അഥ ഏകാദശസ്തോത്രമ്
ഉദീര്ണമജരം ദിവ്യം അമൃതസ്യംദ്യധീശിതുഃ ।
ആനംദസ്യ പദം വംദേ ബ്രഹ്മേംദ്രാദി അഭിവംദിതമ് ॥ 1॥
സർവവേദപദോദ്ഗീതം ഇംദിരാവാസമുത്തമമ് (ഇംദിരാധാരമുത്തമമ്) ।
ആനംദസ്യ പദം വംദേ ബ്രഹ്മേംദ്രാദി അഭിവംദിതമ് ॥ 2॥
സർവദേവാദിദേവസ്യ വിദാരിതമഹത്തമഃ ।
ആനംദസ്യ പദം വംദേ ബ്രഹ്മേംദ്രാദി അഭിവംദിതമ് ॥ 3॥
ഉദാരമാദരാന്നിത്യം അനിംദ്യം സുംദരീപതേഃ ।
ആനംദസ്യ പദം വംദേ ബ്രഹ്മേംദ്രാദി അഭിവംദിതമ് ॥ 4॥
ഇംദീവരോദരനിഭം സുപൂര്ണം വാദിമോഹനമ് (വാദിമോഹദമ്) ।
ആനംദസ്യ പദം വംദേ ബ്രഹ്മേംദ്രാദി അഭിവംദിതമ് ॥ 5॥
ദാതൃസർവാമരൈശ്വര്യവിമുക്ത്യാദേരഹോ പരമ് (വരമ്) ।
ആനംദസ്യ പദം വംദേ ബ്രഹ്മേംദ്രാദി അഭിവംദിതമ് ॥ 6॥
ദൂരാദ്ദുരതരം യത്തു തദേവാംതികമംതികാത് ।
ആനംദസ്യ പദം വംദേ ബ്രഹ്മേംദ്രാദി അഭിവംദിതമ് ॥ 7॥
പൂര്ണസർവഗുണൈകാര്ണമനാദ്യംതം സുരേശിതുഃ ।
ആനംദസ്യ പദം വംദേ ബ്രഹ്മേംദ്രാദി അഭിവംദിതമ് ॥ 8॥
ആനംദതീര്ഥമുനിനാ ഹരേരാനംദരൂപിണഃ ।
കൃതം സ്തോത്രമിദം പുണ്യം പഠന്നാനംദമാപ്നുയാത് ॥ 9॥
ഇതി ശ്രീമദാനംദതീര്ഥഭഗവത്പാദാചാര്യ വിരചിതം
ദ്വാദശസ്തോത്രേഷു ഏകാദശസ്തോത്രം സംപൂര്ണമ്
