𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨𑌃 - 𑌪𑌵𑌮𑌾𑌨𑌗𑍍𑌰𑌾𑌹𑌾𑌦𑍀𑌨𑌾𑌂-𑌵𑍍𑌯𑌾𑌁𑌖𑍍𑌯𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌯𑍋 𑌵𑍈 𑌪𑌵॑𑌮𑌾𑌨𑌾𑌨𑌾𑌮𑌨𑍍𑌵𑌾𑌰𑍋॒𑌹𑌾𑌨𑍍. 𑌵𑌿॒𑌦𑍍𑌵𑌾𑌨𑍍. 𑌯𑌜॒𑌤𑍇-𑌽𑌨𑍁॒ 𑌪𑌵॑𑌮𑌾𑌨𑌾॒𑌨𑌾 𑌰𑍋॑𑌹𑌤𑌿॒ 𑌨 𑌪𑌵॑𑌮𑌾𑌨𑍇॒𑌭𑍍𑌯𑍋-𑌽𑌵॑ 𑌚𑍍𑌛𑌿𑌦𑍍𑌯𑌤𑍇 𑌶𑍍𑌯𑍇॒𑌨𑍋॑-𑌽𑌸𑌿 𑌗𑌾𑌯॒𑌤𑍍𑌰𑌛॑𑌨𑍍𑌦𑌾॒ 𑌅𑌨𑍁॒ 𑌤𑍍𑌵𑌾-𑌽𑌽𑌰॑𑌭𑍇 𑌸𑍍𑌵॒𑌸𑍍𑌤𑌿 𑌮𑌾॒ 𑌸-𑌮𑍍𑌪𑌾॑𑌰𑌯 𑌸𑍁𑌪॒𑌰𑍍𑌣𑍋॑-𑌽𑌸𑌿 𑌤𑍍𑌰𑌿॒𑌷𑍍𑌟𑍁𑌪𑍍𑌛॑𑌨𑍍𑌦𑌾॒ 𑌅𑌨𑍁॒ 𑌤𑍍𑌵𑌾-𑌽𑌽𑌰॑𑌭𑍇 𑌸𑍍𑌵॒𑌸𑍍𑌤𑌿 𑌮𑌾॒ 𑌸-𑌮𑍍𑌪𑌾॑𑌰𑌯॒ 𑌸𑌘𑌾॑-𑌽𑌸𑌿॒ 𑌜𑌗॑𑌤𑍀𑌛𑌨𑍍𑌦𑌾॒ 𑌅𑌨𑍁॒ 𑌤𑍍𑌵𑌾-𑌽𑌽𑌰॑𑌭𑍇 𑌸𑍍𑌵॒𑌸𑍍𑌤𑌿 𑌮𑌾॒ 𑌸𑌮𑍍𑌪𑌾॑𑌰॒𑌯𑍇𑌤𑍍𑌯𑌾॑𑌹𑍈॒𑌤𑍇 [ ] 1

𑌵𑍈 𑌪𑌵॑𑌮𑌾𑌨𑌾𑌨𑌾𑌮𑌨𑍍𑌵𑌾𑌰𑍋॒𑌹𑌾𑌸𑍍𑌤𑌾𑌨𑍍. 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍. 𑌯𑌜॒𑌤𑍇-𑌽𑌨𑍁॒ 𑌪𑌵॑𑌮𑌾𑌨𑌾॒𑌨𑌾 𑌰𑍋॑𑌹𑌤𑌿॒ 𑌨 𑌪𑌵॑𑌮𑌾𑌨𑍇॒𑌭𑍍𑌯𑍋-𑌽𑌵॑ 𑌚𑍍𑌛𑌿𑌦𑍍𑌯𑌤𑍇॒ 𑌯𑍋 𑌵𑍈 𑌪𑌵॑𑌮𑌾𑌨𑌸𑍍𑌯॒ 𑌸𑌨𑍍𑌤॑𑌤𑌿𑌂॒-𑌵𑍇𑌁𑌦॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿॒ 𑌨 𑌪𑍁॒𑌰𑌾-𑌽𑌽𑌯𑍁॑𑌷𑌃॒ 𑌪𑍍𑌰 𑌮𑍀॑𑌯𑌤𑍇 𑌪𑌶𑍁॒𑌮𑌾-𑌨𑍍𑌭॑𑌵𑌤𑌿 𑌵𑌿॒𑌨𑍍𑌦𑌤𑍇᳚ 𑌪𑍍𑌰॒𑌜𑌾-𑌮𑍍𑌪𑌵॑𑌮𑌾𑌨𑌸𑍍𑌯॒ 𑌗𑍍𑌰𑌹𑌾॑ 𑌗𑍃𑌹𑍍𑌯॒𑌨𑍍𑌤𑍇-𑌽𑌥॒ 𑌵𑌾 𑌅॑𑌸𑍍𑌯𑍈॒𑌤𑍇-𑌽𑌗𑍃॑𑌹𑍀𑌤𑌾 𑌦𑍍𑌰𑍋𑌣𑌕𑌲॒𑌶 𑌆॑𑌧𑌵॒𑌨𑍀𑌯𑌃॑ 𑌪𑍂𑌤॒𑌭𑍃-𑌤𑍍𑌤𑌾𑌨𑍍. 𑌯𑌦𑌗𑍃॑𑌹𑍀𑌤𑍍𑌵𑍋𑌪𑌾𑌕𑍁॒𑌰𑍍𑌯𑌾-𑌤𑍍𑌪𑌵॑𑌮𑌾𑌨𑌂॒-𑌵𑌿𑌁- [-𑌤𑍍𑌪𑌵॑𑌮𑌾𑌨𑌂॒-𑌵𑌿𑌁, 𑌛𑌿॒𑌨𑍍𑌦𑍍𑌯𑌾॒-𑌤𑍍𑌤𑌂-𑌵𑌿𑌁॒𑌚𑍍𑌛𑌿𑌦𑍍𑌯॑𑌮𑌾𑌨-] 2

𑌚𑍍𑌛𑌿॑𑌨𑍍𑌦𑍍𑌯𑌾॒-𑌤𑍍𑌤𑌂-𑌵𑌿𑌁॒𑌚𑍍𑌛𑌿𑌦𑍍𑌯॑𑌮𑌾𑌨-𑌮𑌦𑍍𑌧𑍍𑌵॒𑌰𑍍𑌯𑍋𑌃 𑌪𑍍𑌰𑌾॒𑌣𑍋-𑌽𑌨𑍁॒ 𑌵𑌿𑌚𑍍𑌛𑌿॑𑌦𑍍𑌯𑍇-𑌤𑍋𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌪𑍍𑌰॒𑌜𑌾𑌪॑𑌤𑌯𑍇॒ 𑌤𑍍𑌵𑍇𑌤𑌿॑ 𑌦𑍍𑌰𑍋𑌣𑌕𑌲॒𑌶𑌮॒𑌭𑌿 𑌮𑍃॑𑌶𑍇॒𑌦𑌿𑌨𑍍𑌦𑍍𑌰𑌾॑𑌯॒ 𑌤𑍍𑌵𑍇𑌤𑍍𑌯𑌾॑𑌧𑌵॒𑌨𑍀𑌯𑌂॒-𑌵𑌿𑌁𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯॒ 𑌇𑌤𑌿॑ 𑌪𑍂𑌤॒𑌭𑍃𑌤॒-𑌮𑍍𑌪𑌵॑𑌮𑌾𑌨𑌮𑍇॒𑌵 𑌤-𑌥𑍍𑌸-𑌨𑍍𑌤॑𑌨𑍋𑌤𑌿॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿॒ 𑌨 𑌪𑍁॒𑌰𑌾-𑌽𑌽𑌯𑍁॑𑌷𑌃॒ 𑌪𑍍𑌰𑌮𑍀॑𑌯𑌤𑍇 𑌪𑌶𑍁॒𑌮𑌾-𑌨𑍍𑌭॑𑌵𑌤𑌿 𑌵𑌿॒𑌨𑍍𑌦𑌤𑍇᳚ 𑌪𑍍𑌰॒𑌜𑌾𑌮𑍍 ॥ 3 ॥
(𑌏॒𑌤𑍇 - 𑌵𑌿 - 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 1)

𑌤𑍍𑌰𑍀𑌣𑌿॒ 𑌵𑌾𑌵 𑌸𑌵॑𑌨𑌾॒𑌨𑍍𑌯𑌥॑ 𑌤𑍃॒𑌤𑍀𑌯॒𑌗𑍍​𑌮𑍍॒ 𑌸𑌵॑𑌨॒𑌮𑌵॑ 𑌲𑍁𑌮𑍍𑌪𑌨𑍍𑌤𑍍𑌯𑌨॒𑌗𑍍​𑌮𑍍॒𑌶𑍁 𑌕𑍁॒𑌰𑍍𑌵𑌨𑍍𑌤॑ 𑌉𑌪𑌾॒𑌗𑍍​𑌮𑍍॒𑌶𑍁𑌗𑍍​𑌮𑍍𑌹𑍁॒𑌤𑍍𑌵𑍋𑌪𑌾𑌗𑍍​𑌮𑍍॑𑌶𑍁𑌪𑌾॒𑌤𑍍𑌰𑍇-𑌽𑌗𑍍​𑌮𑍍॑𑌶𑍁𑌮॒𑌵𑌾𑌸𑍍𑌯॒ 𑌤𑌨𑍍𑌤𑍃॑𑌤𑍀𑌯𑌸𑌵॒𑌨𑍇॑ 𑌽𑌪𑌿॒𑌸𑍃𑌜𑍍𑌯𑌾॒𑌭𑌿 𑌷𑍁॑𑌣𑍁𑌯𑌾॒𑌦𑍍𑌯𑌦𑌾᳚𑌪𑍍𑌯𑌾॒𑌯𑌯॑𑌤𑌿॒ 𑌤𑍇𑌨𑌾𑌗𑍍​𑌮𑍍॑𑌶𑍁॒𑌮𑌦𑍍𑌯𑌦॑𑌭𑌿𑌷𑍁॒𑌣𑍋𑌤𑌿॒ 𑌤𑍇𑌨॑𑌰𑍍𑌜𑍀॒𑌷𑌿 𑌸𑌰𑍍𑌵𑌾᳚𑌣𑍍𑌯𑍇॒𑌵 𑌤-𑌥𑍍𑌸𑌵॑𑌨𑌾𑌨𑍍𑌯𑌗𑍍​𑌮𑍍𑌶𑍁॒𑌮𑌨𑍍𑌤𑌿॑ 𑌶𑍁॒𑌕𑍍𑌰𑌵॑𑌨𑍍𑌤𑌿 𑌸॒𑌮𑌾𑌵॑𑌦𑍍𑌵𑍀𑌰𑍍𑌯𑌾𑌣𑌿 𑌕𑌰𑍋𑌤𑌿॒ 𑌦𑍍𑌵𑍌 𑌸॑𑌮𑍁॒𑌦𑍍𑌰𑍌 𑌵𑌿𑌤॑𑌤𑌾𑌵𑌜𑍂॒𑌰𑍍𑌯𑍌 𑌪॒𑌰𑍍𑌯𑌾𑌵॑𑌰𑍍𑌤𑍇𑌤𑍇 𑌜॒𑌠𑌰𑍇॑𑌵॒ 𑌪𑌾𑌦𑌾𑌃᳚ । 𑌤𑌯𑍋𑌃॒ 𑌪𑌶𑍍𑌯॑𑌨𑍍𑌤𑍋॒ 𑌅𑌤𑌿॑ 𑌯𑌨𑍍𑌤𑍍𑌯॒𑌨𑍍𑌯-𑌮𑌪॑𑌶𑍍𑌯𑌨𑍍𑌤॒- [𑌯𑌨𑍍𑌤𑍍𑌯॒𑌨𑍍𑌯-𑌮𑌪॑𑌶𑍍𑌯𑌨𑍍𑌤𑌃, 𑌸𑍇𑌤𑍁॒𑌨𑌾-𑌽𑌤𑌿॑] 4

-𑌸𑍍𑌸𑍇𑌤𑍁॒𑌨𑌾-𑌽𑌤𑌿॑ 𑌯𑌨𑍍𑌤𑍍𑌯॒𑌨𑍍𑌯𑌮𑍍 ॥ 𑌦𑍍𑌵𑍇 𑌦𑍍𑌰𑌧॑𑌸𑍀 𑌸॒𑌤𑌤𑍀॑ 𑌵𑌸𑍍𑌤॒ 𑌏𑌕𑌃॑ 𑌕𑍇॒𑌶𑍀 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌵𑌿॒𑌦𑍍𑌵𑌾𑌨𑍍 । 𑌤𑌿॒𑌰𑍋॒𑌧𑌾𑌯𑍈॒𑌤𑍍𑌯𑌸𑌿॑𑌤𑌂॒-𑌵𑌁𑌸𑌾॑𑌨-𑌶𑍍𑌶𑍁॒𑌕𑍍𑌰𑌮𑌾 𑌦॑𑌤𑍍𑌤𑍇 𑌅𑌨𑍁॒𑌹𑌾𑌯॑ 𑌜𑌾॒𑌰𑍍𑌯𑍈 ॥ 𑌦𑍇॒𑌵𑌾 𑌵𑍈 𑌯𑌦𑍍𑌯॒𑌜𑍍𑌞𑍇-𑌽𑌕𑍁॑𑌰𑍍𑌵𑌤॒ 𑌤𑌦𑌸𑍁॑𑌰𑌾 𑌅𑌕𑍁𑌰𑍍𑌵𑌤॒ 𑌤𑍇 𑌦𑍇॒𑌵𑌾 𑌏॒𑌤-𑌮𑍍𑌮॑𑌹𑌾𑌯॒𑌜𑍍𑌞𑌮॑𑌪𑌶𑍍𑌯॒-𑌨𑍍𑌤𑌮॑𑌤𑌨𑍍𑌵𑌤𑌾𑌗𑍍𑌨𑌿𑌹𑍋॒𑌤𑍍𑌰𑌂-𑌵𑍍𑌰𑌁॒𑌤𑌮॑𑌕𑍁𑌰𑍍𑌵𑌤॒ 𑌤𑌸𑍍𑌮𑌾॒-𑌦𑍍𑌦𑍍𑌵𑌿𑌵𑍍𑌰॑𑌤-𑌸𑍍𑌸𑍍𑌯𑌾॒-𑌦𑍍𑌦𑍍𑌵𑌿𑌰𑍍​𑌹𑍍𑌯॑𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁𑌹𑍍𑌵॑𑌤𑌿 𑌪𑍌𑌰𑍍𑌣𑌮𑌾॒𑌸𑌂-𑌯𑌁॒𑌜𑍍𑌞-𑌮॑𑌗𑍍𑌨𑍀𑌷𑍋॒𑌮𑍀𑌯॑- [-𑌮॑𑌗𑍍𑌨𑍀𑌷𑍋॒𑌮𑍀𑌯᳚𑌮𑍍, 𑌪॒𑌶𑍁𑌮॑𑌕𑍁𑌰𑍍𑌵𑌤] 5

-𑌮𑍍𑌪॒𑌶𑍁𑌮॑𑌕𑍁𑌰𑍍𑌵𑌤 𑌦𑌾॒𑌰𑍍​𑌶𑍍𑌯𑌂-𑌯𑌁॒𑌜𑍍𑌞𑌮𑌾᳚𑌗𑍍𑌨𑍇॒𑌯-𑌮𑍍𑌪॒𑌶𑍁𑌮॑𑌕𑍁𑌰𑍍𑌵𑌤 𑌵𑍈𑌶𑍍𑌵𑌦𑍇॒𑌵-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨 -𑌮॑𑌕𑍁𑌰𑍍𑌵𑌤 𑌵𑌰𑍁𑌣𑌪𑍍𑌰𑌘𑌾॒𑌸𑌾-𑌨𑍍𑌮𑌾𑌦𑍍𑌧𑍍𑌯॑𑌦𑌿𑌨𑍍𑌨॒𑌗𑍍​𑌮𑍍॒ 𑌸𑌵॑𑌨𑌗𑍍​𑌮𑍍 𑌸𑌾𑌕𑌮𑍇॒𑌧𑌾-𑌨𑍍𑌪𑌿॑𑌤𑍃𑌯॒𑌜𑍍𑌞-𑌨𑍍𑌤𑍍𑌰𑍍𑌯॑𑌮𑍍𑌬𑌕𑌾𑌗𑍍​-𑌸𑍍𑌤𑍃𑌤𑍀𑌯𑌸𑌵॒𑌨𑌮॑𑌕𑍁𑌰𑍍𑌵𑌤॒ 𑌤𑌮𑍇॑𑌷𑌾॒𑌮𑌸𑍁॑𑌰𑌾 𑌯॒𑌜𑍍𑌞 -𑌮॒𑌨𑍍𑌵𑌵𑌾॑𑌜𑌿𑌗𑌾𑌗𑍍​𑌮𑍍𑌸॒-𑌨𑍍𑌤-𑌨𑍍𑌨𑌾-𑌽𑌨𑍍𑌵𑌵𑌾॑𑌯॒-𑌨𑍍𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑌦𑍍𑌧𑍍𑌵𑌰𑍍𑌤॒𑌵𑍍𑌯𑌾 𑌵𑌾 𑌇॒𑌮𑍇 𑌦𑍇॒𑌵𑌾 𑌅॑𑌭𑍂𑌵॒𑌨𑍍𑌨𑌿𑌤𑌿॒ 𑌤𑌦॑𑌦𑍍𑌧𑍍𑌵॒𑌰𑌸𑍍𑌯𑌾᳚ 𑌽𑌦𑍍𑌧𑍍𑌵𑌰॒𑌤𑍍𑌵-𑌨𑍍𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌥𑍍𑌸𑍋𑌮𑍇॑𑌨॒ 𑌯𑌜॑𑌤𑍇॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚ 𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿 ॥ 6 ॥
(𑌅𑌪॑𑌶𑍍𑌯𑌨𑍍𑌤𑍋-𑌽 - 𑌗𑍍𑌨𑍀𑌷𑍋॒𑌮𑍀𑌯॑ - 𑌮𑌾॒𑌤𑍍𑌮𑌨𑌾॒ 𑌪𑌰𑌾॒ - 𑌤𑍍𑌰𑍀𑌣𑌿॑ 𑌚) (𑌅. 2)

𑌪॒𑌰𑌿॒𑌭𑍂𑌰॒𑌗𑍍𑌨𑌿-𑌮𑍍𑌪॑𑌰𑌿॒𑌭𑍂𑌰𑌿𑌨𑍍𑌦𑍍𑌰॑-𑌮𑍍𑌪𑌰𑌿॒𑌭𑍂𑌰𑍍𑌵𑌿𑌶𑍍𑌵𑌾᳚-𑌨𑍍𑌦𑍇॒𑌵𑌾-𑌨𑍍𑌪॑𑌰𑌿॒𑌭𑍂𑌰𑍍𑌮𑌾𑌗𑍍​𑌮𑍍 𑌸॒𑌹 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍇𑌨॒ 𑌸 𑌨𑌃॑ 𑌪𑌵𑌸𑍍𑌵॒ 𑌶-𑌙𑍍𑌗𑌵𑍇॒ 𑌶-𑌞𑍍𑌜𑌨𑌾॑𑌯॒ 𑌶𑌮𑌰𑍍𑌵॑𑌤𑍇॒ 𑌶𑌗𑍍​𑌮𑍍 𑌰𑌾॑𑌜॒𑌨𑍍𑌨𑍋𑌷॑𑌧𑍀॒𑌭𑍍𑌯𑍋 𑌽𑌚𑍍𑌛𑌿॑𑌨𑍍𑌨𑌸𑍍𑌯 𑌤𑍇 𑌰𑌯𑌿𑌪𑌤𑍇 𑌸𑍁॒𑌵𑍀𑌰𑍍𑌯॑𑌸𑍍𑌯 𑌰𑌾॒𑌯𑌸𑍍𑌪𑍋𑌷॑𑌸𑍍𑌯 𑌦𑌦𑌿॒𑌤𑌾𑌰॑-𑌸𑍍𑌸𑍍𑌯𑌾𑌮 । 𑌤𑌸𑍍𑌯॑ 𑌮𑍇 𑌰𑌾𑌸𑍍𑌵॒ 𑌤𑌸𑍍𑌯॑ 𑌤𑍇 𑌭𑌕𑍍𑌷𑍀𑌯॒ 𑌤𑌸𑍍𑌯॑ 𑌤 𑌇॒𑌦𑌮𑍁𑌨𑍍𑌮𑍃॑𑌜𑍇 ॥ 𑌪𑍍𑌰𑌾॒𑌣𑌾𑌯॑ 𑌮𑍇 𑌵𑌰𑍍𑌚𑍋॒𑌦𑌾 𑌵𑌰𑍍𑌚॑𑌸𑍇 𑌪𑌵𑌸𑍍𑌵𑌾 𑌪𑌾॒𑌨𑌾𑌯॑ 𑌵𑍍𑌯𑌾॒𑌨𑌾𑌯॑ 𑌵𑌾॒𑌚𑍇 [𑌵𑌾॒𑌚𑍇, 𑌦॒𑌕𑍍𑌷॒𑌕𑍍𑌰॒𑌤𑍁𑌭𑍍𑌯𑌾॒-𑌞𑍍𑌚𑌕𑍍𑌷𑍁॑𑌰𑍍𑌭𑍍𑌯𑌾-𑌮𑍍𑌮𑍇] 𑍭

𑌦॑𑌕𑍍𑌷𑌕𑍍𑌰॒𑌤𑍁𑌭𑍍𑌯𑌾॒-𑌞𑍍𑌚𑌕𑍍𑌷𑍁॑𑌰𑍍𑌭𑍍𑌯𑌾-𑌮𑍍𑌮𑍇 𑌵𑌰𑍍𑌚𑍋॒𑌦𑍌 𑌵𑌰𑍍𑌚॑𑌸𑍇 𑌪𑌵𑍇𑌥𑌾॒𑌗𑍍॒ 𑌶𑍍𑌰𑍋𑌤𑍍𑌰𑌾॑𑌯𑌾॒ 𑌽𑌽𑌤𑍍𑌮𑌨𑍇 𑌽𑌙𑍍𑌗𑍇᳚𑌭𑍍𑌯॒ 𑌆𑌯𑍁॑𑌷𑍇 𑌵𑍀॒𑌰𑍍𑌯𑌾॑𑌯॒ 𑌵𑌿𑌷𑍍𑌣𑍋॒𑌰𑌿𑌨𑍍𑌦𑍍𑌰॑𑌸𑍍𑌯॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌞𑍍𑌜॒𑌠𑌰॑𑌮𑌸𑌿 𑌵𑌰𑍍𑌚𑍋॒𑌦𑌾 𑌮𑍇॒ 𑌵𑌰𑍍𑌚॑𑌸𑍇 𑌪𑌵𑌸𑍍𑌵॒ 𑌕𑍋॑-𑌽𑌸𑌿॒ 𑌕𑍋 𑌨𑌾𑌮॒ 𑌕𑌸𑍍𑌮𑍈᳚ 𑌤𑍍𑌵𑌾॒ 𑌕𑌾𑌯॑ 𑌤𑍍𑌵𑌾॒ 𑌯-𑌨𑍍𑌤𑍍𑌵𑌾॒ 𑌸𑍋𑌮𑍇॒𑌨𑌾𑌤𑍀॑𑌤𑍃𑌪𑌂॒-𑌯𑌁-𑌨𑍍𑌤𑍍𑌵𑌾॒ 𑌸𑍋𑌮𑍇॒𑌨𑌾𑌮𑍀॑𑌮𑌦𑌗𑍍​𑌮𑍍 𑌸𑍁𑌪𑍍𑌰॒𑌜𑌾𑌃 𑌪𑍍𑌰॒𑌜𑌯𑌾॑ 𑌭𑍂𑌯𑌾𑌸𑌗𑍍​𑌮𑍍 𑌸𑍁॒𑌵𑍀𑌰𑍋॑ 𑌵𑍀॒𑌰𑍈-𑌸𑍍𑌸𑍁॒𑌵𑌰𑍍𑌚𑌾॒ 𑌵𑌰𑍍𑌚॑𑌸𑌾 𑌸𑍁॒𑌪𑍋𑌷𑌃॒ 𑌪𑍋𑌷𑍈॒-𑌰𑍍𑌵𑌿𑌶𑍍𑌵𑍇᳚𑌭𑍍𑌯𑍋 𑌮𑍇 𑌰𑍂॒𑌪𑍇𑌭𑍍𑌯𑍋॑ 𑌵𑌰𑍍𑌚𑍋॒𑌦𑌾 [𑌵𑌰𑍍𑌚𑍋॒𑌦𑌾𑌃, 𑌵𑌰𑍍𑌚॑𑌸𑍇] 𑍮

𑌵𑌰𑍍𑌚॑𑌸𑍇 𑌪𑌵𑌸𑍍𑌵॒ 𑌤𑌸𑍍𑌯॑ 𑌮𑍇 𑌰𑌾𑌸𑍍𑌵॒ 𑌤𑌸𑍍𑌯॑ 𑌤𑍇 𑌭𑌕𑍍𑌷𑍀𑌯॒ 𑌤𑌸𑍍𑌯॑ 𑌤 𑌇॒𑌦𑌮𑍁𑌨𑍍𑌮𑍃॑𑌜𑍇 ॥ 𑌬𑍁𑌭𑍂॑𑌷॒𑌨𑍍𑌨𑌵𑍇᳚𑌕𑍍𑌷𑍇𑌤𑍈॒𑌷 𑌵𑍈 𑌪𑌾𑌤𑍍𑌰𑌿॑𑌯𑌃 𑌪𑍍𑌰॒𑌜𑌾𑌪॑𑌤𑌿𑌰𑍍𑌯॒𑌜𑍍𑌞𑌃 𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌮𑍇॒𑌵 𑌤॑𑌰𑍍𑌪𑌯𑌤𑌿॒ 𑌸 𑌏॑𑌨-𑌨𑍍𑌤𑍃॒𑌪𑍍𑌤𑍋 𑌭𑍂𑌤𑍍𑌯𑌾॒-𑌽𑌭𑌿 𑌪॑𑌵𑌤𑍇 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌕𑌾॒𑌮𑍋-𑌽𑌵𑍇᳚𑌕𑍍𑌷𑍇𑌤𑍈॒𑌷 𑌵𑍈 𑌪𑌾𑌤𑍍𑌰𑌿॑𑌯𑌃 𑌪𑍍𑌰॒𑌜𑌾𑌪॑𑌤𑌿𑌰𑍍𑌯॒𑌜𑍍𑌞𑌃 𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌮𑍇॒𑌵 𑌤॑𑌰𑍍𑌪𑌯𑌤𑌿॒ 𑌸 𑌏॑𑌨-𑌨𑍍𑌤𑍃॒𑌪𑍍𑌤𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍇𑌨𑌾॒𑌭𑌿 𑌪॑𑌵𑌤 𑌆𑌮𑌯𑌾॒- [𑌆𑌮𑌯𑌾॒𑌵𑍀, 𑌅𑌵𑍇᳚𑌕𑍍𑌷𑍇𑌤𑍈॒𑌷 𑌵𑍈] 𑍯

-𑌵𑍍𑌯𑌵𑍇᳚𑌕𑍍𑌷𑍇𑌤𑍈॒𑌷 𑌵𑍈 𑌪𑌾𑌤𑍍𑌰𑌿॑𑌯𑌃 𑌪𑍍𑌰॒𑌜𑌾𑌪॑𑌤𑌿𑌰𑍍𑌯॒𑌜𑍍𑌞𑌃 𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌮𑍇॒𑌵 𑌤॑𑌰𑍍𑌪𑌯𑌤𑌿॒ 𑌸 𑌏॑𑌨-𑌨𑍍𑌤𑍃॒𑌪𑍍𑌤 𑌆𑌯𑍁॑𑌷𑌾॒-𑌽𑌭𑌿 𑌪॑𑌵𑌤𑍇-𑌽𑌭𑌿॒𑌚𑌰॒𑌨𑍍𑌨𑌵𑍇᳚𑌕𑍍𑌷𑍇𑌤𑍈॒𑌷 𑌵𑍈 𑌪𑌾𑌤𑍍𑌰𑌿॑𑌯𑌃 𑌪𑍍𑌰॒𑌜𑌾𑌪॑𑌤𑌿𑌰𑍍𑌯॒𑌜𑍍𑌞𑌃 𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌮𑍇॒𑌵 𑌤॑𑌰𑍍𑌪𑌯𑌤𑌿॒ 𑌸 𑌏॑𑌨-𑌨𑍍𑌤𑍃॒𑌪𑍍𑌤𑌃 𑌪𑍍𑌰𑌾॑𑌣𑌾𑌪𑌾॒𑌨𑌾𑌭𑍍𑌯𑌾𑌂᳚-𑌵𑌾𑌁॒𑌚𑍋 𑌦॑𑌕𑍍𑌷𑌕𑍍𑌰॒𑌤𑍁𑌭𑍍𑌯𑌾॒-𑌞𑍍𑌚𑌕𑍍𑌷𑍁॑𑌰𑍍𑌭𑍍𑌯𑌾॒𑌗𑍍॒ 𑌶𑍍𑌰𑍋𑌤𑍍𑌰𑌾᳚𑌭𑍍𑌯𑌾-𑌮𑌾॒𑌤𑍍𑌮𑌨𑍋-𑌽𑌙𑍍𑌗𑍇᳚𑌭𑍍𑌯॒ 𑌆𑌯𑍁॑𑌷𑍋॒-𑌽𑌨𑍍𑌤𑌰𑍇॑𑌤𑌿 𑌤𑌾॒𑌜-𑌕𑍍𑌪𑍍𑌰 𑌧॑𑌨𑍍𑌵𑌤𑌿 ॥ 10 ॥
(𑌵𑌾॒𑌚𑍇-𑌰𑍂॒𑌪𑍇𑌭𑍍𑌯𑍋॑ 𑌵𑌰𑍍𑌚𑍋॒𑌦𑌾 - 𑌆॑𑌮𑌯𑌾॒𑌵𑍀 - 𑌪𑌞𑍍𑌚॑𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 3)

𑌸𑍍𑌫𑍍𑌯-𑌸𑍍𑌸𑍍𑌵॒𑌸𑍍𑌤𑌿𑌰𑍍𑌵𑌿॑𑌘॒𑌨-𑌸𑍍𑌸𑍍𑌵॒𑌸𑍍𑌤𑌿𑌃 𑌪𑌰𑍍​𑌶𑍁॒𑌰𑍍𑌵𑍇𑌦𑌿𑌃॑ 𑌪𑌰॒𑌶𑍁𑌰𑍍𑌨॑-𑌸𑍍𑌸𑍍𑌵॒𑌸𑍍𑌤𑌿𑌃 । 𑌯॒𑌜𑍍𑌞𑌿𑌯𑌾॑ 𑌯𑌜𑍍𑌞॒𑌕𑍃𑌤॑-𑌸𑍍𑌸𑍍𑌥॒ 𑌤𑍇 𑌮𑌾॒𑌸𑍍𑌮𑌿𑌨𑍍 𑌯॒𑌜𑍍𑌞 𑌉𑌪॑ 𑌹𑍍𑌵𑌯𑌦𑍍𑌧𑍍𑌵॒𑌮𑍁𑌪॑ 𑌮𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌹𑍍𑌵॑𑌯𑍇𑌤𑌾॒𑌮𑍁𑌪𑌾᳚-𑌽𑌽𑌸𑍍𑌤𑌾॒𑌵𑌃 𑌕॒𑌲𑌶॒-𑌸𑍍𑌸𑍋𑌮𑍋॑ 𑌅॒𑌗𑍍𑌨𑌿𑌰𑍁𑌪॑ 𑌦𑍇॒𑌵𑌾 𑌉𑌪॑ 𑌯॒𑌜𑍍𑌞 𑌉𑌪॑ 𑌮𑌾॒ 𑌹𑍋𑌤𑍍𑌰𑌾॑ 𑌉𑌪𑌹॒𑌵𑍇 𑌹𑍍𑌵॑𑌯𑌨𑍍𑌤𑌾॒-𑌨𑍍𑌨𑌮𑍋॒-𑌽𑌗𑍍𑌨𑌯𑍇॑ 𑌮𑌖॒𑌘𑍍𑌨𑍇𑌮॒𑌖𑌸𑍍𑌯॑ 𑌮𑌾॒ 𑌯𑌶𑍋᳚-𑌽𑌰𑍍𑌯𑌾॒𑌦𑌿𑌤𑍍𑌯𑌾॑𑌹𑌵॒𑌨𑍀𑌯॒𑌮𑍁𑌪॑ 𑌤𑌿𑌷𑍍𑌠𑌤𑍇 𑌯॒𑌜𑍍𑌞𑍋 𑌵𑍈 𑌮॒𑌖𑍋 [𑌯॒𑌜𑍍𑌞𑍋 𑌵𑍈 𑌮॒𑌖𑌃, 𑌯॒𑌜𑍍𑌞𑌂-𑌵𑌾𑌁𑌵] 11

𑌯॒𑌜𑍍𑌞𑌂-𑌵𑌾𑌁𑌵 𑌸 𑌤𑌦॑𑌹॒-𑌨𑍍𑌤𑌸𑍍𑌮𑌾॑ 𑌏॒𑌵 𑌨॑𑌮॒𑌸𑍍𑌕𑍃𑌤𑍍𑌯॒ 𑌸𑌦𑌃॒ 𑌪𑍍𑌰𑌸॑𑌰𑍍𑌪𑌤𑍍𑌯𑌾॒𑌤𑍍𑌮𑌨𑍋-𑌽𑌨𑌾᳚𑌰𑍍𑌤𑍍𑌯𑍈॒ 𑌨𑌮𑍋॑ 𑌰𑍁॒𑌦𑍍𑌰𑌾𑌯॑ 𑌮𑌖॒𑌘𑍍𑌨𑍇 𑌨𑌮॑𑌸𑍍𑌕𑍃𑌤𑍍𑌯𑌾 𑌮𑌾 𑌪𑌾॒𑌹𑍀𑌤𑍍𑌯𑌾𑌗𑍍𑌨𑍀᳚𑌦𑍍𑌧𑍍𑌰॒-𑌨𑍍𑌤𑌸𑍍𑌮𑌾॑ 𑌏॒𑌵 𑌨॑𑌮॒𑌸𑍍𑌕𑍃𑌤𑍍𑌯॒ 𑌸𑌦𑌃॒ 𑌪𑍍𑌰𑌸॑𑌰𑍍𑌪𑌤𑍍𑌯𑌾॒𑌤𑍍𑌮𑌨𑍋-𑌽𑌨𑌾᳚𑌰𑍍𑌤𑍍𑌯𑍈॒ 𑌨𑌮॒ 𑌇𑌨𑍍𑌦𑍍𑌰𑌾॑𑌯 𑌮𑌖॒𑌘𑍍𑌨 𑌇॑𑌨𑍍𑌦𑍍𑌰𑌿॒𑌯-𑌮𑍍𑌮𑍇॑ 𑌵𑍀॒𑌰𑍍𑌯॑-𑌮𑍍𑌮𑌾 𑌨𑌿𑌰𑍍𑌵॑𑌧𑍀॒𑌰𑌿𑌤𑌿॑ 𑌹𑍋॒𑌤𑍍𑌰𑍀𑌯॑𑌮𑌾॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤𑍈𑌨𑍍𑌦𑍍𑌰𑌿॒𑌯𑌸𑍍𑌯॑ 𑌵𑍀॒𑌰𑍍𑌯॑𑌸𑍍𑌯𑌾𑌨𑌿॑𑌰𑍍𑌘𑌾𑌤𑌾𑌯॒ 𑌯𑌾 𑌵𑍈 [ ] 12

𑌦𑍇॒𑌵𑌤𑌾॒-𑌸𑍍𑌸𑌦॒𑌸𑍍𑌯𑌾𑌰𑍍𑌤𑌿॑𑌮𑌾॒𑌰𑍍𑌪𑌯॑𑌨𑍍𑌤𑌿॒ 𑌯𑌸𑍍𑌤𑌾 𑌵𑌿॒𑌦𑍍𑌵𑌾-𑌨𑍍𑌪𑍍𑌰॒𑌸𑌰𑍍𑌪॑𑌤𑌿॒ 𑌨 𑌸𑌦॒𑌸𑍍𑌯𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌨𑌮𑍋॒-𑌽𑌗𑍍𑌨𑌯𑍇॑ 𑌮𑌖॒𑌘𑍍𑌨 𑌇𑌤𑍍𑌯𑌾॑𑌹𑍈॒𑌤𑌾 𑌵𑍈 𑌦𑍇॒𑌵𑌤𑌾॒-𑌸𑍍𑌸𑌦॒𑌸𑍍𑌯𑌾𑌰𑍍𑌤𑌿॒𑌮𑌾-𑌽𑌰𑍍𑌪॑𑌯𑌨𑍍𑌤𑌿॒ 𑌤𑌾 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌪𑍍𑌰॒𑌸𑌰𑍍𑌪॑𑌤𑌿॒ 𑌨 𑌸𑌦॒𑌸𑍍𑌯𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 𑌦𑍍𑌦𑍃॒𑌢𑍇 𑌸𑍍𑌥॑-𑌶𑍍𑌶𑌿𑌥𑌿॒𑌰𑍇 𑌸॒𑌮𑍀𑌚𑍀॒ 𑌮𑌾-𑌽𑌗𑍍​𑌮𑍍𑌹॑𑌸𑌸𑍍𑌪𑌾𑌤॒𑌗𑍍​𑌮𑍍॒ 𑌸𑍂𑌰𑍍𑌯𑍋॑ 𑌮𑌾 𑌦𑍇॒𑌵𑍋 𑌦𑌿॒𑌵𑍍𑌯𑌾𑌦𑌗𑍍​𑌮𑍍𑌹॑𑌸𑌸𑍍𑌪𑌾𑌤𑍁 𑌵𑌾॒𑌯𑍁𑌰॒𑌨𑍍𑌤𑌰𑌿॑𑌕𑍍𑌷𑌾- [𑌵𑌾॒𑌯𑍁𑌰॒𑌨𑍍𑌤𑌰𑌿॑𑌕𑍍𑌷𑌾𑌤𑍍, 𑌅॒𑌗𑍍𑌨𑌿𑌃 𑌪𑍃॑𑌥𑌿॒𑌵𑍍𑌯𑌾] 13

-𑌦॒𑌗𑍍𑌨𑌿𑌃 𑌪𑍃॑𑌥𑌿॒𑌵𑍍𑌯𑌾 𑌯॒𑌮𑌃 𑌪𑌿॒𑌤𑍃𑌭𑍍𑌯॒-𑌸𑍍𑌸𑌰॑𑌸𑍍𑌵𑌤𑍀 𑌮𑌨𑍁॒𑌷𑍍𑌯𑍇᳚𑌭𑍍𑌯𑍋॒ 𑌦𑍇𑌵𑍀᳚ 𑌦𑍍𑌵𑌾𑌰𑍌॒ 𑌮𑌾 𑌮𑌾॒ 𑌸-𑌨𑍍𑌤𑌾᳚𑌪𑍍𑌤॒-𑌨𑍍𑌨𑌮॒-𑌸𑍍𑌸𑌦॑𑌸𑍇॒ 𑌨𑌮॒-𑌸𑍍𑌸𑌦॑𑌸॒𑌸𑍍𑌪𑌤॑𑌯𑍇॒ 𑌨𑌮॒-𑌸𑍍𑌸𑌖𑍀॑𑌨𑌾-𑌮𑍍𑌪𑍁𑌰𑍋॒𑌗𑌾𑌣𑌾॒-𑌞𑍍𑌚𑌕𑍍𑌷𑍁॑𑌷𑍇॒ 𑌨𑌮𑍋॑ 𑌦𑌿॒𑌵𑍇 𑌨𑌮𑌃॑ 𑌪𑍃𑌥𑌿॒𑌵𑍍𑌯𑌾 𑌅𑌹𑍇॑ 𑌦𑍈𑌧𑌿𑌷॒𑌵𑍍𑌯𑍋𑌦𑌤॑𑌸𑍍𑌤𑌿𑌷𑍍𑌠𑌾॒-𑌽𑌨𑍍𑌯𑌸𑍍𑌯॒ 𑌸𑌦॑𑌨𑍇 𑌸𑍀𑌦॒ 𑌯𑍋᳚-𑌽𑌸𑍍𑌮-𑌤𑍍𑌪𑌾𑌕॑𑌤𑌰॒ 𑌉𑌨𑍍𑌨𑌿॒𑌵𑌤॒ 𑌉𑌦𑍁॒𑌦𑍍𑌵𑌤॑𑌶𑍍𑌚 𑌗𑍇𑌷-𑌮𑍍𑌪𑌾॒𑌤-𑌮𑍍𑌮𑌾᳚ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀 𑌅॒𑌦𑍍𑌯𑌾𑌹𑍍𑌨॒-𑌸𑍍𑌸𑌦𑍋॒ 𑌵𑍈 𑌪𑍍𑌰॒𑌸𑌰𑍍𑌪॑𑌨𑍍𑌤- [𑌵𑍈 𑌪𑍍𑌰॒𑌸𑌰𑍍𑌪॑𑌨𑍍𑌤𑌮𑍍, 𑌪𑌿॒𑌤𑌰𑍋-𑌽𑌨𑍁॒] 14

-𑌮𑍍𑌪𑌿॒𑌤𑌰𑍋-𑌽𑌨𑍁॒ 𑌪𑍍𑌰𑌸॑𑌰𑍍𑌪𑌨𑍍𑌤𑌿॒ 𑌤 𑌏॑𑌨𑌮𑍀𑌶𑍍𑌵॒𑌰𑌾 𑌹𑌿𑌗𑍍​𑌮𑍍𑌸𑌿॑𑌤𑍋॒-𑌸𑍍𑌸𑌦𑌃॑ 𑌪𑍍𑌰॒𑌸𑍃𑌪𑍍𑌯॑ 𑌦𑌕𑍍𑌷𑌿𑌣𑌾॒𑌰𑍍𑌧-𑌮𑍍𑌪𑌰𑍇᳚𑌕𑍍𑌷𑍇॒𑌤𑌾-𑌽𑌗॑𑌨𑍍𑌤 𑌪𑌿𑌤𑌰𑌃 𑌪𑌿𑌤𑍃॒𑌮𑌾𑌨॒𑌹𑌂-𑌯𑍁𑌁॒𑌷𑍍𑌮𑌾𑌭𑌿॑𑌰𑍍𑌭𑍂𑌯𑌾𑌸𑌗𑍍​𑌮𑍍 𑌸𑍁𑌪𑍍𑌰॒𑌜𑌸𑍋॒ 𑌮𑌯𑌾॑ 𑌯𑍂॒𑌯-𑌮𑍍𑌭𑍂॑𑌯𑌾॒𑌸𑍍𑌤𑍇𑌤𑌿॒ 𑌤𑍇𑌭𑍍𑌯॑ 𑌏॒𑌵 𑌨॑𑌮॒𑌸𑍍𑌕𑍃𑌤𑍍𑌯॒ 𑌸𑌦𑌃॒ 𑌪𑍍𑌰𑌸॑𑌰𑍍𑌪𑌤𑍍𑌯𑌾॒𑌤𑍍𑌮𑌨𑍋-𑌽𑌨𑌾᳚𑌰𑍍𑌤𑍍𑌯𑍈 ॥ 15 ॥
(𑌮॒𑌖𑍋 - 𑌵𑌾 - 𑌅॒𑌨𑍍𑌤𑌰𑌿॑𑌕𑍍𑌷𑌾𑌤𑍍 - 𑌪𑍍𑌰॒𑌸𑌰𑍍𑌪॑𑌨𑍍𑌤𑌂॒ - 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌚𑍍𑌚) (𑌅. 4)

𑌭𑌕𑍍𑌷𑍇𑌹𑌿॒ 𑌮𑌾 𑌽𑌽𑌵𑌿॑𑌶 𑌦𑍀𑌰𑍍𑌘𑌾𑌯𑍁॒𑌤𑍍𑌵𑌾𑌯॑ 𑌶𑌨𑍍𑌤𑌨𑍁॒𑌤𑍍𑌵𑌾𑌯॑ 𑌰𑌾॒𑌯𑌸𑍍𑌪𑍋𑌷𑌾॑𑌯॒ 𑌵𑌰𑍍𑌚॑𑌸𑍇 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯𑍇𑌹𑌿॑ 𑌵𑌸𑍋 𑌪𑍁𑌰𑍋 𑌵𑌸𑍋 𑌪𑍍𑌰𑌿॒𑌯𑍋 𑌮𑍇॑ 𑌹𑍃॒𑌦𑍋᳚-𑌽𑌸𑍍𑌯॒𑌶𑍍𑌵𑌿𑌨𑍋᳚𑌸𑍍𑌤𑍍𑌵𑌾 𑌬𑌾॒𑌹𑍁𑌭𑍍𑌯𑌾𑌗𑍍​𑌮𑍍॑ 𑌸𑌘𑍍𑌯𑌾𑌸-𑌨𑍍𑌨𑍃॒𑌚𑌕𑍍𑌷॑𑌸-𑌨𑍍𑌤𑍍𑌵𑌾 𑌦𑍇𑌵 𑌸𑍋𑌮 𑌸𑍁॒𑌚𑌕𑍍𑌷𑌾॒ 𑌅𑌵॑ 𑌖𑍍𑌯𑍇𑌷-𑌮𑍍𑌮॒𑌨𑍍𑌦𑍍𑌰𑌾-𑌽𑌭𑌿𑌭𑍂॑𑌤𑌿𑌃 𑌕𑍇॒𑌤𑍁𑌰𑍍𑌯॒𑌜𑍍𑌞𑌾𑌨𑌾𑌂॒-𑌵𑌾𑌁𑌗𑍍𑌜𑍁॑𑌷𑌾॒𑌣𑌾 𑌸𑍋𑌮॑𑌸𑍍𑌯 𑌤𑍃𑌪𑍍𑌯𑌤𑍁 𑌮॒𑌨𑍍𑌦𑍍𑌰𑌾 𑌸𑍍𑌵॑𑌰𑍍𑌵𑌾॒𑌚𑍍𑌯𑌦𑌿॑𑌤𑌿॒𑌰𑌨𑌾॑𑌹𑌤 𑌶𑍀𑌰𑍍​𑌷𑍍𑌣𑍀॒ 𑌵𑌾𑌗𑍍𑌜𑍁॑𑌷𑌾॒𑌣𑌾 𑌸𑍋𑌮॑𑌸𑍍𑌯 𑌤𑍃𑌪𑍍𑌯॒𑌤𑍍𑌵𑍇𑌹𑌿॑ 𑌵𑌿𑌶𑍍𑌵𑌚𑌰𑍍​𑌷𑌣𑍇 [ ] 16

𑌶॒𑌮𑍍𑌭𑍂𑌰𑍍𑌮॑𑌯𑍋॒𑌭𑍂-𑌸𑍍𑌸𑍍𑌵॒𑌸𑍍𑌤𑌿 𑌮𑌾॑ 𑌹𑌰𑌿𑌵𑌰𑍍𑌣॒ 𑌪𑍍𑌰𑌚॑𑌰॒ 𑌕𑍍𑌰𑌤𑍍𑌵𑍇॒ 𑌦𑌕𑍍𑌷𑌾॑𑌯 𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌵𑍀॒𑌰𑌤𑌾॑𑌯𑍈॒ 𑌮𑌾 𑌮𑌾॑ 𑌰𑌾𑌜॒𑌨𑍍. 𑌵𑌿 𑌬𑍀॑𑌭𑌿𑌷𑍋॒ 𑌮𑌾 𑌮𑍇॒ 𑌹𑌾𑌰𑍍𑌦𑌿॑ 𑌤𑍍𑌵𑌿॒𑌷𑌾 𑌵॑𑌧𑍀𑌃 । 𑌵𑍃𑌷॑𑌣𑍇॒ 𑌶𑍁𑌷𑍍𑌮𑌾॒𑌯𑌾-𑌽𑌽𑌯𑍁॑𑌷𑍇॒ 𑌵𑌰𑍍𑌚॑𑌸𑍇 ॥ 𑌵𑌸𑍁॑𑌮-𑌦𑍍𑌗𑌣𑌸𑍍𑌯 𑌸𑍋𑌮 𑌦𑍇𑌵 𑌤𑍇 𑌮𑌤𑌿॒𑌵𑌿𑌦𑌃॑ 𑌪𑍍𑌰𑌾𑌤॒𑌸𑍍𑌸𑌵॒𑌨𑌸𑍍𑌯॑ 𑌗𑌾𑌯॒𑌤𑍍𑌰𑌛॑𑌨𑍍𑌦𑌸॒ 𑌇𑌨𑍍𑌦𑍍𑌰॑𑌪𑍀𑌤𑌸𑍍𑌯॒ 𑌨𑌰𑌾॒𑌶𑌗𑍍​𑌮𑍍𑌸॑𑌪𑍀𑌤𑌸𑍍𑌯 𑌪𑌿॒𑌤𑍃𑌪𑍀॑𑌤𑌸𑍍𑌯॒ 𑌮𑌧𑍁॑𑌮𑌤॒ 𑌉𑌪॑𑌹𑍂𑌤॒𑌸𑍍𑌯𑍋𑌪॑𑌹𑍂𑌤𑍋 𑌭𑌕𑍍𑌷𑌯𑌾𑌮𑌿 𑌰𑍁॒𑌦𑍍𑌰𑌵॑-𑌦𑍍𑌗𑌣𑌸𑍍𑌯 𑌸𑍋𑌮 𑌦𑍇𑌵 𑌤𑍇 𑌮𑌤𑌿॒𑌵𑌿𑌦𑍋॒ 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑌸𑍍𑌯॒ 𑌸𑌵॑𑌨𑌸𑍍𑌯 𑌤𑍍𑌰𑌿॒𑌷𑍍𑌟𑍁𑌪𑍍𑌛॑𑌨𑍍𑌦𑌸॒ 𑌇𑌨𑍍𑌦𑍍𑌰॑𑌪𑍀𑌤𑌸𑍍𑌯॒ 𑌨𑌰𑌾॒𑌶𑌗𑍍​𑌮𑍍 𑌸॑𑌪𑍀𑌤𑌸𑍍𑌯 [ ] 1𑍭

𑌪𑌿॒𑌤𑍃𑌪𑍀॑𑌤𑌸𑍍𑌯॒ 𑌮𑌧𑍁॑𑌮𑌤॒ 𑌉𑌪॑𑌹𑍂𑌤॒𑌸𑍍𑌯𑍋𑌪॑𑌹𑍂𑌤𑍋 𑌭𑌕𑍍𑌷𑌯𑌾𑌮𑍍𑌯𑌾𑌦𑌿॒𑌤𑍍𑌯𑌵॑-𑌦𑍍𑌗𑌣𑌸𑍍𑌯 𑌸𑍋𑌮 𑌦𑍇𑌵 𑌤𑍇 𑌮𑌤𑌿॒𑌵𑌿𑌦॑𑌸𑍍𑌤𑍃॒𑌤𑍀𑌯॑𑌸𑍍𑌯॒ 𑌸𑌵॑𑌨𑌸𑍍𑌯॒ 𑌜𑌗॑𑌤𑍀𑌛𑌨𑍍𑌦𑌸॒ 𑌇𑌨𑍍𑌦𑍍𑌰॑𑌪𑍀𑌤𑌸𑍍𑌯॒ 𑌨𑌰𑌾॒𑌶𑌗𑍍​𑌮𑍍 𑌸॑𑌪𑍀𑌤𑌸𑍍𑌯 𑌪𑌿॒𑌤𑍃𑌪𑍀॑𑌤𑌸𑍍𑌯॒ 𑌮𑌧𑍁॑𑌮𑌤॒ 𑌉𑌪॑𑌹𑍂𑌤॒𑌸𑍍𑌯𑍋𑌪॑𑌹𑍂𑌤𑍋 𑌭𑌕𑍍𑌷𑌯𑌾𑌮𑌿 ॥ 𑌆𑌪𑍍𑌯𑌾॑𑌯𑌸𑍍𑌵॒ 𑌸𑌮𑍇॑𑌤𑍁 𑌤𑍇 𑌵𑌿॒𑌶𑍍𑌵𑌤॑-𑌸𑍍𑌸𑍋𑌮॒ 𑌵𑍃𑌷𑍍𑌣𑌿॑𑌯𑌮𑍍 । 𑌭𑌵𑌾॒ 𑌵𑌾𑌜॑𑌸𑍍𑌯 𑌸𑌙𑍍𑌗॒𑌥𑍇 ॥ 𑌹𑌿𑌨𑍍𑌵॑ 𑌮𑍇॒ 𑌗𑌾𑌤𑍍𑌰𑌾॑ 𑌹𑌰𑌿𑌵𑍋 𑌗॒𑌣𑌾-𑌨𑍍𑌮𑍇॒ 𑌮𑌾 𑌵𑌿𑌤𑍀॑𑌤𑍃𑌷𑌃 । 𑌶𑌿॒𑌵𑍋 𑌮𑍇॑ 𑌸𑌪𑍍𑌤॒𑌰𑍍॒𑌷𑍀𑌨𑍁𑌪॑ 𑌤𑌿𑌷𑍍𑌠𑌸𑍍𑌵॒ 𑌮𑌾 𑌮𑍇-𑌽𑌵𑌾॒𑌨𑍍𑌨𑌾𑌭𑌿॒𑌮𑌤𑌿॑ [𑌮𑌾 𑌮𑍇-𑌽𑌵𑌾॒𑌨𑍍𑌨𑌾𑌭𑌿॒𑌮𑌤𑌿॑, 𑌗𑌾𑌃॒ ।] 1𑍮

𑌗𑌾𑌃 ॥ 𑌅𑌪𑌾॑𑌮॒ 𑌸𑍋𑌮॑𑌮॒𑌮𑍃𑌤𑌾॑ 𑌅𑌭𑍂॒𑌮𑌾-𑌽𑌦॑𑌰𑍍​𑌶𑍍𑌮॒ 𑌜𑍍𑌯𑍋𑌤𑌿॒𑌰𑌵𑌿॑𑌦𑌾𑌮 𑌦𑍇॒𑌵𑌾𑌨𑍍 । 𑌕𑌿𑌮॒𑌸𑍍𑌮𑌾𑌨𑍍 𑌕𑍃॑𑌣𑌵॒𑌦𑌰𑌾॑𑌤𑌿𑌃॒ 𑌕𑌿𑌮𑍁॑ 𑌧𑍂॒𑌰𑍍𑌤𑌿𑌰॑𑌮𑍃𑌤॒ 𑌮𑌰𑍍𑌤𑍍𑌯॑𑌸𑍍𑌯 ॥ 𑌯𑌨𑍍𑌮॑ 𑌆॒𑌤𑍍𑌮𑌨𑍋॑ 𑌮𑌿॒𑌨𑍍𑌦𑌾-𑌽𑌭𑍂॑𑌦॒𑌗𑍍𑌨𑌿𑌸𑍍𑌤-𑌤𑍍𑌪𑍁𑌨॒𑌰𑌾-𑌽𑌹𑌾᳚𑌰𑍍𑌜𑌾॒𑌤𑌵𑍇॑𑌦𑌾॒ 𑌵𑌿𑌚॑𑌰𑍍​𑌷𑌣𑌿𑌃 ॥ 𑌪𑍁𑌨॑𑌰॒𑌗𑍍𑌨𑌿𑌶𑍍𑌚𑌕𑍍𑌷𑍁॑𑌰𑌦𑌾॒𑌤𑍍-𑌪𑍁𑌨॒𑌰𑌿𑌨𑍍𑌦𑍍𑌰𑍋॒ 𑌬𑍃𑌹॒𑌸𑍍𑌪𑌤𑌿𑌃॑ । 𑌪𑍁𑌨॑𑌰𑍍𑌮𑍇 𑌅𑌶𑍍𑌵𑌿𑌨𑌾 𑌯𑍁॒𑌵-𑌞𑍍𑌚𑌕𑍍𑌷𑍁॒𑌰𑌾 𑌧॑𑌤𑍍𑌤𑌮॒𑌕𑍍𑌷𑍍𑌯𑍋𑌃 ॥ 𑌇॒𑌷𑍍𑌟𑌯॑𑌜𑍁𑌷𑌸𑍍𑌤𑍇 𑌦𑍇𑌵 𑌸𑍋𑌮 𑌸𑍍𑌤𑍁॒𑌤𑌸𑍍𑌤𑍋॑𑌮𑌸𑍍𑌯 [ ] 1𑍯

𑌶॒𑌸𑍍𑌤𑍋𑌕𑍍𑌥॑𑌸𑍍𑌯॒ 𑌹𑌰𑌿॑𑌵𑌤॒ 𑌇𑌨𑍍𑌦𑍍𑌰॑𑌪𑍀𑌤𑌸𑍍𑌯॒ 𑌮𑌧𑍁॑𑌮𑌤॒ 𑌉𑌪॑𑌹𑍂𑌤॒𑌸𑍍𑌯𑍋𑌪॑𑌹𑍂𑌤𑍋 𑌭𑌕𑍍𑌷𑌯𑌾𑌮𑌿 ॥ 𑌆॒𑌪𑍂𑌰𑍍𑌯𑌾॒-𑌸𑍍𑌸𑍍𑌥𑌾-𑌽𑌽𑌮𑌾॑ 𑌪𑍂𑌰𑌯𑌤 𑌪𑍍𑌰॒𑌜𑌯𑌾॑ 𑌚॒ 𑌧𑌨𑍇॑𑌨 𑌚 ॥ 𑌏॒𑌤-𑌤𑍍𑌤𑍇॑ 𑌤𑌤॒ 𑌯𑍇 𑌚॒ 𑌤𑍍𑌵𑌾𑌮𑌨𑍍𑌵𑍇॒𑌤-𑌤𑍍𑌤𑍇॑ 𑌪𑌿𑌤𑌾𑌮𑌹 𑌪𑍍𑌰𑌪𑌿𑌤𑌾𑌮𑌹॒ 𑌯𑍇 𑌚॒ 𑌤𑍍𑌵𑌾𑌮𑌨𑍍𑌵𑌤𑍍𑌰॑ 𑌪𑌿𑌤𑌰𑍋 𑌯𑌥𑌾𑌭𑌾॒𑌗-𑌮𑍍𑌮॑𑌨𑍍𑌦𑌦𑍍𑌧𑍍𑌵॒-𑌨𑍍𑌨𑌮𑍋॑ 𑌵𑌃 𑌪𑌿𑌤𑌰𑍋॒ 𑌰𑌸𑌾॑𑌯॒ 𑌨𑌮𑍋॑ 𑌵𑌃 𑌪𑌿𑌤𑌰॒-𑌶𑍍𑌶𑍁𑌷𑍍𑌮𑌾॑𑌯॒ 𑌨𑌮𑍋॑ 𑌵𑌃 𑌪𑌿𑌤𑌰𑍋 𑌜𑍀॒𑌵𑌾𑌯॒ 𑌨𑌮𑍋॑ 𑌵𑌃 𑌪𑌿𑌤𑌰- [𑌨𑌮𑍋॑ 𑌵𑌃 𑌪𑌿𑌤𑌰𑌃, 𑌸𑍍𑌵॒𑌧𑌾𑌯𑍈॒] 20

-𑌸𑍍𑌸𑍍𑌵॒𑌧𑌾𑌯𑍈॒ 𑌨𑌮𑍋॑ 𑌵𑌃 𑌪𑌿𑌤𑌰𑍋 𑌮॒𑌨𑍍𑌯𑌵𑍇॒ 𑌨𑌮𑍋॑ 𑌵𑌃 𑌪𑌿𑌤𑌰𑍋 𑌘𑍋॒𑌰𑌾𑌯॒ 𑌪𑌿𑌤॑𑌰𑍋॒ 𑌨𑌮𑍋॑ 𑌵𑍋॒ 𑌯 𑌏॒𑌤𑌸𑍍𑌮𑌿॑𑌨𑍍 𑌁𑌲𑍋॒𑌕𑍇𑌸𑍍𑌥 𑌯𑍁॒𑌷𑍍𑌮𑌾𑌗𑍍​𑌸𑍍𑌤𑍇-𑌽𑌨𑍁॒ 𑌯𑍇᳚-𑌽𑌸𑍍𑌮𑌿𑌨𑍍 𑌁𑌲𑍋॒𑌕𑍇 𑌮𑌾-𑌨𑍍𑌤𑍇-𑌽𑌨𑍁॒ 𑌯 𑌏॒𑌤𑌸𑍍𑌮𑌿॑𑌨𑍍 𑌁𑌲𑍋॒𑌕𑍇 𑌸𑍍𑌥 𑌯𑍂॒𑌯-𑌨𑍍𑌤𑍇𑌷𑌾𑌂॒-𑌵𑌁𑌸𑌿॑𑌷𑍍𑌠𑌾 𑌭𑍂𑌯𑌾𑌸𑍍𑌤॒ 𑌯𑍇᳚-𑌽𑌸𑍍𑌮𑌿𑌨𑍍 𑌁𑌲𑍋॒𑌕𑍇॑-𑌽𑌹-𑌨𑍍𑌤𑍇𑌷𑌾𑌂॒-𑌵𑌁𑌸𑌿॑𑌷𑍍𑌠𑍋 𑌭𑍂𑌯𑌾𑌸॒-𑌮𑍍𑌪𑍍𑌰𑌜𑌾॑𑌪𑌤𑍇॒ 𑌨 𑌤𑍍𑌵𑌦𑍇॒𑌤𑌾𑌨𑍍𑌯॒𑌨𑍍𑌯𑍋 𑌵𑌿𑌶𑍍𑌵𑌾॑ 𑌜𑌾॒𑌤𑌾𑌨𑌿॒ 𑌪𑌰𑌿॒𑌤𑌾 𑌬॑𑌭𑍂𑌵 । 21

𑌯-𑌤𑍍𑌕𑌾॑𑌮𑌾𑌸𑍍𑌤𑍇 𑌜𑍁𑌹𑍁॒𑌮𑌸𑍍𑌤𑌨𑍍𑌨𑍋॑ 𑌅𑌸𑍍𑌤𑍁 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ 𑌦𑍇॒𑌵𑌕𑍃॑𑌤॒𑌸𑍍𑌯𑍈𑌨॑𑌸𑍋 𑌽𑌵॒𑌯𑌜॑𑌨𑌮𑌸𑌿 𑌮𑌨𑍁॒𑌷𑍍𑌯॑𑌕𑍃𑌤॒𑌸𑍍𑌯𑍈𑌨॑𑌸𑍋 𑌽𑌵॒𑌯𑌜॑𑌨𑌮𑌸𑌿 𑌪𑌿॒𑌤𑍃𑌕𑍃॑𑌤॒𑌸𑍍𑌯𑍈𑌨॑𑌸𑍋 𑌽𑌵॒𑌯𑌜॑𑌨𑌮𑌸𑍍𑌯॒𑌫𑍍𑌸𑍁 𑌧𑍌॒𑌤𑌸𑍍𑌯॑ 𑌸𑍋𑌮 𑌦𑍇𑌵 𑌤𑍇॒ 𑌨𑍃𑌭𑌿॑-𑌸𑍍𑌸𑍁॒𑌤𑌸𑍍𑌯𑍇॒𑌷𑍍𑌟 𑌯॑𑌜𑍁𑌷-𑌸𑍍𑌸𑍍𑌤𑍁॒𑌤𑌸𑍍𑌤𑍋॑𑌮𑌸𑍍𑌯 𑌶॒𑌸𑍍𑌤𑍋𑌕𑍍𑌥॑𑌸𑍍𑌯॒ 𑌯𑍋 𑌭॒𑌕𑍍𑌷𑍋𑌅॑𑌶𑍍𑌵॒𑌸𑌨𑌿॒𑌰𑍍𑌯𑍋 𑌗𑍋॒𑌸𑌨𑌿॒𑌸𑍍𑌤𑌸𑍍𑌯॑ 𑌤𑍇 𑌪𑌿॒𑌤𑍃𑌭𑌿॑𑌰𑍍𑌭॒𑌕𑍍𑌷-𑌙𑍍𑌕𑍃॑𑌤॒𑌸𑍍𑌯𑍋-𑌪॑𑌹𑍂𑌤॒𑌸𑍍𑌯𑍋𑌪॑𑌹𑍂𑌤𑍋 𑌭𑌕𑍍𑌷𑌯𑌾𑌮𑌿 ॥ 22 ॥
(𑌵𑌿॒𑌶𑍍𑌵॒𑌚॒𑌰𑍍​𑌷॒𑌣𑍇॒ - 𑌤𑍍𑌰𑌿॒𑌷𑍍𑌟𑍁𑌪𑍍𑌛॑𑌨𑍍𑌦𑌸॒ 𑌇𑌨𑍍𑌦𑍍𑌰॑𑌪𑍀𑌤𑌸𑍍𑌯॒ 𑌨𑌰𑌾॒𑌶𑌗𑍍​𑌮𑍍 𑌸॑𑌪𑍀𑌤॒𑌸𑍍𑌯𑌾 - 𑌽𑌤𑌿॑ -𑌸𑍍𑌤𑍁॒𑌤𑌸𑍍𑌤𑍋॑𑌮𑌸𑍍𑌯 - 𑌜𑍀॒𑌵𑌾𑌯॒ 𑌨𑌮𑍋॑ 𑌵𑌃 𑌪𑌿𑌤𑌰𑍋 - 𑌬𑌭𑍂𑌵॒ - 𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 5)

𑌮॒𑌹𑍀॒𑌨𑌾-𑌮𑍍𑌪𑌯𑍋॑-𑌽𑌸𑌿॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌨𑍍𑌤॒𑌨𑍂𑌰𑍍-𑌋॒𑌦𑍍𑌧𑍍𑌯𑌾𑌸॑𑌮॒𑌦𑍍𑌯 𑌪𑍃𑌷॑𑌤𑍀𑌨𑌾॒-𑌙𑍍𑌗𑍍𑌰𑌹॒-𑌮𑍍𑌪𑍃𑌷॑𑌤𑍀𑌨𑌾॒-𑌙𑍍𑌗𑍍𑌰𑌹𑍋॑-𑌽𑌸𑌿॒ 𑌵𑌿𑌷𑍍𑌣𑍋॒𑌰𑍍॒𑌹𑍃𑌦॑𑌯𑌮॒𑌸𑍍𑌯𑍇𑌕॑𑌮𑌿𑌷॒ 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌽𑌨𑍁॒ 𑌵𑌿𑌚॑𑌕𑍍𑌰𑌮𑍇 𑌭𑍂॒𑌤𑌿𑌰𑍍𑌦॒𑌦𑍍𑌧𑍍𑌨𑌾 𑌘𑍃॒𑌤𑍇𑌨॑ 𑌵𑌰𑍍𑌧𑌤𑌾॒-𑌨𑍍𑌤𑌸𑍍𑌯॑ 𑌮𑍇॒𑌷𑍍𑌟𑌸𑍍𑌯॑ 𑌵𑍀॒𑌤𑌸𑍍𑌯॒ 𑌦𑍍𑌰𑌵𑌿॑𑌣॒𑌮𑌾 𑌗॑𑌮𑍍𑌯𑌾॒𑌜𑍍𑌜𑍍𑌯𑍋𑌤𑌿॑𑌰𑌸𑌿 𑌵𑍈𑌶𑍍𑌵𑌾𑌨॒𑌰-𑌮𑍍𑌪𑍃𑌶𑍍𑌞𑌿॑𑌯𑍈 𑌦𑍁॒𑌗𑍍𑌧𑌂-𑌯𑌾𑌁𑌵॑𑌤𑍀॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌮॑𑌹𑌿॒𑌤𑍍𑌵𑌾 𑌯𑌾𑌵॑𑌚𑍍𑌚 𑌸॒𑌪𑍍𑌤 𑌸𑌿𑌨𑍍𑌧॑𑌵𑍋 𑌵𑌿𑌤॒𑌸𑍍𑌥𑍁𑌃 । 𑌤𑌾𑌵॑𑌨𑍍𑌤𑌮𑌿𑌨𑍍𑌦𑍍𑌰 𑌤𑍇॒ [𑌤𑌾𑌵॑𑌨𑍍𑌤𑌮𑌿𑌨𑍍𑌦𑍍𑌰 𑌤𑍇, 𑌗𑍍𑌰𑌹𑌗𑍍​𑌮𑍍॑] 23

𑌗𑍍𑌰𑌹𑌗𑍍​𑌮𑍍॑ 𑌸॒𑌹𑍋𑌰𑍍𑌜𑌾 𑌗𑍃॑𑌹𑍍𑌣𑌾॒𑌮𑍍𑌯𑌸𑍍𑌤𑍃॑𑌤𑌮𑍍 ॥ 𑌯-𑌤𑍍𑌕𑍃॑𑌷𑍍𑌣𑌶𑌕𑍁॒𑌨𑌃 𑌪𑍃॑𑌷𑌦𑌾॒𑌜𑍍𑌯𑌮॑𑌵𑌮𑍃॒𑌶𑍇𑌚𑍍𑌛𑍂॒𑌦𑍍𑌰𑌾 𑌅॑𑌸𑍍𑌯 𑌪𑍍𑌰॒𑌮𑌾𑌯𑍁॑𑌕𑌾-𑌸𑍍𑌸𑍍𑌯𑍁॒𑌰𑍍𑌯𑌚𑍍𑌛𑍍𑌵𑌾 𑌽𑌵॑𑌮𑍃॒𑌶𑍇𑌚𑍍𑌚𑌤𑍁॑𑌷𑍍𑌪𑌾𑌦𑍋-𑌽𑌸𑍍𑌯 𑌪॒𑌶𑌵𑌃॑ 𑌪𑍍𑌰॒𑌮𑌾𑌯𑍁॑𑌕𑌾-𑌸𑍍𑌸𑍍𑌯𑍁॒𑌰𑍍𑌯-𑌥𑍍𑌸𑍍𑌕𑌨𑍍𑌦𑍇॒-𑌦𑍍𑌯𑌜॑𑌮𑌾𑌨𑌃 𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾-𑌤𑍍𑌪॒𑌶𑌵𑍋॒ 𑌵𑍈 𑌪𑍃॑𑌷𑌦𑌾॒𑌜𑍍𑌯-𑌮𑍍𑌪॒𑌶𑌵𑍋॒ 𑌵𑌾 𑌏॒𑌤𑌸𑍍𑌯॑ 𑌸𑍍𑌕𑌨𑍍𑌦𑌨𑍍𑌤𑌿॒ 𑌯𑌸𑍍𑌯॑ 𑌪𑍃𑌷𑌦𑌾॒𑌜𑍍𑌯𑌗𑍍𑌗𑍍​ 𑌸𑍍𑌕𑌨𑍍𑌦॑𑌤𑌿॒ 𑌯-𑌤𑍍𑌪𑍃॑𑌷𑌦𑌾॒𑌜𑍍𑌯-𑌮𑍍𑌪𑍁𑌨॑𑌰𑍍𑌗𑍃॒𑌹𑍍𑌣𑌾𑌤𑌿॑ 𑌪॒𑌶𑍂𑌨𑍇॒𑌵𑌾𑌸𑍍𑌮𑍈॒ 𑌪𑍁𑌨॑𑌰𑍍𑌗𑍃𑌹𑍍𑌣𑌾𑌤𑌿 𑌪𑍍𑌰𑌾॒𑌣𑍋 𑌵𑍈 𑌪𑍃॑𑌷𑌦𑌾॒𑌜𑍍𑌯-𑌮𑍍𑌪𑍍𑌰𑌾॒𑌣𑍋 𑌵𑌾 [𑌪𑍃॑𑌷𑌦𑌾॒𑌜𑍍𑌯-𑌮𑍍𑌪𑍍𑌰𑌾॒𑌣𑍋 𑌵𑍈, 𑌏॒𑌤𑌸𑍍𑌯॑] 24

𑌏॒𑌤𑌸𑍍𑌯॑ 𑌸𑍍𑌕𑌨𑍍𑌦𑌤𑌿॒ 𑌯𑌸𑍍𑌯॑ 𑌪𑍃𑌷𑌦𑌾॒𑌜𑍍𑌯𑌗𑍍𑌗𑍍​ 𑌸𑍍𑌕𑌨𑍍𑌦॑𑌤𑌿॒ 𑌯-𑌤𑍍𑌪𑍃॑𑌷𑌦𑌾॒𑌜𑍍𑌯-𑌮𑍍𑌪𑍁𑌨॑𑌰𑍍𑌗𑍃॒𑌹𑍍𑌣𑌾𑌤𑌿॑ 𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌮𑍈॒ 𑌪𑍁𑌨॑𑌰𑍍𑌗𑍃𑌹𑍍𑌣𑌾𑌤𑌿॒ 𑌹𑌿𑌰॑𑌣𑍍𑌯𑌮𑌵॒𑌧𑌾𑌯॑ 𑌗𑍃𑌹𑍍𑌣𑌾𑌤𑍍𑌯॒𑌮𑍃𑌤𑌂॒-𑌵𑍈𑌁 𑌹𑌿𑌰॑𑌣𑍍𑌯-𑌮𑍍𑌪𑍍𑌰𑌾॒𑌣𑌃 𑌪𑍃॑𑌷𑌦𑌾॒𑌜𑍍𑌯𑌮॒𑌮𑍃𑌤॑𑌮𑍇॒𑌵𑌾𑌸𑍍𑌯॑ 𑌪𑍍𑌰𑌾॒𑌣𑍇 𑌦॑𑌧𑌾𑌤𑌿 𑌶॒𑌤𑌮𑌾॑𑌨-𑌮𑍍𑌭𑌵𑌤𑌿 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯॒ 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 𑌪𑍍𑌰𑌤𑌿॑𑌤𑌿𑌷𑍍𑌠॒𑌤𑍍𑌯𑌶𑍍𑌵॒𑌮𑌵॑ 𑌘𑍍𑌰𑌾𑌪𑌯𑌤𑌿 𑌪𑍍𑌰𑌾𑌜𑌾𑌪॒𑌤𑍍𑌯𑍋 𑌵𑌾 𑌅𑌶𑍍𑌵𑌃॑ 𑌪𑍍𑌰𑌾𑌜𑌾𑌪॒𑌤𑍍𑌯𑌃 𑌪𑍍𑌰𑌾॒𑌣-𑌸𑍍𑌸𑍍𑌵𑌾𑌦𑍇॒𑌵𑌾𑌸𑍍𑌮𑍈॒ 𑌯𑍋𑌨𑍇𑌃᳚ 𑌪𑍍𑌰𑌾॒𑌣-𑌨𑍍𑌨𑌿𑌰𑍍𑌮𑌿॑𑌮𑍀𑌤𑍇॒ 𑌵𑌿 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞𑌶𑍍𑌛𑌿॑𑌦𑍍𑌯𑌤𑍇॒ 𑌯𑌸𑍍𑌯॑ 𑌪𑍃𑌷𑌦𑌾॒𑌜𑍍𑌯𑌗𑍍𑌗𑍍​ 𑌸𑍍𑌕𑌨𑍍𑌦॑𑌤𑌿 𑌵𑍈𑌷𑍍𑌣॒𑌵𑍍𑌯𑌰𑍍𑌚𑌾 𑌪𑍁𑌨॑𑌰𑍍𑌗𑍃𑌹𑍍𑌣𑌾𑌤𑌿 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑍇𑌨𑍈॒𑌵 𑌯॒𑌜𑍍𑌞𑌗𑍍​𑌮𑍍 𑌸-𑌨𑍍𑌤॑𑌨𑍋𑌤𑌿 ॥ 25 ॥
(𑌤𑍇॒ - 𑌪𑍃॒𑌷॒𑌦𑌾॒𑌜𑍍𑌯-𑌮𑍍𑌪𑍍𑌰𑌾॒𑌣𑍋 𑌵𑍈 - 𑌯𑍋𑌨𑍇𑌃᳚ 𑌪𑍍𑌰𑌾॒𑌣𑌂 - 𑌦𑍍𑌵𑌾𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 6)

