View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

ସୁବ୍ରହ୍ମଣ୍ୟ ଅଷ୍ଟକଂ କରାଵଲଂବ ସ୍ତୋତ୍ରମ୍

ହେ ସ୍ଵାମିନାଥ କରୁଣାକର ଦୀନବଂଧୋ,
ଶ୍ରୀପାର୍ଵତୀଶମୁଖପଂକଜ ପଦ୍ମବଂଧୋ ।
ଶ୍ରୀଶାଦିଦେଵଗଣପୂଜିତପାଦପଦ୍ମ,
ଵଲ୍ଲୀସନାଥ ମମ ଦେହି କରାଵଲଂବମ୍ ॥ 1 ॥

ଦେଵାଦିଦେଵନୁତ ଦେଵଗଣାଧିନାଥ,
ଦେଵେଂଦ୍ରଵଂଦ୍ୟ ମୃଦୁପଂକଜମଂଜୁପାଦ ।
ଦେଵର୍ଷିନାରଦମୁନୀଂଦ୍ରସୁଗୀତକୀର୍ତେ,
ଵଲ୍ଲୀସନାଥ ମମ ଦେହି କରାଵଲଂବମ୍ ॥ 2 ॥

ନିତ୍ୟାନ୍ନଦାନ ନିରତାଖିଲ ରୋଗହାରିନ୍,
ତସ୍ମାତ୍ପ୍ରଦାନ ପରିପୂରିତଭକ୍ତକାମ ।
ଶୃତ୍ୟାଗମପ୍ରଣଵଵାଚ୍ୟନିଜସ୍ଵରୂପ,
ଵଲ୍ଲୀସନାଥ ମମ ଦେହି କରାଵଲଂବମ୍ ॥ 3 ॥

କ୍ରୌଂଚାସୁରେଂଦ୍ର ପରିଖଂଡନ ଶକ୍ତିଶୂଲ,
ପାଶାଦିଶସ୍ତ୍ରପରିମଂଡିତଦିଵ୍ୟପାଣେ ।
ଶ୍ରୀକୁଂଡଲୀଶ ଧୃତତୁଂଡ ଶିଖୀଂଦ୍ରଵାହ,
ଵଲ୍ଲୀସନାଥ ମମ ଦେହି କରାଵଲଂବମ୍ ॥ 4 ॥

ଦେଵାଦିଦେଵ ରଥମଂଡଲ ମଧ୍ୟ ଵେଦ୍ୟ,
ଦେଵେଂଦ୍ର ପୀଠନଗରଂ ଦୃଢଚାପହସ୍ତମ୍ ।
ଶୂରଂ ନିହତ୍ୟ ସୁରକୋଟିଭିରୀଡ୍ୟମାନ,
ଵଲ୍ଲୀସନାଥ ମମ ଦେହି କରାଵଲଂବମ୍ ॥ 5 ॥

ହାରାଦିରତ୍ନମଣିୟୁକ୍ତକିରୀଟହାର,
କେୟୂରକୁଂଡଲଲସତ୍କଵଚାଭିରାମ ।
ହେ ଵୀର ତାରକ ଜୟାଽମରବୃଂଦଵଂଦ୍ୟ,
ଵଲ୍ଲୀସନାଥ ମମ ଦେହି କରାଵଲଂବମ୍ ॥ 6 ॥

ପଂଚାକ୍ଷରାଦିମନୁମଂତ୍ରିତ ଗାଂଗତୋୟୈଃ,
ପଂଚାମୃତୈଃ ପ୍ରମୁଦିତେଂଦ୍ରମୁଖୈର୍ମୁନୀଂଦ୍ରୈଃ ।
ପଟ୍ଟାଭିଷିକ୍ତ ହରିୟୁକ୍ତ ପରାସନାଥ,
ଵଲ୍ଲୀସନାଥ ମମ ଦେହି କରାଵଲଂବମ୍ ॥ 7 ॥

ଶ୍ରୀକାର୍ତିକେୟ କରୁଣାମୃତପୂର୍ଣଦୃଷ୍ଟ୍ୟା,
କାମାଦିରୋଗକଲୁଷୀକୃତଦୁଷ୍ଟଚିତ୍ତମ୍ ।
ଭକ୍ତ୍ଵା ତୁ ମାମଵକଳାଧର କାଂତିକାଂତ୍ୟା,
ଵଲ୍ଲୀସନାଥ ମମ ଦେହି କରାଵଲଂବମ୍ ॥ 8 ॥

ସୁବ୍ରହ୍ମଣ୍ୟ କରାଵଲଂବଂ ପୁଣ୍ୟଂ ୟେ ପଠଂତି ଦ୍ଵିଜୋତ୍ତମାଃ ।
ତେ ସର୍ଵେ ମୁକ୍ତି ମାୟାଂତି ସୁବ୍ରହ୍ମଣ୍ୟ ପ୍ରସାଦତଃ ।
ସୁବ୍ରହ୍ମଣ୍ୟ କରାଵଲଂବମିଦଂ ପ୍ରାତରୁତ୍ଥାୟ ୟଃ ପଠେତ୍ ।
କୋଟିଜନ୍ମକୃତଂ ପାପଂ ତତ୍​କ୍ଷଣାଦେଵ ନଶ୍ୟତି ॥




Browse Related Categories: