Vishnu Shatpadi - Shuddha Kannada

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ವಿಷ್ಣು ಷಟ್ಪದಿ

ಅವಿನಯಮಪನಯ ವಿಷ್ಣೋ ದಮಯ ಮನಃ ಶಮಯ ವಿಷಯಮೃಗತೃಷ್ಣಾಮ್ ।
ಭೂತದಯಾಂ ವಿಸ್ತಾರಯ ತಾರಯ ಸಂಸಾರಸಾಗರತಃ ॥ 1 ॥

ದಿವ್ಯಧುನೀಮಕರನ್ದೇ ಪರಿಮಳಪರಿಭೋಗಸಚ್ಚಿದಾನನ್ದೇ ।
ಶ್ರೀಪತಿಪದಾರವಿನ್ದೇ ಭವಭಯಖೇದಚ್ಛಿದೇ ವನ್ದೇ ॥ 2 ॥

ಸತ್ಯಪಿ ಭೇದಾಪಗಮೇ ನಾಥ ತವಾಽಹಂ ನ ಮಾಮಕೀನಸ್ತ್ವಮ್ ।
ಸಾಮುದ್ರೋ ಹಿ ತರಙ್ಗಃ ಕ್ವಚನ ಸಮುದ್ರೋ ನ ತಾರಙ್ಗಃ ॥ 3 ॥

ಉದ್ಧೃತನಗ ನಗಭಿದನುಜ ದನುಜಕುಲಾಮಿತ್ರ ಮಿತ್ರಶಶಿದೃಷ್ಟೇ ।
ದೃಷ್ಟೇ ಭವತಿ ಪ್ರಭವತಿ ನ ಭವತಿ ಕಿಂ ಭವತಿರಸ್ಕಾರಃ ॥ 4 ॥

ಮತ್ಸ್ಯಾದಿಭಿರವತಾರೈರವತಾರವತಾಽವತಾ ಸದಾ ವಸುಧಾಮ್ ।
ಪರಮೇಶ್ವರ ಪರಿಪಾಲ್ಯೋ ಭವತಾ ಭವತಾಪಭೀತೋಽಹಮ್ ॥ 5 ॥

ದಾಮೋದರ ಗುಣಮನ್ದಿರ ಸುನ್ದರವದನಾರವಿನ್ದ ಗೋವಿನ್ದ ।
ಭವಜಲಧಿಮಥನಮನ್ದರ ಪರಮಂ ದರಮಪನಯ ತ್ವಂ ಮೇ ॥ 6 ॥

ನಾರಾಯಣ ಕರುಣಾಮಯ ಶರಣಂ ಕರವಾಣಿ ತಾವಕೌ ಚರಣೌ ।
ಇತಿ ಷಟ್ಪದೀ ಮದೀಯೇ ವದನಸರೋಜೇ ಸದಾ ವಸತು ॥

ಇತಿ ಶ್ರೀಮಚ್ಚಙ್ಕರಾಚಾರ್ಯ ವಿರಚಿತಂ ಶ್ರೀ ವಿಷ್ಣು ಷಟ್ಪದೀ ಸ್ತೋತ್ರಂ ಸಮ್ಪೂರ್ಣಮ್

Browse Related Categories: