ಅಗ್ನಿ ಸೂಕ್ತಮ್ (ಋಗ್ವೇದ)

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

(ಋ.ವೇ.1.1.1)

ಅ॒ಗ್ನಿಮೀ॑ಳೇ ಪು॒ರೋಹಿ॑ತಂ-ಯಁ॒ಜ್ಞಸ್ಯ॑ ದೇ॒ವಮೃ॒ತ್ವಿಜ॑ಮ್ ।
ಹೋತಾ॑ರಂ ರತ್ನ॒ಧಾತ॑ಮಮ್ ॥ 1

ಅ॒ಗ್ನಿಃ ಪೂರ್ವೇ॑ಭಿ॒ರ್-ಋಷಿ॑ಭಿ॒ರೀಡ್ಯೋ॒ ನೂತ॑ನೈರು॒ತ ।
ಸ ದೇ॒ವಾ।ಣ್ ಏಹ ವ॑ಖ್ಷತಿ ॥ 2

ಅ॒ಗ್ನಿನಾ॑ ರ॒ಯಿಮ॑ಶ್ನವ॒ತ್ಪೋಷ॑ಮೇ॒ವ ದಿ॒ವೇದಿ॑ವೇ ।
ಯ॒ಶಸಂ॑-ವೀಁ॒ರವ॑ತ್ತಮಮ್ ॥ 3

ಅಗ್ನೇ॒ ಯಂ-ಯಁ॒ಜ್ಞಮ॑ಧ್ವ॒ರಂ-ವಿಁ॒ಶ್ವತಃ॑ ಪರಿ॒ಭೂರಸಿ॑ ।
ಸ ಇದ್ದೇ॒ವೇಷು॑ ಗಚ್ಛತಿ ॥ 4

ಅ॒ಗ್ನಿರ್ಹೋತಾ॑ ಕ॒ವಿಕ್ರ॑ತು-ಸ್ಸ॒ತ್ಯಶ್ಚಿ॒ತ್ರಶ್ರ॑ವಸ್ತಮಃ ।
ದೇ॒ವೋ ದೇ॒ವೇಭಿ॒ರಾ ಗ॑ಮತ್ ॥ 5

ಯದ॒ಙ್ಗ ದಾ॒ಶುಷೇ॒ ತ್ವಮಗ್ನೇ॑ ಭ॒ದ್ರ-ಙ್ಕ॑ರಿ॒ಷ್ಯಸಿ॑ ।
ತವೇತ್ತತ್ಸ॒ತ್ಯಮ॑ಙ್ಗಿರಃ ॥ 6

ಉಪ॑ ತ್ವಾಗ್ನೇ ದಿ॒ವೇದಿ॑ವೇ॒ ದೋಷಾ॑ವಸ್ತರ್ಧಿ॒ಯಾ ವ॒ಯಮ್ ।
ನಮೋ॒ ಭರ॑ನ್ತ॒ ಏಮ॑ಸಿ ॥ 7

ರಾಜ॑ನ್ತಮಧ್ವ॒ರಾಣಾ॑-ಙ್ಗೋ॒ಪಾಮೃ॒ತಸ್ಯ॒ ದೀದಿ॑ವಿಮ್ ।
ವರ್ಧ॑ಮಾನಂ॒ ಸ್ವೇ ದಮೇ॑ ॥ 8

ಸ ನಃ॑ ಪಿ॒ತೇವ॑ ಸೂ॒ನವೇ-ಽಗ್ನೇ॑ ಸೂಪಾಯ॒ನೋ ಭ॑ವ ।
ಸಚ॑ಸ್ವಾ ನ-ಸ್ಸ್ವ॒ಸ್ತಯೇ॑ ॥ 9

Browse Related Categories: