ච හ්යනුග්රහපරායණා ॥ 79 ॥

අංබරස්ථාऽංබරමයාऽංබරමාලාऽංබුජේක්ෂණා ।
අංබිකාऽබ්ජකරාऽබ්ජස්ථාऽංශුමත්යऽංශුශතාන්විතා ॥ 80 ॥

අංබුජාऽනවරාऽඛංඩාऽංබුජාසනමහාප්රියා ।
අජරාऽමරසංසේව්යාऽජරසේවිතපද්යුගා ॥ 81 ॥

අතුලාර්ථප්රදාऽර්ථෛක්යාऽත්යුදාරාත්වභයාන්විතා ।
අනාථවත්සලාऽනංතප්රියාऽනංතේප්සිතප්රදා ॥ 82 ॥

අංබුජාක්ෂ්යංබුරූපාऽංබුජාතෝද්භවමහාප්රියා ।
අඛංඩා ත්වමරස්තුත්යාऽමරනායකපූජිතා ॥ 83 ॥

අජේයා ත්වජසංකාශාऽජ්ඤානනාශින්යභීෂ්ටදා ।
අක්තාඝනේන චාऽස්ත්රේශී හ්යලක්ෂ්මීනාශිනී තථා ॥ 84 ॥

අනංතසාරාऽනංතශ්රීරනංතවිධිපූජිතා ।
අභීෂ්ටාමර්ත්යසංපූජ්යා හ්යස්තෝදයවිවර්ජිතා ॥ 85 ॥

ආස්තිකස්වාංතනිලයාऽස්ත්රරූපාऽස්ත්රවතී තථා ।
අස්ඛලත්යස්ඛලද්රූපාऽස්ඛලද්විද්යාප්රදායිනී ॥ 86 ॥

අස්ඛලත්සිද්ධිදාऽऽනංදාऽංබුජාතාऽऽමරනායිකා ।
අමේයාऽශේෂපාපඝ්න්යක්ෂයසාරස්වතප්රදා ॥ 87 ॥

[ ඕං ජ්යාං හ්රීං ජය ජය ජගන්මාතඃ ඓං වද වද වාග්වාදිනී ස්වාහා ]

ජයා ජයංතී ජයදා ජන්මකර්මවිවර්ජිතා ।
ජගත්ප්රියා ජගන්මාතා ජගදීශ්වරවල්ලභා ॥ 88 ॥

ජාතිර්ජයා ජිතාමිත්රා ජප්යා ජපනකාරිණී ।
ජීවනී ජීවනිලයා ජීවාඛ්යා ජීවධාරිණී ॥ 89 ॥

ජාහ්නවී ජ්යා ජපවතී ජාතිරූපා ජයප්රදා ।
ජනාර්දනප්රියකරී ජෝෂනීයා ජගත්ස්ථිතා ॥ 90 ॥

ජගජ්ජ්යේෂ්ඨා ජගන්මායා ජීවනත්රාණකාරිණී ।
ජීවාතුලතිකා ජීවජන්මී ජන්මනිබර්හණී ॥ 91 ॥

ජාඩ්යවිධ්වංසනකරී ජගද්යෝනිර්ජයාත්මිකා ।
ජගදානංදජනනී ජංබූශ්ච ජලජේක්ෂණා ॥ 92 ॥

ජයංතී ජංගපූගඝ්නී ජනිතජ්ඤානවිග්රහා ।
ජටා ජටාවතී ජප්යා ජපකර්තෘප්රියංකරී ॥ 93 ॥

ජපකෘත්පාපසංහර්ත්රී ජපකෘත්ඵලදායිනී ।
ජපාපුෂ්පසමප්රඛ්යා ජපාකුසුමධාරිණී ॥ 94 ॥

ජනනී ජන්මරහිතා ජ්යෝතිර්වෘත්යභිදායිනී ।
ජටාජූටනචංද්රාර්ධා ජගත්සෘෂ්ටිකරී තථා ॥ 95 ॥

ජගත්ත්රාණකරී ජාඩ්යධ්වංසකර්ත්රී ජයේශ්වරී ।
ජගද්බීජා ජයාවාසා ජන්මභූර්ජන්මනාශිනී ॥ 96 ॥

ජන්මාංත්යරහිතා ජෛත්රී ජගද්යෝනිර්ජපාත්මිකා ।
ජයලක්ෂණසංපූර්ණා ජයදානකෘතෝද්යමා ॥ 97 ॥

