atha ashhTamO.adhyaayaH ।
arjuna uvaacha ।
kiM tadbrahma kimadhyaatmaM kiM karma purushhOttama ।
adhibhootaM cha kiM prOktamadhidaivaM kimuchyatE ॥ 1 ॥
adhiyajjhNaH kathaM kO.atra dEhE.asminmadhusoodana ।
prayaaNakaalE cha kathaM jjhNEyO.asi niyataatmabhiH ॥ 2 ॥
shreebhagavaanuvaacha ।
akshharaM brahma paramaM svabhaavO.adhyaatmamuchyatE ।
bhootabhaavOdbhavakarO visargaH karmasaMjjhNitaH ॥ 3 ॥
adhibhootaM kshharO bhaavaH purushhashchaadhidaivatam ।
adhiyajjhNO.ahamEvaatra dEhE dEhabhRRitaaM vara ॥ 4 ॥
antakaalE cha maamEva smaranmuktvaa kalEvaram ।
yaH prayaati sa madbhaavaM yaati naastyatra saMshayaH ॥ 5 ॥
yaM yaM vaapi smaranbhaavaM tyajatyantE kalEvaram ।
taM tamEvaiti kauntEya sadaa tadbhaavabhaavitaH ॥ 6 ॥
tasmaatsarvEshhu kaalEshhu maamanusmara yudhya cha ।
mayyarpitamanObuddhirmaamEvaishhyasyasaMshayam ॥ 7 ॥
abhyaasayOgayuktEna chEtasaa naanyagaaminaa ।
paramaM purushhaM divyaM yaati paarthaanuchintayan ॥ 8 ॥
kaviM puraaNamanushaasitaaramaNOraNeeyaMsamanusmarEdyaH।
sarvasya dhaataaramachintyaroopamaadityavarNaM tamasaH parastaat ॥ 9 ॥
prayaaNakaalE manasaachalEna bhaktyaa yuktO yOgabalEna chaiva।
bhruvOrmadhyE praaNamaavEshya samyaksa taM paraM purushhamupaiti divyam ॥ 10 ॥
yadakshharaM vEdavidO vadanti vishanti yadyatayO veetaraagaaH।
yadichChantO brahmacharyaM charanti tattE padaM saMgrahENa pravakshhyE ॥ 11 ॥
sarvadvaaraaNi saMyamya manO hRRidi nirudhya cha ।
moordhnyaadhaayaatmanaH praaNamaasthitO yOgadhaaraNaam ॥ 12 ॥
OmityEkaakshharaM brahma vyaaharanmaamanusmaran ।
yaH prayaati tyajandEhaM sa yaati paramaaM gatim ॥ 13 ॥
ananyachEtaaH satataM yO maaM smarati nityashaH ।
tasyaahaM sulabhaH paartha nityayuktasya yOginaH ॥ 14 ॥
maamupEtya punarjanma duHkhaalayamashaashvatam ।
naapnuvanti mahaatmaanaH saMsiddhiM paramaaM gataaH ॥ 15 ॥
aabrahmabhuvanaallOkaaH punaraavartinO.arjuna ।
maamupEtya tu kauntEya punarjanma na vidyatE ॥ 16 ॥
sahasrayugaparyantamaharyadbrahmaNO viduH ।
raatriM yugasahasraantaaM tE.ahOraatravidO janaaH ॥ 17 ॥
avyaktaadvyaktayaH sarvaaH prabhavantyaharaagamE ।
raatryaagamE praleeyantE tatraivaavyaktasaMjjhNakE ॥ 18 ॥
bhootagraamaH sa EvaayaM bhootvaa bhootvaa praleeyatE ।
raatryaagamE.avashaH paartha prabhavatyaharaagamE ॥ 19 ॥
parastasmaattu bhaavO.anyO.avyaktO.avyaktaatsanaatanaH ।
yaH sa sarvEshhu bhootEshhu nashyatsu na vinashyati ॥ 20 ॥
avyaktO.akshhara ityuktastamaahuH paramaaM gatim ।
yaM praapya na nivartantE taddhaama paramaM mama ॥ 21 ॥
purushhaH sa paraH paartha bhaktyaa labhyastvananyayaa ।
yasyaantaHsthaani bhootaani yEna sarvamidaM tatam ॥ 22 ॥
yatra kaalE tvanaavRRittimaavRRittiM chaiva yOginaH ।
prayaataa yaanti taM kaalaM vakshhyaami bharatarshhabha ॥ 23 ॥
agnirjOtirahaH shuklaH shhaNmaasaa uttaraayaNam ।
tatra prayaataa gachChanti brahma brahmavidO janaaH ॥ 24 ॥
dhoomO raatristathaa kRRishhNaH shhaNmaasaa dakshhiNaayanam ।
tatra chaandramasaM jyOtiryOgee praapya nivartatE ॥ 25 ॥
shuklakRRishhNE gatee hyEtE jagataH shaashvatE matE ।
Ekayaa yaatyanaavRRittimanyayaavartatE punaH ॥ 26 ॥
naitE sRRitee paartha jaananyOgee muhyati kashchana ।
tasmaatsarvEshhu kaalEshhu yOgayuktO bhavaarjuna ॥ 27 ॥
vEdEshhu yajjhNEshhu tapaHsu chaiva daanEshhu yatpuNyaphalaM pradishhTam।
atyEti tatsarvamidaM viditvaayOgee paraM sthaanamupaiti chaadyam ॥ 28 ॥
OM tatsaditi shreemadbhagavadgeetaasoopanishhatsu brahmavidyaayaaM yOgashaastrE shreekRRishhNaarjunasaMvaadE
akshharabrahmayOgO naamaashhTamO.adhyaayaH ॥8 ॥
Browse Related Categories: