ಗ್ರಾಮೇ ನಗರೇ ಸಮಸ್ತರಾಷ್ಟ್ರೇ
ರಚಯೇಮ ಸಂಸ್ಕೃತಭವನಂ
ಇಷ್ಟಿಕಾಂ ವಿನಾ ಮೃತ್ತಿಕಾಂ ವಿನಾ
ಕೇವಲಸಮ್ಭಾಷಣವಿಧಯಾ
ಸಂಸ್ಕೃತಸಮ್ಭಾಷಣಕಲಯಾ ॥

ಶಿಶುಬಾಲಾನಾಂ ಸ್ಮಿತಮೃದುವಚನೇ
ಯುವಯುವತೀನಾಂ ಮಞ್ಜುಭಾಷಣೇ
ವೃದ್ಧಗುರೂಣಾಂ ವತ್ಸಲಹೃದಯೇ
ರಚಯೇಮ ಸಂಸ್ಕೃತಭವನಮ್ ॥ 1 ॥

ಅರುಣೋದಯತಃ ಸುಪ್ರಭಾತಂ
ಶುಭರಾತ್ರಿಂ ನಿಶಿ ಸಂವದೇಮ
ದಿವಾನಿಶಂ ಸಂಸ್ಕೃತವಚನೇನ
ರಚಯೇಮ ಸಂಸ್ಕೃತಭವನಮ್ ॥ 2 ॥

ಸೋದರ-ಸೋದರೀ-ಭಾವ-ಬನ್ಧುರಂ
ಮಾತೃಪ್ರೇಮತೋ ಬಹುಜನರುಚಿರಂ
ವಚನಲಲಿತಂ ಶ್ರವಣಮಧುರಂ
ರಚಯೇಮ ಸಂಸ್ಕೃತಭವನಮ್ ॥ 3 ॥

ಮೂಲಶಿಲಾ ಸಮ್ಭಾಷಣಮಸ್ಯ
ಹಿನ್ದುಜನೈಕ್ಯಂ ಶಿಖರಮುನ್ನತಂ
ಸೋಪಾನಂ ಶ್ರವಣಾದಿವಿಧಾನಂ
ರಚಯೇಮ ಸಂಸ್ಕೃತಭವನಮ್ ॥ 4 ॥

ರಚನ: ಗು. ಗಣಪಯ್ಯಹೋಳ್ಳಃ