ජංභරාද්යාදිසංස්තුත්යා ජංභාරිඵලදායිනී ।
ජගත්ත්රයහිතා ජ්යේෂ්ඨා ජගත්ත්රයවශංකරී ॥ 98 ॥

ජගත්ත්රයාංබා ජගතී ජ්වාලා ජ්වාලිතලෝචනා ।
ජ්වාලිනී ජ්වලනාභාසා ජ්වලංතී ජ්වලනාත්මිකා ॥ 99 ॥

ජිතාරාතිසුරස්තුත්යා ජිතක්රෝධා ජිතේංද්රියා ।
ජරාමරණශූන්යා ච ජනිත්රී ජන්මනාශිනී ॥ 100 ॥

ජලජාභා ජලමයී ජලජාසනවල්ලභා ।
ජලජස්ථා ජපාරාධ්යා ජනමංගළකාරිණී ॥ 101 ॥

[ ඓං ක්ලීං සෞඃ කල්යාණී කාමධාරිණී වද වද වාග්වාදිනී ස්වාහා ]

කාමිනී කාමරූපා ච කාම්යා කාම්යප්රදායිනී । [ කාමප්රදායිනී ]
කමෞළී කාමදා කර්ත්රී ක්රතුකර්මඵලප්රදා ॥ 102 ॥

කෘතඝ්නඝ්නී ක්රියාරූපා කාර්යකාරණරූපිණී ।
කංජාක්ෂී කරුණාරූපා කේවලාමරසේවිතා ॥ 103 ॥

කල්යාණකාරිණී කාංතා කාංතිදා කාංතිරූපිණී ।
කමලා කමලාවාසා කමලෝත්පලමාලිනී ॥ 104 ॥

කුමුද්වතී ච කල්යාණී කාංතිඃ කාමේශවල්ලභා । [ කාංතා ]
කාමේශ්වරී කමලිනී කාමදා කාමබංධිනී ॥ 105 ॥

කාමධේනුඃ කාංචනාක්ෂී කාංචනාභා කළානිධිඃ ।
ක්රියා කීර්තිකරී කීර්තිඃ ක්රතුශ්රේෂ්ඨා කෘතේශ්වරී ॥ 106 ॥

ක්රතුසර්වක්රියාස්තුත්යා ක්රතුකෘත්ප්රියකාරිණී ।
ක්ලේශනාශකරී කර්ත්රී කර්මදා කර්මබංධිනී ॥ 107 ॥

කර්මබංධහරී කෘෂ්ටා ක්ලමඝ්නී කංජලෝචනා ।
කංදර්පජනනී කාංතා කරුණා කරුණාවතී ॥ 108 ॥

ක්ලීංකාරිණී කෘපාකාරා කෘපාසිංධුඃ කෘපාවතී ।
කරුණාර්ද්රා කීර්තිකරී කල්මෂඝ්නී ක්රියාකරී ॥ 109 ॥

ක්රියාශක්තිඃ කාමරූපා කමලෝත්පලගංධිනී ।
කළා කළාවතී කූර්මී කූටස්ථා කංජසංස්ථිතා ॥ 110 ॥

කාළිකා කල්මෂඝ්නී ච කමනීයජටාන්විතා ।
කරපද්මා කරාභීෂ්ටප්රදා ක්රතුඵලප්රදා ॥ 111 ॥

කෞශිකී කෝශදා කාව්යා කර්ත්රී කෝශේශ්වරී කෘශා । [ කන්යා ]
කූර්මයානා කල්පලතා කාලකූටවිනාශිනී ॥ 112 ॥

කල්පෝද්යානවතී කල්පවනස්ථා කල්පකාරිණී ।
කදංබකුසුමාභාසා කදංබකුසුමප්රියා ॥ 113 ॥

කදංබෝද්යානමධ්යස්ථා කීර්තිදා කීර්තිභූෂණා ।
කුලමාතා කුලාවාසා කුලාචාරප්රියංකරී ॥ 114 ॥

කුලනාථා කාමකළා කළානාථා කළේශ්වරී ।
කුංදමංදාරපුෂ්පාභා කපර්දස්ථිතචංද්රිකා ॥ 115 ॥

කවිත්වදා කාම්යමාතා කවිමාතා කළාප්රදා । [කාව්යමාතා]

[ ඕං සෞඃ ක්ලීං ඓං තතෝ වද වද වාග්වාදිනී ස්වාහා ]

තරුණී තරුණීතාතා තාරාධිපසමානනා ॥ 116 ॥

තෘප්තිස්තෘප්තිප්රදා තර්ක්යා තපනී තාපිනී තථා ।
තර්පණී තීර්ථරූපා ච ත්රිපදා ත්රිදශේශ්වරී ॥ 117 ॥ [ ත්රිදශා ]

ත්රිදිවේශී ත්රිජනනී ත්රිමාතා ත්ර්යංබකේශ්වරී ।
ත්රිපුරා ත්රිපුරේශානී ත්ර්යංබකා ත්රිපුරාංබිකා ॥ 118 ॥

ත්රිපුරශ්රීස්ත්රයීරූපා ත්රයීවේද්යා ත්රයීශ්වරී ।
ත්රය්යංතවේදිනී තාම්රා තාපත්රිතයහාරිණී ॥ 119 ॥

තමාලසදෘශී ත්රාතා තරුණාදිත්යසන්නිභා ।
ත්රෛලෝක්යව්යාපිනී තෘප්තා තෘප්තිකෘත්තත්ත්වරූපිණී ॥ 120 ॥

තුර්යා ත්රෛලෝක්යසංස්තුත්යා ත්රිගුණා ත්රිගුණේශ්වරී ।
ත්රිපුරඝ්නී ත්රිමාතා ච ත්ර්යංබකා ත්රිගුණාන්විතා ॥ 121 ॥

තෘෂ්ණාච්ඡේදකරී තෘප්තා තීක්ෂ්ණා තීක්ෂ්ණස්වරූපිණී ।
තුලා තුලාදිරහිතා තත්තද්බ්රහ්මස්වරූපිණී ॥ 122 ॥

ත්රාණකර්ත්රී ත්රිපාපඝ්නී ත්රිදශා ත්රිදශාන්විතා ।
තථ්යා ත්රිශක්තිස්ත්රිපදා තුර්යා ත්රෛලෝක්යසුංදරී ॥ 123 ॥

තේජස්කරී ත්රිමූර්ත්යාද්යා තේජෝරූපා ත්රිධාමතා ।
ත්රිචක්රකර්ත්රී ත්රිභගා තුර්යාතීතඵලප්රදා ॥ 124 ॥

තේජස්විනී තාපහාරී තාපෝපප්ලවනාශිනී ।
තේජෝගර්භා තපස්සාරා ත්රිපුරාරිප්රියංකරී ॥ 125 ॥

තන්වී තාපසසංතුෂ්ටා තපනාංගජභීතිනුත් ।
ත්රිලෝචනා ත්රිමාර්ගා ච තෘතීයා ත්රිදශස්තුතා ॥ 126 ॥

ත්රිසුංදරී ත්රිපථගා තුරීයපදදායිනී ।

[ ඕං හ්රීං ශ්රීං ක්ලීං ඓං නමශ්ශුද්ධඵලදේ ඓං වද වද වාග්වාදිනී ස්වාහා ]

ශුභා ශුභාවතී ශාංතා ශාංතිදා ශුභදායිනී ॥ 127 ॥

ශීතලා ශූලිනී ශීතා ශ්රීමතී ච ශුභාන්විතා ।

[ ඕං ඓං යාං යීං යූං යෛං යෞං යඃ ඓං වද වද වාග්වාදිනී ස්වාහා ]

යෝගසිද්ධිප්රදා යෝග්යා යජ්ඤේනපරිපූරිතා ॥ 128 ॥

යජ්ඤා යජ්ඤමයී යක්ෂී යක්ෂිණී යක්ෂිවල්ලභා ।
යජ්ඤප්රියා යජ්ඤපූජ්යා යජ්ඤතුෂ්ටා යමස්තුතා ॥ 129 ॥

යාමිනීයප්රභා යාම්යා යජනීයා යශස්කරී ।
යජ්ඤකර්ත්රී යජ්ඤරූපා යශෝදා යජ්ඤසංස්තුතා ॥ 130 ॥

යජ්ඤේශී යජ්ඤඵලදා යෝගයෝනිර්යජුස්ස්තුතා ।
යමිසේව්යා යමාරාධ්යා යමිපූජ්යා යමීශ්වරී ॥ 131 ॥

යෝගිනී යෝගරූපා ච යෝගකර්තෘප්රියංකරී ।
යෝගයුක්තා යෝගමයී යෝගයෝගීශ්වරාංබිකා ॥ 132 ॥

යෝගජ්ඤානමයී යෝනිර්යමාද්යෂ්ටාංගයෝගතා ।
යංත්රිතාඝෞඝසංහාරා යමලෝකනිවාරිණී ॥ 133 ॥

යෂ්ටිව්යෂ්ටීශසංස්තුත්යා යමාද්යෂ්ටාංගයෝගයුක් ।
යෝගීශ්වරී යෝගමාතා යෝගසිද්ධා ච යෝගදා ॥ 134 ॥

යෝගාරූඪා යෝගමයී යෝගරූපා යවීයසී ।
යංත්රරූපා ච යංත්රස්ථා යංත්රපූජ්යා ච යංත්රිකා ॥ 135 ॥ [ යංත්රිතා ]

යුගකර්ත්රී යුගමයී යුගධර්මවිවර්ජිතා ।
යමුනා යාමිනී යාම්යා යමුනාජලමධ්යගා ॥ 136 ॥ [ යමිනී ]

යාතායාතප්රශමනී යාතනානාංනිකෘංතනී ।
යෝගාවාසා යෝගිවංද්යා යත්තච්ඡබ්දස්වරූපිණී ॥ 137 ॥

යෝගක්ෂේමමයී යංත්රා යාවදක්ෂරමාතෘකා ।
යාවත්පදමයී යාවච්ඡබ්දරූපා යථේශ්වරී ॥ 138 ॥

යත්තදීයා යක්ෂවංද්යා යද්විද්යා යතිසංස්තුතා ।
යාවද්විද්යාමයී යාවද්විද්යාබෘංදසුවංදිතා ॥ 139 ॥

යෝගිහෘත්පද්මනිලයා යෝගිවර්යප්රියංකරී ।
යෝගිවංද්යා යෝගිමාතා යෝගීශඵලදායිනී ॥ 140 ॥

යක්ෂවංද්යා යක්ෂපූජ්යා යක්ෂරාජසුපූජිතා ।
යජ්ඤරූපා යජ්ඤතුෂ්ටා යායජූකස්වරූපිණී ॥ 141 ॥

යංත්රාරාධ්යා යංත්රමධ්යා යංත්රකර්තෘප්රියංකරී ।
යංත්රාරූඪා යංත්රපූජ්යා යෝගිධ්යානපරායණා ॥ 142 ॥

යජනීයා යමස්තුත්යා යෝගයුක්තා යශස්කරී ।
යෝගබද්ධා යතිස්තුත්යා යෝගජ්ඤා යෝගනායකී ॥ 143 ॥

යෝගිජ්ඤානප්රදා යක්ෂී යමබාධාවිනාශිනී ।
යෝගිකාම්යප්රදාත්රී ච යෝගිමෝක්ෂප්රදායිනී ॥ 144 ॥

ඵලශ්රුතිඃ
ඉති නාම්නාං සරස්වත්යාඃ සහස්රං සමුදීරිතම් ।
මංත්රාත්මකං මහාගෝප්යං මහාසාරස්වතප්රදම් ॥ 1 ॥

යඃ පඨේච්ඡෘණුයාද්භක්ත්යාත්ත්රිකාලං සාධකඃ පුමාන් ।
සර්වවිද්යානිධිඃ සාක්ෂාත් ස ඒව භවති ධ්රුවම් ॥ 2 ॥

ලභතේ සංපදඃ සර්වාඃ පුත්රපෞත්රාදිසංයුතාඃ ।
මූකෝऽපි සර්වවිද්යාසු චතුර්මුඛ ඉවාපරඃ ॥ 3 ॥

භූත්වා ප්රාප්නෝති සාන්නිධ්යං අංතේ ධාතුර්මුනීශ්වර ।
සර්වමංත්රමයං සර්වවිද්යාමානඵලප්රදම් ॥ 4 ॥

මහාකවිත්වදං පුංසාං මහාසිද්ධිප්රදායකම් ।
කස්මෛ චින්න ප්රදාතව්යං ප්රාණෛඃ කංඨගතෛරපි ॥ 5 ॥

මහාරහස්යං සතතං වාණීනාමසහස්රකම් ।
සුසිද්ධමස්මදාදීනාං ස්තෝත්රං තේ සමුදීරිතම් ॥ 6 ॥

ඉති ශ්රීස්කාංදපුරාණාංතර්ගත ශ්රීසනත්කුමාර සංහිතායාං නාරද සනත්කුමාර සංවාදේ ශ්රී සරස්වතී සහස්රනාම ස්තෝත්රං සංපූර්ණම් ॥