শ্রী মার্তাংড স্তোত্রম্

Collection of Spiritual and Devotional Literature in Various Indian Languages

View this in:

গাঢাংধকারহরণায জগদ্ধিতায
জ্যোতির্মযায পরমেশ্বরলোচনায ।
মংদেহদৈত্যভুজগর্ববিভংজনায
সূর্যায তীব্রকিরণায নমো নমস্তে ॥ 1 ॥

ছাযাপ্রিযায মণিকুংডলমংডিতায
সুরোত্তমায সরসীরুহবাংধবায ।
সৌবর্ণরত্নমকুটায বিকর্তনায
সূর্যায তীব্রকিরণায নমো নমস্তে ॥ 2 ॥

সংজ্ঞাবধূহৃদযপংকজষট্পদায
গৌরীশপংকজভবাচ্যুতবিগ্রহায ।
লোকেক্ষণায তপনায দিবাকরায
সূর্যায তীব্রকিরণায নমো নমস্তে ॥ 3 ॥

সপ্তাশ্ববদ্ধশকটায গ্রহাধিপায
রক্তাংবরায শরণাগতবত্সলায ।
জাংবূনদাংবুজকরায দিনেশ্বরায
সূর্যায তীব্রকিরণায নমো নমস্তে ॥ 4 ॥

আম্নাযভারভরণায জলপ্রদায
তোযাপহায করুণামৃতসাগরায ।
নারাযণায বিবিধামরবংদিতায
সূর্যায তীব্রকিরণায নমো নমস্তে ॥ 5 ॥

ইতি শ্রী মার্তাংড স্তোত্রম্ ॥

Browse Related Categories: