ধ্য়ানম্
নমস্সবিত্রে জগদেক চক্ষুসে
জগত্প্রসূতি স্থিতি নাশহেতবে
ত্রয়ীময়ায় ত্রিগুণাত্ম ধারিণে
বিরিংচি নারাযণ শংকরাত্মনে

ততো যুদ্ধ পরিশ্রাংতং সমরে চিংতয়াস্থিতম্ ।
রাবণং চাগ্রতো দৃষ্ট্বা যুদ্ধায় সমুপস্থিতম্ ॥ 1 ॥

দৈবতৈশ্চ সমাগম্য় দ্রষ্টুমভ্য়াগতো রণম্ ।
উপাগম্য়াব্রবীদ্রামং অগস্ত্য়ো ভগবান্ ঋষিঃ ॥ 2 ॥

রাম রাম মহাবাহো শৃণু গুহ্য়ং সনাতনম্ ।
যেন সর্বানরীন্ বত্স সমরে বিজয়িষ্যসি ॥ 3 ॥

আদিত্যহৃদয়ং পুণ্য়ং সর্বশত্রু-বিনাশনম্ ।
জয়াবহং জপেন্নিত্য়ং অক্ষয়্য়ং পরমং শিবম্ ॥ 4 ॥

সর্বমংগল-মাংগল্য়ং সর্বপাপ-প্রণাশনম্ ।
চিংতাশোক-প্রশমনং আয়ুর্বর্ধনমুত্তমম্ ॥ 5 ॥

রশ্মিমংতং সমুদ্য়ংতং দেবাসুর নমস্কৃতম্ ।
পূজযস্ব বিবস্বংতং ভাস্করং ভুবনেশ্বরম্ ॥ 6 ॥

সর্বদেবাত্মকো হ্য়েষ তেজস্বী রশ্মিভাবনঃ ।
এষ দেবাসুর-গণান্ লোকান্ পাতি গভস্তিভিঃ ॥ 7 ॥

এষ ব্রহ্মা চ বিষ্ণুশ্চ শিবঃ স্কংদঃ প্রজাপতিঃ ।
মহেংদ্রো ধনদঃ কালো যমঃ সোমো হ্যপাং পতিঃ ॥ 8 ॥

পিতরো বসবঃ সাধ্য়া হ্যশ্বিনৌ মরুতো মনুঃ ।
বায়ুর্বহ্নিঃ প্রজাপ্রাণঃ ঋতুকর্তা প্রভাকরঃ ॥ 9 ॥

আদিত্য়ঃ সবিতা সূর্য়ঃ খগঃ পূষা গভস্তিমান্ ।
সুবর্ণসদৃশো ভানুঃ হিরণ্যরেতা দিবাকরঃ ॥ 10 ॥ [স্বরণরেতা দিবাকরঃ]

হরিদশ্বঃ সহস্রার্চিঃ সপ্তসপ্তি-র্মরীচিমান্ ।
তিমিরোন্মথনঃ শংভুঃ ত্বষ্টা মার্তাংডকোংঽশুমান্ ॥ 11 ॥

হিরণ্যগর্ভঃ শিশিরঃ তপনো ভাস্করো রবিঃ ।
অগ্নিগর্ভোঽদিতেঃ পুত্রঃ শংখঃ শিশিরনাশনঃ ॥ 12 ॥

ব্য়োমনাথ-স্তমোভেদী ঋগ্যজুঃসাম-পারগঃ ।
ঘনাবৃষ্টিরপাং মিত্রঃ বিংধ্যবীথী প্লবংগমঃ ॥ 13 ॥

আতপী মংডলী মৃত্য়ুঃ পিংগলঃ সর্বতাপনঃ ।
কবির্বিশ্বো মহাতেজা রক্তঃ সর্বভবোদ্ভবঃ ॥ 14 ॥

নক্ষত্র গ্রহ তারাণাং অধিপো বিশ্বভাবনঃ ।
তেজসামপি তেজস্বী দ্বাদশাত্ম-ন্নমোঽস্তু তে ॥ 15 ॥

নমঃ পূর্বায় গিরয়ে পশ্চিমায়াদ্রয়ে নমঃ ।
জ্য়োতির্গণানাং পতয়ে দিনাধিপতয়ে নমঃ ॥ 16 ॥

জয়ায় জযভদ্রায় হর্যশ্বায় নমো নমঃ ।
নমো নমঃ সহস্রাংশো আদিত্য়ায় নমো নমঃ ॥ 17 ॥

নম উগ্রায় বীরায় সারংগায় নমো নমঃ ।
নমঃ পদ্মপ্রবোধায় মার্তাংডায় নমো নমঃ ॥ 18 ॥

ব্রহ্মেশানাচ্য়ুতেশায় সূর্য়ায়াদিত্য়-বর্চসে ।
ভাস্বতে সর্বভক্ষায় রৌদ্রায় বপুষে নমঃ ॥ 19 ॥

তমোঘ্নায় হিমঘ্নায় শত্রুঘ্নায়া মিতাত্মনে ।
কৃতঘ্নঘ্নায় দেবায় জ্য়োতিষাং পতয়ে নমঃ ॥ 20 ॥

তপ্ত চামীকরাভায় বহ্নয়ে বিশ্বকর্মণে ।
নমস্তমোঽভি নিঘ্নায় রবয়ে লোকসাক্ষিণে ॥ 21 ॥

নাশযত্য়েষ বৈ ভূতং তদেব সৃজতি প্রভুঃ ।
পাযত্য়েষ তপত্য়েষ বর্ষত্য়েষ গভস্তিভিঃ ॥ 22 ॥

এষ সুপ্তেষু জাগর্তি ভূতেষু পরিনিষ্ঠিতঃ ।
এষ এবাগ্নিহোত্রং চ ফলং চৈবাগ্নি হোত্রিণাম্ ॥ 23 ॥

বেদাশ্চ ক্রতবশ্চৈব ক্রতূনাং ফলমেব চ ।
যানি কৃত্য়ানি লোকেষু সর্ব এষ রবিঃ প্রভুঃ ॥ 24 ॥

ফলশ্রুতিঃ

এন মাপত্সু কৃচ্ছ্রেষু কাংতারেষু ভয়েষু চ ।
কীর্তযন্ পুরুষঃ কশ্চিন্নাবশীদতি রাঘব ॥ 25 ॥

পূজযস্বৈন মেকাগ্রঃ দেবদেবং জগত্পতিম্ ।
এতত্ ত্রিগুণিতং জপ্ত্বা যুদ্ধেষু বিজয়িষ্যসি ॥ 26 ॥

অস্মিন্ ক্ষণে মহাবাহো রাবণং ত্বং বধিষ্যসি ।
এবমুক্ত্বা তদাগস্ত্য়ো জগাম চ যথাগতম্ ॥ 27 ॥

এতচ্ছ্রুত্বা মহাতেজাঃ নষ্টশোকোঽভবত্তদা ।
ধারয়ামাস সুপ্রীতঃ রাঘবঃ প্রযতাত্মবান্ ॥ 28 ॥

আদিত্য়ং প্রেক্ষ্য় জপ্ত্বা তু পরং হর্ষমবাপ্তবান্ ।
ত্রিরাচম্য় শুচির্ভূত্বা ধনুরাদায় বীর্যবান্ ॥ 29 ॥

রাবণং প্রেক্ষ্য় হৃষ্টাত্মা যুদ্ধায় সমুপাগমত্ ।
সর্বযত্নেন মহতা বধে তস্য় ধৃতোঽভবত্ ॥ 30 ॥

অধ রবিরবদন্নিরীক্ষ্য় রামং মুদিতমনাঃ পরমং প্রহৃষ্যমাণঃ ।
নিশিচরপতি সংক্ষয়ং বিদিত্বা সুরগণ মধ্যগতো বচস্ত্বরেতি ॥ 31 ॥

ইত্য়ার্ষে শ্রীমদ্রামাযণে বাল্মিকীয়ে আদিকাব্য়ে যুদ্ধকাংডে পংচাধিক শততমঃ সর্গঃ ॥