atha navamO.adhyaayaH ।
shreebhagavaanuvaacha ।
idaM tu tE guhyatamaM pravakshhyaamyanasooyavE ।
jjhNaanaM vijjhNaanasahitaM yajjjhNaatvaa mOkshhyasE.ashubhaat ॥ 1 ॥
raajavidyaa raajaguhyaM pavitramidamuttamam ।
pratyakshhaavagamaM dharmyaM susukhaM kartumavyayam ॥ 2 ॥
ashraddadhaanaaH purushhaa dharmasyaasya paraMtapa ।
apraapya maaM nivartantE mRRityusaMsaaravartmani ॥ 3 ॥
mayaa tatamidaM sarvaM jagadavyaktamoortinaa ।
matsthaani sarvabhootaani na chaahaM tEshhvavasthitaH ॥ 4 ॥
na cha matsthaani bhootaani pashya mE yOgamaishvaram ।
bhootabhRRinna cha bhootasthO mamaatmaa bhootabhaavanaH ॥ 5 ॥
yathaakaashasthitO nityaM vaayuH sarvatragO mahaan ।
tathaa sarvaaNi bhootaani matsthaaneetyupadhaaraya ॥ 6 ॥
sarvabhootaani kauntEya prakRRitiM yaanti maamikaam ।
kalpakshhayE punastaani kalpaadau visRRijaamyaham ॥ 7 ॥
prakRRitiM svaamavashhTabhya visRRijaami punaH punaH ।
bhootagraamamimaM kRRitsnamavashaM prakRRitErvashaat ॥ 8 ॥
na cha maaM taani karmaaNi nibadhnanti dhanaMjaya ।
udaaseenavadaaseenamasaktaM tEshhu karmasu ॥ 9 ॥
mayaadhyakshhENa prakRRitiH sooyatE sacharaacharam ।
hEtunaanEna kauntEya jagadviparivartatE ॥ 10 ॥
avajaananti maaM mooDhaa maanushheeM tanumaashritam ।
paraM bhaavamajaanantO mama bhootamahEshvaram ॥ 11 ॥
mOghaashaa mOghakarmaaNO mOghajjhNaanaa vichEtasaH ।
raakshhaseemaasureeM chaiva prakRRitiM mOhineeM shritaaH ॥ 12 ॥
mahaatmaanastu maaM paartha daiveeM prakRRitimaashritaaH ।
bhajantyananyamanasO jjhNaatvaa bhootaadimavyayam ॥ 13 ॥
satataM keertayantO maaM yatantashcha dRRiDhavrataaH ।
namasyantashcha maaM bhaktyaa nityayuktaa upaasatE ॥ 14 ॥
jjhNaanayajjhNEna chaapyanyE yajantO maamupaasatE ।
EkatvEna pRRithaktvEna bahudhaa vishvatOmukham ॥ 15 ॥
ahaM kraturahaM yajjhNaH svadhaahamahamaushhadham ।
mantrO.ahamahamEvaajyamahamagnirahaM hutam ॥ 16 ॥
pitaahamasya jagatO maataa dhaataa pitaamahaH ।
vEdyaM pavitramOMkaara RRiksaama yajurEva cha ॥ 17 ॥
gatirbhartaa prabhuH saakshhee nivaasaH sharaNaM suhRRit ।
prabhavaH pralayaH sthaanaM nidhaanaM beejamavyayam ॥ 18 ॥
tapaamyahamahaM varshhaM nigRRihNaamyutsRRijaami cha ।
amRRitaM chaiva mRRityushcha sadasachchaahamarjuna ॥ 19 ॥
traividyaa maaM sOmapaaH pootapaapaa yajjhNairishhTvaa svargatiM praarthayantE।
tE puNyamaasaadya surEndralOkamashnanti divyaandivi dEvabhOgaan ॥ 20 ॥
tE taM bhuktvaa svargalOkaM vishaalaM kshheeNE puNyE martyalOkaM vishanti।
EvaM trayeedharmamanuprapannaa gataagataM kaamakaamaa labhantE ॥ 21 ॥
ananyaashchintayantO maaM yE janaaH paryupaasatE ।
EshhaaM nityaabhiyuktaanaaM yOgakshhEmaM vahaamyaham ॥ 22॥
yE.apyanyadEvataa bhaktaa yajantE shraddhayaanvitaaH ।
tE.api maamEva kauntEya yajantyavidhipoorvakam ॥ 23 ॥
ahaM hi sarvayajjhNaanaaM bhOktaa cha prabhurEva cha ।
na tu maamabhijaananti tattvEnaatashchyavanti tE ॥ 24 ॥
yaanti dEvavrataa dEvaanpitRReenyaanti pitRRivrataaH ।
bhootaani yaanti bhootEjyaa yaanti madyaajinO.api maam ॥ 25 ॥
patraM pushhpaM phalaM tOyaM yO mE bhaktyaa prayachChati ।
tadahaM bhaktyupahRRitamashnaami prayataatmanaH ॥ 26 ॥
yatkarOshhi yadashnaasi yajjuhOshhi dadaasi yat ।
yattapasyasi kauntEya tatkurushhva madarpaNam ॥ 27 ॥
shubhaashubhaphalairEvaM mOkshhyasE karmabandhanaiH ।
saMnyaasayOgayuktaatmaa vimuktO maamupaishhyasi ॥ 28 ॥
samO.ahaM sarvabhootEshhu na mE dvEshhyO.asti na priyaH ।
yE bhajanti tu maaM bhaktyaa mayi tE tEshhu chaapyaham ॥ 29 ॥
api chEtsuduraachaarO bhajatE maamananyabhaak ।
saadhurEva sa mantavyaH samyagvyavasitO hi saH ॥ 30 ॥
kshhipraM bhavati dharmaatmaa shashvachChaantiM nigachChati ।
kauntEya pratijaaneehi na mE bhaktaH praNashyati ॥ 31 ॥
maaM hi paartha vyapaashritya yE.api syuH paapayOnayaH ।
striyO vaishyaastathaa shoodraastE.api yaanti paraaM gatim ॥ 32 ॥
kiM punarbraahmaNaaH puNyaa bhaktaa raajarshhayastathaa ।
anityamasukhaM lOkamimaM praapya bhajasva maam ॥ 33 ॥
manmanaa bhava madbhaktO madyaajee maaM namaskuru ।
maamEvaishhyasi yuktvaivamaatmaanaM matparaayaNaH ॥ 34 ॥
OM tatsaditi shreemadbhagavadgeetaasoopanishhatsu brahmavidyaayaaM yOgashaastrE shreekRRishhNaarjunasaMvaadE
raajavidyaaraajaguhyayOgO naama navamO.adhyaayaH ॥9 ॥
Browse Related Categories:
