𑌷𑌡𑌾𑌨𑌨𑌂 𑌚𑌂𑌦𑌨𑌲𑍇𑌪𑌿𑌤𑌾𑌂𑌗𑌂 𑌮𑌹𑍋𑌰𑌸𑌂 𑌦𑌿𑌵𑍍𑌯𑌮𑌯𑍂𑌰𑌵𑌾𑌹𑌨𑌮𑍍 ।
𑌰𑍁𑌦𑍍𑌰𑌸𑍍𑌯𑌸𑍂𑌨𑍁𑌂 𑌸𑍁𑌰𑌲𑍋𑌕𑌨𑌾𑌥𑌂 𑌬𑍍𑌰𑌹𑍍𑌮𑌣𑍍𑌯𑌦𑍇𑌵𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 1 ॥

𑌜𑌾𑌜𑍍𑌵𑌲𑍍𑌯𑌮𑌾𑌨𑌂 𑌸𑍁𑌰𑌵𑍃𑌂𑌦𑌵𑌂𑌦𑍍𑌯𑌂 𑌕𑍁𑌮𑌾𑌰 𑌧𑌾𑌰𑌾𑌤𑌟 𑌮𑌂𑌦𑌿𑌰𑌸𑍍𑌥𑌮𑍍 ।
𑌕𑌂𑌦𑌰𑍍𑌪𑌰𑍂𑌪𑌂 𑌕𑌮𑌨𑍀𑌯𑌗𑌾𑌤𑍍𑌰𑌂 𑌬𑍍𑌰𑌹𑍍𑌮𑌣𑍍𑌯𑌦𑍇𑌵𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 2 ॥

𑌦𑍍𑌵𑌿𑌷𑌡𑍍𑌭𑍁𑌜𑌂 𑌦𑍍𑌵𑌾𑌦𑌶𑌦𑌿𑌵𑍍𑌯𑌨𑍇𑌤𑍍𑌰𑌂 𑌤𑍍𑌰𑌯𑍀𑌤𑌨𑍁𑌂 𑌶𑍂𑌲𑌮𑌸𑍀 𑌦𑌧𑌾𑌨𑌮𑍍 ।
𑌶𑍇𑌷𑌾𑌵𑌤𑌾𑌰𑌂 𑌕𑌮𑌨𑍀𑌯𑌰𑍂𑌪𑌂 𑌬𑍍𑌰𑌹𑍍𑌮𑌣𑍍𑌯𑌦𑍇𑌵𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 3 ॥

𑌸𑍁𑌰𑌾𑌰𑌿𑌘𑍋𑌰𑌾𑌹𑌵𑌶𑍋𑌭𑌮𑌾𑌨𑌂 𑌸𑍁𑌰𑍋𑌤𑍍𑌤𑌮𑌂 𑌶𑌕𑍍𑌤𑌿𑌧𑌰𑌂 𑌕𑍁𑌮𑌾𑌰𑌮𑍍 ।
𑌸𑍁𑌧𑌾𑌰 𑌶𑌕𑍍𑌤𑍍𑌯𑌾𑌯𑍁𑌧 𑌶𑍋𑌭𑌿𑌹𑌸𑍍𑌤𑌂 𑌬𑍍𑌰𑌹𑍍𑌮𑌣𑍍𑌯𑌦𑍇𑌵𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 4 ॥

𑌇𑌷𑍍𑌟𑌾𑌰𑍍𑌥𑌸𑌿𑌦𑍍𑌧𑌿𑌪𑍍𑌰𑌦𑌮𑍀𑌶𑌪𑍁𑌤𑍍𑌰𑌂 𑌇𑌷𑍍𑌟𑌾𑌨𑍍𑌨𑌦𑌂 𑌭𑍂𑌸𑍁𑌰𑌕𑌾𑌮𑌧𑍇𑌨𑍁𑌮𑍍 ।
𑌗𑌂𑌗𑍋𑌦𑍍𑌭𑌵𑌂 𑌸𑌰𑍍𑌵𑌜𑌨𑌾𑌨𑍁𑌕𑍂𑌲𑌂 𑌬𑍍𑌰𑌹𑍍𑌮𑌣𑍍𑌯𑌦𑍇𑌵𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 5 ॥

𑌯𑌃 𑌶𑍍𑌲𑍋𑌕𑌪𑌂𑌚𑌮𑌿𑌦𑌂 𑌪𑌠𑌤𑍀𑌹 𑌭𑌕𑍍𑌤𑍍𑌯𑌾
𑌬𑍍𑌰𑌹𑍍𑌮𑌣𑍍𑌯𑌦𑍇𑌵 𑌵𑌿𑌨𑌿𑌵𑍇𑌶𑌿𑌤 𑌮𑌾𑌨𑌸𑌃 𑌸𑌨𑍍 ।
𑌪𑍍𑌰𑌾𑌪𑍍𑌨𑍋𑌤𑌿 𑌭𑍋𑌗𑌮𑌖𑌿𑌲𑌂 𑌭𑍁𑌵𑌿 𑌯𑌦𑍍𑌯𑌦𑌿𑌷𑍍𑌟𑌮𑍍
𑌅𑌂𑌤𑍇 𑌸 𑌗𑌚𑍍𑌛𑌤𑌿 𑌮𑍁𑌦𑌾 𑌗𑍁𑌹𑌸𑌾𑌮𑍍𑌯𑌮𑍇𑌵 ॥