𑌦𑍇𑌵॑ 𑌸𑌵𑌿𑌤𑌰𑍇॒𑌤-𑌤𑍍𑌤𑍇॒ 𑌪𑍍𑌰𑌾-𑌽𑌽𑌹॒ 𑌤-𑌤𑍍𑌪𑍍𑌰 𑌚॑ 𑌸𑍁॒𑌵 𑌪𑍍𑌰 𑌚॑ 𑌯𑌜॒ 𑌬𑍃𑌹॒𑌸𑍍𑌪𑌤𑌿॑𑌰𑍍𑌬𑍍𑌰॒𑌹𑍍𑌮𑌾 𑌽𑌽𑌯𑍁॑𑌷𑍍𑌮𑌤𑍍𑌯𑌾 𑌋॒𑌚𑍋 𑌮𑌾 𑌗𑌾॑𑌤 𑌤𑌨𑍂॒𑌪𑌾-𑌥𑍍𑌸𑌾𑌮𑍍𑌨॑-𑌸𑍍𑌸॒𑌤𑍍𑌯𑌾 𑌵॑ 𑌆॒𑌶𑌿𑌷॑-𑌸𑍍𑌸𑌨𑍍𑌤𑍁 𑌸॒𑌤𑍍𑌯𑌾 𑌆𑌕𑍂॑𑌤𑌯 𑌋॒𑌤-𑌞𑍍𑌚॑ 𑌸॒𑌤𑍍𑌯-𑌞𑍍𑌚॑ 𑌵𑌦𑌤 𑌸𑍍𑌤𑍁॒𑌤 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 𑌸𑍍𑌤𑍁॒𑌤𑌸𑍍𑌯॑ 𑌸𑍍𑌤𑍁॒𑌤𑌮॒𑌸𑍍𑌯𑍂𑌰𑍍𑌜॒-𑌮𑍍𑌮𑌹𑍍𑌯𑌗𑍍𑌗𑍍॑ 𑌸𑍍𑌤𑍁॒𑌤-𑌨𑍍𑌦𑍁॑𑌹𑌾॒𑌮𑌾 𑌮𑌾᳚ 𑌸𑍍𑌤𑍁॒𑌤𑌸𑍍𑌯॑ 𑌸𑍍𑌤𑍁॒𑌤-𑌙𑍍𑌗॑𑌮𑍍𑌯𑌾𑌚𑍍𑌛॒𑌸𑍍𑌤𑍍𑌰𑌸𑍍𑌯॑ 𑌶॒𑌸𑍍𑌤𑍍𑌰- [𑌶॒𑌸𑍍𑌤𑍍𑌰𑌮𑍍, 𑌅॒𑌸𑍍𑌯𑍂𑌰𑍍𑌜॒-𑌮𑍍𑌮𑌹𑍍𑌯𑌗𑍍​𑌮𑍍॑] 26

-𑌮॒𑌸𑍍𑌯𑍂𑌰𑍍𑌜॒-𑌮𑍍𑌮𑌹𑍍𑌯𑌗𑍍​𑌮𑍍॑ 𑌶॒𑌸𑍍𑌤𑍍𑌰-𑌨𑍍𑌦𑍁॑𑌹𑌾॒𑌮𑌾 𑌮𑌾॑ 𑌶॒𑌸𑍍𑌤𑍍𑌰𑌸𑍍𑌯॑ 𑌶॒𑌸𑍍𑌤𑍍𑌰-𑌙𑍍𑌗॑𑌮𑍍𑌯𑌾-𑌦𑌿𑌨𑍍𑌦𑍍𑌰𑌿॒𑌯𑌾𑌵॑𑌨𑍍𑌤𑍋 𑌵𑌨𑌾𑌮𑌹𑍇 𑌧𑍁𑌕𑍍𑌷𑍀॒𑌮𑌹𑌿॑ 𑌪𑍍𑌰॒𑌜𑌾𑌮𑌿𑌷᳚𑌮𑍍 ॥ 𑌸𑌾 𑌮𑍇॑ 𑌸॒𑌤𑍍𑌯𑌾-𑌽𑌽𑌶𑍀𑌰𑍍𑌦𑍇॒𑌵𑍇𑌷𑍁॑ 𑌭𑍂𑌯𑌾-𑌦𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌮𑍍𑌮𑌾-𑌽𑌽 𑌗॑𑌮𑍍𑌯𑌾𑌤𑍍 ॥ 𑌯॒𑌜𑍍𑌞𑍋 𑌬॑𑌭𑍂𑌵॒ 𑌸 𑌆 𑌬॑𑌭𑍂𑌵॒ 𑌸𑌪𑍍𑌰𑌜॑𑌜𑍍𑌞𑍇॒ 𑌸 𑌵𑌾॑𑌵𑍃𑌧𑍇 । 𑌸 𑌦𑍇॒𑌵𑌾𑌨𑌾॒𑌮𑌧𑌿॑-𑌪𑌤𑌿𑌰𑍍𑌬𑌭𑍂𑌵॒ 𑌸𑍋 𑌅॒𑌸𑍍𑌮𑌾𑌗𑍍​𑌮𑍍 𑌅𑌧𑌿॑𑌪𑌤𑍀𑌨𑍍 𑌕𑌰𑍋𑌤𑍁 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ 𑌯॒𑌜𑍍𑌞𑍋 𑌵𑌾॒ 𑌵𑍈 [ ] 2𑍭

𑌯॒𑌜𑍍𑌞𑌪॑𑌤𑌿-𑌨𑍍𑌦𑍁॒𑌹𑍇 𑌯॒𑌜𑍍𑌞𑌪॑𑌤𑌿𑌰𑍍𑌵𑌾 𑌯॒𑌜𑍍𑌞-𑌨𑍍𑌦𑍁॑𑌹𑍇॒ 𑌸 𑌯-𑌸𑍍𑌸𑍍𑌤𑍁॑𑌤𑌶॒𑌸𑍍𑌤𑍍𑌰𑌯𑍋॒𑌰𑍍𑌦𑍋𑌹॒𑌮 𑌵𑌿॑𑌦𑍍𑌵𑌾॒𑌨𑍍॒. 𑌯𑌜॑𑌤𑍇॒ 𑌤𑌂-𑌯𑌁॒𑌜𑍍𑌞𑍋 𑌦𑍁॑𑌹𑍇॒ 𑌸 𑌇॒𑌷𑍍𑌟𑍍𑌵𑌾 𑌪𑌾𑌪𑍀॑𑌯𑌾-𑌨𑍍𑌭𑌵𑌤𑌿॒ 𑌯 𑌏॑𑌨𑌯𑍋॒𑌰𑍍𑌦𑍋𑌹𑌂॑-𑌵𑌿𑌁॒𑌦𑍍𑌵𑌾𑌨𑍍. 𑌯𑌜॑𑌤𑍇॒ 𑌸 𑌯॒𑌜𑍍𑌞-𑌨𑍍𑌦𑍁॑𑌹𑍇॒ 𑌸 𑌇॒𑌷𑍍𑌟𑍍𑌵𑌾 𑌵𑌸𑍀॑𑌯𑌾-𑌨𑍍𑌭𑌵𑌤𑌿 𑌸𑍍𑌤𑍁॒𑌤𑌸𑍍𑌯॑ 𑌸𑍍𑌤𑍁॒𑌤𑌮॒𑌸𑍍𑌯𑍂𑌰𑍍𑌜॒-𑌮𑍍𑌮𑌹𑍍𑌯𑌗𑍍𑌗𑍍॑ 𑌸𑍍𑌤𑍁॒𑌤-𑌨𑍍𑌦𑍁॑𑌹𑌾॒𑌮𑌾 𑌮𑌾᳚ 𑌸𑍍𑌤𑍁॒𑌤𑌸𑍍𑌯॑ 𑌸𑍍𑌤𑍁॒𑌤-𑌙𑍍𑌗॑𑌮𑍍𑌯𑌾𑌚𑍍𑌛॒𑌸𑍍𑌤𑍍𑌰𑌸𑍍𑌯॑ 𑌶॒𑌸𑍍𑌤𑍍𑌰𑌮॒𑌸𑍍𑌯𑍂𑌰𑍍𑌜॒-𑌮𑍍𑌮𑌹𑍍𑌯𑌗𑍍​𑌮𑍍॑ 𑌶॒𑌸𑍍𑌤𑍍𑌰-𑌨𑍍𑌦𑍁॑𑌹𑌾॒ 𑌮𑌾 𑌮𑌾॑ 𑌶॒𑌸𑍍𑌤𑍍𑌰𑌸𑍍𑌯॑ 𑌶॒𑌸𑍍𑌤𑍍𑌰-𑌙𑍍𑌗॑𑌮𑍍𑌯𑌾॒𑌦𑌿𑌤𑍍𑌯𑌾॑𑌹𑍈॒𑌷 𑌵𑍈 𑌸𑍍𑌤𑍁॑𑌤𑌶॒𑌸𑍍𑌤𑍍𑌰𑌯𑍋॒𑌰𑍍𑌦𑍋𑌹॒𑌸𑍍𑌤𑌂-𑌯𑌁 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍. 𑌯𑌜॑𑌤𑍇 𑌦𑍁॒𑌹 𑌏॒𑌵 𑌯॒𑌜𑍍𑌞𑌮𑌿॒𑌷𑍍𑌟𑍍𑌵𑌾 𑌵𑌸𑍀॑𑌯𑌾-𑌨𑍍𑌭𑌵𑌤𑌿 ॥ 2𑍮 ॥
(𑌶॒𑌸𑍍𑌤𑍍𑌰𑌂 - 𑌁𑌵𑍈 - 𑌶॒𑌸𑍍𑌤𑍍𑌰𑌨𑍍𑌦𑍁॑𑌹𑌾𑌂॒ - 𑌦𑍍𑌵𑌾𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 𑍭)

𑌶𑍍𑌯𑍇॒𑌨𑌾𑌯॒ 𑌪𑌤𑍍𑌵॑𑌨𑍇॒ 𑌸𑍍𑌵𑌾𑌹𑌾॒ 𑌵𑌟𑍍𑌥𑍍𑌸𑍍𑌵॒𑌯𑌮॑𑌭𑌿𑌗𑍂𑌰𑍍𑌤𑌾𑌯॒ 𑌨𑌮𑍋॑ 𑌵𑌿𑌷𑍍𑌟॒𑌮𑍍𑌭𑌾𑌯॒ 𑌧𑌰𑍍𑌮॑𑌣𑍇॒ 𑌸𑍍𑌵𑌾𑌹𑌾॒ 𑌵𑌟𑍍𑌥𑍍𑌸𑍍𑌵॒𑌯𑌮॑𑌭𑌿𑌗𑍂𑌰𑍍𑌤𑌾𑌯॒ 𑌨𑌮𑌃॑ 𑌪𑌰𑌿॒𑌧𑌯𑍇॑ 𑌜𑌨॒𑌪𑍍𑌰𑌥॑𑌨𑌾𑌯॒ 𑌸𑍍𑌵𑌾𑌹𑌾॒ 𑌵𑌟𑍍𑌥𑍍𑌸𑍍𑌵॒𑌯𑌮॑𑌭𑌿𑌗𑍂𑌰𑍍𑌤𑌾𑌯॒ 𑌨𑌮॑ 𑌊॒𑌰𑍍𑌜𑍇 𑌹𑍋𑌤𑍍𑌰𑌾॑𑌣𑌾॒𑌗𑍍॒ 𑌸𑍍𑌵𑌾𑌹𑌾॒ 𑌵𑌟𑍍𑌥𑍍𑌸𑍍𑌵॒𑌯𑌮॑𑌭𑌿𑌗𑍂𑌰𑍍𑌤𑌾𑌯॒ 𑌨𑌮𑌃॒ 𑌪𑌯॑𑌸𑍇॒ 𑌹𑍋𑌤𑍍𑌰𑌾॑𑌣𑌾॒𑌗𑍍॒ 𑌸𑍍𑌵𑌾𑌹𑌾॒ 𑌵𑌟𑍍𑌥𑍍𑌸𑍍𑌵॒𑌯𑌮॑𑌭𑌿𑌗𑍂𑌰𑍍𑌤𑌾𑌯॒ 𑌨𑌮𑌃॑ 𑌪𑍍𑌰॒𑌜𑌾𑌪॑𑌤𑌯𑍇॒ 𑌮𑌨॑𑌵𑍇॒ 𑌸𑍍𑌵𑌾𑌹𑌾॒ 𑌵𑌟𑍍𑌥𑍍𑌸𑍍𑌵॒𑌯𑌮॑𑌭𑌿𑌗𑍂𑌰𑍍𑌤𑌾𑌯॒ 𑌨𑌮॑ 𑌋॒𑌤𑌮𑍃॑𑌤𑌪𑌾-𑌸𑍍𑌸𑍁𑌵𑌰𑍍𑌵𑌾॒𑌟𑍍𑌥𑍍𑌸𑍍𑌵𑌾𑌹𑌾॒ 𑌵𑌟𑍍𑌥𑍍𑌸𑍍𑌵॒𑌯𑌮॑𑌭𑌿𑌗𑍂𑌰𑍍𑌤𑌾𑌯॒ 𑌨𑌮॑𑌸𑍍𑌤𑍃॒𑌮𑍍𑌪𑌨𑍍𑌤𑌾॒𑌗𑍍​𑌮𑍍॒ 𑌹𑍋𑌤𑍍𑌰𑌾॒ 𑌮𑌧𑍋᳚𑌰𑍍𑌘𑍃॒𑌤𑌸𑍍𑌯॑ 𑌯॒𑌜𑍍𑌞𑌪॑𑌤𑌿॒𑌮𑍃𑌷॑𑌯॒ 𑌏𑌨॑𑌸𑌾- [𑌏𑌨॑𑌸𑌾, 𑌆॒𑌹𑍁𑌃॒ ।] 2𑍯

-𑌽𑌽𑌹𑍁𑌃 । 𑌪𑍍𑌰॒𑌜𑌾 𑌨𑌿𑌰𑍍𑌭॑𑌕𑍍𑌤𑌾 𑌅𑌨𑍁𑌤॒𑌪𑍍𑌯𑌮𑌾॑𑌨𑌾 𑌮𑌧॒𑌵𑍍𑌯𑍌᳚ 𑌸𑍍𑌤𑍋॒𑌕𑌾𑌵𑌪॒ 𑌤𑍌 𑌰॑𑌰𑌾𑌧 ॥ 𑌸-𑌨𑍍𑌨॒𑌸𑍍𑌤𑌾𑌭𑍍𑌯𑌾𑌗𑍍​𑌮𑍍॑ 𑌸𑍃𑌜𑌤𑍁𑌵𑌿॒𑌶𑍍𑌵𑌕॑𑌰𑍍𑌮𑌾 𑌘𑍋॒𑌰𑌾 𑌋𑌷॑𑌯𑍋॒ 𑌨𑌮𑍋॑ 𑌅𑌸𑍍𑌤𑍍𑌵𑍇𑌭𑍍𑌯𑌃 । 𑌚𑌕𑍍𑌷𑍁॑𑌷 𑌏𑌷𑌾॒-𑌮𑍍𑌮𑌨॑𑌸𑌶𑍍𑌚 𑌸॒𑌨𑍍𑌧𑍌 𑌬𑍃𑌹॒𑌸𑍍𑌪𑌤॑𑌯𑍇॒ 𑌮𑌹𑌿॒ 𑌷-𑌦𑍍𑌦𑍍𑌯𑍁॒𑌮𑌨𑍍𑌨𑌮𑌃॑ ॥ 𑌨𑌮𑍋॑ 𑌵𑌿॒𑌶𑍍𑌵𑌕॑𑌰𑍍𑌮𑌣𑍇॒ 𑌸 𑌉॑ 𑌪𑌾𑌤𑍍𑌵॒𑌸𑍍𑌮𑌾𑌨॑𑌨॒𑌨𑍍𑌯𑌾𑌨𑍍-𑌥𑍍𑌸𑍋॑𑌮॒𑌪𑌾-𑌨𑍍𑌮𑌨𑍍𑌯॑𑌮𑌾𑌨𑌃 । 𑌪𑍍𑌰𑌾॒𑌣𑌸𑍍𑌯॑ 𑌵𑌿॒𑌦𑍍𑌵𑌾𑌨𑍍-𑌥𑍍𑌸॑𑌮॒𑌰𑍇 𑌨 𑌧𑍀𑌰॒ 𑌏𑌨॑𑌶𑍍𑌚𑌕𑍃॒𑌵𑌾-𑌨𑍍𑌮𑌹𑌿॑ 𑌬॒𑌦𑍍𑌧 𑌏॑𑌷𑌾𑌮𑍍 ॥ 𑌤𑌂-𑌵𑌿𑌁॑𑌶𑍍𑌵𑌕𑌰𑍍𑌮॒- [𑌤𑌂-𑌵𑌿𑌁॑𑌶𑍍𑌵𑌕𑌰𑍍𑌮𑌨𑍍𑌨𑍍, 𑌪𑍍𑌰 𑌮𑍁॑𑌞𑍍𑌚𑌾 𑌸𑍍𑌵॒𑌸𑍍𑌤𑌯𑍇॒] 30

-𑌨𑍍𑌪𑍍𑌰 𑌮𑍁॑𑌞𑍍𑌚𑌾 𑌸𑍍𑌵॒𑌸𑍍𑌤𑌯𑍇॒ 𑌯𑍇 𑌭॒𑌕𑍍𑌷𑌯॑𑌨𑍍𑌤𑍋॒ 𑌨 𑌵𑌸𑍂᳚𑌨𑍍𑌯𑌾𑌨𑍃॒𑌹𑍁𑌃 । 𑌯𑌾𑌨॒𑌗𑍍𑌨𑌯𑍋॒-𑌽𑌨𑍍𑌵𑌤॑𑌪𑍍𑌯𑌨𑍍𑌤॒ 𑌧𑌿𑌷𑍍𑌣𑌿॑𑌯𑌾 𑌇॒𑌯-𑌨𑍍𑌤𑍇𑌷𑌾॑𑌮𑌵॒𑌯𑌾 𑌦𑍁𑌰𑌿॑𑌷𑍍𑌟𑍍𑌯𑍈॒ 𑌸𑍍𑌵𑌿॑𑌷𑍍𑌟𑌿-𑌨𑍍𑌨॒𑌸𑍍𑌤𑌾-𑌙𑍍𑌕𑍃॑𑌣𑍋𑌤𑍁 𑌵𑌿॒𑌶𑍍𑌵𑌕॑𑌰𑍍𑌮𑌾 ॥ 𑌨𑌮𑌃॑ 𑌪𑌿॒𑌤𑍃𑌭𑍍𑌯𑍋॑ 𑌅॒𑌭𑌿 𑌯𑍇 𑌨𑍋॒ 𑌅𑌖𑍍𑌯॑𑌨𑍍. 𑌯𑌜𑍍𑌞॒𑌕𑍃𑌤𑍋॑ 𑌯॒𑌜𑍍𑌞𑌕𑌾॑𑌮𑌾-𑌸𑍍𑌸𑍁𑌦𑍇॒𑌵𑌾 𑌅॑𑌕𑌾॒𑌮𑌾 𑌵𑍋॒ 𑌦𑌕𑍍𑌷𑌿॑𑌣𑌾॒-𑌨𑍍𑌨 𑌨𑍀॑𑌨𑌿𑌮॒ 𑌮𑌾 𑌨॒𑌸𑍍𑌤𑌸𑍍𑌮𑌾॒ 𑌦𑍇𑌨॑𑌸𑌃 𑌪𑌾𑌪𑌯𑌿𑌷𑍍𑌟 । 𑌯𑌾𑌵॑𑌨𑍍𑌤𑍋॒ 𑌵𑍈 𑌸॑𑌦॒𑌸𑍍𑌯𑌾᳚𑌸𑍍𑌤𑍇 𑌸𑌰𑍍𑌵𑍇॑ 𑌦𑌕𑍍𑌷𑌿॒𑌣𑍍𑌯𑌾᳚𑌸𑍍𑌤𑍇𑌭𑍍𑌯𑍋॒ 𑌯𑍋 𑌦𑌕𑍍𑌷𑌿॑𑌣𑌾॒-𑌨𑍍𑌨 [ ] 31

𑌨𑌯𑍇॒𑌦𑍈𑌭𑍍𑌯𑍋॑ 𑌵𑍃𑌶𑍍𑌚𑍍𑌯𑍇𑌤॒ 𑌯-𑌦𑍍𑌵𑍈᳚𑌶𑍍𑌵𑌕𑌰𑍍𑌮॒𑌣𑌾𑌨𑌿॑ 𑌜𑍁॒𑌹𑍋𑌤𑌿॑ 𑌸𑌦॒𑌸𑍍𑌯𑌾॑𑌨𑍇॒𑌵 𑌤-𑌤𑍍𑌪𑍍𑌰𑍀॑𑌣𑌾𑌤𑍍𑌯॒𑌸𑍍𑌮𑍇 𑌦𑍇॑𑌵𑌾𑌸𑍋॒ 𑌵𑌪𑍁॑𑌷𑍇 𑌚𑌿𑌕𑌿𑌥𑍍𑌸𑌤॒ 𑌯𑌮𑌾॒𑌶𑌿𑌰𑌾॒ 𑌦𑌮𑍍𑌪॑𑌤𑍀 𑌵𑌾॒𑌮𑌮॑𑌶𑍍𑌞𑍁॒𑌤𑌃 । 𑌪𑍁𑌮𑌾᳚-𑌨𑍍𑌪𑍁॒𑌤𑍍𑌰𑍋 𑌜𑌾॑𑌯𑌤𑍇 𑌵𑌿॒𑌨𑍍𑌦𑌤𑍇॒ 𑌵𑌸𑍍𑌵𑌥॒ 𑌵𑌿𑌶𑍍𑌵𑍇॑ 𑌅𑌰॒𑌪𑌾 𑌏॑𑌧𑌤𑍇 𑌗𑍃॒𑌹𑌃 ॥ 𑌆॒𑌶𑍀॒𑌰𑍍𑌦𑌾॒𑌯𑌾 𑌦𑌮𑍍𑌪॑𑌤𑍀 𑌵𑌾॒𑌮𑌮॑𑌶𑍍𑌞𑍁𑌤𑌾॒𑌮𑌰𑌿॑𑌷𑍍𑌟𑍋॒ 𑌰𑌾𑌯॑-𑌸𑍍𑌸𑌚𑌤𑌾॒𑌗𑍍​𑌮𑍍॒ 𑌸𑌮𑍋॑𑌕𑌸𑌾 । 𑌯 𑌆-𑌽𑌸𑌿॑𑌚॒-𑌥𑍍𑌸-𑌨𑍍𑌦𑍁॑𑌗𑍍𑌧-𑌙𑍍𑌕𑍁॒𑌮𑍍𑌭𑍍𑌯𑌾 𑌸॒𑌹𑍇𑌷𑍍𑌟𑍇𑌨॒ 𑌯𑌾𑌮॒𑌨𑍍𑌨𑌮॑𑌤𑌿-𑌞𑍍𑌜𑌹𑌾𑌤𑍁॒ 𑌸𑌃 ॥ 𑌸॒𑌰𑍍𑌪𑌿॒𑌰𑍍𑌗𑍍𑌰𑍀॒𑌵𑍀 [ ] 32

𑌪𑍀𑌵॑𑌰𑍍𑌯𑌸𑍍𑌯 𑌜𑌾॒𑌯𑌾 𑌪𑍀𑌵𑌾॑𑌨𑌃 𑌪𑍁॒𑌤𑍍𑌰𑌾 𑌅𑌕𑍃॑𑌶𑌾𑌸𑍋 𑌅𑌸𑍍𑌯 । 𑌸॒𑌹𑌜𑌾॑𑌨𑌿॒𑌰𑍍𑌯-𑌸𑍍𑌸𑍁॑𑌮𑌖॒𑌸𑍍𑌯𑌮𑌾॑𑌨॒ 𑌇𑌨𑍍𑌦𑍍𑌰𑌾॑𑌯𑌾॒-𑌽𑌽𑌶𑌿𑌰𑌗𑍍​𑌮𑍍॑ 𑌸॒𑌹 𑌕𑍁॒𑌮𑍍𑌭𑍍𑌯𑌾-𑌽𑌦𑌾᳚𑌤𑍍 ॥ 𑌆॒𑌶𑍀𑌰𑍍𑌮॒ 𑌊𑌰𑍍𑌜॑𑌮𑍁॒𑌤 𑌸𑍁॑𑌪𑍍𑌰𑌜𑌾॒𑌸𑍍𑌤𑍍𑌵𑌮𑌿𑌷॑-𑌨𑍍𑌦𑌧𑌾𑌤𑍁॒ 𑌦𑍍𑌰𑌵𑌿॑𑌣॒𑌗𑍍​𑌮𑍍॒ 𑌸𑌵॑𑌰𑍍𑌚𑌸𑌮𑍍 । 𑌸॒-𑌞𑍍𑌜𑌯॒𑌨𑍍 𑌕𑍍𑌷𑍇𑌤𑍍𑌰𑌾॑𑌣𑌿॒ 𑌸𑌹॑𑌸𑌾॒-𑌽𑌹𑌮𑌿॑𑌨𑍍𑌦𑍍𑌰 𑌕𑍃𑌣𑍍𑌵𑌾॒𑌨𑍋 𑌅॒𑌨𑍍𑌯𑌾𑌗𑍍​𑌮𑍍 𑌅𑌧॑𑌰𑌾𑌨𑍍​𑌥𑍍𑌸॒𑌪𑌤𑍍𑌨𑌾𑌨𑍍॑ ॥ 𑌭𑍂॒𑌤𑌮॑𑌸𑌿 𑌭𑍂॒𑌤𑍇 𑌮𑌾॑ 𑌧𑌾॒ 𑌮𑍁𑌖॑𑌮𑌸𑌿॒ 𑌮𑍁𑌖॑-𑌮𑍍𑌭𑍂𑌯𑌾𑌸॒-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾᳚-𑌨𑍍𑌤𑍍𑌵𑌾॒ 𑌪𑌰𑌿॑𑌗𑍃𑌹𑍍𑌣𑌾𑌮𑌿॒ 𑌵𑌿𑌶𑍍𑌵𑍇᳚ 𑌤𑍍𑌵𑌾 𑌦𑍇॒𑌵𑌾 𑌵𑍈᳚𑌶𑍍𑌵𑌾𑌨॒𑌰𑌾𑌃 [𑌵𑍈᳚𑌶𑍍𑌵𑌾𑌨॒𑌰𑌾𑌃, 𑌪𑍍𑌰𑌚𑍍𑌯𑌾॑𑌵𑌯𑌨𑍍𑌤𑍁] 33

𑌪𑍍𑌰𑌚𑍍𑌯𑌾॑𑌵𑌯𑌨𑍍𑌤𑍁 𑌦𑌿॒𑌵𑌿 𑌦𑍇॒𑌵𑌾-𑌨𑍍𑌦𑍃𑌗𑍍​𑌮𑍍॑𑌹𑌾॒𑌨𑍍𑌤𑌰𑌿॑𑌕𑍍𑌷𑍇॒ 𑌵𑌯𑌾𑌗𑍍​𑌮𑍍॑𑌸𑌿 𑌪𑍃𑌥𑌿॒𑌵𑍍𑌯𑌾-𑌮𑍍𑌪𑌾𑌰𑍍𑌥𑌿॑𑌵𑌾-𑌨𑍍𑌧𑍍𑌰𑍁॒𑌵-𑌨𑍍𑌧𑍍𑌰𑍁॒𑌵𑍇𑌣॑ 𑌹॒𑌵𑌿𑌷𑌾-𑌽𑌵॒ 𑌸𑍋𑌮॑-𑌨𑍍𑌨𑌯𑌾𑌮𑌸𑌿 । 𑌯𑌥𑌾॑ 𑌨॒-𑌸𑍍𑌸𑌰𑍍𑌵॒𑌮𑌿𑌜𑍍𑌜𑌗॑𑌦𑌯॒𑌕𑍍𑌷𑍍𑌮𑌗𑍍​𑌮𑍍 𑌸𑍁॒𑌮𑌨𑌾॒ 𑌅𑌸॑𑌤𑍍 । 𑌯𑌥𑌾॑ 𑌨॒ 𑌇𑌨𑍍𑌦𑍍𑌰॒ 𑌇𑌦𑍍𑌵𑌿𑌶𑌃॒ 𑌕𑍇𑌵॑𑌲𑍀॒-𑌸𑍍𑌸𑌰𑍍𑌵𑌾॒-𑌸𑍍𑌸𑌮॑𑌨𑌸𑌃॒ 𑌕𑌰॑𑌤𑍍 । 𑌯𑌥𑌾॑ 𑌨॒-𑌸𑍍𑌸𑌰𑍍𑌵𑌾॒ 𑌇𑌦𑍍𑌦𑌿𑌶𑍋॒-𑌽𑌸𑍍𑌮𑌾𑌕॒-𑌙𑍍𑌕𑍇𑌵॑𑌲𑍀॒𑌰𑌸𑌨𑍍𑌨𑍍॑ ॥ 34 ॥
(𑌏𑌨॑𑌸𑌾 - 𑌵𑌿𑌶𑍍𑌵𑌕𑌰𑍍𑌮॒𑌨𑍍 - 𑌯𑍋 𑌦𑌕𑍍𑌷𑌿॑𑌣𑌾॒-𑌨𑍍𑌨 - 𑌸॑𑌰𑍍𑌪𑌿𑌰𑍍𑌗𑍍𑌰𑍀॒𑌵𑍀 - 𑌵𑍈᳚𑌶𑍍𑌵𑌨॒𑌰𑌾 - 𑌶𑍍𑌚॑𑌤𑍍𑌵𑌾𑌰𑌿॒𑌗𑍍​𑌮𑍍॒𑌶𑌚𑍍𑌚॑) (𑌅. 𑍮)

𑌯𑌦𑍍𑌵𑍈 𑌹𑍋𑌤𑌾᳚-𑌽𑌦𑍍𑌧𑍍𑌵॒𑌰𑍍𑌯𑍁𑌮॑𑌭𑍍𑌯𑌾॒𑌹𑍍𑌵𑌯॑𑌤𑍇॒ 𑌵𑌜𑍍𑌰॑𑌮𑍇𑌨𑌮॒𑌭𑌿 𑌪𑍍𑌰𑌵॑𑌰𑍍𑌤𑌯॒𑌤𑍍𑌯𑍁𑌕𑍍𑌥॑𑌶𑌾॒ 𑌇𑌤𑍍𑌯𑌾॑𑌹 𑌪𑍍𑌰𑌾𑌤𑌸𑍍𑌸𑌵॒𑌨-𑌮𑍍𑌪𑍍𑌰॑𑌤𑌿॒𑌗𑍀𑌰𑍍𑌯॒ 𑌤𑍍𑌰𑍀𑌣𑍍𑌯𑍇॒𑌤𑌾𑌨𑍍𑌯॒𑌕𑍍𑌷𑌰𑌾॑𑌣𑌿 𑌤𑍍𑌰𑌿॒𑌪𑌦𑌾॑ 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨-𑌙𑍍𑌗𑌾॑𑌯𑌤𑍍𑌰𑌿॒𑌯𑍈𑌵 𑌪𑍍𑌰𑌾॑𑌤𑌸𑍍𑌸𑌵॒𑌨𑍇 𑌵𑌜𑍍𑌰॑𑌮॒𑌨𑍍𑌤𑌰𑍍𑌧॑𑌤𑍍𑌤 𑌉॒𑌕𑍍𑌥𑌂-𑌵𑌾𑌁॒𑌚𑍀𑌤𑍍𑌯𑌾॑𑌹॒ 𑌮𑌾𑌦𑍍𑌧𑍍𑌯॑𑌦𑌿𑌨𑍍𑌨॒𑌗𑍍​𑌮𑍍॒ 𑌸𑌵॑𑌨-𑌮𑍍𑌪𑍍𑌰𑌤𑌿॒𑌗𑍀𑌰𑍍𑌯॑ 𑌚॒𑌤𑍍𑌵𑌾𑌰𑍍𑌯𑍇॒𑌤𑌾𑌨𑍍𑌯॒-𑌕𑍍𑌷𑌰𑌾॑𑌣𑌿॒ 𑌚𑌤𑍁॑𑌷𑍍𑌪𑌦𑌾 𑌤𑍍𑌰𑌿॒𑌷𑍍𑌟𑍁-𑌪𑍍𑌤𑍍𑌰𑍈𑌷𑍍𑌟𑍁॑𑌭॒-𑌮𑍍𑌮𑌾𑌦𑍍𑌧𑍍𑌯॑𑌦𑌿𑌨𑍍𑌨॒𑌗𑍍​𑌮𑍍॒ 𑌸𑌵॑𑌨-𑌨𑍍𑌤𑍍𑌰𑌿॒𑌷𑍍𑌟𑍁𑌭𑍈॒𑌵 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌸𑌵॑𑌨𑍇॒ 𑌵𑌜𑍍𑌰॑𑌮॒𑌨𑍍𑌤𑌰𑍍𑌧॑𑌤𑍍𑌤 [𑌵𑌜𑍍𑌰॑𑌮॒𑌨𑍍𑌤𑌰𑍍𑌧॑𑌤𑍍𑌤𑍇, 𑌉॒𑌕𑍍𑌥𑌂-𑌵𑌾𑌁॒𑌚𑍀𑌨𑍍𑌦𑍍𑌰𑌾॒𑌯𑍇𑌤𑍍𑌯𑌾॑𑌹] 35

𑌉॒𑌕𑍍𑌥𑌂-𑌵𑌾𑌁॒𑌚𑍀𑌨𑍍𑌦𑍍𑌰𑌾॒𑌯𑍇𑌤𑍍𑌯𑌾॑𑌹 𑌤𑍃𑌤𑍀𑌯𑌸𑌵॒𑌨-𑌮𑍍𑌪𑍍𑌰॑𑌤𑌿॒𑌗𑍀𑌰𑍍𑌯॑ 𑌸॒𑌪𑍍𑌤𑍈𑌤𑌾𑌨𑍍𑌯॒𑌕𑍍𑌷𑌰𑌾॑𑌣𑌿 𑌸॒𑌪𑍍𑌤𑌪॑𑌦𑌾॒ 𑌶𑌕𑍍𑌵॑𑌰𑍀 𑌶𑌾𑌕𑍍𑌵॒𑌰𑍋 𑌵𑌜𑍍𑌰𑍋॒ 𑌵𑌜𑍍𑌰𑍇॑𑌣𑍈॒𑌵 𑌤𑍃॑𑌤𑍀𑌯𑌸𑌵॒𑌨𑍇 𑌵𑌜𑍍𑌰॑𑌮॒𑌨𑍍𑌤𑌰𑍍𑌧॑𑌤𑍍𑌤𑍇 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌸 𑌤𑍍𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍁-𑌸𑍍𑌸𑍍𑌯𑌾॒𑌦𑍍𑌯𑍋 𑌯॑𑌥𑌾𑌸𑌵॒𑌨-𑌮𑍍𑌪𑍍𑌰॑𑌤𑌿𑌗॒𑌰𑍇 𑌛𑌨𑍍𑌦𑌾𑌗𑍍​𑌮𑍍॑𑌸𑌿 𑌸𑌮𑍍𑌪𑌾॒𑌦𑌯𑍇॒-𑌤𑍍𑌤𑍇𑌜𑌃॑ 𑌪𑍍𑌰𑌾𑌤-𑌸𑍍𑌸𑌵॒𑌨 𑌆॒𑌤𑍍𑌮-𑌨𑍍𑌦𑌧𑍀॑𑌤𑍇𑌨𑍍𑌦𑍍𑌰𑌿॒𑌯-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌸𑌵॑𑌨𑍇 𑌪॒𑌶𑍂𑌗𑍍​ 𑌸𑍍𑌤𑍃॑𑌤𑍀𑌯𑌸𑌵॒𑌨 𑌇𑌤𑍍𑌯𑍁𑌕𑍍𑌥॑𑌶𑌾॒ 𑌇𑌤𑍍𑌯𑌾॑𑌹 𑌪𑍍𑌰𑌾𑌤𑌸𑍍𑌸𑌵॒𑌨-𑌮𑍍𑌪𑍍𑌰॑𑌤𑌿॒𑌗𑍀𑌰𑍍𑌯॒ 𑌤𑍍𑌰𑍀𑌣𑍍𑌯𑍇॒𑌤𑌾𑌨𑍍𑌯॒𑌕𑍍𑌷𑌰𑌾॑𑌣𑌿 [ ] 36

𑌤𑍍𑌰𑌿॒𑌪𑌦𑌾॑ 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨 𑌏॒𑌵 𑌪𑍍𑌰॑𑌤𑌿𑌗॒𑌰𑍇 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌸𑌮𑍍𑌪𑌾॑𑌦𑌯॒𑌤𑍍𑌯𑌥𑍋॒ 𑌤𑍇𑌜𑍋॒ 𑌵𑍈 𑌗𑌾॑𑌯॒𑌤𑍍𑌰𑍀 𑌤𑍇𑌜𑌃॑ 𑌪𑍍𑌰𑌾𑌤-𑌸𑍍𑌸𑌵॒𑌨-𑌨𑍍𑌤𑍇𑌜॑ 𑌏॒𑌵 𑌪𑍍𑌰𑌾॑𑌤𑌸𑍍𑌸𑌵॒𑌨 𑌆॒𑌤𑍍𑌮-𑌨𑍍𑌧॑𑌤𑍍𑌤 𑌉॒𑌕𑍍𑌥𑌂-𑌵𑌾𑌁॒𑌚𑍀𑌤𑍍𑌯𑌾॑𑌹॒ 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨॒𑌗𑍍​𑌮𑍍॒ 𑌸𑌵॑𑌨-𑌮𑍍𑌪𑍍𑌰𑌤𑌿॒𑌗𑍀𑌰𑍍𑌯॑ 𑌚॒𑌤𑍍𑌵𑌾𑌰𑍍𑌯𑍇॒𑌤𑌾𑌨𑍍𑌯॒𑌕𑍍𑌷𑌰𑌾॑𑌣𑌿॒ 𑌚𑌤𑍁॑𑌷𑍍𑌪𑌦𑌾 𑌤𑍍𑌰𑌿॒𑌷𑍍𑌟𑍁-𑌪𑍍𑌤𑍍𑌰𑍈𑌷𑍍𑌟𑍁॑𑌭॒-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨॒𑌗𑍍​𑌮𑍍॒ 𑌸𑌵॑𑌨॒-𑌮𑍍𑌮𑌾𑌦𑍍𑌧𑍍𑌯॑𑌦𑌿𑌨𑍍𑌨 𑌏॒𑌵 𑌸𑌵॑𑌨𑍇 𑌪𑍍𑌰𑌤𑌿𑌗॒𑌰𑍇 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌸𑌮𑍍𑌪𑌾॑𑌦𑌯॒𑌤𑍍𑌯𑌥𑍋॑ 𑌇𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌤𑍍𑌰𑌿॒𑌷𑍍𑌟𑍁𑌗𑌿॑𑌨𑍍𑌦𑍍𑌰𑌿॒𑌯-𑌮𑍍𑌮𑌾𑌦𑍍𑌧𑍍𑌯॑𑌦𑌿𑌨𑍍𑌨॒𑌗𑍍​𑌮𑍍॒ 𑌸𑌵॑𑌨- [𑌸𑌵॑𑌨𑌮𑍍, 𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵] 3𑍭

-𑌮𑌿𑌨𑍍𑌦𑍍𑌰𑌿॒𑌯𑌮𑍇॒𑌵 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌸𑌵॑𑌨 𑌆॒𑌤𑍍𑌮-𑌨𑍍𑌧॑𑌤𑍍𑌤 𑌉॒𑌕𑍍𑌥𑌂-𑌵𑌾𑌁॒𑌚𑍀𑌨𑍍𑌦𑍍𑌰𑌾॒𑌯𑍇𑌤𑍍𑌯𑌾॑𑌹 𑌤𑍃𑌤𑍀𑌯𑌸𑌵॒𑌨-𑌮𑍍𑌪𑍍𑌰॑𑌤𑌿॒𑌗𑍀𑌰𑍍𑌯॑ 𑌸॒𑌪𑍍𑌤𑍈𑌤𑌾𑌨𑍍𑌯॒𑌕𑍍𑌷𑌰𑌾॑𑌣𑌿 𑌸॒𑌪𑍍𑌤𑌪॑𑌦𑌾॒ 𑌶𑌕𑍍𑌵॑𑌰𑍀 𑌶𑌾𑌕𑍍𑌵॒𑌰𑌾𑌃 𑌪॒𑌶𑌵𑍋॒ 𑌜𑌾𑌗॑𑌤-𑌨𑍍𑌤𑍃𑌤𑍀𑌯𑌸𑌵॒𑌨-𑌨𑍍𑌤𑍃॑𑌤𑍀𑌯𑌸𑌵॒𑌨 𑌏॒𑌵 𑌪𑍍𑌰॑𑌤𑌿𑌗॒𑌰𑍇 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌸𑌮𑍍𑌪𑌾॑𑌦𑌯॒𑌤𑍍𑌯𑌥𑍋॑ 𑌪॒𑌶𑌵𑍋॒ 𑌵𑍈 𑌜𑌗॑𑌤𑍀 𑌪॒𑌶𑌵॑𑌸𑍍𑌤𑍃𑌤𑍀𑌯𑌸𑌵॒𑌨-𑌮𑍍𑌪॒𑌶𑍂𑌨𑍇॒𑌵 𑌤𑍃॑𑌤𑍀𑌯𑌸𑌵॒𑌨 𑌆॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌯𑌦𑍍𑌵𑍈 𑌹𑍋𑌤𑌾᳚-𑌽𑌦𑍍𑌧𑍍𑌵॒𑌰𑍍𑌯𑍁𑌮॑𑌭𑍍𑌯𑌾॒𑌹𑍍𑌵𑌯॑𑌤 𑌆॒𑌵𑍍𑌯॑𑌮𑌸𑍍𑌮𑌿-𑌨𑍍𑌦𑌧𑌾𑌤𑌿॒ 𑌤𑌦𑍍𑌯𑌨𑍍𑌨𑌾- [𑌤𑌦𑍍𑌯𑌨𑍍𑌨, 𑌅॒𑌪॒𑌹𑌨𑍀॑𑌤 𑌪𑍁॒𑌰𑌾-𑌽𑌸𑍍𑌯॑] 3𑍮

-𑌽𑌪॒𑌹𑌨𑍀॑𑌤 𑌪𑍁॒𑌰𑌾-𑌽𑌸𑍍𑌯॑ 𑌸𑌂​𑌵𑌁𑌥𑍍𑌸॒𑌰𑌾-𑌦𑍍𑌗𑍃॒𑌹 𑌆 𑌵𑍇॑𑌵𑍀𑌰॒𑌞𑍍𑌛𑍋𑌗𑍍​𑌮𑍍𑌸𑌾॒ 𑌮𑍋𑌦॑ 𑌇॒𑌵𑍇𑌤𑌿॑ 𑌪𑍍𑌰॒𑌤𑍍𑌯𑌾𑌹𑍍𑌵॑𑌯𑌤𑍇॒ 𑌤𑍇𑌨𑍈॒𑌵 𑌤𑌦𑌪॑ 𑌹𑌤𑍇॒ 𑌯𑌥𑌾॒ 𑌵𑌾 𑌆𑌯॑𑌤𑌾-𑌮𑍍𑌪𑍍𑌰॒𑌤𑍀𑌕𑍍𑌷॑𑌤 𑌏॒𑌵𑌮॑𑌦𑍍𑌧𑍍𑌵॒𑌰𑍍𑌯𑍁𑌃 𑌪𑍍𑌰॑𑌤𑌿𑌗॒𑌰-𑌮𑍍𑌪𑍍𑌰𑌤𑍀᳚𑌕𑍍𑌷𑌤𑍇॒ 𑌯𑌦॑𑌭𑌿 𑌪𑍍𑌰𑌤𑌿𑌗𑍃𑌣𑍀॒𑌯𑌾𑌦𑍍𑌯𑌥𑌾 𑌽𑌽𑌯॑𑌤𑌯𑌾 𑌸𑌮𑍃॒𑌚𑍍𑌛𑌤𑍇॑ 𑌤𑌾॒𑌦𑍃𑌗𑍇॒𑌵 𑌤𑌦𑍍𑌯𑌦॑𑌰𑍍𑌧॒𑌰𑍍𑌚𑌾𑌲𑍍𑌲𑍁𑌪𑍍𑌯𑍇॑𑌤॒ 𑌯𑌥𑌾॒ 𑌧𑌾𑌵॑𑌦𑍍𑌭𑍍𑌯𑍋॒ 𑌹𑍀𑌯॑𑌤𑍇 𑌤𑌾॒𑌦𑍃𑌗𑍇॒𑌵 𑌤-𑌤𑍍𑌪𑍍𑌰॒𑌬𑌾𑌹𑍁॒𑌗𑍍𑌵𑌾 𑌋॒𑌤𑍍𑌵𑌿𑌜𑌾॑𑌮𑍁𑌦𑍍𑌗𑍀॒𑌥𑌾 𑌉॑𑌦𑍍𑌗𑍀॒𑌥 𑌏॒𑌵𑍋-𑌦𑍍𑌗𑌾॑𑌤𑍃॒𑌣𑌾- [𑌏॒𑌵𑍋-𑌦𑍍𑌗𑌾॑𑌤𑍃॒𑌣𑌾𑌮𑍍, 𑌋॒𑌚𑌃 𑌪𑍍𑌰॑𑌣॒𑌵] 3𑍯

-𑌮𑍃॒𑌚𑌃 𑌪𑍍𑌰॑𑌣॒𑌵 𑌉॑𑌕𑍍𑌥𑌶॒𑌗𑍍​𑌮𑍍॒𑌸𑌿𑌨𑌾᳚-𑌮𑍍𑌪𑍍𑌰𑌤𑌿𑌗॒𑌰𑍋᳚-𑌽𑌦𑍍𑌧𑍍𑌵𑌰𑍍𑌯𑍂॒𑌣𑌾𑌂-𑌯𑌁 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌪𑍍𑌰॑𑌤𑌿𑌗𑍃॒𑌣𑌾𑌤𑍍𑌯॑𑌨𑍍𑌨𑌾॒𑌦 𑌏॒𑌵 𑌭॑𑌵॒𑌤𑍍𑌯𑌾-𑌽𑌸𑍍𑌯॑ 𑌪𑍍𑌰॒𑌜𑌾𑌯𑌾𑌂᳚-𑌵𑌾𑌁॒𑌜𑍀 𑌜𑌾॑𑌯𑌤 𑌇॒𑌯𑌂-𑌵𑍈𑌁 𑌹𑍋𑌤𑌾॒-𑌽𑌸𑌾𑌵॑𑌦𑍍𑌧𑍍𑌵॒𑌰𑍍𑌯𑍁𑌰𑍍𑌯𑌦𑌾𑌸𑍀॑𑌨॒-𑌶𑍍𑌶𑌗𑍍​𑌮𑍍 𑌸॑𑌤𑍍𑌯॒𑌸𑍍𑌯𑌾 𑌏॒𑌵 𑌤𑌦𑍍𑌧𑍋𑌤𑌾॒ 𑌨𑍈𑌤𑍍𑌯𑌾𑌸𑍍𑌤॑ 𑌇𑌵॒ 𑌹𑍀𑌯𑌮𑌥𑍋॑ 𑌇॒𑌮𑌾𑌮𑍇॒𑌵 𑌤𑍇𑌨॒ 𑌯𑌜॑𑌮𑌾𑌨𑍋 𑌦𑍁𑌹𑍇॒ 𑌯-𑌤𑍍𑌤𑌿𑌷𑍍𑌠॑-𑌨𑍍𑌪𑍍𑌰𑌤𑌿𑌗𑍃॒𑌣𑌾𑌤𑍍𑌯॒𑌮𑍁𑌷𑍍𑌯𑌾॑ 𑌏॒𑌵 𑌤𑌦॑𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨𑍈𑌤𑌿॒ [𑌤𑌦॑𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨𑍈𑌤𑌿॑, 𑌤𑌿𑌷𑍍𑌠॑𑌤𑍀𑌵॒ 𑌹𑍍𑌯॑𑌸𑌾𑌵𑌥𑍋॑] 40

𑌤𑌿𑌷𑍍𑌠॑𑌤𑍀𑌵॒ 𑌹𑍍𑌯॑𑌸𑌾𑌵𑌥𑍋॑ 𑌅॒𑌮𑍂𑌮𑍇॒𑌵 𑌤𑍇𑌨॒ 𑌯𑌜॑𑌮𑌾𑌨𑍋 𑌦𑍁𑌹𑍇॒ 𑌯𑌦𑌾𑌸𑍀॑𑌨॒-𑌶𑍍𑌶𑌗𑍍​𑌮𑍍𑌸॑𑌤𑌿॒ 𑌤𑌸𑍍𑌮𑌾॑𑌦𑌿॒𑌤𑌃 𑌪𑍍𑌰॑𑌦𑌾𑌨-𑌨𑍍𑌦𑍇॒𑌵𑌾 𑌉𑌪॑ 𑌜𑍀𑌵𑌨𑍍𑌤𑌿॒ 𑌯-𑌤𑍍𑌤𑌿𑌷𑍍𑌠॑-𑌨𑍍𑌪𑍍𑌰𑌤𑌿𑌗𑍃॒𑌣𑌾𑌤𑌿॒ 𑌤𑌸𑍍𑌮𑌾॑𑌦॒𑌮𑍁𑌤𑌃॑ 𑌪𑍍𑌰𑌦𑌾𑌨-𑌮𑍍𑌮𑌨𑍁॒𑌷𑍍𑌯𑌾॑ 𑌉𑌪॑ 𑌜𑍀𑌵𑌨𑍍𑌤𑌿॒ 𑌯-𑌤𑍍𑌪𑍍𑌰𑌾𑌂𑌆𑌸𑍀॑𑌨॒-𑌶𑍍𑌶𑌗𑍍​𑌮𑍍𑌸॑𑌤𑌿 𑌪𑍍𑌰॒𑌤𑍍𑌯-𑌨𑍍𑌤𑌿𑌷𑍍𑌠॑-𑌨𑍍𑌪𑍍𑌰𑌤𑌿𑌗𑍃॒𑌣𑌾𑌤𑌿॒ 𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌚𑍀𑌨॒𑌗𑍍​𑌮𑍍॒ 𑌰𑍇𑌤𑍋॑ 𑌧𑍀𑌯𑌤𑍇 𑌪𑍍𑌰॒𑌤𑍀𑌚𑍀𑌃᳚ 𑌪𑍍𑌰॒𑌜𑌾 𑌜𑌾॑𑌯𑌨𑍍𑌤𑍇॒ 𑌯𑌦𑍍𑌵𑍈 𑌹𑍋𑌤𑌾᳚-𑌽𑌦𑍍𑌧𑍍𑌵॒𑌰𑍍𑌯𑍁𑌮॑𑌭𑍍𑌯𑌾॒𑌹𑍍𑌵𑌯॑𑌤𑍇॒ 𑌵𑌜𑍍𑌰॑𑌮𑍇𑌨𑌮॒𑌭𑌿 𑌪𑍍𑌰𑌵॑𑌰𑍍𑌤𑌯𑌤𑌿॒ 𑌪𑌰𑌾𑌂॒𑌆 𑌵॑𑌰𑍍𑌤𑌤𑍇॒ 𑌵𑌜𑍍𑌰॑𑌮𑍇॒𑌵 𑌤𑌨𑍍𑌨𑌿 𑌕॑𑌰𑍋𑌤𑌿 ॥ 41 ॥
(𑌸𑌵॑𑌨𑍇॒ 𑌵𑌜𑍍𑌰॑𑌮॒𑌨𑍍𑌤𑌰𑍍𑌧॑𑌤𑍍𑌤𑍇॒ - 𑌤𑍍𑌰𑍀𑌣𑍍𑌯𑍇॒𑌤𑌾𑌨𑍍𑌯॒𑌕𑍍𑌷𑌰𑌾॑𑌣𑍀 - 𑌨𑍍𑌦𑍍𑌰𑌿॒𑌯-𑌮𑍍𑌮𑌾𑌧𑍍𑌯॑𑌨𑍍𑌦𑌿𑌨॒𑌗𑍍​𑌮𑍍॒ 𑌸𑌵॑𑌨𑌂॒ - 𑌨𑍋 - 𑌦𑍍𑌗𑌾॑𑌤𑍃॒𑌣𑌾 - 𑌮॑𑌧𑍍𑌵॒𑌰𑍍𑌯𑍁𑌰𑍍𑌨𑍈𑌤𑌿॑ - 𑌵𑌰𑍍𑌤𑌯𑌤𑍍𑌯॒ - 𑌷𑍍𑌟𑍌 𑌚॑) (𑌅. 𑍯)

𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌵𑌾𑌕𑍍𑌷॒𑌸𑌦॑𑌸𑌿 𑌵𑌾॒𑌕𑍍𑌪𑌾𑌭𑍍𑌯𑌾᳚-𑌨𑍍𑌤𑍍𑌵𑌾 𑌕𑍍𑌰𑌤𑍁॒𑌪𑌾𑌭𑍍𑌯𑌾॑𑌮॒𑌸𑍍𑌯 𑌯॒𑌜𑍍𑌞𑌸𑍍𑌯॑ 𑌧𑍍𑌰𑍁॒𑌵𑌸𑍍𑌯𑌾-𑌽𑌦𑍍𑌧𑍍𑌯॑-𑌕𑍍𑌷𑌾𑌭𑍍𑌯𑌾-𑌙𑍍𑌗𑍃𑌹𑍍𑌣𑌾-𑌮𑍍𑌯𑍁𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯𑍃𑌤॒𑌸𑌦॑𑌸𑌿 𑌚𑌕𑍍𑌷𑍁॒𑌷𑍍𑌪𑌾𑌭𑍍𑌯𑌾᳚-𑌨𑍍𑌤𑍍𑌵𑌾 𑌕𑍍𑌰𑌤𑍁॒𑌪𑌾𑌭𑍍𑌯𑌾॑𑌮॒𑌸𑍍𑌯 𑌯॒𑌜𑍍𑌞𑌸𑍍𑌯॑ 𑌧𑍍𑌰𑍁॒𑌵𑌸𑍍𑌯𑌾-𑌽𑌦𑍍𑌧𑍍𑌯॑𑌕𑍍𑌷𑌾𑌭𑍍𑌯𑌾-𑌙𑍍𑌗𑍃𑌹𑍍𑌣𑌾𑌮𑍍𑌯𑍁𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌶𑍍𑌰𑍁𑌤॒𑌸𑌦॑𑌸𑌿 𑌶𑍍𑌰𑍋𑌤𑍍𑌰॒𑌪𑌾𑌭𑍍𑌯𑌾᳚-𑌨𑍍𑌤𑍍𑌵𑌾 𑌕𑍍𑌰𑌤𑍁॒𑌪𑌾𑌭𑍍𑌯𑌾॑𑌮॒𑌸𑍍𑌯 𑌯॒𑌜𑍍𑌞𑌸𑍍𑌯॑ 𑌧𑍍𑌰𑍁॒𑌵𑌸𑍍𑌯𑌾-𑌽𑌦𑍍𑌧𑍍𑌯॑𑌕𑍍𑌷𑌾𑌭𑍍𑌯𑌾-𑌙𑍍𑌗𑍃𑌹𑍍𑌣𑌾𑌮𑌿 𑌦𑍇॒𑌵𑍇𑌭𑍍𑌯॑𑌸𑍍𑌤𑍍𑌵𑌾 𑌵𑌿॒𑌶𑍍𑌵𑌦𑍇॑𑌵𑍇𑌭𑍍𑌯𑌸𑍍𑌤𑍍𑌵𑌾॒ 𑌵𑌿𑌶𑍍𑌵𑍇᳚𑌭𑍍𑌯𑌸𑍍𑌤𑍍𑌵𑌾 𑌦𑍇॒𑌵𑍇𑌭𑍍𑌯𑍋॒ 𑌵𑌿𑌷𑍍𑌣॑𑌵𑍁𑌰𑍁𑌕𑍍𑌰𑌮𑍈॒𑌷 𑌤𑍇॒ 𑌸𑍋𑌮॒𑌸𑍍𑌤𑌗𑍍​𑌮𑍍 𑌰॑𑌕𑍍𑌷𑌸𑍍𑌵॒ [𑌸𑍋𑌮॒𑌸𑍍𑌤𑌗𑍍​𑌮𑍍 𑌰॑𑌕𑍍𑌷𑌸𑍍𑌵, 𑌤-𑌨𑍍𑌤𑍇॑] 42

𑌤-𑌨𑍍𑌤𑍇॑ 𑌦𑍁॒𑌶𑍍𑌚𑌕𑍍𑌷𑌾॒ 𑌮𑌾-𑌽𑌵॑ 𑌖𑍍𑌯॒𑌨𑍍𑌮𑌯𑌿॒ 𑌵𑌸𑍁𑌃॑ 𑌪𑍁𑌰𑍋॒𑌵𑌸𑍁॑𑌰𑍍𑌵𑌾॒𑌕𑍍𑌪𑌾 𑌵𑌾𑌚॑-𑌮𑍍𑌮𑍇 𑌪𑌾𑌹𑌿॒ 𑌮𑌯𑌿॒ 𑌵𑌸𑍁॑𑌰𑍍𑌵𑌿॒𑌦𑌦𑍍𑌵॑𑌸𑍁𑌶𑍍𑌚𑌕𑍍𑌷𑍁॒𑌷𑍍𑌪𑌾𑌶𑍍𑌚𑌕𑍍𑌷𑍁॑-𑌰𑍍𑌮𑍇 𑌪𑌾𑌹𑌿॒ 𑌮𑌯𑌿॒ 𑌵𑌸𑍁॑-𑌸𑍍𑌸𑌂॒​𑌯𑌁𑌦𑍍𑌵॑𑌸𑍁-𑌶𑍍𑌶𑍍𑌰𑍋𑌤𑍍𑌰॒𑌪𑌾-𑌶𑍍𑌶𑍍𑌰𑍋𑌤𑍍𑌰॑-𑌮𑍍𑌮𑍇 𑌪𑌾𑌹𑌿॒ 𑌭𑍂𑌰॑𑌸𑌿॒ 𑌶𑍍𑌰𑍇𑌷𑍍𑌠𑍋॑ 𑌰𑌶𑍍𑌮𑍀॒𑌨𑌾-𑌮𑍍𑌪𑍍𑌰𑌾॑𑌣॒𑌪𑌾𑌃 𑌪𑍍𑌰𑌾॒𑌣-𑌮𑍍𑌮𑍇॑ 𑌪𑌾𑌹𑌿॒ 𑌧𑍂𑌰॑𑌸𑌿॒ 𑌶𑍍𑌰𑍇𑌷𑍍𑌠𑍋॑ 𑌰𑌶𑍍𑌮𑍀॒𑌨𑌾𑌮॑𑌪𑌾𑌨॒𑌪𑌾 𑌅॑𑌪𑌾॒𑌨-𑌮𑍍𑌮𑍇॑ 𑌪𑌾𑌹𑌿॒ 𑌯𑍋 𑌨॑ 𑌇𑌨𑍍𑌦𑍍𑌰𑌵𑌾𑌯𑍂 𑌮𑌿𑌤𑍍𑌰𑌾𑌵𑌰𑍁𑌣𑌾-𑌵𑌶𑍍𑌵𑌿𑌨𑌾𑌵𑌭𑌿॒𑌦𑌾𑌸॑𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯 𑌉॒𑌤𑍍𑌪𑌿𑌪𑍀॑𑌤𑍇 𑌶𑍁𑌭𑌸𑍍𑌪𑌤𑍀 𑌇॒𑌦𑌮॒𑌹-𑌨𑍍𑌤𑌮𑌧॑𑌰-𑌮𑍍𑌪𑌾𑌦𑌯𑌾𑌮𑌿॒ 𑌯𑌥𑍇᳚𑌨𑍍𑌦𑍍𑌰𑌾॒-𑌽𑌹𑌮𑍁॑𑌤𑍍𑌤॒𑌮𑌶𑍍𑌚𑍇॒𑌤𑌯𑌾॑𑌨𑌿 ॥ 43 ॥
(𑌰॒𑌕𑍍𑌷॒𑌸𑍍𑌵॒ - 𑌭𑍍𑌰𑍍𑌰𑌾𑌤𑍃॑𑌵𑍍𑌯॒ - 𑌸𑍍𑌤𑍍𑌰𑌯𑍋॑𑌦𑌶 𑌚) (𑌅. 10)

𑌪𑍍𑌰 𑌸𑍋 𑌅॑𑌗𑍍𑌨𑍇॒ 𑌤𑌵𑍋॒𑌤𑌿𑌭𑌿॑-𑌸𑍍𑌸𑍁॒𑌵𑍀𑌰𑌾॑𑌭𑌿𑌸𑍍𑌤𑌰𑌤𑌿॒ 𑌵𑌾𑌜॑𑌕𑌰𑍍𑌮𑌭𑌿𑌃 । 𑌯𑌸𑍍𑌯॒ 𑌤𑍍𑌵𑌗𑍍​𑌮𑍍 𑌸॒𑌖𑍍𑌯𑌮𑌾𑌵𑌿॑𑌥 ॥ 𑌪𑍍𑌰 𑌹𑍋𑌤𑍍𑌰𑍇॑ 𑌪𑍂॒𑌰𑍍𑌵𑍍𑌯𑌂-𑌵𑌁𑌚𑍋॒-𑌽𑌗𑍍𑌨𑌯𑍇॑ 𑌭𑌰𑌤𑌾 𑌬𑍃॒𑌹𑌤𑍍 । 𑌵𑌿॒𑌪𑌾-𑌞𑍍𑌜𑍍𑌯𑍋𑌤𑍀𑌗𑍍​𑌮𑍍॑𑌷𑌿॒ 𑌬𑌿𑌭𑍍𑌰॑𑌤𑍇॒ 𑌨 𑌵𑍇॒𑌧𑌸𑍇᳚ ॥ 𑌅𑌗𑍍𑌨𑍇॒ 𑌤𑍍𑌰𑍀 𑌤𑍇॒ 𑌵𑌾𑌜𑌿॑𑌨𑌾॒ 𑌤𑍍𑌰𑍀 𑌷॒𑌧𑌸𑍍𑌥𑌾॑ 𑌤𑌿॒𑌸𑍍𑌰𑌸𑍍𑌤𑍇॑ 𑌜𑌿॒𑌹𑍍𑌵𑌾 𑌋॑𑌤𑌜𑌾𑌤 𑌪𑍂॒𑌰𑍍𑌵𑍀𑌃 । 𑌤𑌿॒𑌸𑍍𑌰 𑌉॑ 𑌤𑍇 𑌤॒𑌨𑍁𑌵𑍋॑ 𑌦𑍇॒𑌵𑌵𑌾॑𑌤𑌾॒𑌸𑍍𑌤𑌾𑌭𑌿॑𑌰𑍍𑌨𑌃 𑌪𑌾𑌹𑌿॒ 𑌗𑌿𑌰𑍋॒ 𑌅𑌪𑍍𑌰॑𑌯𑍁𑌚𑍍𑌛𑌨𑍍𑌨𑍍 ॥ 𑌸𑌂-𑌵𑌾𑌁॒-𑌙𑍍𑌕𑌰𑍍𑌮॑𑌣𑌾॒ 𑌸𑌮𑌿॒𑌷𑌾 [𑌸𑌮𑌿॒𑌷𑌾, 𑌹𑌿॒𑌨𑍋॒𑌮𑍀𑌨𑍍𑌦𑍍𑌰𑌾॑-𑌵𑌿𑌷𑍍𑌣𑍂॒] 44

𑌹𑌿॑𑌨𑍋॒𑌮𑍀𑌨𑍍𑌦𑍍𑌰𑌾॑-𑌵𑌿𑌷𑍍𑌣𑍂॒ 𑌅𑌪॑𑌸𑌸𑍍𑌪𑌾॒𑌰𑍇 𑌅॒𑌸𑍍𑌯 । 𑌜𑍁॒𑌷𑍇𑌥𑌾𑌂᳚-𑌯𑌁॒𑌜𑍍𑌞-𑌨𑍍𑌦𑍍𑌰𑌵𑌿॑𑌣-𑌞𑍍𑌚 𑌧𑌤𑍍𑌤॒𑌮𑌰𑌿॑𑌷𑍍𑌟𑍈𑌰𑍍𑌨𑌃 𑌪॒𑌥𑌿𑌭𑌿𑌃॑ 𑌪𑌾॒𑌰𑌯॑𑌨𑍍𑌤𑌾 ॥ 𑌉॒𑌭𑌾 𑌜𑌿॑𑌗𑍍𑌯𑌥𑍁॒𑌰𑍍𑌨 𑌪𑌰𑌾॑ 𑌜𑌯𑍇𑌥𑍇॒ 𑌨 𑌪𑌰𑌾॑ 𑌜𑌿𑌗𑍍𑌯𑍇 𑌕𑌤॒𑌰𑌶𑍍𑌚॒𑌨𑍈𑌨𑍋𑌃᳚ । 𑌇𑌨𑍍𑌦𑍍𑌰॑𑌶𑍍𑌚 𑌵𑌿𑌷𑍍𑌣𑍋॒ 𑌯𑌦𑌪॑𑌸𑍍𑌪𑍃𑌧𑍇𑌥𑌾-𑌨𑍍𑌤𑍍𑌰𑍇॒𑌧𑌾 𑌸॒𑌹𑌸𑍍𑌰𑌂॒-𑌵𑌿𑌁 𑌤𑌦𑍈॑𑌰𑌯𑍇𑌥𑌾𑌮𑍍 ॥ 𑌤𑍍𑌰𑍀𑌣𑍍𑌯𑌾𑌯𑍂𑌗𑍍​𑌮𑍍॑𑌷𑌿॒ 𑌤𑌵॑ 𑌜𑌾𑌤𑌵𑍇𑌦𑌸𑍍𑌤𑌿॒𑌸𑍍𑌰 𑌆॒𑌜𑌾𑌨𑍀॑𑌰𑍁॒𑌷𑌸॑𑌸𑍍𑌤𑍇 𑌅𑌗𑍍𑌨𑍇 । 𑌤𑌾𑌭𑌿॑𑌰𑍍𑌦𑍇॒𑌵𑌾𑌨𑌾॒𑌮𑌵𑍋॑ 𑌯𑌕𑍍𑌷𑌿 𑌵𑌿॒𑌦𑍍𑌵𑌾𑌨𑌥𑌾॑ [𑌵𑌿॒𑌦𑍍𑌵𑌾𑌨𑌥॑, 𑌭॒𑌵॒ 𑌯𑌜॑𑌮𑌾𑌨𑌾𑌯॒ 𑌶𑌂​𑌯𑍋𑌁𑌃 ।] 45

-𑌭𑌵॒ 𑌯𑌜॑𑌮𑌾𑌨𑌾𑌯॒ 𑌶𑌂​𑌯𑍋𑌁𑌃 ॥ 𑌅॒𑌗𑍍𑌨𑌿𑌸𑍍𑌤𑍍𑌰𑍀𑌣𑌿॑ 𑌤𑍍𑌰𑌿॒𑌧𑌾𑌤𑍂॒𑌨𑍍𑌯𑌾 𑌕𑍍𑌷𑍇॑𑌤𑌿 𑌵𑌿॒𑌦𑌥𑌾॑ 𑌕॒𑌵𑌿𑌃 । 𑌸 𑌤𑍍𑌰𑍀𑌗𑍍​𑌮𑍍𑌰𑍇॑𑌕𑌾𑌦॒𑌶𑌾𑌗𑍍​𑌮𑍍 𑌇॒𑌹 ॥ 𑌯𑌕𑍍𑌷॑𑌚𑍍𑌚 𑌪𑌿॒𑌪𑍍𑌰𑌯॑𑌚𑍍𑌚 𑌨𑍋॒ 𑌵𑌿𑌪𑍍𑌰𑍋॑ 𑌦𑍂॒𑌤𑌃 𑌪𑌰𑌿॑𑌷𑍍𑌕𑍃𑌤𑌃 । 𑌨𑌭॑𑌨𑍍𑌤𑌾𑌮𑌨𑍍𑌯॒𑌕𑍇 𑌸॑𑌮𑍇 ॥ 𑌇𑌨𑍍𑌦𑍍𑌰𑌾॑𑌵𑌿𑌷𑍍𑌣𑍂 𑌦𑍃𑌗𑍍​𑌮𑍍𑌹𑌿॒𑌤𑌾-𑌶𑍍𑌶𑌮𑍍𑌬॑𑌰𑌸𑍍𑌯॒ 𑌨𑌵॒ 𑌪𑍁𑌰𑍋॑ 𑌨𑌵॒𑌤𑌿-𑌞𑍍𑌚॑- 𑌶𑍍𑌞𑌥𑌿𑌷𑍍𑌟𑌮𑍍 । 𑌶॒𑌤𑌂-𑌵𑌁॒𑌰𑍍𑌚𑌿𑌨॑-𑌸𑍍𑌸॒𑌹𑌸𑍍𑌰॑-𑌞𑍍𑌚 𑌸𑌾॒𑌕𑌗𑍍​𑌮𑍍 𑌹॒𑌥𑍋 𑌅॑𑌪𑍍𑌰॒𑌤𑍍𑌯𑌸𑍁॑𑌰𑌸𑍍𑌯 𑌵𑍀॒𑌰𑌾𑌨𑍍 ॥ 𑌉॒𑌤 𑌮𑌾॒𑌤𑌾 𑌮॑𑌹𑌿॒𑌷 𑌮𑌨𑍍𑌵॑𑌵𑍇𑌨𑌦॒𑌮𑍀 𑌤𑍍𑌵𑌾॑ 𑌜𑌹𑌤𑌿 𑌪𑍁𑌤𑍍𑌰 𑌦𑍇॒𑌵𑌾𑌃 । 𑌅𑌥𑌾᳚𑌬𑍍𑌰𑌵𑍀-𑌦𑍍𑌵𑍃॒𑌤𑍍𑌰𑌮𑌿𑌨𑍍𑌦𑍍𑌰𑍋॑ 𑌹𑌨𑌿॒𑌷𑍍𑌯𑌨𑍍-𑌥𑍍𑌸𑌖𑍇॑ 𑌵𑌿𑌷𑍍𑌣𑍋 𑌵𑌿𑌤॒𑌰𑌂-𑌵𑌿𑌁𑌕𑍍𑌰॑𑌮𑌸𑍍𑌵 ॥ 46 ॥
(𑌇॒𑌷𑌾 - 𑌽𑌥॑ - 𑌤𑍍𑌵𑌾॒ - 𑌤𑍍𑌰𑌯𑍋॑𑌦𑌶 𑌚) (𑌅. 11)

(𑌯𑍋 𑌵𑍈 𑌪𑌵॑𑌮𑌾𑌨𑌾𑌨𑌾𑌂॒ - 𑌤𑍍𑌰𑍀𑌣𑌿॑ - 𑌪𑌰𑌿॒𑌭𑍂𑌰𑌃 - 𑌸𑍍𑌫𑍍𑌯-𑌸𑍍𑌸𑍍𑌵॒𑌸𑍍𑌤𑌿 - 𑌰𑍍𑌭𑌕𑍍𑌷𑍇𑌹𑌿॑ - 𑌮𑌹𑍀॒𑌨𑌾-𑌮𑍍𑌪𑌯𑍋॑-𑌽𑌸𑌿॒ - 𑌦𑍇𑌵॑ 𑌸𑌵𑌿𑌤𑌰𑍇॒𑌤𑌤𑍍𑌤𑍇᳚ - 𑌶𑍍𑌯𑍇॒𑌨𑌾𑌯॒ - 𑌯𑌦𑍍𑌵𑍈 𑌹𑍋𑌤𑍋॑ - 𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌵𑌾𑌕𑍍𑌷॒𑌸𑌤𑍍 - 𑌪𑍍𑌰 𑌸𑍋 𑌅॑𑌗𑍍𑌨॒ - 𑌏𑌕𑌾॑𑌦𑌶 )

(𑌯𑍋 𑌵𑍈 - 𑌸𑍍𑌫𑍍𑌯-𑌸𑍍𑌸𑍍𑌵॒𑌸𑍍𑌤𑌿𑌃 - 𑌸𑍍𑌵॒𑌧𑌾𑌯𑍈॒ 𑌨𑌮𑌃॒ - 𑌪𑍍𑌰𑌮𑍁॑𑌞𑍍𑌚॒ - 𑌤𑌿𑌷𑍍𑌠॑𑌤𑍀𑌵॒ - 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌤𑍍 )

(𑌯𑍋 𑌵𑍈 𑌪𑌵॑𑌮𑌾𑌨𑌾𑌨𑌾॒𑌮𑍍, 𑌵𑌿𑌕𑍍𑌰॑𑌮𑌸𑍍𑌵)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