Vishnu Shatpadi - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

విష్ణు షట్పది

అవినయమపనయ విష్ణో దమయ మనః శమయ విషయమృగతృష్ణామ్ ।
భూతదయాం విస్తారయ తారయ సంసారసాగరతః ॥ 1 ॥

దివ్యధునీమకరన్దే పరిమళపరిభోగసచ్చిదానన్దే ।
శ్రీపతిపదారవిన్దే భవభయఖేదచ్ఛిదే వన్దే ॥ 2 ॥

సత్యపి భేదాపగమే నాథ తవాఽహం న మామకీనస్త్వమ్ ।
సాముద్రో హి తరఙ్గః క్వచన సముద్రో న తారఙ్గః ॥ 3 ॥

ఉద్ధృతనగ నగభిదనుజ దనుజకులామిత్ర మిత్రశశిదృష్టే ।
దృష్టే భవతి ప్రభవతి న భవతి కిం భవతిరస్కారః ॥ 4 ॥

మత్స్యాదిభిరవతారైరవతారవతాఽవతా సదా వసుధామ్ ।
పరమేశ్వర పరిపాల్యో భవతా భవతాపభీతోఽహమ్ ॥ 5 ॥

దామోదర గుణమన్దిర సున్దరవదనారవిన్ద గోవిన్ద ।
భవజలధిమథనమన్దర పరమం దరమపనయ త్వం మే ॥ 6 ॥

నారాయణ కరుణామయ శరణం కరవాణి తావకౌ చరణౌ ।
ఇతి షట్పదీ మదీయే వదనసరోజే సదా వసతు ॥

ఇతి శ్రీమచ్చఙ్కరాచార్య విరచితం శ్రీ విష్ణు షట్పదీ స్తోత్రం సమ్పూర్ణమ్

Browse Related Categories: